என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
விளையாட்டு
X
விராட் கோலி அல்லது டோனி கையால் வாங்க வேண்டும் என நினைத்தேன்: தீபக் ஹூடா
Byமாலை மலர்10 Feb 2022 10:34 AM GMT (Updated: 10 Feb 2022 10:34 AM GMT)
வெஸ்ட் இண்டீஸ் அணிக்கெதிரான ஒருநாள் கிரிக்கெட் போட்டியில் அறிமுகமான தீபக் ஹூடா, விராட் கோலி கையால் அறிமுக தொப்பியை பெற்றது பெருமை எனக் குறிப்பிட்டுள்ளார்.
இந்தியா- வெஸ்ட் இண்டீஸ் அணிகளுக்கு இடையில் மூன்று போட்டிகள் கொண்ட ஒருநாள் கிரிக்கெட் தொடர் நடைபெற்று வருகிறது. தவான், ஷ்ரேயாஸ் அய்யர் உள்ளிட்ட வீரர்களுக்கு கொரோனா பாதிப்பு ஏற்பட்டதால் இஷான் கிஷன், தீபக் ஹூடா போன்ற வீரர்களுக்கு களம் இறங்கும் வாய்ப்பு கிடைத்தது.
மூன்று போட்டிகளும் அகமதாபாத்தில் நடைபெறுகிறது. முதல் போட்டி கடந்த 6-ந்தேதி நடைபெற்றது. இந்த போட்டியில் ஹரியானாவைச் சேர்ந்த தீபக் ஹூடா ஆடும் லெவன் அணியில் இடம் பிடித்தார். இதன்மூலம் இந்திய அணியில் அறிமுகமானார்.
இவர் கடந்த சில ஆண்டுகளாக சிறப்பான ஆட்டத்தை வெளிப்படுத்தி வந்த நிலையில் தற்போதுதான் இடம் கிடைத்துள்ளது. இந்திய அணியில் இடம் பிடிக்கும்போது, விராட் கோலி அல்லது டோனி ஆகியோரில் ஒருவரிடம் இருந்து அறிமுகம் ஆகும்போது வழங்கப்படும் இந்திய அணியின் தொப்பியை பெறுவதுதான் கனவு என்றார்.
இந்த நிலையில் முதல் ஒருநாள் போட்டியில் அறிமுகமாகும் போது விராட் கோலியிடம் இருந்து தொப்பியை பெற்றார்.
இதுகுறித்து தீபக் ஹூடா கூறுகையில் ‘‘நான் ஒருநாள் கிரிக்கெட் போட்டியில் அறிமுகமானது, மிகவும் அற்புதமான உணர்வு. இந்திய அணியின் ஒரு பகுதியாக இருப்பதை பாக்கியமாக கருதுகிறேன். விராட் கோலி அல்லது எம்.எஸ். டோனி ஆகிய ஒருவரிடம் இருந்து இந்திய அணியின் தொப்பியை பெற வேண்டும் என்பது, என்னுடைய சிறு வயது கனவு. விராட் கோலியிடம் இருந்து தொப்பியை பெற்றது அற்புதமான உணர்வு. கவனச்சிதறலை அப்புறப்படுத்திவிட்டு, என்னுடைய செயலில் கவனம் செலுத்தினேன்.
விராட் கோலி, ரோகித் சர்மா, ராகுல் டிராவிட் ஆகியோருடன் வீரர்களை அறையை பகிர்ந்து கொண்ட சிறந்த தருணம். அவர்களிடம் இருந்து எப்போதுமே கற்றுக் கொள்ள முடியும். அவர்களிடம் இருந்து கற்றுக் கொள்ள விரும்புகிறேன். வெளியில் இருந்து வரும் விமர்சனத்தை கண்டு கொள்ளாமல், என்னுடைய செயலில் கவனம் செலுத்துவதையே இலக்காக நிர்ணயித்துள்ளேன்’’ என்றார்.
இதையும் படியுங்கள்... விராட் கோலி தன்னம்பிக்கை இழந்து விட்டார் - முகமது கைஃப் கருத்து
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X