கணினி

ஜியோ அறிவித்திருக்கும் நான்கு மடங்கு பலன்கள் ஜியோ ரூ. 249 விலையில் துவங்கி அதற்கும் அதிக விலை சலுகைகளில் வழங்கப்படுகிறது. வவுச்சர்கள் ரீசார்ஜ் தொகைக்கு இணையான மதிப்புக்கு வழங்கப்படுகிறது. ரீசார்ஜ் நிறைவுற்றதும் வவுச்சர்கள் மைஜியோ செயலியின் கூப்பன்ஸ் பகுதியில் சேர்க்கப்படுகிறது.

ரீசார்ஜ் செய்யும் போது வழங்கப்படும் தள்ளுபடி வவுச்சர்களை மேலே குறிப்பிடப்பட்டு உள்ள ஆன்லைன் மற்றும் ஆஃப்லைன் விற்பனை மையங்களில் அடுத்த முறை பொருட்களை வாங்கும் போது வாடிக்கையாளர்கள் பயன்படுத்திக் கொள்ளலாம்.
புதிய திட்டத்தில் பயன்பெற வாடிக்கையாளர்கள் ஜியோ பிரீபெயிட் சலுகையில் குறைந்தபட்சம் ரூ. 249 விலையில் ரீசார்ஜ் செய்திருக்க வேண்டும். ரீசார்ஜ் செய்து முடித்ததும் ரிலையன்ஸ் டிஜிட்டல், டிரெண்ட்ஸ், டிரெண்ட்ஸ் ஃபுட்வியர் மற்றும் ஏஜியோ வவுச்சர்கள் மைஜியோ செயலியின் கூப்பன் பிரிவில் சேர்க்கப்படும்.

இந்த வவுச்சர்களின் அதிகபட்ச மதிப்பு ரூ. 300 ஆகும். இதனை பயன்படுத்த பயனர்கள் ஏஜியோ, டிரெண்ட்ஸ், டிரெண்ட்ஸ் ஃபுட்வியர் போன்ற தளங்களில் குறைந்தபட்சம் ரூ. 999 விலைக்கு பொருட்களை வாங்க வேண்டும். ரிலையன்ஸ் டிஜிட்டல் சேவையில் குறைந்த பட்சம் ரூ. 10 ஆயிரத்துக்கு பொருட்களை வாங்க வேண்டும்.

ஜியோ புதிய சலுகையில் பயன்பெற வாடிக்கையாளர்கள் ஜூன் 1 ஆம் தேதி துவங்கி ஜூன் 30 வரையிலான காலகட்டத்தில் ரீசார்ஜ் செய்ய வேண்டும். இது ஜியோ புதிய வாடிக்கையாளர்கள் மற்றும் பழைய வாடிக்கையாளர்களுக்கும் வழங்கப்படுகிறது.

ஏர்டெல் நிறுவனத்தில் சுமார் 15 ஆயிரம் கோடி மதிப்புள்ள பங்குகளை வாங்க அமேசான் முடிவு செய்திருப்பதாக கூறப்படுகிறது. இந்த முதலீடு வெற்றிகரமாக நிறைவுறும் பட்சத்தில் அமேசான் நிறுவனம் ஏர்டெல் நிறுவனத்தின் 5 சதவீத பங்குகளை வாங்க முடியும்.

இந்திய டெலிகாம் சந்தையில் சுமார் 30 கோடி வாடிக்கையாளர்களுடன் பாரதி ஏர்டெல் நிறுவனம் மூன்றாவது பெரும் நிறுவனமாக விளங்கி இருக்கிறது. பாரதி ஏர்டெல் மற்றும் அமேசான் நிறுவனங்கள் இடையேயான பேச்சுவாரத்தை முதற்கட்டத்தில் தான் இருக்கிறது என கூறப்படுகிறது.
சமீப காலங்களில் ரிலையன்ஸ் ஜியோ நிறுவனத்தில் உலகின் முன்னணி நிறுவனங்கள் முதலீடு செய்து வரும் நிலையில், பாரதி ஏர்டெல் மற்றும் அமேசான் நிறுவனங்களிடையே பேச்சுவார்த்தை துவங்கி உள்ளதாக தகவல் வெளியாகி இருக்கிறது.

கடந்த சில வாரங்களில் மட்டும் ஃபேஸ்புக், கொல்கத்தா நைட் ரைடர் மற்றும் இதர நிறுவனங்கள் ரிலையன்ஸ் ஜியோ நிறுவனத்தில் ரூ. 75 ஆயிரம் கோடி மதிப்பிலான முதலீடுகளை செய்தன. இதுதவிர அபுதாபியை சேர்ந்த நிறுவனம் ஒன்று ரூ. 9 ஆயிரம் கோடி முதலீடு செய்கிறது.

அமேசான் நிறுவனம் இந்திய ஆன்லைன் துறையில் இதுவரை ரூ. 49,100 கோடி மதிப்பிலான முதலீடுகளை செய்ய இருப்பதாத தெரிவித்து இருந்தது குறிப்பிடத்தக்கது.

சீனாவில் உருவான கொரோனா வைரஸ் இந்தியாவில் பெரும் பாதிப்புகளை ஏற்படுத்திய நிலையில், அந்த நாட்டுக்கு எதிரான மனநிலை இந்திய மக்களிடம் ஏற்பட்டுள்ளது. இது போதாது என இந்திய சீன எல்லையில் சீனா தொடர்ந்து அத்துமீறி வாலாட்டி வருகிறது. இது எரிகிற தீயில் எண்ணெய் ஊற்றியது போல இந்தியர்களுக்கு சீனா மீது மேலும் எதிர்ப்புணர்வை ஏற்படுத்தியது.

இந்த தருணத்தில் சீன தயாரிப்புகளை தவிர்க்குமாறு இந்திய கல்வியாளர் சோனம் வாங்சுக் இந்தியர்களுக்கு வேண்டுகோள் விடுத்தார். இது இந்தியர்கள் பலரும் தங்கள் செல்போன்களில் பதிவிறக்கம் செய்து பயன்படுத்தி வந்த டிக் டாக் உள்ளிட்ட சீன செயலிகளுக்கு ஒரு ஆப்பு போல அமைந்தது.
இதற்கு வசதியாக ராஜஸ்தான் மாநிலம், ஜெய்ப்பூரை சேர்ந்த ‘ஒன்டச் ஆப் லேப்ஸ்’ நிறுவனம் ‘ரிமூவ் சீனா ஆப்ஸ்’ என்ற செயலியை உருவாக்கியது. இது கூகுள் பிளே ஸ்டோரில் இடம்பிடித்து, இது இந்திய செல்போன் உபயோகிப்பாளர்களிடம் பெருத்த வரவேற்பை பெற்றது. கடந்த மே மாதம் முதல் இதுவரை 50 லட்சத்துக்கும் மேற்பட்டோர் இதை பதிவிறக்கம் செய்தனர்.

இந்த செயலி, சீனாவின் செயலிகளை அடையாளம் கண்டு, அவற்றை நீக்குவதற்கு உதவி வந்தது. இதே போன்று சீனாவின் டிக்டாக் செயலிக்கு மாற்றாக இந்தியாவில் மித்ரன் என்ற செயலி அறிமுகமானது. இந்த செயலியையும் இந்திய செல்போன் உபயோகிப்பாளர்கள் 50 லட்சம் பேர் கூகுள் பிளே ஸ்டோரில் இருந்து பதிவிறக்கம் செய்து பயன்படுத்த தொடங்கினர். இது சீன வர்த்தகத்துக்கும், அந்த நாட்டின் செயலிகளுக்கும் பலத்த அடியாக அமைந்தது.

இந்த நிலையில் கூகுள் பிளே ஸ்டோரில் இருந்து ரிமூவ் சீனா செயலியும், மித்ரன் செயலியும் அதிரடியாக நீக்கப்பட்டுள்ளன. கூகுள் நிறுவனத்தின் கொள்கையை இந்த செயலிகள் மீறியதால் இவை திடீரென நீக்கப்பட்டுள்ளதாக கூறப்படுகிறது.

 


அந்த வகையில் வேகமாக விற்பனையான ஸ்மார்ட் டிவி மாடலாக ரியல்மி ஸ்மார்ட் டிவி இருப்பதாக அந்நிறுவனம் தெரிவித்துள்ளது. ரியல்மி டிவிக்கான அடுத்த விற்பனை ஜூன் 9 ஆம் தேதி நடைபெறும் என அவர் தெரிவித்தார். இந்நிலையில், ரியல்மி பிராண்டின் புதிய ஸ்மார்ட் டிவி விரைவில் அறிமுகம் செய்யப்பட இருப்பதாக அந்நிறுவனம் தெரிவித்து இருக்கிறது.
இந்திய சந்தையில் விரைவில் 55 இன்ச் ரியல்மி ஸ்மார்ட் டிவி அறிமுகம் செய்யப்பட இருப்பதாக ரியல்மி தலைமை செயல் அதிகாரி மாதவ் சேத் தெரிவித்திருக்கிறார்.

இத்துடன் ஸ்மார்ட் டிவி மாடல்களில் எஸ்எம்டி (அதாவது சர்ஃபேஸ் மவுண்ட் தொழில்நுட்பம்) துவங்க இருப்பதாகவும், இதற்கென பிரத்யேக உற்பத்தி பிரிவை கட்டமைப்பதற்கான முதலீடு செய்யப்பட்டு வருவதாக ரியல்மி தெரிவித்துள்ளது. எஸ்எம்டி வழிமுறையின் கீழ் பாகங்கள் நேரடியாக பிசிபி (அதாவது பிரின்ட்டெட் சர்கியூட் போர்டு ) மீது பொருத்தப்படும்.

ஏற்கனவே ரியல்மி ஸ்மார்ட்போன்களில் இந்த வழிமுறை பயன்படுத்தப்பட்டு வருகிறது. ரியல்மியின் புதிய 55 இன்ச் ஸ்மார்ட் டிவி பற்றிய விவரங்கள் தொடர்ந்து வெளியாகும் என எதிர்பார்க்கப்படுகிறது.

முன்னதாக இதேபோன்ற சலுகையை ஏப்ரல் மாதத்திலும் ரிலையன்ஸ் ஜியோ அறிவித்தது குறிப்பிடத்தக்கது. இதுதவிர ரிலையன்ஸ் ஜியோ வொர்க் ஃபிரம் ஹோம் ஆட்-ஆன் சலுகை பலன்களை மாற்றியமைத்து 30 நாட்கள் வேலிடிட்டி வழங்கியது. முன்னதாக ஆட்-ஆன் சலுகை வேலிடிட்டி வாடிக்கையாளர்கள் தேர்வு செய்த பேஸ் பிளான் வேலிடிட்டி இருக்கும் வரை வழங்கி வந்தது.
புதிய சலுகையின் கீழ் தேர்வு செய்யப்பட்ட வாடிக்கையாளர்களுக்கு மொத்தம் 10 ஜிபி கூடுதல் டேட்டா இலவசமாக கிடைக்கும். இலவச டேட்டா சலுகை கூடுதலாக வழங்கப்படுகிறது. அந்த வகையில் பயனருக்கு வழங்கப்பட்டுள்ள அன்றாட டேட்டா தீர்ந்ததும், கூடுதல் டேட்டாவினை பயன்படுத்திக் கொள்ள முடியும்.

இலவச டேட்டா வழங்கப்பட்டுள்ளதை பயனர்கள் மைஜியோ செயலியின் மை பிளான்ஸ் பகுதிக்கு சென்று பார்த்து தெரிந்து கொள்ளலாம். இங்கு பயனரின் தற்போதைய சலுகை விவரங்களின் கீழ் இலவச டேட்டா வழங்கப்பட்டுள்ளதா என்பதை அறிந்து கொள்ள முடியும்.