இது புதுசு

 

பி.எம்.டபிள்யூ. நிறுவனம் புதிய கான்செப்ட் கார் மாடலை அறிமுகம் செய்து இருக்கிறது. இந்த கார் கான்செப்ட் எக்ஸ்.எம். என அழைக்கப்படுகிறது. புதிய எலெக்ட்ரிக் கான்செப்ட் எஸ்.யு.வி. அடுத்த ஆண்டு உற்பத்தி செய்யப்பட இருக்கிறது. இந்த கார் பிளக்-இன் ஹைப்ரிட் எலெக்ட்ரிக் வாகனமாக விற்பனைக்கு வர இருக்கிறது.

பி.எம்.டபிள்யூ. கான்செப்ட் எக்ஸ்.எம். மாடலில் வி8 என்ஜின் மற்றும் எலெக்ட்ரிக் மோட்டார்கள் உள்ளன. இவை இணைந்து 750 பி.ஹெச்.பி. திறன், 1000 நியூட்டன் மீட்டர் டார்க் இழுவிசையை வெளிப்படுத்துகின்றன. இதன் ஆல்-எலெக்ட்ரிக் ரேன்ஜ் அதிகபட்சம் 80 கிலோமீட்டர்கள் ஆகும். பி.எம்.டபிள்யூ. எம் வரலாற்றில் மிகவும் சக்திவாய்ந்த மாடல் இது ஆகும். 

பி.எம்.டபிள்யூ. கான்செப்ட் எக்ஸ்.எம். மாடலில் பெரிய கிட்னி கிரில்கள், மெல்லிய ஹெட்லேம்ப்கள், இன்ஸ்ட்ரூமெண்ட் பேனல், எல்.இ.டி. ஹெட்லைட்கள், 23 இன்ச் வீல்கள் உள்ளன. இதன் பின்புறம் நான்-மடங்கு எக்சாஸ்ட் டிப்கள் உள்ளன.

சுசுகி நிறுவனத்தின் புதிய எஸ் கிராஸ் மாடல் அறிமுகம் செய்யப்பட்டது. இந்த மாடல் மேம்பட்ட குளோபல் சி பிளாட்பார்மில் உருவாக்கப்பட்டு இருக்கிறது. இது முந்தைய மாடலை விட அதிகளவு எஸ்.யு.வி. போன்ற தோற்றம் கொண்டிருக்கிறது.

இந்த காரின் முன்புறம் கிளாஸ்-பிளாக் கிரில் மற்றும் எல்.இ.டி. ஹெட்லைட்கள் உள்ளன. இவை காரின் தோற்றத்தை பிரம்மாண்டமாக வெளிப்படுத்துகின்றன. பக்கவாட்டில் இந்த கார் முந்தைய மாடலை விட பெரிதாக காட்சியளிக்கிறது. பின்புறம் ராப்-அரவுண்ட் டெயில் லேம்ப்கள், இண்டகிரேட் செய்யப்பட்ட ரூப் ஸ்பாயிலர் உள்ளிட்டவை வழங்கப்பட்டு இருக்கிறது. 

புதிய சுசுகி எஸ் கிராஸ் மாடலில் 1.4 லிட்டர் டர்போசார்ஜ் செய்யப்பட்ட என்ஜின் மற்றும் மைல்டு-ஹைப்ரிட் தொழில்நுட்பம் வழங்கப்பட்டு இருக்கிறது. இந்த என்ஜின் 125.2 பி.ஹெச்.பி. திறன், 235 நியூட்டன் மீட்டர் டார்க் இழுவிசையை வெளிப்படுத்துகிறது. 

இந்த காரில் 360 டிகிரி சரவுண்ட்-வியூ கேமரா, 9 இன்ச் இன்போடெயின்மெண்ட் யூனிட், ஆப்பிள் கார்பிளே, ஆண்ட்ராய்டு ஆட்டோ, முன்புறம் ஹீட்டெட் சீட்கள், ஆட்டோமேடிக் கிளைமேட் கண்ட்ரோல் மற்றும் பல்வேறு இதர அம்சங்கள் உள்ளன. 

இத்துடன் அட்வான்ஸ்டு டிரைவர் அசிஸ்டன்ஸ் சிஸ்டம், டிரைவர் அசிஸ்டன்ஸ், அடாப்டிவ் குரூயிஸ் கண்ட்ரோல், லேன் கீப் அசிஸ்ட், கிராஸ்-டிராபிக் அலெர்ட், எமர்ஜென்சி ஆட்டோனோமஸ் பிரேக்கிங் போன்ற வசதிகள் வழங்கப்பட்டு இருக்கின்றன.

எம்ஜி மோட்டார் நிறுவனம் தனது ஆஸ்டர் மிட்-சைஸ் எஸ்.யு.வி. மாடல் விலையை அக்டோபர் 11 ஆம் தேதி அறிவித்தது. இந்த மாடலுக்கான முன்பதிவுகள் அக்டோபர் 21 ஆம் தேதி துவங்கியது. இந்த காரில் மிட்-சைஸ் எஸ்.யு.வி. பிரிவில் பல்வேறு முதல் முறை அம்சங்கள் வழங்கப்பட்டு இருக்கின்றன.

சர்வதேச சந்தையில் நிலவும் சிப் மற்றும் செமிகண்டக்டர்களுக்கான தட்டுப்பாடு காரணமாக எம்ஜி ஆஸ்டர் வினியோகம் ஏற்கனவே அறிவிக்கப்பட்டதை விட தாமதம் ஆகும் என எம்ஜி மோட்டார் இந்தியா மூத்த அதிகாரி கவுரவ் குப்தா தெரிவித்தார். 

இந்தியாவில் எம்ஜி ஆஸ்டர் ஸ்டைல் மற்றும் சூப்பர் வேரியண்ட்களுக்கு அமோக வரவேற்பு கிடைத்து இருக்கிறது. புதிய ஆஸ்டர் மாடல் வினியோகம் பற்றிய அப்டேட்களை மை எம்ஜி ஆப் அல்லது அருகாமையில் உள்ள விற்பனை மையங்களில் அறிந்து கொள்ளலாம். 

எம்ஜி மோட்டார் நிறுவனம் முதற்கட்டமாக 5 ஆயிரம் ஆஸ்டர் யூனிட்களை இந்த ஆண்டு இறுதிக்குள் வினியோகம் செய்ய திட்டமிட்டு இருந்தது. எனினும், இவை அடுத்த ஆண்டு தான் வினியோகம் செய்யப்படும் என தெரிகிறது.

ஹார்லி டேவிட்சன் இந்தியா நிறுவனம் புதிய ஸ்போர்ட்ஸ்டர் எஸ் மோட்டார்சைக்கிள் இந்தியாவில் அடுத்த மாதம் அறிமுகமாகும் என அறிவித்து இருக்கிறது. டிசம்பர் 4-5 தேதிகளில் நடைபெற இருக்கும் இந்தியா பைக் வார நிகழ்வில் புதிய ஹார்லி டேவிட்சன் மோட்டார்சைக்கிள் அறிமுகம் செய்யப்பட இருக்கிறது. 

ஏற்கனவே இந்த மோட்டார்சைக்கிள் மாடலுக்கான முன்பதிவு துவங்கி நடைபெற்று வருகிறது. புதிய ஸ்போர்ட்ஸ்டர் எஸ் மாடலில் ஆப்லங்-வடிவ ஹெட்லேம்ப், காம்பேக்ட் முன்புற பெண்டர், 11.8 லிட்டர் பியூவல் டேன்க், டால்-சீட் எக்சாஸ்ட்கள் உள்ளன.

இந்த என்ஜின் 119.3 பி.ஹெச்.பி. திறன், 127.4 நியூட்டன் மீட்டர் டார்க் இழுவிசையை வெளிப்படுத்துகிறது. இந்த மாடலில் ஐந்து ரைடிங் மோட்கள், கார்னெரிங் ஏ.பி.எஸ்., லீன்-சென்சிடிவ் டிராக்‌ஷன் கண்ட்ரோல் போன்ற அம்சங்கள் உள்ளன. 

 

தென் கொரிய கார் உற்பத்தியாளரான கியா இ.வி.9 கான்செப்ட் எஸ்.யு.வி. மாடலை 2021 எல்.ஏ. ஆட்டோ விழாவில் அறிமுகம் செய்தது. இது கியா நிறுவனத்தின் பிளாக்‌ஷிப் எலெக்ட்ரிக் எஸ்.யு.வி. மாடல் ஆகும். இந்த மாடல் இ.வி.9 பெயரிலேயே விற்பனைக்கு வர இருக்கிறது.

அளவில் புதிய இ.வி.9 கான்செப்ட் மாடல் 4928 எம்.எம். நீளமும், 2057 எம்.எம். அகலம், 1778 எம்.எம். உயரமாக இருக்கிறது. இந்த காரின் வீல்பேஸ் 3099 எம்.எம். அளவு ஆகும். இதில் வழங்கப்பட இருக்கும் பேட்டரி மற்றும் மோட்டார் விவரங்கள் மர்மமாகவே இருக்கிறது. 

எனினும் இ.வி.9 மாடலில் 350 கிலோவாட் பாஸ்ட் டி.சி. சார்ஜிங் வழங்கப்படுகிறது. இது காரை 10 முதல் 80 சதவீதம் வரை சார்ஜ் செய்ய 20 முதல் 30 நிமிடங்களை எடுத்துக் கொள்ளும். இந்த கார் முழு சார்ஜ் செய்தால் 483 கிலோமீட்டர் வரை செல்லும் திறன் கொண்டிருக்கிறது.

 

ஹூண்டாய் மோட்டார் கம்பெனி நிறுவனம் செவன் கான்செப்ட் மாடலை அறிமுகம் செய்தது. எல்.ஏ. ஆட்டோ விழாவில் அறிமுகமாகி இருக்கும் புது எலெக்ட்ரிக் கார் செவன் கான்செப்ட் என அழைக்கப்படுகிறது.

செவன் கான்செப்ட் ஹூண்டாய் மோட்டார் குழுமத்தின் எலெக்ட்ரிக் குளோபல் மாட்யூலர் பிளாட்பார்மில் உருவாகி இருக்கிறது. இந்த மாடல் நீண்ட வீல்பேஸ் மற்றும் பிளாட் பிளாட்பார்ம் கொண்டிருக்கிறது. இது பயனர்களுக்கு முற்றிலும் புது அனுபவத்தை வழங்குகிறது.

புதிய ஹூண்டாய் செவன் மாடல் 350 கிலோவாட் சார்ஜர் உடன் வரும் என தெரிகிறது. இந்த சார்ஜர் காரை 10 முதல் 80 சதவீதம் வரை சார்ஜ் செய்ய 20 நிமிடங்களையே எடுத்துக் கொள்கிறது. இந்த கான்செப்ட் மாடல் முழு சார்ஜ் செய்தால் 483 கிலோமீட்டர் வரை செல்லும்.

யமஹா நிறுவனத்தின் வை.இசட்.எப். ஆர்15எஸ் வி3 மோட்டார்சைக்கிள் இந்திய சந்தையில் அறிமுகம் செய்யப்பட்டது. இந்த மோட்டார்சைக்கிள் யுனிபாடி சீட் கொண்டிருக்கிறது. புதிய மாடல் யமஹா ஆர்15 வி4 மோட்டார்சைக்கிளுடன் சேர்ந்து நாட்டின் முன்னணி விற்பனை மையங்களில் விற்பனைக்கு கிடைக்கிறது.

இந்தியாவில் புதிய யமஹா ஆர்15எஸ் வி3 யுனிபாடி சீட் கொண்ட மாடல் விலை ரூ. 1,57,600 (எக்ஸ்-ஷோரூம்) என நிர்ணயம் செய்யப்பட்டு உள்ளது. இந்த மோட்டார்சைக்கிள் ரேசிங் புளூ நிறத்தில் கிடைக்கிறது. ஆர்15எஸ் வி3 மாடலில் 155சிசி, 4 ஸ்டிரோக், லிக்விட் கூல்டு, 4 வால்வுகள் கொண்ட என்ஜின் வழங்கப்பட்டு இருக்கிறது.

இந்த என்ஜின் 18.6 பி.எஸ். திறன், 14.1 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது. இந்த மாடலில் மல்டி-பன்ஷன் எல்.சி.டி. இன்ஸ்ட்ரூமெண்ட் கிளஸ்டர், டூயல் சேனல் ஏ.பி.எஸ்., அசிஸ்ட் மற்றும் ஸ்லிப்பர் கிளட்ச், சைடு ஸ்டாண்டு என்ஜின் கட்-ஆப் போன்ற அம்சங்கள் உள்ளன.

மெர்சிடிஸ் பென்ஸ் நிறுவனம் புத்தம் புதிய ஏ45 எஸ் ஏ.எம்.ஜி. மாடலை இந்த வாரம் இந்திய சந்தையில் அறிமுகம் செய்யும் பணிகளில் ஈடுபட்டு வருகிறது. இந்த நிலையில், புது காருக்கான டீசரை மெர்சிடிஸ் பென்ஸ் வெளியிட்டு உள்ளது. 

டீசரில் 2021 மெர்சிடிஸ் ஏ.எம்.ஜி. ஏ45 எஸ் மாடலின் வெளிப்புற தோற்றத்தில் அதிக மாற்றங்கள் இருக்காது என தெரியவந்துள்ளது. இந்த கார் சி.பி.யு. முறையில் இந்தியா கொண்டுவரப்பட இருக்கிறது. புதிய ஏ.எம்.ஜி. மாடலில் எல்.இ.டி. டி.ஆர்.எல்.கள், அகலமான ஏர் இன்டேக், 19 இன்ச் அலாய் வீல்கள், புதிய எல்.இ.டி. டெயில் லைட்கள் உள்ளன. 

புதிய மெர்சிடிஸ் ஏ.எம்.ஜி. ஏ45 எஸ் மாடலில் 2 லிட்டர், 4 சிலிண்டர், டர்போ பெட்ரோல் என்ஜின் வழங்கப்படுகிறது. இந்த என்ஜின் 416 பி.ஹெச்.பி. திறன், 500 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 8 ஸ்பீடு டூயல் கிளட்ச் ஆட்டோமேடிக் டிரான்ஸ்மிஷன் வழங்கப்படுகிறது.

இந்த கார் மணிக்கு 100 கிலோமீட்டர் வேகத்தை 3.9 நொடிகளில் எட்டிவிடும். மேலும் இது மணிக்கு அதிகபட்சம் 270 கிலோமீட்டர் வேகத்தில் செல்லும் திறன் கொண்டுள்ளது.

 

ஓலா எலெக்ட்ரிக் நிறுவனம் எலெக்ட்ரிக் மோட்டார்சைக்கிள் மற்றும் குறைந்த விலை எலெக்ட்ரிக் ஸ்கூட்டர் மாடல்களை அடுத்த ஆண்டு முதல் உருவாக்க இருப்பதாக அந்நிறுவன தலைமை செயல் அதிகாரி பாவிஷ் அகர்வால் தெரிவித்து இருக்கிறார். 

முன்னதாக எலெக்ட்ரிக் ஸ்கூட்டர் மட்டுமின்றி எலெக்ட்ரிக் மோட்டார்சைக்கிள் மற்றும் எலெக்ட்ரிக் கார் மாடல்களையும் உருவாக்க இருப்பதாக அகர்வால் தனது வலைப்பக்கத்தில் குறிப்பிட்டு இருந்தார். தற்போது எலெக்ட்ரிக் பைக் மற்றும் குறைந்த விலை எலெக்ட்ரிக் ஸ்கூட்டர் பற்றி தனது அதிகாரப்பூர்வ ட்விட்டர் பக்கத்தில் பதில் அளித்துள்ளார். 

ஆகஸ்ட் மாதம் இந்தியாவில் அறிமுகம் செய்யப்பட்ட ஓலா எஸ்1 மற்றும் எஸ்1 ப்ரோ எலெக்ட்ரிக் ஸ்கூட்டர்கள் சமீபத்தில் டெல்லி, பெங்களூரு, கொல்கத்தா மற்றும் ஆமதாபாத் போன்ற நகரங்களில் டெஸ்ட் ரைடு செய்யப்படுகின்றன. ஏற்கனவே ஸ்கூட்டரை வாங்க முன்பதிவு செய்தவர்களுக்கு எலெக்ட்ரிக் ஸ்கூட்டர் டெஸ்ட் ரைடு செய்ய வழங்கப்படுகிறது.

ஆடி நிறுவனம் 2019 மற்றும் 2020 இ டிரான் மாடல்களுக்கு மென்பொருள் அப்டேட் வெளியிட்டு வருகிறது. இலவசமாக வழங்கப்படும் அப்டேட் இ டிரான் மாடலில் முன்பை விட 20 கிலோமீட்டர்கள் அதிக ரேன்ஜ் வழங்குகிறது.

மென்பொருள் மூலம் வெளியிடப்படும் அப்டேட் செப்டம்பர் 2018 முதல் நவம்பர் 2019 வரையிலான காலக்கட்டத்தில் உற்பத்தி செய்யப்பட்ட அனைத்து இ டிரான் மாடல்களுக்கும் வழங்கப்படுகிறது. அருகாமையில் உள்ள ஆடி சர்வீஸ் மையங்களில் பயனர்கள் தங்களின் இ டிரான் மாடலை இலவசமாக புதிய மென்பொருளுக்கு அப்டேட் செய்து கொள்ளலாம்.

நீட்டிக்கப்பட்ட ரேன்ஜ் மட்டுமின்றி, புது மென்பொருள் அப்டேட் இ டிரான் காரின் முன்புற எலெக்ட்ரிக் மோட்டார் கண்ட்ரோலை மேம்படுத்துகிறது. இதன் காரணமாக தேவையான இடங்களில் முன்புற மோட்டாரை முழுமையாக ஸ்விட்ச் ஆப் செய்ய முடியும்.

ஜெர்மன் நாட்டு ஆட்டோ உற்பத்தியாளரான போர்ஷ் தனது முதல் எலெக்ட்ரிக் கார் மாடலை இந்திய சந்தையில் அறிமுகம் செய்ய இருக்கிறது. வெளியீட்டின் போது புதிய டேகேன் மாடல் இந்தியாவின் சக்திவாய்ந்த எலெக்ட்ரிக் கார் என்ற பெருமையை பெறும். 

முன்னதாக போர்ஷ் டேகேன் மாடல் இரண்டு ஆண்டுகளுக்கு முன் சர்வதேச சந்தையில் அறிமுகம் செய்யப்பட்டது. இந்த காரின் பெயர் துருக்கி மொழியில் இருந்து எடுக்கப்பட்டு இருக்கிறது. போர்ஷ் டேகேன் மாடல்- டேகேன், டேகேன் 4எஸ், டேகேன் டர்போ மற்றும் டேகேன் டர்போ எஸ் என நான்கு வேரியண்ட்களில் கிடைக்கிறது. இத்துடன் டேகேன் கிராஸ் டூரிஸ்மோ வேரியண்டிலும் கிடைக்கிறது. 

இந்த எலெக்ட்ரிக் கார் 402 பி.ஹெச்.பி. திறன், 344 நியூட்டன் மீட்டர் டார்க் இழுவிசையை வெளிப்படுத்தும். இந்த கார் முழு சார்ஜ் செய்தால் 431 கிலோமீட்டர் வரை செல்லும். இதன் பெர்பார்மன்ஸ் பேட்டரி பிளஸ் வேரியண்ட் முழு சார்ஜ் செய்தால் 484 கிலோமீட்டர் செல்லும்.

சீன நாட்டு நிறுவனமான பி.வை.டி. (பில்டு யுவர் டிரீம்ஸ்) நிறுவனம் இந்திய சந்தையில் இ6 எலெக்ட்ரிக் எம்.பி.வி. மாடலை அறிமுகம் செய்தது. இந்தியாவில் புதிய பி.வை.டி. இ6 விலை ரூ. 29.15 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது.

புதிய பி.வை.டி. இ6 மாடல் டெல்லி என்.சி.ஆர்., பெங்களூரு, ஐதராபாத், மும்பை, சென்னை, விஜய்வாடா, கொச்சி மற்றும் ஆமதாபாத் நகரங்களில் விற்பனைக்கு கிடைக்கிறது. எனினும், பி.வை.டி. மாடல் பி2பி பிரிவில் மட்டுமே வழங்கப்படுகிறது. இதனால் வாடகை கார் ஓட்டுவோர் மற்றும் கார்ப்பரேட் வாடிக்கையாளர்களுக்கு மட்டுமே விற்பனை செய்யப்படுகிறது.

பி.வை.டி. இ6 மாடலில் உள்ள எலெக்ட்ரிக் மோட்டார் 94 பி.ஹெச்.பி. திறன், 180 நியூட்டன் மீட்டர் டார்க் இழுவிசையை வெளிப்படுத்துகிறது. இந்த கார் மணிக்கு அதிகபட்சம் 130 கிலோமீட்டர் வேகத்தில் செல்லும் திறன் கொண்டிருக்கிறது. இந்த காரில் 71.6 கிலோவாட் ஹவர் பிளேட் லித்தியம் பெரோ பாஸ்பேட் பேட்டரி வழங்கப்பட்டு இருக்கிறது.

இந்த பேட்டரியை முழு சார்ஜ் செய்தால் 415 கிலோமீட்டர் வரை பயணிக்க முடியும். இத்துடன் பி.வை.டி. இ6 மாடலில் உள்ள சிட்டி ஒன்லி ரேன்ஜ் 520 கிலோமீட்டர் வரையிலான ரேன்ஜ் வழங்குகிறது. கோபால்ட் இல்லாத பேட்டரி என்பதால், இது மற்ற பேட்டரிகளை விட பாதுகாப்பானது ஆகும்.