விளையாட்டு

மும்பை:

பஞ்சாப் அணிக்கு எதிரான ஆட்டத்தில் குஜராத் வீரர் ராகுல் திவேதியா கடைசி 2 பந்தில் 2 சிக்சர் அடித்து அணியை வெற்றிபெற வைத்தார்.

மும்பை பிராபோர்ன் மைதானத்தில் நடந்த இந்த ஆட்டத்தில் முதலில் ஆடிய பஞ்சாப் கிங்ஸ் 20 ஓவரில் 9 விக்கெட் இழப்புக்கு 189 ரன் குவித்தது.

லிவிங்ஸ்டோன் 27 பந்தில் 64 ரன்னும் (7 பவுண்டரி, 4 சிக்சர்) தவான் 30 பந்தில் 35 ரன்னும் (4 பவுண்டரி) எடுத்தனர். ரஷீத்கான் 3 விக்கெட்டும், நல்காண்டே 2 விக்கெட்டும் எடுத்தனர்.

பின்னர் ஆடிய குஜராத் அணி 20 ஓவரில் 4 விக்கெட் இழப்புக்கு 190 ரன் எடுத்து 6 விக்கெட் வித்தியாசத்தில் வெற்றி பெற்றது.

ராகுல் திவேதியா ஆட்டத்தின் கடைசி 2 பந்தில் 2 சிக்சர் அடித்து குஜராத்தை வெற்றி பெற வைத்தார். சுப்மன்கில் 59 பந்தில் 96 ரன்னும் (11 பவுண்டரி, 1சிக்சர்) தமிழகத்தை சேர்ந்த சாய் சுதர்சன் 30 பந்தில் 35 ரன்னும் (4 பவுண்டரி, 1 சிக்சர்), கேப்டன் ஹர்த்திக் பாண்ட்யா 18 பந்தில் 27 ரன்னும் (5 பவுண்டரி) எடுத்தனர்.

குஜராத் அணி ஹாட்ரிக் வெற்றி பெற்றது. அந்த அணி மட்டும் தான் இதுவரை தோல்வி அடையவில்லை. வெற்றி குறித்து குஜராத் டைடன்ஸ் கேப்டன் ஹர்த்திக் பாண்ட்யா கூறியதாவது:-

ஆட்டத்தில் ஏற்றத்தாழ்வுகள் இருந்ததால் நான் நடுநிலையாகி விட்டேன். ராகுல் திவேதியாவுக்கு எனது வாழ்த்துக்கள். நெருக்கடியில் அவர் கடைசி 2 பந்தில் 2 சிக்சர் அடித்தது பாராட்டத்தக்கது. சுப்மன்கில் ஆட்டம் மிகவும் சிறப்பாக இருந்தது. அவருக்கு சாய் சுதர்சன் நன்றாக ஒத்துழைப்பு கொடுத்தார். இருவரது பொறுப்பான பேட்டிங்கால் தான் எங்களால் கடைசி ஓவர் வரை போட்டியை எடுத்து வர முடிந்தது.

பஞ்சாப் அணி மீது எனக்கு அனுதாபம் உண்டு.

இவ்வாறு ஹர்த்திக் பாண்ட்யா கூறினார்.

இதையும் படியுங்கள்...2வது டெஸ்டில் எல்கர், பவுமா அரை சதம் - முதல் நாள் முடிவில் தென் ஆப்பிரிக்கா 278/5

மும்பை:

ஐ.பி.எல் 20 ஓவர் கிரிக்கெட் போட்டியில் நடப்பு சாம்பியனான சென்னை சூப்பர் கிங்ஸ் தான் மோதிய 3 ஆட்டத்திலும் தோற்று இன்னும் புள்ளிகள் எதுவும் பெறாமல் உள்ளது.

சென்னை அணி தொடக்க போட்டியில் கொல்கத்தா நைட் ரைடர்சிடம் 6 விக்கெட் வித்தியாசத்திலும், 2-வது ஆட்டத்தில் லக்னோ சூப்பர் ஜெயன்ட்சிடம் 6 விக்கெட் வித்தியாசத்திலும், 3-வது போட்டியில் பஞ்சாப் கிங்சிடம் 54 ரன் வித்தியாசத்திலும் தோற்றது.

சி.எஸ்.கே. அணி 4-வது ஆட்டத்தில் சன்ரைசர்ஸ் ஐதராபாத்தை இன்று எதிர்கொள்கிறது. இந்தப் போட்டி மும்பை டி.ஒய். பட்டீல் மைதானத்தில் மாலை 3.30 மணிக்கு தொடங்குகிறது.

சென்னை சூப்பர் கிங்ஸ் அணி தொடர் தோல்வியில் இருந்து மீண்டு ஐதராபாத்தை தோற்கடித்து முதல் வெற்றியை பெறுமா? என்று எதிர்பார்க்கப்படுகிறது.

ஐதராபாத் அணியும் முதல் வெற்றிக்காக காத்திருக்கிறது. அந்த அணி முதல் 2 ஆட்டங்களிலும் (ராஜஸ்தான், லக்னோ) தோற்று இருந்தது.

இரு அணிகளும் இதுவரை 16 போட்டியில் மோதியுள்ளன. இதில் சென்னை 12-ல், ஐதராபாத் 4-ல் வெற்றி பெற்றுள்ளன.

இரவு 7.30 மணிக்கு நடைபெறும் 2-வது ஆட்டத்தில் டுபெலிசிஸ் தலைமையிலான ராயல் சேலஞ்சர்ஸ் பெங்களூரு- ரோகித் சர்மா தலைமையிலான மும்பை இந்தியன்ஸ் அணிகள் மோதுகின்றன.

ஆர்.சி.பி. 2 வெற்றி ,ஒரு தோல்வியுடன் 4 புள்ளிகள் பெற்றுள்ளது. அந்த அணி மும்பையை வீழ்த்தி ஹாட்ரிக் வெற்றி ஆர்வத்தில் உள்ளது. 5 முறை சாம்பியனான மும்பை இந்தியன்சும் சென்னையை போலவே முதல் 3 ஆட்டத்தில் தோல்வியை தழுவியது. பெங்களூருவை தோற்கடித்து முதல் வெற்றியை பெறுமா? என்று எதிர்பார்க்கப்படுகிறது.

இதையும் படியுங்கள்...பாபர் அசாம், விராட் கோலி, 9 மரத்துண்டுகள் போதும் - எதற்கு கேட்கிறார் முன்னாள் பாகிஸ்தான் வீரர்?

போர்ட் எலிசபெத்:

வங்காளதேச அணி தென் ஆப்பிரிக்காவில் சுற்றுப்பயணம் செய்து டெஸ்ட் தொடரில் விளையாடி வருகிறது. முதல் டெஸ்ட் போட்டியில் தென் ஆப்பிரிக்கா அணி வெற்றி பெற்றது.

இந்நிலையில், இரு அணிகளும் மோதும் 2வது டெஸ்ட் போட்டி நேற்று தொடங்கியது. டாஸ் வென்ற தென் ஆப்பிரிக்கா கேப்டன் டீன் எல்கர் முதலில் பேட்டிங் தேர்வு செய்தார்.

அதன்படி, தென் ஆப்பிரிக்கா அணி முதலில் பேட்டிங் செய்தது. தொடக்க ஆட்டக்காரர்களாக கேப்டன் டீன் எல்கர், எர்வி களமிறங்கினர். எர்வி 24 ரன்கள் எடுத்து அவுட்டானார்.

அடுத்து இறங்கிய பீட்டர்சன் டீன் எல்கருடன் ஜோடி சேர்ந்தார். இருவரும் பொறுப்புடன் ஆடி அரைசதம் அடித்து அசத்தினர். எல்கர் 70 ரன்களில் ஆட்டமிழந்தார்.

அதன்பின், களமிறங்கிய பவுமா சிறப்பாக விளையாடினார். பீட்டர்சன் 64 ரன்களிலும் பவுமா 67 ரன்களிலும் வெளியேறினர்.

இறுதியில், முதல் நாள் முடிவில் தென் ஆப்பிரிக்கா அணி 5 விக்கெட் இழப்பிற்கு 278 ரன்கள் எடுத்துள்ளது. 

வங்காளதேசம் சார்பில் தைஜுல் இஸ்லாம் 3 விக்கெட்டும், காலித் அகமது 2 விக்கெட்டும் வீழ்த்தினர்.

லாகூர்:

இங்கிலிஷ் பிரீமியர் லீக் அணியான மான்செஸ்டர் யுனைடட் முன்னாள் மேனேஜர் சர் அலெக்ஸ் பெர்குசன், சாம்பியன்ஸ் லீக் வெல்ல தனக்கு ஜினெடின் ஜிடேன் மற்றும் 10 மரத்துண்டுகள் போதும் என கூறியிருந்தார்.

பெர்குசன் சொன்னதையே மாற்றிய  பாகிஸ்தான் முன்னாள் விக்கெட் கீப்பர் ரஷீத் லத்தீப், பாபர் அசாம், விராட் கோலி மற்றும் 9 மரத்துண்டுகள் போதும் என தெரிவித்துள்ளார்.

விராட் கோலி, பாபர் அசாம் என இருவரும் கிரிக்கெட்டில் மிகவும் பிரபலமானவர்கள், வெற்றிகரமான பேட்ஸ்மேன்கள்.

2011-ல் எம்.எஸ்.டோனியின் கீழ் உலக கோப்பை வென்ற அணியில் விராட் கோலி முக்கியமாக இருந்தார் கோலி. ஆனால் பாபர் அசாம் உலக கோப்பை வெற்றியை இன்னும் சுவைக்கவில்லை.

இந்நிலையில், பாகிஸ்தான் முன்னாள் விக்கெட் கீப்பர் ரஷீத் லத்தீப் கூறுகையில், பாபர் அசாம், விராட் கோலி மற்றும் ஒன்பது மரத்துண்டுகளை என்னிடம் கொடுங்கள். நான் உங்களுக்கு உலக கோப்பையை வெல்வேன் என டுவிட்டரில் பதிவிட்டுள்ளார். 

மும்பை:

ஐ.பி.எல். கிரிக்கெட்டின் 16-வது லீக் ஆட்டத்தில் குஜராத் டைட்டன்ஸ், பஞ்சாப் கிங்ஸ் அணிகள் மோதின. டாஸ் வென்ற குஜராத் அணி பந்து வீச்சை தேர்வு செய்தது.

அதன்படி, முதலில் பேட் செய்த பஞ்சாப் நிர்ணயிக்கப்பட்ட 20 ஓவரில் 9 விக்கெட் இழப்புக்கு 189 ரன்கள் எடுத்தது. அதிரடியாக விளையாடி அரை சதம் அடித்த லிவிங்ஸ்டன் 27 பந்துகளில் 64 ரன்கள் எடுத்து ஆட்டமிழந்தார். ஷிகர் தவான் 35 ரன்கள் எடுத்தார்.

அடுத்து ஜிதேஷ் சர்மா அதிரடியாக விளையாடி 11 பந்துகளில் 23 ரன்கள் எடுத்து அவுட் ஆனார்.

குஜராத் சார்பில் ரஷித் கான் 3 விக்கெட்டும், நல்கண்டே 2 விக்கெட்டும் கைப்பற்றினர்.

இதையடுத்து, 190 ரன்கள் எடுத்தால் வெற்றி என்ற இலக்குடன் குஜராத் களமிறங்கியது. தொடக்க ஆட்டக்காரர் மேத்யூ வேட் 7 ரன்னில் அவுட்டானார்.

மற்றொரு தொடக்க ஆட்டக்காரர் ஷுப்மான் கில் பஞ்சாப் பந்து வீச்சை நாலாபுறமும் பறக்கவிட்டார். சிக்சர், பவுண்டரிகளாக விளாசினார்.

சாய் சுதர்சனுடன் சேர்ந்து 2வது விக்கெட்டுக்கு 101 ரன்கள் சேர்த்தார் ஷுப்மான் கில். ஷுப்மான் கில் 59 பந்துகளில் ஒரு சிக்சர், 11 பவுண்டரி உள்பட 96 ரன்கள் எடுத்து வெளியேறினார். பாண்ட்யா 28 ரன்னில் அவுட்டானார்.

இறுதியில், குஜராத் அணி 4 விக்கெட் இழப்புக்கு 190 ரன்களை எடுத்து திரில் வெற்றி பெற்றது. குஜராத் அணி பெறும் 3வது வெற்றி இதுவாகும்.

ஐபிஎல் கிரிக்கெட்டின் 16-வது லீக் ஆட்டத்தில் டாஸ் வென்ற குஜராத் அணி பந்து வீச்சை தேர்வு செய்தது. இதனையடுத்து குஜராத் அணி களமிறங்கியது.

பஞ்சாப் கேப்டன் வழங்கம் போல உடனே (5)பெவிலியன் திரும்பினார். அடுத்த புதிதாக பஞ்சாப் அணிக்கு பேர்ஸ்டோவ் களமிறங்கினார். அவரும் ஜொலிக்கவில்லை 8 ரன்னில் அவுட் ஆனார். அடுத்ததாக தொடக்க ஆட்டக்காரர் தவான் உடன் லிவிங்ஸ்டன் ஜோடி சேர்ந்து சிறப்பான ஆட்டத்தை வெளிப்படுத்தினர்.

35 ரன்கள் எடுத்த நிலையில் தவான் வெளியேறினார். ஒரு பக்கம் லிவிங்ஸ்டன் அதிரடியாக விளையாடி அரை சதம் அடித்தார். 27 பந்துகளில் 64 ரன்கள் எடுத்த அவர் ரஷித்கான் பந்தில் அவுட் ஆனார். அடுத்ததாக வந்த சர்மா அதிரடியாக விளையாடி 11 பந்துகளில் 23 ரன்கள் எடுத்து அவுட் ஆனார். இதில் 2 சிக்சர் அடங்கும்.

தொடர்ந்து விளையாடிய பஞ்சாப் அணி 20 ஓவர் முடிவில் 9 விக்கெட்டுகளை இழந்து 189 ரன்கள் எடுத்தது. இதனால் குஜராத் அணி 190 ரன்கள் எடுத்தால் வெற்றி என்ற இலக்குடன் களமிறங்கும். குஜராத் அணி தரப்பில் ரஷித்கான் 3 விக்கெட்டுகளை கைப்பற்றினார்.

ஐபிஎல் கிரிக்கெட்டில் 16-வது ஆட்டத்தில் கிங்ஸ் லெவன் பஞ்சாப் அணியும் குஜராத் டைட்டன்ஸ் அணியும் இன்று மோதுகின்றனர். இதில் டாஸ் வென்ற அணி பந்து வீச்சை தேர்வு செய்தது.

பஞ்சாப் அணியில் ராஜபக்‌ஷேவுக்கு பதிலாக பேர்ஸ்ரோவ் இணைந்துள்ளார். குஜராத் அணியில் 2 மாற்றங்கள் செய்யப்பட்டுள்ளது. 

பஞ்சாப் அணி

மயங்க் அகர்வால் (கேப்டன்), ஷிகர் தவான், ஜானி பார்ஸ்டோவ் (கீப்பர்), லியாம் லிவிங்ஸ்டோன், ஷாருக் கான், ஜிதேஷ் சர்மா, ஒடியன் ஸ்மித், அர்ஷ்தீப் சிங், காகிசோ ரபாடா, ராகுல் சாஹர், வைபவ் அரோரா.

குஜராத் அணி

1.ஹர்திக் பாண்ட்யா 2. ராகுல் திவேதியா 3. ரஷீத்கான் 4. முகமது ‌ஷமி 5.பெர்குசன் 6.டேவிட் மில்லர் 7.மேத்யூ வேட் 8. சுப்மன்கில் 9. சாய் சுதர்சன் 10. அபிநவ் மனோகர் 11. தர்ஷன் நல்கண்டே

மும்பை:

15-வது ஐ.பி.எல். கிரிக்கெட் 20 ஓவர் போட்டி தொடர் கடந்த மாதம் 26-ந் தேதி தொடங்கி நடந்து வருகிறது. ரசிகர்கள் மத்தியில் பெறும் வரவேற்பை பெற்று இருக்கும் ஐ.பி.எல். போட்டியை ஒவ்வொரு ஆண்டும் ஆவலுடன் எதிர்நோக்கி இருப்பார்கள். ஆனால் இந்த ஆண்டுக்கான ஐ.பி.எல். சீசனில் பார்வையாளர்கள் எண்ணிக்கை குறைந்து இருக்கிறது.

ஐ.பி.எல். போட்டியின் தொடக்க வாரத்தில் டி.வி. ரேட்டிங் 33 சதவீதம் வீழ்ச்சியை கண்டுள்ளது. இப்போட்டி தொடரின் முதல் 8 போட்டிகளில் டி.வி. ரேட்டிங் 2.52 ஆக இருந்தது. கடந்த சீசனில் முதல் 8 போட்டிக்கான டி.வி.ரேட்டிங் 3.75 ஆக இருந்தது. முதல் வாரத்தின் ஒட்டுமொத்த பார்வையாளர்கள் எண்ணிக்கை கடந்த சீசனில் 26 கோடியாக இருந்தது. ஆனால் இந்த சீசனில் முதல் வாரத்தில் பார்வையாளர் எண்ணிக்கை 22.9 கோடியாக இருந்தது. இது கடந்த சீசனைவிட 14 சதவீதம் குறைவாகும்.

கொரோனா காலத்துக்கு முன்பு (2019-ம் ஆண்டு) பார்வையாளர்கள் எண்ணிக்கை 26.8 கோடியாகவும் டி.வி. ரேட்டிங் 3.85 ஆகவும் இருந்தது. இது ஒளிபரப்பு பார்வையாளர் ஆராய்ச்சி கவுன்சிலிடம் இருந்து பெறப்பட்ட தரவுகளின்படி தெரிவிக்கப்பட்டுள்ளது.

இந்த சீசனில் சென்னை சூப்பர் கிங்ஸ் மற்றும் கொல்கத்தா நைட் ரைடர்ஸ் இடையேயான தொடர்ந்த போட்டி மற்றும் பஞ்சாப்- பெங்களூரு அணி ஞாயிறு மாலை போட்டி ஆகிய இரண்டு போட்டிகள் மட்டுமே தலா 10 கோடிக்கு அதிகமான பயனர்களை பெற்று இருந்தது. இந்த அளவு கடந்த சீசனில் தொடக்க வாரத்தில் 4 போட்டிகளிலும் 2019-ம் ஆண்டில் முதல் 8 போட்டிகளில் ஏழு ஆட்டங்களிலும் இருந்தது.

2022-ம் ஆண்டில் கொரோனா பாதிப்பு ஊடரங்கால் கிட்டத்தட்ட அனைத்து போட்டிகளும் 10 கோடி பயனர்களை எட்டி இருந்தது. இதுவரை 2022-ம் ஆண்டு ஐ.பி.எல். போட்டியின் பார்வையாளர் எண்ணிக்கைகள் குறைவாக இருக்கிறது.

வரும் நாட்களில் போட்டி தொடர் சூடுபிடித்துள்ள பார்வையாளர் எண்ணிக்கை அதிகரிக்கும் என்று எதிர்பார்க்கப்படுகிறது.

சன்சியோன்:

கொரியா ஓபன் சர்வதேச பேட்மிண்டன் போட்டி சன்சியோன் நகரில் நடந்து வருகிறது. பெண்கள் ஒற்றையர் பிரிவில் இன்று காலை கால் இறுதி ஆட்டங்கள் நடந்தது. இதன் கால் இறுதி ஆட்டம் ஒன்றில் 7-ம் நிலை வீராங்கனையான இந்தியாவின் பி.வி.சிந்து- தாய்லாந்து வீராங்கனை பூசனன் ஓங்பாம்ருங்பான் மோதினர். முதல் செட்டை பி.வி.சிந்து 21-10 என்ற புள்ளி கணக்கில் எளிதாக கைப்பற்றினார். 2-வது செட்டிலும் பி.வி.சிந்து கையே ஓங்கியது. அந்த செட்டை அவர் 21-16 என்ற கணக்கில் தனதாக்கினார். இதன் மூலம் 21-10, 21-16 என்ற நேர் செட் கணக்கில் பி.வி.சிந்து அரை இறுதிக்கு முன்னேறினார்.

ஆண்கள் ஒற்றையர் பிரிவில் இன்று காலை நடந்த கால் இறுதி ஆட்டம் ஒன்றில் இந்தியாவின் ஸ்ரீகாந்த்-கொரிய வீரர் வான்ஹோ மோதினார். இதில் ஸ்ரீகாந்த் 21-12, 18-21, 21-12 என்ற செட் கணக்கில் வெற்றி பெற்று அரை இறுதிக்கு தகுதி பெற்றார்.

இதையும் படியுங்கள்...இந்தியாவுக்கும் பிரதமர் மோடிக்கும் நன்றி உள்ளவர்களாக இருப்போம் - கிரிக்கெட் வீரர் ஜெயசூர்யா

இதையும் படியுங்கள்...ஐசிசியின் ஆல் டைம் ஒருநாள் போட்டி தரவரிசை : 15வது இடத்திற்கு பாபர் அசாம் முன்னேற்றம்

சென்னை:

லக்னோ அணிக்கு எதிரான நேற்றைய ஆட்டத்தில் மெதுவாக பந்துவீசியதால் டெல்லி கேப்டன் ரி‌ஷப்பண்டுக்கு ரூ.12 லட்சம் அபராதம் விதிக்கப்பட்டுள்ளது. 

இது தொடர்பாக வெளியிட்ட அறிவிப்பில் லக்னோவுக்கு எதிரான போட்டியில் டெல்லி அணி மெதுவாக ஓவர் வீதத்தை பராமரிக்காததால் அபராதம் விதிக்கப்பட்டுள்ளது. 

ஐ.பி.எல். நடத்தை விதிகளின்படி இந்த சீசனில் டெல்லி அணியின் முதல் தவறாக இருப்பதால் கேப்டன் ரி‌ஷப்பண்டுக்கு ரூ.12 லட்சம் அபராதம் விதிக்கப்பட்டது என்று தெரிவிக்கப்பட்டுள்ளது.

லாகூர்: