search icon
என் மலர்tooltip icon

    நீங்கள் தேடியது "DRS"

    • ஜடேஜா இந்தப் போட்டியில் 5 விக்கெட் எடுத்து, தன் கிரிக்கெட் வாழ்வின் சிறந்த பந்துவீச்சை பதிவு செய்து இருக்கிறார்.
    • டிஆர்எஸ் முடிவில் இந்திய அணி ஏமாற்று வேலை செய்து விக்கெட் எடுத்ததாக முன்னாள் பாகிஸ்தான் வீரர் ஹசன் ராசா குற்றச்சாட்டி உள்ளார்.

    கொல்கத்தா:

    உலகக் கோப்பை கிரிக்கெட் தொடரில் நேற்று இந்தியா - தென்னாப்பிரிக்கா அணிகள் மோதின. இந்த போட்டியில் இந்திய அணி அபார வெற்றி பெற்றது.

    இந்த போட்டியில் தென்னாப்பிரிக்கா அணி பேட்டிங் செய்த போது ஜடேஜா வீசிய பந்தில் வான் டேர் டுசென் டிஆர்எஸ் ரிவ்யூ கேட்கப்பட்டு அவுட் ஆனார். முதலில் ஜடேஜா வீசிய பந்து அவர் காலில் பட்ட போது அவுட் கேட்கப்பட்டது. அப்போது நடுவர் அவுட் தர மறுத்து விட்டார். பின்னர் ஜடேஜா ரிவ்யூ கேட்குமாறு கேப்டன் ரோகித்திடம் கேட்டார். அதன் பின் ரிவ்யூ கேட்கப்பட்டது. அப்போது ரீப்ளேவில் பந்து லெக் திசையில் வருவது போல இருந்தது. ஆனால், மிடில் ஸ்டம்ப்பில் பந்து படுவதாக ரீப்ளேவில் காட்டப்பட்டது.

    இந்நிலையில் டிஆர்எஸ் முடிவில் இந்திய அணி ஏமாற்று வேலை செய்து விக்கெட் எடுத்ததாக முன்னாள் பாகிஸ்தான் வீரர் ஹசன் ராசா குற்றச்சாட்டி உள்ளார்.

    இது குறித்து ஹசன் ராசா கூறியதாவது:-

    ஜடேஜா இந்தப் போட்டியில் 5 விக்கெட் எடுத்து, தன் கிரிக்கெட் வாழ்வின் சிறந்த பந்துவீச்சை பதிவு செய்து இருக்கிறார். இங்கே நாம் டிஆர்எஸ் கேட்கப்பட்டது பற்றி பேச வேண்டும். டுசென் பேட்டிங் செய்யும் போது, பந்து லெக் ஸ்டம்ப் திசையில் பிட்ச் ஆகி மிடில் ஸ்டம்ப்பில் படுகிறது. அது எப்படி சாத்தியம்? அந்த பந்து லைனில் பிட்ச் ஆகி லெக் ஸ்டம்ப் நோக்கி தான் போனது. எல்லோரையும் போல நானும் என் கருத்தை சொல்கிறேன். இதை நாம் கவனிக்க வேண்டும். டிஆர்எஸ்-இல் ஏமாற்று வேலை நடந்துள்ளது தெளிவாக தெரிகிறது.

    இவ்வாறு அவர் கூறினார்.

    • இந்த சீசனில் முதன்முதலாக டி.ஆர்.எஸ். முறை பயன்படுத்தப்பட உள்ளது.
    • இந்த முறை டிஜிட்டல் தளத்திலும் டி.என்.பி.எல். கிரிக்கெட் போட்டிகள் ஒளிபரப்பு செய்ய திட்டமிடப்பட்டுள்ளது.

    நெல்லை:

    தமிழ்நாடு பிரீமியர் லீக் (டி.என்.பி.எல்.) 20 ஓவர் கிரிக்கெட் போட்டியின் 7-வது சீசன் வருகிற ஜூன் 12-ந்தேதி (திங்கட்கிழமை) தொடங்கி ஜூலை 12-ந் தேதி வரை நடக்கிறது.

    இதில் சேப்பாக் சூப்பர் கில்லீஸ், நெல்லை ராயல் கிங்ஸ், திண்டுக்கல் டிராகன்ஸ், சீகம் மதுரை பேந்தர்ஸ், சேலம் ஸ்பார்ட்டன்ஸ், லைகா கோவை கிங்ஸ், ஐ டிரீம் திருப்பூர் தமிழன்ஸ், பால்சி திருச்சி ஆகிய 8 அணிகள் கலந்து கொள்கின்றன. இந்த போட்டிகள் அனைத்தும் கோவை, திண்டுக்கல், சேலம், நெல்லையில் நடக்கிறது.

    கோவையில் வருகிற 12-ந்தேதி நடக்கும் முதல் போட்டியில் லைகா கோவை கிங்ஸ் அணியும், ஐ டிரீம் திருப்பூர் தமிழன்ஸ் அணியும் மோதுகின்றன. இந்த போட்டி உள்பட கோவையில் 6 ஆட்டங்களும், திண்டுக்கல்லில் 7 ஆட்டங்களும், சேலத்தில் 8 ஆட்டங்களும் நடத்தப்படுகிறது. நெல்லையில் 9 போட்டிகள் நடத்தப்படுகிறது.

    நெல்லையில் ஜூலை 2-ந் தேதி (ஞாயிற்றுக்கிழமை) இரவு 7 மணிக்கு நடக்கும் போட்டியில் சேப்பாக் சூப்பர் கில்லீஸ் அணியும், திருச்சி அணியும் மோதுகின்றன.

    இதுகுறித்து தமிழ்நாடு கிரிக்கெட் கழக உதவி செயலாளர் ஆர்.என்.பாபா நெல்லையில் நேற்று நிருபர்களிடம் கூறியதாவது:-

    கிராமப்புறங்களில் கிரிக்கெட்டை ஊக்குவிக்கும் வகையில் மாவட்டங்களில் கிரிக்கெட் போட்டிகள் நடத்தப்படுகிறது. டி.என்.பி.எல். போட்டியின் ப்ளே-ஆப் மற்றும் இறுதிப்போட்டி உள்பட 32 போட்டிகள் 25 நாட்களில் நடத்தப்படுகிறது. குவாலிபையர்- 1 மற்றும் எலிமினேட்டர் சுற்று சேலத்திலும், குவாலிபையர்- 2 மற்றும் இறுதிப்போட்டி நெல்லையிலும் நடத்தப்படுகிறது.

    இந்த சீசனில் முதன்முதலாக டி.ஆர்.எஸ். முறை பயன்படுத்தப்பட உள்ளது. போட்டிக்கான சாதாரண டிக்கெட் ரூ.200-க்கும், உணவு வசதியுடன் கூடிய டிக்கெட் ரூ.1,500-க்கும் விற்பனை செய்யப்படுகிறது. 90 சதவீதம் டிக்கெட் விற்பனை ஆன்லைனில் நடத்தப்பட உள்ளது. கவுண்டர்களில் குறைந்தபட்ச டிக்கெட்டுகள் மட்டுமே விற்பனை செய்ய திட்டமிடப்பட்டு உள்ளது. இந்த முறை டிஜிட்டல் தளத்திலும் டி.என்.பி.எல். கிரிக்கெட் போட்டிகள் ஒளிபரப்பு செய்ய திட்டமிடப்பட்டுள்ளது.

    மழையினால் நாக்-அவுட் மற்றும் இறுதிப்போட்டிகள் தடைபடாமல் இருக்க ரிசர்வ் டே முறை வசதி கொண்டு வரப்பட்டுள்ளது. ஐ.பி.எல். போட்டிகளை போல் ரிசர்வ் டே வழிமுறையும் இந்த ஆண்டு முதல் கடைபிடிக்க திட்டமிடப்பட்டுள்ளது. இந்த முறை டி.ஆர்.எஸ். நடைமுறையும் அறிமுகம் செய்யப்படுகிறது. இந்த போட்டியை ஸ்டார் ஸ்போர்ட்ஸ் 1 தமிழ், ஸ்டார் ஸ்போட்ஸ் 1 ஹச்.டி. ஆகிய சேனல்களில் ஒளிபரப்பு செய்யப்படுகிறது.

    இவ்வாறு அவர் கூறினார்.

    அப்போது நெல்லை கிரிக்கெட் கழக தலைவர் சரவணமுத்து, செயலாளர் ராம்குமார் ஆகியோர் உடன் இருந்தனர்.

    • நேற்றைய ஆட்டத்தில் டெல்லி வீராங்கனை டி.ஆர்.எஸ்.-ன்படி நோ-பால் கேட்டு அப்பீல் செய்ததை பார்க்க முடிந்தது.
    • இதே போல் இரவில் நடந்த உ.பி. வாரியர்ஸ்- குஜராத் இடையிலான ஆட்டத்தில் கடைசி ஓவரில் இரண்டு முறை வைடுக்கு டி.ஆர்.எஸ். கேட்கப்பட்டது.

    மும்பை:

    மகளிர் பிரீமியர் லீக் கிரிக்கெட்டில் நடுவர் வழங்கும் வைடு, நோ-பால் தொடர்பான தீர்ப்பில் ஆட்சேபனை இருந்தால் அதை எதிர்த்து டி.ஆர்.எஸ். தொழில்நுட்பத்தின்படி அப்பீல் செய்ய அனுமதி அளிக்கப்பட்டுள்ளது.

    நேற்றைய டெல்லி-பெங்களூரு இடையிலான ஆட்டத்தில் வேகப்பந்து வீச்சாளர் மேகன் ஸ்கட் இடுப்பு உயரம் அளவுக்கு வீசிய பந்துக்கு டெல்லி வீராங்கனை ஜெமிமா ரோட்ரிக்ஸ் டி.ஆர்.எஸ்.-ன்படி நோ-பால் கேட்டு அப்பீல் செய்ததை பார்க்க முடிந்தது.

    ரீப்ளேவுக்கு பிறகு அது நோ-பால் இல்லை என்று அறிவிக்கப்பட்டது. இதே போல் இரவில் நடந்த உ.பி. வாரியர்ஸ்- குஜராத் இடையிலான ஆட்டத்தில் கடைசி ஓவரில் இரண்டு முறை வைடுக்கு டி.ஆர்.எஸ். கேட்கப்பட்டது.

    20 ஓவர் வடிவிலான லீக் கிரிக்கெட்டில் வைடு, நோ-பாலுக்கு டி.ஆர்.எஸ். பயன்படுத்தப்படுவது இதுவே முதல் முறையாகும்.

    இந்தியா- ஆஸ்திரேலியா அணிகள் மோதிய முதல் டெஸ்ட் போட்டியில் டிஆர்எஸ் தொழில் நுட்பம் சரியானதல்ல என ஆஸ்திரேலியா கேப்டன் கருத்து தெரிவித்துள்ளார். #AUSvIND #TimPaine
    அடிலெய்ட்:

    இந்தியா- ஆஸ்திரேலியா அணிகள் மோதிய முதல் டெஸ்ட் போட்டியில் இந்திய அணி 31 ரன் வித்தியாசத்தில் வெற்றி பெற்றது.

    2-வது டெஸ்ட் போட்டி வருகிற 14-ந்தேதி பெர்த்தில் தொடங்குகிறது. இந்த நிலையில் ஆஸ்திரேலிய அணி டிம்பெய்ன் பத்திரிக்கை ஒன்றுக்கு அளித்த பேட்டியில் கூறியதாவது:-

    நடுவரின் முடிவை மறுபரீசிலனை செய்யும் டி.ஆர்.எஸ். தொழில் நுட்பம் சரியானதல்ல. இந்த தொழில் நுட்பத்தில் எனக்கு பதில்கள் கிடைக்கவில்லை. இது எனக்கு ஏமாற்றம் அளிக்கிறது.

    எல்லோருக்கும் இது ஏமாற்றம் அளிப்பதாகவே நான் கருதுகிறேன். டி.ஆர்.எஸ். தொழில் நுட்பத்தில் பந்துகள் ஸ்டெம்புக்கு மேலே செல்வதாகவே காட்டுகிறது. ஆனால் உண்மையிலேயே அதுபோன்று நடக்காது என்பது எனக்கு தெரியும்.



    நாதன்லயன் பந்தின் உயரம் குறித்து தகவல்களை தருகிறார். நீங்கள் எல்லோருடைய தகவல்களையும் எடுத்துக் கொண்டு முடிவுகளை கொடுக்க வேண்டும். ஆனால் எங்களுக்கு 2 முறை தவறான தீர்ப்பு கிடைத்தது.

    மிச்சேல் ஸ்டார்க் நல்ல பார்மில் இருந்தால் அவரைவிட உலகில் சிறந்த வேகப்பந்து வீச்சாளர் யாருமில்லை. பெர்த் மைதானத்தில் அவருக்கு மிகவும் உகர்ந்ததாக இருக்கும்.

    இவ்வாறு அவர் கூறினார்.

    முதல் டெஸ்டில் இந்திய வீரர் ரகானே கேட்ச் ஆனதாக நடுவர் தீர்ப்பு வழங்கினார். டி.ஆர்.எஸ். முறையில் அப்பீல் செய்தபோது பேட்டில் படவில்லை என்பது தெரிந்தது. இதனால் அவுட் முடிவு திரும்ப பெறப்பட்டது.

    இதேபோல் புஜாராவுக்கு கொடுக்கப்பட்ட 2 அவுட்டுகள் டி.ஆர்.எஸ். முறையில் திரும்ப பெறப்பட்டது. இதனை சுட்டிக்காட்டி தான் ஆஸ்திரேலிய கேப்டன் டிம்பெய்ன் கருத்து தெரிவித்துள்ளார். #AUSvIND #TimPaine
    பாகிஸ்தானுக்கு எதிராக போட்டியில் டிஆர்எஸ் முறையை துல்லியமாக கணிக்கும் டோனியின் அறிவாற்றலை டுவிட்டர்வாசிகள் வெகுவாக பாராட்டியுள்ளனர். #Dhoni #DRS
    கிரிக்கெட் போட்டியில் மைதான நடுவர்கள் அவுட் கொடுப்பதில் சில நேரங்களில் சர்ச்சையை ஏற்படுத்தும். ஒரு வெற்றியை நோக்கி சென்றுக் கொண்டிருக்கும்போது நடுவரின் தவறான முடிவால் அந்த அணியின் வெற்றி கேள்விக்குறியாகி விடும். இதனால் நடுவர் தீர்பை எதிர்த்து அப்பீல் செய்யும் நோக்கி நடுவர் முடிவை எதிர்த்து முறையிடும் டிஆர்எஸ் (Decision Review System).

    நடுவர் தீர்ப்பில் சந்தேகம் இருந்தால் அதை எதித்து பேட்ஸ்மேன் அல்லது பீல்டிங் அணி கேப்டன் ரிவியூ கேட்கலாம். பந்து வீச்சு அணி ரிவியூ ஆப்சன் கேட்கும்போது, பந்து வீச்சாளரும், விக்கெட் கீப்பரும்தான் முக்கிய பங்கு வகிப்பார்கள். இவர்களுக்குத்தான் பந்து லைனில் பிட்ச் ஆனதா? பந்து பேட்டில் பட்டதா? ஸ்டம்பை தாக்குமா? ஸ்டம்பிற்கு மேல் செல்லுமா? என்பதை இவர்கள்தான் சரியாக கணிக்க வேண்டும்.

    இதில் இந்திய அணி விக்கெட் கீப்பர் டோனி வல்லவர். இவர் ரிவியூ ஆப்சனை கேட்க சொன்னால், கட்டாயம் அது அவுட்டாகத்தான் இருக்கும். ஒருமுறை ஜடேஜா டோனி பேச்சை கேட்காமல் ரிவியூ கேட்க வேண்டும் என்று வலியுறுத்தினார். ஆனால், டிஆர்எஸ் வெற்றி பெறவில்லை. இதனால் டோனி ஜடேஜா மீது கடும் கோபம் கொண்டார்.

    பெரும்பாலும் டிஆர்எஸ் என்பது டோனி ரிவியூ சிஸ்டம் என்று அவரது ரசிகர்கள் அழைப்பதுண்டு. நேற்று இந்தியா - பாகிஸ்தான் இடையிலான ‘சூப்பர் 4’ ஆட்டம் நடைபெற்றது. பாகிஸ்தான் முதலில் பேட்டிங் செய்தது. முதல் 7 ஓவரில் பாகிஸ்தான் விக்கெட்டை இழக்கவில்லை.

    8-வது ஓவரை சாஹல் வீசினார். இந்த ஓவரின் கடைசி பந்தை இமாம் உல் ஹக் முன்னாள் வந்து தடுத்து ஆட முயன்றார். அப்போது பந்து பேடை தாக்கியது. மிக அதிக தூரம் முன்னாள் வந்து ஆடியதால் பந்து ஸ்டம்பிற்கு மேல் சென்று விடுமோ? என்ற சந்தேகம் சாஹலுக்கும் ரோகித் சர்மாவிற்கும் இருந்தது.

    ஆனால் டோனி எதையும் பற்றி யோசிக்காமல் டிஆர்எஸ் கேட்க ரோகித் சர்மாவிற்கு சிக்னல் கொடுத்தார். முக்கியமான நபரிடம் இருந்து சிக்னல் வந்ததும் யோசிக்காமல் ரோகித் சர்மா ரிவியூ கேட்டார். அதில் எந்தவித சந்தேகமும் இல்லாம் இமாம் உல் ஹக் அவுட் என்பது தெரியவந்தது.

    இதனால் டிஆர்எஸ் முறையில் டோனியின் அறிவாற்றல் குறித்து டுவிட்டர்வாசிகள் புகழ்ந்து வருகிறார்கள். பெரும்பாலானோர் டிஆர்எஸ் என்றாலே டோனி ரிவியூ சி்ஸ்டம்தான் என்று பாராட்டியுள்ளனர்.
    ×