சிவகங்கை

காரைக்குடி:

காரைக்குடியில் ஜெயங்கொண்டான்- நாட்டுச்சேரி சாலையில் அதிகாலை 4 மணி அளவில் போலீஸ் சிறப்பு சப்-இன்ஸ்பெக்டர் தர்மராஜ், ஏட்டு பழனிகுமார் ஆகியோர் ரோந்து பணியில் ஈடுபட்டனர். அந்த பகுதியில் ஒரு கார் நின்று இருந்தது. அதில் இருந்த 4 பேர் மது அருந்திக்கொண்டிருந்தனர்.

அவர்களிடம் போலீசார் விசாரித்தபோது அவர்கள் முன்னுக்குப்பின் முரணாக பதில் அளித்தனர். திடீரென 4 பேரும் அங்கிருந்து தப்பி ஓடிவிட்டனர். பின்னர் போலீசார் காரை சோதனையிட்டபோது காரில் கஞ்சா கடத்தி வந்தது தெரிய வந்தது. 15 பெரிய பார்சல்களில் 100 சிறு, சிறு பொட்டலங்களாக மொத்தம் 34 கிலோ கஞ்சா இருந்தது. இவற்றின் மதிப்பு ரூ.10 லட்சம் என கூறப்படுகிறது.

அவற்றை கைப்பற்றிய போலீசார், கஞ்சா எங்கிருந்து கடத்தி வரப்பட்டது, இதில் யாருக்கெல்லாம் தொடர்பு, எங்கே கொண்டு செல்ல இருந்தனர்? என தீவிர விசாரணை மேற்கொண்டு வருகின்றனர். கஞ்சா இருந்த கார் குறித்து விசாரித்தபோது அந்த கார் புதுக்கோட்டையை சேர்ந்த ஒருவருக்கு சொந்தமானது என தெரியவந்தது.

இதுகுறித்து காரைக்குடி துணை போலீஸ் சூப்பிரண்டு அருண், மேல்விசாரணை நடத்தி வருகிறார். சாக்கோட்டை போலீசார் வழக்குப்பதிவு செய்து தப்பி ஓடிய 4 பேரை தேடிவருகின்றனர்.

திருப்புவனம்:

திருப்புவனம் யூனியனைச் சேர்ந்த கீழடி ஊராட்சியில் தற்போது 6-வது கட்ட அகழ்வாராய்ச்சி பணிகள் இறுதி கட்டத்தை எட்டி உள்ளன. இந்த பணிகள் கீழடி, கொந்தகை, அகரம், மணலூர் ஆகிய 4 பகுதிகளில் நடைபெற்று வருகிறது. இந்த ஆராய்ச்சியின் போது கீழடியில் ஏற்கனவே பெரிய, சிறிய பானைகள், பல வரிசைகள் கொண்ட செங்கல் கட்டிட சுவர்கள், விலங்கின எலும்பு கூடுகள், செங்கலால் ஆன தரைத்தளம், நெருப்பு பயன்பாட்டின் கட்டமைப்பு, எடைக்கற்கள் உள்ளிட்ட ஏராளமான பொருட்கள் கண்டெடுக்கப்பட்டன.

இதேபோல் கொந்தகையில் முதுமக்கள் தாழிகள், சிறிய, பெரிய மனித எலும்புகள், மண்டை ஓடுகள், குழந்தையின் முழு உருவ எலும்பு கூடுகள், குவளை, சிறிய பானைகள் உள்ளிட்ட பொருட்கள் கண்டுபிடிக்கப்பட்டன. இதேபோல் மணலூரில் சுடுமண் உலை, எலும்புகள் உள்ளிட்ட பல்வேறு பொருட்கள் கண்டுபிடிக்கப்பட்டன. அகரத்தில் நடைபெற்று வரும் அகழ்வாராய்ச்சியில் கடந்த 22-ந்தேதி ஏற்கனவே 17 அடுக்குகள் கொண்ட உறை கிணறு கண்டுபிடிக்கப்பட்டது. இந்த உறை கிணற்றில் உள்ள அடுக்கு முக்கால் அடி உயரமும், 2½ அடி அகலமும் கொண்டதாக இருந்தது.

இதையடுத்து தொடர்ந்து நேற்று வரை கூடுதலாக குழிகள் தோண்டி ஆராய்ச்சி செய்தபோது மேலும் கூடுதலாக 4 அடுக்குகள் கொண்ட உறை இருப்பது தெரிய வந்ததது. மேலும் அந்த பகுதியில் மண்ணை அகற்றியபோது 21 அடுக்குகள் கொண்ட உறைகிணறாக தற்போது காட்சி அளிக்கிறது. இந்த உறைகிணறு கண்டுபிடிக்கப்பட்டதை அடுத்து பண்டைய காலத்தில் வாழ்ந்த மக்கள் தண்ணீரை எவ்வாறு சேமித்து வைத்து பயன்படுத்த வேண்டும் என்பதற்கு முன்னோடிகளாக இருந்ததும், விவசாயத்திலும் சிறந்து விளங்கி இருப்பதும் தெரிகிறது.

மேலும் இப்பகுதியில் குழிகள் ஆழமாக தோண்டும்போது மேலும் கூடுதலான உறைகள் கிடைக்க அதிக வாய்ப்புகள் இருப்பதாக தெரிய வருகிறது. இந்த பகுதியில் தற்போது நடைபெற்று வரும் 6-வது கட்ட அகழ்வாராய்ச்சி பணிகளை முடிக்க இம்மாதம் 30-ந்தேதி வரை தான் அரசு அனுமதி வழங்கி உள்ளது. இதற்குள் இந்த பணிகள் முழுவதும் நிறைவுபெறுமா அல்லது அனுமதி காலம் நீட்டிக்கப்படுமா என்பது குறித்த விவரங்கள் இன்னும் சில தினங்களில் தெரிய வரும். அதே நேரத்தில் கீழடி, கொந்தகை, அகரம் ஆகிய பகுதியில் எடுக்கப்பட்ட பொருட்களை ஆவணப்படுத்தும் பணியும் தற்போது தொடர்ந்து நடந்து வருகிறது.

திருப்புவனம்:

திருப்புவனம் யூனியனை சேர்ந்த கீழடியில் 6-வது கட்ட அகழ்வாராய்ச்சி பணி நடைபெற்று வருகிறது. இந்த பணிகள் கீழடி, கொந்தகை, அகரம், மணலூர் ஆகிய 4 இடங்களில் தொடர்ச்சியாக நடைபெற்று வருகிறது. கீழடியில் பெரிய, சிறிய பானைகள், செங்கல் கட்டிட சுவர்கள், விலங்கின எலும்பு கூடுகள், நெருப்பு பயன்பாட்டின் கட்டமைப்பு உள்ளிட்ட பொருட்கள் கண்டெடுக்கப்பட்டது. அகரத்தில் நடைபெற்று வரும் அகழ்வாராய்ச்சியில் கடந்த மாதம் 7-ந்தேதி 6 அடுக்கு கொண்ட உறைகிணறு கண்டுபிடிக்கப்பட்டது.

இந்த உறைகிணற்றின் ஒரு அடுக்கு முக்கால் அடி உயரமும், 2 அரை அடி அகலமும் கொண்டதாக இருந்தது. மேலும் தண்ணீரை எவ்வாறு சேமித்து வைத்து பயன்படுத்த வேண்டும் என்பது குறித்து பண்டைய காலத்தில் வாழ்ந்த தமிழர்கள் சிந்தித்து இந்த உறைகிணறுகளை அமைத்து தண்ணீரை சேமித்து வைத்துள்ளனர் என்பது தெரியவந்தது. இந்தநிலையில் தொடர்ந்து அகழ்வாராய்ச்சி பணி நடைபெற்றபோது மேலும் 5 அடுக்குகள் கூடுதலாக இருப்பது தெரியவந்தது.

இதையடுத்து 11 அடுக்குகள் கொண்ட உறைகிணறாக ஏற்கனவே காட்சியளித்தது. தொடர்ந்து தற்போது மேலும் ஆழமாக தோண்டப்பட்டு அகழ்வாராய்ச்சி நடைபெற்றபோது அங்கு கூடுதலாக 2 அடுக்கு வெளியே தெரிந்தது. இந்த அடுக்குகளுடன் சேர்த்து மொத்தம் 13 அடுக்கு கொண்ட உறைகிணறாக காட்சியளித்தது. இதுதவிர நேற்று வரை கூடுதலாக குழிகள் தோண்டி ஆராய்ச்சி செய்தபோது மேலும் கூடுதலாக 4 அடுக்குகள் கொண்ட உறை இருப்பது தெரிய வந்த பின்னர் இதுவரை மொத்தம் 17 அடுக்குகள் கொண்ட உறைகிணறாக காட்சியளிக்கிறது.

இந்த பகுதியில் நடைபெற்று வரும் அகழ்வாராய்ச்சி பணிகளை முடிக்க வருகிற 30-ந்தேதி வரை தான் அரசு அனுமதி வழங்கி உள்ளது. இதற்குள் இந்த பணிகள் முழுவதும் நிறைவு பெறுமா அல்லது அனுமதி காலம் நீட்டிக்கப்படுமா என்பது குறித்த விவரங்கள் இன்னும் சில தினங்களில் தெரிய வரும். அதே நேரத்தில் கீழடி, கொந்தகை, அகரம் ஆகிய பகுதியில் எடுக்கப்பட்ட பொருட்களை ஆவணப்படுத்தும் பணியும் தற்போது தொடர்ந்து நடந்து வருகிறது.

திருப்புவனம்:

சிவகங்கை மாவட்டம் கீழடிபகுதியில் தற்போது நடைபெற்று வரும் அகழ்வாராய்ச்சி பணியில் அவ்வப்போது உறைகிணறுகள் வெளிப்பட்டு வருகின்றன. ஏற்கனவே 2 அடுக்கு கொண்ட உறைகிணறு கடந்த வாரம் கண்டுபிடிக்கப்பட்டது.

இந்நிலையில் அந்த உறைகிணற்றின் கீழே நேற்று கூடுதலாக தோண்டப்பட்டது. அப்போது மேலும் 4 அடுக்குகள் வெளிப்பட்டன. இதன் உறை ஒவ்வொன்றும் முக்கால் அடி உயரமும், 2½ அடி அகலமும் கொண்டுள்ளது.

இதன் மூலம் தண்ணீர் சேமிப்புக்கு பண்டைய தமிழர்கள் முக்கியத்துவம் கொடுத்துள்ளதை அறிய முடிகிறது.

கீழடி பகுதியில் நடைபெற்று வரும் 6-வது கட்ட அகழ்வாராய்ச்சி பணிகள் தற்போது இறுதி கட்டத்தை எட்டியுள்ளன. மேலும் இங்கு கண்டுபிடிக்கப்பட்ட பொருட்களை ஆவணப்படுத்தும் பணியும் வேகமாக நடைபெற்று வரும் வேளையில் இதுவரை பார்வையாளர்களுக்கு அனுமதி வழங்கவில்லை. 6-வது கட்ட அகழ்வாராய்ச்சி பணி நிறைவு பெறுவதற்குள் பார்வையாளர்களுக்கு அனுமதி வழங்க வேண்டும் என்பது தமிழ் ஆர்வலர்கள் கோரிக்கையாக உள்ளது.