நீங்கள் தேடியது "farmers demands"

விழுப்புரம்:

விழுப்புரம் மாவட்ட கலெக்டர் அலுவலக கூட்ட அரங்கில் விவசாயிகள் குறைதீர்க்கும் நாள் கூட்டம் கலெக்டர் பழனி, தலைமையில் நடைபெற்றது. இக்கூட்டத்தில் விழுப்புரம் மாவட்டம் முழுவதுமிருந்து வந்திருந்த விவசாயிகள் பல்வேறு கோரிக்கைகள் குறித்து பேசினர்.இதனைத் தொடர்ந்து பேசிய கலெக்டர், ஒவ்வொரு மாதமும் நடைபெறும் விவசாயிகள் குறை தீர்க்கும் நாள் கூட்டத்தில், விவசாயிகள் தெரிவிக்கும் கோரிக்கைகள் அனைத்தும் துறை சார்ந்த அலுவலர்கள் வாயிலாக நிறைவேற்றி கொடுக்கப்பட்டு வருகிறது. விவசாயம் மற்றும் விவசாயிகளின் நலனை பாதுகாத்திடும் வகையில் தற்பொழுது அனைத்து கோரிக்கைகளும் உடனடியாக துறை சார்ந்த அலுவலர்கள் வாயிலாக நிறைவேற்றிட நடவடிக்கை மேற்கொள்ளப்படும் என உறுதியளித்தார்.

கூட்டத்தில் மாவட்ட வருவாய் அலுவலர் பரமேஸ்வரி, கூடுதல் கலெக்டர் ஸ்ருதன்ஜெய் நாராயணன் மாவட்ட வருவாய் அலுவலர் சரஸ்வதி, வேளாண்மை இணை இயக்குநர் கணேசன், கூட்டுறவு சங்கங்களின் மண்டல இணைப்பதிவாளர் யசோதா தேவி, மாவட்ட மத்திய கூட்டுறவு வங்கி மேலாண் இயக்குனர் இளஞ்செல்வி, மாவட்ட ஆட்சியரின் நேர்முக உதவியாளர் சண்முகம், வேளாண்மை துணை இயக்குநர் பெரியசாமி, விவசாய பிரதிநிதிகள் மற்றும் துறை சார்ந்த அலுவலர்கள் கலந்து கொண்டனர்.

உடன்குடி:

உடன்குடி ஒன்றியத்திற்கு உட்பட்ட வெங்கட் ராமானுஜபுரம் ஊராட்சியில் 224.8 ஏக்கர் பரப்பளவில் தாங்கைகுளம் உள்ளது. இது ஒரு நீர்பிடிப்பு குளமாகும். இந்த குளத்திலிருந்து எந்தவிதமான கால்வாய் பாசனமும் கிடையாது.

இந்த குளம் முழுமையாக நிரம்பினால் சுமார் 2,000 ஏக்கர்விவசாய நிலங்களை பாதுகாக்கும். கடல் நீர்மட்டம் விவசாய விளைநிலங்களில் ஊடுருவாமல் தடுக்கப்படும். இந்த குளத்தின் மூன்று புறமும் கரையை உயர்த்த வேண்டும் என்றும், குளம் நிரம்பி மறுகால் பாயும் கலுங்கை 2 அடி உயர்த்த வேண்டும் என்றும், தற்போது பழுதாகி உடைந்து கிடக்கும் கலுங்கை உடனடியாக சீர் படுத்த வேண்டும் என்றும் இப்பகுதி விவசாயிகள் கோரிக்கை விடுத்து வருகின்றனர். மேலும் மழை பெய்து இக்குளத்திற்கு தண்ணீர் வருவதற்கு முன்பே இந்த பணிகளை முடிக்க வேண்டும் என விவசாயிகள் கோரிக்கை வைத்து வருகின்றனர்.

உடன்குடி:

உடன்குடி வட்டார பகுதியில் உள்ள அனைத்து விவசாயிகள், முதல்-அமைச்சர் ஸ்டாலின் மற்றும் சம்பந்தப்பட்ட அமைச்சர்கள், அதிகாரிகள் ஆகியோருக்கு அனுப்பி உள்ள கோரிக்கை மனுவில் கூறியிருப்பதாவது:-

தமிழ்நாட்டில் பரவலாக பல இடங்களில் மழை பெய்து வருகிறது. ஆனால் உடன்குடி வட்டார பகுதியை மழை தொடர்ந்து புறக்கணித்து வருகிறது.

உடன்குடியை சுற்றியுள்ள நீர்ப்பிடிப்பு குளங்களான செம்மறிபடுகைகுளம், சடையனேரிகுளம், தாங்கைக்குளம், அய்யனார்குளம், நரிக்குளம், தண்டுபத்துவடக்குகுளம், மானாட்சிகுளம், குண்டாங்கரைகுளம், சிறுகுளம், இடையர்குளம், தேரிகுண்டாங்கரை உட்பட 15 நீர் பிடிப்பு குளங்கள் தண்ணீர் இல்லாமல் முழுமையாக வறண்டு கிடக்கிறது.

மழை வந்து கடலுக்கு வீணாக செல்லும்போது மட்டும்தான் தண்ணீரை திறந்து விட வேண்டும் என்று காத்திருக்காமல் ஏதாவது ஒரு வழியில் இந்த 15 நீர் பிடிப்பு குளங்களையும் உடனடியாக நிரப்ப நடவடிக்கை எடுக்க வேண்டும். உடன்குடி பகுதியில் பாசன குளங்கள் ஒரு சில மட்டுமே உள்ளது.

அனைத்துமே நீர்ப்பிடிப்பு குளங்கள் தான். பம்புசெட் மூலமேவிவசாயம் நடைபெறுவதால் அவை உறிஞ்சும் தண்ணீரை மேற்கண்ட குளங்கள் மூலமாக வருடந்தோறும் முழுமையாக நிரப்பி கொடுத்தாலே விவசாயம் விறுவிறுப்பாக நடைபெறும்.

இதனால் மழையை மட்டுமே எதிர்பார்த்திருக்க அவசியம் இல்லை. 15 நீர் பிடிப்பு குளங்களையும் நிரப்ப நடவடிக்கை எடுக்க வேண்டும்.

இவ்வாறு அந்த மனுவில் கூறி உள்ளனர்.

உடன்குடி:

உடன்குடி வட்டார பகுதி விவசாய பொதுநல அமைப்பு மற்றும் கிராம ஊராட்சி மன்ற தலைவர்கள், துணைத்தலைவர்கள், சமூக நல ஆர்வலர்கள் அடங்கிய குழுவினர் தூத்துக்குடி மாவட்ட கலெக்டரை நேரில் சந்தித்து கொடுத்த கோரிக்கை மனுவில் கூறியிருப்பதாவது:-

உடன்குடி வட்டார பகுதி மக்களின் நீண்ட நாள் கோரிக்கையான தாங்கைக்குளத்தின் கரையோரம் குலசேகரன்பட்டினம் - சாத்தான்குளம் இணைப்பு சாலை அமைக்க வேண்டும்.

(வெங்கட்ராமானுஜபுரம் செல்லாமல் நேர்வழி) உடன்குடி யூனியன் பொறியாளர் தயாரித்த ரூ.70 லட்சம் மதிப்பீடு செய்த, வழி, வரைபடம் இணைக்கப்பட்டுள்ளது.

உடன்குடி அருகேயுள்ள தாங்கைத்குளத்தின் மேற்கு கரையை உயர்த்தி பலப்படுத்த வேண்டும்.

சமீபத்தில் புதிதாக அகலப்படுத்தி போடப்பட்ட உடன்குடி- தாண்டவன்காடு சாலையில் மீதமுள்ள சிவலூர் - ரெங்கநாதபுரம் சாலையில் மழைக்காலத்தில் பொதுமக்கள் செல்ல முடியாத அளவிற்கு தண்ணீர் தேங்கும் என்பதால் உடனடியாக புதிய சாலை அமைத்து தர வேண்டும்.

உடன்குடி பஜார் நான்கு சந்திப்பிலிருந்து பிரிந்து செல்லும் இடத்தில் மழை நீர் தேங்கி பயணிகளை படாத பாடு படுத்துகிறது, அந்த சாலையை உயர்த்தி போட வேண்டும், கருப்பட்டி என்றாலே அது உடன்குடி தான் என்கிற அளவுக்கு தனிச்சிறப்பு மிக்கது.

மீண்டும் அந்த பெயரைக் காப்பாற்றிட எல்லோரும் ஒற்றுமையாக இணைந்து செயல்பட நடவடிக்கை எடுக்க வேண்டும். இவ்வாறு அதில் கூறியுள்ளனர்.

உடன்குடி:

உடன்குடி வட்டார பகுதியில்உள்ள பல்வேறு விவசாயிகள், பொதுநல அமைப்பினர் ஆகியோர் முதல்-அமைச்சர் ஸ்டாலின் மற்றும் சம்பந்தப்பட்ட அமைச்சர்கள் அதிகாரிகள் ஆகியோருக்கு அனுப்பிய கோரிக்கை மனுவில் கூறியிருப்பதாவது:-

உடன்குடிவட்டார பகுதியில்உள்ளசுமார் நூற்றுக்கு மேற்பட்ட கிராமங்களில் 25 ஆண்டுகளுக்கு முன்பு ஆயிரத்துக்குமேற்பட்ட கிணற்றுநீர் பாசனத்தின்மூலம் உடன்குடிவெற்றிலை, வாழை, நெல், பல வகையானகாய்கனி பொருட்கள் உற்பத்தி செய்யப்பட்டது.

ஆண்டுதோறும்பருவமழை தவறியதாலும், குளங்கள், குட்டைகளில் வருடம்தோறும் தண்ணீர் தேக்கி வைக்காததாலும், கிணற்று நீர் பாசனம் அடியோடு அழிந்தது, கடந்த ஒரு சில ஆண்டுகளாக மீண்டும் குளங்கள் குட்டைகள் நிரம்பி, ஊர் கூடி ஊரணி அமைப்போம் என்ற அமைப்பின் மூலம் உருவான அனைத்துகுளங்கள் முழுமையாக நிரப்பபட்து.இதனால் விவசாய நிலங்கள் நல்ல நிலமாக மாறியது.கிணற்றுநீரும் சுவையான நீராக மாறியது.0 மீண்டும் கிணற்று நீர் பாசனத்தை மேம்படுத்த விவசாயிகளுக்கு முழு மானியத்துடன் அரசு உதவித்தொகை வழங்க வேண்டும்.

இவ்வாறு அந்த மனுவில் கூறியுள்ளனர்.