என் மலர்
தொழில்நுட்பச் செய்திகள்
சாம்சங் நிறுவனம் ஏற்கனவே அறிவித்தப்படி இந்திய சந்தையில் புதிய கேலக்ஸி M33 5ஜி ஸ்மார்ட்போனினை அறிமுகம் செய்து இருக்கிறது.
சாம்சங் நிறுவனம் இந்திய சந்தையில் புதிய கேலக்ஸி M33 5ஜி ஸ்மார்ட்போனினை அறிமுகம் செய்தது. இது அந்நிறுவனம் கடந்த ஆண்டு அறிமுகம் செய்த கேலக்ஸி M32 5ஜி மாடலின் மேம்பட்ட வெர்ஷன் ஆகும்.
புதிய சாம்சங் கேலக்ஸி M33 5ஜி மாடலில் 6.7 இன்ச் இன்ஃபினிட்டி ஒ 120Hz FHD+ சூப்பர் AMOLED ஸ்கிரீன் டிஸ்ப்ளே, மீடியாடெக் டிமென்சிட்டி 900 பிராசஸர், லிக்விட் கூலிங் வசதி, அதிகபட்சம் 8GB ரேம், 8GB விர்ச்சுவல் ரேம் வசதி வழங்கப்பட்டு உள்ளது.
இந்த பிரிவில் ஆட்டோ டேட்டா ஸ்விட்சிங் வசதி கொண்டு அறிமுகமாகி இருக்கும் முதல் ஸ்மார்ட்போன் இது என சாம்சங் அறிவித்து உள்ளது. இந்த வசதி கொண்டு இரு சிம்களில் ஒன்று நெட்வொர்க் பகுதிக்கு வெளியில் இருந்தால், தானாக மற்றொரு சிம் மூலம் அழைப்புகளை மேற்கொள்வது, டேட்டா பயன்படுத்த வழி செய்யும்.
சாம்சங் கேலக்ஸி M33 5ஜி அம்சங்கள்:
- 6.7 இன்ச் FHD+ 1080x2400 பிக்சல் சூப்பர் AMOLED பிளஸ் இன்ஃபினிட்டி ஒ டிஸ்ப்ளே
- கார்னிங் கொரில்லா கிளாஸ் 5
- ஆக்டா கோர் மீடியாடெக் டிமென்சிட்டி 900 6nm பிராசஸர்
- மாலி-G68 MC4 GPU
- 6GB / 8GB LPDDR4x ரேம்
- 128GB இண்டர்னல் மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 12 மற்றும் சாம்சங் ஒன் யு.ஐ. 4.1
- ஹைப்ரிட் டூயல் சிம் ஸ்லாட்
- 108MP பிரைமரி கேமரா, f/1.8, LED ஃபிளாஷ்
- 8MP அல்ட்ரா வைடு ஆங்கில் கேமரா, f/2.2
- 2MP டெப்த் கேமரா
- 2MP மேக்ரோ கேமரா, f/2.4
- 32MP செல்ஃபி கேமரா, f/2.2
- பக்கவாட்டில் கைரேகை சென்சார்
- யு.எஸ்.பி. டைப் சி ஆடியோ, டால்பி அட்மோஸ்
- சாம்சங் பே
- 5ஜி, டூயல் 4ஜி வோல்ட்இ, வைபை, ப்ளூடூத் 5.2
- யு.எஸ்.பி. டைப் சி போர்ட்
- 5000mAh பேட்டரி
- 25W ஃபாஸ்ட் சார்ஜிங்
சாம்சங் கேலக்ஸி M33 5ஜி ஸ்மார்ட்போன் டீப் ஓஷன் புளூ மற்றும் மிஸ்டிக் கிரீன் நிறங்களில் கிடைக்கிறது. இதன் 6GB + 128GB மெமரி மாடல் விலை ரூ. 26 ஆயிரத்து 499 என்றும் 8GB + 128GB விலை ரூ. 28 ஆயிரத்து 499 என நிர்ணயம் செய்யப்பட்டு உள்ளது. இதன் விற்பனை அமேசான், சாம்சங் இந்தியா ஆன்லைன் ஸ்டோர் மற்றும் ஆஃப்லைன் விற்பனை மையங்களில் ஏப்ரல் 29 ஆம் தேதி துவங்க இருக்கிறது.
கூகுள் நிறுவனம் கால் ரெக்காடிங் சேவையை வழங்கும் மூன்றாம் தரப்பு செயலிகளுக்கான ஆதரவை திரும்ப பெற இருப்பதாக தகவல் வெளியாகி உள்ளது.
ஆண்ட்ராய்டு சாதனங்களில் கால் ரெக்காடிங் சேவையை வழங்கி வரும் மூன்றாம் தரப்பு செயலிகளை நீக்க கூகுள் முடிவு செய்துள்ளதாக தகவல் வெளியாகி உள்ளது. மேலும் இந்த நடவடிக்கை மே 11 ஆம் தேதி முதல் அமலுக்கு வர இருப்பதாகவும் கூறப்படுகிறது. கூகுள் பிளே ஸ்டோரில் மேற்கொள்ளப்பட்டு இருக்கும் புது மாற்றம், ஆண்ட்ராய்டு தளத்தில் கால் ரெக்காடிங் வசதியை நீக்கி விடும்.
இதன் காரணமாக பிளே ஸ்டோரில் உள்ள செயலிகளால், கால் ரெக்காடிங் சேவையை வழங்கும் API-க்களை இயக்க அனுமதிக்கப்பட மாட்டாது. அந்த வகையில், மே 11, 2022 ஆம் தேதி முதல் பில்ட்-இன் கால் ரெக்காடர் வசதி இல்லாத ஆண்ட்ராய்டு சாதனங்களில் பயனர்களால் கால் ரெக்காடிங் அம்சத்தை பயன்படுத்த முடியாது. புதிய மாற்றங்கள் மூன்றாம் தரப்பு கால் ரெக்காடிங் செயலிகளுக்கு மட்டுமே பொருந்தும்.
இது தவிர வழக்கமான கால் ரெக்காடிங் அம்சம் எவ்வித இடையூறும் இன்றி இயங்கும். இதனால், ஸ்மார்ட்போனில் பில்ட்-இன் வாய்ஸ் ரெக்காடர் உள்ள பயனர்களால் தொடர்ந்து இந்த அம்சத்தை இயக்க முடியும். Mi, சில சாம்சங் மற்றும் கூகுள் பிக்சல் ஸ்மார்ட்போன் மாடல்களில் கால் ரெக்காடிங் சேவை தானாக செயல்படுத்தப்பட்டு இருக்கிறது.
சமீப காலங்களில் கூகுள் நிறுவனம் கால் ரெக்காடிங் சேவைகளை ஆண்ட்ராய்டு சாதனங்களில் இருந்து நீக்கும் நடவடிக்கைகளில் ஆர்வம் செலுத்தி வருகிறது. ஆண்ட்ராய்டு 6 தளத்தில் ரியல்-டைம் கால் ரெக்காடிங் வசதியை நிறுத்தியது. பின் ஆண்ட்ராய்டு 10 வெர்ஷனில் மைக்ரோபோன் மூலம் கால் ரெக்காடிங் வசதியை கட்டுப்படுத்தியது.
ரியல்மி நிறுவனம் அடுத்த வாரம் இந்திய சந்தையில் அறிமுகம் செய்ய இருக்கும் புதிய ரியல்மி GT Neo 3 ஸ்மார்ட்போனின் விற்பனை விவரங்களை வெளியிட்டு உள்ளது.
ரியல்மி நிறுவனம் தனது GT Neo 3 ஸ்மார்ட்போனின் இந்திய விற்பனை தேதியை அதிகாரப்பூர்வமாக அறிவித்து இருக்கிறது. அதன்படி இந்திய சந்தையில் புதிய ரியல்மி GT Neo 3 ஸ்மார்ட்போன் மே 4 ஆம் தேதி விற்பனைக்கு வர இருக்கிறது. புதிய ரியல்மி GT Neo 3 ஸ்மார்ட்போன் இந்தியாவில் ஏப்ரல் 29 ஆம் தேதி அறிமுகம் செய்யப்பட இருக்கிறது.
இந்த நிலையில், அறிமுகம் செய்யப்படுவதற்கு முன்னரே ரியல்மி GT Neo 3 ஸ்மார்ட்போனின் விற்பனை குறித்த தகவல்களை அந்நிறுவனம் வெளியிட்டு உள்ளது. ரியல்மி நிறுவனம் GT Neo 3 ஸ்மார்ட்போனை கடந்த மாதமே சீன சந்தையில் அறிமுகம் செய்து விட்டது. அதன்படி இந்த மாடலில் 120Hz ரிப்ரெஷ் ரேட் கொண்ட டிஸ்ப்ளே, மீடியாடெக் டிமென்சிட்டி 8100 5ஜி பிராசஸர் உள்ளிட்ட அம்சங்கள் வழங்கப்பட்டு இருக்கிறது.
ரியல்மி ரியல்மி GT Neo 3 எதிர்பார்க்கப்படும் அம்சங்கள்:
இந்திய சந்தையில் அறிமுகம் செய்யப்பட இருக்கும் ரியல்மி GT Neo 3 அம்சங்கள், ஏற்கனவே சீன சந்தையில் அறிமுகம் செய்யப்பட்ட வேரியண்டில் உள்ளதை போன்றே வழங்கப்படும் என எதிர்பார்க்கப்படுகிறது. அதன்படி இந்த மாடலில் 6.7 இன்ச் 2K டிஸ்ப்ளே, 120Hz ரிப்ரெஷ் ரேட், மீடியாடெக் டிமென்சிட்டி 8100 5ஜி பிராசஸர், அதிகபட்சம் 12GB LPDDR5 ரேம், 256GB UFS 3.1 ஸ்டோரேஜ் வழங்கப்படும் என தெரிகிறது.
இத்துடன் 50MP பிரைமரி கேமரா, அல்ட்ரா வைடு ஆங்கில் லென்ஸ், மேக்ரோ லென்ஸ் என மூன்று சென்சார்கள் வழங்கப்படலாம். கனெக்டிவிட்டிக்கு 5ஜி, 4ஜி எல்.டி.இ., வைபை, ப்ளூடூத் மற்றும் யு.எஸ்.பி. டைப் சி போர்ட் வழங்கப்படுகிறது. இந்த ஸ்மார்ட்போனின் 150W சார்ஜிங் வசதி கொண்ட வேரியண்டில் 4500mAh பேட்டரியுடம், 80W சார்ஜிங் கொண்ட மாடலில் 5000mAh பேட்டரியும் வழங்கப்பட்டு இருக்கிறது.
நாய்ஸ் நிறுவனத்தின் புதிய ஸ்மார்ட்வாட்ச் மாடல் இந்திய சந்தையில் அறிமுகம் செய்யப்பட்டு உள்ளது.
இந்திய சந்தையில் ஆடியோ மற்றும் அணியக்கூடிய சாதனங்களை விற்பனை செய்யும் முன்னணி நிறுவனம் நாய்ஸ் புதிய நாய்ஸ்ஃபிட் Buzz ஸ்மார்ட்வாட்ச்-ஐ அறிமுகம் செய்து இருக்கிறது.
புதிய நாய்ஸ்ஃபிட் Buzz ஸ்மார்ட்வாட்ச் மாடலில் ப்ளூடூத் காலிங் வசதி, 1.32 இன்ச் 360x360 பிக்சல் ஃபுல் டச் ஃபிளாட் TFT LCD டச் ஸ்கிரீன் கொண்ட டிஸ்ப்ளே, கஸ்டமைஸ் செய்யும் வசதியுடன் கிளவுட் சார்ந்த வாட்ச் ஃபேஸ்களுக்கான சப்போர்ட் வழங்கப்பட்டு உள்ளது.
அதிகபட்சம் ஒன்பது ஸ்போர்ட்ஸ் மோட்களை இந்த ஸ்மார்ட்வாட்ச் கொண்டிருக்கிறது. இத்துடன் 24x7 இதய துடிப்பு சென்சார், SpO2 மாணிட்டரிங், ஸ்லீப் மாணிட்டரிங், பெண்களின் உடல்நலனை டிராக் செய்யும் அம்சம், வாய்ஸ் அசிஸ்டண்ட் என ஏராளமான அம்சங்களை கொண்டிருக்கிறது.
இதில் உள்ள வாய்ஸ் அசிஸ்டண்ட் சேவையை கொண்டு அழைப்புகளை மேற்கொள்வது, மியூசிக் அம்சத்தை இயக்குவது, வானிலை விவரங்களை அறிந்து கொள்வது என பலவற்றை குரல் வழியே செய்திட முடியும். இத்துடன் IP67 தர வாட்டர் ரெசிஸ்டண்ட் வசதி, ஐந்து நாட்களுக்கான பேட்டரி பேக்கப் உள்ளிட்டவை வழங்கப்பட்டு இருக்கிறது.
புதிய நாய்ஸ்ஃபிட் Buzz மாடல் ஜெட் பிளாக் நிறத்தில் கிடைக்கிறது. ஏப்ரல் 28 ஆம் தேதி முதல் நாய்ஸ்ஃபிட் Buzz ஸ்மார்ட்வாட்ச் ப்ளிப்கார்ட் வலைதளத்தில் விற்பனை செய்யப்பட இருக்கிறது. இதன் விலை அறிமுக சலுகையாக ரூ. 2 ஆயிரத்து 999 என நிர்ணயம் செய்யப்பட்டு உள்ளது.
சியோமி நிறுவனம் புதிய ஃபிளாக்ஷிப் ஸ்மார்ட்போனுடன் ஸ்மார்ட் டி.வி. மாடலையும் இந்திய சந்தையில் அறிமுகம் செய்ய இருப்பதாக அறிவித்து உள்ளது.
சியோமி நிறுவனத்தின் புதிய ஸ்மார்ட் டி.வி. 5A மாடல் இந்தியாவில் அறிமுகம் செய்யப்பட இருக்கிறது. இது அந்நிறுவனத்தின் சியோமி டி.வி. 4A மாடலின் மேம்பட்ட வெர்ஷன் ஆகும். சியோமி நிறுவனம் 2019 ஆண்டு வாக்கில் சியோமி டி.வி. 4A மாடலை அறிமுகம் செய்து இருந்தது.
இதை அடுத்து Mi டி.வி. 4A ஹாரிசான் எடிஷன் மாடல் 2020 ஆண்டிலும், இதே டிவி.யின் 40 இன்ச் மாடல் கடந்த ஆண்டும் அறிமுகம் செய்யப்பட்டது. அந்த வரிசையில் தான் தற்போது சியோமி நிறுவனம் புதிய ஸ்மார்ட் டி.வி. 5A மாடலை அறிமுகம் செய்ய இருக்கிறது.
புதிய ஸ்மார்ட் டி.வி. 5A வெளியீட்டை உறுதிப்படுத்தும் டீசரை சியோமி தனது அதிகாரப்பூர்வ சமூக வலைதள பக்கங்களில் வெளியிட்டு உள்ளது. டீசர்களின் படி புதிய சியோமி ஸ்மார்ட் டி.வி. 5A மாடலில் சக்திவாய்ந்த, தலைசிறந்த ஆடியோ அனுபவம், பிரீமியம், சீம்லெஸ் ஃபினிஷ் மற்றும் A55 பிராசஸர் வழங்கப்பட்டு இருக்கிறது.
இத்துடன் டால்பி அட்மோஸ், DTS சப்போர்ட், பேட்ச்வால் தளத்தில் மேம்படுத்தப்பட்டு அசத்தலான விவிட் பிக்சர் என்ஜின் வழங்கப்படலாம். புதிய சியோமி ஸ்மார்ட் டி.வி. 5A மாடல்கள் விலை மற்றும் வி்ற்பனை விவரங்கள் அடுத்த வாரம் அறிவிக்கப்பட்டு விடும்.
சோனி நிறுவனம் தனது புதிய PS5 கேமிங் கன்சோலின் அடுத்த விற்பனை தேதியை அதிகாரப்பூர்வமாக அறிவித்து இருக்கிறது. இதன் விவரங்களை பார்ப்போம்.
சோனி பிளே ஸ்டேஷன் 5 (PS5) ரி-ஸ்டாக் தேதி அதிகாரப்பூர்வமாக அறிவிக்கப்பட்டு இருக்கிறது. அதன்படி சோனி PS5 டிஜிட்டல் எடிஷன் மற்றும் ஸ்டாண்டர்டு எடிஷன் விற்பனை நாளை (ஏப்ரல் 22) மதியம் 12 மணிக்கு நடைபெறுகிறது. இந்த ஆண்டின் மூன்றாவது ரி-ஸ்டாக் இது ஆகும். இம்முறை சோனி PS5 டிஜிட்டல் எடிஷன் மற்றும் ஸ்டாண்டர்டு எடிஷன் விற்பனை செய்யப்பட இருக்கிறது.
புதிய தலைமுறை கேமிங் கன்சோல் மட்டுமின்றி சோனி நிறுவனம் இந்த முறை பண்டில் (bundle) சலுகைகளை அறிவித்து இருக்கிறது. அந்த வகையில் PS5 ஸ்டாண்டர்டு எடிஷன் மற்றும் கிரான் டூரிஸ்மோ 7 சேர்த்து வாங்கும் வாடிக்கையாளர்களுக்கு மொத்த கட்டணம் ரூ. 54 ஆயிரத்து 490 என நிர்ணயிக்கப்பட்டு இருக்கிறது.
புதிய PS5 விலை மாற்றம் இன்றி ரூ. 49 ஆயிரத்து 990 என்றே இருக்கிறது. எனினும், ரூ. 4 ஆயிரத்து 999 மதிப்புள்ள கிரான் டூரிஸ்மோ 7 கேம் புதிய ரி-ஸ்டாக் விற்பனையில் ரூ. 499-க்கு வழங்கப்படுகிறது. PS5 டிஜிட்டல் எடிஷன் விலை ரூ. 39 ஆயிரத்து 990 என்றே நிர்ணயம் செய்யப்பட்டு உள்ளது.
முந்தைய விற்பனைகளை போன்றே இம்முறையும் சோனி PS5 கன்சோல் ShopatSC வலைதளம், அமேசான், ப்ளிப்கார்ட், விஜய் சேல்ஸ் கேம்ஸ்திஷாப், ரிலையன்ஸ் டிஜிட்டல், குரோமா மற்றும் பிரீபெயிட் கேம் கார்டு உள்ளிட்ட தளங்களில் கிடைக்கும். அனைத்து தளங்களிலும் அதிகளவு யூனிட்கள் இம்முறை விற்பனைக்கு கிடைக்கும் என தெரிகிறது.
ஒன்பிளஸ் நிறுவனம் ஸ்மார்ட்போன் சந்தையில் அதிகம் எதிர்பார்க்கப்பட்ட புதிய நார்டு N20 5ஜி ஸ்மார்ட்போனினை விற்பனைக்கு அறிமுகம் செய்தது.
ஒன்பிளஸ் நிறுவனத்தின் அதிகம் எதிர்பார்க்கப்பட்ட நார்டு N20 5ஜி ஸ்மார்ட்போன் ஒரு வழியாக அறிமுகம் செய்யப்பட்டது. முதற்கட்டமாக ஒன்பிளஸ் நார்டு N20 5ஜி ஸ்மார்ட்போன் அமெரிக்க சந்தையில் மட்டும் அறிமுகம் செய்யப்பட்டு இருக்கிறது.
அம்சங்களை பொருத்தவரை ஒன்பிளஸ் நார்டு N20 5ஜி மாடலில் 6.43 இன்ச் FHD+ 60Hz AMOLED ஸ்கிரீன், 16 MP செல்ஃபி கேமரா உள்ளிட்டவை வழங்கப்பட்டு உள்ளது. இத்துடன் குவால்காம் ஸ்னாப்டிராகன் 695 5ஜி பிராசஸர், 6GB ரேம், 128GB இண்டர்னல் மெமரி, மூன்று பிரைமரி கேமரா சென்சார்கள் வழங்கப்பட்டு இருக்கிறது.
ஒன்பிளஸ் நார்டு N20 5ஜி அம்சங்கள்:
- 6.43 இன்ச் 1080x2400 பிக்சல் FHD+ AMOLED ஸ்கிரீன்
- ஆக்டா கோர் குவால்காம் ஸ்னாப்டிராகன் 695 8nm பிராசஸர்
- அட்ரினோ 619L GPU
- 6GB LPDDR4x ரேம்
- 128GB (UFS 2.1) மெமரி
- மெமரியை கூடுதலாக நீட்டிக்கும் வசதி
- ஆக்சிஜன் ஓ.எஸ். 11 சார்ந்த ஆண்ட்ராய்டு 11
- 64MP பிரைமரி கேமரா
- 2MP மோனோகுரோம் சென்சார்
- 2MP மேக்ரோ கேமரா
- 16MP செல்ஃபி கேமரா
- இன் டிஸ்ப்ளே கைரேகை சென்சார்
- 5ஜி, டூயல் 4ஜி வோல்ட்இ, வைபை, ப்ளூடூத் 5.1
- யு.எஸ்.பி. டைப் சி
- 4500mAh பேட்டரி
- 33W ஃபாஸ்ட் சார்ஜிங்
புதிய ஒன்பிளஸ் நார்டு N20 5ஜி ஸ்மார்ட்போன் புளூ நிறத்தில் மட்டும் கிடைக்கிறது. இதன் விலை 282 டாலர்கள், இந்திய மதிப்பில் ரூ. 21 ஆயிரத்து 515 என நிர்ணயம் செய்யப்பட்டு உள்ளது.
இந்திய நிறுவனமான ட்ரூக் புதிய வயர்லெஸ் இயர்பட்ஸ் மாடலை விற்பனைக்கு அறிமுகம் செய்தது. இதன் விவரங்களை பார்ப்போம்.
இந்திய சந்தையில் பிரபல ஆடியோ உற்பத்தியாளராக விளங்கும், ட்ரூக் அதிகம் எதிர்பார்க்கப்பட்ட S2 இயர்பட்ஸ் மாடலை சிறப்பு விலையில் அறிமுகம் செய்து இருக்கிறது. இது ட்ரூக் நிறுவனம் ஏற்கனவே அறிமுகம் செய்த ட்ரூக் பட்ஸ் S1 மாடலின் மேம்பட்ட வெர்ஷன் ஆகும்.
புதிய ட்ரூக் பட்ஸ் S2 மாடலில் பிரீமியம் ஸ்லைடிங் கேஸ், ஸ்லைடு-அண்ட்-ஷேர் தொழில்நுட்பம், 20 பிரீ-செட் EQ மோட் போன்ற அம்சங்கள் உள்ளன. இவற்றை ஸ்மார்ட் செயலி மூலம் இயக்கும் வசதியும் வழங்கப்பட்டு இருக்கிறது. இந்த இயர்பட்ஸ்-ஐ முழு சார்ஜ் செய்தால் அதிகபட்சமாக 48 மணி நேரத்திற்கான பிளே டைம் கிடைக்கும்.
மேலும் இதில் அழைப்புகளை மேற்கொள்ள சக்திவாய்ந்த நான்கு மைக் என்விரான்மெண்டல் நாய்ஸ் கேன்சலேஷன் வசதி வழங்கப்பட்டு இருக்கிறது. இந்த இயர்பட்ஸ் சிறப்பான கேமிங் அனுபவம், 55ms வரையிலான அல்ட்ரா லோ லேடென்சி உள்ளிட்ட அம்சங்களை கொண்டுள்ளது. இதில் உள்ள ப்ளூடூத் 5.1 அம்சம் இருமடங்கு வேகமாக இணைப்புகளை சாத்தியப்படுத்துவதோடு, சீரான இணைப்பையும் உறுதி செய்கிறது.
ட்ரூக் பட்ஸ் S2 மாடல் ஏப்ரல் 24 ஆம் தேதி வரை இந்திய சந்தையில் ரூ. 1499 எனும் சிறப்பு விலையில் கிடைக்கும். இதன் விற்பனை அமேசான் மற்றும் ப்ளிப்கார்ட் வலைதளங்களில் நடைபெறுகிறது.
ஆப்பிள் நிறுவனம் வெளியிட்டு இருக்கும் புது ஐ.ஓ.எஸ். அப்டேட்டில் வழங்கப்பட்டுள்ள எமோஜிக்களில் ஒன்று சர்ச்சையை ஏற்படுத்தி இருக்கிறது.
ஆப்பிள் நிறுவனம் ஐபோன் பயனர்களுக்கு ஆண் கருவுற்று இருப்பதை வெளிப்படுத்தும் எமோஜியை வெளியிட்டு உள்ளது. இத்துடன் திருநங்கைகளை குறிக்கும் எமோஜியும் வெளியிடப்பட்டு இருக்கிறது. இரு எமோஜிக்களும் ஐ.ஓ.எஸ். 15.4 வெர்ஷன் அப்டேட்டில் வழங்கப்பட்டு இருக்கிறது. இந்த அப்டேட் மார்ச் மாத வாக்கிலேயே வெளியிடப்பட்டு விட்டது. எனினும், இம்முறை இந்த அம்சம் அப்டேட் செய்யப்பட்டு இருக்கிறது.
மொத்தத்தில் ஆப்பிள் நிறுவனம் 35 புதிய எமோஜிக்களை வெளியிட்டு உள்ளது. இதில் கருவுற்று இருக்கும் எமோஜி, இரு பாலினத்திற்கும் சமமான எமோஜி உள்ளிட்டவை இடம்பெற்றுள்ளன. முன்னதாக ஜனவரி மாத வாக்கில் ஆப்பிள் நிறுவனம் ஆண் கருவுற்று இருக்கும் எமோஜியை வெளியிட்டு இருந்தது. 2019 வாக்கில் ஒரே பாலினத்தை சேர்ந்த ஜோடி, திருநங்கை எமோஜி உள்ளிட்டவைகளை 2019 வாக்கில் வெளியிட்டதை அடுத்து தற்போது இந்த எமோஜிக்கள் வெளியாகி இருக்கின்றன.
ஆரம்பத்தில் ஆப்பிள் வெளியிட்ட புது எமோஜிக்களை பார்த்த நெட்டிசன்கள், இது ஆண் கருவுற்று இருக்கும் எமோஜி இல்லை என்றும் அது வெறும் தொப்பை தான் என்றும் கூறி வந்தனர். இதுபற்றி பலர் நக்கலடித்து வந்தாலும், சிலர் ஆப்பிள் மீது எதிர்ப்பை தெரிவிக்கும் கருத்துக்களை டுவிட்டரில் பதிவிட்டனர்.
ஐ.ஓ.எஸ். 15.4 அப்டேட்டில் சிரி விர்ச்சுவல் அசிஸ்டண்ட் சேவைக்கு புது குரல் சேர்க்கப்பட்டு இருக்கிறது. மேலும் ஆஃப்லைனில் தேதி மற்றும் நேரம் சார்ந்த விவரங்களை வழங்குவது, சஃபாரி பிரவுசரில் மாற்றங்கள் என பல்வேறு புது அம்சங்களை ஆப்பிள் வழங்கி இருக்கிறது. மேலும் இந்த அப்டேட் கொண்டு ஐபோன் பயனர்கள் முகக்கவசம் அணிந்த நிலையில், ஐபோன்களை அன்லாக் செய்ய முடியும்.
எனினும், இந்த அம்சம் ஐபோன் 12, ஐபோன் 12 மினி, ஐபோன் 12 ப்ரோ மற்றும் ஐபோன் 12 ப்ரோ மேக்ஸ், ஐபோன் 13, ஐபோன் 13 மினி, ஐபோன் 13 ப்ரோ மற்றும் ஐபோன் 13 ப்ரோ மேக்ஸ் போன்ற சாதனங்களில் மட்டுமே வேலை செய்யும்.
சியோமி நிறுவனம் ஏற்கனவே அறிவித்தப்படி இந்திய சந்தையில் இரண்டு புதிய ரெட்மி ஸ்மார்ட்போன் மாடல்களை விற்பனைக்கு அறிமுகம் செய்து இருக்கிறது.
சியோமி நிறுவனம் இந்திய சந்தையில் ரெட்மி 10A மற்றும் ரெட்மி 10 பவர் என இரண்டு புதிய ஸ்மார்ட்போன் மாடல்களை அறிமுகம் செய்து இருக்கிறது. இவற்றில் ரெட்மி 10A ஸ்மார்ட்போன் சியோமி கடந்த ஆண்டு அறிமுகம் செய்த ரெட்மி 9A ஸ்மார்ட்போனின் அப்டேட் செய்யப்பட்ட புது வெர்ஷன் ஆகும்.
அம்சங்களை பொருத்தவரை ரெட்மி 10A மாடலில் 6.53 இன்ச் 1600x720 பிக்சல் HD+ 20:9 IPS LCD டாட் டிராப் ஸ்கிரீன், மீடியாடெக் ஹீலியோ G25 பிராசஸர், அதிகபட்சம் 4GB ரேம், 128GB இண்டர்னல் மெமரி உள்ளிட்டவை வழங்கப்பட்டு இருக்கிறது.
மேலும் இந்த ஸ்மார்ட்போனின் பின்புறத்தில் கைரேகை சென்சார் வழங்கப்பட்டு உள்ளது. மற்ற ரெட்மி ஸ்மார்ட்போன்களை போன்றே புதிய ரெட்மி 10A பட்ஜெட் விலை மாடலும் EVOL டிசைன் கொண்டிருக்கிறது. ரெட்மி 10A ஸ்மார்ட்போனில் புகைப்படங்களை எடுக்க 13MP பிரைமரி கேமரா, 5MP செல்ஃபி கேமரா வழங்கப்பட்டு இருக்கிறது.
கனெக்டிவிட்டிக்கு இந்த ஸ்மார்ட்போனில் டூயல் சிம் ஸ்லாட், 3.5mm ஆடியோ ஜாக், எப்.எம். ரேடியோ, டூயல் 4ஜி வோல்ட்இ, வைபை, ப்ளூடூத் 5, மைக்ரோ யு.எஸ்.பி. போர்ட் உள்ளிட்டவை வழங்கப்பட்டு இருக்கிறது. ரெட்மி 10A மாடல் 5000mAh பேட்டரி மூலம் சக்தியூட்டப்படுகிறது. இத்துடன் 10 வாட் சார்ஜிங் வசதி உள்ளது.
ரெட்மி 10 பவர் அம்சங்கள்:
ரெட்மி 10A ஸ்மார்ட்போனை தொடர்ந்து சியோமி அறிமுகம் செய்து இருக்கும் ரெட்மி 10 பவர் ஸ்மார்ட்போனில், இதன் பெயருக்கு ஏற்றார் போல் சற்றே மேம்பட்ட அம்சங்களே வழங்கப்பட்டுள்ளன. அதன்படி ரெட்மி 10 பவர் மாடலில் 6.71 இன்ச் 1600x720 பிக்சல் HD+ 20.6:9 டிஸ்ப்ளே, கார்னிங் கொரில்லா கிளாஸ் 3 பாதுகாப்பு, ஆக்டா கோர் ஸ்னாப்டிராகன் 680 பிராசஸர் மற்றும் அட்ரினோ 610 GPU கிராபிக்ஸ் வழங்கப்பட்டு இருக்கிறது.
மெமரியை பொருத்தவரை ரெட்மி 10 பவர் ஸ்மார்ட்போன் 8GB LPDDR4x ரேம், 128GB (eMMC 5.1) மெமரி என ஒற்றை வேரியண்டில் மட்டுமே கிடைக்கிறது. எனினும், இந்த ஸ்மார்ட்போனில் மெமரியை கூடுதலாக நீட்டிக்கும் வசதி வழங்கப்பட்டு இருக்கிறது. இத்துடன் டூயல் சிம் ஸ்லாட், ஆண்ட்ராய்டு 11 மற்றும் MIUI 13 வழங்கப்பட்டு உள்ளது.
புகைப்படங்களை எடுக்க 50MP பிரைமரி கேமரா, f/1.8, 2MP டெப்த் சென்சார், f/2.4 மற்றும் 5MP செல்ஃபி கேமரா, f/2.2 வழங்கப்பட்டு இருக்கிறது. புதிய ரெட்மி 10 பவர் ஸ்மார்ட்போனில் ஃபேஸ் அன்லாக், 3.5mm ஆடியோ ஜாக், எப்எம் ரேடியோ, பின்புறத்தில் கைரேகை சென்சார் உள்ளிட்ட அம்சங்கள் உள்ளன. கனெக்டிவிட்டிக்கு டூயல் 4ஜி வோல்ட்இ, வைபை, ப்ளூடூத் 5, யு.எஸ்.பி. டைப் சி மற்றும் 6000mAh பேட்டரி, 18 வாட் சார்ஜிங் உள்ளது.
இந்திய சந்தையில் புதிய ரெட்மி 10A ஸ்மார்ட்போன் சார்கோல் பிளாக், சீ புளூ மர்றும் ஸ்லேட் கிரே என மூன்று விதமான நிறங்களில் கிடைக்கிறது. இதன் 3GB ரேம், 32GB மெமரி மாடல் விலை ரூ. 8 ஆயிரத்து 499 என்றும், 4GB ரேம், 64GB மெமரி மாடல் விலை ரூ. 9 ஆயிரத்து 499 என்றும் நிர்ணயம் செய்யப்பட்டு உள்ளது. ரெட்மி 10 பவர் ஸ்மார்ட்போன் பவர் பிளாக் மற்றும் ஸ்போர்ட் ஆரஞ்சு நிறங்களில் கிடைக்கிறது. இதன் 8GB ரேம், 128GB மெமரி மாடல் விலை ரூ. 14 ஆயிரத்து 999 என நிர்ணயம் செய்யப்பட்டு உள்ளது.
சியோமி மற்றும் போக்கோ நிறுவன ஸ்மார்ட்போன் மாடல்களுக்கு ஆண்ட்ராய்டு 13 அப்டேட் வழங்கப்பட இருப்பதாக தகவல் வெளியாகி உள்ளது.
சியோமி நிறுவனம் தனது ஸ்மார்ட்போன்களில் ஏராளமான மாடல்களை இன்னமும் ஆண்ட்ராய்டு 12 வெர்ஷனுக்கு அப்டேட் செய்யவில்லை. எனினும், பல்வேறு மாடல்களுக்கு ஆண்ட்ராய்டு 13 வெளியிடுவதற்கான பணிகளில் சியோமி நிறுவனம் மும்முரம் காட்டி வருவதாக தகவல் வெளியாகி உள்ளது. அந்த வகையில் ஆண்ட்ராய்டு 13 அப்டேட் பெற இருக்கும் ரெட்மி, சியோமி மற்றும் போக்கோ ஸ்மார்ட்போன் மாடல்கள் பட்டியலை சியோமி யு.ஐ. வலைதளம் வெளியிட்டு உள்ளது.
சியோமி யு.ஐ. வலைதளம் வெளியிட்டு இருக்கும் தகவல்களின் படி 2021 ஆண்டுக்கு பின் அறிமுகம் செய்யப்பட்ட தியோமி, ரெட்மி மற்றும் போக்கோ பிராண்டு ஸ்மார்ட்போன் மாடல்களுக்கு ஆண்ட்ராய்டு 13 அப்டேட் வழங்கப்பட இருப்பதாக கூறப்படுகிறது. இதற்காக புது ஃபர்ம்வேர் வரும் மாதங்களில் வெளியாகும் என்றும் தகவல் வெளியாகி உள்ளது.
எனினும், தங்களின் ஸ்மார்ட்போன் மாடல்களுக்கு புதிய ஆண்ட்ராய்டு 13 அப்டேட் வழங்குவது பற்றி சியோமி மற்றும் போக்கோ சார்பில் இதுவரை எந்த தகவலும் வெளியிடப்படவில்லை.
ஆண்ட்ராய்டு 13 அப்டேட் பெற இருக்கும் சியோமி மாடல்கள்:
சியோமி நிறுவனத்தின் Mi 10s, Mi 11, Mi 11 லைட் மற்றும் Mi மிக்ஸ் 4 போன்ற மாடல்களுக்கு ஆண்ட்ராய்டு 13 அப்டேட் வழங்கப்பட இருப்பதாக சியோமி யு.ஐ. வலைதளத்தில் குறிப்பிடப்பட்டு இருக்கிறது.
- Mi 10S
- Mi 11
- Mi 11 ப்ரோ
- Mi 11 அல்ட்ரா
- Mi 11i
- Mi 11X
- Mi 11X ப்ரோ
- சியோமி 11i / ஹைப்பர்சார்ஜ்
- சியோமி 11T / ப்ரோ
- Mi 11 லைட் 4G/5G/LE/ லைட் NE 5G
- சியோமி 12S
- சியோமி 12S ப்ரோ
- சியோமி 12
- சியோமி 12 ப்ரோ
- சியோமி 12 லைட்
- சியோமி 12X
- சியோமி 12X (இந்தியா)
- சியோமி 12X ப்ரோ (இந்தியா)
- சியோமி மிக்ஸ் 4
- சியோமி மிக்ஸ் ஃபோல்டு / ஃபோல்டு 2
- சியோமி CIVI / CIVI S
- சியோமி பேட் 5 சீரிஸ்
ஆண்ட்ராய்டு 13 அப்டேட் பெற இருக்கும் போக்கோ போன்கள் பட்டியல்:
- போக்கோ F3/GT
- போக்கோ X3 GT / X3 ப்ரோ
- போக்கோ F4/ ப்ரோ /GT
- போக்கோ M3 ப்ரோ 5G /M4 ப்ரோ 5G/M4 ப்ரோ 4G
- போக்கோ M4 5G
ஆண்ட்ராய்டு 13 அப்டேட் பெற இருக்கும் ரெட்மி ஸ்மார்ட்போன்கள்:
- ரெட்மி 10/பிரைம்/2022/பிரைம் 2022
- ரெட்மி 10 5G / பிரைம்+ 5G
- ரெட்மி 10C / ரெட்மி 10 (இந்தியா)
- ரெட்மி நோட் 10/10S/ப்ரோ/ப்ரோ மேக்ஸ் /ப்ரோ 5G
- ரெட்மி நோட் 10T/10 5G
- ரெட்மி நோட் 11/NFC/11S/ப்ரோ 4G/ப்ரோ 5G/ப்ரோ+ 5G
- ரெட்மி நோட் 11 ப்ரோ / ப்ரோ+ / 11E ப்ரோ
- ரெட்மி நோட் 11T/11 5G/4G
- ரெட்மி 40/ப்ரோ/ப்ரோ+/கேமிங்/K40S
- ரெட்மி K50/ப்ரோ/கேமிங்
மோட்டோரோலா நிறுவனம் இந்திய சந்தையில் புதிய 5ஜி ஸ்மார்ட்போனினை பட்ஜெட் பிரிவில் அறிமுகம் செய்வதற்கான பணிகளில் ஈடுபட்டு வருகிறது.
மோட்டோரோலா நிறுவனத்தின் புதிய மோட்டோ G52 5ஜி ஸ்மார்ட்போன் ஏப்ரல் 25 ஆம் தேதி இந்தியாவில் அறிமுகம் செய்யப்பட இருக்கிறது. இதுபற்றிய விவரங்களை மோட்டோரோலா நிறுவனம் அதிகாரப்பூர்வமாக அறிவித்து இருக்கிறது. முன்னதாக இதே ஸ்மார்ட்போன் ஐரோப்பிய சந்தையில் அறிமுகம் செய்யப்பட்டது குறிப்பிடத்தக்கது.
அதன்படி புது மோட்டோ G52 ஸ்மார்ட்போனில் 6.6 இன்ச் FHD+AMOLED ஸ்கிரீன், 90Hz ரிப்ரெஷ் ரேட் டிஸ்ப்ளே, குவால்காம் ஸ்னாப்டிராகன் 680 பிராசஸர், 4GB ரேம், 50MP பிரைமரி கேமரா, 8MP அல்ட்ரா வைடு கேமரா, 2MP மேக்ரோ கேமரா, 16MP செல்ஃபி கேமரா போன்ற அம்சங்கள் வழங்கப்பட்டு உள்ளது.
மோட்டோ G52 அம்சங்கள்:
- 6.6 இன்ச் FHD+ 2400x1080 பிக்சல் மேக்ஸ்விஷன் AMOLED டிஸ்ப்ளே, 90Hz ரிப்ரெஷ் ரேட்
- ஆக்டா கோர் ஸ்னாப்டிராகன் 680 பிராசஸர்
- அட்ரினோ 610 GPU
- 4GB / 6GB ரேம்
- 128GB மெமரி
- மெமரியை கூடுதலாக நீட்டிக்கும் வசதி
- ஆண்ட்ராய்டு 12 மற்றும் My UX
- ஹைப்ரிட் டூயல் சிம் ஸ்லாட்
- 50MP பிரைமரி கேமரா, f/1.8
- 8MP 118° அல்ட்ரா வைடு ஆங்கில் லென்ஸ் / டெப்த் கேமரா, f/2.2
- 2MP மேக்ரோ கேமரா, f/2.4
- 16MP செல்ஃபி கேமரா, f/2.45
- 3.5mm ஆடியோ ஜாக், ஸ்டீரியோ ஸ்பீக்கர்கள், டால்பி அட்மோஸ்
- பக்கவாட்டில் கைரேகை சென்சார்
- ஸ்பிலாஷ் ரெசிஸ்டண்ட் (IP52)
- டூயல் 4ஜி வோல்ட்இ, வைபை, ப்ளூடூத்
- யு.எஸ்.பி. டைப் சி
- 5000mAh பேட்டரி
- டர்போ பவர் 30 வாட் ஃபாஸ்ட் சார்ஜிங்
புதிய மோட்டோ G52 ஸ்மார்ட்போன் சார்கோல் கிரே மற்றும் போர்சிலெயின் வைட் நிறங்களில் கிடைக்கும் என கூறப்படுகிறது. இந்திய சந்தையில் புதிய மோட்டோ G52 ஸ்மார்ட்போனின் 6GB ரேம், 128GB மெமரி மாடல் விலை ரூ. 19 ஆயிரத்து 999 வரை நிர்ணயம் செய்யப்படும் என தகவல் வெளியாகி உள்ளது.
×