என் மலர்

    நீங்கள் தேடியது "Chennai Corporation"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அரசு விதிமுறைகளை அறிவித்து வெளியிடும் போது அதுபற்றி மக்கள் பிரதிநிதிகளுக்கு புரிய வைக்கப்பட்டுள்ளதா என்று பார்த்ததில் இல்லை என்பதே தெரிய வந்துள்ளது.
    • 75 சதவீதம் கவுன்சிலர்கள் ஏரியா சபை என்றால் அது என்ன என்று திருப்பி கேட்கும் நிலையில்தான் இருக்கிறார்கள்.

    சென்னை:

    நம்ம கவுன்சிலர்கள் எப்படி இருக்கிறார்கள்? மாநகராட்சி விதிமுறைகள் எல்லாம் தெரிந்து வைத்திருக்கிறார்களா? என்பது பற்றி 'வாய்ஸ் ஆப் பீப்பிள்' என்ற குடிமக்கள் குழு அமைப்பு ஒரு சர்வே நடத்தி இருக்கிறது.

    சென்னை மாநகராட்சியில் உள்ள 200 கவுன்சிலர்களில் 110 பேர் மட்டுமே போன் தொடர்பில் சிக்கி இருக்கிறார்கள். அவர்களிடம் மட்டும் கேள்விகளை கேட்டு இருக்கிறார்கள்.

    அரசு விதிமுறைகளை அறிவித்து வெளியிடும் போது அதுபற்றி மக்கள் பிரதிநிதிகளுக்கு புரிய வைக்கப்பட்டுள்ளதா என்று பார்த்ததில் இல்லை என்பதே தெரிய வந்துள்ளது.

    75 சதவீதம் கவுன்சிலர்கள் ஏரியா சபை என்றால் அது என்ன என்று திருப்பி கேட்கும் நிலையில்தான் இருக்கிறார்கள்.

    2010 மாநகராட்சி சட்டத்தில் பரிந்துரைக்கப்பட்டுள்ள வாக்கு கமிட்டி பற்றி அவர்களுக்கு புரிதல் இல்லை. தமிழ்நாடு நகர்ப்புற உள்ளாட்சி அமைப்புகள் (வார்டு கமிட்டிகள் மற்றும் ஏரியா சபை) விதிகள் 2022-ன் படி கவுன்சிலர்கள், வார்டு கமிட்டிகள், பகுதி கவுன்சில்களின் தலைவர்கள் மற்றும் கவீனர்கள் கணக்கெடுப்பு நடத்தப்பட்டுள்ளது.

    அரசு, மக்கள் பிரதிநிதிகள், மக்களை ஒருங்கிணைக்கும் தளம் ஆகியவற்றை ஒருங்கிணைத்து கொடுக்கப்பட வேண்டும் என்று அறிவுறுத்தப்பட்டுள்ளது.

    கிராம சபைகள் பற்றி கூறியபோது அதைப்பற்றி திருப்பி கேட்டு இருக்கிறார்கள். 25 சதவீதம் பேர் ஊடகங்கள் வாயிலாக அறிந்ததாக கூறி இருக்கிறார்கள்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பொதுமக்கள் அனைவரும் ‘நமது குப்பை நமது பொறுப்பு’ என்பதனை உணர்ந்து பொது இடங்களில் தேவையற்ற கழிவுகளை கொட்டுவதை தவிர்க்க வேண்டும்.
    • விதிமுறைகளுக்கு மாறாக வைக்கப்பட்டுள்ள விளம்பர பலகைகள் மற்றும் பேனர்களை சம்பந்தப்பட்டவர்கள் தாமாகவே முன்வந்து அவற்றை அகற்ற வேண்டும்.

    சென்னை:

    பெருநகர சென்னை மாநகராட்சி வெளியிட்டுள்ள செய்திக்குறிப்பில் கூறப்பட்டிருப்பதாவது:-

    சென்னை மாநகராட்சி சார்பில் 200 வார்டுகளிலும் நேற்று தீவிர தூய்மை பணி மேற்கொள்ளப்பட்டது. இதில் விதிமுறைகளை மீறி வைக்கப்பட்டுள்ள 1,705 விளம்பர பலகைகள் மற்றும் பேனர்கள் மாநகராட்சி ஊழியர்களால் அகற்றப்பட்டது.

    தீவிர தூய்மை பணிகளில் 171.28 டன் கழிவுகள், சாலையோரங்களில் கிடந்த தேவையற்ற இரும்பு போன்ற பொருட்கள் 7.06 டன் ஆகியவையும் அகற்றப்பட்டன. அதேபோல் மாநகராட்சியும், தேசிய கடல்சார் தொழில்நுட்ப நிறுவனமும் இணைந்து பெசன்ட் நகர் கடற்கரையில் 'சுத்தமான கடற்கரை பாதுகாப்பான கடல்' என்ற கடலோர தூய்மை பணிக்கான விழிப்புணர்வு நிகழ்ச்சியை நடத்தினர். இதன் மூலம் பெசன்ட் நகர் கடற்கரையில் 750 கிலோ திடக்கழிவுகள் அகற்றப்பட்டுள்ளன.

    பொதுமக்கள் அனைவரும் 'நமது குப்பை நமது பொறுப்பு' என்பதனை உணர்ந்து பொது இடங்களில் தேவையற்ற கழிவுகளை கொட்டுவதை தவிர்க்க வேண்டும். அதேபோல் விதிமுறைகளுக்கு மாறாக வைக்கப்பட்டுள்ள விளம்பர பலகைகள் மற்றும் பேனர்களை சம்பந்தப்பட்டவர்கள் தாமாகவே முன்வந்து அவற்றை அகற்ற வேண்டும்.

    இவ்வாறு அதில் கூறப்பட்டுள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பெருநகர சென்னை மாநகராட்சி மூலம் நடைபெற்று வரும் மழைநீர் வடிகால் பணிகள் சில குறிப்பிட்ட ஒப்பந்ததாரர்கள் பணிகளை மேற்கொள்வதால் பணிகள் சரிவர நடைபெறாமல் மந்தமான நிலையில் உள்ளது.
    • மழைநீர் வடிகால்வாய்க்காக தோண்டப்படும் மண் அப்புறப்படுத்தப்படாமல் சாலைகளில் ஆங்காங்கே கொட்டி வைப்பதால் போக்குவரத்தும், பொது மக்கள் நடந்து செல்வதற்கும் மிகவும் சிரமப்படுகிறார்கள்.

    சென்னை:

    சென்னை மாநகராட்சி ஒப்பந்ததாரர்கள் நலச்சங்கம் சார்பில் மாநகராட்சிக்கு அனுப்பியுள்ள கோரிக்கை மனுவில் கூறி இருப்பதாவது:-

    பெருநகர சென்னை மாநகராட்சி மூலம் கடந்த 24-7-2022 அன்று பி.ஆர்.ஆர். துறையில் ரோடு கட் பணிகள் குறித்து, குறைந்த பட்ச தொகை 11.45 லட்சம் முதல், அதிகபட்ச தொகை 19.02 லட்சத்தில், 7 தனித்தனி பணிகளுக்காக 24-07-2022 அன்று ஒப்பந்தங்கள் அறிவிக்கப்பட்டு 27-07-2022-ல் பிற்பகல் 3 மணி அளவில் கடைசி நேரமாக அறிவிக்கப்பட்டது. ஆனால் வசதி படைத்த ஒப்பந்ததாரர்களுக்கு சாதகமாக, அவர்கள் நடத்தி வரும் சங்கத்தினரின் தூண்டுதலில் பேரில், அறிவிக்கப்பட்ட ஒப்பந்தகள் திடீரென்று ரத்து செய்யப்பட்டது.

    இதனால், சிறு ஒப்பந்ததாரர்கள் மிகவும் பாதிப்பு ஏற்படும் நிலைக்கு தள்ளப்பட்டனர். மேலும் அறிவிக்கப்பட்ட வலைத்தள ஒப்பந்தத்தில் பி.ஒ.கியூ அயிட்டம் வாரியாக முறையாக அறிவிக்கப்படாமல் மறைக்கப்பட்ட தோராயமாக அவர்களாகவே ஒரு முறையற்ற, தெளிவில்லாத தொகையும் அதற்குண்டான ஜி.எஸ்.டி.யும் அறிவிக்கப்பட்டுள்ளது.

    மேலும், ஏற்கனவே செயல் காட்டில் இருந்து வந்த ஒப்பந்ததாரர்களின் தகுதிக்கான இயந்திரங்களின் பயன்பாட்டின் நடைமுறையை மாற்றி, குறைந்தபட்ச ஒப்பந்த தொகை 10 லட்சம் ரூபாய்க்கான ஒப்பந்தங்களில் கூட பேக்கேஜ் ஒப்பந்ததாரர்களின் தலையீட்டால், ஒரு சில அரசு அதிகாரிகள் ஏற்கனவே இருந்து வரும் ஒப்பந்த நடைமுறையை மாற்றி வருகின்றனர். மேலும் 4-8-2022 அன்று கடைசி தேதியாக மறு ஒப்பந்தம் அறிவிக்கப்பட்டுள்ளது. ஆகவே ஏற்கனவே செயல்பட்டு வரும் ஒப்பந்த தகுதிக்கான இயந்திரங்களின் நடைமுறையை அமல்படுத்தி, சிறு ஒப்பந்ததாரர்கள் பயன்பெறும் வகையில் ஒப்பந்தங்கள் அறிவிக்கபட வேண்டும் என்பது அனைத்து ஒப்பந்ததாரர்களின் மன நிலை ஆகும்.

    பெருநகர சென்னை மாநகராட்சி மூலம் பேக்கேஜ் முறையில் 5 கோடி ரூபாய்க்கு மேல் ஒப்பந்தங்கள் அறிவிக்கப்படுவதால் மேற்கண்ட ஒப்பந்த பணிகள் குறிப்பிட்ட காலத்தில் செயல்படுத்த முடியாமலும், பணிகள் நடைபெறாமல் பொதுமக்கள் மிகவும் பாதிப்பிற்கு ஆளாகிறார்கள். ஆகவே அறிவிக்கப்படும் ஒப்பந்த பணிகள், சிறு சிறு தொகைக்கான ஒப்பந்தங்களாக அறிவிக்கப்பட்டால் ஒப்பந்த பணிகள் வேகமாகவும், பொதுமக்கள் பயன் அடையும் வகையிலும் அமையும்.

    மேலும் பேக்கேஜ் முறையில் ஒப்பந்தங்கள் அறிவிக்கப்படுவதால் வசதி படைத்த பெரிய செல்வந்தர்கள் மட்டும் பயன் அடைந்து வருகிறார்கள். இதனால் சிறு ஒப்பந்ததாரர்கள் மிகவும் பாதிக்கப்பட்டு வருகிறார்கள். ஆகவே சிறு ஒப்பந்ததாரர்களும் பயன்பெறும் வகையில் 5 லட்சம் ரூபாய் முதல் 5 கோடி ரூபாய் வரை ஒப்பந்தங்கள் அறிவிக்கப்பட வேண்டும். ஆகவே பேக்கேஜ் முறையை மாற்றி அமைக்க வேண்டும்.

    மேலும் தற்போது அறிவிக்கப்பட்டு வரும் 5 கோடி ரூபாய் முதல் அதிகபட்சமாக 52 கோடி ரூபாய்கான ஒப்பந்தங்கள் ரத்து செய்யப்பட வேண்டும். இனி வரும் காலங்களில் பேக்கேஜ் முறையை முழுமையாக ரத்து செய்து சிறு ஒப்பந்ததாரர்களும் பயன்பெறும் வகையில் ஒப்பந்தங்கள் அறிவிக்கப்பட வேண்டும் என்பது அனைத்து ஒப்பந்ததாரர்களின் ஒட்டுமொத்த கருத்தாக உள்ளது.

    இதுசம்பந்தமாக ஒப்பந்ததாரர்கள் தகுதிக்கான பயன்படுத்திவரும் எந்திரங்கள், உரிமையாளர், லீஸ், வாடகை போன்ற ஏற்கனவே (நடைமுறையில்) இருந்துவரும் நடைமுறையை அமல்படுத்தி ஒப்பந்ததாரர்கள், ஒப்பந்தங்களில் கலந்து கொள்வதற்கு தகுதி உடையவர்களாக அறிவிக்கப்பட வேண்டும். பணிகளுக்கு பயன்படும் பொருட்கள் அடிப்படையில் மதிப்பீடு வழங்கப்பட்டு டெண்டர் விட வேண்டும்.

    பெருநகர சென்னை மாநகராட்சி மூலம் நடைபெற்று வரும் மழைநீர் வடிகால் பணிகள் சில குறிப்பிட்ட ஒப்பந்ததாரர்கள் பணிகளை மேற்கொள்வதால் பணிகள் சரிவர நடைபெறாமல் மந்தமான நிலையில் உள்ளது. மேலும் மழைநீர் வடிகால்வாய்க்காக தோண்டப்படும் மண் அப்புறப்படுத்தப்படாமல் சாலைகளில் ஆங்காங்கே கொட்டி வைப்பதால் போக்குவரத்தும், பொது மக்கள் நடந்து செல்வதற்கும் மிகவும் சிரமப்படுகிறார்கள்.

    இதற்கு சான்றாக சென்னை மாநகராட்சி (கோடம்பாக்கம்) 10-வது மண்டல அலுவலகம் எதிரிலும், (ஆற்காடு சாலை), எம்.ஜி.ஆர்.நகர், அண்ணா பிரதான சாலை ஆகிய இடங்களில் தோண்டப்படும் மண் அப்புறப்படுத்தப்படாமல் ஆங்காங்கே கொட்டப்பட்டு பொதுமக்கள் மிகவும் பாதிக்கப்பட்டு வருகிறார்கள். மழை நீர் கால்வாய் பணிகள் நடைபெறும் இடங்களில் ஒப்பந்ததாரர்களால் தடுப்பு அரண்முறையாக அமைக்கப்படவில்லை. வீட்டிற்குமுன் தோண்டப்படும் மழைநீர் கால்வாயை கடந்து செல்வதற்கு பொதுமக்களுக்கு கைப்பிடியுடன் கொண்ட நடைபாதை அமைக்கப்படவில்லை.

    மேற்கண்ட பணிகளுக்கான தொகையை அரசு ஒதுக்கி கொடுத்தும் பணிகள் சரிவர நடைபெறவில்லை. இதுபற்றி ஆணையர் நடவடிக்கை எடுக்க வேண்டுகிறோம். 2 மாதத்திற்கு முன்பு சிறிய பணிகளுக்கு மைனஸ் டெண்டர் கோரப்பட்டுள்ளது. சமீபத்தில் பெரிய வேலைகளுக்கு 17 சதவீத பிளஸ் டெண்டர் கோரப்பட்டு உள்ளது.

    இவ்வாறு அதில் கூறப்பட்டுள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    இந்த செய்தியை ஆடியோ வடிவில் கேட்க "Play" பட்டனை கிளிக் செய்யவும்
    • சென்னை மாநகராட்சி தொடக்கப்பள்ளியில் படிக்கும் மாணவர்களின் சிற்றுண்டிக்கு ஆண்டுக்கு ரூ.1.66 கோடியை தமிழக அரசு ஒதுக்கி உள்ளது.
    • அம்மா உணவங்களால் மாநகராட்சிக்கு ஆண்டுக்கு 120 கோடி ரூபாய் நஷ்டம் ஏற்படுகிறது.

    சென்னை:

    தமிழகத்தில் 1,545 அரசு தொடக்கப்பள்ளிகளில் 1 முதல் 5-ம் வகுப்பு வரை படிக்கும் குழந்தைகளுக்கு காலைச் சிற்றுண்டி திட்டம் முதல் கட்டமாக செயல்படுத்தப்பட உள்ளது.

    1,545 பள்ளிகளில் படிக்கும் 1,14,095 மாணவ-மாணவிகளுக்கு காலை உணவு வழங்கப்படும். இந்த திட்டத்துக்கு ரூ.33.56 கோடி ஒதுக்கீடு செய்யப்பட்டுள்ளது.

    சென்னை மாநகராட்சியில் 36 பள்ளிகளில் 5,941 மாணவ-மாணவிகளுக்கு காலை சிற்றுண்டி வழங்க பட்டியல் தயாரிக்கப்பட்டுள்ளது.

    சென்னை மாநகராட்சி தொடக்கப்பள்ளியில் படிக்கும் மாணவர்களின் சிற்றுண்டிக்கு ஆண்டுக்கு ரூ.1.66 கோடியை தமிழக அரசு ஒதுக்கி உள்ளது.

    இந்த நிலையில் சென்னையில் தொடக்கப்பள்ளி மாணவர்களுக்கான சிற்றுண்டியை அம்மா உணவகத்தில் இருந்து தயாரித்து வழங்க மாநகராட்சி திட்டமிட்டுள்ளது.

    சென்னை மாநகராட்சியில் 407 அம்மா உணவகங்கள் உள்ளன. இந்த உணவங்களால் மாநகராட்சிக்கு ஆண்டுக்கு 120 கோடி ரூபாய் நஷ்டம் ஏற்படுகிறது.

    இவற்றை தவிர்க்க பல்வேறு நடவடிக்கைகள் மாநகராட்சி எடுத்து வருகிறது. அம்மா உணவகத்தில் உணவு தயாரிப்பதற்கான அனைத்து வசதிகளும் உள்ளதால், தொடக்கப்பள்ளி மாணவர்களுக்கு அம்மா உணவகத்தில் சிற்றுண்டி தயாரித்து பள்ளிக்கு கொண்டு செல்ல முடிவு செய்யப்பட்டுள்ளது. இதற்கு தமிழக அரசிடம் அனுமதி கேட்டுள்ளோம்.

    அரசு அனுமதிக்கும் பட்சத்தில் காலை சிற்றுண்டியை அம்மா உணவகத்தில் தயாரித்து விடுவோம். இதற்கு போதிய அளவுக்கு பணியாளர்களும் உள்ளனர்.

    இவ்வாறு அவர் கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அம்மா உணவகத்தின் செயல்பாடுகளில் மாற்றம் கொண்டு வருவது தொடர்பாக ஆய்வு செய்ய சென்னை மாநகராட்சி சார்பில் ஒரு குழு அமைக்கப்பட்டது.
    • சென்னை மாநகராட்சியில் செயல்படும் அம்மா உணவகங்களை மேம்படுத்துவதற்கு நிதி திரட்ட ஒரு அறக்கட்டளை அமைக்கலாம் என்று அந்த குழு பரிந்துரை அளித்தது.

    சென்னை:

    அ.தி.மு.க. ஆட்சியின் போது சென்னையில் ஏழைகளுக்கு குறைந்த விலையில் உணவு வழங்குவதற்காக அம்மா உணவகம் தொடங்கப்பட்டது. இதை சென்னை மாநகராட்சி செயல்படுத்தியது. இந்த திட்டத்துக்கு பொதுமக்களிடையே நல்ல வரவேற்பு கிடைத்தது.

    இதையடுத்து சென்னை முழுவதும் 407 அம்மா உணவகங்கள் தொடங்கப்பட்டு செயல்பட்டு வருகின்றன. இங்கு 3 வேளையும் மலிவு விலையில் உணவு கிடைக்கிறது.

    இந்த அம்மா உணவகங்கள் மூலம் ஆண்டுக்கு ரூ.140 கோடி செலவாகிறது. ஆனால் வருவாயாக ரூ.20 கோடி மட்டுமே கிடைக்கிறது. மீதம் ரூ.120 கோடி நஷ்டம் ஏற்படுகிறது. எனவே அம்மா உணவகத்தின் செயல்பாடுகளில் மாற்றம் கொண்டு வருவது தொடர்பாக ஆய்வு செய்ய சென்னை மாநகராட்சி சார்பில் ஒரு குழு அமைக்கப்பட்டது.

    சென்னை மாநகராட்சியில் செயல்படும் அம்மா உணவகங்களை மேம்படுத்துவதற்கு நிதி திரட்ட ஒரு அறக்கட்டளை அமைக்கலாம் என்று அந்த குழு பரிந்துரை அளித்தது. பல்வேறு அமைப்புகளிடம் நிதி பெற்று அம்மா உணவகத்தை நடத்தினால் நஷ்டத்தை தவிர்க்கலாம் என்று கூறப்பட்டது.

    அம்மா உணவக அறக்கட்டளை அமைக்க ஏற்கனவே அ.தி.மு.க. ஆட்சியில் அனுமதி அளிக்கப்பட்டது. அதன்படி அம்மா உணவக அறக்கட்டளையை தொடங்க தி.மு.க. அரசு முடிவு செய்துள்ளது.

    இந்த நிலையில் அம்மா உணவகத்தை தொடர்ந்து செயல்படுத்துவது தொடர்பாக தமிழக அரசுக்கு சென்னை மாநகராட்சி கடிதம் ஒன்றை எழுதி உள்ளது. அதில், 'அறக்கட்டளை தொடங்கிய பிறகு போதிய நிதி கிடைக்காத பட்சத்தில் அந்த நிதியை தமிழக அரசு முழுமையாக அளிக்குமா? நிதியே கிடைக்காவிட்டால் தொடர்ந்து அம்மா உணவகத்தை செயல்படுத்த அரசு நிதி அளிக்குமா?' என கேள்வி எழுப்பி உள்ளது.

    இதுதொடர்பாக சென்னை மாநகராட்சி அதிகாரிகள் கூறியதாவது:-

    அம்மா உணவகத்தை தொடர்ந்து நடத்த தமிழக அரசும், சென்னை மாநகராட்சியும் இணைந்து நடவடிக்கை எடுத்து வருகிறது. நஷ்டம் ஏற்படாமல் அம்மா உணவகத்தை நடத்த அரசு திட்டமிட்டுள்ளது. அறக்கட்டளைக்கு சமூக பங்களிப்பு நிதி மற்றும் பொதுமக்கள் விரும்பி நிதி அளிக்கும் பட்சத்தில் அவற்றை ஏற்பது குறித்து அரசிடம் கேட்கப்பட்டுள்ளது.

    அறக்கட்டளைக்கு அளிக்கப்பட்ட நிதி, அம்மா உணவகத்தை செயல்படுத்த செலவான நிதி ஆகியவை பற்றி ஒவ்வொரு ஆண்டும் நிதிநிலை அறிக்கை கவுன்சில் கூட்டத்தில் சமர்ப்பிக்கப்படும்.

    இவ்வாறு அவர்கள் கூறினார்கள்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    இந்த செய்தியை ஆடியோ வடிவில் கேட்க "Play" பட்டனை கிளிக் செய்யவும்
    • பொது மற்றும் தனியார் இடங்களில் குப்பைகள் மற்றும் கட்டுமானக் கழிவுகளை கொட்டுபவர்கள் மீது அபராதம் விதிக்கப்பட்டு வருகிறது.
    • அரசு, மாநகராட்சி கட்டிடங்கள், பொது இடங்களில் விதிகளை மீறி சுவரொட்டி ஒட்டியது தொடர்பாக 302 புகார்கள் பதிவு செய்யப்பட்டுள்ளது.

    சென்னை:

    சென்னை மாநகராட்சி வெளியிட்டுள்ள செய்திக்குறிப்பில் கூறியிருப்பதாவது:-

    சென்னை மாநகரை தூய்மையாகவும், அழகுடனும் பராமரிக்க சிங்கார சென்னை 2.0 உள்ளிட்ட பல்வேறு திட்டங்களின்கீழ் தூய்மை பணிகள் மேற்கொள்ளப்பட்டு வருகின்றன.

    சென்னை மாநகரை தூய்மையாக பராமரிக்கும் வகையில் சென்னை மாநகராட்சி திடக்கழிவு மேலாண்மை துணை விதிகள் 2019-ன்படி பொது மற்றும் தனியார் இடங்களில் குப்பைகள் மற்றும் கட்டுமானக் கழிவுகளை கொட்டுபவர்கள் மீது அபராதம் விதிக்கப்பட்டு வருகிறது.

    மேலும், சென்னை மாநகரில் பொது இடங்களில் ஒட்டப்பட்டுள்ள சுவரொட்டிகள் மற்றும் வரையப்பட்டுள்ள சுவர் விளம்பரங்கள் அழிக்கப்பட்டு அவ்விடங்களில் தமிழ்நாட்டின் கலாச்சாரத்தையும், வரலாற்று சிறப்புகளையும் குறிக்கும் வகையிலான வண்ண ஓவியங்கள் வரையப்பட்டு அழகுபடுத்தப்பட்டு வருகின்றன.

    சென்னை மாநகராட்சிக்குட்பட்ட பகுதிகளில் கடந்த 7-ந்தேதி முதல் 20-ந்தேதி வரை பொது இடங்களில் குப்பை மற்றும் கட்டுமானக் கழிவுகளை கொட்டிய நபர்களுக்கும், அரசு, மாநகராட்சி கட்டிடங்கள் மற்றும் பொது இடங்களில் விதிகளை மீறி சுவரொட்டி ஒட்டிய நபர்களுக்கும் ரூ.12,13,820 அபராதம் விதிக்கப்பட்டுள்ளது.

    அரசு, மாநகராட்சி கட்டிடங்கள் மற்றும் பொது இடங்களில் விதிகளை மீறி சுவரொட்டி ஒட்டியது தொடர்பாக 302 புகார்கள் சம்பந்தப்பட்ட காவல் நிலையங்களில் பதிவு செய்யப்பட்டுள்ளது.

    எனவே, பொதுமக்கள் பெருநகர சென்னை மாநகராட்சிக்குட்பட்ட பொது இடங்களில் குப்பைகள் மற்றும் கட்டுமானக் கழிவுகளை கொட்டுதல், பொது இடங்களில் சுவரொட்டிகள் ஒட்டுதல் ஆகியவற்றை தவிர்த்து சென்னை மாநகரை தூய்மையாக பராமரிக்க முழு ஒத்துழைப்பை வழங்க வேண்டும். மீறும் நபர்களுக்கு அபராதம் விதிக்கப்படும்.

    இவ்வாறு அதில் கூறப்பட்டுள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சொத்து வரி விதிப்பை தீவிரப்படுத்த சென்னை மாநகராட்சி முடிவு செய்துள்ளது.
    • சொத்து வரியை எந்த காரணம் கொண்டும் குறைக்கப்போவதில்லை என்று மாநகராட்சி அதிகாரிகள் சூசகமாக தெரிவித்துள்ளனர்.

    சென்னை:

    சென்னையில் சொத்துவரியை வசூலிக்க மாநகராட்சி முடிவு செய்துள்ளது. இது தொடர்பாக சீரமைக்கப்பட்ட சொத்துவரி பற்றி வீட்டின் உரிமையாளர்களுக்கு மாநகராட்சி சார்பில் கடிதம் அனுப்பப்பட்டுள்ளது.

    சென்னையில் சுமார் 12 லட்சத்துக்கும் மேற்பட்ட சொத்து உரிமையாளர்கள் உள்ளனர். இவர்களில் 7 லட்சத்துக்கும் மேற்பட்டவர்களுக்கு சொத்துவரி குறித்த அறிவிப்பு அனுப்பி வைக்கப்பட்டுள்ளது.

    சொத்துவரி மிக அதிகளவில் உயர்த்தப்பட்டுள்ளதாக மக்கள் மத்தியில் அதிருப்தி எழுந்துள்ளது. இது தொடர்பாக ஆட்சேபனை தெரிவிக்கலாம் என்று சென்னை மாநகராட்சி கூறி இருந்தது. அதன்படி சுமார் 4 ஆயிரம் பேர் சென்னை மாநகராட்சியில் கடிதம் கொடுத்தனர்.

    என்றாலும் சொத்து வரி விதிப்பை தீவிரப்படுத்த சென்னை மாநகராட்சி முடிவு செய்துள்ளது. சொத்து வரியை எந்த காரணம் கொண்டும் குறைக்கப்போவதில்லை என்று மாநகராட்சி அதிகாரிகள் சூசகமாக தெரிவித்துள்ளனர். அதிருப்தியில் இருப்பவர்களுக்கு உரிய விளக்கம் அளிக்கப்படும் என்று அதிகாரிகள் கூறினார்கள்.

    இதற்கிடையே சொத்து வரியை நீண்ட நாட்களுக்கு நிலுவையில் வைத்திருக்கும் வீட்டு உரிமையாளர்கள் மீது புதிய அதிரடி நடவடிக்கை எடுக்க சென்னை மாநகராட்சி முடிவு செய்துள்ளது. அதன்படி சொத்து வரியை நீண்ட நாட்களாக நிலுவையில் வைத்திருக்கும் வீடுகளை சீல் வைக்கும் வகையில் சட்டத்தில் திருத்தம் கொண்டுவர சென்னை மாநகராட்சி ஆலோசித்து வருகிறது.

    அதற்கு முன்னதாக வரி நிலுவையில் உள்ள கட்டிடங்களுக்கு 3 முறை நோடடீஸ் வழங்கி, 6 மாதம் அவகாசம் கொடுக்கப்படும். வீட்டு உரிமையாளர்களே வீட்டை அளந்து வரி விதிப்பு பற்றி தெரிவிக்கலாம். இதில் அலட்சியம் காட்டினால் வீடு சீல் வைக்கப்படும் என்று கூறப்படுகிறது.

    சென்னையில் சொத்து வரியை முழுமையாக வசூல் செய்தால் ஆண்டுக்கு சென்னை மாநகராட்சிக்கு ரூ.1,400 கோடி வருமானம் கிடைக்கும் என்று தெரிய வந்துள்ளது. உயர்த்தப்பட்ட சொத்துவரி முழுமையாக வசூலிக்கப்பட்டால் சென்னை மாநகராட்சிக்கு மேலும் பல நூறு கோடி ரூபாய் வருவாய் கிடைக்க வாய்ப்புள்ளது.

    இதைக் கருத்தில் கொண்டு சொத்து வரி எவ்வாறு கணக்கிடப்பட்டுள்ளது என்பதை ஆன்லைன் மூலம் சென்னை மாநகராட்சி வழங்கி வருகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பொதுமக்களுக்கு இடையூறாக சாலையோர கடைகளை அகற்றினால் தான் நடைபாதையில் செல்ல முடியும்.
    • மருத்துவமனை, பள்ளி போன்ற இடங்களில் ஆக்கிரமிப்பாளர்கள் செயல்பாட்டால் பொது மக்கள் பாதிக்கப்படுகிறார்கள்.

    சென்னை:

    சென்னை நகரின் மையப்பகுதியாக எழும்பூர் உள்ளது. இங்கு ரெயில் நிலையம், அரசு மருத்துவமனைகள், பள்ளி கூடங்கள் உள்ளன. மாநகராட்சி 5-வது மண்டலத்திற்கு உட்பட்ட 61-வது டிவிசனை உள்ளடக்கிய இந்த பகுதியில் வாகனங்கள் ஆக்கிரமிப்பு செய்ததால் பொதுநல வழக்கை முன்னாள் கவுன்சிலர் வக்கீல் ருக்மாங்கதன் தொடர்ந்தார்.

    பாந்தியன் சந்து, தமிழ் சங்கர் சாலை உள்ளிட்ட பல பகுதிகளில் 100-க்கு மேற்பட்ட வியாபாரிகள் நடைபாதையை ஆக்கிரமித்து வியாபாரம் செய்வதால் பொதுமக்கள் பாதிக்கப்பட்டு வருவதாக கூறி அவற்றை அகற்ற வேண்டும் என்று வலியுறுத்தினார்.

    எந்தெந்த பகுதிகளில் வியாபாரம் செய்யலாம், எந்த இடங்களில் வியாபாரம் செய்யக்கூடாது என கோர்ட்டு விளக்கம் அளித்ததோடு ஆக்கிரமிப்பு வியாபாரிகள் இடத்தை காலி செய்ய வேண்டும் என கூறி மாற்று இடம் கூவம் ஆற்றோரம் ஒதுக்கப்பட்டது.

    ஆனால் இதுவரையில் சாலையோர ஆக்கிரமிப்பாளர்கள் கடைகளை அகற்றவில்லை.

    இந்த நிலையில் கடந்த மாதம் பள்ளி, மருத்துவமனை, கோவில்கள் அமைந்துள்ள 100 மீட்டர் சுற்றளவு பகுதியில் சாலையோர கடைகளை அனுமதிக்க கூடாது என்று கூறி சென்னை மாநகராட்சியிடம் நீதிபதி விளக்கம் கேட்டார். அதன் அடிப்படையில் விரைவில் 100 மீட்டர் தூரத்தில் உள்ள கடைகளை அகற்றி விடுவதாக மாநகராட்சி தகவல் பிரமாண உறுதி பத்திரம் கோர்ட்டில் சமர்ப்பிக்கப்பட்டது.

    மாநகராட்சி சட்டக்குழு இதுபற்றி மண்டல அலுவலருக்கு தெரிவித்து தேவையான நடவடிக்கைகளை எடுக்க அறிவுறுத்தி உள்ளது. ஆலயம், மருத்துவமனை, பள்ளிக்கூடம் உள்ள பகுதிக்கு அருகில் சாலையோர கடைகளை அகற்றுவதற்கான நடவடிக்கை விரைவில் தொடங்க உள்ளது.

    இது குறித்து வக்கீல் ருக்மாங்கதன் கூறியதாவது:-

    2018-ம் ஆண்டு தொடரப்பட்ட வழக்கில் இதுவரையில் மாநகராட்சி எந்த நடவடிக்கையும் எடுக்கவில்லை. சாலையோரத்தில் ஆக்கிரமிப்பு கடைகள் இன்னும் செயல்பட்டு கொண்டுதான் இருக்கின்றன.

    பொதுமக்களுக்கு இடையூறாக சாலையோர கடைகளை அகற்றினால் தான் நடைபாதையில் செல்ல முடியும். மருத்துவமனை, பள்ளி போன்ற இடங்களில் ஆக்கிரமிப்பாளர்கள் செயல்பாட்டால் பொது மக்கள் பாதிக்கப்படுகிறார்கள். மாநகராட்சி விரைந்து நடவடிக்கை எடுக்க வேண்டும்.

    இவ்வாறு அவர் கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • டெங்கு உள்ளிட்ட மழைக்கால நோய் தடுப்பு நடவடிக்கையை தீவிரப்படுத்த தீர்மானிக்கப்படுகிறது.
    • கழிவுநீர் கால்வாய் சீரமைத்தல் உள்ளிட்ட பல்வேறு பிரச்சினைகள் குறித்து விவாதிக்கப்பட உள்ளன.

    சென்னை:

    சென்னை மாநகராட்சி மன்ற கூட்டம் வருகிற 30-ந்தேதி (சனிக்கிழமை) காலை 10 மணிக்கு மன்ற கூட்டரங்கில் நடக்கிறது.

    மேயர் பிரியா தலைமையில், துணைமேயர் மகேஷ் குமார், கமிஷனர் ககன் தீப்சிங் பேடி ஆகியோர் முன்னிலையில் நடைபெறுகிறது.

    இக்கூட்டத்தில் நிலைக்குழு தலைவர்கள், மண்டல தலைவர்கள், கவுன்சிலர்கள் கலந்து கொள்கிறார்கள்.

    கூட்டத்தில் முக்கிய தீர்மானங்கள் கொண்டு வரப்பட்டு நிறைவேற்றப்பட உள்ளன. பருவ மழைக்காலம் தொடங்க இருப்பதால் அதற்கு முன்னதாக மழை நீர்வடிகால் பணிகளை விரைந்து முடித்தல், 2.0 சிங்கார சென்னை திட்டத்தின்கீழ் அழகுப்படுத்த வேண்டிய நடவடிக்கைகள், கழிவுநீர் கால்வாய் சீரமைத்தல் உள்ளிட்ட பல்வேறு பிரச்சினைகள் குறித்து விவாதிக்கப்பட உள்ளன.

    டெங்கு உள்ளிட்ட மழைக்கால நோய் தடுப்பு நடவடிக்கையை தீவிரப்படுத்த தீர்மானிக்கப்படுகிறது. கொசு ஒழிப்பு, தூய்மை பணிகள், சாலைப் பணிகள் போன்றவற்றை தீவிரப்படுத்தவும் இக்கூட்டத்தில் வலியுறுத்தப்படுகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஓய்வூதியர்கள், குடும்ப ஓய்வூதியர்கள் ஆண்டுதோறும் ஜூலை மாதம் முதல் செப்டம்பர் மாதம் வரை உயிர்வாழ் சான்றிதழ் அளிக்க வேண்டும்.
    • இந்திய அஞ்சல் துறை வங்கியின் சேவை மூலம் ரூ.70 செலுத்தி வீட்டில் இருந்தபடியே உயிர்வாழ் சான்றிதழை பதிவு செய்யலாம்.

    சென்னை:

    சென்னை மாநகராட்சி வெளியிட்டுள்ள செய்திக்குறிப்பில் கூறப்பட்டுள்ளதாவது:-

    ஓய்வூதியர்கள், குடும்ப ஓய்வூதியர்கள் ஆண்டுதோறும் ஜூலை மாதம் முதல் செப்டம்பர் மாதம் வரை உயிர்வாழ் சான்றிதழ் அளிக்க வேண்டும். அவர்கள் நேரில் வருவதில் ஏற்படும் இடர்பாடுகளை தவிர்க்கும் பொருட்டு, ஜீவன் பிரமாண் செயலி மூலமாக மின்னணு உயிர்வாழ் சான்றிதழை அளிக்கலாம்.

    இந்திய அஞ்சல் துறை வங்கியின் சேவை மூலம் ரூ.70 செலுத்தி வீட்டில் இருந்தபடியே உயிர்வாழ் சான்றிதழை பதிவு செய்யலாம். அரசு இ-சேவை மற்றும் பொது சேவை மையங்களின் மூலம் ஓய்வூதியர்கள், குடும்ப ஓய்வூதியர்கள் உரிய கட்டணம் செலுத்தி மின்னணு ஆண்டு உயிர்வாழ் சான்றிதழை பதிவு செய்யலாம்.

    வெளிநாட்டில் வசிக்கும் ஓய்வூதியர்கள் உயிர்வாழ் சான்றிதழ் படிவத்தினை பெருநகர சென்னை மாநகராட்சி இணையதளத்தில் பதிவிறக்கம் செய்து, இந்திய தூதரக அலுவலர், நீதிபதி சான்று உறுதி அலுவலரிடம் உயிர்வாழ் சான்று பெற்று ஓய்வூதியம் வழங்கும் அலுவலகத்துக்கு தபால் மூலம் அனுப்பலாம். ஓய்வூதியர்கள், குடும்ப ஓய்வூதியர்கள் நேரடியாக உயிர்வாழ் சான்றிதழ் அளிக்க ஏதுவாக, பெருநகர சென்னை மாநகராட்சியின் சார்பில் ரிப்பன் கட்டிட வளாகத்தில் முகாம் அமைக்கப்பட்டுள்ளது. அங்கேயும் பதிவு செய்யலாம்.

    இவ்வாறு அதில் தெரிவிக்கப்பட்டுள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மழைநீர் வடிகால்கள் மழைக்காலங்களில் மழைநீர் தங்குதடையின்றி செல்வதற்கு மட்டுமே அமைக்கப்பட்டுள்ளது
    • ஒரு சில இடங்களில் மழைநீர் வடிகால்களில் சட்ட விரோதமாக கழிவுநீர் இணைப்புகள் இணைக்கப்பட்டுள்ளன.

    சென்னை:

    சென்னை மாநகராட்சி வெளியிட்டுள்ள செய்திக் குறிப்பில் கூறியிருப்பதாவது:-

    சென்னை மாநகராட்சிக்குட்பட்ட பகுதிகளில் மழைநீர் வடிகால் துறையின் மூலம் 2,071 கி.மீ. நீளமுள்ள 8,835 மழைநீர் வடிகால் கட்டமைப்புகள் பராமரிக்கப்பட்டு வருகிறது. இந்த மழைநீர் வடிகால்களில் மழைநீர் தங்கு தடையின்றி செல்லும் வகையில் மாநகராட்சியின் சார்பில் தூர் வாரப்பட்டு, பழுதடைந்த மழைநீர் வடிகால்கள் புனரமைக்கப்பட்டு தொடர்ந்து பராமரிக்கப்பட்டு வருகிறது.

    இந்த மழைநீர் வடிகால்கள் மழைக்காலங்களில் மழைநீர் தங்குதடையின்றி செல்வதற்கு மட்டுமே அமைக்கப்பட்டுள்ளது. ஆனால், ஒரு சில இடங்களில் மழைநீர் வடிகால்களில் சட்ட விரோதமாக கழிவுநீர் இணைப்புகள் இணைக்கப்பட்டுள்ளன.

    இதன் மூலம் மழைநீர் வடிகால்களில் மழைக் காலங்களில் மழைநீர் செல்வது தடைபட்டு நீர்த்தேக்கம் ஏற்படுகிறது. எனவே சென்னை மாநகராட்சிக்குட்பட்ட பகுதிகளில் மழைநீர் வடிகால்களில் சட்ட விரோதமாக கழிவுநீரை வெளியேற்றும் குடியிருப்புகளுக்கு ரூ.5,000 அபராதமும், நிறுவனங்களுக்கு ரூ.25,000 அபராதமும் விதிக்கப்பட்டு வருகிறது.

    அதன் அடிப்படையில் 1.4.2022 முதல் 27.6.2022 வரை சென்னை மாநகராட்சிக்குட்பட்ட பகுதிகளில் உள்ள குடியிருப்புகள் மற்றும் நிறுவனங்களில் மேற் கொள்ளப்பட்ட களஆய்வுகளில் 5,725 சட்ட விரோத கழிவுநீர் இணைப்புகள் கண்டறியப்பட்டு அவற்றின் இணைப்புகள் துண்டிக்கப்பட்டு, ரூ.30 லட்சத்து 56 ஆயிரத்து 570 அபராதம் வசூலிக்கப்பட்டுள்ளது.

    எனவே, பொதுமக்கள் மாநகராட்சிக்குட்பட்ட பகுதிகளில் உள்ள மழைநீர் வடிகால்களில் கழிவுநீரை வெளியேற்றுவதை தவிர்க்க வேண்டும். மீறினால் கழிவுநீர் இணைப்புகள் துண்டிக்கப்பட்டு அபராதம் விதிக்கப்படும்.

    இவ்வாறு அதில் கூறப்பட்டுள்ளது.