ஆட்டோமொபைல்

யமஹா நிறுவனம் விரைவில் சர்வதேச சந்தைகளுக்கான 2026 R7 மாடலை அறிமுகம் செய்ய இருக்கிறது. சுவிட்சர்லாந்தில் சமர்ப்பிக்கப்பட்ட ஹோமோலோகேஷன் ஆவணங்கள் மூலம் இந்த தகவல் வெளியாகி உள்ளது. இது புதுப்பிக்கப்பட்ட என்ஜினுடன் ஒரு புதிய மாடல் இருப்பதைக் குறிப்பிடுகிறது.

சர்வதேச சந்தையில் யமஹா R7 மாடல் 2022ஆம் ஆண்டு அறிமுகமானது. இந்த பைக் கொண்டிருந்த அம்சங்கள், ஸ்டைலிங் மற்றும் பலவித காரணங்களுக்காக இது உடனடியாக பிரபலமடைந்தது. இருப்பினும், அதன் பின்னர் இந்த பைக் எந்த அப்டேட்டையும் பெறவில்லை.

இதே பைக்குடன் அறிமுகமான நேக்கட் பைக்கான MT-07, இந்த ஆண்டின் தொடக்கத்தில் ஒரு பெரிய அப்டேட்டை பெற்றது. இப்போது, MT போன்ற அதே மாற்றங்களுடன் தான் R7 அறிமுகம் செய்யப்பட உள்ளது.

புதிய R7 சமீபத்திய யூரோ 5 பிளஸ் எமிஷன் விதிமுறைகளுக்கு ஏற்றதாக இருக்கும். மேலும் புதிய MT-07 மாடலை போலவே, ஸ்போர்ட் பைக்கிலும் தேர்ந்தெடுக்கக்கூடிய ரைட் மோட்கள் மற்றும் மாறக்கூடிய டிராக்ஷன் கண்ட்ரோல் கொண்ட எலெக்ட்ரிக் த்ராட்டில் வழங்கப்படலாம். செயல்திறனைப் பொறுத்தவரை, 73bhp பவர், 67Nm டார்க் வெளிப்படுத்தும் என்று எதிர்பார்க்கலாம்.

2026 யமஹா R7 அடுத்த வாரம் நடைபெறும் EICMA நிகழ்வில் வெளியிடப்பட உள்ளது. அதன் இந்திய வெளியீட்டைப் பொறுத்தவரை, யமஹா தனது பெரிய பைக்குகளை நீண்ட காலமாக நம் நாட்டுக்குக் கொண்டுவருவது குறித்து பரிசீலித்து வருகிறது, ஆனால் அதற்கு மேல் எந்த மேம்பாடும் இல்லை.

சுசுகி நிறுவனத்தின் Fronx மாடல் பாதுகாப்பு சோதனையில் அசத்தியுள்ளது. தென்கிழக்கு ஆசிய நாடுகளுக்கான புதிய கார் மதிப்பீட்டுத் திட்டத்தால் (ASEAN NCAP) சுசுகி Fronx மாடல் 5 நட்சத்திர மதிப்பீட்டைப் பெற்றுள்ளது. இந்தியாவில் இருந்து தென்கிழக்கு ஆசிய சந்தைகளுக்காக தயாரிக்கப்பட்டு ஏற்றுமதி செய்யப்படும் Fronx, ஒட்டுமொத்தமாக 77.70 புள்ளிகளைப் பெற்றது.

மேலும் சந்தையைப் பொறுத்து, இந்த மாடல் மேம்பட்ட ஓட்டுநர் உதவி அமைப்புகளின் (ADAS) ஆப்ஷனையும் பெறுகிறது. இது இந்தியாவில் விற்பனை செய்யப்படும் Fronx மாடலில் தற்போது வரை வழங்கப்படவில்லை என்பது குறிப்பிடத்தக்கது. வழக்கமாக முதிய பயணிகளுக்கான பாதுகாப்பில், Fronx 32 புள்ளிகளுக்கு 29.37 புள்ளிகளைப் பெற்றது.

குழந்தை பயணிகளுக்கான பாதுகாப்பிற்கு (COP), Fronx 51 புள்ளிகளுக்கு 38.94 புள்ளிகளைப் பெற்றது. இதற்காக இந்த கார் 18 மாத (பின்புறம் எதிர்கொள்ளும்) மற்றும் மூன்று வயது (முன்னோக்கி எதிர்கொள்ளும்) டம்மிகளுடன் வாகனம் சோதிக்கப்பட்டது.

மோட்டார்சைக்கிள் ஓட்டுநரின் பாதுகாப்பை பொருத்தவரை, பிளைண்ட் ஸ்பாட் டிடெக்ஷன், ஹெட்லைட் செயல்திறன் மற்றும் ரைடர் விசிபிலிட்டி ஆகியவற்றை உள்ளடக்கிய Fronx 16 புள்ளிகளுக்கு 8.00 புள்ளிகளைப் பெற்றது. சோதிக்கப்பட்ட மாறுபாடு 6-ஸ்பீடு ஆட்டோமேட்டிக் டிரான்ஸ்மிஷனுடன் கூடிய 1.5 லிட்டர் பெட்ரோல் மாடல் ஆகும். இது இந்தோனேசியா, கம்போடியா, லாவோஸ், மலேசியா, பிலிப்பைன்ஸ், தாய்லாந்து மற்றும் வியட்நாம் போன்ற சந்தைகளுக்காக தயாரிக்கப்பட்டது.

பாதுகாப்பு உதவி பிரிவில், Fronx 21 புள்ளிகளில் 16.50 புள்ளிகளைப் பெற்றது. அனைத்து வகைகளிலும் ஆறு ஏர்பேக்குகள், எலக்ட்ரானிக் ஸ்டெபிலிட்டி கண்ட்ரோல் (ESC), ஆன்டி-லாக் பிரேக்கிங் சிஸ்டம் (ABS), முன் மற்றும் பின் பயணிகளுக்கான சீட் பெல்ட் நினைவூட்டல்கள், குழந்தை இருக்கைகளுக்கான ISOFIX மவுண்ட்கள் மற்றும் பாதசாரி-பாதுகாப்பு அம்சங்கள் உள்ளன.

ஆட்டோனமஸ் எமர்ஜென்சி பிரேக்கிங் (AEB), லேன் டிபார்ச்சர் வார்னிங் (LDW), லேன் கீப் அசிஸ்ட் (LKA), ஃபார்வர்டு கொலிஷன் வார்னிங் (FCW), பிளைண்ட் ஸ்பாட் டிடெக்ஷன் (BSD) மற்றும் ஆட்டோ ஹை பீம் (AHB) போன்ற ADAS அம்சங்கள் சந்தையைப் பொறுத்து தரநிலையாகவோ அல்லது விருப்பமாகவோ வழங்கப்படுகின்றன.

டுகாட்டி இந்தியா நிறுவனம் புதிய 2025 மல்டிஸ்ட்ராடா V2 சீரிசை புதிய V2 என்ஜின் மற்றும் கூடுதல் அம்சங்களுடன் வெளியிட்டுள்ளது. புதிய மல்டிஸ்ட்ராடா மாடல் விலை ரூ. 18.88 லட்சத்தில் (எக்ஸ்-ஷோரூம்) இருந்து நிர்ணயிக்கப்பட்டுள்ளது. புதிய மிடில்வெயிட் அட்வென்ச்சர் மாடல், டுகாட்டியை வரையறுக்கும் ஸ்போர்ட்டி அம்சங்களில் சமரசம் செய்யாமல் ஆல்-ரோடு திறனில் ஆர்வமுள்ள ரைடர்களுக்கு சவுகரியத்தை வழங்குகிறது.

இந்த மோட்டார்சைக்கிள் மல்டிஸ்ட்ராடா V2 டுகாட்டி ரெட் நிறத்தில் (விலை ரூ. 18.88 லட்சம்), மற்றும் அதிக அம்சங்கள் நிறைந்த மல்டிஸ்ட்ராடா V2 S டுகாட்டி ரெட் மற்றும் ஸ்டார்ம் கிரீன் நிறத்தில் (விலை ரூ. 20.99 லட்சம் மற்றும் ரூ. 21.29 லட்சம்) என இரண்டு மாடல்களில் கிடைக்கிறது. புதிய V2 மோட்டார் இந்தியாவின் E20 எரிபொருள் தரநிலைகளுக்கு இணங்கும் வகையில் உருவாக்கப்பட்டு இருக்கிறது.

இரு மாடல்களில் பேஸ் வேரியண்ட் 199 கிலோ எடையும், V2 S வெர்ஷன் 202 கிலோ எடையும் கொண்டது. இரண்டும் எரிபொருள் இல்லாமல் அளவிடப்படுகின்றன. இது முந்தைய மாடலை விட 18 கிலோ குறைப்பைக் குறிக்கிறது. ஃபிரேம், சப்-ஃபிரேம் மற்றும் ஸ்விங்-ஆர்ம் ஆகியவை அலுமினியம் மற்றும் ஸ்டீல் கலவையைப் பயன்படுத்தி சமநிலையை மேம்படுத்த

புதிய பைக்கில் 890cc V2 டுவின் சிலிண்டர் என்ஜின் உள்ளது. இந்த யூனிட் 10,750rpm இல் 114bhp பவர் மற்றும் 8,250rpm இல் 92Nm டார்க் வழங்குகிறது. 54.9 கிலோ எடையுள்ள இந்த புதிய என்ஜின் பைக்கை சுறுசுறுப்பாக் வைத்துக் கொள்ள பங்களிக்கிறது. இது V2 S இல் டுகாட்டி குயிக் ஷிப்ட் 2.0 உடன் 6-ஸ்பீடு கியர்பாக்ஸ் உடன் வழங்கப்பட்டுள்ளது.

கியா இந்தியா நிறுவனம், கேரன்ஸ் சீரிசில் CNG வேரியண்ட்டை அறிமுகம் செய்துள்ளது. இதன் விலை ரூ. 11.77 லட்சத்தில் (எக்ஸ்-ஷோரூம்) தொடங்குகிறது. டீலர் தரப்பில் ஃபிட்டிங் செய்து தரப்படும் கேரன்ஸ் CNG பிரீமியம் (O) வேரியண்டின் விலையை விட ரூ. 77,900 அதிகம் ஆகும். இதன் விலை ரூ. 10.99 லட்சம் என நிர்ணயிக்கப்பட்டுள்ளது.

அதிகாரப்பூர்வ தகவல்களின்படி, கேரன்ஸ் மாடலில் உள்ள CNG கிட் அரசு அனுமதி பெற்று லோவாடோ வழங்குகிறது. இது மூன்று ஆண்டுகள் அல்லது ஒரு லட்சம் கிலோமீட்டர் மூன்றாம் தரப்பு உத்தரவாதத்துடன் வருகிறது. இதன் தொழில்நுட்ப அம்சங்கள் வெளியிடப்படவில்லை என்றாலும், 1.5 லிட்டர் NA பெட்ரோல் என்ஜின் 113bhp பவர் மற்றும் 144Nm டார்க் வெளிப்படுத்தும் என்று தெரிகிறது. இத்துடன் 5 ஸ்பீடு மேனுவல் கியர்பாக்ஸ் வழங்கப்படுகிறது. இந்த கார் ஏழு இருக்கை அமைப்பிலும் கிடைக்கிறது.

அம்சங்களைப் பொறுத்தவரை, கியா கேரன்ஸ் CNG காரில் 8-இன்ச் டச் ஸ்கிரீன், ஆப்பிள் கார்பிளே மற்றும் ஆண்ட்ராய்டு ஆட்டோ கனெக்டிவிட்டி, வழிகாட்டுதல்களுடன் கூடிய ரிவர்ஸ் பார்க்கிங் கேமரா, 12.5-இன்ச் எல்சிடி இன்ஸ்ட்ரூமென்ட் கிளஸ்டர், ஆறு ஏர்பேக்குகள், 5 டைப்-சி சார்ஜிங் போர்ட்கள், வீல் கவர்களுடன் கூடிய 15-இன்ச் ஸ்டீல் வீல்கள் மற்றும் TPMS போன்ற அம்சங்கள் உள்ளன.

விப்ரோ நிறுவனம், இந்திய அறிவியல் நிறுவனம் மற்றும் ஆர்.வி பொறியியல் கல்லூரி ஆகியவை இணைந்து உருவாக்கிய ஓட்டுநர் இல்லாத கார் பெங்களூருவில் இயக்கப்பட்டது

ஆர்.வி. பொறியியல் கல்லூரிக்கு சென்ற ஆன்மீகத் தலைவர் உத்தராதி மடத்தைச் சேர்ந்த ஸ்ரீ சத்யத்மதீர்த்த சுவாமிஜி ஓட்டுநர் இல்லாத காரில் பயணம் செய்தார்.

ஓட்டுநர் இல்லாத கார் இன்னும் ஆரம்ப கட்டத்தில் தான் உள்ளது என்றும் அடுத்த சில மாதங்களில் இந்த கார் முறையாக அறிமுகம் செய்யப்படும் என்றும் எதிர்பார்க்கப்படுகிறது.

ஓட்டுநர் இல்லாமல் கார் இயக்கப்பட்ட வீடியோ இணையத்தில் வைரலானது. 

ஹூண்டாய் இந்தியா நிறுவனம் முற்றிலும் புதிய வென்யூ மாடலை அறிமுகப்படுத்தியுள்ளது. காஸ்மெடிக் மாற்றங்களைத் தவிர்த்து, புதிய வென்யூ பரிமாண ரீதியாக அளவில் பெரியதாக உருவாக்கப்பட்டு இருக்கிறது. ஏற்கனவே சந்தையில் விற்பனைக்கு கிடைக்கும் வென்யூ மாடலை விட புதிய வென்யூ 48 மிமீ உயரமும், 30 மிமீ அகலமும் கொண்டுள்ளது.

முற்றிலும் புதிய வென்யூ மாடலின் முன்பதிவுகள் ஏற்கனவே தொடங்கி நடைபெற்று வருகின்றன. புதிய வென்யூ மாடலை வாடிக்கையளர்கள் ரூ. 25,000 முன்பணம் செலுத்தி, அங்கீகரிக்கப்பட்ட ஹூண்டாய் டீலர்ஷிப் அல்லது அதிகாரப்பூர்வ வலைத்தளம் மூலமாகவும் முன்பதிவு செய்யலாம்.

மாற்றங்களை பொருத்தவரை புதிய வென்யூ வெளிப்புறத்தில் குவாட்-பீம் எல்இடி ஹெட்லைட்கள், இரட்டை ஹார்ன் டிஆர்எல்-கள், ஹாரிசன் எல்இடி டெயில் லைட்டுகள், டார்க் குரோம் ரேடியேட்டர் கிரில், பிரிட்ஜ்-டைப் ரூஃப் ரெயில்கள், சி-பில்லர் மற்றும் 'வென்யூ' லோகோ ஆகியவை உள்ளன. உட்புறத்தில், இரட்டை 12.3-இன்ச் கிளஸ்டர், பின்புற ஜன்னல் சன்ஷேடுகள், டூயல்-டோன் லெதர் இருக்கைகள், சரவுண்ட் லைட்கள், டி-கட் ஸ்டீயரிங், பின்புற ஏசி வென்ட்கள் உள்ளன.

புதிய வென்யூ அதே கப்பா 1.2 MPi பெட்ரோல், 1.0 TGDi பெட்ரோல் மற்றும் 1.5 U2 CRDi டீசல் மோட்டார்களுடன் கிடைக்கிறது. இவை 5 ஸ்பீடு மேனுவல், 6 ஸ்பீடு மேனுவல், 6 ஸ்பீடு ஆட்டோமேடிக் அல்லது டூயல் கிளட்ச் டிரான்ஸ்மிஷன் ஆப்ஷன்களுடன் கிடைக்கிறது.

இந்த யூனிட்கள் முறையே 118bhp பவர் / 172Nm டார்க் (1.0 TGDi), 82bhp பவர் /113Nm டார்க் (1.2 MPi), மற்றும் 114bhp பவர் / 250Nm டார்க் (1.5 U2 CRDi) வெளிப்படுத்தும் என்று தெரிகிறது.

டிவிஎஸ் மோட்டார் நிறுவனம் புதிய M1-S எலெக்ட்ரிக் மேக்சி-ஸ்கூட்டரை EICMA 2025 இல் காட்சிப்படுத்த தயாராகி வருகிறது. டிவிஎஸ் நிறுவனம் EICMA வர்த்தக கண்காட்சியில் ஆறு புதிய தயாரிப்புகளைக் காட்சிப்படுத்த உள்ளது. மேலும் M1-S இந்த அறிமுகத்தின் ஒரு பகுதியாகும்.

புதிய டிவிஎஸ் M1-S, சிங்கப்பூரை தளமாகக் கொண்ட மின்சார மொபிலிட்டி ஸ்டார்ட்அப் நிறுவனமான ION Mobility உடன் இணைந்து உருவாக்கப்பட்டுள்ளது. இதில்டிவிஎஸ் ஒரு முதலீட்டாளராக உள்ளது. முதலில் ION M1-S என்று அழைக்கப்பட்ட இந்த மின்சார மேக்சி ஸ்கூட்டர், டிவிஎஸ்-இன் தொழில்நுட்ப ஆதரவு மற்றும் தயாரிப்பு மேம்பாடு, செயல்பாடுகள் மற்றும் காப்புரிமை ஆகிய நிபுணத்துவத்தில் இருந்து பயனடைகிறது.

இந்த ஸ்கூட்டரில் 4.3kWh பேட்டரி பேக் வழங்கப்பட்டு இருக்கிறது. இத்துடன் வழங்கப்பட்டுள்ள மோட்டார் 16.76bhp பவர், 45Nm டார்க் உற்பத்தி செய்கிறது. M1-S வெறும் 3.7 வினாடிகளில் மணிக்கு 50 கிலோமீட்டர்கள் வேகத்தில் செல்லும். மேலும் இந்த ஸ்கூட்டர் மணிக்கு அதிகபட்சம் 105 கிலோமீட்டர் வேகத்தில் செல்லும். இது ஒரு முறை சார்ஜ் செய்தால் 150 கிலோமீட்டர்கள் ரேஞ்ச் வழங்கும்.

வடிவமைப்பைப் பொறுத்தவரை, டிவிஎஸ் M1-S ஒரு ஆக்ரோஷமான மற்றும் ஏரோடைனமிக் முன்பக்க அமைப்பைக் கொண்டுள்ளது. இதில் இரட்டை எல்இடி ஹெட்லேம்ப்கள் டிஆர்எல்-கள் மற்றும் டர்ன் இன்டிகேட்டர்களைக் கொண்டுள்ளது. இந்த ஸ்கூட்டரில் ஒற்றை இருக்கை மற்றும் ஒரு நேர்த்தியான பின்புற கிராப் ரெயில் ஆகியவை உள்ளன. இது ஒரு ஸ்போர்ட்டி தோற்றம் கொண்டிருக்கிறது.

புதிய M1-S மாடலில் 7 இன்ச் TFT டிஸ்ப்ளே பொருத்தப்பட்டுள்ளது. இது ஸ்மார்ட்போன் கனெக்டிவிட்டி, மியூசிக் கண்ட்ரோல், நேவிகேஷன் மற்றும் அழைப்பு/எஸ்எம்எஸ் நோட்டிஃபிகேஷன் அலர்ட் போன்ற வசதிகள் வழங்கப்பட்டுள்ளது. இத்துடன் ஸ்மார்ட் கீ சிஸ்டம் வழங்கப்படும் என்று எதிர்பார்க்கப்படுகிறது.

இந்த ஸ்கூட்டரின் இந்திய வெளியீட்டை டிவிஎஸ் அதிகாரப்பூர்வமாக உறுதிப்படுத்தவில்லை. எனினும், புதிய M1-S இந்தோனேசியாவில் அறிமுகமான பிறகு இந்தியாவின் பிற பகுதிகளிலும் விற்பனைக்கு வரும் என்று தெரிகிறது.

ரோல்ஸ் ராய்ஸ் நிறுவனம், 100 ஆண்டுகளை நிறைவு செய்த "ஃபேண்டம்" பெயரை நினைவுகூரும் வகையில், புதிதாக "ஃபேண்டம் சென்டனரி பிரைவேட் கலெக்ஷன்" வெளியிட்டுள்ளது. இது உலகளவில் வெறும் 25 யூனிட்கள் அடங்கிய லிமிட்டெட் எடிஷன் சீரிஸ் ஆகும். இந்த சிறப்பு மாடலை உருவாக்க 40,000 மணி நேரத்திற்கும் மேலாக செலவிடப்பட்டுள்ளது. இந்த நிலையில், புதிய லிமிட்டெட் எடிஷன் சீரிஸ் இதுவரை மேற்கொண்ட 'மிகவும் சிக்கலான மற்றும் தொழில்நுட்ப ரீதியில் லட்சியமான பிரைவேட் கலெக்ஷன்' என்று நிறுவனம் கூறுகிறது.

வெளிப்புறத்தில் தொடங்கி, சென்டனரி பிரைவேட் கலெக்ஷன் பாரம்பரிய பிளாக் அன்ட் வைட் ஃபினிஷ் செய்யப்பட்டுள்ளது. ரோல்ஸ் ராய்ஸ் அதன் சூப்பர் ஷாம்பெயின் கிரிஸ்டல் ஃபினிஷ் என்று அழைக்கும் இந்த நிறம் தனித்துவமானது. இந்த கார் கிரில்லின் மேல் உள்ள ஸ்பிரிட் ஆஃப் எக்ஸ்டஸி 18 காரட் தங்கத்தில் 24 காரட் தங்க முலாம் பூசப்பட்டுள்ளது. இந்த ஹூட் லோகோ லண்டனில் உள்ள ஹால்மார்க்கிங் & அஸே அலுவலகத்தில் இருந்து 'ஃபேண்டம் சென்டனரி' ஹால்மார்க்கைக் கொண்டுள்ளது என்று ரோல்ஸ் ராய்ஸ் கூறுகிறது. ஹூட் லோகோவின் அடிப்பகுதி எனாமல் பூசப்பட்டுள்ளது.

வெளிப்புறத்தை முழுமையாக்குவது ரோல்ஸ் ராய்ஸ் பேட்ஜ்கள், இது முதல் முறையாக 24 காரட் தங்கம் மற்றும் வெள்ளை எனாமல், தனித்துவமான 'ஃபேண்டம்' சக்கரங்களுடன் முடிக்கப்பட்டுள்ளது.

கேபினை பொருத்தவரை, உட்புறம் கடந்த கால ஃபேண்டம் மாடல்களில் இருந்து உத்வேகத்தைப் பெறுவதோடு, நிறுவனத்தின் நிறுவனர்களுக்கு மரியாதை செலுத்துகிறது. பின்புற இருக்கைகள் 1926 ஆம் ஆண்டின் 'ஃபேண்டம் ஆஃப் லவ்' ஆல் ஈர்க்கப்பட்டுள்ளன. மேலும் ஃபேண்டம் வரலாற்றில் இருந்து இடங்கள் மற்றும் கலைப்பொருட்களை சித்தரிக்கும் இருக்கை அப்ஹோல்ஸ்டரியில் அடுக்கு கலைப்படைப்புகள் உள்ளன.

டாடா நிறுவனம், புதிய மேம்படுத்தப்பட்ட நெக்சான் டார்க் எடிஷன் காரை அறிமுகம் செய்துள்ளது. இதில் 1.2 லிட்டர் டர்போ சார்ஜ்டு பெட்ரோல் என்ஜின் இடம் பெற்றுள்ளது. இது அதிகபட்சமாக 5,500 ஆர்.பி.எம்.மில் 118 பி.எச்.பி பவரையும், 1,750 ஆர்.பி.எம்.மில் 170 என்.எம். டார்க்கையும் வெளிப்படுத்தும்.

இத்துடன் 1.5 லிட்டர் டீசல் என்ஜின் வேரியண்ட் வழங்கப்படுகிறது. இந்த யூனிட் 6 ஸ்பீடு மேனுவல் அல்லது AMT டிரான்ஸ்மிஷன் வசதியுடன் வருகிறது. இதுதவிர சி.என்.ஜி. வேரியண்டும் கிடைக்கிறது. இந்த காரில் டூயல் டிஜிட்டல் ஸ்கிரீன், சன்ரூப், எல்.இ.டி. லைட் மற்றும் லெவல் 2 ADAS பேக்கேஜ் உள்ளது.

புதிய நெக்சான் டார்க் எடிஷன் என்ட்ரி லெவல் வேரியண்டான பெட்ரோல் மேனுவல் டிரான்ஸ்மிஷன் விலை ரூ.12.44 லட்சம் (எக்ஸ்-ஷோரூம்) என நிர்ணயிக்கப்பட்டுள்ளது. ADAS உடன் கூடிய பெட்ரோல் டூயல் கிளட்ச் வேரியண்ட் விலை சுமார் ரூ.13.81 லட்சம். (எக்ஸ்-ஷோரூம்), சி.என்.ஜி. சுமார் ரூ.13.36 லட்சம் (எக்ஸ்-ஷோரூம்), டீசல் ஆட்டோமேட்டிக் சுமார் ரூ.14.15 லட்சம் (எக்ஸ்-ஷோரூம்) என நிர்ணயிக்கப்பட்டுள்ளது.

மினி கன்ட்ரிமேன் JCW ஆல் வீல் டிரைவ் வேரியண்ட் அறிமுகம் செய்யப்பட்டுள்ளது. இதில் 2.0 லிட்டர் 4 சிலிண்டர் டர்போ பெட்ரோல் மோட்டார் இடம் பெற்றுள்ளது. இது அதிகபட்சமாக 300 எச்.பி. பவரையும், 400 என்.எம். டார்க்கையும் வெளிப்படுத்தும். இத்துடன் 7 ஸ்பீடு டூயல் கிளட்ச் டிரான்ஸ்மிஷன் உள்ளது.

இந்த கார் மணிக்கு 100 கிலோ மீட்டர் வேகத்தை 5.4 நொடிகளில் எட்டும். மேலும், அதிகபட்சமாக மணிக்கு 250 கிலோமீட்டர் வேகத்தில் செல்லும். இந்த பிரிவில் மற்ற மாடல்களுடன் ஒப்பிடும் போது, இந்த கார் ஒரு லிட்டருக்கு 15.4 கிலோமீட்டர் மைலேஜ் வழங்கும் என நிறுவனம் தரப்பில் கூறப்பட்டுள்ளது.

தோற்றத்தை பொறுத்தவரை 19 இன்ச் 5 ஸ்போக் அலாய் வீல்கள், சி-பில்லரில் JCW பேட்ச், பெரிய ரூப் ஸ்பாய்லர்கள், கருப்பு நிறத்தில் கன்ட்ரிமேன் எழுத்துக்கள், 4 எக்சாஸ்ட் இடம் பெற்றுள்ளன.

இந்த கார் பிரிட்டிஷ் ரேசிங் கிரீன், லெஜண்ட் கிரே மற்றும் மிட்நைட் பிளாக் ஆகிய வண்ணங்களில் கிடைக்கும். விங் மிரர்கள் கருப்பு அல்லது சிவப்பு நிறத்தில் இருக்கும். உள்புறம் 9.4 இன்ச் வட்ட வடிவ டச் ஸ்கிரீன் கூடிய OLED இன்போடெயின்மெண்ட் சிஸ்டம், ஹார்மன் கார்டன் சரவுண்ட் சவுண்ட் சிஸ்டம், பனோரமிக் சன்ரூப், ஹெட்ஸ் அப் டிஸ்பிளே, ஆட்டோபார்க் அசிஸ்ட், ஆட்டோமேட்டிக் கிளைமேட் கண்ட்ரோல் உள்ளிட்ட அம்சங்கள் இடம் பெற்றுள்ளன. இந்திய சந்தயைில் புதிய கன்ட்ரிமேன் JCW விலை ரூ.64.90 லட்சம் என நிர்ணயம் செய்யப்பட்டுள்ளது.

துபாயில் நடைபெற்ற சர்வதேச வாகன கண்காட்சியில் சுசுகி நிறுவனத்தின் முழுவதும் தங்கத்தாலான சூப்பர் பைக் காட்சிப்படுத்தப்பட்டது. இந்த சூப்பர் பைக் பார்வையாளர்களை வெகுவாக கவர்ந்துள்ளது.

இந்த பைக்கின் விலை ரூ 1.67 கோடியாக நிர்ணயம் செய்யப்பட்டுள்ளது. இந்த பைக்கில் தங்க முலாம் பூசுவதற்கு மட்டும் ரூ. 13.3 லட்சம் செலவாகியுள்ளது.

இந்த பைக்கில் 360-சைஸ் அளவிலான மிகப்பெரிய டயர் பொருத்தப்பட்டுள்ளது. இதில் டர்போசார்ஜ் செய்யப்பட்ட 400 ஹார்ஸ் பவர் கொண்ட எஞ்சின் உள்ளது. இந்த பைக் மணிக்கு 300 கி.மீ வேகத்தில் பயணிக்கும் திறன் கொண்டது.

டிரையம்ப் நிறுவனம் ஸ்பீடு டிரிபிள் 1200 RX மோட்டார்சைக்கிளை இந்தியச் சந்தையில் அறிமுகம் செய்துள்ளது. இதில் 1,163 சி.சி. இன்லைன்-3 லிக்விட் கூல்டு என்ஜின் இடம் பெற்றுள்ளது. இது அதிகபட்சமாக 183 எச்.பி. பவரையும், 128 என்.எம். டார்க்கையும் வெளிப்படுத்தும். 6 ஸ்பீடு கியர் பாக்ஸ் உள்ளது.

கார்பன் பைபர் மற்றும் டைட்டானியத்தில் உருவாக்கப்பட்ட எக்ஸ்ஹாஸ்ட் இடம் பெற்றுள்ளது. மொத்தம் 1,200 மோட்டார் சைக்கிள்கள் மட்டுமே உற்பத்தி செய்யப்பட உள்ளன. இதில் இந்திய சந்தையில் வெறும் 5 யூனிட்கள் மட்டுமே விற்பனைக்கு வருகின்றன. இந்திய சந்தையில் இந்த பைக்கின் விலை சுமார் ரூ.23.07 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது.

இந்த பைக் பெரும்பாலும் அதன் ஸ்டான்டர்டு வெர்ஷனை தழுவியே உருவாக்கப்பட்டு இருக்கிறது. எனினும், இதில் காஸ்மெடிக் மாற்றங்கள் மற்றும் ஹார்டுவேர் அளவில் சிறு அப்கிரேடுகள் செய்யப்பட்டுள்ளன. தோற்றத்தில் இந்த பைக் டூ-டோன் எல்லோ மற்றும் பிளாக் நிற ஃபினிஷ் மற்றும் RX கிராஃபிக்ஸ் கொண்டிருக்கிறது.