தொழில்நுட்பச் செய்திகள்

ஒன்பிளஸ் நிறுவனத்தின் புதிய ஒன்பிளஸ் 8டி கான்செப்ட் ஸ்மார்ட்போன் அறிமுகம் செய்யப்பட்டு இருக்கிறது. இந்த கான்செப்ட் போனின் பேக் பேனல் வித்தியாசமாக வடிவமைக்கப்பட்டு உள்ளது. மேலும், இதில் ரியாக்டிவ் சென்சிங் எனும் தொழில்நுட்பம் பயன்படுத்தப்பட்டு இருக்கிறது.

இது எம்எம்வேவ் சென்சிங் தொழில்நுட்பத்தின் உதவியுடன் பேக் பேனல் நிறத்தை டார்க் புளூ-வில் இருந்து சில்வர் நிறத்திற்கு தானாக மாற்றும். ஸ்மார்ட்போனில் நோட்டிபிகேஷன் வரும் போது இந்த அம்சம் இயங்குகிறது. இத்துடன் பிரீத்திங் மாணிட்டர் எனும் அம்சத்தை ஒன்பிளஸ் அறிவித்து உள்ளது.

இந்த அம்சமும் 5ஜி-யின் அங்கமான எம்எம்வேவ் தொழில்நுட்பத்தை பயன்படுத்தி பயனர் மூச்சுவிடுவதை டிராக் செய்து பேக் பேனல் நிறத்தை அதற்கு ஏற்ற வகையில் மாற்றுகிறது. புதிய கான்செப்ட் போன் ஒன்பிளஸ் 8டி மாடலை விட அதிக வித்தியாசங்கள் இன்றி உருவாக்கப்பட்டு உள்ளது.

கொரோனாவைரஸ் ஊரடங்கு அறிவிக்கப்பட்டது முதல் பல்வேறு நிறுவனங்களும் வொர்க் பிரம் ஹோம் சலுகையை அறிவித்து வருகின்றன. இதுதவிர, வீட்டில் இருந்து பணியாற்றுவோரின் டேட்டா பயன்பாடு அதிகரித்து உள்ளது. தற்சமயம் பிஎஸ்என்எல் நிறுவனம் புதிய வொர்க் பிரம் ஹோம் சலுகையை அறிவித்து உள்ளது.

பிஎஸ்என்எல் புதிய வொர்க் பிரம் ஹோம் சலுகை ரூ. 251 விலையில் அறிவிக்கப்பட்டு இருக்கிறது. புதிய சலுகையில் 70 ஜிபி டேட்டா 28 நாட்களுக்கு வழங்கப்படுகிறது. இந்த சலுகையுடன் சிங் மியூசிக் செயலியும் அறிமுகம் செய்யப்பட்டு இருக்கிறது.

முன்னதாக பிஎஸ்என்எல் ரூ. 56 மற்றும் ரூ. 151 விலையில் இரண்டு சலுகைகளை வொர்க் ஃபிரம் ஹோம் பிரிவில் வழங்கி வருகிறது. இதில் ரூ. 56 பிஎஸ்என்எல் சலுகையில் 10 ஜிபி டேட்டாவும், ரூ. 151 பிஎஸ்என்எல் சலுகையில் 40 ஜிபி டேட்டாவும் வழங்கப்படுகிறது.

பிஎஸ்என்எல் மட்டுமின்றி ரிலையன்ஸ் ஜியோ, ஏர்டெல் மற்றும் வி என தனியார் தொலைத்தொடர்பு நிறுவனங்களும் வொர்க் ஃபிரம் ஹோம் சலுகைகளை வழங்கி வருகின்றன. இவற்றின் விலை ரூ. 151 முதல் துவங்குகிறது. 

சாம்சங் நிறுவனம் கேலக்ஸி ஏ22 5ஜி ஸ்மார்ட்போன் 2021 ஆண்டின் இரண்டாவது அரையாண்டு காலக்கட்டத்தில் அறிமுகம் ஆகலாம் என தகவல் வெளியாகி உள்ளது. முதற்கட்டமாக இந்த ஸ்மார்ட்போன் இந்தியா மற்றும் இதர தென் கிழக்கு ஆசிய நாடுகளில் அறிமுகம் செய்யப்படலாம் என்றும் கூறப்படுகிறது.

கேலக்ஸி ஏ22 5ஜி ஸ்மார்ட்போன், சாம்சங் நிறுவனம் இந்த ஆண்டு ஏப்ரல் மாதத்தில் அறிமுகம் செய்த கேலக்ஸி ஏ21 மாடலின் மேம்பட்ட வெர்ஷன் ஆகும். கேலக்ஸி ஏ22 5ஜி தவிர சாம்சங் நிறுவனம் கேலக்ஸி ஏ32 5ஜி ஸ்மார்ட்போனையும் அடுத்த ஆண்டு அறிமுகம் செய்யலாம் என எதிர்பார்க்கப்படுகிறது.

தற்போதைய தகவல்களின் படி கேலக்ஸி ஏ22 5ஜி ஸ்மார்ட்போனின் விலை இந்திய மதிப்பில் ரூ. 15 ஆயிரம் பட்ஜெட்டில் நிர்ணயம் செய்யப்படலாம் என தெரிகிறது. கேலக்ஸி ஏ22 5ஜி ஸ்மார்ட்போன் ஹூவாய், ஒப்போ, விவோ மற்றும் சியோமி நிறுவன மாடல்களுக்கு போட்டியாக அமையலாம். 

சிறப்பம்சங்களை பொருத்தவரை கேலக்ஸி ஏ22 5ஜி ஸ்மார்ட்போன் மீடியாடெக் டிமென்சிட்டி 700 பிராசஸர், மூன்று பிரைமரி கேமரா வழங்கப்படலாம் என கூறப்படுகிறது. 

ஐகூ 7 ஸ்மார்ட்போன் விரைவில் வெளியாகும் என அந்நிறுவனம் அறிவித்து உள்ளது. டீசரில் ஸ்மார்ட்போனின் சரியான வெளியீட்டு தேதி குறிப்பிடப்படவில்லை. 

எனினும், டீசர்களின்படி இந்த ஸ்மார்ட்போன் மூன்று கேமரா சென்சார், பின்புறம் பிரத்யேக பினிஷ் கொண்டிருக்கும் என தெரிகிறது. இத்துடன் ஐகூ7 பிஎம்டபிள்யூ ஸ்பெஷல் எடிஷன் மாடலும் அறிமுகம் செய்யப்படலாம் என தெரியவந்து இருக்கிறது.

இதுவரை வெளியாகி இருக்கும் தகவல்களின் படி ஐகூ 7 ஸ்மார்ட்போனில் இன் டிஸ்ப்ளே கைரேகை சென்சார் வழங்கப்படும் என கூறப்படுகிறது. புதிய ஐகூ 7 ஸ்மார்ட்போன் இந்த ஆண்டு ஆகஸ்ட் மாதம் அறிமுகம் செய்யப்பட்ட ஐகூ 5 மாடலுக்கு மாற்றாக மேம்பட்ட அம்சங்களுடன் அறிமுகமாகும் என எதிர்பார்க்கப்படுகிறது.

முந்தைய ஐகூ 5 சீரிஸ் ஸ்மார்ட்போனில் குவால்காம் ஸ்னாப்டிராகன் 865 பிராசஸர் வழங்கப்பட்டு இருந்தது. அந்த வகையில் புதிய ஐகூ 7 மாடலில் ஸ்னாப்டிராகன் 888 பிராசஸர் வழங்கப்படலாம் என கூறப்படுகிறது. மேலும் ஐகூ 7 மாடலுடன் ஐகூ 7 ப்ரோ ஸ்மார்ட்போனும் அறிமுகம் செய்யப்படலாம் என தெரிகிறது.

ஒன்பிளஸ் நிறுவனம் புதிதாக ஸ்மார்ட்வாட்ச் உருவாக்கும் பணிகளில் ஈடுபட்டு வருவதாக டீசர்கள் மூலம் அறிவித்து இருந்தது. எனினும், இதுவரை இந்த ஸ்மார்ட்வாட்ச் அறிமுகம் செய்யப்படவில்லை. 

புதிய ஸ்மார்ட்வாட்ச் மாடலை உருவாக்கும் பணிகள் தொடர்ந்து நடைபெற்று வருவதாக அந்நிறுவன தலைமை செயல் அதிகாரி தெரிவித்து இருக்கிறார். மேலும் கூகுள் நிறுவனத்துடன் இணைந்து வியர் ஒஎஸ் தளத்தை உருவாக்கி வருவதாக அந்நிறுவனம் தெரிவித்து உள்ளது.

ஒன்பிளஸ் தலைமை செயல் அதிகாரி பீட் லௌ புதிய தகவல்களை சமீபத்திய பேட்டியில் தெரிவித்தார். புதிய ஒன்பிளஸ் ஸ்மார்ட்வாட்ச் 2021 ஆண்டு அறிமுகமாகும் என எதிர்பார்க்கப்படுகிறது. எனினும், இதன் வெளியீட்டு தேதி இதுவரை அறிவிக்கப்படவில்லை.

முன்னதாக புது ஒன்பிளஸ் வாட்ச் பற்றிய விவரங்கள் ஐஎம்டிஏ (இன்போகாம் மீடியா டெவலப்மென்ட் அத்தாரிட்டி) வலைதளத்தில் லீக் ஆகி இருந்தது. அதில் புதிய ஒன்பிளஸ் வாட்ச் டபிள்யூ301ஜிபி எனும் மாடல் நம்பர் கொண்டு உருவாகி இருப்பதாக குறிப்பிடப்பட்டு இருக்கிறது.

ஒன்பிளஸ் நிறுவனம் தனது வாட்ச் மாடலை எப்போது வெளியிடும், அதன் விலை எவ்வாறு நிர்ணயம் செய்யப்படும் என்பது குறித்து இதுவரை எவ்வித தகவலும் இல்லை.

ஆப்பிள் நிறுவனம் 2021 ஆண்டு இந்திய சந்தையில் விற்பனையை அதிகப்படுத்தும் நோக்கில் அசத்தல் திட்டம் தீட்டி இருப்பதாக தகவல் வெளியாகி உள்ளது. 2020 ஆண்டு இந்திய சந்தையில் ஆப்பிள் நிறுவனம் வளர்ச்சியை பதிவு செய்து இருக்கிறது.

ஐபோன் 11 மற்றும் ஐபோன் 12 மாடல்கள் அதிக பிரபலமாக இருந்ததோடு ஐபோன் XR போன்ற மாடல்களின் விலை குறைப்பு காரணமாக அதிகளவு விற்பனையாகி இருந்தது. 

முன்னணி ஆய்வு நிறுவனமான இந்திய டேட்டா கார்ப்பரேஷன் வெளியிட்டு இருக்கும் தகவல்களின் படி அக்டோபர் மாதத்தில் இந்திய ஸ்மார்ட்போன் சந்தையில் ரூ. 35 ஆயிரம் முதல் ரூ. 51 ஆயிரம் விலை கொண்ட ஸ்மார்ட்போன்கள் விற்பனை பலமடங்கு அதிகரித்து இருப்பதாக தெரிவிக்கப்பட்டு இருக்கிறது.

இதற்கு ஐபோன் XR மற்றும் ஐபோன் 11 மாடல்களுக்கு அதிரடி விலை குறைப்பு மற்றும் சலுகைகள் வழங்கப்பட்டது முக்கிய காரணமாக கூறப்படுகிறது. மேலும் அக்டோபர் மாதத்தில் பிரீமியம் சந்தை 16 சதவீத வளர்ச்சியை பதிவு செய்து இருக்கிறது. இதில் ஆப்பிள் நிறுவனம் இந்தியாவின் 50 இல் 49 நகரங்களில் முன்னிலை வகித்து இருக்கிறது.

இந்திய சந்தையில் ஆப்பிள் நிறுவனத்தின் அசுர வளர்ச்சிக்கு ஐபோன் 11 மற்றும் 12 வெளியீடு, ஐபோன் எஸ்இ2 வெளியீடு மற்றும் கடந்த ஆண்டு அறிமுகமான ஐபோன்களுக்கு அறிவிக்கப்பட்ட விலை குறைப்பு உள்ளிட்டவை முக்கிய காரணம் என கூறப்படுகிறது. 

அந்த வகையில் 2021 ஆண்டு ஆப்பிள் நிறுவனம் ஆப்பிள் பிரியர்கள் மட்டுமின்றி மிட்-பிரீமியம் வாடிக்கையாளர்களை குறி வைத்து புது சலுகைகள் மற்றும் அறிவிப்புகளை வெளியிடலாம் என எதிர்பார்க்கப்படுகிறது.

மோட்டோரோலா மோட்டோ ஜி பிளே 2021 ஸ்மார்ட்போன் கூகுள் பிளே கன்சோலில் பட்டியலிடப்பட்டு உள்ளது. இதில் ஸ்மார்ட்போனின் புகைப்படங்கள் மற்றும் சிறப்பம்சங்கள் தெரியவந்துள்ளது. 

கூகுள் பிளே கன்சோல் தளத்தின் படி மோட்டோ ஜி பிளே 2021 ஸ்மார்ட்போனில் ஸ்னாப்டிராகன் 450 பிராசஸர், அட்ரினோ 610 ஜிபியு, 6.5 இன்ச் 720x1600 பிக்சல் டிஸ்ப்ளே, 3 ஜிபி ரேம் வழங்கப்படும் என குறிப்பிடப்பட்டு உள்ளது. முன்புறம் நாட்ச் டிசைன் செல்பி கேமரா, பெசல்கள் காணப்படுகிறது.

இந்த ஸ்மார்ட்போனின் பவர் மற்றும் வால்யூம் பட்டன்கள் வலதுபுறத்தில் காணப்படுகிறது. தற்சமயம் பட்டியலிடப்பட்டு இருப்பது கோப்புப்படமாக இருக்கலாம் என கூறப்படுகிறது. அந்த வகையில் மோட்டோ ஜி பிளே 2021 உண்மை தோற்றத்தில் வேறுபாடு இருக்கலாம்.

முன்னதாக மோட்டோ ஜி பிளே 2021 விவரங்கள் அடங்கிய ஸ்மார்ட்போன் கீக்பென்ச் தளத்தில் பட்டியலிடப்பட்டு இருந்தது. அந்த ஸ்மார்ட்போனிலும் ஸ்னாப்டிராகன் 460 பிராசஸர், 3 ஜிபி ரேம் வழங்கப்பட்டு இருந்தது. இது சிங்கில் கோர் சோதனையில் 253 புள்ளிகளையும், மல்டி கோரில் 1233 புள்ளிகளை பெற்று இருந்தது. 

வோடபோன் ஐடியா நிறுவனம் ரூ. 399 விலையில் பிரத்யேக டிஜிட்டல் சலுகையை அறிவித்து இருக்கிறது. இந்த சலுகை வலைதளத்தில் புதிய சிம் வாங்கும் வாடிக்கையாளர்களுக்கு வழங்கப்படுகிறது. இது பிரீபெயிட் மற்றும் போஸ்ட்பெயிட் இணைப்புகளுக்கு பொருந்தும்.

ரூ. 399 விலை பிரீபெயிட் சலுகையில் டேட்டா, எஸ்எம்எஸ் மற்றும் ரூ. 297 சலுகையை விட அதிக வேலிடிட்டி வழங்கப்படுகிறது. மேலும் வி திரைப்படங்கள் மற்றும் டிவி சேவை உள்ளிட்டவை கூடுதலாக வழங்கப்படுகின்றன. போஸ்ட்பெயிட் சலுகையில் 150 ஜிபி டேட்டா, ரோல் ஓவர் வசதி, எஸ்எம்எஸ் உள்ளிட்ட பலன்கள் கிடைக்கிறது.

வி வலைதளத்தில் புதிய சிம் வாங்குவோர் ரூ. 399 சலுகையை தேர்வு செய்யலாம். இது பிரீபெயிட் மற்றும் போஸ்ட்பெயிட் கனெக்ஷன்களில் வழங்கப்படுகிறது. ரூ. 399 பிரீபெயிட் சலுகையில் தினமும் 1.5 ஜிபி டேட்டா, 100 எஸ்எம்எஸ் உள்ளிட்டவை 56 நாட்களுக்கு வழங்கப்படுகிறது.

போஸ்ட்பெயிட் ரூ. 399 சலுகையில் 40 ஜிபி டேட்டா, மாதம் 100 எஸ்எம்எஸ், ஆறு மாதங்களுக்கு 150 ஜிபி டேட்டா, 200 ஜிபி ரோல் ஒவர், வி திரைப்படங்கள் மற்றும் தொலைகாட்சி சந்தா உள்ளிட்டவை வழங்கப்படுகிறது.

ஹூவாமி நிறுவனம் தனது ஜிடிஎஸ் 2 ஸ்மார்ட்வாட்ச் இந்தியாவில் டிசம்பர் 21 ஆம் தேதியாவில் அறிமுகமாகும் என அறிவித்து இருக்கிறது. அமேஸ்பிட் ஜிடிஎஸ் 2 ஸ்மார்ட்வாட்ச் 1.65 இன்ச் AMOLED ஸ்கிரீன், ஹெச்டி ரெசல்யூஷன், அலுமினியம் பாடி, 3டி கார்னிங் கொரில்லா கிளாஸ், ஸ்கிராட்ச் ரெசிஸ்டண்ட் வசதி கொண்டிருக்கிறது.

மேலும் இதில் 50-க்கும் அதிக வாட்ச் பேஸ்கள், spo2 மாணிட்டரிங், ஜிபிஎஸ் வசதி, 90-க்கும் அதிக ஸ்போர்ட்ஸ் மோட்கள் வழங்கப்பட்டு உள்ளன. இதுதவிர புதிய ஸ்மார்ட்வாட்ச் மாடலில் பல்வேறு அசத்தலான அம்சங்கள் வழங்கப்பட்டு உள்ளன.

அமேஸ்பிட் ஜிடிஎஸ் 2 சிறப்பம்சங்கள்

- 1.65 இன்ச் 348X442 பிக்சல் AMOLED 341PPI ஸ்கிரீன்

- 3D கிளாஸ்

- ஆண்ட்ராய்டு 5.0 அல்லது ஐஒஎஸ் iOS 10.0 மற்றும் அதற்கும் பின் வெளியான ஒஎஸ் வசதி

- 90-க்கும் அதிக ஸ்போர்ட்ஸ் மோட்கள் 

- ஆக்டிவிட்டி டிராக்கிங், ஸ்டெப் கவுண்ட்

- ஹூவாமி உருவாக்கிய பயோ டிராக்கர்

- அலுமினியம் அலாய் + பிளாஸ்டிக் பாடி 

- வாட்டர் ரெசிஸ்டண்ட் (5ATM / 50 Meters)

- ப்ளூடூத் 5.0 LE, வைபை, ஜிபிஎஸ் 

- 3 ஜிபி மெமரி 

- மைக்ரோபோன்

- 246mAh பேட்டரி 

அமேஸ்பிட் ஜிடிஎஸ் 2 ஸ்மார்ட்வாட்ச் மிட்நைட் பிளாக் நிறத்தில் கிடைக்கிறது. இதன் விலை ரூ. 12,999 என நிர்ணயம் செய்யப்பட்டு உள்ளது. விற்பனை அமேசான் தளத்தில் டிசம்பர் 21 ஆம் தேதி துவங்குகிறது.

வாட்ஸ்அப் வெப் பயனர்களுக்கு வாய்ஸ் மற்றும் வீடியோ கால் வசதி வழங்கப்படுவதாக கூறப்படுகிறது. இதன் மூலம் பயனர்கள் டெஸ்க்டாப் மூலமாக வாட்ஸ்அப் அழைப்புகளை மேற்கொள்ளலாம். இதுவரை வாட்ஸ்அப் கால் வசதி மொபைல் சாதனங்களுக்கு மட்டுமே வழங்கப்பட்டு வந்தது.

தற்சமயம் வெளியாகி இருக்கும் தகவல்களின் படி வாட்ஸ்அப் அழைப்புகள் டெஸ்க்டாப் வெர்ஷனிலும் வழங்கப்படுவதாக கூறப்படுகிறது. தற்சமயம் இந்த அம்சம் பீட்டா பதிப்பில் வழங்கப்படுகிறது. இந்த அப்டேட் விரைவில் அனைவருக்கும் வழங்கப்படலாம்.

வாட்ஸ்அப் வெப் தளத்தில் வாய்ஸ் மற்றும் வீடியோ கால் சேவை வழங்கப்பட்டாலும், முதற்கட்டமாக இது தேர்வு செய்யப்பட்ட சிலருக்கு மட்டுமே வழங்கப்படுவதாக கூறப்படுகிறது.  

இதே அம்சம் பீட்டா பதிப்பில் சோதனை செய்யப்படுகிறது. அந்த வகையில், இந்த அம்சம் செயலியின் ஸ்டேபில் வெர்ஷனுக்கு விரைவில் வழங்கப்படலாம் என எதிர்பார்க்கலாம்.

போக்கோ பிராண்டின் புதிய லேப்டாப் மாடல்கள் விரைவில் இந்தியாவில் அறிமுகம் ஆகும் என தகவல் வெளியாகி உள்ளது. இந்த தகவல் இந்தியாவின் பிஐஎஸ் சான்று அளிக்கும் வலைதளத்தில் இருந்து லீக் ஆகி இருக்கிறது. 

இரண்டு புது லேப்டாப் மாடல்களின் பேட்டரி முறையே R15B02W மற்றும் R14B02W எனும் மாடல் நம்பர்களுடன் பிஐஎஸ் சான்று பெற்று இருக்கின்றன. இவை போக்கோ பிராண்டிங் கொண்டிருக்கின்றன. அந்த வகையில் இவை எம்ஐ லேப்டாப்களின் ரி-பிராண்ட் செய்யப்பட்டு போக்கோ லேப்டாப் மாடல்களாக இருக்கலாம் என கூறப்படுகிறது. 

போக்கோ பிராண்டு இதுவரை ஸ்மார்ட்போன்களை மட்டுமே அறிமுகம் செய்து இருக்கிறது. அந்த வகையில் 2021 ஆண்டில் இந்த நிலை மாறலாம் என எதிர்பார்க்கப்படுகிறது. போக்கோ லேப்டாப் மாடல்கள் அடுத்த ஆண்டு அறிமுகம் ஆகலாம் என தெரிகிறது. 

இதுதவிர ஏற்கனவே வெளியான தகவல்களில் போக்கோ ட்ரூ வயர்லெஸ் இயர்பட்ஸ் மாடலும் அறிமுகம் செய்யப்பட இருப்பதாக கூறப்பட்டு இருந்தது. இதுவும் அடுத்த ஆண்டு அறிமுகமாகும் என எதிர்பார்க்கலாம்.

இந்த ஆண்டு சியோமி நிறுவனம் எம்ஐ நோட்புக் மற்றும் எம்ஐ நோட்புக் ஹாரிசான் எடிஷன் லேப்டாப் மாடல்களை அறிமுகம் செய்தது. போக்கோ லேப்டாப் மாடல்களின் இந்திய வெளியீடு பற்றி இதுவரை அதிகாரப்பூர்வ தகவல் வெளியாகவில்லை. 

ஒப்போ நிறுவனம் ஏ53 5ஜி ஸ்மார்ட்போனினை சீன சந்தையில் அறிமுகம் செய்து இருக்கிறது. இந்த ஸ்மார்ட்போனில் 6.5 இன்ச் FHD+LCD டிஸ்ப்ளே, 8 எம்பி செல்பி கேமரா, மீடியாடெக் டிமென்சிட்டி 720 பிராசஸர், அதிகபட்சம் 6 ஜிபி ரேம் வழங்கப்பட்டு இருக்கிறது.

புகைப்படங்களை எடுக்க 16 எம்பி பிரைமரி கேமரா, 2 எம்பி மேக்ரோ கேமரா, 2 எம்பி போர்டிரெயிட் சென்சார் வழங்கப்பட்டு உள்ளது. 

ஒப்போ ஏ53 5ஜி சிறப்பம்சங்கள்

- 6.5 இன்ச் 2400×1080 பிக்சல் FHD+ 90Hz LCD ஸ்கிரீன்

- ஆக்டாகோர் மீடியாடெக் டிமென்சிட்டி 720 பிராசஸர்

- மாலி-G57 MC3 GPU

- 4 ஜிபி / 6 ஜிபி LPDDR4x ரேம்

- 128 ஜிபி (UFS 2.1) மெமரி

- டூயல் சிம்

- கலர் ஒஎஸ் 7.2 சார்ந்த ஆண்ட்ராய்டு 10

- 16 எம்பி பிரைமரி கேமரா, f/2.2, PDAF, LED பிளாஷ்

- 2 எம்பி டெப்த் கேமரா

- 2 எம்பி மேக்ரோ கேமரா, f/2.4

- 8 எம்பி செல்பி கேமரா, f/2.0

- பக்கவாட்டில் கைரேகை சென்சார்

- 3.5 எம்எம் ஆடியோ ஜாக், எப்எம் ரேடியோ 

- 5ஜி SA/NSA, டூயல் 4ஜி வோல்ட்இ, வைபை 802.11 ac, ப்ளூடூத் 5.1

- யுஎஸ்பி டைப் சி

- 4040mAh பேட்டரி

- 18 வாட் சார்ஜிங் 

ஒப்போ ஏ53 5ஜி ஸ்மார்ட்போன் பிளாக், பர்ப்பிள் மற்றும் கிரீன் நிறங்களில் கிடைக்கிறது. இதன் 4 ஜிபி + 128 ஜிபி மாடல் விலை 1299 யுவான் இந்திய மதிப்பில் ரூ. 14,610 என்றும் 6 ஜிபி + 128 ஜிபி மாடல் விலை இதுவரை அறிவிக்கப்படவில்லை.