விளையாட்டு

அகமதாபாத்:

இந்தியா- வெஸ்ட் இண்டீஸ் அணிகளுக்கு இடையே ஒருநாள் தொடர் தொடரில் பங்கேற்பதற்காக ஆமதாபாத் வந்த இந்திய அணி வீரர்களுக்கு கொரோனா பரிசோதனை செய்யப்பட்டது. அதில் இந்திய அணி வீரர்கள் தவான் , ருதுராஜ் கெய்க்வாட், ஸ்ரேயாஸ் அய்யர் உள்ளிட்ட வீரர்களுக்கு கொரோனா தொற்று உறுதியானது.

இதனால் இவர்களால் வெஸ்ட் இண்டீசுக்கு எதிரான தொடரில் பங்கேற்க முடியாத நிலை உருவானது.கொரோனா பாதிப்புக்கு ஆளான தவன் மற்றும் ஸ்ரேயஸ் அய்யர் ஆகியோர் ஏற்கெனவே குணமடைந்துவிட்டனர். 

இந்த நிலையில், தற்போது மற்றொரு துவக்க வீரர் ருதுராஜ் கெய்க்வாட்டும் தொற்றிலிருந்து குணமடைந்துவிட்டார்.

எனினும் மேற்கிந்தியத் தீவுகளுக்கு எதிரான மூன்றாவது ஒருநாள் போட்டியில் மூத்த தொடக்க வீரர் ஷிகர் தவான் துவக்க வீராக களம் இறங்குவார் என கேப்டன் ரோஹித் சர்மா ஏற்கனவே தெளிவுபடுத்தியுள்ள நிலையில், ருதுராஜ் கெய்க்வாட் இந்த போட்டியில் பங்கேற்பது குறித்து பரிசீலிக்கப்படவில்லை என தெரிகிறது.

நியூசிலாந்து டி20 தொடருக்கான இந்திய அணியில் ருதுராஜ் தேர்வு செய்யப்பட்டிருந்தார். எனினும் தென்னாப்பிரிக்காவுக்கு எதிரான ஒருநாள் தொடரிலும் அவருக்கு விளையாட வாய்ப்பளிக்கப்படவில்லை. 

இந்நிலையில் ரஞ்சி டிராபி தொடரில் பங்கேற்க ருதுராஜ்  அவரது சொந்த மாநிலமான மகாராஷ்டிரா திரும்புவார் என தகவல்கள் வெளியாகி உள்ளன.

இதையும் படியுங்கள்... ஒருநாள் போட்டி தரவரிசை - கோலியை நெருங்கும் ரோகித்சர்மா

இந்தியா- வெஸ்ட் இண்டீஸ் அணிகளுக்கு இடையில் மூன்று போட்டிகள் கொண்ட ஒருநாள் கிரிக்கெட் தொடர் நடைபெற்று வருகிறது. தவான், ஷ்ரேயாஸ் அய்யர் உள்ளிட்ட வீரர்களுக்கு கொரோனா பாதிப்பு ஏற்பட்டதால் இஷான் கிஷன், தீபக் ஹூடா போன்ற வீரர்களுக்கு களம் இறங்கும் வாய்ப்பு கிடைத்தது.

மூன்று போட்டிகளும் அகமதாபாத்தில் நடைபெறுகிறது. முதல் போட்டி கடந்த 6-ந்தேதி நடைபெற்றது. இந்த போட்டியில் ஹரியானாவைச் சேர்ந்த தீபக் ஹூடா ஆடும் லெவன் அணியில் இடம் பிடித்தார். இதன்மூலம் இந்திய அணியில் அறிமுகமானார்.

இவர் கடந்த சில ஆண்டுகளாக சிறப்பான ஆட்டத்தை வெளிப்படுத்தி வந்த நிலையில் தற்போதுதான் இடம் கிடைத்துள்ளது. இந்திய அணியில் இடம் பிடிக்கும்போது, விராட் கோலி அல்லது டோனி ஆகியோரில் ஒருவரிடம் இருந்து அறிமுகம் ஆகும்போது வழங்கப்படும் இந்திய அணியின் தொப்பியை பெறுவதுதான் கனவு என்றார்.

இந்த நிலையில் முதல் ஒருநாள் போட்டியில் அறிமுகமாகும் போது விராட் கோலியிடம் இருந்து தொப்பியை பெற்றார்.

இதுகுறித்து தீபக் ஹூடா கூறுகையில் ‘‘நான் ஒருநாள் கிரிக்கெட் போட்டியில் அறிமுகமானது, மிகவும் அற்புதமான உணர்வு. இந்திய அணியின் ஒரு பகுதியாக இருப்பதை பாக்கியமாக கருதுகிறேன். விராட் கோலி அல்லது எம்.எஸ். டோனி ஆகிய ஒருவரிடம் இருந்து இந்திய அணியின் தொப்பியை பெற வேண்டும் என்பது, என்னுடைய சிறு வயது கனவு. விராட் கோலியிடம் இருந்து தொப்பியை பெற்றது அற்புதமான உணர்வு. கவனச்சிதறலை அப்புறப்படுத்திவிட்டு, என்னுடைய செயலில் கவனம் செலுத்தினேன்.

விராட் கோலி, ரோகித் சர்மா, ராகுல் டிராவிட் ஆகியோருடன் வீரர்களை அறையை பகிர்ந்து கொண்ட சிறந்த தருணம். அவர்களிடம் இருந்து எப்போதுமே கற்றுக் கொள்ள முடியும். அவர்களிடம் இருந்து கற்றுக் கொள்ள விரும்புகிறேன். வெளியில் இருந்து வரும் விமர்சனத்தை கண்டு கொள்ளாமல், என்னுடைய செயலில் கவனம் செலுத்துவதையே இலக்காக நிர்ணயித்துள்ளேன்’’ என்றார்.

இதையும் படியுங்கள்... விராட் கோலி தன்னம்பிக்கை இழந்து விட்டார் - முகமது கைஃப் கருத்து

மெல்போர்ன்:

ஆஸ்திரேலிய கிரிக்கெட் அணியின் தலைமை பயிற்சியாளர் பொறுப்பில் இருந்து ஜஸ்டின் லாங்கர் விலகினார். 6 மாத கால பதவி நீட்டிப்பை நிராகரித்து அவர் தனது பதவியை ராஜினாமா செய்தார்.

லாங்கர் ராஜினாமா தொடர்பாக முன்னாள் வேகப்பந்து வீரர் ஜான்சன் டெஸ்ட் கேப்டன் கம்மின்சை கடுமையாக விமர்சித்து இருந்தார்.

இதேபோல முன்னாள் கேப்டன்கள் டெய்லர், ரிக்கி பாண்டிங் மற்றும் மேத்யூ ஹைடன் ஆகியோர் லாங்கருக்கு ஆதரவாக கருத்துத் தெரிவித்திருந்தனர்.

இந்த விவகாரத்தில் கம்மின்ஸ் விளக்கம் அளிக்க வேண்டும் என்று அவருக்கு முன்னாள் கேப்டன் கிளார்க் ஆதரவு தெரிவித்தார். இந்த நிலையில் இந்த விவகாரத்தில் கம்மின்ஸ் மவுனம் கலைத்தார். அவர் முன்னாள் வீரர்களுக்கு பதிலடி கொடுத்துள்ளார். இது தொடர்பாக கம்மின்ஸ் கூறியதாவது:-

ஜஸ்டின் லாங்கருடன் எனக்கு எந்த பிரச்சினையும் இல்லை. தனது பயிற்சி பணி தீவிரமானது என அவரே ஒப்புக்கொண்டுள்ளார். இதற்காக லாங்கர் வீரர்களிடம் மன்னிப்பும் கேட்டுள்ளார். மன்னிப்பு தேவையற்றது என நான் நினைக்கிறேன்.

அவரது அணுகுமுறையால் எங்களுக்கு பிரச்சினை இல்லை. இந்த விவகாரத்தில் கிரிக்கெட் வாரியம் துணிச்சலான முடிவை எடுத்தது. ஆஸ்திரேலிய கிரிக்கெட்டுக்கு சேவை செய்வதே எங்களது முதல் கடமையாகும். நீங்கள் (முன்னாள் வீரர்கள்) எப்படி உங்கள் சக வீரர்களுக்காக போராடுகிறீர்களோ அதுபோல் நானும் போராடுகிறேன்.

இவ்வாறு அவர் கூறினார்.

துபாய்:

சர்வதேச கிரிக்கெட் கவுன்சில் (ஐ.சி.சி.) ஒருநாள் போட்டியின் அடிப்படையில் வீரர்களின் தரவரிசை பட்டியலை வெளியிட்டு இருந்தது.

பாகிஸ்தான் கேப்டன் பாபர் ஆசம் 873 புள்ளிகளுடன் முதல் இடத்தில் உள்ளார். இந்திய அணியின் முன்னாள் கேப்டன் விராட் கோலி 828 புள்ளிகளுடன் 2-வது இடத்தில் உள்ளார். இந்திய அணி கேப்டன் ரோகித் சர்மா 807 புள்ளிகளுடன் 3-வது இடத்தில் உள்ளார்.

விராட் கோலியை, ரோகித் சர்மா நெருங்கியுள்ளார். அவரை விட 21 ரேங்கிங் புள்ளிகள் மட்டுமே பின் தங்கி இருக்கிறார். வெஸ்ட் இண்டீசுக்கு எதிரான ஒருநாள் தொடருக்கு பிறகு ரோகித் சர்மா 2-வது இடத்துக்கு முன்னேறுவதற்கான வாய்ப்பு ஏற்பட்டுள்ளது.

முதல் போட்டியில் ரோகித் சர்மா அபாரமாக ஆடினார். ஆனால் நேற்றைய ஆட்டத்தில் அவரது ஆட்டம் மோசமாக இருந்தது. கடைசி போட்டியில் திறமையை வெளிப்படுத்தினால் அவரால் 2-வது இடத்திற்கு முன்னேற முடியும். அதே நேரத்தில் விராட் கோலி முதல் 2 போட்டியிலும் சரியாக ஆடவில்லை. கடைசி போட்டியில் ரன்களை குவித்தால் அவர் 2-வது வரிசையை தக்கவைத்துக் கொள்ளலாம்.

அகமதாபாத்:

வெஸ்ட் இண்டீசுக்கு எதிரான 2-வது ஒருநாள் போட்டியிலும் இந்திய அணி வெற்றி பெற்று தொடரை கைப்பற்றியது.

முதலில் விளையாடிய இந்திய அணி நிர்ணயிக்கப்பட்ட 50 ஓவர்களில் 9 விக்கெட் இழப்புக்கு 237 ரன் எடுத்தது.

சூர்யகுமார் யாதவ் 64 ரன்னும் (5 பவுண்டரி), லோகேஷ் ராகுல் 48 பந்தில் 49 ரன்னும் (4 பவுண்டரி, 2 சிக்சர்) எடுத்தனர். அல்ஜாரி ஜோசப், ஓடியன் சுமித் தலா 2 விக்கெட்டும், கேமர் ரோச், ஹோல்டர், ஹூசைன், பேபியன் ஆலம் தலா ஒரு விக்கெட்டும் கைப்பற்றினார்கள்.

பின்னர் ஆடிய வெஸ்ட் இண்டீஸ் அணி 46 ஓவர்களில் 193 ரன்னில் சுருண்டது. இதனால் இந்தியா 44 ரன்னில் வெற்றி பெற்றது.

புரூக்ஸ் அதிகபட்சமாக 44 ரன்னும் (2 பவுண்டரி, 2 சிக்சர்), அகீல் ஹூசைன் 34 ரன்னும் (3 பவுண்டரி), ஓடியன் சுமித் 20 பந்தில் 24 ரன்னும் (1 பவுண்டரி, 2 சிக்சர்) எடுத்தனர்.

பிரசித் கிருஷ்ணா மிகவும் அபாரமாக பந்து வீசி 12 ரன் கொடுத்து 4 விக்கெட் வீழ்த்தினார். 6- வது போட்டியில் ஆடிய அவருக்கு இது சிறந்த பந்துவீச்சாகும். இதற்கு முன்பு கடந்த ஆண்டு மார்ச் மாதம் இங்கிலாந்துக்கு எதிராக புனே மைதானத்தில் 54 ரன் கொடுத்து 4 விக்கெட் கைப்பற்றியது சிறந்ததாக இருந்தது.

‌ஷர்துல் தாகூர் 2 விக்கெட்டும், முகமது சிராஜ், யசுவேந்திர சாஹல், வாஷிங் டன் சுந்தர், தீபக்ஹூடா தலா ஒரு விக்கெட்டும் கைப்பற்றினார்கள்.

நேற்றைய போட்டியில் ரோகித் சர்மாவுடன் யாரும் எதிர்பார்க்காத வகையில் ரி‌ஷப்பண்ட் தொடக்க வீரராக களம் இறங்கினார். இந்த பரிசோதனை தோல்வியில் முடிந்தது.

மிடில் ஆர்டரில் விளையாடும் ரி‌ஷப்பண்ட் 34 பந்துகளை சந்தித்து 18 ரன்களே எடுத்தார். இதேபோல ரோகித் சர்மாவும் எளிதில் ஆட்டம் இழந்தார். தொடக்க ஜோடி சிறப்பான ஆட்டத்தை வெளிப்படுத்தவில்லை.

வழக்கமாக தொடக்க வரிசையில் ஆடும் தவான் உடல் தகுதியுடன் இல்லை. மயங்க் அகர்வால் தொடக்க வரிசையில் ஆடக்கூடியவர். இதேபோல 4-வது வரிசையில் களம் இறங்கிய லோகேஷ் ராகுல் தொடக்க வீரராக ஆடக்கூடியவர்.

இந்த ஆட்டத்தில் இந்திய அணி வெற்றிபெற்று விட்டதால் தொடக்க வீரர் வரிசை குறித்து விவாதிக்கப்படவில்லை. ஆனாலும் கவாஸ்கர் இதுகுறித்து விமர்சனம் செய்திருந்தார்.

இந்த நிலையில் ரி‌ஷப்பண்ட் தொடக்க வீரரராக விளையாடியது தற்காலிக பரிசோதனையே அது நிரந்தரம் இல்லை என்று இந்திய அணி கேப்டன் ரோகித் சர்மா விளக்கம் அளித்துள்ளார். இது தொடர்பாக அவர் கூறியதாவது:-

மாறுபட்ட முறையில் சிந்தனை செய்து ரி‌ஷப்பண்ட் தொடக்கவீரராக களம் இறக்கப்பட்டார். இதை அவரது ரசிகர்கள் மகிழ்ச்சியுடன் ஏற்றிருப்பார்கள். இது தற்காலிக முயற்சியே நிரந்தரமானது அல்ல. அடுத்த போட்டியில் ஷிகர் தவான் விளையாடுவார். ஒரே ஒரு போட்டிக்காக இந்த முயற்சி மேற்கொள்ளப்பட்டது.

வெஸ்ட் இண்டீசுக்கு எதிரான தொடரை கைப்பற்றியது. சிறந்த உணர்வாக கருதுகிறேன். அவர்கள் சில வகைகளில் சவால் கொடுத்தனர். லோகேஷ் ராகுலும், சூர்யகுமார் யாதவும் நல்ல பார்ட்னர்ஷிப்பை கொடுத்தனர். இருவரிடமும் நல்ல முதிர்ச்சி தெரிந்தது.

அனைத்து பந்துவீச்சாளர்களும் சிறப்பாக பந்து வீசினார்கள். பிரசித் கிருஷ்ணாவின் பந்துவீச்சு அபாரமாக இருந்தது. இப்படி ஒரு அபாரமான பந்துவீச்சை நான் பார்த்ததில்லை. 6-வது பந்து வீச்சாளராக தீபக் கூடா பயன்படுத்தப்பட்டார். எப்போதுமே பந்துவீச்சாளர்களை சுழற்சி முறையில் பயன்படுத்துவது அவசியமானது.

இவ்வாறு ரோகித் சர்மா கூறியுள்ளார்.

இந்த வெற்றி மூலம் இந்திய அணி 2-0 என்ற கணக்கில் தொடரை கைப்பற்றியது. முதல் ஆட்டத்தில் 6 விக்கெட் வித்தியாசத்தில் வெற்றிபெற்று இருந்தது.

இந்தியா- வெஸ்ட் இண்டீஸ் அணிகள் மோதும் 3-வது மற்றும் கடைசி ஒருநாள் போட்டி நாளை நடக்கிறது.

போட்செஃப்ஸ்ட்ரூம்:

இதையும் படியுங்கள்...

இங்கிலாந்து சென்ற நான்கு ஆப்கானிஸ்தான் வீரர்கள்: அடைக்கலம் கேட்கிறார்களா?

கோவா:

இந்தியா- வெஸ்ட் இண்டீஸ் அணிகளுக்கு இடையே நேற்று அகமதாபாத்தில் உள்ள மோடி கிரிக்கெட் மைதானத்தில்  நடைபெற்ற இரண்டாவது ஒருநாள் போட்டியில் இந்திய அணியின் முன்னாள் கேப்டன் விராட் கோலி 18 ரன்னிலும் அவுட்டானார். 

வெஸ்ட் இண்டீஸ் அணியின் ஆல்ரவுண்டர் கார்லோஸ் பிராத்வைட். இவரது மனைவி ஜெசிகா பெலிக்ஸ். இந்த தம்பதிக்கு நேற்று பெண் குழந்தை பிறந்தது. இந்தக் குழந்தைக்கு ஈடன் ரோஸ் என்று பெயரிட்டுள்ளனர். தனது குழந்தைக்கு இந்திய மைதானத்தின் பெய்ரை வைத்ததற்கான காரணம் பின்வருமாறு:

2016-ம் ஆண்டு டி20 உலகக் கோப்பை தொடர் இந்தியாவில் நடந்தது. இதன் இறுதிப்போட்டியில் இங்கிலாந்து, வெஸ்ட் இண்டீஸ் அணிகள் மோதின.

கொல்கத்தாவின் ஈடன்கார்டன் மைதானத்தில் நடந்த இப்போட்டியில் முதலில் பேட் செய்த இங்கிலாந்து 20 ஓவரில் 9 விக்கெட்டுக்கு 155 ரன்களை எடுத்தது.

அடுத்து ஆடிய வெஸ்ட் இண்டீஸ் அணியில் சாமுவேல்ஸ் மட்டும் தாக்குப்பிடித்து 85 ரன்கள் எடுத்தார். மற்ற வீரர்கள் நிலைத்து நிற்கவில்லை.

கடைசி ஓவரில் வெஸ்ட் இண்டீஸ் வெற்றி பெற 19 ரன்கள் தேவைப்பட்ட நிலையில், முதல் 4 பந்துகளை 4 சிக்சராக விளாசி அணியை வெற்றி பெற வைத்தார் பிராத்வெயிட். இதன்மூலம் டி20 உலக கோப்பையை இரண்டாவது முறையாக வென்றது வெஸ்ட் இண்டீஸ்.

அதன்பின், பிராத்வெயிட் பெயர் உச்சரிக்கப்பட்டாலே அந்த 4 சிக்சர்தான் ரசிகர்கள் நினைவுக்கு வரும்.

அந்த சரித்திர வெற்றியை நினைவுகூரும் விதமாகவே தனது மகளுக்கு ஈடன் ரோஸ் என பெயர் வைத்துள்ளார் பிராத்வெயிட். 

அகமதாபாத்:

இந்தியா- வெஸ்ட் இண்டீஸ் அணிகளுக்கு இடையிலான 2-வது ஒருநாள் போட்டி இன்று அகமதாபாத்தில் நடைபெற்றது. டாஸ் வென்ற வெஸ்ட் இண்டீஸ் பந்துவீச்சை தேர்வு செய்தது.

அதன்படி, முதலில் பேட் செய்த இந்தியா 50 ஓவரில் 9 விக்கெட் இழப்புக்கு 237 ரன்கள் எடுத்தது. சூர்யகுமார் யாதவ் 64 ரன்னிலும் கே.எல்.ராகுல் 49 ரன்னிலும், வாஷிங்டன் சுந்தர் 24 ரன்னிலும், தீபக் ஹூடா 29 ரன்னிலும் ஆட்டமிழந்தனர்.

வெஸ்ட் இண்டீஸ் சார்பில் அல்ஜாரி ஜோசப், ஒடியன் ஸ்மித் ஆகியோர் தலா 2 விக்கெட் வீழ்த்தினர்.

இதையடுத்து, 238 ரன்கள் எடுத்தால் வெற்றி என்ற இலக்குடன் வெஸ்ட் இண்டீஸ் அணி களமிறங்கியது.  இந்திய பந்துவீச்சாலர்கள் அசத்தலாக பந்து வீசினர். இதனால் சீரான இடைவெளியில் வெஸ்ட் இண்டீஸ் அணியின் விக்கெட்டுகள் சரிந்தது. 

இறுதியில், வெஸ்ட் இண்டீஸ் அணி 46 ஓவரில் 193 ரன்னுக்கு ஆல் அவுட்டானது. அந்த அணியின் ஷமார் புரூக்ஸ் 44 ரன்னும், அகேல் ஹொசைன் 34 ரன்னும், ஷாய் ஹோப் 27 ரன்னும், ஒடியன் ஸ்மித் 24 ரன்னும் எடுத்தனர்.

இதன் மூலம் 44 ரன்கள் வித்தியாசத்தில் இந்தியா அபார வெற்றி பெற்றது. அத்துடன் ஒருநாள் தொடரை 2-0 என கைப்பற்றியது.

இந்தியா சார்பில் பிரசித் கிருஷ்ணா 4 விக்கெட், ஷர்துல் தாக்குர் 2 விக்கெட் எடுத்தனர்.

இதையும் படியுங்கள்...ராமானுஜர் சிலை சீனாவில் தயாரிப்பு: இதுதான் புதிய இந்தியாவா?- ராகுல் காந்தி விமர்சனம்

அகமதாபாத்:

இந்தியா- வெஸ்ட் இண்டீஸ் அணிகளுக்கு இடையில் மூன்று போட்டிகள் கொண்ட ஒருநாள் கிரிக்கெட் தொடர் நடைபெற்று வருகிறது. மூன்று போட்டிகளும் அகமதாபாத்தில் உள்ள மோடி கிரிக்கெட் மைதானத்தில் நடக்கிறது. முதல் போட்டியில் இந்தியா அபார வெற்றி பெற்றது.

இந்நிலையில், 2-வது ஒருநாள் போட்டி இன்று பகல் 1.30 மணிக்கு தொடங்கியது. டாஸ் வென்ற வெஸ்ட் இண்டீஸ் பந்துவீச்சை தேர்வு செய்தது.

தொடக்க ஆட்டக்காரர்களாக ரோகித் சர்மாவும், ரிஷ்ப் ப்ண்டும் களமிறங்கினர். ரோகித் சர்மா 5 ரன்னிலும், ரிஷப் பண்ட் 18 ரன்னிலும், விராட் கோலி 18 ரன்னிலும் அவுட்டாகினர். இதனால் 43 ரன்னுக்கு 3 விக்கெட்டை இழந்து இந்தியா தத்தளித்தது. 

அடுத்து இறங்கிய கே எல் ராகுலுடன், சூர்யகுமார் யாதவ் ஜோடி சேர்ந்தார். இந்த ஜோடி 91 ரன்கள் சேர்த்த நிலையில், ராகுல் 49 ரன்னில் ஆட்டமிழந்தார். அரை சதமடித்த சூர்யகுமார் யாதவ் 64 ரன்னில் அவுட்டானார். வாஷிங்டன் சுந்தர் 24 ரன்னிலும், தீபக் ஹூடா 29 ரன்னிலும் ஆட்டமிழந்தனர்.

இறுதியில், இந்தியா நிர்ணயிக்கப்பட்ட 50 ஓவரில் 9 விக்கெட் இழப்புக்கு 237 ரன்கள் எடுத்தது.

வெஸ்ட் இண்டீஸ் சார்பில் அல்ஜாரி ஜோசப், ஒடியன் ஸ்மித் ஆகியோர் தலா 2 விக்கெட் வீழ்த்தினர்.

இதையும் படியுங்கள்...ஸ்டாலினுக்கு பொய் பேசுவதற்கு நோபல் பரிசு வழங்கலாம் - எடப்பாடி பழனிசாமி