புதுச்சேரி

புதுச்சேரி:

புதுச்சேரியில் புதிதாக 97 பேருக்கு தொற்று இருப்பது உறுதி செய்யப்பட்டது. கொரோனாவுக்கு மூதாட்டி ஒருவர் உயிரிழந்தார். இதனால் கொரோனா தொற்றால் பாதித்தோர் எண்ணிக்கை 2,513 ஆகவும், பலி எண்ணிக்கை 35 ஆகவும் உயர்ந்துள்ளது.

புதுவை மாநிலத்தில் நேற்று 647 பேருக்கு மருத்துவ பரிசோதனை செய்யப்பட்டது. இதில் புதுச்சேரியில் 95 பேர், காரைக்கால், மாகியில் தலா ஒருவர் என மொத்தம் 97 பேருக்கு தொற்று உறுதி செய்யப்பட்டது. இதுவரை மொத்தம் 2,513 பேர் பாதிக்கப்பட்டுள்ளனர்.

நேற்று கதிர்காமம் மருத்துவக் கல்லூரி மருத்துவமனையில் 47 பேர், ஜிப்மரில் 20 பேர், கொரோனா கேர் சென்டரில் 15 பேர், காரைக்காலில் ஒருவர் என மொத்தம் 83 பேர் குணமடைந்து வீடு திரும்பினர். மாநிலத்தில் இதுவரை 33,658 பேருக்கு பரிசோதனை செய்யப்பட்டது. 312 பேரின் பரிசோதனை முடிவுகள் காத்திருப்பில் உள்ளன.

இந்நிலையில் கதிர்காமம் தொகுதி என்.ஆர்.காங்கிரஸ் எம்.எல்.ஏ. ஜெயபாலுக்கு கொரோனா உறுதி செய்யப்பட்டுள்ளது. அவர் இந்திராகாந்தி அரசு மருத்துவக்கல்லூரி மருத்துவமனையில் சிகிச்சைக்காக அனுமதிக்கப்பட்டுள்ளார்.

புதுச்சேரி சட்டசபை கூட்டத்தொடரில் 3 நாட்கள் பேரவை நிகழ்வுகளில் ஜெயபால் கலந்துகொண்டுள்ளார்.

ஒரு எம்எல்ஏவுக்கு கொரோனா உறுதியானதால் புதுச்சேரி பேரவை கூட்டம் இன்று நடக்குமா என்பது கேள்விக்குறியாகி உள்ளது.

புதுச்சேரி:

வில்லியனூரில் புதுச்சேரி - விழுப்புரம் புறவழிச்சாலையின் நடுவே உள்ள எம்.ஜி.ஆர். சிலைக்கு நேற்று மதியம் காவி துண்டு அணிவிக்கப்பட்ட சம்பவத்தால் அப்பகுதியில் பெரும் பரபரப்பு ஏற்பட்டது.

இந்த சம்பவம் குறித்து போலீசார் தொடர்ந்து விசாரித்து வருகின்றனர்.

எம்.ஜி.ஆர். சிலைக்கு காவி துண்டு அணிவிக்கப்பட்ட சம்பவத்திற்கு முதலமைச்சர் எடப்பாடி பழனிசாமி கடும் கண்டனம் தெரிவித்துள்ளார்.

எம்.ஜி.ஆர். சிலையை அவமதித்தவர்கள் மீது புதுச்சேரி முதலமைச்சர் நாராயணசாமி கடும் நடவடிக்கை எடுக்க வேண்டும் என்றும் தமிழக முதலமைச்சர் எடப்பாடி பழனிசாமி தெரிவித்து இருந்தார்.

இந்நிலையில் புதுச்சேரியில் எம்.ஜி.ஆர். சிலைக்கு காவி துண்டு அணிவிக்கப்பட்டதை கண்டித்து எதிர்க்கட்சிகள் போராட்டம் நடத்தினர்.

இதையடுத்து புதுச்சேரி முதலமைச்சர் நாராயணசாமி கூறியதாவது:

புதுச்சேரியில் எம்ஜிஆர் சிலை அவமதிக்கப்பட்டது தொடர்பாக பாரபட்சமற்ற விசாரணை நடத்தப்படும். யார் தவறு செய்திருந்தாலும் கடும் நடவடிக்கை எடுக்கப்படும் என்றும் அவர்  எச்சரிக்கை விடுத்துள்ளார்.

திருக்கனூர்:

புதுவை மாநிலம் திருக்கனூர் அருகே கொ.மணவெளியில் வீரன் கோவில் உள்ளது. கடந்த சில நாட்களுக்கு முன் இங்குள்ள புளியமரத்தின் அடியில் 70 வயது மதிக்கத்தக்க மூதாட்டி ஒருவர் அதரவற்ற நிலையில் கிடந்தார். அவர் உணவு எதுவும் சாப்பிடாததால் மிகவும் சோர்வாக, சுயநினைவின்றி காணப்பட்டார்.

இதைப்பார்த்த கிராம மக்கள், மூதாட்டி மீது பரிதாபப்பட்டு உணவு மற்றும் குடிநீர் கொடுத்து மனித நேயத்துடன் கவனித்து வந்தனர்.

இந்த நிலையில் நேற்று காலை அந்த மூதாட்டி சுயநினைவுக்கு திரும்பினார். அவரிடம், நீங்கள் யார்? எங்கிருந்து வந்தீர்கள்? என்று கிராம மக்கள் கேட்டனர். அதற்கு, அந்த மூதாட்டி, தான், முருங்கப்பாக்கம் திரவுபதி அம்மன் கோவில் வீதியை சேர்ந்த அர்ச்சுனன் என்பவரின் மனைவி சின்னப்பொண்ணு என்றும், 2 மகன்கள், 5 மகள்கள் என 7 பிள்ளைகள் உள்ளனர். மகன்களின் பராமரிப்பில் இருந்து வந்தேன். இந்த இடத்துக்கு எப்படி வந்தேன் என்பது தெரியவில்லை என்றார்.

வயது முதிர்வு காரணமாக மூதாட்டியை பராமரிக்க முடியாமல் அவருடைய குடும்பத்தினர் இரவோடு இரவாக சாலையோரம் விட்டுச்சென்றார்களா? அல்லது உறவினர் வீட்டுக்குச் செல்லும் வழியில் மூதாட்டி வழிதவறி இங்கு வந்தாரா? என்பது தெரியவில்லை. அவருடைய குடும்பத்தினர், உறவினர்களை அடையாளம் கண்டு, அவர்களுடன் மூதாட்டியை சேர்த்து வைக்க போலீசார், சமூக நல அமைப்பினர் நடவடிக்கை எடுக்கவேண்டும் என்று கிராம மக்கள் கோரிக்கை விடுத்துள்ளனர்.

ஆதரவற்ற நிலையில் கிடந்த மூதாட்டியை உணவு கொடுத்து கிராம மக்கள் பராமரித்ததன் மூலம் மனிதநேயம் இன்னும் மரித்துப்போகவில்லை என்பதைத் தான் உணர்த்தியது.

புதுச்சேரி:

புதுச்சேரி வில்லியனூர் விழுப்புரம் சாலையில் அமைக்கப்பட்டுள்ளது முன்னாள் முதலமைச்சர் எம்.ஜி.ஆர். சிலை.  இந்நிலையில் அடையாளம் தெரியாத நபர் சிலர் எம்.ஜி.ஆர். சிலை மீது காவித் துண்டு போர்த்தப்பட்டதால் அந்த இடத்தில் பரபரப்பு ஏற்பட்டது.

இதனையடுத்து அதிமுக-வை சேர்ந்த தொண்டர்கள் அந்த இடத்தில் முற்றுகையிட்டனர்.   மேலும் எம்.ஜி.ஆர். சிலை மீது காவித் துண்டு போர்த்தப்பட்டதற்கு எதிர்ப்பு தெரிவித்து அதிமுக எம்.எல்.ஏக்கள் சிலர் போராட்டத்தில் ஈடுபட்டனர்.  இச்சம்பவத்தை முன்னிட்டு பாதுகாப்புக்காக காவல்துறையின் அங்கு குவிக்கப்பட்டனர்.  

இந்நிலையில் அதிகாரிகள் அதிமுக எம்.எல்.ஏக்களிடம் பேச்சுவார்த்தை நடத்தினர். இச்சம்பவம் தொடர்பாக விசாரணை மேற்கொள்ளப்படும் என தெரிவித்ததை அடுத்து அங்கிருந்த அதிமுகவை சேர்ந்த தொண்டர்கள் எம்.ஜி.ஆர். சிலை மீது இருந்த காவித் துண்டை அகற்றி மாலை அணிவித்து மரியாதை செய்தனர்.

இச்சம்பவம் தொடர்பாக அந்த இடத்தில் சிறிது நேரம் பரபரப்பு ஏற்பட்டது.

புதுச்சேரி:

உலக நாடுகளை அச்சுறுத்தி வரும் கொரோனாவால் பாதிக்கப்படுவர்களின் எண்ணிக்கை நாளுக்கு நாள் அதிகரித்த வண்ணம் உள்ளது. இந்தியாவில் கடந்த 24 மணி நேரத்தில் 45,720 பேர் கொரோனா தொற்றால் பாதிக்கப்பட்டுள்ள நிலையில், 1,129 பேர் உயிரிழந்துள்ளனர்.  

மகாராஷ்டிராவில் 3,37,607 பேரும், தமிழகத்தில் 1,86,492 பேரும், உத்தரபிரதேசத்தில் 55,588 பேரும், தெலுங்கானாவில் 49,259 பேரும், ராஜஸ்தானில் 32,334 பேரும், கர்நாடகாவில் 75,833 பேரும், குஜராத்தில் 51,399 பேரும், டெல்லியில் 1,26,323 பேரும் பாதிக்கப்பட்டுள்ளனர்.

புதுச்சேரியில் இன்று ஒரே நாளில் 123 பேருக்கு கொரோனா தொற்று உறுதி செய்யப்பட்டதால் பாதிக்கப்பட்டவர்களின் எண்ணிக்கை 2,420ஆக உயர்ந்துள்ளது.  கொரோனா தொற்று காரணமாக புதுச்சேரியில் இதுவரை 34 பேர் உயிரிழந்துள்ளனர்.

இந்நிலையில் புதுச்சேரியில் கொரோனா பாதிப்பால் உயிரிழந்தவர்களின்  அனைத்து குடும்பத்திற்கும் ரூ.1 லட்சம் நிவாரணம் வழங்கப்படும் என முதல்-அமைச்சர் நாராயணசாமி தெரிவித்துள்ளார்.   மேலும் கொரோனா நிவாரண நிதியாக பொதுநிவாரண நிதிக்கு ரூ.9.16 கோடி வந்துள்ளதாகவும் அம்மாநில முதல்வர்  நாராயணசாமி கூறியுள்ளார்.

மேலும் கொரோனா தொற்றால் கட்டுப்படுத்தப்பட்ட பகுதிகளில் உள்ள இல்லங்கள் அனைத்துக்கும் 700 ரூபாய் மதிப்புள்ள அத்தியாவசியப் பொருட்கள் வழங்கப்படும் என்றும் முதல்-அமைச்சர் நாராயணசாமி தெரிவித்துள்ளார். 

புதுச்சேரி:

புதுச்சேரி மாவட்ட கலெக்டர் அருண் வெளியிட்டுள்ள செய்தி குறிப்பில் கூறியிருப்பதாவது:-

புதுச்சேரியில் கொரோனா தொற்றால் பாதிக்கப்பட்ட நபர்கள் வசித்து வந்த பகுதிகள் கட்டுப்பாட்டு மண்டலமாக அறிவிக்கப்படுகிறது. அதன்படி 1.பெரியகாலாப்பட்டு பெருமாள் கோவில் வீதி, 2.லாஸ்பேட்டை மாகவீர் நகர், 3.பிச்ச வீரன்பேட் டாக்டர் ராதாகிருஷ்ணன் நகர் 9-வது குறுக்குத்தெரு, 4.மூலக்குளம் மோதிலால் நகர் 4-வது குறுக்குத்தெரு, 5.அரும்பார்த்தபுரம் வசந்தம் நகர் 2-வது குறுக்குத்தெரு, 6.ரெட்டியார்பாளையம் மோகன் நகர் கங்கையம்மன் கோவில் வீதி, 7.ஜவகர் நகர் 5-வது குறுக்குத்தெரு, 8.திலகர் நகர் முதன்மை சாலை, 9.மடுவுப்பேட் மாரியம்மன் கோவில் வீதி, 10.கொட்டுப்பாளையம் மாரியம்மன் கோவில் வீதி,

11.சாரம் கிருஷ்ணா நகர் 14-வது குறுக்குத்தெரு, 12.புதுசாரம் முதல் குறுக்குத்தெரு, 13.சின்னையன்பேட் ராகவேந்திரா நகர், 14.சாரம் அன்னைதெரசா நகர் சாமந்தி வீதி, 15.கோரிமேடு இந்திரா நகர் பாரதியார் வீதி, 16.திலாசுப்பேட்டை கவிக்கோவில் வீதி, 17.தட்டாஞ்சாவடி காமராஜ் நகர் வாணிதாசன் வீதி உள்ளிட்ட பகுதிகள் கட்டுப்பாட்டு மண்டலமாக அறிவிக்கப்படுகிறது.

இவ்வாறு அதில் அவர் தெரிவித்துள்ளார்.

புதுச்சேரி:

உலக நாடுகளை அச்சுறுத்தி வரும் கொரோனாவால் பாதிக்கப்படுவர்களின் எண்ணிக்கை நாளுக்கு நாள் அதிகரித்த வண்ணம் உள்ளது. இந்தியாவில் கடந்த 24 மணி நேரத்தில் 45,720 பேர் கொரோனா தொற்றால் பாதிக்கப்பட்டுள்ள நிலையில், 1,129 பேர் உயிரிழந்துள்ளனர்.  

மகாராஷ்டிராவில் 3,37,607 பேரும், தமிழகத்தில் 1,86,492 பேரும், உத்தர பிரதேசத்தில் 55,588 பேரும், தெலுங்கானாவில் 49,259 பேரும், ராஜஸ்தானில் 32,334 பேரும், கர்நாடகாவில் 75,833 பேரும், குஜராத்தில் 51,399 பேரும், டெல்லியில் 1,26,323 பேரும் பாதிக்கப்பட்டுள்ளனர்.

இந்நிலையில், புதுச்சேரியில் இன்று ஒரே நாளில் 123 பேருக்கு கொரோனா தொற்று உறுதி செய்யப்பட்டதால் பாதிக்கப்பட்டவர்களின் எண்ணிக்கை 2,420ஆக உயர்ந்துள்ளது.

புதுவை மின்துறையை தனியார்மயமாக்க மத்திய அரசு முடிவெடுத்து அறிவிப்பு வெளியிட்டது.  மின் வினியோகத்தை தனியார் மயமாக்கும் முடிவுக்கு எதிர்ப்பு தெரிவித்து, சட்டசபையில் தீர்மானம் நிறைவேற்றி மத்திய அரசுக்கு அனுப்ப வேண்டும் என போராட்டக்குழுவின் நிர்வாகிகள் கேட்டுக் கொண்டனர்.

புதுச்சேரியில் கொரோனா வைரஸ் பரவல் தொடர்ந்து அதிகரித்து வரும் நிலையில் 2020-21-ம் ஆண்டுக்கான பட்ஜெட் சில நாட்களுக்கு முன்பு சட்டசபையில் தாக்கல் செய்யப்பட்டது. கவர்னர் சட்டசபைக்கு வராத நிலையில் பட்ஜெட் தாக்கல் செய்ததில் எந்த விதிமீறலும் இல்லை என்று முதல் அமைச்சர் நாராயணசாமி கூறினார்.

இந்நிலையில், மின்சாரத்துறை அமைச்சர் கமலக்கண்ணன் வழியே சட்டசபையில் தீர்மானம் ஒன்று நிறைவேறியது.  அதில் மின்துறையை தனியார் மயம் ஆக்கப்போவது இல்லை என தெரிவிக்கப்பட்டது.  தீர்மானத்திற்கு, காங்கிரஸ் மற்றும் திமுக, அதிமுக உள்ளிட்ட கட்சிகள் ஆதரவளித்துள்ளதாக முதலமைச்சர் நாராயணசாமி தெரிவித்துள்ளார்.