நீங்கள் தேடியது "Google Play Store"

இணையதள தேடல் இயந்திரங்களில் (search engines), உலகின் முன்னணியானது அமெரிக்காவை மையமாக கொண்டு செயல்படும் கூகுள் (Google) நிறுவனத்தின் "கூகுள் தேடல் இயந்திரம்."

உலகெங்கும் பல்வேறு பொருட்கள் மற்றும் சேவைகளை வழங்கும் பல நிறுவனங்கள் பயனர்கள் தங்கள் ஸ்மார்போன்களில் பயன்படுத்தும் வகையில் அவர்கள் நிறுவன மென்பொருள் "ஆப்" (app) எனப்படும் செயலிகளை கூகுள் தேடல் இயந்திரத்தின் பதிவிறக்க தளமான "ப்ளே ஸ்டோர்" எனும் தளத்தில் கட்டமைத்து இருந்தன.

ப்ளே ஸ்டோர் ஆப்பிலிருந்து பயனர்கள் தங்கள் ஸ்மார்ட்போன்களில் இத்தகைய செயலிகளை பதிவிறக்கம் செய்து கொள்ளலாம். இதற்காக அந்த நிறுவனங்கள் கூகுளுக்கு கட்டணம் செலுத்த வேண்டும்.

கட்டண சேவையாக கூகுள் 11 சதவீதத்திலிருந்து 26 சதவீதம் வரை வசூலித்து வந்தது.

இந்நிலையில் நேற்று, கூகுள் நிறுவனம் ஒரு அறிவிப்பை வெளியிட்டது.

கூகுள் நிறுவனம் அறிவித்ததாவது:

எந்த விசாரணை அமைப்புகளோ அல்லது நீதிமன்றங்களோ, கட்டணம் வசூலிக்க கூகுள் நிறுவனத்திற்கு உள்ள உரிமையை தடை செய்யவோ அல்லது ரத்து செய்யவோ இல்லை. எங்களுக்கு உரிமையள்ள தொகையை கேட்டும் இதுவரை தராத பிரபலமான 10 இந்திய நிறுவனங்களின் செயலிக்கள், ப்ளே ஸ்டோரில் இருந்து நீக்கப்பட்டது. இந்த நிறுவனங்களுக்கு சுமார் 3 வருடங்களுக்கும் மேல் தவணை வழங்கினோம்; ஆனால், அவை கட்டணத்தை கட்ட தவறின. எனவே, அவற்றை நீக்கி விட்டோம்.

இவ்வாறு கூகுள் தெரிவித்துள்ளது.

ப்ளே ஸ்டோரில் இருந்து நீக்கப்பட்ட செயலிகளில், இந்தியாவின் பிரபலமான வேலை தேடுவோருக்கான செயலியான "நவுக்ரி.காம்" (naukri.com), ரியல் எஸ்டேட் சேவைக்கான செயலியான "நைன்டிநைன் ஏக்கர்ஸ்.காம்" (99acres.com), திருமண சேவைக்கான "பாரத்மேட்ரிமோனி.காம்" (bharatmatrimony.com) மற்றும் "ஷாதி.காம்" (shaadi.com) உள்ளிட்டவை அடங்கும்.

பாரத் மேட்ரிமோனி நிறுவனர் முருகவேல் ஜானகிராமன் (Murugavel Janakiraman), "இது இந்திய இணைய சேவை காலகட்டத்தில் ஒரு கருப்பு தினம்" என கூறினார்.

"இந்திய நிறுவனங்களின் செயலிகளுக்கு என பிரத்யேகமான ஒரு "ஆப் ஸ்டோர்" (app store) தேவை" என நவுக்ரி.காம் நிறுவனத்தின் தலைவர் சஞ்சீவ் பிக்சந்தானி (Sanjeev Bikhchandani) தெரிவித்தார்.

இந்நிறுவனங்கள் கூகுளுக்கு கட்டண பாக்கியை செலுத்தும் வரை, இந்த சேவையை பயன்படுத்துபவர்களுக்கு சிக்கல் நீடிக்கும் என தெரிகிறது.

பல லட்சம் ஆண்ட்ராய்டு பயனர்களுக்கு மால்வேர் வழங்கி வரும் 35 செயலிகளை சைபர்செக்யுரிட்டி ஆராய்ச்சியாளர்கள் அடங்கிய குழு கண்டறிந்து இருக்கிறது. ரோமானிய சைபர்செக்யுரிட்டி தொழில்நுட்ப நிறுவனமான பிட்-டிபெண்டர் வெளியிட்டு இருக்கும் அறிக்கையில், கூகுள் பிளே ஸ்டோரில் புதிய மால்வேர் பிரச்சாரம் நடைபெற்று வருவதாக குறிப்பிடப்பட்டு இருக்கிறது.

அதன்படி சில செயலிகள் பயனர்களை தவறான தகவல் கொடுத்து ஏமாற்றி அவர்களை இன்ஸ்டால் செய்ய வைக்கின்றன. இன்ஸ்டால் ஆனதும் பெயரை மாற்றிக் கொண்டு மிகத் தீவிரமாக விளம்பரங்களை வெளியிட்டு வருகின்றன. கூகுள் பிளே மூலம் வருவாய் பெறுவதோடு பயனர் அனுபவத்தையும் கெடுக்கின்றன. இந்த விளம்பரங்கள் நேரடியாக மால்வேருடன் தொடர்புடையவை ஆகும்.

கூகுள் பிளே ஸ்டோரில் சுமார் 20 லட்சத்தற்கும் அதிக டவுன்லோட்களை பெற்று இருக்கும் 35 செயலிகள் இவ்வாறு செயல்பட்டு வருவதாக பிட்-டிபெண்டர் தெரிவித்து இருக்கிறது. இவை முதலில் ஆண்ட்ராய்டு பயனர்களை நம்ப வைத்து இன்ஸ்டால் செய்ய கோருகிறது. இன்ஸடால் ஆனதும் பெயர் மற்றும் ஐகானை மாற்றிக் கொண்டு விளம்பரங்களை வெளியிட்டு வருகின்றன. இவற்றை கண்டறிவது மற்றும் அன்-இன்ஸ்டால் செய்வது மிகவும் கடினம் ஆகும்.

"பல்வேறு செயலிகளும் பயனர்களுக்கு விளம்பரங்களை காண்பிக்கின்றன. எனினும், இந்த செயலிகள் தங்களின் சொந்த பிரேம்வொர்க்கில் இருந்து விளம்பரங்களை காண்பிக்கும். இவை பயனர்களுக்கு மால்வேர்களையும் வழங்க வாய்ப்புகள் அதிகம் தான். பிடிக்காத செயலிகளை பயனர்கள் அழித்து விடலாம். ஆனால் இந்த செயலிகளை கண்டறிந்து அவற்றை அழிக்கும் ஆப்ஷனை டெவலப்பர்கள் மிக கடினமாக வைத்திருப்பர்," என பிட்-டிபெண்டர் வெளியிட்டு இருக்கும் அறிக்கையில் குறிப்பிடப்பட்டு உள்ளது.

கூகுள் ப்ளே ஸ்டோரில் கிடைக்கும் கேமிங் செயலிகள் சில பயனர்களின் வங்கிச் சான்றுகளைத் திருடுவதற்காக உருவாக்கப்பட்டவை என பிளீப்பிங் கம்ப்யூட்டர் எனும் ஆய்வறிக்கையில் தெரிவிக்கப்பட்டு உள்ளது. இந்த செயலியில் மறைந்திருக்கும் மொபைல் பேங்கிங் ட்ரோஜான்கள், நீங்கள் முறையான வங்கி அல்லது நிதிப் பயன்பாட்டைத் தொடங்கும்போது செயல்பட தொடங்குமாம்.

உண்மையான லாகின் பக்கங்களுக்கு பதில் போலியான்வற்றை காண்பித்து பயனர்களின் அக்கவுண்ட் விவரங்களை திருடி மோசடியில் ஈடுபட்டு வருகின்றனவாம். இதில் மிகவும் அபாயகரமான டாப் 10 ட்ரோஜான்கள், 1 பில்லியன் முறைக்கு மேல் கூகுள் பிளே ஸ்டோரில் டவுண்லோடு செய்யப்பட்ட 639 பினான்சியல் செயலிகளை டார்கெட் செய்வதாக கூறப்படுகிறது.

இதில் அமெரிக்காவை சேர்ந்த பயனர்களுக்கு தான் ஆபத்து அதிகமாம். நான்கில் மூன்று பயனர்கள் இதுபோன்ற செயலிகளை பயன்படுத்தி தினசரி தங்களது பண பரிவர்தனைகளை செய்துவருவதாக கூறப்படுகிறது. இந்த லிஸ்ட்டில் அதிகபட்சமாக அமெரிக்கர்கள் பயன்படுத்தும் 121 செயலிகளும், இங்கிலாந்தைச் சேர்ந்த 55 செயலிகளும், இத்தாலியின் 43 செயலிகளும், டர்க்கியின் 34 செயலிகளும், ஆஸ்திரேலியாவைச் சேர்ந்த 33 செயலிகளும், பிரான்ஸை சேர்ந்த 31 செயலிகளும் உள்ளதாக திடுக்கிடும் தகவல் வெளியாகி உள்ளது.

அதேபோல் இந்தியாவில் 100 மில்லியனுக்கும் அதிகமாக டவுன்லோடு செய்யப்பட்ட போன்பே எனும் பேமண்ட் செயலியும் இத்தகைய ஆபத்தில் சிக்கி உள்ளதாக கூறப்படுகிறது. டீபாட் எனும் ட்ரோஜான் தான் இதில் 410 செயலிகளை பாதிப்பை ஏற்படுத்துவதாகவும், அடுத்ததாக எக்ஸ்பாட் எனும் ட்ரோஜான் உள்ளதாகவும் தெரிவிக்கப்பட்டு உள்ளது.