இது புதுசு

இந்திய ஆட்டோமொபைல் சந்தையில் புகழ் பெற்ற ஹேச்பேக் மாடலாக மாருதி சுசுகி நிறுவனத்தின் ஆல்டோ விளங்குகிறது. இந்தியாவில் அறிமுகமானது முதலே ஆல்டோ மாடல் அமோக வரவேற்பை பெற்று அசத்தியது. இந்தியாவில் ஆல்டோ காரின் பேஸ்லிப்ட் மாடல் விரைவில் அறிமுகம் செய்யப்பட இருப்பதாக கூறப்பட்டு வருகிறது.

ஜப்பான் நாட்டில் மாருதி சுசுகி நிறுவனம் ஆல்டோ லாபின் LC மாடலை அறிமுகம் செய்து இருக்கிறது. இந்த மாடலில் பல்வேறு அம்சங்கள் வழங்கப்பட்டு உள்ளன. இந்த கார் அழகிய ரெட்ரோ தோற்றம் கொண்டுள்ளது. இந்தியாவில் ஆல்டோ லாபின் LC அறிமுகம் செய்யப்படுமா என்பது கேள்விக்குறியாகவே உள்ளது.

புதிய சுசுகி ஆல்டோ லாபின் LC மாடலில் 660சிசி, 3 சிலிண்டர் பெட்ரோல் என்ஜின் உள்ளது. இத்துடன் CVT கியர்பாக்ஸ் வழங்கப்பட்டு இருக்கிறது. இந்த என்ஜின் அதிகபட்சம் 63 ஹெச்.பி. பவர் வெளிப்படுத்தும். ஜப்பானில் தற்போது அறிமுகமாகி இருக்கும் ஆல்டோ லாபின் LC மாடலின் அம்சங்கள் இந்தியாவில் கிடைக்கும் ஆல்டோ மாடலை முற்றிலும் வித்தியாசமாக உள்ளது.

ஆல்டோ லாபின் LC மாடலின் முன்புற இருக்கைகளில் ஹீட்டிங் வசதி உள்ளது. மேலும் ஆட்டோமேடிக் ஏ.சி., அட்ஜஸ்ட் செய்யக்கூடிய ஓட்டுனர் இருக்கை மற்றும் டில்ட் வசதி கொண்ட ஸ்டீரிங் வீல் வழங்கப்பட்டு இருக்கிறது. இத்துடன் கீலெஸ் எண்ட்ரி, புஷ் ஸ்டார்ட் மற்றும் ஸ்டாப் அம்சம் உள்ளது.

காரின் உள்புறம் 7 இன்ச் டிஜிட்டல் டச் ஸ்கிரீன் டிஸ்ப்ளே, ஆப்பிள் கார்பிளே, ஆண்ட்ராய்டு ஆட்டோ கனெக்டிவிட்டி, ரிவர்ஸ் பார்கிங் கேமரா உள்ளிட்டவை வழங்கப்பட்டு உள்ளது. இதில் உள்ள டிரைவர் டிஸ்ப்ளேவில் மைலேஜ், காரில் இருக்கும் எரிபொருள் கொண்டு எவ்வளவு தூரம் செல்ல முடியும் உள்பட பல்வேறு விவரங்களை பார்க்க முடியும்.

கவாசகி நிறுவனம் சில தினங்களுக்கு முன் தான் கவாசகி நின்ஜா 400 மோட்டார்சைக்கிள் மாடலை அறிமுகம் செய்து இருக்கிறது. இந்த நிலையில், மற்றொரு புது மோட்டார்சைக்கிளை இந்திய சந்தையில் அறிமுகம் செய்வதற்கான பணிகளில் கவாசகி நிறுவனம் துவங்கி விட்டது. இம்முறை கவாசகி நிறுவனம் சற்றே பெரிய வெர்சிஸ் 650 அட்வென்ச்சர் மோட்டார்சைக்கிளை இந்தியாவில் அறிமுகம் செய்ய இருக்கிறது.

புதிய கவாசகி வெர்சிஸ் 650 மாடலின் ஸ்பை படங்கள் ஏற்கனவே வெளியாகி இருக்கிறது. இந்த நிலையில், புதிய கவாசகி வெர்சிஸ் 650 மாடல் ஜூலை மாத வாக்கில் விற்பனையகங்களை வந்தடையும் என கூறப்படுகிறது. மேம்பட்ட கவாசகி வெர்சிஸ் 650 மாடலில் புதிய ஃபேரிங் வழங்கப்பட்டு இருக்கிறது. இது தோற்றத்தில் கவாசகி வெர்சிஸ் 1000 போன்றே காட்சியளிக்கிறது.

இத்துடன் ரிவைஸ்டு ஹெட்லைட், அட்ஜஸ்ட் செய்யக்கூடிய பிளை-ஸ்கிரீன், கூர்மையாக காட்சியளிக்கும் என்ஜின் கவர் உள்ளது. இதன் மெக்கானிக்கல் அம்சங்களில் எந்த மாற்றமும் மேற்கொள்ளப்படவில்லை. அந்த வகையில், இந்த மாடலில் 649சிசி, லிக்விட் கூல்டு, ட்வின் சிலிடண்ர் என்ஜின் வழஙகப்படும் என தெரிகிறது.

இந்த என்ஜின் 66 பி.எஸ். பவர், 61 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் கவாசகி டிராக்‌ஷன் கண்ட்ரோல், டூ-லெவல் டிராக்‌ஷன் கண்ட்ரோல் சிஸ்டம் வழங்கப்படுகிறது. இதனை முழுமையாக ஸ்விட்ச் ஆப் செய்யும் வசதி வழங்கப்படுகிறது.

புதிய வெர்சிஸ் 650 மாடலில் டி.எப்.டி. டிஸ்ப்ளே, ப்ளூடூத் கனெக்டிவிட்டி வழங்கப்படும் என தெரிகிறது. இந்த மாடல் தொடர்ந்து CKD முறையிலேயே இந்தியா கொண்டுவரப்படும் என கூறப்படுகிறது. புதிய கவாசகி வெர்சிஸ் 650 மாடலின் விலை முந்தைய மாடலை விட ரூ. 50 ஆயிரத்தில் துவங்கி ரூ. 70 ஆயிரம் வரை அதிகரிக்கப்படலாம். தற்போதைய கவாசகி வெர்சிஸ் 650 மாடலின் விலை ரூ. 7 லட்சத்து 15 ஆயிரம் என நிர்ணயம் செய்யப்பட்டு உள்ளது. 

மெர்டசிடிஸ் பென்ஸ் நிறுவனம் தனது விஷன் EQXX கார் மாடலை கொண்டு தனது முந்தையை சாதனையை முறியடித்து இருக்கிறது. முன்னதாக விஷன் EQXX மாடல் முழு சார்ஜில் 1000 கி.மீ. சென்ற நிலையில் தற்போது இதே கார் 1,202 கி.மீ. சென்று சாதனை படைத்து இருக்கிறது. இதற்கான சோதனை ஓட்டம் பிராக்லீயில் உள்ள எஃப்1 பந்தய களத்தில் நடைபெற்றது.

இதை அடுத்து சில்வர்ஸ்டோன் எப்1 பந்தய களத்திலும் இந்த கார் சோதனை நடைபெற்றது. அதில் இந்த கார் 1202 கி.மீ. சென்று அசத்தியது. முதற்கட்டமாக பிரான்ஸ் நாட்டின் ஸ்டட்கர்ட்டில் இருந்து கேசிஸ் பகுதிக்கும் அதன் பின் யூரோடனலில் இருந்து கலாய்ஸ் பகுதிக்கும் சென்றது. லண்டனில் இந்த கார் ஃபோல்க்ஸ்டோனில் துவங்கி பிராக்லி வரை கடக்கப்பட்டது.

2030 ஆண்டிற்குள் மெர்சிடிஸ் பென்ஸ் நிறுவனம் முழுமையான எலெக்ட்ரிக் வாகன உற்பத்தியாளராக மாற முடிவு செய்து உள்ளது. மெர்சிடிஸ் நிறுவனம் தனது பேட்டரி பேக்கில் இருந்து முடிந்த வரை ஒவ்வொரு வாட் திறனையும் உறிஞ்சுவதற்கான பணிகளில் மெர்சிடிஸ் பென்ஸ் ஈடுபட்டு வருகிறது. அந்த வகையில் கிராண்ட் டூரிங் அனுபவம் எலெக்ட்ரிக் யுகத்திலும் தொடரும் என்றே தெரிகிறது.

ஹூண்டாய் நிறுவனம் 2022 ஹூண்டாய் டக்சன் எஸ்.யு.வி. மாடலின் வெளியீட்டு தேதியை அறிவித்து இருக்கிறது. புதிய ஹூண்டாய் டக்சன் எஸ்.யு.வி. மாடல் ஜூலை 13 ஆம் தேதி நடைபெற உள்ளது. எஸ்.யு.வி. மாடல்களுக்கு இந்திய சந்தையில் அமோக வரவேற்பு கிடைத்து வரும் நிலையில், புதிய டக்சன் அமோக வரவேற்பு பெறும் என ஹூண்டாய் நிறுவனம் எதிர்பார்க்கிறது.

சர்வதேச சந்தையில் புதிய ஹூண்டாய் டக்சன் மாடல் 2020 வாக்கில் அறிமுகம் செய்யப்பட்டதகு. இதன் வடிவமைப்பு மற்றும் டிசைன் மூலம் இந்த மாடல் விற்பனையில் நல்ல வரவேற்பை பெற்று வருகிறது. இந்தியாவிலும் இந்த மாடல் சோதனை செய்யப்படும் படங்கள் பலமுறை இணையத்தில் வெளியாகி உள்ளது.

புதிய மாடலின் வெளிப்புறம் முற்றிலும் புது எக்ஸ்டீரியர் கொண்டிருக்கிறது. இந்த மாடலில் புதிய 3D முன்புற கிரில், முன்புற பம்ப்பரில் செங்குத்தான எல்.இ.டி. ஹெட்லைட்கள் உள்ளன. இதன் முன்புற பம்ப்பரில் ஃபாக்ஸ் ஸ்கிட் பிளேட்கள் உள்ளன. இவை காருக்கு ரக்கட் தோற்றத்தை வழங்குகின்றன.

2022 ஹூண்டாய் டக்சன் மாடலில் 2.0 லிட்டர் டர்போ சார்ஜ் செய்யப்பட்ட பெட்ரோல் மற்றும் டீசல் என்ஜின் ஆப்ஷன்கள் வழங்கப்படும் என தெரிகிறது. இதன் பெட்ரோல் என்ஜின் 154 ஹெச்.பி. பவர், 192 நியூட்டன் மீட்டர் டார்க் இழுவிசையை வெளிப்படுத்துகிறது. இதன் டீசல் என்ஜின் 184 ஹெச்.பி. பவர், 417 நியூட்டன் மீட்டர் டார்க் இழுவிசையை வெளிப்படுத்துகிறது.

பஜாஜ் ஆட்டோ நிறுவனம் புதிய பல்சர் N160 மோட்டார்சைக்கிள் மாடலை இந்திய சந்தையில் அறிமுகம் செய்தது. இந்த மாடல் முற்றிலும் புதிய பல்சர் 250 பிளாட்பார்மில் உருவாகி இருக்கிறது. புதிய பல்சர் மாடலின் சிங்கில் சேனல் ஏ.பி.எஸ். வெர்ஷன் விலை ரூ. 1 லட்சத்து 23 ஆயிரம் என நிர்ணயம் செய்யப்பட்டு உள்ளது. இதன் டூயல் சேனல் வேரியண்ட் விலை ரூ. 1 லட்சத்து 28 ஆயிரம் ஆகும்.

தோற்றத்தில் புதிய பல்சர் N160 மாடல் பல்சர் N250 போன்றே காட்சி அளிக்கிறது. இதில் ப்ரோஜெக்டர் லென்ஸ் ஹெட்லேம்ப், எல்.இ.டி. டி.ஆர்.எல்.கள், பக்கவாட்டில் பல்சர் N250 மாடலில் உள்ளதை போன்ற பேனல்கள் வழங்கப்பட்டு உள்ளன. இந்த மாடலில் மிகப் பெரும் மாற்றமாக சிறிய என்ஜின் வழங்கப்பட்டு இருக்கிறது.

பஜாஜ் பல்சர் N160 மாடலில் 164.82 சிசி, சிங்கில் சிலிண்டர், ஏர் கூல்டு என்ஜின் வழங்கப்பட்டு உள்ளது. இந்த என்ஜின் 15.7 ஹெச்.பி. பவர், 14.65 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் முன்புறம் டெலிஸ்கோபிக் போர்க், பின்புறம் மோனோஷாக் யூனிட் உள்ளது. இதில் செமி டிஜிட்டல் இன்ஸ்ட்ரூமெண்ட் கிளஸ்டர் வழங்கப்பட்டு இருக்கிறது.

புதிய பஜாஜ் பல்சர் N160 மாடல் சிங்கில் சேனல் ஏ.பி.எஸ். வேரியண்ட் ரேசிங் ரெட், டெக்னோ கிரே மற்றும் கரீபியன் புளூ நிறங்களில் கிடைக்கிறது. இதன் டூயல் சேனல் ஏ.பி.எஸ். வேரியண்ட் புரூக்லின் பிளாக் நிறத்தில் மட்டும் கிடைக்கிறது.

சுசுகி இந்தியா நிறுவனம் பர்க்மேன் ஸ்டிரீட் எலெக்ட்ரிக் ஸ்கூட்டர் மாடலை இந்திய சந்தையில் சோதனை செய்து வருகிறது. சுசுகி தனது பர்க்மேன் ஸ்டிரீட் மாடலின் எலெக்ட்ரிக் வேரியண்டை உருவாக்கி வருவது அனைவரும் அறிந்த நிலையில், இதன் சிறப்பம்சங்கள் மற்றும் இதர விவரங்கள் தொடர்ந்து மர்மமாகவே இருந்து வந்தது.

இந்த நிலையில் தான், சுசுகி பர்க்மேன் ஸ்டிரீட் எலெக்ட்ரிக் ஸ்கூட்டரின் காப்புரிமை வரைபடங்கள் இணையத்தில் லீக் ஆகி உள்ளது. இதில் எலெக்ட்ரிக் ஸ்கூட்டரும், அதன் பெட்ரோல் மாடலில் பயன்படுத்தப்பட்டு இருக்கும் ஃபிரேமில் உருவாக்கப்பட்டு இருப்பது தெரியவந்துள்ளது. இந்த ஸ்கூட்டரின் AC மோட்டார் ஃபிரேமின் முன்புறம் இருக்கையின் கீழ் பொருத்தப்பட்டு இருக்கிறது. ஃபுளோர்போர்டின் உள்புறம் AC-DC மோட்டார் உள்ளது.

சுசுகி பர்க்மேன் ஸ்டிரீட் மாடல் அதிக அண்டர் சீட் ஸ்டோரேஜுக்கு பெயர் பெற்றது ஆகும். எனினும், இதன் எலெக்ட்ரிக் வேரியண்டில் பேட்டரி வைக்கப்படுவதால், அதிக அண்டர் சீட் ஸ்டோரேஜ் கிடைக்காது என்றே தெரிகிறது. மேலும் DC-AC கன்வெர்ட்டர் பேட்டரி பேக் உள்புறம் வைக்கப்படுகிறது. இந்த ஸ்கூட்டர் போட்டி நிறுவன மாடல்களை விட அதிக ரேன்ஜ் வழங்கும் என எதிர்பார்க்கலாம்.

இந்திய சந்தையில் சுசுகி பர்க்மேன் ஸ்டிரீட் எலெக்ட்ரிக் ஸ்கூட்டர் இந்த ஆண்டு அறிமுகம் செய்யப்படும் என கூறப்படுகிறது. எனினும், இதன் விற்பனைக்கு மேலும் தாமதமாகலாம் என தெரிகிறது. ஒருவேளை பர்க்மேன் ஸ்டிரீட் எலெக்ட்ரிக் வேரியண்ட் அறிமுகமாகும் பட்சத்தில் இது சுசுகி இந்தியாவின் முதல் எலெக்ட்ரிக் ஸ்கூட்டர் என்ற பெருமையை பெறும்.

பி.எம்.டபிள்யூ. நிறுவனம் ஏழாம் தலைமுறை M5 மாடல் புதிய பெட்ரோல் ஹைப்ரிட் பவர்டிரெயின் கொண்டிருக்கும் என தகவல் வெளியாகி உள்ளது. புதிய M2 மாடல் பி.எம்.டபிள்யூ. நிறுவனத்தின் புதிய M2 மாடல் கடைசி முழுமையான இண்டர்னல் கம்பஷன் மாடல் ஆகும். இதே போன்று XM மாடல் பி.எம்.டபிள்யூ. நிறுவனத்தின் முதல் M சீரிஸ் எலெக்ட்ரிக் மாடல் ஆகும்.

புதிய பி.எம்.டபிள்யூ. M சீரிஸ் மாடல் 2024 வாக்கில் விற்பனைக்கு வரும் என தெரிகிறது. புதிய M5 சூப்பர் செடான் மாடல் வழக்கமான பெட்ரோல் என்ஜினில் இருந்து பிளக்-இன் ஹைப்ரிட் மாடலாக உருவெடுக்கிறது. புதிய ஹைப்ரிட் பவர்டிரெயின் அதிகபட்சம் 700 ஹெச்.பி. திறன் வெளிப்படுத்தும்.

இந்த மாடலில் ட்வின் டர்போ சார்ஜ் செய்யப்பட்ட 4.4 லிட்டர் வி8 என்ஜின் வழங்கப்படும் என தெரிகிறது. இத்துடன் எலெக்ட்ரிக் மோட்டார் வழங்கப்படுகிறது. இது 790 ஹெச்.பி. வரையிலான திறன் கொண்டது ஆகும். இத்துடன் 8 ஸ்பீடு டார்க் கன்வெர்ட்டர் ஆட்டோமேடிக் கியர்பாக்ஸ் வழங்கப்படுகிறது. இதன் ஸ்டீரிங் வீலில் பேடில் ஷிப்டர்கள், வேரியபில் எக்ஸ் டிரைவ், 4 வீல் டிரைவ் சிஸ்டம் வழங்கப்படுகிறது.

தென் கொரிய ஆட்டோமொபைல் உற்பத்தியாளரான ஹூண்டாய் மோட்டார் கம்பெனி இந்திய சந்தையில் அறிமுகம் செய்ய புது எலெக்ட்ரிக் கார் மாடலை உருவாக்கி வருகிறது. பிரீமியம் கார் மாடல்கள் மட்டுமின்றி சிறிய ரக எலெக்ட்ரிக் கார்களை உருவாக்கவும் திட்டம் இருப்பதாக அந்நிறுவன அதிகாரி ஒருவர் தனியார் செய்தி நிறுவனத்திற்கு அளித்த பேட்டியில் தெரிவித்து இருக்கிறார்.

சார்ஜிங் உள்கட்டமைப்பு, விற்பனை, உற்பத்தி மற்றும் அசெம்ப்லி வழிமுறைகள் என பல்வேறே பிரச்சினைகளை எதிர்கொள்ள பல்வேறு பிரிவினர் தொடர்ந்து பணியாற்றி வருகின்றனர் என ஹூண்டாய் இந்தியா நிறுவனத்தின் விற்பனை மற்றும் விளம்பர பிரிவு இயக்குனர் தருன் கார்க் தெரிவித்துள்ளார்.

"முடிந்தவரை உள்ளூர் பொருட்களை பயன்படுத்தி, விலையை குறைவாக நிர்ணயம் செய்ய முயற்சித்து வருகிறோம். இதற்கான சூழல் தயாராக இருக்க வேண்டும். சார்ஜிங் செய்வதற்கு ஏற்ற வசதி போதுமானதாக இருக்க வேண்டும்," என அவர் மேலும் தெரிவித்தார்.

இந்திய சந்தையில் நடைபெறும் ஒட்டுமொத்த கார் விற்பனையில் எலெக்ட்ரிக் வாகனங்கள் ஒரு சதவீதத்திற்கும் குறைவாகவே உள்ளன. மத்திய அரசு 2030-க்குள் இந்த எண்ணிக்கை 30 சதவீதம் வரை அதிகரிக்க செய்வதற்கான முயற்சிகளில் தீவிரம் காட்டி வருகிறது. 

டி.வி.எஸ். மோட்டார் கம்பெனி நிறுவனம் ஜூலை 6 ஆம் தேதி இந்திய சந்தையில் புது மோட்டார்சைக்கிளை அறிமுகம் செய்ய இருக்கிறது. இந்த மாடலுக்கான டீசர் அதிகாரப்பூர்வமாக வெளியிடப்பட்டு உள்ளது. தொடர்ந்து பல்வேறு மாடல்களை அறிமுகம் செய்யும் பணிகளில் ஈடுபட்டு வரும் டி.வி.எஸ். நிறுவனம் தற்போது முற்றிலும் புது மோட்டார்சைக்கிளை அறிமுகம் செய்ய இருக்கிறது.

முன்னதாக டி.வி.எஸ். என்டார்க் 125 மற்றும் ஐகியூப் மாடல்களின் மேம்பட்ட வெர்ஷன் அறிமுகம் செய்யப்பட்ட நிலையில், தற்போது முற்றிலும் புது மாடல் அறிமுகம் செய்யப்பட இருப்பதாக தெரிவித்து உள்ளது. இந்த மாடல் அதிகம் எதிர்பார்க்கப்பட்டு வந்த செப்பிலின் குரூயிசர் மாடலாக இருக்கும் என கூறப்படுகிறது. டி.வி.எஸ். நிறுவனம் இம்முறை புதிய லைஃப்ஸ்டைல் சார்ந்த மாடலை அறிமுகம் செய்யும் என்றே தகவல் வெளியாகி உள்ளது.

இது உண்மையாகும் பட்சத்தில் புது மாடல் செப்பிலின்-ஆக இருக்காது. 2018 ஆட்டோ எக்ஸ்போ விழாவில் காட்சிக்கு வைக்கப்பட்ட டி.வி.எஸ். செப்பிலின் குரூயிசர் மாடல் ஆட்டோ விழாவில் அதிகம் பிரபலம் அடைந்தது. இந்த நிலையில், புது மாடல் மூலம் டி.வி.எஸ். நிறுவனம் குரூயிசர் பிரிவில் களமிறங்க தயாராகி விட்டதாகவே தெரிகிறது. தற்போது இந்திய சந்தையின் குரூயிசர் மாடல்கள் பிரிவில் அவெஞ்சர் 220 மட்டுமே விற்பனை செய்யப்பட்டு வருகிறது.

டி.வி.எஸ். செப்பிலின் கான்செப்ட் 220சிசி என்ஜின் கொண்டிருந்தது. இத்துடன் 1200 வாட் ரிஜெனரேட்டிவ் அசிஸ்ட் கொண்ட மோட்டார் மற்றும் 48 வோல்ட் லி-அயன் பேட்டரி வழங்கப்பட்டு இருந்தது.

ஹூண்டாய் நிறுவனம் இந்திய சந்தையில் புதிய வென்யூ பேஸ்லிப்ட் மாடலை அறிமுகம் செய்தது. புதிய ஹூண்டாய் வென்யூ பேஸ்லிப்ட் மாடல் விலை ரூ. 7 லட்சத்து 53 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

இந்திய வெளியீட்டுக்கு முன் புதிய 2022 ஹூண்டாய் வென்யூ பேஸ்லிப்ட் மாடல் விற்பனைகம் வந்தடைந்தது. புதிய ஹூண்டாய் வென்யூ பேஸ்லிப்ட் மாடல் - 1.2 லிட்டர் NA பெட்ரோல் மோட்டார், 1.5 லிட்டர் டீசல் என்ஜின் மற்றும் 1.0 லிட்டர் டர்போ பெட்ரோல் என்ஜின் வழங்கப்பட்டு உள்ளது.

இந்த என்ஜினுடன் 5 ஸ்பீடு மேனுவல் யூனிட், 6 ஸ்பீடு மேனுவல் யூனிட், iMT யூனிட் மற்றும் 7 ஸ்பீடு DCT யூனிட் வழங்கப்பட்டு இருக்கிறது. புதிய வென்யூ பேஸ்லிப்ட் மாடல் ஐந்து வித வேரியண்ட்களில் கிடைக்கிறது. 2022 ஹூண்டாய் வென்யூ மாடலில் புதிய கிரில், டார்க் குரோம் ஃபினிஷ், எல்.இ.டி. டி.ஆர்.எல்.கள், முன்புறம் மற்றும் பின்புற பம்ப்பர்கள் ரிடிசைன் செய்யப்பட்டு உள்ளன.

இத்துடன் புதிய அலாய் வீல்கள், ராப்-அரவுண்ட் எல்.இ.டி. டெயில் லைட்கள், எல்.இ.டி. லைட் பார், இண்டகிரேடெட் ஸ்பாயிலர் மற்றும் ஷார்க் ஃபின் ஆண்டெனா வழங்கப்பட்டு இருக்கிறது. புதிய வென்யூ பேஸ்லிப்ட் மாடலில் டிஜிட்டல் இன்ஸ்ட்ரூமெண்ட் கிளஸ்டர், 4 ஸ்போக் கொண்ட ஸ்டீரிங் வீல், பெரிய தொடுதிரை வசதி கொண்ட இன்போடெயின்மெண்ட் சிஸ்டம், ஆப்பிள் கார்பிளே, ஆண்ட்ராய்டு ஆட்டோ, டிரைவ் மோட்கள் போன்ற அம்சங்கள் உள்ளன.

இந்திய சந்தையில் 2022 ஹூண்டாய் வென்யூ மாடல் கியா சொனெட், டொயோட்டா அர்பன் குரூயிசர், டாடா நெக்சான், மஹிந்திரா XUV300 மற்றும் விரைவில் அறிமுகம் செய்யப்பட இருக்கும் மாருதி சுசுகி விட்டாரா பிரெஸ்ஸா மாடல்களுக்கு போட்டியாக அமைகிறது.

ஹூண்டாய் நிறுவனத்தின் மேம்பட்ட பேஸ்லிப்ட் வென்யூ மாடல் விற்பனையகம் வரத் துவங்கி இருக்கிறது. புதிய 2022 ஹூண்டாய் வென்யூ மாடல் நாளை (ஜூன் 16) இந்தியாவில் அறிமுகம் செய்யப்பட இருக்கிறது. இதுதவிர 2022 வென்யூ எஸ்.யு.வி. மாடலுக்கான முன்பதிவு ஹூண்டாய் விற்பனை மையங்களில் நடைபெற்று வருகிறது. புதிய ஹூண்டாய் வென்யூ மாடலுக்கான முன்பதிவு கட்டணம் ரூ. 21 ஆயிரம் என நிர்ணயம் செய்யப்பட்டு உள்ளது.

விற்பனையகம் வந்துள்ள புதிய ஹூண்டாய் வென்யூ மாடல் பேஸ் வேரியண்ட் ஆக இருக்கும் என்றே தெரிகிறது. இந்த மாடலில் பெரிய டச் ஸ்கிரீன் இன்போடெயின்மெண்ட் சிஸ்டம், டிஜிட்டல் இன்ஸ்ட்ரூமெண்ட் மற்றும் புஷ் பட்டன் ஸ்டார்ட் சிஸ்டம் உள்ளிட்டவை வழங்கப்பட்டு இருக்கிறது. மேலும் இந்த மாடல் வெள்ளை நிற எக்ஸ்டீரியர் பெயிண்ட் செய்யப்பட்டு உள்ளது. முன்னதாக 2022 ஹூண்டாய் வென்யூ மாடல் டைட்டன் கிரே நிற மாடல் ஸ்பை படங்கள் இணையத்தில் வெளியாகி இருந்தது.

2022 ஹூண்டாய் வென்யூ எஸ்.யு.வி. மாடல் ஏழு விதமான நிறங்களில் கிடைக்கும் என தெரிகிறது. இந்த மாடல் டைஃபூன் சில்வர், டைட்டன் கிரே, போலார் வைட், ஃபேண்டம் பிளாக், டெனிம் புளூ, ஃபியரி ரெட் மற்றும் ஃபியரி ரெட் (டூயல்-டோன்) நிறங்களில் கிடைக்கிறது.

மஹிந்திரா நிறுவனம் ஸ்கார்பியோ N மாடலின் இண்டீரியர் எப்படி இருக்கும் என்பதை புகைப்படங்களில் தெரியப்படுத்தி இருக்கிறது. இந்திய சந்தையில் அதிகம் எதிர்பார்க்கப்பட்டு வரும் ஸ்கார்பியோ N மாடல் ஜூன் 27 ஆம் தேதி அறிமுகம் செய்யப்பட இருக்கிறது. இந்த நிலையில், புதிய காரின் இண்டீரியர் புகைப்படங்கள் தற்போது வெளியாகி உள்ளது.

அட்ரினோ X யூசர் இண்டர்பேஸ் உடன் இந்த காரில் வழங்கப்பட இருக்கும் பல்வேறு அம்சங்கள் பற்றிய தகவல்களை மஹிந்திரா வெளியிட்டு இருக்கிறது. அதன்படி புதிய ஸ்கார்பியோ N மாடலில் சோனி நிறுவனத்தின் 3D சவுண்ட் சிஸ்டம் வழங்கப்பட இருக்கிறது. இத்துடன் எலெக்ட்ரிக் சன்ரூப், டூயல் ஜோன் கிளைமேட் கண்ட்ரோல், ஃபிளாட் பாட்டம் ஸ்டீரிங் வீல், தொடுதிரை வசதி கொண்ட இன்ஃபோடெயின்மெண்ட் சிஸ்டம், ஆப்பிள் கார்பிளே மற்றும் ஆண்ட்ராய்டு ஆட்டோ கனெக்டிவிட்டி வழங்கப்படுகிறது.

இதன் கேபினில் வயர்லெஸ் சார்ஜிங் வசதி, டூயல் பாட் இன்ஸ்ட்ரூமெண்ட் கிளஸ்டர், MID யூனிட், என்ஜின் ஸ்டார்ட்-ஸ்டாப் பட்டன், குரூயிஸ் கண்ட்ரோல், பல்வேறு டிரைவ் மோட்கள், ஆறு ஏர்பேக், ரூஃப் மவுண்ட் செய்யப்பட்ட ஸ்பீக்கர்கள் மற்றும் ஏராளமான அம்சங்கள் உள்ளன.

முன்னதாக இணையத்தில் லீக் ஆன தகவல்களில் மஹிந்திரா ஸ்கார்பியோ N மாடல் அளவில் 4662mm நீளம், 1917mm அகலம், 1870mm உயரம் மற்றும் 2750mm அளவில் வீல்பேஸ் கொண்டிருக்கும் என கூறப்பட்டது. இந்த எஸ்.யு.வி. மாடல் 2.2 லிட்டர் எம் ஹாக் டீசல் என்ஜின் மற்றும் 2.9 லிட்டர் எம் ஸ்டாலியன் டர்போ பெட்ரோல் என்ஜின் கொண்டிருக்கும் என தெரிகிறது.

இருவித என்ஜின்களுடன் மேனுவல் மற்றும் ஆட்டோமேடிக் டிரான்ஸ்மிஷன்கள் வழங்கப்படுகிறது. இத்துடன் 4x4 வேரியண்ட் கிடைக்கும் என எதிர்பார்க்கலாம். புதிய மஹிந்திரா ஸ்கார்பியோ N மாடலுக்கான விலை விவரங்கள் ஜூன் 27 ஆம் தேதி அறிவிக்கப்பட இருக்கிறது.