என் மலர்
ஆட்டோமொபைல்
- இந்த பைக்கில் 21 மற்றும் 17-இன்ச் வயர் ஸ்போக் வீல்கள் வழங்கப்படுகின்றன.
- கே.டி.எம். 390 அட்வெஞ்சர் S மாடலில் 399 சிசி லிக்விட் கூல்டு எஞ்சின் வழங்கப்படுகிறது.
பைக் பிரியர்களுக்கு பலவிதமான மாடல்களில் உள்ள பைக்குளில் பயணிப்பது மிகவும் விருப்பமான ஒன்று. அதுவும் கே.டி.எம். மாடல் பைக்குகள் மீது கொள்ள ஆசை கொண்டுள்ளனர். அதிலும் பல நாட்களாக கே.டி.எம். 390 அட்வெஞ்சர் மாடல் குறித்து சில தகவல்கள் மட்டுமே வெளியான நிலையில், தற்போது பைக் அறிமுக தேதி மற்றும் அம்சங்கள் குறித்த தகவல் வெளியாகி உள்ளது.
அதன்படி வருகிற 30-ந்தேதி அதாவது நாளை மறுநாள் இந்தியாவில் கே.டி.எம். 390 அட்வெஞ்சர் மோட்டார் சைக்கிள் அறிமுகம் செய்யப்படுவதாக அந்நிறுவனம் தெரிவித்துள்ளது. கோவாவில் நடைபெற்ற இந்தியா பைக் வாரம் நிகழ்வில் 390 அட்வெஞ்சர் S உடன் வெளியிடப்பட்ட 390 எண்டிரோ R பைக்குகளும் இந்த 390 பைக்குகளின் வரிசையில் அடங்கும்.
புதிய கே.டி.எம். 390 அட்வெஞ்சர் பைக்கில் செங்குத்தான ஹெட்லேம்ப்களை சுற்றி டி.ஆர்.எல்.கள் வழங்கப்படுகின்றன. இதில் ஒற்றை இருக்கை அமைப்பு மற்றும் டிசைன் இதனை ரேலி பைக் போன்ற தோற்றத்தை வழங்குகிறது.
இந்த பைக்கில் 21 மற்றும் 17-இன்ச் வயர் ஸ்போக் வீல்கள் வழங்கப்படுகின்றன. இவற்றில் டியூப்லெஸ் டயர்கள் வழங்கப்படும். பிரேக்கிங்கை பொருத்தவரை இருபுறமும் டிஸ்க் பிரேக்குகள் வழங்கப்பட்டு இருக்கிறது. இத்துடன் ஸ்விட்ச் செய்யக்கூடிய டூயல் சேனல் ஏ.பி.எஸ். வழங்கப்படுகிறது.
இத்துடன் TFT டிஸ்ப்ளே, டிராக்ஷன் கண்ட்ரோல் வசதி, கார்னெரிங் ஏ.பி.எஸ்., மற்றும் ரைடு மோட்கள் உள்ளிட்ட அம்சங்கள் உள்ளன. இத்துடன் குரூயிஸ் கண்ட்ரோல் வசதி வழங்கப்படுகிறது. இந்திய சந்தையில் கே.டி.எம். தனது பைக்கில் இந்த வசதியை வழங்குவது இதுவே முதல் முறை ஆகும்.
கே.டி.எம். 390 அட்வெஞ்சர் S மாடலில் 399 சிசி லிக்விட் கூல்டு எஞ்சின் வழங்கப்படுகிறது. இது 45 ஹெச்.பி. பவர், 39 நியூட்டன் மீட்டர் டார்க் இழுவிசையை வெளிப்படுத்தும் வகையில் டியூன் செய்யப்பட்டு உள்ளது.
- மாருதி சுசுகி நிறுவனம் தனது முதல் எலெக்ட்ரிக் காரான e-Vitara காரின் ஃபர்ஸ்ட் டீசரை கடந்த மாதம் வெளியிட்டது.
- மின்சார எஸ்யூவியின் உற்பத்தி அடுத்த மாதம் முதல் Suzuki Motor Gujarat Private Limited ஆலையில் தொடங்கும்.
நாட்டின் மிகப்பெரிய கார் தயாரிப்பு நிறுவனங்களில் ஒன்று மாருதி சுசுகி. இந்தியாவில் கார் பயன்பாட்டாளர்களின் மத்தியில் மிகவும் பிரபலமாக இருந்து வருகிறது மாருதி சுசுகி. மாருதி சுசுகி நிறுவனம் தனது முதல் எலெக்ட்ரிக் காரான e-Vitara காரின் ஃபர்ஸ்ட் டீசரை கடந்த மாதம் வெளியிட்டது.
இந்த நிலையில், பெரும் எதிர்பார்ப்புக்கு மத்தியில் மாருதி சுசுதி நிறுவனம் தனது முதல் மின்சார காரன இ-விட்டாராவை இந்தியாவில் அறிமுகம் செய்துள்ளது. இதன் ஆரம்பவிலை ரூ.17 லட்சம் முதல் ரூ.26 லட்சம் வரை நிர்ணயம் செய்யப்பட்டுள்ளது.
மின்சார வாகனங்களுக்கென பிரத்யேகமாக பயன்படுத்தப்படும் HEARTECT e-platform என்ற பாதுகாப்புத் தொழில்நுட்பத்தில் இந்த கார் வடிவமைக்கப்பட்டுள்ளது.
இந்த மின்சார எஸ்யூவியின் உற்பத்தி அடுத்த மாதம் முதல் Suzuki Motor Gujarat Private Limited ஆலையில் தொடங்கும். இது ஜூன் மாதத்திற்குள் ஐரோப்பா, ஜப்பான் மற்றும் இந்தியாவில் விற்பனைக்கு கிடைக்கும் என்று எதிர்பார்க்கப்படுகிறது.
- ஹோண்டா CBR 650R பைக்கின் எக்ஸ்-ஷோரூம் விலை ரூ. 9.99 லட்சமாக நிர்ணயிக்கப்பட்டுள்ளது.
- இந்த 2 பைக்கிலும் 649 சிசி இன்-லைன் 4 சிலிண்டர் என்ஜின் பொருத்தப்பட்டுள்ளது.
ஹோண்டா நிறுவனம் CBR650R மற்றும் CB650R ஆகிய இரண்டு புதிய பைக்குகளை இந்தியாவில் அறிமுகப்படுத்தியுள்ளது.
ஹோண்டா CBR 650R பைக்கின் எக்ஸ்-ஷோரூம் விலை ரூ. 9.99 லட்சமாகவும் ஹோண்டா CB650R பைக்கின் எக்ஸ்-ஷோரூம் விலை ரூ.9.20 லட்சமாகவும் நிர்ணயிக்கப்பட்டுள்ளது.
இந்த 2 பைக்கிலும் 649 சிசி இன்-லைன் 4 சிலிண்டர் என்ஜின் பொருத்தப்பட்டுள்ளது. இந்த என்ஜின் 12,000 ஆர்.பி.எம். இல் 93 ஹெச்.பி. மற்றும் 6,500 ஆர்.பி.எம். இல் 63 என்.எம். ஆற்றலை உருவாக்கும்.
இந்த பைக்குகளுக்கான டெலிவரி அடுத்த மாதம் முதல் தொடங்கும் என்று அறிவிக்கப்பட்டுள்ளது.
- 2025 ஹோண்டா டியோவில் புதிதாக 4.2-இன்ச் டிஎஃப்டி டிஸ்ப்ளே பொருத்தப்பட்டுள்ளது.
- டியோவில் யூ.எஸ்.பி டைப்-சி சார்ஜிங் போர்ட் பொருத்தப்பட்டுள்ளது.
ஹோண்டா மோட்டார்சைக்கிள் மற்றும் ஸ்கூட்டர் இந்தியா நிறுவனம் இந்திய சந்தையில் மேம்பட்ட அம்சங்களுடன் 2025 டியோ ஸ்கூட்டரை அறிமுகம் செய்துள்ளது.
2025 ஹோண்டா டியோ எஸ்டிடி (STD) மற்றும் டிஎல்எக்ஸ் (DLX) என்ற 2 வகைகளில் அறிமுகம் செய்யப்பட்டுள்ளது. இதில் டிஎல்எக்ஸ் ஸ்கூட்டரின் எக்ஸ் ஷோ ரூம் விலை ரூ. 74,930 ஆகவும் டியோ டிஎல்எக்ஸ் ஸ்கூட்டரின் எக்ஸ் ஷோ ரூம் விலை ரூ 85,648 ஆகவும் நிர்ணயிக்கப்பட்டுள்ளது.
இது எஸ்டிடி மற்றும் டிஎல்எக்ஸ் ஆகிய இரண்டு வகைகளிலும் ஐந்து நிறங்களில் ஹோண்டா டியோ கிடைக்கிறது.
இந்த புதிய டியோ ஸ்கூட்டரில் 109.51-சிசி மற்றும் ஒற்றை சிலிண்டர் PGM-Fi இன்ஜின் உள்ளது. இது 7.9 ஹார்ஸ் பவர் மற்றும் 9.03 என்எம் டார்க் விசையை உருவாக்கும்
இதில் புதிதாக 4.2-இன்ச் டிஎஃப்டி டிஸ்ப்ளே பொருத்தப்பட்டுள்ளது. டியோவில் யூ.எஸ்.பி டைப்-சி சார்ஜிங் போர்ட் பொருத்தப்பட்டுள்ளது. பயணத்தின்போது மொபைல்போன்களை இதனால் சார்ஜ் செய்து கொள்ளலாம்.
- ஹோண்டா மற்றும் சோனி நிறுவனங்கள் இணைந்து தயாரிக்கும் முதல் எலெக்ட்ரிக் கார் ஆகும்.
- இந்த காரின் தொடக்க விலையாக 77 லட்ச ரூபாய் நிர்ணயிக்கப்பட்டுள்ளது.
ஹோண்டா நிறுவனத்துடன் இணைந்து, ஜப்பானின் சோனி தயாரிக்கும் அஃபீலா ஏ1 எலெக்ட்ரிக் கார் விற்பனைக்கு முன்பதிவு தொடங்கியுள்ளது.
இந்தமுன்பதிவு கலிபோர்னியாவில் உள்ள வாடிக்கையாளர்களுக்கு மட்டுமே தற்போது திறக்கப்பட்டுள்ளது. இது 2026 முதல் அமெரிக்கா மற்றும் ஜப்பான் போன்ற உலகளாவிய சந்தைகளில் விற்பனைக்கு வரவுள்ளது.
இது ஹோண்டா மற்றும் சோனி நிறுவனங்கள் இணைந்து தயாரிக்கும் முதல் எலெக்ட்ரிக் கார் ஆகும்.
இந்த காரின் தொடக்க விலையாக 77 லட்ச ரூபாயும், ப்ரீமியம் ரக கார் 88 லட்ச ரூபாயாகவும் நிர்ணயம் செய்யப்பட்டுள்ளது.
இந்த எலெக்ட்ரிக் காரில் 482 bhp ஆற்றலை வழங்கும் இரட்டை மின்சார மோட்டார் பொருத்தப்பட்டுள்ளது. இதில் 91kWh லித்தியம் அயன் பேட்டரி பேக் பொருத்தப்பட்டுள்ளது. இந்த பேட்டரியில் 150kW வேகத்தில் வேகமாக சார்ஜ் செய்யலாம். இதில் ஒருமுறை சார்ஜ் செய்தால் 483 கிமீ தூரம் வரை செல்லலாம்.
- புதுப்பிக்கப்பட்ட 450 எஸ் எலெக்ட்ரிக் ஸ்கூட்டர் ரூ.1.30 லட்சத்திற்கு விற்பனை செய்யப்படுகிறது.
- இந்த ஸ்கூட்டரை ஒருமுறை முழுவதுமாக சார்ஜ் செய்தால் 105 கிமீ தூரம் ஓட்ட முடியும்.
ஏத்தர் எனர்ஜி நிறுவனம் இந்திய சந்தையில் தனது புதுப்பிக்கப்பட்ட 450 ரேஞ்ச் எலெக்ட்ரிக் கூட்டரை அறிமுகம் செய்துள்ளது.
இதில், 450 எஸ், 450 எக்ஸ் 2.9 kWh 450 எக்ஸ் 3.7 kWh ஆகிய 3 புதுப்பிக்கப்பட்ட எலெக்ட்ரிக் ஸ்கூட்டர் விற்பனைக்கு வந்துள்ளது.
புதுப்பிக்கப்பட்ட 450 எஸ் எலெக்ட்ரிக் ஸ்கூட்டரின் எக்ஸ் ஷோ ரூம் விலையாக ரூ.1.30 லட்சமாக நிர்ணயிக்கப்பட்டுள்ளது. இது பழைய எலெக்ட்ரிக் ஸ்கூட்டரின் விலையை விட 4,400 ரூபாய் அதிகமாகும்.
புதிய நீல நிறத்தில் அறிமுகமாகியுள்ள இந்த எலெக்ட்ரிக் ஸ்கூட்டர் இப்போது சற்று வேகமான 350W-லிருந்து 375W சார்ஜருடன் வருகிறது. ஒருமுறை முழுவதுமாக சார்ஜ் செய்தால் 105 கிமீ தூரம் ஓட்ட முடியும்.
புதுப்பிக்கப்பட்ட 450 எக்ஸ் 2.9 kWh 1.47 Pro Pack ஸ்கூட்டரின் எக்ஸ் ஷோ ரூம் விலையாக 1.64 லட்சமாக நிர்ணயிக்கப்பட்டுள்ளது. இது பழைய எலெக்ட்ரிக் ஸ்கூட்டரின் விலையை விட 6,400ரூபாய் அதிகமாகும்.
இந்த எலெக்ட்ரிக் ஸ்கூட்டர் இப்போது 700W சார்ஜருடன் வருகிறது. இதில் ஒருமுறை முழுவதுமாக சார்ஜ் செய்தால் 105 கிமீ தூரம் ஓட்ட முடியும்.
புதுப்பிக்கப்பட்ட 450 எக்ஸ் 3.7 kWh 1.57 Pro Pack எலெக்ட்ரிக் ஸ்கூட்டரின் விலை 1.77 லட்சமாக நிர்ணயிக்கப்பட்டுள்ளது. இது பழைய எலெக்ட்ரிக் ஸ்கூட்டரின் விலையை விட 2,000 ரூபாய் அதிகமாகும். இதில் ஒருமுறை முழுவதுமாக சார்ஜ் செய்தால் 130 கிமீ தூரம் ஓட்ட முடியும்.
- டிஃபென்டர் வி8 கார் 90, 110 மற்றும் 130 என மூன்று Body style-களில் கிடைக்கிறது.
- X-Dynamic HSE & X என இரண்டு வேரியண்ட்களில் டிஃபென்டர் வி8 கார் சந்தையில் அறிமுகமானது.
2024 ஆம் ஆண்டில் நிறுத்தப்பட்ட V8 இன்ஜினை மீண்டும் ஜாகுவார் லேண்ட் ரோவர் நிறுவனம் டிஃபென்டர் வரிசையில் இந்தியாவில் அறிமுகப்படுத்தியுள்ளது.
இந்த புதிய டிஃபென்டர் வி8 கார் 90, 110 மற்றும் 130 என மூன்று Body style-களிலும் X-Dynamic HSE & X என இரண்டு வேரியண்ட்களில் சந்தையில் அறிமுகமாகியுள்ளது.
இந்த காரின் என்ஜின் 426 ஹெச்.பி. பவர், 610 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.
டிஃபென்டர் வி8 காரின் எக்ஸ்-ஷோரூம் விலை:
1. டிஃபென்டர் 110 5.0 வி8 பெட்ரோல் எக்ஸ்-டைனமிக் எச்.எஸ்.இ.: ரூ 1.39 கோடி
2. டிஃபென்டர் 90 5.0 வி8 பெட்ரோல் எக்ஸ்: ரூ 1.42 கோடி
3. டிஃபென்டர் 110 5.0 வி8 பெட்ரோல் எக்ஸ்: ரூ 1.49 கோடி
4. டிஃபென்டர் 130 5.0 வி8 பெட்ரோல் எக்ஸ்-டைனமிக் எச்.எஸ்.இ.: ரூ 1.54 கோடி
5. டிஃபென்டர் 130 5.0 வி8 பெட்ரோல் எக்ஸ்: ரூ 1.64 கோடி
- Platina 110 ABS பைக் 2022 ஆம் ஆண்டு இந்தியாவில் அறிமுகப்படுத்தப்பட்டது.
- கடந்த ஆண்டு அப்டேட் செய்யப்பட்ட Pulsar F250 பைக்கின் விலை ரூ.1.50 லட்சமாக இருந்தது.
பஜாஜ் ஆட்டோ நிறுவனம் இந்தியாவில் தனது 3 பைக்குகளின் விற்பனையை நிறுத்துவதாக அறிவித்துள்ளது.
பஜாஜ் நிறுவனத்தில் Platina 110 ABS, CT125X, Pulsar F250 ஆகிய மூன்று பைக்குகளின் விற்பனை இந்தியாவில் நிறுத்தப்பட்டுள்ளது.
Platina 110 ABS பைக் 2022 ஆம் ஆண்டு இந்தியாவில் அறிமுகப்படுத்தப்பட்டது. இதன் விலை ரூ.72,224 ஆக நிர்ணயிக்கப்பட்டது. CT125X பைக்கின் விலை ரூ.71,354 - ரூ.74,554 ஆக இருந்தது. கடந்த ஆண்டு அப்டேட் செய்யப்பட்ட Pulsar F250 பைக்கின் விலை ரூ.1.50 லட்சமாக இருந்தது.
தற்போது இந்த பைக்குகளின் விற்பனையில் மந்தநிலை ஏற்பட்டுள்ளதால் பஜாஜ் நிறுவனம் இந்த முடிவை எடுத்துள்ளது.
- கடந்த ஆண்டு அதிகம் விற்பனையான கார்கள் பட்டியல் வெளியானது.
- ஆண்டு அதிகம் விற்பனையான கார் என்ற சாதனை.
ஒரே ஆண்டில் இந்திய சந்தையில் அதிகம் விற்பனையான கார் மாடல் என்ற சாதனையை டாடா மோட்டார்ஸ் நிறுவனத்தின் டாடா பன்ச் பெற்று இருக்கிறது. கடந்த ஆண்டு இந்தியாவில் அதிகம் விற்பனையான கார் என்ற பெருமையை டாடா பன்ச் பெற்றுள்ளது.
இதுதவிர கடந்த 40 ஆண்டுகளாக மாருதி சுசுகி நிறுவனத்தின் கார் மாடல் வருடாந்திர விற்பனையில் முதலிடத்தில் இருந்து வந்தது. இதற்கு முற்றுப் புள்ளி வைக்கும் வகையில், டாடா பன்ச் நிறுவனம் கடந்த ஆண்டு அதிகம் விற்பனையான கார் என்ற சாதனையை படைத்துள்ளது.
கடந்த 2024 ஆண்டு டாடா மோட்டார்ஸ் நிறுவனத்தின் பன்ச் மாடல் 2.02 லட்சம் யூனிட்கள் விற்பனையானது. இதே காலக்கட்டத்தில் மாருதி சுசுகி நிறுவனத்தின் வேகன் ஆர் மாடல் 1.90 லட்சம் யூனிட்கள் விற்பனையாகி இருந்தது.
இந்திய சந்தையில் கடந்த ஆண்டு அதிகம் விற்பனையான கார் மாடல்கள் பட்டியலில் மூன்றாவது இடத்தில் மாருதி சுசுகி நிறுவனத்தின் எர்டிகா மாடலும், நான்காவது இடத்தில் மாருதி பிரெஸ்ஸா மாடலும் இடம்பெற்று இருக்கிறது. இதில் ஐந்தாவது இடம் ஹூண்டாய் நிறுவனத்தின் கிரெட்டா மாடல் பெற்றுள்ளது.
2024 இந்தியாவில் அதிகம் விற்பனையான கார் மாடல்கள் டாப் 5 பட்டியல்:
டாடா பன்ச்: எஸ்.யு.வி. பிரிவில் விற்பனை செய்யப்படும் டாடா பன்ச் மாடல் இந்திய சந்தையில் கடந்த ஆண்டு 2 லட்சத்து 02 ஆயிரத்து 030 யூனிட்கள் விற்பனை செய்யப்பட்டது.
மாருதி சுசுகி வேகன் ஆர்: மாருதியின் ஹேச்பேக் மாடலான வேகன் ஆர் கடந்த ஆண்டு மட்டும் 1 லட்சத்து 90 ஆயிரத்து 855 யூனிட்கள் விற்பனையாகி இருக்கிறது.
மாருதி சுசுகி எர்டிகா: இந்திய சந்தையில் பிரபல எம்.யு.வி. மாடல்களில் ஒன்றான எர்டிகா கடந்த ஆண்டு 1 லட்சத்து 90 ஆயிரத்து 091 யூனிட்கள் விற்பனையானது.
மாருதி சுசுகி பிரெஸ்ஸா: மாருதி சுசுகியின் பிரெஸ்ஸா எஸ்.யு.வி. மாடல் கடந்த ஆண்டு 1 லட்சத்து 88 ஆயிரத்து 160 யூனிட்கள் விற்பனையாகி இருக்கிறது.
ஹூண்டாய் கிரெட்டா: இந்திய சந்தையில் பிரபல எஸ்.யு.வி. மாடல்களில் ஒன்று கிரெட்டா. இந்த மாடல் கடந்த ஆண்டு மட்டும் 1 லட்சத்து 86 ஆயிரத்து 919 யூனிட்கள் விற்பனையை பதிவு செய்துள்ளது.
- கிரெட்டா எலெக்ட்ரிக் மாடல் விவரங்கள் வெளியாகி உள்ளது.
- டெயில்கேட்-இல் "எலெக்ட்ரிக்" பேட்ஜ் வழங்கப்பட்டு இருக்கிறது.
ஹூண்டாய் நிறுவனம் இந்திய சந்தையில் தனது கிரெட்டா எலெக்ட்ரிக் கார் மாடலை ஜனவரி 17 ஆம் தேதி அறிமுகம் செய்ய இருக்கிறது. முன்னதாக இந்த கார் 2025 பாரத் மொபிலிட்டி குளோபல் எக்ஸ்போ நிகழ்வில் காட்சிக்கு வைக்கப்படுகிறது. இந்த நிலையில், புதிய கிரெட்டா எலெக்ட்ரிக் மாடல் விவரங்கள் வெளியாகி உள்ளது.
அதன்படி புதிய கிரெட்டா எலெக்ட்ரிக் மாடலில் பிளாக்டு-அவுட் கிரில், சார்ஜிங் போர்ட், இருபுறமும் மாற்றப்பட்ட பம்ப்பர்கள், பிளாக்டு-அவுட் ORVMகள், ஏரோ இன்செர்ட்களை கொண்ட முற்றிலும் புதிய 17 இன்ச் அலாய் வீல்கள், எல்.இ.டி. லைட் பார்கள், டெயில்கேட்-இல் "எலெக்ட்ரிக்" பேட்ஜ் வழங்கப்பட்டு இருக்கிறது.
உள்புறத்தில் 2025 ஹூண்டாய் கிரெட்டா எலெக்ட்ரிக் மாடலில் பானரோமிக் சன்ரூஃப், இரட்டை 10.25 இன்ச் ஸ்கிரீன்கள், ADAS சூட், V2L தொழில்நுட்பம், முற்றிலும் புதிய சென்டர் கன்சோல், டிரைவ் மோட்களுக்கு சுழலும் டயல், 360 டிகிரி ேமரா, ஷிஃப்ட் பை வயர் தொழில்நுட்பம் மற்றும் டிஜிட்டல் கீ உள்ளது.
அதிகம் எதிர்பார்க்கப்பட்ட கிரெட்டா எலெக்ட்ரிக் மாடலில் 51.4 கிலோவாட் ஹவர் மற்றும் 42 கிலோவாட் ஹவர் பேட்டரி ஆப்ஷன்கள் வழங்கப்படுகிறது. இவை முறையே 473 கிலோமீட்டர்கள் மற்றும் 390 கிலோமீட்டர்கள் வரையிலான ரேஞ்ச் வழங்குகிறது. இந்த காரை டி.சி. ஃபாஸ்ட் சார்ஜர் கொண்டு 58 நிமிடங்களில் 10-இல் இருந்து 80 சதவீதம் வரை சார்ஜ் ஏற்றிட முடியும்.
சுவரில் பொருத்தப்பட்ட 11 கிலோவாட் ஹோம் சார்ஜர் கொண்டு 10-இல் இருந்து 100 சதவீதம் வரை சார்ஜ் ஏற்ற நான்கு மணி நேரங்கள் ஆகும். வெளியிடப்பட்டதும், இந்த எலெக்ட்ரிக் கார் எம்.ஜி. ZS EV, டாடா கர்வ் EV, மாருதி இ-விட்டாரா மற்றும் மஹிந்திரா BE6 ஆகிய மாடல்களுக்கு போட்டியாக அமையும்.
- பைக்குகளின் மேம்பட்ட மாடல்களும் இடம்பெற்றன.
- கடந்த ஆண்டு வெளியான பைக்குகளில் டாப் 10 பட்டியல்.
இந்திய இருசக்கர வாகனங்கள் சந்தையில் கடந்த ஆண்டு ஏராளமான மோட்டார்சைக்கிள் மாடல்கள் அறிமுகம் செய்யப்பட்டன. இதில் முற்றிலும் புதிய மாடல்களும், ஏற்கனவே விற்பனை செய்யப்படும் பைக்குகளின் மேம்பட்ட மாடல்களும் இடம்பெற்று இருந்தன. அந்த வகையில், கடந்த ஆண்டு வெளியான பைக்குகளில் டாப் 10 பட்டியலை தொடர்ந்து பார்ப்போம்.
பஜாஜ் பல்சர் என்125
பஜாஜ் நிறுவனம் பல்சர் என்125 மோட்டார்சைக்கிளை கடந்த அக்டோபர் மாதம் அறிமுகம் செய்தது. இதன் விலை ரூ. 94,707 (எக்ஸ்-ஷோரூம்) என நிர்ணயம் செய்யப்பட்டு இருந்தது. இதில் 124.53சிசி சிங்கில் சிலிண்டர் எஞ்சின் வழங்கப்பட்டு இருக்கிறது. இது 12 ஹெச்.பி. பவர், 11 நியூட்டன் மீட்டர் டார்க் இழுவிசையை வெளிப்படுத்துகிறது.
கவாசகி நிஞ்சா ZX-4RR
கவாசகி நிறுவனத்தின் டாப் எண்ட் மாடல்களில் ஒன்றாக இந்த பைக் கடந்த நவம்பர் மாதம் அறிமுகம் செய்யப்பட்டது. ரூ. 9.42 லட்சம் (எக்ஸ்-ஷோரூம்) விலையில் அறிமுகம் செய்யப்பட்ட இந்த பைக்கில் 399 சிசி இன்லைன்-4 எஞ்சின் உள்ளது. இது 77 ஹெச்.பி. பவர், 39 நியூட்டன் மீட்டர் டார்க் இழுவிசையை வெளிப்படுத்தும்.
ஹோண்டா எஸ்.பி. 125 (2025)
2025 ஹோண்டா எஸ்.பி. 125 மாடல் கடந்த டிசம்பர் 23 ஆம் தேதி அறிமுகம் செய்யப்பட்டது. இதன் விலை ரூ. 91,771 (எக்ஸ்-ஷோரூம்) என நிர்ணயம் செய்யப்பட்டுள்ளது. இதில் 124சிசி சிங்கில் சிலிண்டர் ஃபியூவல் இன்ஜெக்ட் செய்யப்பட்ட எஞ்சின் வழங்கப்பட்டு இருக்கிறது. இந்த பைக்கில் மைலேஜை சிக்கனப்படுத்தும் ஐடில் ஸ்டாப் சிஸ்டம் உள்ளது.
ஹோண்டா எஸ்.பி. 160 (2025)
2025 ஹோண்டா எஸ்.பி. 160 மோட்டார்சைக்கிள் கடந்த டிசம்பர் 24 ம் தேதி அறிமுகம் செய்யப்பட்டது. இதன் விலை ரூ. 1.21 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது. இதில் 162.71 சிசி சிங்கில் சிலிண்டர் எஞ்சின் வழங்கப்பட்டு இருக்கிறது. இது 9.7 கிலோவாட் பவர், 14.8 நியூட்டன் மீட்டர் டார்க் இழுவிசையை வெளிப்படுத்துகிறது.
கவாசகி நிஞ்சா 1100SX
இந்திய சந்தையில் கடந்த டிசம்பர் 19 ஆம் தேதி அறிமுகம் செய்யப்பட்ட நிஞ்சா 1100SX ரூ. 13.39 லட்சம் (எக்ஸ்-ஷோரூம்) விலையில் கிடைக்கிறது. இதில் 1099சிசி இன்லைன் 4-சிலிண்டர் எஞ்சின் உள்ளது. இது 135 ஹெச்.பி. பவர், 113 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் ஏ.பி.எஸ்., டிராக்ஷன் கண்ட்ரோல், குரூயிஸ் கண்ட்ரோல் வசதிகள், பவர் மோட் வழங்கப்படுகிறது.
டிரையம்ப் ஸ்பீடு டுவின் 900
டிரையம்ப் நிறுவனம் கடந்த டிசம்பர் 24 ஆம் தேதி அறிமுகம் செய்த புதிய ஸ்பீடு டுவின் 900 மாடலில் 900சிசி பேரலல் டுவின் எஞ்சின் வழங்கப்பட்டு இருக்கிறது. இது 65 ஹெச்.பி. பவர், 80 நியூட்டன் மீட்டர் டார்க் இழுவிசையை வெளிப்படுத்துகிறது. இதன் விலை ரூ. 8.89 லட்சம் (எக்ஸ்-ஷோரூம்) என நிர்ணயம் செய்யப்பட்டு உள்ளது.
ராயல் என்பீல்டு கோன் கிளாசிக் 350
இந்திய சந்தையில் கடந்த நவம்பர் 23 ஆம் தேதி இந்த பைக் அறிமுகம் செய்யப்பட்டது. இதன் விலை ரூ. 2.35 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. இந்த பைக்கிலும் கிளாசிக் 350 மாடலில் உள்ள எஞ்சினே வழங்கப்பட்டு இருக்கிறது. இத்துடன் டிஜிட்டல் அனலாக் கன்சோல், டிரிப்பர் நேவிகேஷன், யு.எஸ்.பி. சார்ஜிங் வசதி உள்ளிட்டவை வழங்கப்பட்டுள்ளது.
கே.டி.எம். 1290 சூப்பர் அட்வென்ச்சர் ஆர்
கே.டி.எம். நிறுவனம் தனது 1290 சூப்பர் அட்வென்ச்சர் ஆர் மோட்டார்சைக்கிளை கடந்த நவம்பர் 14 ஆம் தேதி அறிமுகம் செய்தது. இதன் விலை ரூ. 22.74 லட்சம் (எக்ஸ்-ஷோரூம்) என நிர்ணயம் செய்யப்பட்டுள்ளது. இதில் 1301சிசி, டுவின் சிலிண்டர் லிக்விட் கூல்டு எஞ்சின் வழங்கப்பட்டுள்ளது. இத்துடன் பை-டைரக்ஷனல் குயிக் ஷிஃப்டர், ஸ்லிப்பர் கிளட்ச், ரைடு மோட்கள் என ஏராளமான வசதிகள் வழங்கப்பட்டு இருக்கிறது.
ராயல் என்பீல்டு பியர் 650
ராயல் என்பீல்டு நிறுவனம் தனது பியர் 650 மோட்டார்சைக்கிளை கடந்த நவம்பர் 5 ஆம் தேதி அறிமுகம் செய்தது. இதன் விலை ரூ. 3.39 லட்சம் (எக்ஸ்-ஷோரூம்) என நிர்ணயம் செய்யப்பட்டு உள்ளது. இதில் 650சிசி பேரலல் டுவின் எஞ்சின் வழங்கப்பட்டு இருக்கிறது.
கே.டி.எம். 1390 சூப்பர் டியூக் ஆர்
இந்திய சந்தையில் கே.டி.எம். 1390 சூப்பர் டியூக் ஆர் மோட்டார்சைக்கிள் கடந்த நவம்பர் 14 ஆம் தேதி அறிமுகம் செய்யப்பட்டது. இதன் விலை ரூ. 22.96 லட்சம் (எக்ஸ்-ஷோரூம்) என நிர்ணயம் செய்யப்பட்டு உள்ளது. இதில் 1350சிசி வி டுவின் எஞ்சின் வழங்கப்பட்டுள்ளது. இது 190 ஹெச்.பி. பவர், 145 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது.
- சாலை போக்குவரத்து மற்றும் நெடுஞ்சாலை அமைச்சக தரவுகள் தெரிவிக்கின்றன.
- 9.87 சதவீதம் பெட்ரோல்- சி.என்.ஜி., ஹைப்ரிட் மாடல்கள்.
உலகம் முழுக்க எலெக்ட்ரிக் வாகன பயன்பாடு கணிசமான அளவுக்கு அதிகரித்துக் கொண்டே வருகிறது. இந்தியாவிலும் எலெக்ட்ரிக் வாகனங்கள் விற்பனை கடந்த ஆண்டுகளில் ஒப்பிடும் போது, வளர்ச்சியை பதிவு செய்து வருகின்றன. அந்த வகையில், பல்வேறு முன்னணி எலெக்ட்ரிக் வாகன உற்பத்தியாளர்கள் இந்திய சந்தையில் பல்வேறு புது மாடல்களை எலெக்ட்ரிக் வெர்ஷன்களில் அறிமுகம் செய்து வருகின்றன.
அதன்படி டாடா மோட்டார்ஸ் நிறுவனத்தின் அதிகம் எதிர்பார்க்கப்பட்ட டாடா கர்வ் எலெக்ட்ரிக், டாடா பன்ச் எலெக்ட்ரிக், மஹிந்திரா நிறுவனத்தின் BE 6E, XEV 9e, எம்.ஜி. மோட்டார்ஸ் நிறுவனத்தின் வின்ட்சர், கியா நிறுவனத்தின் EV9 உள்பட பல்வேறு எலெக்ட்ரிக் கார்கள் அறிமுகம் செய்யபபட்டுள்ளன. இவைதவிர ஏற்கனவே சந்தையில் கிடைக்கும் எலெக்ட்ரிக் கார்களின் மேம்பட்ட வெர்ஷன்களும் இந்த ஆண்டு அறிமுகம் செய்யப்பட்டன.
இந்தியாவின் எலெக்ட்ரிக் வாகன சந்தை 2024 ஆம் ஆண்டில் ஒரு புதிய மைல்கல்லை எட்டியுள்ளது. டிசம்பர் 29 ஆம் தேதி வரையிலான நிலவரப்படி எலெக்ட்ரிக் வாகன விற்பனை ஆண்டுக்கு ஆண்டு 26.5 சதவீதம் அதிகரித்து 1.94 மில்லியன் யூனிட்களாக உயர்ந்துள்ளது. இதனை சாலை போக்குவரத்து மற்றும் நெடுஞ்சாலை அமைச்சக தரவுகள் தெரிவிக்கின்றன.
கடந்த ஆண்டு எலெக்ட்ரிக் வாகன விற்பனை 1.5 மில்லியன் யூனிட்களாக இருந்தது. இது, நாட்டின் ஒட்டுமொத்த எலெக்ட்ரிக் வாகன பயன்பாட்டை 7.46 சதவீதமாக உயர்த்தியது. இது 2023 ஆம் ஆண்டு 6.39 சதவீதமாக இருந்தது.
இந்திய சந்தையில் எலெக்ட்ரிக் வாகன விற்பனை அதிகரித்து வரும் போதிலும், பெட்ரோல் வாகனங்கள் ஆதிக்கம் தொடர்கிறது. இந்த ஆண்டு விற்பனையான ஒட்டுமொத்த (26.04 மில்லியன்) வாகனஹ்களில் 73.69 சதவீதம் (19.18 மில்லியன்) யூனிட்கள் பெட்ரோல் மாடல்கள் ஆகும்.
இதில் 10.5 சதவீதம் (2.62 மில்லியன்) யூனிட்கள் டீசல் மாடல்கள், 9.87 சதவீதம் பெட்ரோல்- சி.என்.ஜி., ஹைப்ரிட் மாடல்கள் ஆகும். 2024 ஆண்டு விற்பனை செய்யப்பட்ட ஒரு எலெக்ட்ரிக் வாகனத்திற்கு இணையாக 12.43 பெட்ரோல்-சி.என்.ஜி, ஹைப்ரிட், டீசல் மாடல்கள் அடங்கும்.
மாதாந்திர விற்பனை:
இந்த ஆண்டு ஜனவரி, பிப்ரவரி மாதங்களில் முறையே 1,45,064 மற்றும் 1,41,740 யூனிட்கள் விற்பனையாகி உள்ளன. மார்ச் மாதத்தில் 2,13,068 யூனிட்களாக அதிகரித்தது. பிறகு ஏப்ரல், மே மாதங்களில் குறைந்து 1,15,898 மற்றும் 1,40,659 யூனிட்களாக இருந்தது. ஜூன் மாதத்தில் 1,40,137 யூனிட்கள் விற்பனையானது.
2024 ஆண்டின் இரண்டாம் பாதியில் அதிக எலெக்ட்ரிக் வாகனங்கள் விற்பனையானது. அதன்படி கடந்த அக்டோபர் மாதம் 2,19,482 யூனிட்கள் விற்பனையானது. இந்த ஆண்டு ஒரே மாதத்தில் அதிக வாகனங்கள் விற்பனையா மாதமாக அமைந்தது. நவம்பர் மற்றும் டிசம்பர் மாதங்களில் இந்த எண்ணிக்கை 1,92,575 மற்றும் 1,32,302 யூனிட்களாக சரிந்தது.
எனினும், இந்த ஆண்டு முழுக்க ஒவ்வொரு மாதமும் எலெக்ட்ரிக் வாகன விற்பனை குறைந்தபட்சம் ஒரு லட்சம் யூனிட்களுக்கும் அதிகமாகவே இருந்துள்ளது.
மத்திய அரசு திட்டம்:
இந்தியாவில் இந்த ஆண்டு மார்ச் 31 ஆம் தேதியுடன் எலெக்ட்ரிக் வாகனங்களுக்கு மானியம் அளிக்கப்பட்டு வந்து ஃபேம் 2 திட்டம் முடிவுக்கு வந்தது. இதன் காரணமாக கடந்த ஏப்ரல் மாதத்தில் எலெக்ட்ரிக் வாகன விற்பனை 1,15,898 யூனிட்களாக சரிந்தது.
இதன் பிறகு, பண்டிகை காலம் மற்றும் பிரதமரின் இ-டிரைவ் திட்டம் காரணமாக மீண்டும் எலெக்ட்ரிக் வாகன விற்பனை கணிசமாக அதிகரித்து சாதனை படைத்தது. நடப்பு நிதியாண்டில் எஞ்சியுள்ள காலக்கட்டத்தில் எலெக்ட்ரிக் வாகன விற்பனை கணிசமாக அதிகரிக்கும் என்றே எதிர்பார்க்கப்படுகிறது. வாகன உற்பத்தியாளர்கள் சமீப காலங்களில் அறிமுகம் செய்துள்ள புதிய மாடல்கள் மற்றும் புத்தாண்டு பிறப்பை ஒட்டி வாகன விற்பனை அதிகரிக்கலாம் என்று தெரிகிறது.
