அறிந்து கொள்ளுங்கள்

மத்திய இயக்குனரகம் நாட்டில் இயங்கி வரும் பத்து நிறுவனங்களுக்கு டிரோன்களை சோதனை செய்வதற்கான அனுமதியை வழங்கி இருப்பதாக கூறப்படுகிறது. இது நாட்டில் அத்தியாவசிய பொருட்களின் விநியோகத்தை மேலும் அதிகப்படுத்த உதவும்.
அமேசான் போன்ற நிறுவனங்கள் இதுபோன்ற சோதனையை அமெரிக்காவில் ஏற்கனவே செய்து வருகிறது. புதிய நடவடிக்கை காரணமாக வான்வளி ஆய்வு துறையில் புதிய வேலைவாய்ப்புகளை உருவாக்க முடியும் என்றும் எதிர்பார்க்கப்படுகிறது.

'டிரோன் மூலம் டெல்வரி செய்வதற்கான பணிகளில் தொடர்ந்து ஈடுபட்டு வருகிறோம். மத்திய விமான போக்குவரத்து இயக்குனரகத்தின் புதிய முடிவை வரவேற்கிறோம். வான்வெளியில் உணவு டெலிவரி செய்ய ஆவலோடு காத்திருக்கிறோம்,' என ஜொமாட்டோ நிறுவன செய்தி தொடர்பாளர் தனியார் நிறுவனத்திடம் தெரிவித்திருக்கிறார்.

டிரோன் டெலிவரிக்கு சோதனை செய்யும் அனுமதியுடன், சம்மந்தப்பட்ட நிறுவனங்கள் தங்களின் கான்செப்ட் விவரங்களை செப்டம்பர் மாதத்திற்குள் சமர்பிக்க மத்திய  விமான போக்குவரத்து இயக்குனரகம் உத்தரவிட்டுள்ளதாக கூறப்படுகிறது.

ஏர்டெல் நிறுவனத்தில் ரூ. 15 ஆயிரம் கோடி மதிப்பிலான பங்குகளை வாங்க அமேசான் நிறுவனம் முதற்கட்ட பேச்சுவார்த்தை துவங்கி இருப்பதாக செய்திகள் வெளியாகின. இந்நிலையில், நேற்று வெளியான செய்தியில் துளியும் உண்மையில்லை என்றும், இதுவரை அதுபோன்ற திட்டம் எதுவும் இல்லை என்றும் பாரதி ஏர்டெல் நிறுவனம் தெரிவித்துள்ளது.
இரு நிறுவனங்களிடையே ஒப்பந்தம் இறுதியாகும் பட்சத்தில் ஏர்டெல் நிறுவனத்தின் ஐந்து சதவீத பங்குகளை அமேசான் வாங்கும் என தெரிவிக்கப்பட்டது. இதன் காரணமாக ஏர்டெல் நிறுவன பங்குகள் ஆறு சதவீதம் வரை உயர்ந்தது.

எனினும், இதுபோன்ற செய்திகள் தேவையற்ற விளைவுகளை ஏற்படுத்தும் என்றும் இது நிறுவனத்தின் நன்மதிப்பை பாதிக்கும் என ஏர்டெல் தெரிவித்துள்ளது.

தயவு செய்து ஆப்பிள் வால்நட் ஸ்டிரீட் வந்துவிடுங்கள். இந்த சாதனங்கள் டிராக் செய்யப்பட்டு அவை செயலிழக்க செய்யப்படுகின்றன. இத்துடன் உள்ளூர் அதிகாரிகளுக்கும் தகவல் அளிக்கப்படும்.


ஆப்பிள் விற்பனை மையங்கள் மார்ச் மாத மத்தியில் இருந்து கொரோனா வைரஸ் பாதிப்பு காரணமாக மூடப்பட்டுள்ளது. எனினும், கடந்த வாரம் அமெரிக்கா முழுக்க 100 விற்பனை மையங்களை ஆப்பிள் திறப்பதாக அறிவித்தது. இதைத் தொடர்ந்து அமெரிக்காவின் நியூ யார்க், லாஸ் ஏஞ்சல்ஸ் மற்றும் வாஷிங்டன் போன்ற நகரங்களில் உள்ள ஆப்பிள் ஸ்டோர்களில் இருந்து ஐபோன்கள் திருடப்பட்டன.

போலீஸ் அதிகாரியால் கொலை செய்யப்பட்ட ஜார்ஜ் ஃபிளாய்ட் மரணத்தை தொடர்ந்து ஐபோன்கள் திருடப்பட்டன. ஃபிளாய்ட் மரணத்திற்கு எதிராக அமெரிக்கா முழுக்க கடும் போராட்டங்கள் நடைபெற்று வருகின்றன. ஆப்பிள் ஸ்டோர்கள் மட்டுமின்றி போர்ட்லாந்து மற்றும் லாஸ் ஏஞ்சல்ஸ் முழுக்க பல்வேறு விலை உயர்ந்த கடைகளில் திருட்டு சம்பவங்கள் அரங்கேறி இருக்கின்றன.

உலகளவில் புகழ்பெற்ற தேடுப்பொறி சேவையாக கூகுள் இருக்கிறது. இந்த தளத்தில் ‘இன்காக்னிட்டோ மோட்’ என்ற அம்சத்தில், ஒருவர் எதையாவது தேடும்போது, அவரது அந்தரங்க உரிமையை மீறி சட்டவிரோதமாக ஆக்கிரமித்து கண்காணிப்பதாக குற்றச்சாட்டு எழுந்துள்ளது.

இந்த ‘இன்காக்னிட்டோ மோட்’ அம்சத்தில் பயனாளர்கள் தேடுகிறபோது, அவர்கள் எதையெல்லாம் தேடுகிறார்கள் என்பது கண்காணிக்கப்படாது என்ற நம்பிக்கையில் தான் தேடுகிறார்கள். அவர்கள் என்ன தேடுகிறார்கள் என்பதும் அதில் பதிவாகாது. அந்த நம்பிக்கையை மீறும் வகையில் இப்போது அது கண்காணிப்பது பெரும் சர்ச்சையை ஏற்படுத்தி உள்ளது.
இது தொடர்பாக கூகுள் நிறுவனம் 5 பில்லியன் டாலர் (சுமார் ரூ.37,500 கோடி) இழப்பீடு வழங்க வேண்டும் என்று கேட்டு கலிபோர்னியா மாகாணம், சான் ஜோஸ் நகரில் உள்ள மத்திய கோர்ட்டில் போயஸ் ஷில்லர் பிளெக்ஸ்னர் சட்ட நிறுவனம் வழக்கு தொடுத்துள்ளது.

இந்த வழக்கில், கூகுள் கணினி அல்லது செல்போனை கொண்டுள்ள ஒவ்வொருவரிடம் இருந்து ரகசிய மற்றும் அங்கீகரிக்கப்படாத தரவு சேகரிப்பில் தொடர்ந்து ஈடுபட முடியாது என கூறி உள்ளது.

மேலும் எல்லா இடங்களிலும் உள்ள மக்கள் தங்களது தனிப்பட்ட தகவல் தொடர்புகள் தகவல் தொழில்நுட்ப நிறுவனங்களால் தடுத்து, சேகரிக்கப்பட்டு, பதிவு செய்யப்படுகின்றன அல்லது ஆதாயத்துக்காக சுரண்டப்படுகின்றன என்பதை அறிந்து கவலைப்படுகிறார்கள் என்றும் வழக்கில் கூறப்பட்டுள்ளது.

சான் ஜோஸ் நகரில் உள்ள மத்திய கோர்ட்டில் போயஸ் ஷில்லர் பிளெக்ஸ்னர் சட்ட நிறுவனம் தொடுத்துள்ள இந்த வழக்கு விரைவில் விசாரணைக்கு வரும் என்று எதிர்பார்க்கப்படுகிறது.

புதிய ரூ. 365 சலுகையில் அன்லிமிட்டெட் வாய்ஸ் கால் நாள் ஒன்றுக்கு 250 நிமிடங்கள் வழங்கப்படுகிறது. இதனை கடந்ததும் அழைப்புகளுக்கு கட்டணம் வசூலிக்கப்படும். இதேபோன்று அதிவேக டேட்டா பலன்களும் நாள் ஒன்றுக்கு 2 ஜிபி டேட்டா வழங்கப்படுகிறது.

தினசரி டேட்டா தீர்ந்ததும் டேட்டா வேகம் நொடிக்கு 80 கேபியாக குறைக்கப்படும். இத்துடன் தினமும் 100 எஸ்எம்எஸ் மற்றும் பிரத்யேக ரிங்பேக் டோன் வழங்கப்படுகிறது.

ஏற்கனவே குறிப்பிட்டதை போன்று இந்த சலுகையின் பலன்கள் முதல் 60 நாட்களுக்கு மட்டுமே வழங்கப்படுகிறது. இதனால் வாய்ஸ் மற்றும் டேட்டா பலன்களை தொடர்ந்து பயன்படுத்த பயனர்கள் வாய்ஸ் மற்றும் டேட்டா வவுச்சர்களை ரீசார்ஜ் செய்ய வேண்டும்.

இந்தியாவில் மே 17 ஆம் தேதி அறிமுகம் செய்யப்பட்ட ரிமூவ் சைனா ஆப்ஸ் எனும் செயலி இதுவரை பத்து லட்சத்திற்கும் அதிக டவுன்லோட்களை கடந்துள்ளது. கொரோனா வைரஸ் தொற்று பரவியது மற்றும் இந்தியா-சீன எல்லை விவகாரங்களில் சீனா மீது அதிருப்தி ஏற்பட்டதை தொடர்ந்து சீன பொருட்கள் மற்றும் சேவைகள் மீதான எதிர்ப்பு அதிகரித்துள்ளதாக கூறப்படுகிறது.
செயலியின் பெயருக்கு ஏற்றார் போல் இந்த செயலி சீன நிறுவனங்களால் உருவாக்கப்பட்ட செயலிகளை கண்டறிந்து விடுகிறது. பின் பயனர் விரும்பும் பட்சத்தில் தேவையற்ற செயலிகளை ரிமூவ் சைனா ஆப்ஸ் செயலியில் இருந்தபடியே அவற்றை அன்-இன்ஸ்டால் செய்ய முடியும். தற்சமயம் இந்த செயலிக்கு பயனர்கள் 4.8 நட்சத்திர குறியீடுகளை வழங்கியுள்ளனர்.

இந்த செயலி கூகுள் பிளே ஸ்டோர் அல்லது மூன்றாம் தரப்பு ஆப் ஸ்டோர்களில் இருந்து குறிப்பிட்ட ஸ்மார்ட்போன்களில் இன்ஸ்டால் செய்யப்பட்ட செயலிகளை மட்டுமே கண்டறிகிறது. அந்த வகையில் சீன ஸ்மார்ட்போன் நிறுவனங்களால் பிரீ இன்ஸ்டால் செய்யப்பட்ட செயலிகளை இந்த செயலி கண்டறிவதில்லை.

ரிமூவ் சைனா ஆப்ஸ் செயலியை ஜெய்ப்பூரை சேர்ந்த ஒன்டச் ஆப்லேப்ஸ் எனும் நிறுவனம் உருவாக்கியிருக்கிறது. இந்த நிறுவனத்திற்கான வலைதளம் மே 8 ஆம் தேதி உருவாக்கப்பட்டது. இந்தியாவில் சீனாவுக்கு எதிரான மனநிலை பலருக்கு ஏற்பட்டு இருப்பதன் காரணமாகவே இதனை பலர் டவுன்லோட் செய்து வருகின்றனர்.

புதிய பாதுகாப்பு பிழை எவ்விதமான பாதுகாப்பு வழிமுறைகளையும் கொண்டிருக்காத ஆப்பிள் ஆத்தென்டிகேஷனை பயன்படுத்தும் மூன்றாம் தரப்பு செயலிகளை பாதிக்கிறது. ஹேக்கர்களின் முயற்சியில் இந்த பிழை மூன்றாம் தரப்பு செயலிகளில் உள்ள பயனர் அக்கவுண்ட் விவரங்களை முழுமையாக அம்பலப்படுத்திவிடும்.
பவுக் ஜெயின் என்ற மென்பொறியாளர் ஆப்பிள் சேவையில் இருந்த பிழையை கண்டறிந்தார். மேலும் இந்த பிழை காரணமாக எந்த அக்கவுண்ட் விவரங்களும் பாதிக்கப்படவில்லை என்றும் அவர் தெரிவித்தார். ஆப்பிள் நிறுவனத்தின் சைன் இன் வித் ஆப்பிள் சேவை ஆத் 2.0 போன்றே இயங்குவதாக அவர் தெரிவித்தார்.

ஹேக்கர்கள் ஆப்பிள் சர்வெர்களால் உருவாக்கப்பட்ட ரகசிய குறியீடுகளை எந்தவொரு மின்னஞ்சல் முகவரி கொண்டும், மற்ற பயனர்களின் ஆப் அக்கவுண்ட் விவரங்களை இயக்கி விட முடியும். ஆப்பிள் நிறுவன மின்னஞ்சல் முகவரி கொண்டு குறியீடுகளை ஹேக்கர்கள் கோரினாலும், ஆப்பிள் அதனை பொது தளத்தில் உறுதிப்படுத்திக் கொண்டு இருந்தது என ஜெயின் தெரிவித்திருக்கிறார்.

இவ்வாறு செய்யும் போது எந்தவொரு மின்னஞ்சல் முகவரி கொண்டும் ஆப் அக்கவுண்ட் விவரங்களை ஹேக்கர்கள் அறிந்து கொள்ளக் கூடிய சூழல் நிலவியதாக அவர் தெரிவித்தார்.

இதுதொடர்பாக சர்வதேச அளவில் நடத்தப்பட்ட ஆய்வில் இந்தியாவில் 15 சதவீதம் செல்போன் விற்பனை சரிந்திருப்பதாக தெரிந்துள்ளது. மக்களிடம் பணம் புழங்குவது மிகவும் குறைந்துவிட்டதால் புதிய போன்களை வாங்குவதற்கு மக்களிடம் ஆர்வம் இல்லை என்பது தெரியவந்துள்ளது.
மேலும் சமீபத்தில் செல்போன்கள் மீதான ஜிஎஸ்டி வரி 12 சதவீதத்தில் இருந்து 18 சதவீதமாக உயர்த்தப்பட்டது. செல்போன் விற்பனை சரிவுக்கு இதுவும் ஒரு காரணம் என்று தெரிய வந்துள்ளது. சில மாதங்கள் கழித்தே செல்போன் விற்பனை அதிகரிக்கும் என்று கணித்துள்ளனர்.

முன்னதாக ஜிஎஸ்டி வரி உயர்வு காரணமாக ஸ்மார்ட்போன் மாடல்களின் விலை உயர்த்தப்பட்டது. பல்வேறு நிறுவன மாடல்களின் விலை உயர்த்தப்பட்ட நிலையில், சியோமியின் ரெட்மி பிராண்டு தனது ஸ்மார்ட்போன்கள் விலையை அதிகரித்து இருக்கிறது.

கூகுள் நிறுவனத்தின் புதிய அம்சம் சோடார் எனும் பெயரில் அறிமுகம் செய்யப்பட்டு இருக்கிறது. இந்த அம்சம் பயனரின் ஆண்ட்ராய்டு ஸ்மார்ட்போன் கேமராக்களில் ஒன்றிணைந்து இயங்குகிறது. இந்த அம்சத்தினை இயக்கியதும், பயனர்களை இது வட்டத்தில் நிறுத்துகிறது.
போக்கிமான் கோ போன்ற கேமினை போன்றே புதிய அம்சமும் இயங்குகிறது. சமூக இடைவெளிக்கென பரிந்துரைக்கப்பட்ட அளவினை இது ஸ்மார்ட்போனின் திரையில் காண்பிக்கிறது. தெருக்களில் நடந்து செல்லும் போது, ஸ்மார்ட்போனை முன்புறம் காண்பிக்க வேண்டும்.

ஸ்மார்ட்போனினை நடுவில் வைத்துக் கொண்டு நடக்கும் போது, அவர்களுக்கு ஏதேனும் இடையூறு ஏற்பட்டால் திரையில் அதற்கான எச்சரிக்கை தகவல் தெரியும். இவ்வாறு பொதுவெளியில் செல்லும் போது சமூக இடைவெளியினை மிக துல்லியமாக கடைப்பிடிக்க முடியும்.

சோடார் அம்சம் ஆண்ட்ராய்டு ஸ்மார்ட்போன்களுக்கான கூகுள் குரோம் பிரவுசர்களில் வழங்கப்பட்டு இருக்கிறது. இந்த அம்சம் சீராக இயங்க ஸ்மார்ட்போனில் ஆக்மென்ட்டெட் ரியாலிட்டி வசதி இருக்க வேண்டும். இதற்கென வெப் எக்ஸ்ஆர் எனும் தொழில்நுட்பத்தை கொண்டு 2 மீட்டர் சமூக இடைவெளியை கணக்கிட்டு தெரிவிக்கிறது.

இந்த மோசடியில் வாட்ஸ்அப் சார்பில் ஒரு அக்கவுண்ட்டில் இருந்து குறுந்தகவல் அனுப்பப்பட்டு பயனர்களிடம் இருந்து வெரிஃபிகேஷன் கோட்களை வழங்குமாறு கேட்கிறது. பயனர்களை நம்பவைக்கும் விதமாக இந்த அக்கவுண்ட் ப்ரோபைல் புகைப்படத்தில் வாட்ஸ்அப் லோகோ பயன்படுத்துகிறது.

வாட்ஸ்அப் செயலியின் புதிய அம்சங்கள் பற்றிய விவரங்களை வெளியிடும் WABetaInfo, வாட்ஸ்அப் பெயரில் உலா வரும் புதிய மோசடி பற்றிய தகவலை தனது ட்விட்டர் பக்கத்தில் தெரிவித்து இருக்கிறது. பயனர் ஒருவரின் கேள்விக்கு பதில் அளிக்கும் போது இந்த தகவல் வெளியாகியுள்ளது.
எனினும், வாட்ஸ்அப் நிறுவனம் செயலியை பயன்படுத்தி பயனர்களிடம் தகவல் பரிமாற்றம் செய்யாது. மாறாக சமூக வலைதள அக்கவுண்ட் அல்லது வாட்ஸ்அப் அதிகாரப்பூர்வ வலைபக்கத்தின் மூலமாகவே முக்கிய விவரங்களை வெளியிடுவதை வாடிக்கையாக கொண்டிருக்கிறது.

வெரிஃபிகேஷன் கோட் கொண்டு வேறொரு புதிய சாதனத்தில் வாட்ஸ்அப் அக்கவுண்ட்டினை ஆக்டிவேட் செய்ய முடியும். வாட்ஸ்அப் ப்ரோஃபைல் படம் இருப்பதால், விவரம் அறியாத பலர் இந்த மோசடியில் ஏமாற அதிக வாய்ப்புகள் இருக்கிறது.

வாட்ஸ்அப் எப்போதும் பயனர்களுக்கு செயலி மூலம் குறுந்தகவல் அனுப்பாது. ஒருவேளை அனுப்பும் பட்சத்தில் பச்சை நிற வெரிஃபைடு சின்னம் தெரியும். மேலும் வாட்ஸ்அப் நிறுவனம் ஒருபோதும் பயனர் விவரங்களை வழங்க கோரி அதன் பயனர்களிடம் கேட்காது.