என் மலர்

    நீங்கள் தேடியது "udangudi"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பக்தர்கள் வேடம் அணியும் பொருட்கள் தேர்வு செய்து வாங்குவதில், தீவிரம் காட்டி வருகின்றனர்.
    • தசரா விழாவின் 1-ம் திருநாளான நேற்று இரவு சிம்ம வாகனத்தில் துர்க்கை திருக்கோலத்தில் அம்மன் பவனி வந்த காட்சி.

    உடன்குடி:

    குலசேகரன்பட்டினம் முத்தாரம்மன் கோவில்தசரா பெருந்திருவிழாவில் 2-ம் திருநாளான இன்று இரவு 9 மணிக்கு அன்னை முத்தாரம்மன் கற்பக விருட்சம் வாகனத்தில் விஸ்வகர்மேஸ்வரர் திருக்கோலத்தில் பக்தர்களுக்கு காட்சி கொடுக்கிறார்.

    முன்னதாக காலை 8 மணி முதல் இரவு 8 மணி வரை அம்மனுக்கு பல்வேறு சிறப்பு அபிசேகங்களும், மாலை 4 மணிக்கு சமய சொற்பொழிவு, இன்னிசைகலை நிகழ்ச்சிகள் தொடர்ந்து நடைபெறும்.

    விரதம் இருந்து வந்த பக்தர்கள் காலையில் கடலில் நீராடி, கோவிலுக்கு வந்து, காப்பு கட்டி விரதம் இருக்கின்றனர்.

    மேலும் தசரா திருவிழாவையொட்டி உடன்குடி பஜார் பகுதியில் கூட்டம் கூட்டமாக குவிந்து வேடம் அணியும் பொருட்கள் தேர்வு செய்து வாங்குவதில், தீவிரம் காட்டி வருகின்றனர்.

    தசரா விழாவை முன்னிட்டு பக்தர்களால் உடன்குடி பகுதி பரபரப்பாகவே காணப்படுகிறது. மேலும் முறையான போக்குவரத்து கட்டுப்பாடு அதிகாரிகள் இல்லாததால், ஒரு வழிப்பாதை அடிக்கடி மீறப்படுகிறது. இதனால் அடிக்கடி வாகன நெரிசல் ஏற்படுகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • புரட்டாசி திருவிழா கடந்த 14-ந் தேதி கொடியேற்றத்துடன் தொடங்கியது.
    • 10-ம் திருநாளன்று நள்ளிரவு 12 மணிக்கு சிறப்பு அலங்கார பூஜை நடைபெற்றது.

    உடன்குடி:

    உடன்குடி அருகே கொட்டங்காடு பத்திரகாளி அம்மன் கோவிலில் 10 நாட்கள் நடைபெற்ற புரட்டாசி திருவிழாவின் நிறைவு நாளான நேற்று அம்மன், விநாயகர் சப்பரங்கள் பவனி நடைபெற்றது.இங்கு புரட்டாசி திருவிழா கடந்த 14-ந் தேதி கொடியேற்றத்துடன் தொடங்கியது.

    10-ம் திருநாளன்று நள்ளிரவு 12 மணிக்கு சிறப்பு அலங்கார பூஜையைத் தொடர்ந்து ஸ்ரீ பவளமுத்து விநாயகர், தேவி ஸ்ரீ பத்திரகாளி அம்மன் ஆகிய இரு சப்பர பவனி தொடங்கியது. ஊரில் உள்ள அனைத்து தெருபகுதிகளிலும் வலம் வந்த சப்பர பவனிக்கு வழிநெடுகிலும் மக்கள் நேமிசங்களைப் படைத்து வழிபட்டனர்.

    சுமார் 24மணி நேரம் இரு சப்பரங்களும் ஊர் முழுவதும் சுற்றி கோவிலை வந்தடைந்தவுடன் கொடியிறக்கப்பட்டு புரட்டாசி திருவிழா நிறைவு பெற்றது. இதற்கான அனைத்து ஏற்பாடுகளை கோயில் பரம்பரை தர்மகர்த்தா சுந்தரஉசன் மற்றும் விழாக்குழுவினர் செய்திருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • செட்டியாபத்து ஊராட்சி மன்றத் தலைவர் பாலமுருகன் தலைமை தாங்கினார்.
    • திட்டங்கள் அடித்தட்டு மக்களை சென்றடைய வேண்டும் என்பதில் முதல்-அமைச்சர், மிகுந்த கவனமாக இருக்கிறார் என்று அமைச்சர் கூறினார்.

    உடன்குடி, செப்.19-

    உடன்குடி -செட்டியாபத்து சாலையில் உள்ள முத்துக்கிருஷ்ணாபுரம் பிரிவில் தனியார்குழுமம் சார்பில் கட்டப்பட்ட நவீன பஸ் நிறுத்த திறப்பு விழா நடைபெற்றது.

    செட்டியாபத்து ஊராட்சி மன்றத் தலைவர் பாலமுருகன் தலைமை தாங்கினார். திருச்செந்தூர் கோட்டாட்சியர் புகாரி, உடன்குடி ஊராட்சி ஓன்றியக்குழு தலைவர் டி.பி.பாலசிங், துணைத்தலைவி மீரா சிராஜூதீன், உடன்குடி பேரூராட்சி மன்ற துணைத்தலைவர் மால்ராஜேஷ், உடன்குடி தொடக்க வேளாண்மைக் கூட்டுறவு கடன் சங்க தலைவர் அஸ்ஸாப், தொழிலதிபர்கள் ஞானராஜ் கோயில்பிள்ளை, ராம்குமார் ஆகியோர் முன்னிலை வகித்தனர்.

    அமைச்சர் அனிதா ராதாகிருஷ்ணன் பங்கேற்று புதிய நவீன பஸ் நிறுத்தத்தை திறந்து வைத்து செய்தியாளர்களிடம் கூறியதாவது:-

    தமிழகத்தில் தி.மு.க. தலைவர் மு. க. ஸ்டாலின் ஆட்சியில் நிறைவேற்றப்படும் ஏராளமான திட்டங்கள் அடித்தட்டு மக்களை சென்றடைய வேண்டும் என்பதில் முதல்-அமைச்சர், மிகுந்த கவனமாக இருக்கிறார். பொது மக்கள் கிராமமக்கள் கொடுக்கும் அடிப்படை கோரிக்கைகள் உடனுக்குடன் நிறைவேற்றப்படுகிறது. வீடு தேடி கல்வி, வீடு தேடி மருத்துவம், வீடு தேடி மின்சார குறை தீர்ப்பு மையம், இப்படி பல திட்டங்கள் மக்களை தேடிச் சென்று நிறைவேற்றப்படுகிறது.

    இதுதான் முதல்-அமைச்சர் மு.க.ஸ்டாலின் ஆட்சி முதலிடம் ஆக இருப்பதற்கு முன் உதாரணமாகும். நிகழ்ச்சியில்தி.மு.க.வை சேர்ந்த மாநில மாணவரணிதுணை செயலர் உமரிசங்கர், மாவட்ட இளைஞரணி ராமஜெயம், உடன்குடி கிழக்கு ஓன்றிய செயலர் இளங்கோ, மாவட்ட சார்பு ஆணி நிர்வாகிகள் ராமஜெயம், மகாவிஷ்ணு, சிராஜூதீன், ரவிராஜா, உடன்குடி பேரூராட்சி நிலைக்குழு உறுப்பினர் ஜான்பாஸ்கர், இளைஞர் அணியை சேர்ந்த பாய்ஸ், அஜய், செட்டியாபத்து ஜாம்புராஜ், பேரூராட்சி முன்னாள் உ றுப்பினர் முகமது சலீம், தி.மு.க. நிர்வாகிகள் உட்பட பலர் கலந்துகொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • உடன்குடி சந்தையடி தெருசந்திப்பு போக்குவரத்து நிறைந்த ஒரு முக்கியமான 3 சந்திப்பு சாலையாகும்.
    • திருச்செந்தூர் தூத்துக்குடியில் இருந்து வரும் பஸ்களை சந்தையடிதெரு சந்திப்புக்கு முன்பு சுமார் 100 அடிக்கு முன்னதாகவே பஸ்களை நிறுத்தி பயணிகளை ஏற்றி, இறக்க வேண்டும்.

    உடன்குடி:

    உடன்குடி சந்தையடி தெருசந்திப்பு போக்குவரத்து நிறைந்த ஒரு முக்கியமான 3 சந்திப்பு சாலையாகும். நெல்லை இருந்து வரும் பஸ்கள், தூத்துக்குடி மற்றும் திருச்செந்தூரில் இருந்து வரும் பஸ்கள், உடன்குடி பஸ் நிலையத்திலிருந்து வரும் பஸ்கள் ஆகிய 3 பஸ்களும் ஓரே நேரத்தில் ஒரே இடத்தில் நின்று பயணிகளை இறக்குவதாலும், ஏற்றுவதாலும் போக்குவரத்து நெருக்கடி ஏற்படுகிறது. இதனால் மக்கள் பெரிதும் அவதிப்படுகிறார்கள். போக்குவரத்து நெரிசலை குறைக்கும் வகையில் அந்த இடத்தில் ஒரு ரவுண்டானா அமைக்க வேண்டும்.

    மேலும் திருச்செந்தூர் தூத்துக்குடியில் இருந்து வரும் பஸ்களை சந்தையடிதெரு சந்திப்புக்கு முன்பு சுமார் 100 அடிக்கு முன்னதாகவே பஸ்களை நிறுத்தி பயணிகளை ஏற்றி, இறக்க வேண்டும். இப்படி செய்தால் சந்தையடி தெரு சந்திப்பில் போக்குவரத்து நெரிசலை தவிர்க்கலாம் என்பது சமூக ஆர்வலர்கள், பொதுமக்கள் மற்றும் பல்வேறு தரப்பினரின் கோரிக்கையாகும். 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • உடன்குடிஒன்றியம் சீர்காட்சிபஞ்சாயத்து உட்பட்ட விஜய நாராயண புரத்தில் ஊர் மக்கள் இங்குள்ள விநாயகர் கோவிலில் 108 திருவிளக்கு பூஜை நடத்தினர்
    • நாட்டில் வறுமை நீங்கிடவும், நல்ல மழை பொழிந்து நாடு செழிக்கவும்விவசாயம் வளரவும் வேண்டி பாடல்கள் பாடி வழிபாடு செய்தனர்.

    உடன்குடி:

    உடன்குடிஒன்றியம் சீர்காட்சிபஞ்சாயத்து உட்பட்ட விஜய நாராயண புரத்தில் ஊர் மக்கள் எல்லோரும் சேர்ந்து இந்து அன்னையர் முன்னணி தலைவி பட்டுரோஜா தலைமையில் இங்குள்ள விநாயகர் கோவிலில் 108 திருவிளக்கு பூஜை நடத்தினர்.

    நாட்டில் வறுமை நீங்கிடவும், நல்ல மழை பொழிந்து நாடு செழிக்கவும்விவசாயம் வளரவும் வேண்டி பாடல்கள் பாடி வழிபாடு செய்தனர்.

    இதில் துணைத் தலைவி பேச்சம்மாள், செயலாளர் முத்துலட்சுமி, பொருளாளர் சரஸ்வதி, மகேந்திரன் சுதாகர் இந்து அன்னையர் முன்னணி மாவட்ட பொறுப்பாளர் கேசவன் கலந்து கொண்டு ஆன்மீகம்சம்பந்தமான புராணங்கள், இந்துக்கள் ஒற்றுமையாக இருக்க வேண்டும் என்றும். தாய்மார்கள் தங்களது பிள்ளைகளுக்கு இந்துக்களின் வரலாறு களைகூற வேண்டும் என்றும், தினசரி ஒரு முறை கோவிலுக்கு செல்ல வேண்டும் என்றும் பல்வேறு அறிவுரை வழங்கினார். ஊர் மக்கள் பலர் கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தாமிரபரணி ஆற்றின் திருவைகுண்டம் அணை யின் தென்கால்உபரிநீர் முழுவதையும் குலசை தருவைக்குளம் வழியாகமணப்பாடு கடலுக்குமட்டும் அனுப்ப வேண்டும்
    • 15 நீர் பிடிப்பு குளங்களை நிரப்ப நடவடிக்கை எடுக்கவேண்டும்.

    உடன்குடி:

    உடன்குடி அருகே உள்ள தண்டுபத்தில் தங்கி இருந்த தமிழக மீன்வளம் மீனவர் நலம் மற்றும் கால்நடை பராமரிப்பு துறை அமைச்சர் அனிதா ராதாகிருஷ்ணனை உடன்குடி பகுதியில் உள்ள தி.மு.கவினர் நேரில் சந்தித்து கோரிக்கை மனு கொடுத்தனர்.அந்த மனுவில் கூறியிருப் பதாவது:-

    தாமிரபரணி ஆற்றின் திருவைகுண்டம் அணை யின் தென்கால்உபரிநீர் முழுவதையும் குலசை தருவைக்குளம் வழியாகமணப்பாடு கடலுக்குமட்டும் அனுப்ப வேண்டும் என்றும்,

    வருடந்தோறும் ஆத்தூர் வழியாக புன்னக்காயல் கடலுக்கு நேரடியாக செல்லும் தாமிரபரணி ஆற்றின் தண்ணீர் அளவை முன்கூட்டியே கணக்கிட்டு, அதை ஸ்ரீவைகுண்டம் அணைக்கட்டிற்கு முன்பே உள்ள மருதூர்மேலக்கால் அணைக்கட்டு மூலம் உபரிநீரை தெற்கே திருப்பி விட்டு உடன்குடியைச் சுற்றியுள்ள நீர்ப்பிடிப்பு குளங்களான செம்மறிபடுகைகுளம், சடையனேரிகுளம், தாங்கைக்குளம், அய்யனார்குளம், நரிக்குளம், தண்டுபத்து வடக்குகுளம், மானாட்சிகுளம், குண்டாங்கரைகுளம், சிறுகுளம், இடையர்குளம். தேரிகுண்டாங்கரை உட்பட 15 நீர் பிடிப்பு குளங்களை நிரப்ப நடவடிக்கை எடுக்கவேண்டும்.

    மேலும் எஞ்சிய தண்ணீரை தாங்கைக்குளம் வழியாக கருமேனிஆற்றில்விட்டு மணப்பாடு கடலுக்கு அனுப்பினால் போதும்.

    மணப்பாடுகடல்முகம் இயற்கையாக அமைந்து இருப்பதால் உடன்குடி சுற்றுவட்டார பொதுமக்களுக்கு எந்த விதமான இடையூறும் இல்லாமல் புன்னக்காயல் கடலுக்கு நேர்வழியில் போவதை மாற்றிட முடியும்.

    மேலும் உடன்குடியை சுற்றி மணப்பாடு கடலுக்கு அனுப்பினாலே உடன்குடி வட்டாரபகுதியில் உள்ள நிலத்தின்நீர் வளத்தை பாதுகாக்க முடியும், உடன்குடியில் பாசன குளங்கள் எதுவுமில்லை.

    அனைத்துமே நீர்ப்பிடிப்பு குளங்கள் தான்.பம்புசெட் மூலமே விவசாயம் நடைபெறுவதால் அவைஉறிஞ்சும் தண்ணீரை மேற்கண்ட குளங்கள் மூலமாக வருடந்தோறும் கொடுத்தாலே போதும், 15 நீர் பிடிப்பு குளங்களையும் காப்பாற்றி கடலுக்கு வீணாக செல்லும் தண்ணீரை திருப்பி விட நிரந்தர நடவடிக்கை எடுக்க வேண்டும். இவ்வாறு அந்த கோரிக்கை மனுவில் கூறியிருந்தது.

    மனுவைப் பெற்றுக் கொண்ட அமைச்சர் தமிழகஅரசின்சட்ட திட்டங்களுக்கு உட்பட்டு உங்கள் கோரிக்கை மனு மீது நடவடிக்கை எடுக்கப்படும் என்று கூறினார். அப்போது உடன்குடி கிழக்கு ஒன்றிய தி.மு.க செயலாளர் இளங்கோ, கூட்டுறவு வங்கி தலைவர் அசாப்அலி பாதுஷா, தண்டுபத்து பாலகணேசன், சேக் முகமது, ஜெயப்பிரகாஷ் உட்பட பலர் உடன் இருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • உடன்குடி தேரியூர் ஸ்ரீராமகிருஷ்ணா சிதம்பரேஸ்வரர் மேல்நிலைப்பள்ளியில் தமிழக அரசின் வரும்முன் காப்போம் திட்ட சிறப்பு முகாம் நடைபெற்றது.
    • சிறப்பு அழைப்பாளராக உடன்குடி ஊராட்சி ஓன்றியக்குழு தலைவர் பாலசிங் பங்கேற்று முகாமை தொடங்கி வைத்து பயனாளிகளுக்கு நலத்திட்ட உதவிகளை வழங்கினார்.

    உடன்குடி:

    உடன்குடி தேரியூர் ஸ்ரீராமகிருஷ்ணா சிதம்பரேஸ்வரர் மேல்நிலைப்பள்ளியில் தமிழக அரசின் வரும்முன் காப்போம் திட்ட சிறப்பு முகாம் நடைபெற்றது.

    வட்டார மருத்துவ ஆலுவலர் ஆனிபிரிமின் தலைமை தாங்கி வரவேற்று பேசினார். செட்டியாபத்து ஊராட்சிமன்ற தலைவர் பாலமுருகன், மருத்துவர்கள் ஆர்த்தி பிரசாத், அஸ்வின், பள்ளி தலைமையாசிரியர் லிங்கேஸ்வரன், சுகாதார மேற்பார்வையாளர் சேதுகுற்றாலம், சுகாதார ஆய்வாளர்கள் சேதுபதி, குருசாமி, ஆழ்வார் ஆகியோர் முன்னிலை வகித்தனர்.

    சிறப்பு அழைப்பாளராக உடன்குடி ஊராட்சி ஓன்றியக்குழு தலைவர் பாலசிங் பங்கேற்று முகாமை தொடங்கி வைத்து பயனாளிகளுக்கு நலத்திட்ட உதவிகளை வழங்கினார்.மேலும் மழைக்காலம் தொடங்குவதற்கு முன்பாக டெங்கு காய்ச்சல் பரவாத வண்ணம் வீடுகள், தெருக்களில் சுகாதாரப் பணிகளை விரைந்து செயல்படுத்துமாறு மஸ்தூர், சுகாதாரப் பணியாளர்களிடம் வலியுறுத்தினார்.

    முகாமில் அனைத்து விதமான நோய்களுக்கும் பரிசோதிக்கப்பட்டு மருந்துகள், ஆலோசனைகள் வழங்கப்பட்டது.மத்திய, மாநில அரசுகளின் மருத்துவக் காப்பீட்டுத் திட்டங்கள், முதல்-அமைச்சரின் சிறப்பு மருத்துவத் திட்டங்களின் பயன்கள் குறித்து விளக்கமளிக்கப்பட்டது. தி.மு.க. மாவட்டப் பிரதிநிதி மகேஸ்வரன், தினகர், கிளைச் செயலாளர் மோகன், தனசிங், மற்றும் மருத்துவ, சுகாதார, அங்கன்வாடி பணியாளர்கள் பலர் கலந்துகொண்டனர்.


    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • உடன்குடி ஓன்றிய இந்து முன்னணி சார்பில் 43 இடங்களில் விநாயகர் சிலைகள்கடந்த 1-ந் தேதி பிரதிஷ்டை செய்யப்பட்டன
    • சுமார் 38 ஊர்கள் வழியாக சென்று திருச்செந்தூர் கடலில் விநாயகர் சிலைகள் விஜர்சனம் செய்யப்பட்டது.

    உடன்குடி:

    உடன்குடி ஓன்றிய இந்து முன்னணி சார்பில்உடன்குடி சந்தையடியூர், பெருமாள்புரம், வைத்திலிங்கபுரம், நடுக்காலன் குடியிருப்பு, சிவல்விளைபுதூர், மெஞ்ஞானபுரம் பரமன்குறிச்சி, உட்பட 43 இடங்களில் விநாயகர் சிலைகள்கடந்த 1-ந் தேதி பிரதிஷ்டை செய்யப்பட்டன.தினமும் விநாயகர் அகவல் ஓப்புவித்தல், கட்டுரை, ஓவியம் வரைதல் உள்ளிட்ட பல்வேறு போட்டிகள் மற்றும் தினசரி காலை,மாலை என இரு வேளை சிறப்பு பூஜைகள்நடைபெற்றது.

    நேற்று மாலை 5 மணி அளவில்ஒவ்வொரு விநாயகர்சிலையும் ஒவ்வொருவாகனத்தில் ஏற்றி, உடன்குடி தேரியூர் ஸ்ரீராமகிருஷ்ணா பள்ளிமுன்பிருந்து புறப்பட்ட ஊர்வலத்தினை உடன்குடி நகர பா.ஜ.க. தலைவர் பாலன் தொடங்கி வைத்தார்.சேவாபாரதி மாவட்ட தலைவர் கிருஷ்ணமந்திரம், தூத்துக்குடி தெற்கு மாவட்ட பா.ஜ.க. பொதுச்செயலர் சிவமுருகன் ஆதித்தன், உடன்குடி ஓன்றிய தலைவர் அழகேசன், இந்து முன்னணி மாவட்ட பொதுச்செயலர் சுடலைமுத்து, ஓன்றிய தலைவர் செந்தில்செல்வம், நகர தலைவர் சித்திரைபெருமாள் ஆகியோர் முன்னிலை வகித்தனர்.ஊர்வலம் உடன்குடிபஜார், சந்தையடியூர், கொட்டங்காடு, பண்டாரஞ்செட்டி விளை, ரங்கநாதபுரம், சிவலூர், கொட்டங்காடு கிறிஸ்தியாநகரம், சத்தியமூர்த்தி பஜார், சிதம்பரத்தெரு, காலன் குடியிருப்பு, பேருந்துநிலையம், வில்லிகுடியிருப்பு, வடக்கு பஜார் தைக்காவூர், நயினார் பத்து, சீர்காட்சி, அம்மன்புரம் உட்பட சுமார் 38 ஊர்கள் வழியாக சென்று திருச்செந்தூர் கடலில் விநாயகர் சிலைகள் விஜர்சனம் செய்யப்பட்டது. ஊர்வலத்தையொட்டி ஏராளமான போலீசார் பாதுகாப்பு பணியில் ஈடுபட்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • உடன்குடி பகுதியில் உள்ள வியாபாரிகளின் போன் நம்பரை தெரிந்து கொண்டு சிலர் நான் உங்கள் கடையின் வாடிக்கையாளர்கள் என்று சொல்லி உங்கள் கடையில் நான் ஏகப்பட்ட பொருட்கள்வாங்கி இருக்கிறேன்.
    • இதுவரை சுமார் 9 வியாபாரிகள் பாதிக்கப்பட்டுள்ளனர்.

    உடன்குடி:

    உடன்குடி பகுதியில் உள்ள வியாபாரிகளின் போன் நம்பரை தெரிந்து கொண்டு, திடீரெனபெண் குரலிலும், ஆண் குரலிலும் பேசும், மர்ம நபர்கள் எங்களது உறவினருக்கு உடல் நிலை சரி இல்லை என்று சோக கதைகளை உருக்கமாக சொல்வதும், சிலர் நான் உங்கள் கடையின் வாடிக்கையாளர்கள் என்று சொல்லி உங்கள் கடையில் நான் ஏகப்பட்ட பொருட்கள்வாங்கி இருக்கிறேன்.

    எனக்கும் பக்கத்துஊருதான் என்று ஏதாவதுஒன்றை பேசி, நான் இருசக்கர வாகனத்தில்வரும் போது பெட்ரோல் இல்லாமல் நிற்பதாகவும் எனது நண்பரை அனுப்பி இருக்கிறேன். அவரிடம் பெட்ரோல் வாங்க ரூ.200 கொடுத்து விடுங்கள் என்றும், மற்றும் பல வகைகளில் மோசடியாகபேசி ரூ.300, ரூ.500 என ஏமாற்றி வாங்கிவிட்டு பின்பு போனை எடுப்பதில்லை.

    இப்படி இதுவரை சுமார் 9 வியாபாரிகள் பாதிக்கப்பட்டுள்ளனர்.தொடர்ந்து இப்படிப்பட்ட மர்ம போன் வியாபாரிகளுக்கு வருவதாகவும் வியாபாரிகள் உஷாராக இருக்கும்படி அறிவுறுத்தப்பட்டுள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • உடன்குடி ஓன்றியத்தில் இந்து முன்னணி, இந்து மகாசபா ஆகியவை சார்பில் 88 விநாயகர் சிலைகள் பிரதிஷ்டை செய்யப்பட்டது.
    • பிரதிஷ்டை செய்யப்பட்ட அனைத்து சிலைகளுக்கும் தினமும் காலையிலும், மாலையிலும் சிறப்பு பூஜைகள், மாணவர்களுக்கான விநாயகர் அகவல் போட்டிகள், பரிசளிப்பு நிகழ்ச்சி ஆகியவை நடைபெறும்.

    உடன்குடி:

    உடன்குடி ஓன்றியத்தில் இந்து முன்னணி, இந்து மகாசபா ஆகியவை சார்பில் 88 விநாயகர் சிலைகள் பிரதிஷ்டை செய்யப்பட்டது.

    இந்து முன்னணி சார்பில் உடன்குடி மெயின் பஜார், பெருமாள்புரம், சந்தையடியூர், கொட்டங்காடு, தேரியூர், சிவல்விளைபுதூர், நடுக்காலன்குடியிருப்பு, மெஞ்ஞானபுரம், பரமன்குறிச்சி உள்பட 48 இடங்களில் 4 அடி முதல் 8 அடி உயரமுடைய விநாயகர் சிலைகள் சிறப்பு பூஜைகளுடன் நேற்று பிரதிஷ்டை செய்யப்பட்டது.

    இந்நிகழ்ச்சிகளில் இந்து முன்னணி மாவட்ட பொதுச்செயலர் சுடலைமுத்து, ஓன்றிய தலைவர் செந்தில்செல்வம், நகர தலைவர் சித்திரைபெருமாள் உட்பட பலர் கலந்துகொண்டனர்.பிரதிஷ்டை செய்யப்பட்ட அனைத்து சிலைகளுக்கும் தினமும் காலையிலும், மாலையிலும் சிறப்பு பூஜைகள், மாணவர்களுக்கான விநாயகர் அகவல் போட்டிகள், பரிசளிப்பு நிகழ்ச்சி ஆகியவை நடைபெறும்.

    நாளை மறுநாள் (சனிக்கிழமை) மாலை 3 மணிக்கு ஒவ்வொரு விநாயகர் சிலைகளும் ஒவ்வொரு வாகனத்தில் ஏற்றி உடன்குடி நகர பகுதியில் முக்கிய வீதிகள் வழியே ஊர்வலமாக எடுத்துச்செல்லப்பட்டு திருச்செந்தூர் கடலில் விசர்ஜனம் செய்யப்படும்.

    இன்னும் உடன்குடி ஒன்றிய பகுதியில் ஆயிரத்துக்கு மேற்பட்ட பெண்களுக்கு வீடு வீடாக குட்டி விநாயகர் சிலைகள் வழங்கப்பட்டு வீட்டில் வைத்து தினசரி காலையிலும் மாலையிலும் சிறப்பு வழிபாடுசெய்து வருகிறார்கள். வீடுகளில் உள்ள விநாயகர் சிலைகளும் 3-ந்தேதி ஊர்வலமாக எடுத்துச் செல்லப்படும்.

    இது தவிர இந்து மகாசபா சார்பில் உடன்குடி கீழபஜார், குலசேகரன்பட்டினம், பாரதிநகர், அனுகூலபுரம், விநாயகர்காலனி ஜெ.ஜெ.நகர், வில்லிகுடியிருப்பு, நங்கைமொழி உள்ளிட்ட 40 இடங்களில் விநாயகர் சிலைகள் பிரதிஷ்டை செய்யப்பட்டது. தினசரி காலையிலும், மாலையிலும் சிறப்பு வழிபாடுகள் தொடர்ந்து நடந்து வருகின்றன. இந்நிகழ்ச்சியில் இந்து மகாசபாமாநில செயலர் அய்யப்பன் உட்பட பல நிர்வாகிகள் கலந்துகொண்டனர்.

    இந்த அமைப்பின் சார்பில் இன்று மாலை 4 மணிக்கு விநாயகர் சிலைகள் ஊர்வலம் மற்றும் 500 பெண்கள் பங்கேற்கும் சிறு விநாயகர் சிலைகள் ஊர்வலம் ஆகியன உடன்குடியில் புறப்பட்டு வாகனங்களில் எடுத்து சென்று திருச்செந்தூர் கடற்கரையில் விசர்ஜனம் நடைபெறும். இதில் இந்து மகாசபா தேசிய துணைத்தலைவர் பாலசுப்பிரமணியன், மாநில பொதுச்செயலர் முத்தப்பா, உட்பட முக்கிய நிர்வாகிகள் கலந்துகொள்கின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தமிழகஅரசின்சமூக பாதுகாப்புத்துறையின் மாவட்ட குழந்தைப் பாதுகாப்பு அலகு சார்பில் உடன்குடி வட்டார அளவிலான குழந்தைகள்பாதுகாப்பு விழிப்புணர்வு கூட்டம் ஊராட்சி ஓன்றிய அரங்கில் நடந்தது.
    • இலவச தொலைபேசி எண் 1098, பாதிக்கப்பட்ட குடும்பங்களுக்கு மறுவாழ்வு அளித்தல், பெண் குழந்தைகளை பெற்றோர்கள் அதிககவனம் செலுத்தி கண்காணிக்க வேண்டும் என்று மாவட்ட குழந்தைகள் பாதுகாப்பு அலகு பணியாளர் செல்வி பிளாரன்ஸ் பேசினார்.

    உடன்குடி:

    தமிழகஅரசின்சமூக பாதுகாப்புத்துறையின் மாவட்ட குழந்தைப் பாதுகாப்பு அலகு சார்பில் உடன்குடி வட்டார அளவிலான குழந்தைகள்பாதுகாப்பு விழிப்புணர்வு கூட்டம் ஊராட்சி ஓன்றிய அரங்கில் நடந்தது.

    உடன்குடி ஊராட்சி ஓன்றியக்குழு தலைவர் பாலசிங் தலைமை தாங்கினார். குழுந்தைகள் பாதுகாப்பில் தமிழக அரசுஎடுத்து வரும் சீரிய நடவடிக்கைகள், அமல்படுத்தியுள்ள சட்டங்கள்குறித்து பேசி விழிப்புணர்வு எண்கள் கொண்ட பலகையைத் திறந்து வைத்தார்.

    குழந்தைகள் பாதுகாப்பில் சமூக நலத்துறை, மருத்துவம், பள்ளிகள், ஊராட்சி களில் மேற்கொள்ள வேண்டிய நடவடிக்கைகள், எடைசத்துகுறைபாடு உடையவர்களை கண்டறிதல், இலவச தொலைபேசி எண் 1098, பாதிக்கப்பட்ட குடும்பங்களுக்குமறுவாழ்வுஅளித்தல், பெண் குழந்தைகளை பெற்றோர்கள் அதிககவனம் செலுத்தி கண்காணிக்க வேண்டும் என்று மாவட்ட குழந்தைகள் பாதுகாப்பு அலகு பணியாளர் செல்வி பிளாரன்ஸ் பேசினார்.

    நிகழ்ச்சிக்கு வட்டார வளர்ச்சி அலுவலர் சசிகுமார், தொழிலாளர் உதவி ஆய்வாளர் ஜோதிலட்சுமி, குழந்தை வளர்ச்சித் திட்ட அலுவலர்கள் மலர்கொடி சுகிர்தா, ஜேம்ஸ், சமூக நலத்துறை அலுவலர்கள் ஞானேஸ்வரி, கிறிஸ்டி விஜயராணி, ஆகியோர் முன்னிலை வகித்தனர்.

    சைல்டு லைன் உறுப்பினர் தங்கமது, கிறிஸ்தியாநகரம் நவஜீவன் விடுதி பொறுப்பாளர் ஜேசுதாசன், சிறுநாடார்குடியிருப்பு ஊராட்சி மன்றத் தலைவி கமலம் உட்பட பலர் கலந்துகொண்டனர்.

    துணை வட்டார வளர்ச்சி அலுவலர் வாவாஜி பக்கீர் முகைதீன் வரவேற்றார்.

    • Whatsapp
    • Telegram
    • Linkedin
    • Print
    • koo