search icon
என் மலர்tooltip icon

    நீங்கள் தேடியது "பி.எம்.டபிள்யூ."

    • இந்த காரில் ஏராளமான சென்சார்கள் வழங்கப்பட்டு இருக்கின்றன.
    • இந்த தொழில்நுட்பம் ஓட்டுனர்களுக்கு நிம்மதியை கொடுக்கும்.

    பி.எம்.டபிள்யூ. நிறுவனம் தனது 7 சீரிஸ் மாடல்களில் லெவல் 3 ஆட்டோனோமஸ் டிரைவிங் தொழில்நுட்பம் வழங்கப்பட இருப்பதாக தெரிவித்து இருக்கிறது. 2024 ஆண்டு முதல் விற்பனை செய்யப்படும் 7 சீரிஸ் மாடல்களில் இந்த தொழில்நுட்பம் வழங்கப்பட இருக்கிறது. இதன் மூலம் புதிய பி.எம்.டபிள்யூ. 7 சீரிஸ் மாடல்கள் அதிகபட்சம் மணிக்கு 96.5 கிலோமீட்டர் வேகத்தில் தானியங்கி முறையில் இயங்கும்.

    7 சீரிஸ் மட்டுமின்றி பி.எம்.டபிள்யூ. i7 எலெக்ட்ரிக் செடான் மாடல்களிலும் லெவல் 3 ஆட்டோனோமஸ் டிரைவிங் தொழில்நுட்பம் வழங்கப்படுகிறது. போக்குவரத்து நெரிசல் மிக்க பகுதிகள் மற்றும் நெடுஞ்சாலைகளில் பயணிக்கும் போது இந்த தொழில்நுட்பம் ஓட்டுனர்களுக்கு நிம்மதியை கொடுக்கும் என்று தெரிகிறது.

    தானியங்கி முறையில் செல்வதோடு, கார் விபத்தில் சிக்குவதை பெருமளவுக்கு தடுக்கவும் லெவல் 3 ஆட்டோனோமஸ் டிரைவிங் தொழில்நுட்பம் உதவும். இதற்காக இந்த காரில் ஏராளமான சென்சார்கள் வழங்கப்பட்டு இருக்கின்றன. இவை அதிக வெளிச்சம் நிறைந்த பகல் நேரங்கள் மட்டுமின்றி, இரவு நேரத்திலும் சீராக இயங்கும் என்று கூறப்படுகிறது.

    புதிய பி.எம்.டபிள்யூ. 7 சீரிஸ் மற்றும் i7 எலெக்ட்ரிக் செடான் மாடல்களில் அதிநவீன சென்சார்கள், ரேடார், 3D Lidar மற்றும் அல்ட்ராசோனிக் உள்ளிட்டவை வழங்கப்படுகிறது. இந்த சென்சார்கள் 2024 பி.எம்.டபிள்யூ. 7 சீரிஸ் மற்றும் i7 மாடல்களை அனைத்து விதமான வானிலைகளின் போதும் அருகில் உள்ள பொருட்களை துல்லியமாக கண்டறிய உதவும்.

    புதிய சென்சார்கள் வழங்கப்படுவதால், பி.எம்.டபிள்யூ. நிறுவனம் தனது 7 சீரிஸ் மற்றும் i7 செடான் மாடல்களில் குறிப்பிடத்தக்க மாற்றங்களை மேற்கொள்ள வேண்டியிருக்கும் என்று தெரிகிறது. 

    • புதிய X4 மாடலில் டூயல் டோன் தீம், 3-ஸ்போக் ஸ்டீரிங் வீல் உள்ளது.
    • 2023 பி.எம்.டபிள்யூ. X4 M40i மாடலில் 3.0 லிட்டர், 6 சிலிண்டர் டர்போ பெட்ரோல் என்ஜின் உள்ளது.

    பி.எம்.டபிள்யூ. நிறுவனம் தனது X4 M40i மாடலை இந்திய சந்தையில் அறிமுகம் செய்தது. புதிய பி.எம்.டபிள்யூ. X4 M40i மாடலின் விலை ரூ. 96 லட்சத்து 20 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

    இதன் மூலம் இந்திய சந்தையில் X4 மாடல் மீண்டும் களமிறங்கி இருக்கிறது. இதன் முந்தைய வெர்ஷன் விற்பனை கடந்த ஆண்டு நிறுத்தப்பட்டது குறிப்பிடத்தக்கது. இந்த காரில் இரட்டை L வடிவ எல்.இ.டி. டி.ஆர்.எல்.கள், எல்.இ.டி. ஹெட்லேம்ப்கள், கிளாஸி பிளாக் கிரில், ஸ்கிட் பிளேட், ORVM-கள், 20 இன்ச் அலாய் வீல், ராப்-அரவுண்ட் 2 பீஸ் எல்.இ.டி. டெயில் லைட்கள் வழங்கப்பட்டு உள்ளன.

     

    புதிய X4 மாடலில் டூயல் டோன் தீம், 3-ஸ்போக் ஸ்டீரிங் வீல், 12.3 இன்ச் அளவில் டிஜிட்டல் இன்ஸ்ட்ரூமென்ட் கிளஸ்டர், ஆம்பியன்ட் லைட்டிங், 12.3 இன்ச் அளவில் டச் ஸ்கிரீன் இன்ஃபோடெயின்மென்ட் சிஸ்டம், 3-ஜோன் கிளைமேட் கண்ட்ரோல், ரிக்லைனிங் ரியர் சீட்கள், பானரோமிக் சன்ரூஃப் உள்ளிட்டவை வழங்கப்பட்டு இருக்கிறது.

    2023 பி.எம்.டபிள்யூ. X4 M40i மாடலில் 3.0 லிட்டர், 6 சிலிண்டர்கள் கொண்ட டர்போ பெட்ரோல் என்ஜின் வழங்கப்பட்டு இருக்கிறது. இந்த என்ஜின் 382 ஹெச்.பி. பவர், 500 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 8 ஸ்பீடு ஆட்டோமேடிக் கியர்பாக்ஸ் வழங்கப்படுகிறது. இந்த கார் மணிக்கு 100 கிலோமீட்டர் வேகத்தை 4.9 நொடிகளில் எட்டிவிடும். இந்த கார் மணிக்கு அதிகபட்சம் 210 கிலோமீட்டர் வேகத்தில் செல்லும் வகையில் கட்டுப்படுத்தப்பட்டு இருக்கிறது.

    • பி.எம்.டபிள்யூ. 740d M ஸ்போர்ட் சென்னையில் உள்ள பி.எம்.டபிள்யூ. ஆலையில் உற்பத்தி செய்யப்படுகிறது.
    • பி.எம்.டபிள்யூ. 740d M ஸ்போர்ட் மாடலில் 3.0 லிட்டர், 6 சிலிண்டர்கள் கொண்ட டீசல் என்ஜின் உள்ளது.

    பி.எம்.டபிள்யூ. நிறுவனம் இந்திய சந்தையில் இரண்டு புதிய ஆடம்பர கார் மாடல்களை அறிமுகம் செய்து இருக்கிறது. புதிய மாடல்கள் M70 எக்ஸ் டிரைவ் மற்றும் 7 சீரிஸ் 740d M ஸ்போர்ட் என்று அழைக்கப்படுகின்றன.

    இதில் பி.எம்.டபிள்யூ. i7 M70 எக்ஸ்டிரைவ் மாடலில் முழுமையாக இலுமினேட் செய்யப்பட்ட முன்புற கிரில், செங்குத்தான ஸ்லாட்கள், ஸ்ப்லிட் எல்.இ.டி. ஹெட்லேம்ப் மற்றும் டி.ஆர்.எல்.கள், ஃபிளஷ் டோர் ஹேண்டில்கள், மெல்லிய எல்.இ.டி. டெயில் லேம்ப்கள், டூயல் டோன் பெயின்ட் ஃபினிஷ் செய்யப்பட்டு உள்ளது.

     

    இந்த காரில் டூயல்-மோட்டார் செட்டப் உள்ளது. இவற்றுடன் 101.7 கிலோவாட் ஹவர் பேட்டரி வழங்கப்பட்டு இருக்கிறது. இந்த கார் முழு சார்ஜ் செய்தால் அதிகபட்சம் 560 கிலோமீட்டர்கள் வரையிலான ரேன்ஜ் வழங்குகிறது. இதில் உள்ள மோட்டார்கள் ஒருங்கிணைந்து 657 ஹெச்.பி. வரையிலான பவர், 1100 நியூட்டன் மீட்டர் டார்க் இழுவிசையை வெளிப்படுத்துகிறது.

    புதிய பி.எம்.டபிள்யூ. கார் மணிக்கு 100 கிலோமீட்டர்கள் வேகத்தை 3.7 நொடிகளில் எட்டிவிடும். இந்த கார் மணிக்கு அதிகபட்சம் 250 கிலோமீட்டர் வேகத்தில் செல்லும் வகையில் கட்டுப்படுத்தப்பட்டு இருக்கிறது. பி.எம்.டபிள்யூ. i7 M70 எக்ஸ் டிரைவ் மாடலுடன் அறிமுகம் செய்யப்பட்டு இருக்கும் 740d M ஸ்போர்ட் மாடல் சென்னையில் உள்ள பி.எம்.டபிள்யூ. ஆலையிலேயே உற்பத்தி செய்யப்படுகிறது.

     

    பி.எம்.டபிள்யூ. 740d M ஸ்போர்ட் மாடலில் 3.0 லிட்டர், 6 சிலிண்டர்கள் கொண்ட டீசல் என்ஜின் வழங்கப்பட்டு இருக்கிறது. இந்த என்ஜின் 286 ஹெச்.பி. பவர், 650 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 48 வோல்ட் மைல்டு ஹைப்ரிட் சிஸ்டம் வழங்கப்பட்டு இருக்கிறது. இத்துடன் 8-ஸ்பீடு ஆட்டோமேடிக் டிரான்ஸ்மிஷன் வழங்கப்படுகிறது.

    விலை விவரங்கள்:

    பி.எம்.டபிள்யூ. i7 M70 எக்ஸ் டிரைவ் ரூ. 2 கோடியே 50 லட்சம்

    பி.எம்.டபிள்யூ. 7 சீரிஸ் 740d M ஸ்போர்ட் ரூ. 1 கோடியே 81 லட்சம்

    அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

    • பி.எம்.டபிள்யூ. iX1 மாடல் நான்கு நிறங்களில் கிடைக்கிறது.
    • பி.எம்.டபிள்யூ. iX1 100 கிலோமீட்டர் வேகத்தை 5.6 நொடிகளில் எட்டிவிடும்.

    பி.எம்.டபிள்யூ. இந்தியா நிறுவனம் தனது iX1 எலெக்ட்ரிக் எஸ்.யு.வி. மாடலை கடந்த செப்டம்பர் 28-ம் தேதி இந்திய சந்தையில் அறிமுகம் செய்தது. இந்த கார் ஒற்றை வேரியண்டில் கிடைக்கிறது. இதன் விலை ரூ. 66 லட்சத்து 90 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

    அதிகாரப்பூர்வ அறிமுகத்தை தொடர்ந்து, இதன் விற்பனை துவங்கியது. பி.எம்.டபிள்யூ. நிறுவனத்தின் எண்ட்ரி லெவல் எலெக்ட்ரிக் மாடலான iX1 விற்பனை துவங்கிய சில மணி நேரங்களில் விற்றுத் தீர்ந்தது. முழுமையாக உற்பத்தி செய்யப்பட்ட நிலையில், இந்தியாவுக்கு இறக்குமதி செய்யப்படும் பி.எம்.டபிள்யூ. iX1 இந்த ஆண்டுக்கான யூனிட்கள் முழுமையாக விற்றுத் தீர்ந்துள்ளது.

     

     

    இந்திய சந்தையில் புதிய பி.எம்.டபிள்யூ. iX1 மாடல்: ஆல்பைன் வைட், ஸ்பேஸ் சில்வர், பிளாக் சஃபையர் மற்றும் ஸ்டாம் பே என நான்கு நிறங்களில் கிடைக்கிறது. இத்துடன் 10.7 இன்ச் டச் ஸ்கிரீன் இன்ஃபோடெயின்மெண்ட் ஸ்கிரீன், 10.25 இன்ச் டிஜிட்டல் இன்ஸ்ட்ரூமெண்ட் கிளஸ்டர், M ஸ்போர்ட் லெதர் ஸ்டீரிங் வீல், புளூ ரிங் ஃபினிஷர் லோகோ வழங்கப்பட்டு இருக்கிறது.

    பி.எம்.டபிள்யூ. iX1 மாடலில் ஹார்மன் கார்டன் சரவுண்ட் சவுண்ட் சிஸ்டம், ஆக்டிவ் முன்புற இருக்கைகள், மசாஜ் வசதி, ஆம்பியண்ட் லைட் வழங்கப்பட்டு உள்ளது. இத்துடன் டூயல் ஜோன் ஆட்டோமேடிக் கிளைமேட் கண்ட்ரோல், பானரோமிக் சன்ரூஃப், பவர் டெயில்கேட் வழங்கப்பட்டு இருக்கிறது. இந்த எலெக்ட்ரிக் காரில் 66.4 கிலோவாட் ஹவர் பேட்டரி பேக் வழங்கப்பட்டு உள்ளது. இத்துடன் டூயல் மோட்டார்கள் உள்ளன.

    இவை 309 ஹெச்.பி. பவர், 494 நியூட்டன் மீட்டர் டார்க் இழுவிசையை வெளிப்படுத்துகின்றன. இந்த கார் முழு சார்ஜ் செய்தால் 440 கிலோமீட்டர்கள் வரையிலான ரேன்ஜ் வழங்கும் என்று சான்று பெற்று இருக்கிறது. இந்த கார் மணிக்கு 100 கிலோமீட்டர்கள் வேகத்தை 5.6 நொடிகளில் எட்டிவிடும். மேலும் மணிக்கு அதிகபட்சம் 180 கிலோமீட்டர்கள் வேகத்தில் செல்லும் திறன் கொண்டிருக்கிறது.

    • புதிய பி.எம்.டபிள்யூ. iX1 மாடல் நான்கு விதமான நிறங்களில் கிடைக்கிறது.
    • பி.எம்.டபிள்யூ. iX1 மாடலில் ஹார்மன் கார்டன் சரவுண்ட் சவுண்ட் சிஸ்டம் உள்ளது.

    பி.எம்.டபிள்யூ. இந்தியா நிறுவனம் தனது X1 எஸ்.யு.வி. மாடலின் எலெக்ட்ரிக் வெர்ஷனை இந்திய சந்தையில் அறிமுகம் செய்தது. புதிய எலெக்ட்ரிக் கார் iX1 என்று அழைக்கப்படுகிறது. இதன் விலை ரூ. 66 லட்சத்து 90 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. புதிய iX1 மாடல் இந்திய சந்தையில் பி.எம்.டபிள்யூ. நிறுவனத்தின் நான்காவது எலெக்ட்ரிக் கார் ஆகும்.

    இது முழுமையாக உற்பத்தி செய்யப்பட்ட நிலையில், இந்தியா கொண்டுவரப்படுகிறது. புதிய பி.எம்.டபிள்யூ. iX1 மாடலுக்கான முன்பதிவு பி.எம்.டபிள்யூ. ஆன்லைன் வலைதளத்தில் பிரத்யேகமாக நடைபெறுகிறது. வினியோகம் அக்டோபர் மாதம் துவங்குகிறது. டிசைனை பொருத்தவரை புதிய பி.எம்.டபிள்யூ. iX1 மாடலில் சதுரங்க வடிவம் கொண்ட கிட்னி கிரில், அடாப்டிவ் எல்.இ.டி. ஹெட்லேம்ப்கள், புளூ நிற அக்செண்ட்கள் உள்ளன.

     

    புதிய பி.எம்.டபிள்யூ. iX1 மாடல்: ஆல்பைன் வைட், ஸ்பேஸ் சில்வர், பிளாக் சஃபையர் மற்றும் ஸ்டாம் பே என நான்கு நிறங்களில் கிடைக்கிறது. இத்துடன் iX1 மாடலில் 10.7 இன்ச் டச் ஸ்கிரீன் இன்ஃபோடெயின்மெண்ட் ஸ்கிரீன், 10.25 இன்ச் டிஜிட்டல் இன்ஸ்ட்ரூமெண்ட் கிளஸ்டர், M ஸ்போர்ட் லெதர் ஸ்டீரிங் வீல், புளூ ரிங் ஃபினிஷர் லோகோ வழங்கப்பட்டு இருக்கிறது.

    பி.எம்.டபிள்யூ. iX1 மாடலில் ஹார்மன் கார்டன் சரவுண்ட் சவுண்ட் சிஸ்டம், ஆக்டிவ் முன்புற இருக்கைகள், மசாஜ் வசதி, ஆம்பியண்ட் லைட் வழங்கப்பட்டு உள்ளது. இத்துடன் டூயல் ஜோன் ஆட்டோமேடிக் கிளைமேட் கண்ட்ரோல், பானரோமிக் சன்ரூஃப், பவர் டெயில்கேட் வழங்கப்பட்டு இருக்கிறது. இந்த எலெக்ட்ரிக் காரில் 66.4 கிலோவாட் ஹவர் பேட்டரி பேக் வழங்கப்பட்டு உள்ளது. இத்துடன் டூயல் மோட்டார்கள் உள்ளன.

    இவை 309 ஹெச்.பி. பவர், 494 நியூட்டன் மீட்டர் டார்க் இழுவிசையை வெளிப்படுத்துகின்றன. இந்த கார் முழு சார்ஜ் செய்தால் 440 கிலோமீட்டர்கள் வரையிலான ரேன்ஜ் வழங்கும் என்று சான்று பெற்று இருக்கிறது. இந்த கார் மணிக்கு 100 கிலோமீட்டர்கள் வேகத்தை 5.6 நொடிகளில் எட்டிவிடும். மேலும் மணிக்கு அதிகபட்சம் 180 கிலோமீட்டர்கள் வேகத்தில் செல்லும் திறன் கொண்டிருக்கிறது.

    • புதிய 2 சீரிஸ் கிரான் கூப் எம் பெர்ஃபார்மன்ஸ் மாடலில் 2.0 லிட்டர் 4 சிலிண்டர்கள் கொண்ட டர்போ பெட்ரோல் என்ஜின் வழங்கப்படுகிறது.
    • புதிய பி.எம்.டபிள்யூ. 2 சீரிஸ் மாடலுக்கான முன்பதிவு ஆன்லைன் தளத்தில் நடைபெறுகிறது.

    பி.எம்.டபிள்யூ. இந்தியா நிறுவனம் தனது 220i எம் பெர்ஃபார்மன்ஸ் எடிஷன் மாடலுக்கான முன்பதிவை துவங்கி இருக்கிறது. புதிய பி.எம்.டபிள்யூ. கார் இந்தியாவில் செப்டம்பர் 7-ம் தேதி அறிமுகம் செய்யப்பட இருக்கிறது. புதிய பி.எம்.டபிள்யூ. கார் பிளாக் சஃபையர் மெட்டாலிக் நிறத்தில் கிடைக்கிறது.

    இந்த காருக்கான முன்பதிவு கட்டணம் ரூ. 1 லட்சத்து 50 ஆயிரம் என்று நிர்ணயம் செய்யப்பட்டு உள்ளது. இந்த கார் குறைந்த எண்ணிக்கையிலேயே விற்பனை செய்யப்பட இருக்கிறது. முன்பதிவு பி.எம்.டபிள்யூ. ஆன்லைன் தளத்தில் நடைபெறுகிறது.

     

    புதிய 2 சீரிஸ் கிரான் கூப் எம் பெர்ஃபார்மன்ஸ் மாடலில் 2.0 லிட்டர் நான்கு சிலிண்டர்கள் கொண்ட டர்போ பெட்ரோல் என்ஜின் வழங்கப்பட்டு இருக்கிறது. இத்துடன் 7 ஸ்பீடு ஸ்டெப்டிரானிக் டூயல் கிளட்ச் டிரான்ஸ்மிஷன் வழங்கப்படுகிறது. இந்த என்ஜினுடன் வழங்கப்படும் மோட்டார் 173 ஹெச்.பி. பவர், 280 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

    இந்த கார் மணிக்கு 100 கிலோமீட்டர் வேகத்தை வெறும் 7.1 நொடிகளில் எட்டிவிடும். தோற்றத்தை பொருத்தவரை இதன் வெளிப்புறம் எம் மாடல்களில் வழக்கமாக வழங்கப்படும் விசேஷ டிசைன் கொண்ட முன்புற கிரில், அல்கான்ட்ரா லெதர் கவர் கொண்ட கியர் செலக்டர் மற்றும் எம் பெர்ஃபார்மன்ஸ் பாகங்கள் வழங்கப்பட்டு உள்ளன. 

    • பி.எம்.டபிள்யூ. நிறுவனம் இந்தியாவில் தனது 3 சீரிஸ் மாடல்கள் விலையை உயர்த்தி இருக்கிறது.
    • சமீபத்தில் பி.எம்.டபிள்யூ. X5 350d M ஸ்போர்ட் மாடலை இந்திய சந்தையில் அறிமுகம் செய்தது.

    பி.எம்.டபிள்யூ. நிறுவனம் தனது கார் மாடல்கள் விலையை இந்திய சந்தையில் திடீரென உயர்த்தி இருக்கிறது. இம்முறை பி.எம்.டபிள்யூ. 3 சீரிஸ் மற்றும் 7 சீரிஸ் மாடல்கள் விலை உயர்த்தப்பட்டு இருக்கிறது. கடந்த மாதம் பி.எம்.டபிள்யூ. நிறுவனம் தனது கார் மாடல்களை மாற்றியமைத்து, தேர்வு செய்யப்பட்ட மாடல்கள் விலையை உயர்த்தி இருந்தது குறிப்பிடத்தக்கது.

    பி.எம்.டபிள்யூ. 330Li M ஸ்போர்ட் ஃபர்ஸ்ட் எடிஷன் மற்றும் 330Li லக்சரி லைன் மாடல்கள் விலை முறையே ரூ. 80 ஆயிரம் வரை உயர்த்தப்பட்டு உள்ளது. பி.எம்.டபிள்யூ. 320Ld லக்சரி லைன் மாடலின் விலை ரூ. 60 ஆயிரம் வரை உயர்த்தப்பட்டுள்ளது. 740Li M ஸ்போர்ட் எடிஷன் விலை ரூ. 1 லட்சத்து 40 ஆயிரம் வரை உயர்த்தப்பட்டு இருக்கிறது.


    முன்னதாக பி.எம்.டபிள்யூ. நிறுவனம் இந்திய சந்தையில், X5 சீரிசில் மாற்றம் செய்து, புதிதாக X5 எக்ஸ்-டிரவை் 30d M ஸ்போ்ட் மாடலை அறிமுகம் செய்து இருந்தது. இது ஸ்போர்ட் X வேரியண்டின் மேல் நிலை நிறுத்தப்பட்டுள்ளது. இதன் வெளிப்புற டிசைன் மாற்றப்பட்டு பல்வேறு புது அம்சங்கள் வழங்கப்பட்டு இருந்தது. 

    • பி.எம்.டபிள்யூ. நிறுவனத்தின் புதிய X5 மாடல் இந்தியாவில் விற்பனைக்கு அறிமுகம் செய்யப்பட்டது.
    • இந்த மாடலில் புதிதாக M ஸ்போர்ட் பாடி கிட் மற்றும் அலாய் வீல்கள் வழங்கப்படுகின்றன.

    பி.எம்.டபிள்யூ. நிறுவனம் இந்திய சந்தையில் முற்றிலும் புதிய X5 X-டிரைவ் 30d M ஸ்போர்ட் காரை அறிமுகம் செய்து இருக்கிறது. இந்த கார் ஆடம்பர எஸ்யுவி மாடலில் காஸ்மெடிக் மாற்றங்களை வழங்கி இருக்கிறது. இவை தவிர புது மாடலிலும் 3.0 லிட்டர் டீசல் என்ஜினே வழங்கப்பட்டு இருக்கிறது. புதிய பி.எம்.டபிள்யூ. X5 X-டிரைவ் 30d M ஸ்போர்ட் மாடலின் விலை ரூ. 97 லட்சத்து 90 ஆயிரம், எக்ஸ்-ஷரூம் என நிர்ணயம் செய்யப்பட்டு உள்ளது.

    அந்த வகையில் இந்த மாடல் X சீரிஸ் எஸ்யுவி காரின் டாப் எண்ட் வேரியண்ட் ஆகி இருக்கிறது. முன்னதாக X5 கார் தான் டாப் எண்ட் மாடலாக இருந்து வந்தது. இதன் விலை ரூ. 94 லட்சத்து 90 ஆயிரம், எக்ஸ்-ஷோரூம் என நிர்ணயம் செய்யப்பட்டு இருந்தது. புதிய பி.எம்.டபிள்யூ. X5 X-டிரைவ் 30d M ஸ்போர்ட் மாடலில் M ஸ்போர்ட் டிசைன் பேக்கேஜ், புதிய முன்புற பம்ப்பர், ரியர் டிப்யுசர், டெயில் பைப்கள், M ஸ்போர்ட் பிரேக் கேலிப்பர்கள், M ஸ்போர்ட் லோகோ உள்ளிட்டவை வழங்கப்பட்டு இருக்கிறது.


    புதிய பி.எம்.டபிள்யூ. X5 X-டிரைவ் 30d M ஸ்போர்ட் மாடலில் 265 ஹெச்.பி. பவர், 620 நியூட்டன் மீட்டர் டார்க் இழுவிசையை வெளிப்படுத்தும் 6 சிலிண்டர்கள் கொண்ட டர்போ சார்ஜ் செய்யப்பட்ட டீசல் என்ஜின் வழங்கப்பட்டு உள்ளது. இத்துடன் 8 ஸ்பீடு ஆட்டோமேடிக் கியர்பாக்ஸ், எக்ஸ் டிரைவ் சிஸ்டம் மூலம் ஆல் வீல் டிரைவ் வசதி வழங்கப்பட்டு இருக்கிறது.

    ஸ்போர்ட் எக்ஸ் பிளஸ் வேரியண்ட் உடன் ஒப்பிடும் போது, M ஸ்போர்ட் வேரியண்டில் ஸ்டீரிங் மவுண்ட் செய்யப்பட்ட பேடில் ஷிப்டர்கள், லான்ச் கண்ட்ரோல், அடாப்டிவ் ஏர் சஸ்பென்ஷன், எலெக்ட்ரிக் டெயில்கேட், அடாப்டிவ் எல்இடி ஹெட்லேம்ப்கள், 16 ஸ்பீக்கர்கள் கொண்ட ஹார்மன் கார்டன் ஆடியோ சிஸ்டம், ஹெட்-அப் டிஸ்ப்ளே, 360 டிகிரி கேமரா, 20 இன்ச் M ஸ்போர்ட் அலாய் வீல்கள் வழங்கப்பட்டுள்ளன.

    இந்திய சந்தையில் புதிய பி.எம்.டபிள்யூ. X5 X-டிரைவ் 30d M ஸ்போர்ட் மாடல் மெர்சிடிஸ் பென்ஸ் GLE, லேண்ட் ரோவர் டிஸ்கவரி மற்றும் வால்வோ XC90 போன்ற கார்களுக்கு போட்டியாக அமைகிறது. 

    • பி.எம்.டபிள்யூ. நிறுவனம் தனது எம் பிரிவின் ஐம்பதாவது ஆண்டு விழாவை கொண்டாடி வருகிறது.
    • இதன் அங்கமாக ஸ்பெஷல் எடிஷன் கார்களை அறிமுகம் செய்து வருகிறது.

    பி.எம்.டபிள்யூ. நிறுவனம் 5 சீரிஸ் 50 ஜாரெ எம் எடிஷன் செடான் மாடலை இந்திய சந்தையில் அறிமுகம் செய்தது. புதிய ஸ்பெஷல் எடிஷன் மாடலின் விலை ரூ. 67 லட்சத்து 50 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்த மாடலுக்கான ஆன்லைன் முன்பதிவு ஏற்கனவே துவங்கி நடைபெற்று வருகிறது.

    மற்ற ஸ்பெஷல் எடிஷன் பி.எம்.டபிள்யூ. கார்களை போன்றே புதிய பி.எம்.டபிள்யூ. 5 சீரிஸ் 50 ஜாரெ எம் எடிஷன் மாடலும் சென்னையில் இயங்கி வரும் ஆலையில் உற்பத்தி செய்யப்பட இருக்கிறது. புதிய 5 சீரிஸ் 50 ஜாரெ எம் எடிஷன் மாடல் பி.எம்.டபிள்யூ. நிறுவனத்தின் எம் பிரிவு 50-ஆவது ஆண்டு விழாவை கொண்டாடும் வகையில் வெளியிடப்பட்டு இருக்கிறது. இந்த கார் டாப் எண்ட் பி.எம்.டபிள்யூ. 5 சீரிஸ் 530i எம் ஸ்போர்ட் வேரியண்ட்டை தழுவி உருவாக்கப்பட்டு இருக்கிறது.


    இந்த மாடலில் 2 லிட்டர், ட்வின் டர்போ-சார்ஜ் செய்யப்பட்ட, இன்-லைன்-4, DOHC பெட்ரோல் என்ஜின் வழங்கப்பட்டு உள்ளது. இந்த என்ஜின் 248 ஹெச்.பி. பவர், 350 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 8 ஸ்பீடு ஆட்டோமேடிக் டிரான்ஸ்மிஷன் வழங்கப்பட்டு இருக்கிறது.

    இந்த கார் மணிக்கு 0 முதல் 100 கி.மீ. வேகத்தை 6.1 நொடிகளில் எட்டிவிடும். மேலும் இந்த கார் மணிக்கு 250 கி.மீ. வேகத்தில் மட்டும் செல்லும் வகையில் கட்டுப்படுத்தப்பட்டு உள்ளது. தோற்றத்தில் இந்த கார் பி.எம்.டபிள்யூ. 5 சீரிஸ் 530i செடான் போன்றே காட்சியளிக்கிறது. எனினும், வெளிப்புறம் மற்றும் உள்புறங்களில் ஸ்பெஷல் எடிஷன் மாற்றங்கள் செய்யப்பட்டு உள்ளன.

    • பி.எம்.டபிள்யூ. மோட்டராட் நிறுவனம் புதிதாக எலெக்ட்ரிக் மேக்சி ஸ்கூட்டரை உருவாக்கி வருவதாக தகவல் வெளியாகி உள்ளது.
    • இந்த மாடலின் விலை சற்று அதிகமாகவே நிர்ணயம் செய்யப்படும் என தெரிகிறது.

    பி.எம்.டபிள்யூ. நிறுவனம் விரைவில் எலெக்ட்ரிக் மேக்சி ஸ்கூட்டர் மாடலை இந்திய சந்தையில் அறிமுகம் செய்ய இருப்பதாக தகவல் வெளியாகி உள்ளது. இது பி.எம்.டபிள்யூ. CE 04 மாடலாகவே இருக்கும் என தெரிகிறது. ஏற்கனவே இந்த மாடல் சர்வதேச சந்தையில் விற்பனை செய்யப்பட்டு வருகிறது. அந்த வரிசையில், இந்த மாடலை இந்தியா மற்றும் சீனாவில் அறிமுகம் செய்வதில் பி.எம்.டபிள்யூ. நிறுவனம் ஆர்வம் செலுத்துவதாக கூறப்படுகிறது.


    இந்திய சந்தையில் இந்த மாடல் அறிமுகமாக சில காலம் ஆகும் என்ற நிலையில், இதன் விலை அனைவரும் வாங்கக்கூடிய வகையில் இருக்காது என்றே தெரிகிறது. தற்போது சர்வதேச சந்தையில் விற்பனை செய்யப்பட்டு வரும் பி.எம்.டபிள்யூ. CE 04 மாடலின் விலை இந்திய மதிப்பில் ரூ. 14 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. அந்த வகையில், இந்திய சந்தையில் இதன் விலை சற்று அதிகமாகவே இருக்கும் என தெரிகிறது.

    பி.எம்.டபிள்யூ. CE 04 மாடலில் 8.9 கிலோவாட் ஹவர் பேட்டரி வழங்கப்பட்டு இருக்கிறது. இது 41.4 ஹெச்.பி. பவர் மற்றும் 62 நியூட்டன் மீட்டர் டார்க் இழுவிசையை வெளிப்படுத்துகிறது. இந்த ஸ்கூட்டர் மணிக்கு 100 கி.மீ. வேகத்தை 10 நொடிகளுக்குள் எட்டிவிடும் திறன் கொண்டது. மேலும் அதிகபட்சமாக மணிக்கு 120 கி.மீ. வேகத்தில் செல்லும் திறன் கொண்டு இருக்கிறது. முழு சார்ஜ் செய்தால் இந்த ஸ்கூட்டர் 130 கி.மீ. வரை செல்லும் என சான்று பெற்று இருக்கிறது.

    • பி.எம்.டபிள்யூ. நிறுவனத்தின் அதிகம் எதிர்பார்க்கப்பட்ட 310சிசி மோட்டார்சைக்கிள் கடந்த வாரம் அறிமுகம் செய்யப்பட்டது.
    • இதன் விலை அபாச்சி RR310 மாடலை விட ரூ. 20 ஆயிரம் அதிகம் ஆகும்.

    டி.வி.எஸ். அபாச்சி RR310 மாடலை தழுவி உருவாக்கப்பட்ட பி.எம்.டபிள்யூ. G 310 RR மோட்டார்சைக்கிள் ஒருவழியாக இந்தியாவில் அறிமுகம் செய்யப்பட்டு விட்டது. இரு மாடல்களிலும் கிட்டத்தட்ட ஒரே மாதிரியான ஸ்டைலிங், எலெக்டிரானிக்ஸ் மற்றும் அம்சங்கள் தான் வழங்கப்பட்டு இருக்கின்றன.

    எனினும், புதிய பி.எம்.டபிள்யூ. G 310 RR மாடலின் விலை ரூ. 20 ஆயிரம் வரை அதிகம் ஆகும். அந்த வகையில் இரு மாடல்களையும் வித்தியாசப்படுத்தும் அம்சங்கள் பற்றி விரிவாக பார்ப்போம்.

    தோற்றத்தை எடுத்துக் கொண்டால் பேட்ஜிங் மற்றும் வித்தியாசமான நிற ஆப்ஷன்கள் அடிப்படையில் புதிய பி.எம்.டபிள்யூ. பைக் வித்தியாசமாக காட்சி அளிக்கிறது. இந்தியாவில் பி.எம்.டபிள்யூ. G 310 RR மாடல் - ஸ்டாண்டர்டு பிளாக் மற்றும் பாரம்பரிய பி.எம்.டபிள்யூ. ஆப்ஷனான HP-லிவர்டு ஸ்டைல் ஸ்போர்ட் என இருவித நிறங்களில் கிடைக்கிறது. இவற்றின் விலை முறையே ரூ. 2 லட்சத்து 85 ஆயிரம் மற்றும் ரூ. 2 லட்சத்து 99 ஆயிரம் என நிர்ணயம் செய்யப்பட்டு உள்ளது.


    இவை தவிர மற்றொரு பெரிய மாற்றம் இரு மாடல்களில் வழங்கப்பட்டு இருக்கும் டையர்கள் தான். பி.எம்.டபிள்யூ. G 310 RR மாடலில் மிஷெலின் பைலட் ஸ்டிரீட் டையர்கள் உள்ளன. ஆனால் டி.வி.எஸ். அபாச்சி RR310 மிஷெலின் ரோட் 5s டையர்களை கொண்டுள்ளன.

    சிறு சிறு மாற்றங்களை பொருத்தவரை பி.எம்.டபிள்யூ. G 310 RR மாடலில் கன்வென்ஷனல் டிஸ்க் பிரேக்குகள் உள்ளன. டி.வி.எஸ். அபாச்சி RR310 மாடலில் பெட்டல் ரோட்டார்கள் தான் வழங்கப்பட்டு உள்ளன. இதன் டி.எப்.டி. டிஸ்ப்ளே கிராபிக்ஸ்-இல் ஆல்டர் செய்யப்பட்டு பி.எம்.டபிள்யூ. மாடலுக்கு ஏற்ற மாற்றங்களை கொண்டு இருக்கிறது. எனினும், ப்ளூடூத் கனெக்டிவிட்டி வழங்கப்படவில்லை.


    அபாச்சி RR310 மாடலில் அட்ஜஸ்ட் செய்யக்கூடிய சஸ்பென்ஷன் வாடிக்கையாளர் விரும்பும் பட்சத்தில் தேர்வு செய்யும் ஆப்ஷனாக வழங்கப்பட்டு உள்ளது. ஆனால் இந்த ஆப்ஷன் பி.எம்.டபிள்யூ. மாடலில் வழங்கப்படவில்லை. பி.எம்.டபிள்யூ. G 310 RR மாடலில் பின்புற பிரீ-லோடு மட்டும் அட்ஜஸ்ட் செய்து கொள்ளலாம்.

    மேற்கூறிய வித்தியாசங்கள் தவிர இரு மாடல்களிலும் கிட்டத்தட்ட ஒரே மாதிரியான டிசைன், சேசிஸ், என்ஜின், ரைடிங் மோட்கள் உள்ளிட்டவை வழங்கப்பட்டு உள்ளன. பி.எம்.டபிள்யூ. G 310 RR மாடலில் 312.2சிசி என்ஜின் வழங்கப்பட்டு இருக்கிறது. இந்த என்ஜின் 34 ஹெச்.பி. பவர், 27 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ், ஸ்லிப் மற்றும் அசிஸ்ட் கிளட்ச் வழங்கப்பட்டு இருக்கிறது.

    • பி.எம்.டபிள்யூ. நிறுவனத்தின் அதிகம் எதிர்பார்க்கப்பட்ட மாடலாக G 310 RR இருந்து வந்தது.
    • இந்தியாவில் இந்த மாடலுக்கான முன்பதிவு துவங்கி நடைபெற்று வருகிறது.

    பி.எம்.டபிள்யூ. மோட்டராட் நிறுவனம் ஒரு வழியாக தனது சிறிய சூப்பர் ஸ்போர்ட் மாடல்- G 310 RR-ஐ இந்திய சந்தையில் அறிமுகம் செய்தது. புதிய பி.எம்.டபிள்யூ. G 310 RR மாடல் விலை ரூ. 2 லட்சத்து 85 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. இதன் டாப் எணஅட் ஸ்டைல் ஸ்போர்ட் மாடல் விலை ரூ. 2 லட்சத்து 99 ஆயிரம், எக்ஸ்-ஷோரூம் ஆகும்.

    ஸ்டைலிங்கை பொருத்தவரை பி.எம்.டபிள்யூ. G 310 RR மாடல் டி.வி.எஸ். அபாச்சி RR 310 மாடலை தழுவி உருவாக்கப்பட்டு இருக்கிறது. இரு மாடல்களிலும் ஒரே மாதிரியான ஸ்ப்லிட் எல்.இ.டி. ஹெட்லைட் கொண்டுள்ளன. இரு மாடல்களை வித்தியாசப்படுத்தும் வகையில் பி.எம்.டபிள்யூ. தனது சூப்பர்ஸ்போர்ட் மாடலை ரெட் மற்றும் புளூ நிற ஆப்ஷன்களில் வழங்குகிறது.


    பி.எம்.டபிள்யூ. G 310 RR மாடலில் 313சிசி சிங்கில் சிலிண்டர் லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 34 ஹெச்.பி. பவர், 27 நியூட்டன் மீட்டர் டார்க் இழுவிசையை வெளிப்படுத்துகிறது.

    அம்சங்களை பொருத்தவரை முழுமையான டிஜிட்டல் இன்ஸ்ட்ரூமெண்ட் கிளஸ்டர், ஸ்பீடோமீட்டர், ஓடோமீட்டர், ட்ரிப் மீட்டர், பியூவல் லெவல், என்ஜின் டெம்பரேச்சர் மற்றும் பல்வேறு அம்சங்கள் உள்ளன. இந்த மாடலில் யு.எஸ்.டி. முன்புற ஃபோர்க்குகள், மோனோஷாக் யூனிட், இரு புறங்களிலும் டிஸ்க் பிரேக், டூயல் சேனல் ஏ.பி.எஸ். வழங்கப்பட்டு இருக்கிறது. 

    ×