என் மலர்

    நீங்கள் தேடியது "Municipal Chairman"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நகர்மன்ற தலைவர் தயாரிக்கும் சினிமா படபிடிப்பு நடந்தது.
    • இதன் படப்பிடிப்பு சிவகங்கையை சுற்றியுள்ள வேம்பங்குடி உள்ளிட்ட பல்வேறு கிராமங்களில் நடந்து வருகிறது.

    சிவகங்கை

    சிவகங்கை நகர்மன்ற தலைவரும், தி.மு.க. நகர செயலாளருமான துரைஆனந்த், முதல்-அமைச்சர் மு.க.ஸ்டாலின் தலைமையில் நடந்த தி.மு.க. முப்பெரும் விழாவில் சிறந்த நகர்மன்ற தலைவர் என்கிற விருதை பெற்றார்.

    இந்த நிலையில் அவர் ஆன்லைன் சூதாட்டம் குறித்த விழித்தெழு என்கிற திரைப்படத்தை தயாரித்து வருகிறார். இந்த திரைப்படத்தில் நடிகை சிநேகாவின் கணவர் பிரசன்னா முக்கிய கதாபாத்திரத்தில் நடிக்கிறார். பருத்திவீரன் சரவணன், சுஜாதா உள்ளிட்ட நடிகர், நடிகைகள் நடிக்கும் இந்த படத்தை தமிழ்ச்செல்வன் இயக்குகிறார்.

    இதன் படப்பிடிப்பு சிவகங்கையை சுற்றியுள்ள வேம்பங்குடி உள்ளிட்ட பல்வேறு கிராமங்களில் நடந்து வருகிறது. 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மறைந்த ஆன்மீக சொற்பொழிவாளர் கிருபானந்த வாரியாரின் 116-வது பிறந்தநாள் விழா நிகழ்ச்சி நடந்தது.
    • நகராட்சி சேர்மன் உமா மகேஸ்வரி சரவணன் கலந்து கொண்டு கிருபானந்த வாரியாரின் படத்திற்கு மரியாதை செலுத்தினார்.

    சங்கரன்கோவில்:

    சங்கரன்கோவிலில் தென்னிந்திய செங்குந்தர் மகாஜன சங்கம் மற்றும் செங்குந்தர் அபிவிருத்தி சங்கம் சார்பில் மறைந்த ஆன்மீக சொற்பொழிவாளர் கிருபானந்த வாரியாரின் 116-வது பிறந்தநாள் விழா நிகழ்ச்சி நடந்தது. தென்னிந்திய செங்குந்த மகாஜன சங்க துணைத் தலைவரும், செங்குந்தர் அபிவிருத்தி சங்க செயலாளருமான மாரிமுத்து தலைமை தாங்கினார். செங்குந்தர் அபிவிருத்தி சங்க தலைவர் சங்கரசுப்பிரமணியன், பொருளாளர் குருநாதன், துணைச் செயலாளர் சுப்பிரமணியன், முப்புடாதி ஆகியோர் முன்னிலை வகித்தனர்.

    இதில் நகராட்சி சேர்மன் உமா மகேஸ்வரி சரவணன் கலந்து கொண்டு அலங்கரித்து வைக்கப்பட்டிருந்த கிருபானந்த வாரியாரின் படத்திற்கு மாலை அணிவித்து மரியாதை செலுத்தினார். தொடர்ந்து அனைத்து நிர்வாகிகளும் மலர் தூவி மரியாதை செலுத்தினர். இதில் தி.மு.க. கவுன்சிலர்கள் மாரிச்சாமி, செல்வராஜ், ராஜாஆறுமுகம், புஷ்பம், முத்துமாரிபிரகாஷ், அ.தி.மு.க. கவுன்சிலர்கள் சங்கரசுப்பிரமணியன், மாரிச்சாமி, முத்துலட்சுமி, தி.மு.க. நகர நிர்வாகிகள் மாரிசாமி, பிரகாஷ், மாவட்ட இளைஞர் அணி அமைப்பாளர் சரவணன், செங்குந்தர் அபிவிருத்தி சங்க செயற்குழு உறுப்பினர்கள் முருகேசன், சுப்பிரமணியன், முத்தையா, மற்றொரு சுப்பிரமணியன், சிவராமன், ஆறுமுகம் மற்றும் மாரிமுத்து, மாரியப்பன், நடராஜன் உள்ளிட்ட பலர் கலந்து கொண்டனர். ஏற்பாடுகளை செங்குந்த முன்னேற்ற சங்க தலைவர் கந்தவேல், செயலாளர் செல்வ கணேஷ் உள்ளிட்ட நிர்வாகிகள் செய்து இருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஆடித்தபசு திருவிழா இன்று கொடியேற்றத்துடன் தொடங்கியது.
    • தற்காலிக குடிநீர் வசதி பொதுமக்கள் வசதிக்காக உடனடியாக ஏற்படுத்தித் தர நடவடிக்கை எடுக்கப்பட்டு உள்ளது.

    சங்கரன்கோவில்:

    சங்கரன்கோவிலில் பிரசித்தி பெற்ற சங்கர நாராயண சுவாமி கோவில் ஆடித்தபசு திருவிழா இன்று கொடியேற்றத்துடன் தொடங்கியது.

    இந்நிலையில் கோவிலை சுற்றி உள்ள மாட வீதிகள், கோயில் முன்பகுதி உள்ளிட்ட பகுதிகளில் நகராட்சி சேர்மன் உமா மகேஸ்வரி சரவணன் சுகாதாரப் பணிகள் மற்றும் தற்காலிக குடிநீர் வசதிகள் ஏற்படுத்தும் இடங்கள் ஏற்கனவே உள்ள கழிப்பிடங்கள் உள்ளிட்ட பகுதிகளில் ஆய்வு மேற்கொண்டார்.

    தொடர்ந்து அதிகாரி களிடம் சுகாதார பணிகளை திருவிழா நாட்களில் முழு நேரமும் கண்காணித்து குப்பைகள் சேராத வண்ணம் பார்த்துக் கொள்ள வேண்டும் எனவும், வியாபாரிகள் பிளாஸ்டிக் பயன்படுத்தாமல் கண்காணிக்க வேண்டும் எனவும், தற்காலிக குடிநீர் வசதி பொதுமக்கள் வசதிக்காக உடனடியாக ஏற்படுத்தித் தர வேண்டும் எனவும் அவர் கூறினார்.

    மேலும் தற்காலிக குடிநீர் டேங்குகளில் குடிநீர் இருப்பை அடிக்கடி ஆய்வு செய்து குடிநீர் தட்டுப்பாடின்றி வழங்க நடவடிக்கை எடுக்க வேண்டும் என அதிகாரி களை கேட்டு கொண்டார்.

    தொடர்ந்து கழிப்பிடத்தை நிர்வகித்து வருபவர்களிடம் அடிக்கடி சுத்தம் செய்து சுகாதாரமான முறையில் பொதுமக்கள் பயன்படுத்த ஏற்பாடு செய்ய வேண்டும் எனவும் விழா காலங்களில் பொதுமக்களிடம் கட்டணம் அதிகமாக வசூலிக்க கூடாது எனவும் தெரிவித்தார்.

    ஆய்வின் போது நகராட்சி சுகாதார அலுவலர் பாலச்சந்தர், சுகாதார ஆய்வாளர் வெங்கட்ராமன், திமுக மாவட்ட இளைஞரணி அமைப்பாளர் சரவணன், கோவில் சிறப்பு உதவி ஆய்வாளர் கணேசன் ஆகியோர் உடன் இருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பல்லடம் நகராட்சிக்கு தினசரி 46 லட்சம் லிட்டா் குடிநீா் வழங்க வேண்டும்.
    • நகரில் பல்வேறு இடங்களில் பற்றாக்குறையாக குடிநீா் விநியோகம் செய்யப்பட்டு வருகிறது.

    பல்லடம் :

    பல்லடம் பகுதியில் மின் மோட்டாா் வைத்து குடிநீா் உறிஞ்சியது கண்டறியப்பட்டால் இணைப்புகள் துண்டிக்கப்பட்டு அபராதம் விதிக்கப்படும் என நகராட்சி தலைவா் கவிதாமணி ராஜேந்திரகுமாா் தெரிவித்துள்ளாா்.

    இது குறித்து அவா் கூறியதாவது:- பல்லடம் நகராட்சிக்கு தினசரி 46 லட்சம் லிட்டா் குடிநீா் வழங்க வேண்டும். ஆனால் தற்போது 10 லட்சம் லிட்டருக்கும் குறைவாக தான் தண்ணீா் வருகிறது. இதனால் நகரில் பல்வேறு இடங்களில் பற்றாக்குறையாக குடிநீா் விநியோகம் செய்யப்பட்டு வருகிறது. கிடைக்கின்ற தண்ணீரை அனைத்து வாா்டு பகுதிக்கும் ஏற்றத்தாழ்வு இன்றி வழங்கிடவும் மக்கள் தொகை பெருக்கத்திற்கேற்ப கூடுதல் குடிநீா் பெற்றிடவும் நகராட்சி நிா்வாகம் நடவடிக்கை எடுத்து வருகிறது. இந்த நிலையில் பல்லடம் நகராட்சி அலுவலகத்தில் வைக்கப்பட்டுள்ள புகாா் பெட்டியில்11-வது வாா்டு பெரியாா் நகா் பகுதியில் குடிநீா்க் குழாய் இணைப்பில் மின் மோட்டாா் பொருத்தி தண்ணீா் உறிஞ்சி எடுக்கப்படுவதால் தங்களுக்கு போதிய குடிநீா் கிடைப்பதில்லை என்று அப்பகுதி மக்கள் புகாா் மனுவில் கூறியிருந்தனா்.

    அதைத்தொடா்ந்து நகராட்சி அலுவலா்கள் அப்பகுதியில் ஆய்வு செய்த போது 3 குடிநீா்க் குழாய் இணைப்புகளில் மின் மோட்டாா் வைத்து தண்ணீரை உறிஞ்சி எடுப்பது கண்டறியப்பட்டது. இதையடுத்து நகராட்சி அலுவலா்கள் அந்த இணைப்புகளைத் துண்டித்து மோட்டாா்களை பறிமுதல் செய்துள்ளனா். பல்லடம் நகராட்சி பகுதியில் மின் மோட்டாா் வைத்து குடிநீா் குழாயில் தண்ணீா் உறிஞ்சி எடுத்தால் உடனடியாக குடிநீா் இணைப்பு துண்டிக்கப்படும். மேலும் ரூ.5 ஆயிரம் அபராதம் விதிக்கப்படும். பல்லடம் நகராட்சி பகுதியில் சீரான குடிநீா் விநியோகம் செய்திட பொதுமக்கள் ஒத்துழைப்பு நல்கிட வேண்டும் என்றாா்.

    ×