அடுத்த வாரம் இந்தியா வரும் போர்ஷ் எலெக்ட்ரிக் கார்

ஜெர்மன் நாட்டு ஆட்டோ உற்பத்தியாளரான போர்ஷ் தனது முதல் எலெக்ட்ரிக் கார் மாடலை இந்திய சந்தையில் அறிமுகம் செய்ய இருக்கிறது. வெளியீட்டின் போது புதிய டேகேன் மாடல் இந்தியாவின் சக்திவாய்ந்த எலெக்ட்ரிக் கார் என்ற பெருமையை பெறும். 

முன்னதாக போர்ஷ் டேகேன் மாடல் இரண்டு ஆண்டுகளுக்கு முன் சர்வதேச சந்தையில் அறிமுகம் செய்யப்பட்டது. இந்த காரின் பெயர் துருக்கி மொழியில் இருந்து எடுக்கப்பட்டு இருக்கிறது. போர்ஷ் டேகேன் மாடல்- டேகேன், டேகேன் 4எஸ், டேகேன் டர்போ மற்றும் டேகேன் டர்போ எஸ் என நான்கு வேரியண்ட்களில் கிடைக்கிறது. இத்துடன் டேகேன் கிராஸ் டூரிஸ்மோ வேரியண்டிலும் கிடைக்கிறது. 

இந்த எலெக்ட்ரிக் கார் 402 பி.ஹெச்.பி. திறன், 344 நியூட்டன் மீட்டர் டார்க் இழுவிசையை வெளிப்படுத்தும். இந்த கார் முழு சார்ஜ் செய்தால் 431 கிலோமீட்டர் வரை செல்லும். இதன் பெர்பார்மன்ஸ் பேட்டரி பிளஸ் வேரியண்ட் முழு சார்ஜ் செய்தால் 484 கிலோமீட்டர் செல்லும்.