என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "Kieron Pollard"
- டி20 உலகக் கோப்பை தொடர் அடுத்த ஆண்டு ஜூன் மாதம் மேற்கிந்திய தீவுகள் மற்றும் அமெரிக்காவில் நடைபெற இருக்கிறது.
- ஒருநாள் உலகக்கோப்பை தொடரில் இங்கிலாந்து அணி படுமோசமான ஆட்டத்தை வெளிப்படுத்தியது.
டி20 உலகக் கோப்பை தொடர் அடுத்த ஆண்டு ஜூன் மாதம் மேற்கிந்திய தீவுகள் மற்றும் அமெரிக்காவில் நடைபெற இருக்கிறது. இந்தியாவில் கடந்த அக்டோபர் மாதம் முதல் ஒன்றரை மாதம் நடைபெற்ற ஒருநாள் உலகக் கோப்பையின் இறுதி ஆட்டத்தில் இந்தியா தோல்வியை கண்டது. அதற்கு அடுத்த சர்வதேச தொடராக ஜூன் மாதம் 4-ம் தேதி முதல் 30-ம் தேதி வரை டி20 உலக கோப்பை நடைபெற இருக்கிறது.
இந்த ஒருநாள் உலகக்கோப்பை தொடரில் இங்கிலாந்து அணி படுமோசமான ஆட்டத்தை வெளிப்படுத்தியது. இதனால் காலிறுதி ஆட்டத்துக்கு கூட தகுதி பெறாமல் வெளியேறியது.
இந்நிலையில் இங்கிலாந்து டி20 அணிக்கு ஆலோசகர் பயிற்சியாளராக வெஸ்ட் இண்டீஸ் அணி வீரர் பொல்லார்ட் நியமிக்கப்பட்டுள்ளார். இருப்பினும், இது குறித்து இங்கிலாந்து கிரிக்கெட் வாரியமோ அல்லது பொல்லார்ட் தரப்பில் அதிகாரப்பூர்வ தகவல் எதுவும் தெரிவிக்கப்படவில்லை.
இவரால் வெஸ்ட் இண்டீஸ் அணி 2 முறை டி20 உலக கோப்பையை கைப்பற்றியது. பொல்லார்ட் டி20 கிரிக்கெட்டின் ஜாம்பவான் என்று கருதப்படுகிறார் என்பதில் சந்தேகமில்லை. வீரராக கலக்கி வந்த இவர் பயிற்சியிலும் தற்போது கலக்கி வருகிறார். ஐபிஎல் மும்பை இந்தியன்ஸ் அணிக்கு பேட்டிங் பயிற்சியாளராக உள்ளார்.
- பொல்லார்டுடன் இருக்கும் புகைப்படத்தை பகிர்ந்தார் ரோகித் சர்மா.
- இருவரும் இணைந்து விளையாடிய நாட்களை நினைவு கூர்ந்தார் பும்ரா.
வெஸ்ட் இண்டீஸ் அதிரடி வீரர் கிரன் பொல்லார்ட், சர்வதேச கிரிக்கெட் போட்டிகளில் இருந்து கடந்த ஏப்ரல் மாதம் தனது ஓய்வை அறிவித்தார். இந்நிலையில் மும்பை இந்தியன்ஸ் அணிக்கான அவரது ஆட்டத்தை எதிர்பார்த்து ரசிகர்கள் காத்திருந்த நிலையில் ஐ.பி.எல். கிரிக்கெட்டில் இருந்தும் ஓய்வு பெறுவதாக பொல்லார்டு அறிவித்தது ஒட்டு மொத்த கிரிக்கெட் ரசிகர்கள் மத்தியிலும் அதிர்ச்சியை ஏற்படுத்தி உள்ளது.
இந்நிலையில் பொல்லார்டுடன் இணைந்த ஒரு படத்தை தமது சமூக வளைதள பக்கத்தில் பகிர்ந்துள்ள ரோகித் சர்மா, அவர் உண்மையான லெஜண்ட் என்று குறிப்பிட்டுள்ளார். பெரிய மனிதர், பெரிய தாக்கம், எப்போதும் இதயபூர்வமாக விளையாடினார் என்று ரோகித் தெரிவித்துள்ளார்.
இதேபோல் சச்சின் டெண்டுல்கர் வெளியிட்டுள்ள டுவிட்டர் பதிவில், பொல்லார்ட் ஒரு போதும் விடைபெற முடியாது, மும்பை இந்தியன்ஸ் பேட்டிங் பயிற்சியாளராக அவர் நியமிக்கப்பட்டுள்ளதற்கு வாழ்த்துக்கள், உங்களின் இருப்பு அனைவருக்கும் பெரிய தாக்கத்தை ஏற்படுத்தும் என்றும் குறிப்பிட்டுள்ளார்.
இதேபோல் பொல்லார்ட் உடன் விளையாடிய நாட்களை நினைவு கூர்ந்துள்ள ஜஸ்பிரித் பும்ரா, தனது இன்ஸ்டாகிராம் பக்கத்தில் வெளியிட்டுள்ள பதிவில்,எங்களுடன் களத்தில் இல்லாதது உங்களுக்குப் பழகிவிடும், ஆனால் வலை பயிற்சியின் போது எங்கள் கேலிகளை நான் இன்னும் ரசிக்கிறேன். புதிய இன்னிங்ஸ் மற்றும் வாழ்க்கைக்கு வாழ்த்துக்கள் என்று கூறியுள்ளார்.
- ஐந்து ஐ.பி.எல். டிராபி, இரண்டு சாம்பியன்ஸ் லீக்கை வென்ற அணியில் இடம் பிடித்தவர்
- 2010-ல் இருந்து தனது அதிரடி ஆட்டம் மூலம் தொடர்ந்து மும்பை இந்தியன்ஸ் அணியில் இடம் பிடித்திருந்தார்.
வெஸ்ட் இண்டீஸ் அணியின் அதிரடி பேட்ஸ்மேன் கிரன் பொல்லார்டு. இவர் மிதவேகப்பந்து வீச்சாளரும் கூட. இவர் கடந்த 2010-ம் ஆண்டு ஐபிஎல் தொடரின்போது மும்பை இந்தியன்ஸ் அணியில் இடம் பிடித்தார். தொடர்ந்து அந்த அணிக்காக விளையாடி வந்தார்.
இந்த ஆண்டுடன் சுமார் 13 ஆண்டுகள் தொடர்ந்து இடம் பிடித்தார். அடுத்த ஆண்டு தொடருக்கான வீரர்கள் ஏலம் கேரளாவில் அடுத்த மாதம் நடைபெற இருக்கிறது. இன்று மாலை 5 மணிக்கும் வீரர்களை வெளியேற்றி, தக்க வைத்துள்ள வீரர்கள் விவரங்களை 10 அணிகளும் சமர்பிக்க வேண்டும்.
அந்த வகையில், பொல்லார்டை ரிலீஸ் செய்வதாக மும்பை இந்தியன்ஸ் அணி அறிவித்தது. இதனால் அவர் மாற்று அணிக்கு செல்ல வாய்ப்புள்ளதாக கருதப்பட்டது.
இந்நிலையில் ஐ.பி.எல். கிரிக்கெட்டில் இருந்து ஓய்வு பெறுவதாக பொல்லார்டு அறிவித்தார். அவர் அறிவித்த மறுநொடியே, அவரை பயிற்சியாளராக நியமித்துள்ளதாக மும்பை இந்தியன்ஸ் அறிவித்தது. இதனால் வீரராக இல்லாமல், பயிற்சியாளராக மும்பை இந்தியன்ஸ் அணியுடன் தொடர்ந்து கைக்கோர்க்கிறார் பொல்லார்டு.
இதுகுறித்து பொல்லார்டு கூறுகையில் ''நான் இன்னும் சில வருடங்கள் ஐ.பி.எல். போட்டியில் விளையாடும் நோக்கம் இருந்த நிலையில், இந்த முடிவை எளிதாக எடுக்கவில்லை. ஆனால், மும்பை இந்தியன்ஸ் அணியுடன் நடத்திய ஆலோசனையின்போது, மும்பை இந்தியன்ஸ் அணிக்கு மாறுதல் தேவைப்படுகிறது. ஆகையால் நான் தொடர்ந்து நீடிக்க முடியாது என்பது தெரிவந்தது. அப்புறம், மும்பை இந்தியன்ஸ் அணிக்கு எதிராக என்னாலேயே எதிரணியில் விளையாடுவதை பார்க்க முடியாது. இதனால் இந்த முடிவு எடுக்கப்பட்டது.
மும்பை இந்தியன்ஸ் அணியில் இருந்து உணர்வுபூர்வமாக குட்-பை சொல்லி விடைபெறவில்லை. ஐ.பி.எல். தொடரில் பேட்டிங் பயிற்சியாளராகவும், மும்பை இந்தியன்ஸ் எமிரேட்ஸ் அணியின் வீரராகவும் பணியாற்ற ஒப்புக் கொண்டேன்'' என்றார்.
- மேற்கிந்தியத் தீவுகளுக்கு கேப்டனாக இருந்த பொல்லார்ட் மூன்று மாதங்களுக்குப் முன்பு சர்வதேச கிரிக்கெட்டில் இருந்து ஓய்வை அறிவித்தார்.
- பொல்லார்ட் தற்போது லண்டனில் நடைபெற்று வரும் 100 பந்துகள் கொண்ட தொடரில் விளையாடி வருகிறார்.
டி20 கிரிக்கெட்டில் 600 போட்டிகளில் விளையாடிய முதல் கிரிக்கெட் வீரர் ஆனார் பொல்லார்ட். லண்டனில் உள்ள லார்ட்ஸ் மைதானத்தில் நடந்த 100 பந்து போட்டியில் விளையாடியதன் மூலம் அவர் இந்த சாதனையை படைத்துள்ளார்.
ஜூன் 2008 இல் பொல்லார்ட் தனது முதல் டி20 போட்டியில் அறிமுகமானார். அவர் இதுவரை 101 சர்வதேச டி20 போட்டிகளில் விளையாடி உள்ளார். மேற்கிந்தியத் தீவுகளுக்கு கேப்டனாக இருந்த பொல்லார்ட் மூன்று மாதங்களுக்குப் முன்பு சர்வதேச கிரிக்கெட்டில் இருந்து ஓய்வை அறிவித்தார். அதன்பின்னர் கிளப் தொடர் மற்றும் ஐபிஎல் போன்ற லீக் போட்டிகளில் விளையாடி வரும் பொல்லார்ட் தற்போது லண்டனில் நடைபெற்று வரும் 100 பந்துகள் கொண்ட தொடரில் விளையாடி வருகிறார்.
டி20-யில் பொல்லார்டு 1,569 ரன்களை எடுத்துள்ளார். அதிகபட்சமாக ஆட்டமிழக்காமல் 75 ரன்கள் எடுத்தார். இவர் 99 சிக்சர்களை அடித்துள்ளார். இது வெஸ்ட் இண்டீஸ் அணி வீரர்களின் மூன்றாவது அதிகபட்ச சிக்ஸர்கள் ஆகும். 2012-ல் இலங்கையில் நடந்த டி20 உலகக் கோப்பையை வென்ற மேற்கிந்திய அணியிலும் இவர் இடம் பிடித்தார்.
அதன்படி செயின்ட் லூசியா ஸ்டார்ஸ் அணியின் அந்த்ரே பிளெட்சர், டேவிட் வார்னர் ஆகியோர் தொடக்க வீரர்களாக களம் இறங்கினார்கள். பிளெட்சர் 17 ரன்னில் ஆட்டமிழந்தார். அடுத்து வார்னர் உடன் ரஹீம் கார்ன்வால் ஜோடி சேர்ந்தார். இந்த ஜோடி சிறப்பான ஆட்டத்தை வெளிப்படுத்தியது. கார்ன்வால் 29 பந்தில் 63 ரன்கள் சேர்த்து ஆட்டமிழந்தார்.
கார்ன்வால்
3-வது விக்கெட்டுக்கு வார்னர் உடன் கேப்டன் பொல்லார்டு ஜோடி சேர்ந்தார். இந்த ஜோடியும் அபாரமான ஆட்டத்தை வெளிப்படுத்தியது. வார்னர் 72 ரன்னும், பொல்லார்டு 23 பந்தில் 65 ரன்னும் விளாசி கடைசி வரை ஆட்டமிழக்காமல் இருக்க செயின்ட் லூசியா 20 ஓவரில் 2 விக்கெட் இழப்பிற்கு 212 ரன்கள் குவித்தார்.
பின்னர் 213 ரன்கள் எடுத்தால் வெற்றி என்ற இலக்குடன் டிரின்பாகோ நைட் ரைடர்ஸ் களம் இறங்கியது. பிரெண்டன் மெக்கல்லம் 42 பந்தில் 68 ரன்களும், டேரன் பிராவோ அவுட்டாகாமல் 36 பந்தில் 94 ரன்களும் விளாச 19.5 ஓவரில் 5 விக்கெட் இழப்பிற்கு 218 ரன்கள் அடித்து வெற்றி பெற்றது.
அதன்படி மும்பை இந்தியன்ஸ் அணியின் சூர்யகுமார் யாதவ், எவின் லெவிஸ் ஆகியோர் தொடக்க வீரர்களாக களம் இறங்கினார்கள். லெவிஸ் நிதானமாக விளையாட சூர்யகுமார் யாதவ் அதிரடியில் இறங்கினார். மும்பை இந்தியன்ஸ் 3.1 ஓவரில் 37 ரன்கள் எடுத்திருக்கும்போது லெவிஸ் 9 ரன்னில் ஆட்டமிழந்தார்.
அடுத்து வந்த இஷான் கிஷான் அதிரடியாக விளையாடி 12 பந்தில் 20 ரன்கள் சேர்த்தார். இஷான் கிஷான் ஆட்டமிழந்த அடுத்த பந்தில் சூர்யகுமார் யாதவ் 15 பந்தில் 27 ரன்கள் சேர்த்து ஆட்டமிழந்தார். இந்த மூன்று விக்கெட்டுக்களையும் அன்ட்ரிவ் டை வீழ்த்தினார்.
அதன்பின் வந்த ரோகித் சர்மா 6 ரன்னில் ஆட்டமிழந்து ஏமாற்றம் அளித்தார். இதனால் மும்பை இந்தியன்ஸ் அணி 8.2 ஓவரில் 71 ரன்கள் எடுப்பதற்குள் முதல் நான்கு விக்கெட்டுக்களை இழந்தது. ஐந்தாவது விக்கெட்டுக்கு குருணால் பாண்டியா உடன் கீரன் பொல்லார்டு ஜோடி சேர்ந்தார். இந்த ஜோடி அதிரடி ஆட்டத்தை வெளிப்படுத்தியது. இதனால் மும்பை இந்தியன்ஸ் ஸ்கோர் ஜெட் வேகத்தில் எகிறியது.
12-வது ஓவரை ஸ்டாய்னிஸ் வீசினார். இந்த ஓவரில் குருணால் பாண்டியா இரண்டு சிக்ஸ், ஒரு பவுண்டரி விளாசினார். 14-வது ஓவரை ராஜ்பூட் வீசினார். இந்த ஓவரில் இரண்டு பவுண்டரி, ஒரு சிக்ஸ் விளாசினார் பொல்லார்டு. இந்த இரண்டு ஓவரில் மட்டும் மும்பை இந்தியன்ஸ் அணிக்கு 37 ரன்கள் கிடைத்தது.
15-வது ஓவரை ஸ்டாய்னிஸ் வீசினார். இந்த ஓவரின் 2-வது பந்தில் குருணால் பாண்டியா ஆட்டமிழந்தார். அவர் 23 பந்தில் 32 ரன்கள் சேர்த்தார். அடுத்து ஹர்திக் பாண்டியா களம் இறங்கினார். விக்கெட் இழந்ததை பற்றி கவலைப்படாமல் 4-வது மற்றும் ஐந்தாவது பந்தை பவுண்டரிக்கு விரட்டினார் பொல்லார்டு. அதோடு விடாமல் கடைசி பந்தை சிக்சருக்கு தூக்கி 22 பந்தில் அரைசதம் அடித்தார். இந்த ஓவரில் 17 ரன்கள் சேர்க்க மும்பை இந்தியன்ஸ் 15 ஓவர் முடிவில் 5 விக்கெட் இழப்பிற்கு 151 ரன்கள் குவித்தது.
16-வது ஓவரை அஸ்வின் வீசினார். இந்த ஓவரில் மும்பை இந்தியன்ஸ்க்கு பெரிய அதிர்ச்சி காத்திருந்தது. 3-வது பந்தை லாங்-ஆஃப் திசையை நோக்கி தூக்கினார். ஆனால் பந்து சிக்சருக்கு செல்லாமல் பிஞ்ச் கையில் தஞ்சமடைந்தது. பொல்லார்டு 23 பந்தில் 5 பவுண்டரி, 3 சிக்சருடன் 50 ரன்கள் சேர்த்தார்.
7-வது விக்கெட்டுக்கு ஹர்திப் பாண்டியா உடன் பென் கட்டிங் ஜோடி சேர்ந்தார். 16-வது மற்றும் 17-வது ஓவரில் கிங்ஸ் லெவன் பஞ்சாப் அணி தலா மூன்று ரன்கள் மட்டுமே விட்டுக்கொடுத்ததால் மும்பை இந்தியன்ஸ் அணியின் ரன் வேகத்தில் தடை ஏற்பட்டது. அஸ்வின் வீசிய 18-வது ஓவரின் 4-வது பந்தில் பென் கட்டிங் 4 ரன்கள் எடுத்த நிலையில் ஆட்டமிழந்தார். அடுத்து வேகப்பந்து வீச்சாளர் மெக்கிளேனகன் களம் இறங்கினார். கடைசி பந்தை மெக்கிளேனகன் சிக்ஸ் தூக்க அஸ்வின் இந்த ஓவரில் 10 ரன்கள் விட்டுக்கொடுத்தார்.
19-வது ஓவரை அன்ட்ரிவ் டை வீசினார். இந்த ஓவரின் 2-வது பந்தில் ஹர்திக் பாண்டியா ஆட்டமிழந்தார். இந்த ஓவரில் 8 ரன்கள் விட்டுக்கொடுத்தார். டை 4 ஓவரில் 16 ரன்கள் மட்டுமே விட்டுக்கொடுத்து நான்கு விக்கெட்டுக்கள் கைப்பற்றினார். மும்பை இந்தியன்ஸ் 19 ஓவர் முடிவில் 8 விக்கெட் இழப்பிற்கு 175 ரன்கள் எடுத்திருந்தது.
கடைசி ஓவரை மோகித் சர்மா வீசினார். முதல் பந்தில் மார்கண்டே பவுண்டரி அடித்தார். அதன்பின் பவுண்டரி ஏதும் செல்லாததால் மும்பை இந்தியன்ஸ் 20 ஓவர் முடிவில் 8 விக்கெட் இழப்பிற்கு 186 ரன்கள் எடுத்தது. இதனால் கிங்ஸ் லெவன் பஞ்சாப் அணிக்கு 187 ரன்கள் இலக்காக நிர்ணயித்துள்ளது மும்பை இந்தியன்ஸ்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
