இந்தியா-பாகிஸ்தான் போட்டிக்கு 5 நிமிடத்தில் விற்றுத்தீர்ந்த டிக்கெட்டுகள்

மெல்போர்ன்:

7-வது 20 ஓவர் உலக கோப்பை கிரிக்கெட் போட்டி அக்டோபர் 16-ந் தேதி முதல் நவம்பர் 13-ந் தேதி வரை ஆஸ்திரேலியாவில் நடக்கிறது.

இதில் மொத்தம் 16 அணிகள் பங்கேற்கின்றன. நடப்பு சாம்பியன் ஆஸ்திரேலியா, இந்தியா, இங்கிலாந்து, நியூசிலாந்து, தென் ஆப்பிரிக்கா, பாகிஸ்தான், ஆப்கானிஸ்தான், வங்காள தேசம் ஆகிய 8 நாடுகள் சூப்பர் 12 சுற்றில் விளையாடும்.

இந்தியாவும், பாகிஸ்தானும் ஒரே பிரிவில் உள்ளன. தென் ஆப்பிரிக்கா, வங்காளதேசம் மற்றும் தகுதி சுற்றில் இருந்து 2 அணிகள் ஆகியவை அந்த பிரிவில் இடம்பெற்று உள்ளன.

ரசிகர்களால் ஆவலுடன் எதிர்பார்க்கப்படும் இந்தியா-பாகிஸ்தான் போட்டி அக்டோபர் 23-ந் தேதி மெல்போர்னில் நடக்கிறது.

இந்தியா-பாகிஸ்தான் போட்டிக்கான டிக்கெட் டுகள் இன்று விற்பனை செய்யப்பட்டது. பொது மக்களுக்காக வினியோகிக்கப்பட்ட இந்த டிக்கெட்டுகள் 5 நிமிடத்திலேயே விற்று தீர்ந்து விட்டன.