ஆட்டோமொபைல்

டிவிஎஸ் மோட்டார்ஸ் நிறுவனம் கூடுதல் பாதுகாப்பு சிறப்பம்சங்களுடன் ரோனின் 2025 மோட்டார்சைக்கிள் மாடலை இந்தியாவில் அறிமுகப்படுத்தியது

ரோனின் 2025 மோட்டார்சைக்கிளின் ஆரம்ப விலை ரூ.1.35 லட்சமாகவும் (Ex-Showroom) ஆகவும் மிட் - வேரியண்டின் விலை ரூ.1.59 லட்சமாகவும் நிர்ணயிக்கப்பட்டுள்ளது.

2025 ரோனின் மாடல் கிளேசியர் சில்வர் மற்றும் சார்கோல் எம்பெர் என இரண்டு புதிய நிறங்களில் அறிமுகமாகியுள்ளது.

இந்த பைக்கில் 225.9சிசி சிங்கில் சிலிண்டர் எஞ்சின் வழங்கப்பட்டு இருக்கிறது. இது 20.4 பி.எஸ். பவர், 19.93 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு கியர்பாக்ஸ் வழங்கப்படுகிறது. 

மஹிந்திராவின் புதிய EV மாடல்களான XEV9e மற்றும் BE6, விற்பனைக்கான முன்பதிவுகள் தொடங்கப்பட்ட முதல் நாளே 30,179 புக்கிங்களை பெற்று புதிய சாதனையை படைத்துள்ளன. இதன் முன்பதிவு மதிப்பு மட்டும் ரூ.8,472 கோடி (Ex-Showroom) என மதிப்பீடு செய்யப்பட்டுள்ளது.

மின்சார கார்கள் விற்பனையில் இது ஒரு மைல்கல் என மஹிந்திரா பெருமிதம் தெரிவித்துள்ளது.

மஹிந்திரா BE 6 மற்றும் XEV 9e மின்சார கார்கள் 170kW மோட்டார் 59kWh பேட்டரி மற்றும் 210kW மோட்டார் 79kWh பேட்டரி என்று 2 மாடல்களில் விற்பனை செய்யப்படவுள்ளது. இந்த மொட்டரின் டார்க்விசை 380Nm ஆகும்.

மஹிந்திரா BE 6 காரின் விலைகள் (எக்ஸ்-ஷோரூம்):

பேக் ஒன்று 59kWh - ரூ. 18.90 லட்சம்

பேக் ஒன்றுக்கு மேல் 59kWh - ரூ. 20.50 லட்சம்

பேக் 2 59kWh - ரூ. 21.90 லட்சம்

பேக் 3 செலக்ட் 59kWh - ரூ. 24.50 லட்சம்

பேக் 3 79kWh - ரூ. 26.90 லட்சம்

மஹிந்திரா XEV 9e காரின் விலைகள் (எக்ஸ்-ஷோரூம்):

பேக் 1 59kWh - ரூ. 21.90 லட்சம்

பேக் 2 59kWh - ரூ. 24.90 லட்சம்

பேக் 3 செலக்ட் 59kWh - ரூ. 27.90 லட்சம்

பேக் 3 79kWh - ரூ. 30.50 லட்சம்

மஹிந்திரா BE 6 மற்றும் மஹிந்திரா XEV 9e மின்சார கார்களின் பேக் 3 மாடல் இந்தாண்டு மார்ச் மாதத்திலும் பேக் 3 செலக்ட் மாடல் ஜூன் மாதத்திலும் பேக் 2 மாடல் ஜூலையிலும் பேக் 1 மற்றும் பேக் ஒன்றுக்கு மேல் மாடல் ஆகஸ்டிலும் டெலிவரி செய்யப்படும் என்று மஹிந்திரா நிறுவனம் தெரிவித்துள்ளது. 

ராயல் என்பீல்டு நிறுவனத்தின் ஷாட்கன் 650 மாடலின் லிமிடெட் எடிஷன் பைக்குகள் இந்தியாவில் அறிமுகமாகின.

இந்த பைக் 47bhp ஆற்றலையும் 52.3Nm டார்க் விசையையும் வழங்கும் காற்று மற்றும் எண்ணெய் குளிரூட்டலுடன் கூடிய 649cc பேரலல்-ட்வின் இன்ஜின் மூலம் இயக்கப்படுகிறது.

உலகளவில் 100 பைக்குகள் மட்டுமே தயாரிக்கப்பட்டுள்ள நிலையில், இந்தியாவிற்கு 25 பைக்குகள் ஒதுக்கீடு செய்யப்பட்டுள்ளது. இந்த பைக்கின் ஆரம்ப விலை ₹4.25 லட்சமாக (EX-Showroom) நிர்ணயம் செய்யப்பட்டுள்ளது.

இந்த பைக்கிற்கான முன்பதிவு பிப்ரவரி 12 அன்று இரவு 8:30 மணிக்கு ராயல் என்பீல்ட் செயலி வழியாக தொடங்கும் என்றும் முன்பதிவில் முதலில் வருபவர்களுக்கே முன்னுரிமை என்று தெரிவிக்கப்பட்டுள்ளது.

தென் கொரிய வாகன தயாரிப்பு நிறுவனமான கியா மோட்டார்ஸ் 155 மில்லியன் டாலர் (ரூ.1,354 கோடி) அளவுக்கு வரி ஏய்ப்பு செய்ததாக இந்திய அரசு குற்றம் சாட்டியுள்ளதாக தகவல் வெளியாகியுள்ளது.

கியா மோட்டார்ஸ் இந்தியா சொகுசு கார்னிவல் மினிவேனின் அசெம்பிளிக்கான உதிரிப்பாகங்களின் இறக்குமதியில் தவறான தகவல்களை தெரிவித்ததாக மத்திய அரசு குற்றம் சாட்டியுள்ளது .

கியா கார்ப்பரேஷனின் துணை நிறுவனமான கியா மோட்டார்ஸ் இந்தியா இந்த குற்றச்சாட்டை திட்டவட்டமாக மறுத்துள்ளதாக கூறப்படுகிறது.

வெளிநாட்டு கார் நிறுவனங்களுக்கு இந்திய அரசு அதிகமான இறக்குமதி வரி விதிப்பதாக டெஸ்லா நிறுவனம் வெளிப்படையாக குற்றம் சாட்டியிருந்தது.

இந்தியாவின் வாகன சந்தையில் ஹூண்டாய் மற்றும் மாருதி சுசுகியுடன் கியா மோட்டார்ஸ் போட்டியிட்டு வருகிறது. கியா நிறுவனத்தின் செல்டோஸ் மற்றும் சோனெட் எஸ்யூவிகள் அதிக அளவில் இந்தியாவில் விற்பனை ஆகின்றன என்பது குறிப்பிடத்தக்கது.

ஓலா நிறுவனம் ரோட்ஸ்டர் எக்ஸ் மற்றும் ரோட்ஸ்டர் எக்ஸ்+ எலக்ட்ரிக் பைக்கை இந்தியாவில் அறிமுகம் செய்தது.

ரோட்ஸ்டர் எக்ஸ் . ரோட்ஸ்டர் எக்ஸ்+ என 2 மாடல்களில் 5 வகைகளாக இந்த பைக்குகள் வெளியாகிறது.

ரோட்ஸ்டர் X எலக்ட்ரிக் பைக்கில் 9bhp பவரை வழங்கும் 7kW மின்சார மோட்டார் உள்ளது. 2.5kWh மற்றும் 3.5kWh ரோட்ஸ்டர் X எலக்ட்ரிக் பைக்கில் அதிகபட்சமாக 105 கிமீ வேகத்திலும் 4.5kWh ரோட்ஸ்டர் X எலக்ட்ரிக் பைக்கில் அதிகபட்சமாக 118 கிமீ வேகத்திலும் பயணம் செய்யலாம்.

4.5kWh மற்றும் 9.1kWh பேட்டரி கொண்ட ரோட்ஸ்டர் X+ எலக்ட்ரிக் பைக்கில் 14bhp பவரை வழங்கும் 11kW மின் மோட்டார் பொருத்தப்பட்டுள்ளது. இந்த பைக்குகளில் 2.8 வினாடிகளில் 40 கிமீ வேகத்தை எட்டிவிடலாம். இந்த இரண்டு மாடல்களும் 1kW சார்ஜருடனும் விருப்பப்பட்டால் 2.2kW சார்ஜருடனும் கிடைக்கும்.

ஏப்ரல் 2025 இல் வெளிவரும் 9.1kWh எலக்ட்ரிக் பைக்கை தவிர மற்ற பைக்குகள் மார்ச் மாதத்தில் டெலிவரி செய்யப்படும் என்று தெரிவிக்கப்பட்டுள்ளது.

இந்த பைக்குகளின் எக்ஸ் ஷோ ரூம் விலை:

ரோட்ஸ்டர் எக்ஸ் (2.5kWh) - ரூ.74,999

ரோட்ஸ்டர் எக்ஸ் (3.5kWh) - ரூ.84,999

ரோட்ஸ்டர் எக்ஸ் (4.5kWh) - ரூ.94,999

ரோட்ஸ்டர் எக்ஸ்+ (4.5kWh) - ரூ.1,04,999

ரோட்ஸ்டர் எக்ஸ்+ (9.1kWh) - ரூ.1,54,999

KTM நிறுவனம் 390 Adventure மற்றும் Adventure X பைக்குகளை இந்தியாவில் அறிமுகம் செய்துள்ளது.

கேடிஎம் 390 அட்வெஞ்சர் எக்ஸ் மற்றும் 390 அட்வெஞ்சர் ஆகியவை ஒரே 373சிசி, சிங்கிள்-சிலிண்டர், ஏர்-கூல்டு எஞ்சினைக் கொண்டுள்ளன. இது 6-ஸ்பீடு கியர்பாக்சுடன் இணைக்கப்பட்டுள்ளது. இவை முறையே 42.31 ஹெச்.பி. பவரையும் 37 என்.எம். டார்க் விசையையும் வெளிப்படுத்தும். இரண்டு பைக்குகளும் 32.7 kmpl மைலேஜ் தரும் என்று தெரிவிக்கப்பட்டுள்ளது.

கேடிஎம் 390 அட்வெஞ்சர் பைக்கின் விலை ரூ. 3.68 லட்சமாகவும் கேடிஎம் 390 அட்வெஞ்சர் எக்ஸ் பைக்கின் விலை ரூ.2.91 லட்சமாகவும் நிர்ணயம் செய்யப்பட்டுள்ளது.

பிரபல கார் தயாரிப்பு நிறுவனங்களான நிசான் மற்றும் ஹோண்டா ஆகியவை ஒன்றாக இணைந்து செயல்படுவதற்கான பேச்சுவார்த்தை நடைபெற்று வந்தது .

ஜப்பான் நாட்டை சேர்ந்த நிசான் மற்றும் ஹோண்டா ஆகிய கார் தயாரிப்பு நிறுவனங்கள் ஒன்றாக இணைந்து உலகின் 3 ஆவது மிகப்பெரிய கார் தயாரிப்பு நிறுவனமாக மாறும் என்று எதிர்பார்க்கப்பட்டது.

இந்நிலையில், ஹோண்டா உடனான இணைப்பு பேச்சுவார்த்தையை கைவிட நிசான் நிறுவனம் முடிவெடுத்துள்ளதாக தகவல் வெளியாகியுள்ளது.

இது தொடர்பாக நிசானின் நிர்வாகக் குழு உறுப்பினர்கள் விரைவில் கூடி நடவடிக்கை எடுக்க உள்ளனர் என்று கூறப்படுகிறது.

இந்த தகவல் வெளியில் பரவியவுடன் ஹோண்டா மற்றும் நிஸானின் பங்குகள் கணிசமான உயர்வை கண்டுள்ளன என்பது குறிப்பிடத்தக்கது.

மிகவும் எதிர்பார்க்கப்பட்ட ரோட்ஸ்டர் எலக்ட்ரிக் பைக்கை பிப்ரவரி 5ம் தேதி ஓலா நிறுவனம் அறிமுகம் செய்கிறது.

ரோட்ஸ்டர் ப்ரோ , ரோட்ஸ்டர் எக்ஸ் . ரோட்ஸ்டர் என 3 மாடல்களில் 8 வகைகளாக இந்த பைக்குகள் வெளியாகிறது.

இந்த பைக்குகளில் 2.8 வினாடிகளில் 40 கிமீ வேகத்தை எட்டிவிடலாம். இந்த பைக்கின் உட்சபட்ச வேகம் 124 கிமீ ஆகும். ஒருமுறை சார்ஜ் செய்தால் 200 கிமீ தூரம் வரை ஓட்டலாம்.

இந்த பைக்குகளின் எக்ஸ் ஷோ ரூம் விலை:

ரோட்ஸ்டர் ப்ரோ (8kWh) - ரூ.1,99,999

ரோட்ஸ்டர் ப்ரோ (16kWh) - ரூ.2,49,999

ரோட்ஸ்டர் எக்ஸ் (2.5kWh) - ரூ.74,999

ரோட்ஸ்டர் எக்ஸ் (3.5kWh) - ரூ.84,999

ரோட்ஸ்டர் எக்ஸ் (4.5kWh) - ரூ.99,999

ரோட்ஸ்டர் (3.5kWh) - ரூ.1,04,999

ரோட்ஸ்டர் (4.5kWh) - ரூ.1,19,999

ரோட்ஸ்டர் (6kWh) - ரூ.1,39,999

2025 ஜனவரி மாதத்தில் 4.42 லட்சம் பைக்குகளை விற்பனை செய்து ஹீரோ மோட்டோகார்ப் நிறுவனம் முதல் இடத்தை பிடித்து அசத்தியுள்ளது. இது கடந்தாண்டை விட 141% அதிகமாகும்.

இந்த பட்டியலில் 3.97 லட்சம் பைக்குகளை விற்பனை செய்து டி.வி.எஸ். மோட்டார் நிறுவனம் இரண்டாம் இடத்தை பிடித்துள்ளது. இது கடந்தாண்டை விட 17% அதிகமாகும்.

1.08 லட்சம் பைக்குகளை விற்பனை செய்து சுசுகி மோட்டார்சைக்கிள் இந்தியா நிறுவனம் மூன்றாம் இடத்தை பிடித்துள்ளது. இது கடந்தாண்டை விட 14% அதிகமாகும்.

கடந்தாண்டை விட 20% வளர்ச்சியுடன் ராயல் என்பீல்டு நிறுவனம் 91,132 பைக்குகளை இந்தாண்டு விற்பனை செய்துள்ளது.

பைக் பிரியர்களின் எதிர்பார்ப்புகளுக்கு மத்தியில் ஓலா எலெக்ட்ரிக் அதன் ஜென் 3 ரக எலெக்ட்ரிக் ஸ்கூட்டர்களை இன்று அறிமுகப்படுத்தி உள்ளது. இது தற்போதைய மாடல்களை விட அதிக அம்சங்கள் கொண்டது, மேம்பட்டது மற்றும் இலகுவான மாடலில் இன்று முதல் விற்பனையாகிறது.

இந்த எலெக்ட்ரிக் ஸ்கூட்டர்களில் உள்ள அனைத்தும் புதியவை என்று நிறுவனம் கூறுகிறது. சேசிஸ் முழுமையாக மாற்றப்பட்டுள்ளது. இது மிகவும் இலகுவானது. மோட்டாரில் அதிக மாற்றங்கள் செய்யப்பட்டுள்ளது. இதன் பேட்டரி செல்கள் புதியவை. இந்த ஸ்கூட்டரில் இப்போது வயர் டெக் மூலம் பிரேக் பொருத்தப்பட்டுள்ளது.

புதிய ஓலா S1X மூன்று பேட்டரி விருப்பங்களில் கிடைக்கும். 2kWh (ரூ. 80,000), 3kWh (ரூ. 90,000) மற்றும் 4kWh (ரூ. 1 லட்சம்). இதன் 4kWh பேட்டரி அதிகபட்சமாக மணிக்கு 123 கிலோமீட்டர்கள் வேகத்தில் செல்லும். இந்த ஸ்கூட்டர் முழு சார்ஜ் செய்தால் 242 கிலோமீட்டர்கள் வரை செல்லும் என அறிவிக்கப்பட்டுள்ளது.

3kWh பேட்டரி 176 கிலோமீட்டர்கள் வரையிலான ரேஞ்ச் வழங்குகிறது. இது அதிகபட்சம் 113 கிலோமீட்டர் வேகத்தில் செல்லும். 2kWh அதிகபட்ச வேகம் 101 கிலோமீட்டர்கள் ஆகும். இது 108 கிலோமீட்டர் வரை செல்லும்.

புதிய ஓலா S1X வெள்ளை, நீலம், சிவப்பு, வெள்ளி மற்றும் கருப்பு என ஐந்து வண்ணங்களில் விற்பனையாகிறது. இந்த ஸ்கூட்டர்கள் 3 ஆண்டுகள்/40,000 கிலோமீட்டர்கள் உத்தரவாதத்துடன் வருகின்றன. ஆனால் கூடுதலாக ரூ.14,999 செலுத்துவதன் மூலம் பேட்டரி உத்தரவாதத்தை 8 ஆண்டுகள் அல்லது 1.25 லட்சம் கிலோமீட்டர்களாக நீட்டிக்கலாம்.

பைக் பிரியர்களுக்கு புது மாடல்கள் வரவர அதன் மீதான ஆர்வமும் அதிகரிக்கும். அதே சமயத்தில் தங்களின் பொருட்செலவுக்கு ஏற்றார் போல் இருந்தால் கேட்கவே வேண்டாம். கடந்த ஆண்டு ஓலா நிறுவனம் அறிவித்த ஓலா ஜென் 3 ஸ்கூட்டரின் டீசர் வீடியோ வெளியாகி மிகுந்த எதிர்பார்ப்பை ஏற்படுத்தியது. அதனை தொடர்ந்து ஓலா ஜென் 3 ரேஞ்ச் ஸ்கூட்டரின் அறிமுகத்திற்காக பலரும் காத்திருந்தனர்.

இந்த நிலையில், ஓலா எலெக்ட்ரிக் அதன் ஜென் 3 ரக எலெக்ட்ரிக் ஸ்கூட்டர்களை நாளை அறிமுகப்படுத்த உள்ளது. இது தற்போதைய மாடல்களை விட அதிக அம்சங்கள் கொண்டது, மேம்பட்டது மற்றும் இலகுவானது என்று நம்பப்படுகிறது.

மோட்டார், பேட்டரி மற்றும் எலெக்ட்ரானிக்ஸ் ஆகியவற்றை ஒரு யூனிட்டில் ஒருங்கிணைக்க அந்நிறுவனம் பேட்டரி கட்டமைப்பை மேம்படுத்தியுள்ளதாகத் தெரிகிறது. இதற்காக ஜென்-1 மாடலில் வழங்கப்பட்ட 10 பிராசஸர்கள், ஜென்-2 மாடல்களில் நான்காக குறைக்கப்பட்டன. தற்போது ஜென் 3 மாடல்களில் இது மேலும் குறைந்து ஒற்றை பிராசஸருடன் அறிமுகம் செய்யப்படுகிறது. இது திருத்தப்பட்ட ஆர்கிடெக்ச்சரில் வயரிங் அமைப்பை பெருமளவு மாற்றியுள்ளதோடு, அதன் சிக்கலையும் குறைக்கும்.

அம்சங்களைப் பொறுத்தவரை, ஜென் 3 மாடலிலும் தற்போதைய மாடல்களில் உள்ளதை போன்ற அம்சங்களே வழங்கப்படும் என்று தெரிகிறது. இத்துடன் புதிய மற்றும் மேம்படுத்தப்பட்ட டி.எஃப்.டி. டிஸ்ப்ளே வழங்கப்படுகிறது. இந்த அமைப்பை இயக்கும் மென்பொருள் புதுப்பிக்கப்படும். இத்துடன் ADAS அம்சங்கள் வழங்கப்படுகிறது. எனினும், இது ஆரம்பத்தில் வழங்கப்படாமல், அப்டேட் மூலம் பின்னர் தான் வழங்கப்படும் என்று கூறப்படுகிறது.

இந்திய சந்தையில் ஓலா S1 X 2kWh மாடலின் விலை ரூ. 79,999 (எக்ஸ்-ஷோரூம்) என்று துவங்கும் என தெரிகிறது. இதன் டாப் எண்ட் மாடல் விலை ரூ. 1.59 லட்சமும், 4kWh மற்றும் 3kWh மாடல்களின் விலை முறையே ரூ. 1.5 லட்சம் மற்றும் ரூ. 1.29 லட்சம் (எக்ஸ்-ஷோரூம்) ஆக இருக்கும் என தெரிகிறது.

ஓலா எலெக்ட்ரிக் நிறுவனத்தின் ஆரோஹெட் எலெக்ட்ரிக் ஸ்போர்ட்ஸ் பைக் விரைவில் சந்தைக்கு வரும் என்று அந்நிறுவனத்தின் சி.இ.ஓ. பவிஷ் அகர்வால் தெரிவித்துள்ளார்.

ஆரோஹெட் எலெக்ட்ரிக் ஸ்போர்ட்ஸ் பைக்கின் புகைப்படங்களை தனது எக்ஸ் பக்கத்தில் அவர் பகிர்ந்துள்ளார்.

இந்தாண்டு ஆகஸ்ட் மாதம் ஆரோஹெட் ஸ்போர்ட்ஸ் பைக் இந்தியாவில் அறிமுகமாகும் என்று எதிர்பார்க்கப்படுகிறது.

இந்த பைக்கின் எக்ஸ் ஷோ ரூம் விலை 1.50 லட்சமாக இருக்கும் என்று எதிர்பார்க்கப்படுகிறது.