search icon
என் மலர்tooltip icon

    நீங்கள் தேடியது "Tata Nexon"

    • டாடா மோட்டார்ஸ் நிறுவனத்தின் கார் மாடல்கள் விலை இந்தியாவில் மாற்றப்பட்டு இருக்கிறது.
    • முன்னதாக நெக்சான் EV மற்றும் நெக்சான் EV மேக்ஸ் மாடல்கள் விலை மாற்றப்பட்டது குறிப்பிடத்தக்கது.

    டாடா மோட்டார்ஸ் நிறுவனம் தனது வாகனங்கள் விலையை 0.55 சதவீதம் வரை உயர்த்துவதாக இந்த மாத துவக்கத்தில் அறிவித்து இருந்தது. விலை உயர்வு ஜூலை 9 ஆம் தேதி அமலுக்கு வந்தது. அப்போது கார் மாடல்கள் விலை அதிகபட்சமாக ரூ. 17 ஆயிரம் வரை உயர்த்தப்பட்டது.

    இந்த வரிசையில், தற்போது டாடா நெக்சான் விலை ரூ. 17 ஆயிரம் வரை உயர்த்தப்பட்டு இருக்கிறது. இதே போன்று டாடா சபாரி மாடலின் விலை ரூ. 15 ஆயிரமும், அல்ட்ரோஸ் மாடலுக்கு ரூ. 15 ஆயிரம் வரை உயர்ந்துள்ளது. டாடா பன்ச் மற்றும் டாடா ஹேரியர் மாடலின் விலை ரூ. 10 ஆயிரம் அதிகரித்து இருக்கிறது.


    டியாகோ, டியாகோ NRG மற்றும் டிகோர் மாடல் விலை ரூ. 5 ஆயிரம் வரை உயர்த்தப்பட்டு உள்ளது. முன்னதாக டாடா நெக்சான் EV மற்றும் நெக்சான் EV மேக்ஸ் மாடல்கள் விலையும் உயர்த்தப்பட்டு இருக்கிறது. நெக்சான் EV மேக்ஸ் மாடலே தற்போது நெக்சான் EV பிரைம் பெயரில் விற்பனை செய்யப்பட்டு வருகிறது.

    சமீபத்தில் டாடா மோட்டார்ஸ் நிறுவனம் ஆக்சிஸ் வங்கியுடன் இணைந்து எலெக்ட்ரிக் வாகனம் வாங்கும் வாடிக்கையாளர்களுக்கு நிதி சலுகைகள் வழங்குவதாக அறிவித்து இருக்கிறது. இந்த திட்டத்தின் கீழ் வாடிக்கையாளர்கள் எளிய மாத தவணையில் கார் வாங்கிக் கொள்ள முடியும்.

    • டாடா மோட்டார்ஸ் நிறுவனத்தின் அதிகம் விற்பனையாகும் கார் மாடல் நெக்சான்.
    • இந்திய சந்தையில் நெக்சான் மாடல்களின் வேரியண்ட்களில் மாற்றம் செய்யப்பட்டு உள்ளது.

    டாடா மோட்டார்ஸ் நிறுவனம் இந்திய சந்தையில் நெக்சான் XM+ (S) புது வேரியண்ட்டை அறிமுகம் செய்து இருக்கிறது. புதிய நெக்சான் XM+ (S) மாடலின் விலை ரூ. 9 லட்சத்து 75 ஆயிரம் என துவங்குகிறது. புதிய நெக்சான் XM+ (S) வேரியண்ட் ஏற்கனவே விற்பனை செய்யப்பட்டு வந்த நெக்சான் XZ மாடலுக்கு மாற்றாக அறிமுகம் செய்யப்பட்டு உள்ளது.

    புதிய நெக்சான் XM+ (S) வேரியண்ட் பெட்ரோல் மற்றும் டீசல் என்ஜின், மேனுவல் மற்றும் ஆட்டோமேடிக் கியர்பாக்ஸ் ஆப்ஷன்களில் கிடைக்கிறது. இதன் பெட்ரோல் மேனுவல் மாடல் விலை ரூ. 9 லட்சத்து 75 ஆயிரம் என துவங்குகிறது. ஆட்டமேடிக் மாடல் விலை ரூ. 10 லட்சத்து 40 ஆயிரம் ஆகும். நெக்சான் XM+ (S) டீசல் மேனுவல் மாடல் விலை ரூ. 11 லட்சத்து 05 ஆயிரம் என துவங்குகிறது. இதன் ஆட்டோமேடிக் மாடல் விலை ரூ. 11 லட்சத்து 70 ஆயிரம் ஆகும்.


    நெக்சான் XM+ (S) வேரியண்ட்டில் 7 இன்ச் ஹார்மன் டச் ஸ்கிரீன் இன்போடெயின்மெண்ட் சிஸ்டம், ஆப்பிள் கார் பிளே மற்றும் ஆண்ட்ராய்டு ஆட்டோ கனெக்டிவிட்டி வழங்கப்பட்டு இருக்கிறது. இத்துடன் ஷார்க் ஃபின் ஆண்டெனா, கூல்டு கிளவ் பாக்ஸ், ரியர் ஏ.சி. வெண்ட்கள், 12 வோல்ட் பவர் சாக்கெட் வழங்கப்பட்டு உள்ளது.

    வேரியண்ட்களில் மாற்றம் செய்யப்பட்டு இருப்பதை அடுத்து டாடா நெக்சான் XM+ (S) வேரியண்ட் தற்போது XE, XM, XM(S), XM+(S), XZ+, XZ+(HS), XZ+(O) மற்றும் XZ+(P) என மொத்தம் எட்டு வேரியண்ட்களில் கிடைக்கிறது.

    டாடா மோட்டார்ஸ் நிறுவனத்தின் நெக்சன் எஸ்.யு.வி. மாடல் இந்திய விற்பனையில் புதிய மைல்கல் கடந்துள்ளது. #nexon_hit



    டாடா நெக்சன் காம்பாக்ட் எஸ்.யு.வி. ரக மாடல் இந்தியாவில் 50,000 யூனிட்களை கடந்துள்ளது. டாடா மோட்டார்ஸ் நிறுவனம் தினமும் 136 யூனிட்கள் என மாதம் 4,088 யூனிட்களை விற்பனை செய்வதாக கூறப்படுகிறது. 

    இந்தியாவில் செப்டம்பர் 21, 2017-இல் அறிமுகமான டாடா நெக்சன் இந்தியாவில் 2.5 மாதங்களுக்குள் 10,000 யூனிட்கள் விற்பனையை கடந்தது. இந்த ஆண்டு பிப்ரவரி மாதத்தில் டாடா மோட்டார்ஸ் நிறுவனம் 25,000-வது யூனிட்டை வெளியிட்டது. இந்த யூனிட் டாடா மோட்டார்ஸ் நிறுவனத்தின் பூனே ஆலையில் உற்பத்தி செய்யப்பட்டது.

    டாடா நெக்சன் XZ+ ட்ரிம் மாடலில் பகலில் எரியும் எல்இடி மின்விளக்குகள், டூயல்-டோன் ரூஃப் விரும்புபவர்கள் தேர்வு செய்து கொள்ளும் வசதியை வழங்குகிறது. இந்தியாவில் தற்சமயம் நெக்சன் முன்பதிவு செய்வோர் குறைந்த பட்சம் எட்டு வாரங்கள் வரை காத்திருக்க வேண்டிய சூழல் நிலவுகிறது.

    இன்ஜின் அம்சங்களை பொருத்த வரை டாடா நெக்சன் மாடலில் 1.2 லிட்டர் மூன்று சிலிண்டர் டர்போசார்ஜ்டு ரெவோடிரான் பெட்ரோல் மோட்டார் மற்றும் புதிதாய் உருவாக்கப்பட்டுள்ள 1.5 லிட்டர் ரெவோடார்க் நான்கு சிலிண்டர் டீசல் இன்ஜின் வழங்கப்பட்டுள்ளது. இதில் பெட்ரோல் யூனிட் டர்போசார்ஜ்டு மோட்டார் டியாகோ மற்றும் டிகோர் மாடல்களில் வழங்கப்பட்டுள்ளது. 



    இந்த இன்ஜின்களில் 108 bhp, 5000 rpm செயல்திறன் மற்றும் 170 Nm டார்கியூ மற்றும் 2000-4000 rpm கொண்டுள்ளது. இதன் டீசல் மோட்டார் 108 bhp, 3750 rpm மற்றும் 260 Nm டார்கியூ மற்றும் 1500-2750 rpm செயல்திறன் கொண்டுள்ளது. இரண்டு இன்ஜின்களும் 6-ஸ்பீடு மேனுவல் கியர்பாக்ஸ் கொண்டுள்ளது.

    நெக்சன் மாடலில் 6.5 இன்ச் எச்டி ஸ்கிரீன் மற்றும் புத்தம் புதிய நெக்சன் இன்டர்ஃபேஸ் வழங்கப்பட்டுள்ளது. இன்ஃபோடெயின்மென்ட் சிஸ்டத்துடன் ஆண்ட்ராய்டு ஆட்டோ மற்றும் ஆப்பிள் கார் பிளே உள்ளிட்ட அம்சங்கள் வழங்கப்பட்டுள்ளது. இத்துடன் 8 ஸ்பீக்கர்கள் கொண்ட ஹார்மன் ரக ஸ்பீக்கர் வழங்கப்பட்டுள்ளது. இதன் டேஷ்போர்டு டூயல் டோன் பெயின்ட் செய்யப்பட்டுள்ளது. 

    இந்தியாவில் டாடா நெக்சன் விலை ரூ.6.23 லட்சம் (எக்ஸ்-ஷோரூம், டெல்லி) துவங்குகிறது. மாருது சுசுகி விடாரா பிரெசா மற்றும் சமீபத்தில் வெளியிடப்பட்ட ஃபோர்டு இகோஸ்போர்ட் மாடல்களுக்கு புதிய நெக்சன் போட்டியாக அமைந்துள்ளது. 
    ×