ஆட்டோமொபைல்ஸ் - Archive

லேண்ட் ரோவர் நிறுவனம் சத்தமின்றி புதிய டிபென்டர் மாடலை டீசல் என்ஜினுடன் அறிமுகம் செய்தது. புதிய டிபென்டர் டீசல் வெர்ஷன் 90 மற்றும் 110 மாடல்களில் கிடைக்கிறது. டீசல் என்ஜின் கொண்ட புதிய லேண்ட் ரோவர் டிபென்டர் மாடல்களின் விலை ரூ. 94.36 லட்சம் என துவங்கி டாப் எண்ட் மாடல் விலை ரூ. 1.08 கோடி என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

லேண்ட் ரோவர் டிபென்டர் டீசல் எஸ்இ, ஹெச்எஸ்இ, எக்ஸ்-டைனமிக் ஹெச்எஸ்இ மற்றும் எக்ஸ் என நான்கு வேரியண்ட்களில் கிடைக்கிறது. அனைத்து வேரியண்ட்களும் 90 மற்றும் 110 மாடல்களில் கிடைக்கின்றன. டீசல் என்ஜின் கொண்ட மாடல்கள் பெட்ரோல் வேரியண்ட் போன்ற தோற்றம் மற்றும் அம்சங்களை கொண்டிருக்கிறது. 

டீசல் மாடலில் 3.0 லிட்டர் 4 சிலிண்டர் டர்போசார்ஜ் செய்யப்பட்ட என்ஜின் வழங்கப்பட்டு உள்ளது. இந்த என்ஜின் 298 பிஹெச்பி பவர், 650 என்எம் டார்க் செயல்திறன் வழங்குகிறது. இத்துடன் 8 ஸ்பீடு ஆட்டோமேடிக் டிரான்ஸ்மிஷன் யூனிட் வழங்கப்படுகிறது.

புதிய லேண்ட் ரோவர் டிபென்டர் டீசல் மாடல் 100 கிலோமீட்டர் வேகத்தை 6.7 நொடிகளில் எட்டிவிடும். மேலும் இது மணிக்கு அதிகபட்சம் 191 கிலோமீட்டர் வேகத்தில் செல்லும் வகையில் கட்டுப்படுத்தப்பட்டு இருக்கிறது.

டாடா மோட்டார்ஸ் நிறுவனத்தின் அதிகம் விற்பனையாகும் மாடல்களில் ஒன்றாக டாடா டியாகோ விளங்குகிறது. முன்னதாக டியாகோ லிமிடெட் எடிஷன் மாடலை டாடா மோட்டார்ஸ் அறிமுகம் செய்தது. தற்போது டியாகோ மாடல் புதிய நிறத்தில் அறிமுகம் செய்யப்பட்டு உள்ளது.

முன்னதாக டாடா டியாகோ மாடல் டெக்டானிக் புளூ நிறத்தில் கிடைத்தது. தற்போது இந்த நிறத்திற்கு மாற்றாக டாடா டியாகோ மாடல் அரிசோனா புளூ எனும் புது நிறத்தில் கிடைக்கிறது. சமீபத்தில் அறிமுகம் செய்யப்பட்ட டாடா சபாரி மாடலும் இதே நிற சாயல் கொண்டுள்ளது. 

புதிய நிறம் தவிர டாடா டியாகோ மாடல் - விக்டரி எல்லோ, பிளேம் ரெட், பியல்சென்ட் வைட், பியூர் சில்வர் மற்றும் டேடோனா கிரே போன்ற நிறங்களில் கிடைக்கிறது. இதுதவிர இந்த மாடலில் வேறு எந்த மாற்றங்களும் மேற்கொள்ளப்படவில்லை. 

இதன் கேபின் ஹார்மன் இன்போடெயிமென்ட் சிஸ்டம், 4 ஸ்பீக்கர்கள், பவர் விண்டோ, சென்ட்ரல் லாக்கிங், ஆப்பிள் கார்பிளே, ஆண்ட்ராய்டு ஆட்டோ, 8 ஸ்பீக்கர் சவுண்ட் சிஸ்டம், டிஜிட்டல் இன்ஸ்ட்ரூமென்ட் கிளஸ்டர் உள்ளிட்ட அம்சங்களை கொண்டுள்ளது.

டியாகோ மாடலில் 1.2 லிட்டர் பெட்ரோல் என்ஜின் வழங்கப்பட்டு உள்ளது. இந்த என்ஜின் 84 பிஹெச்பி பவர், 113 என்எம் டார்க் செயல்திறன் வழங்குகிறது. இத்துடன் 5 ஸ்பீடு ஏஎம்டி கியர்பாக்ஸ் வழங்கப்படுகிறது. இந்திய சந்தையில் டியாகோ மாடல் மாருதி சுசுகி வேகன்ஆர், ஹூண்டாய் சான்ட்ரோ மற்றும் மாருதி சுசுகி செலரியோ மாடல்களுக்கு போட்டியாக அமைகிறது.

டுகாட்டி நிறுவனம் 2021 ஸ்கிராம்ப்ளர் மாடல்களை ஜனவரி மாத வாக்கில் அறிவித்தது. தற்போது ஸ்கிராம்ப்ளர் டெசர்ட் ஸ்லெட் பாஸ்ட்ஹவுஸ் லிமிடெட் எடிஷன் மாடலை ஐரோப்பியா மற்றும் அமெரிக்க சந்தைகளில் அறிமுகம் செய்து இருக்கிறது.

புதிய லிமிடெட் எடிஷன் மாடல் ஜார்டன் கிராஹம் உருவாக்கிய மின்ட் 400 ரேஸ்பைக்கை தழுவி வடிவமைக்கப்பட்டு உள்ளது. ஸ்கிராம்ப்ளர் டெசர்ட் ஸ்லெட் பாஸ்ட்ஹவுஸ் மாடலில் மின்ட் 400 மாடலில் உள்ளதை போன்றே 860எம்எம் உயர சீட், ஆன்ட-ஸ்லிப் கவர், சிவப்பு நிறத்திலான டிரெலிஸ் பிரேம் வழங்கப்பட்டு இருக்கிறது. 

டுகாட்டி ஸ்கிராம்ப்ளர் டெசர்ட் ஸ்லெட் பாஸ்ட்ஹவுஸ் மாடலில் 803சிசி, எல்-ட்வின் ஏர்-கூல்டு மோட்டார் வழங்கப்பட்டு உள்ளது. இது 74 பிஎஸ் பவர், 66.2 என்எம் டார்க் செயல்திறன் வழங்குகிறது. இத்துடன் 6 ஸ்பீடு கியர்பாக்ஸ், ஸ்லிப்பர் மற்றும் அசிஸ்ட் கிளட்ச் வழங்கப்பட்டு உள்ளது.

சஸ்பென்ஷனிற்கு அட்ஜஸ்ட் செய்யக்கூடிய யுஎஸ்டி போர்க், கியாபா மோனோஷாக் வழங்கப்பட்டு இருக்கிறது. பிரேக்கிங்கை பொருத்தவரை முன்புறம் 330 எம்எம் டிஸ்க், பின்புறம் 245 எம்எம் டிஸ்க் மற்றும் போஷ் கார்னெரிங் ஏபிஎஸ் வழங்கப்படுகிறது.

லம்போர்கினி நிறுவனத்தின் உருஸ் மாடல் பியர்ல் கேப்சூல் எடிஷன் அறிமுகம் செய்யப்பட்டு இருக்கிறது. புதிய லிமிடெட் எடிஷன் புதிய நிறங்களில் அசத்தல் தோற்றம் கொண்டுள்ளது. புது நிறம், அலாய் வீல்கள் மற்றும் புது பொருட்களால் லிமிடெட் எடிஷன் உருவாக்கப்பட்டு உள்ளது.

இந்திய சந்தையில் லம்போர்கினி உருஸ் பியர்ல் கேப்சூல் எடிஷன் விலை இதுவரை அறிவிக்கப்படவில்லை. எனினும், உருஸ் மாடல் துவக்க விலை ரூ. 3.15 கோடி, எக்ஸ்-ஷோரூம் ஆகும். புதிய பியர்ல் கேப்சூல் எடிஷன்- ஜியாலோண்டி, வெர்டி மேண்டிஸ் மற்றும் அரான்கோ பொரியலிஸ் என மூன்று நிறங்களில் கிடைக்கிறது.

இத்துடன் 23 இன்ச் ஹை-கிளாஸ் அலாய் வீல்கள் வழங்கப்பட்டு இருக்கிறது. உருஸ் ஸ்டான்டர்டு மாடலில் 21 இன்ச் வீல்கள் வழங்கப்பட்டு இருந்தது குறிப்பிடத்தக்கது. உள்புற இருக்கைகள் டூயல் டோன் நிறங்களில் கிடைக்கிறது. இந்த மாடலில் 4.4 லிட்டர் டர்போசார்ஜ் செய்யப்பட்ட வி8 என்ஜின் உள்ளது.

இது 641 பிஹெச்பி பவர், 850 என்எம் டார்க் செயல்திறன் வழங்குகிறது. இத்துடன் 8 ஸ்பீடு ஆட்டோமேடிக் டிரான்ஸ்மிஷன் வழங்கப்படுகிறது. இந்த மாடல் ஆல்-வீல்-டிரைவ் சிஸ்டம் கொண்டுள்ளது. இது மணிக்கு 100 கிலோமீட்டர் வேகத்தை 3.6 நொடிகளில் எட்டிவிடும். மேலும் அதிகபட்சம் 305 கிலோமீட்டர் வேகத்தில் செல்லும்.

வால்வோ நிறுவனம் தனது எஸ்60 மாடலை ஜனவரி 2021 வாக்கில் இந்திய  சந்தையில் அறிமுகம் செய்தது. புதிய எஸ்60 மாடல் துவக்க விலை ரூ. 45.90 லட்சம், எக்ஸ்-ஷோரூம் என நிர்ணயம் செய்யப்பட்டு உள்ளது. புதிய மாடலுக்கான முன்பதிவு ஏற்கனவே துவங்கிவிட்டது. முன்பதிவு கட்டணம் ரூ. 1 லட்சம் ஆகும்.

இந்த நிலையில், புதிய வால்வோ எஸ்60 மாடலை மார்ச் 18 ஆம் தேதி முதல் வினியோகம் செய்வதாக அந்நிறுவனம் அறிவித்து இருக்கிறது. புதிய வால்வோ எஸ்60 அந்நிறுவனத்தின் சமீபத்திய வடிவமைப்பில் உருவாகி இருக்கிறது. இதில் அகலமான கிரில், நடுவில் வால்வோ லோகோ இடம்பெற்று இருக்கிறது. பக்கவாட்டுகளில் மெல்லிய எல்இடி தார் ஹேமர் ஹெட்லேம்ப்கள் வழங்கப்பட்டு உள்ளது.

முன்புற பம்ப்பரில் பெரிய ஏர் இன்டேக் வழங்கப்பட்டு உள்ளது. பக்கவாட்டில் குறைந்த அளவு வடிவமைப்பு செய்யப்பட்டு இருக்கிறது. இந்த மாடலில் பெரிய டூயல்-டோன் அலாய் வீல்கள் வழங்கப்பட்டு இருக்கின்றன. பின்புறம் சி வடிவ எல்இடி டெயில் லைட்கள் வழங்கப்பட்டு இருக்கின்றன.

2021 வால்வோ எஸ்60 செடான் மாடலில் 2.0 லிட்டர் பெட்ரோல் என்ஜின் வழங்கப்பட்டு உள்ளது. இந்த என்ஜின் 187 பிஹெச்பி பவர், 300 என்எம் டார்க் செயல்திறன் வழங்குகிறது. இத்துடன் 8 ஸ்பீடு ஆட்டோமேடிக் டிரான்ஸ்மிஷன் வழங்கப்படுகிறது. தற்சமயம் இந்த மாடலில் டீசல் என்ஜின் வழங்கப்படவில்லை.

மெர்சிடிஸ் பென்ஸ் நிறுவனத்தின் இ கிளாஸ் பேஸ்லிப்ட் மாடல் 2020 வாக்கில் சர்வதேச சந்தையில் அறிமுகம் செய்யப்பட்டது. தற்போது இந்த மாடல் மார்ச் 16 ஆம் தேதி இந்தியாவில் அறிமுகம் செய்யப்படும் என மெர்சிடிஸ் பென்ஸ் தெரிவித்து இருக்கிறது.

இந்திய சந்தையில் மெர்சிடிஸ் பென்ஸ் இந்த ஆண்டு அறிமுகம் செய்ய இருக்கும் 15 மாடல்களில் இதுவும் ஒன்று. முந்தைய திட்டத்தில் மாற்றம் செய்து புதிய இ கிளாஸ் பேஸ்லிப்ட் மாடலை முன்கூட்டியே அறிமுகம் செய்வதாக மெர்சிடிஸ் பென்ஸ் அறிவித்து உள்ளது. 

இ கிளாஸ் மட்டுமின்றி புதிய ஏ கிளாஸ் லிமோசின் மாடலையும் மெர்சிடிஸ் நிறுவனம் இந்த மாதமே அறிமுகம் செய்கிறது. புதிய பென்ஸ் ஏ கிளாஸ் லிமோசின் மாடல் மார்ச் 25 ஆம் தேதி இந்திய சந்தையில் அறிமுகம் செய்கிறது. தற்போது இங்கு விற்பனையாகும் மாடல் 2017 வாக்கில் அறிமுகம் செய்யப்பட்டது. 

புதிய இ கிளாஸ் மாடலில் தடிமனான கிரில், புது ஹெட்லேம்ப்கள், ஸ்போர்ட் பம்ப்பர்கள், பின்புறம் எல்இடி டெயில் லைட்கள், மேம்பட்ட பம்ப்பர் உள்ளிட்டவை வழங்கப்படுகிறது. கேபின் பகுதியில் 10.25 இன்ச் அளவு கொண்ட இரு ஸ்கிரீன்கள் வழங்கப்படுகின்றன. 

என்ஜினை பொருத்தவரை 2.0 லிட்டர் பெட்ரோல் மற்றும் டீசல் ஆப்ஷன்கள் வழங்கப்படலாம். இ200 மாடலில் இந்த என்ஜின் 194 பிஹெச்பி பவர், 320 என்எம் டார்க் செயல்திறனும், டீசல் என்ஜின் 192 பிஹெச்பி பவர், 400 என்எம் டார்க் செயல்திறன் வழங்குகிறது. இவற்றுடன் 9ஜி டிரானிக் ஆட்டோமேடிக் டிரான்ஸ்மிஷன் வழங்கப்படும் என தெரிகிறது.

ஆடம்பர கார் உற்பத்தியாளரான பிஎம்டபிள்யூ இந்திய சந்தையில் புதிய எம்340ஐ மாடலை அறிமுகம் செய்தது. புதிய மாடல் விலை ரூ. 62.90 லட்சம், எக்ஸ்-ஷோரூம் ஆகும். இந்த கார் மிக குறைந்த எண்ணிக்கையிலேயே கிடைக்கும் என தெரிவிக்கப்பட்டு இருந்தது. 

அந்த வகையில் புதிய 3 சீரிஸ் மாடலுக்கான முன்பதிவு ஏற்கனவே துவங்கி நடைபெற்றது. முன்பதிவு கட்டணம் ரூ. 1 லட்சம் ஆகும். தற்போது இந்த மாடல் விற்று தீர்ந்ததாக பிஎம்டபிள்யூ இந்தியா வலைதளத்தில் அறிவிக்கப்பட்டு இருக்கிறது.

முதலில் முன்பதிவு செய்த 40 வாடிக்கையாளர்களுக்கு இந்தியாவில் உள்ள பிரபல பந்தய களத்தில் சிறப்பு பயிற்சி வழங்குவதாக பிஎம்டபிள்யூ ஏற்கனவே அறிவித்து இருக்கிறது. புதிய பிஎம்டபிள்யூ கார் 3.0 லிட்டர், 6 சிலிண்டர் என்ஜின் கொண்டுள்ளது.

இந்த என்ஜின் 387 பிஹெச்பி பவர், 500 என்எம் டார்க் செயல்திறன் வழங்குகிறது. மேலும் மணிக்கு 100 கிலோமீட்டர் வேகத்தை வெறும் 4.4 நொடிகளில் எட்டிவிடும். இத்துடன் 8 ஸ்பீடு ஆட்டோமேடிக் டிரான்ஸ்மிஷன் மற்றும் பேடில் ஷிப்டர்கள் வழங்கப்படுகிறது.

புதிய பிஎம்டபிள்யூ எம்340ஐ மாடலில் எல்இடி ஹெட்லேம்ப்கள், டெயில் லைட்கள், மேம்பட்ட பம்ப்பர்கள், 19 இன்ச் அலாய் வீல்கள், 10.25 இன்ச் தொடுதிரை வசதி கொண்ட இன்போடெயின்மென்ட் சிஸ்டம், ஹெச்யுடி, டிஜிட்டல் இன்ஸ்ட்ரூமென்ட் கிளஸ்டர், கிளைமேட் கண்ட்ரோல் மற்றும் ஆம்பியன்ட் லைட்டிங் கொண்டுள்ளது.

டிவிஎஸ் மோட்டார் கம்பெனி நிறுவனம் 2021 அபாச்சி ஆர்டிஆர் 160 4வி மாடலை இந்திய சந்தையில் அறிமுகம் செய்தது. புதிய மாடல் முந்தைய வேரியண்டை விட அதிக திறன் கொண்டுள்ளது. இதில் உள்ள என்ஜின் 17.4 பிஹெச்பி பவர் வழங்குகிறது. முந்தைய மாடல் 15.6 பிஹெச்பி பவர் கொண்டிருக்கிறது.

டார்க் இழுவிசையை பொருத்தவரை புது மாடல் 14.73 என்எம் டார்க் வழங்குகிறது. இந்த 159.77 சிசி, சிங்கில் சிலிண்டர், ஆயில் கூல்டு என்ஜினுடன் 5-ஸ்பீடு கியர்பாக்ஸ் வழங்கப்படுகிறது. ஸ்டைலிங்கை பொருத்தவரை 2021 அபாச்சி ஆர்டிஆர் 160 4வி மாடலில் எல்இடி ஹெட்லைட், எல்இடி டிஆர்எல், எல்இடி டெயில் லைட், மஸ்குலர் பியூவல் டேன்க் வழங்கப்படுகிறது.

தோற்றத்தில் புது மாடலில் எந்த மாற்றமும் செய்யப்படவில்லை. 2021 அபாச்சி ஆர்டிஆர் 160 4வி மாடலின் முன்புறம் டெலிஸ்கோபிக் போர்க், பின்புறம் மோனோ ஷாக் அப்சார்பர் வழங்கப்பட்டு இருக்கிறது. இத்துடன் இரு சக்கரங்களிலும் பெட்டல் டிஸ்க் மற்றும் பாதுகாப்பிற்கு சிங்கில் சேனல் ஏபிஎஸ் வழங்கப்படுகிறது.

புதிய மாடல் ரேசிங் ரெட், நைட் பிளாக் மற்றும் மெட்டாலிக் புளூ நிறங்களில் கிடைக்கிறது. இதன் பேஸ் மாடலின் பின்புறம் சக்கரத்தில் டிரம் பிரேக் வழங்கப்படுகிறது. இதன் விலை ரூ. 1.07 லட்சம் என்றும் இருபுற டிஸ்க் பிரேக் மாடல் விலை ரூ. 1.10 லட்சம் ஆகும். அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

ஆடி இந்தியா நிறுவனம் இந்திய சந்தையில் இரண்டு எலெக்ட்ரிக் எஸ்யுவி மாடல்களை அறிமுகம் செய்வதற்கான பணிகளில் கவனம் செலுத்தி வருகிறது. இதனை உறுதிப்படுத்தும் வகையில் தனது இ டிரான் மாடல் டீசரை ஆடி இந்தியா அதிகாரப்பூர்வமாக வெளியிட்டு உள்ளது.

இ டிரான் மட்டுமின்றி இ டிரான் ஸ்போர்ட்பேக் மாடலையும் ஆடி அறிமுகம் செய்ய இருக்கிறது. இரு மாடல்களும் இந்த ஆண்டின் அரையாண்டு காலக்கட்டத்தில் விற்பனைக்கு வரும் என எதிர்பார்க்கப்படுகிறது. முன்னதாக 2019 ஆண்டு ஆடி நிறுவனம் இ டிரான் மாடலை காட்சிப்படுத்தியது. 

புதிய இ டிரான் மற்றும் இ டிரான் ஸ்போர்ட்பேக் மாடல் ஒரே பிளாட்பார்மில் உருவாகி இருக்கின்றன. எனினும், ஸ்போர்ட்பேக் மாடலில் கூப் போன்ற ஸ்லோபிங் ரூப்லைன், புது தோற்றம் கொண்ட பின்புறம் வழங்கப்படுகிறது. சர்வதேச சந்தையில் இ டிரான் மாடல் மூன்று வேரியண்ட்களில் கிடைக்கிறது. 

இந்திய சந்தையில் இவை அனைத்தும் கொண்டுவரப்படுமா அல்லது ஒற்றை வேரியண்ட் மட்டும் அதிக திறனுடன் வெளியிடப்படுமா என்பது கேள்விக்குறியாக உள்ளது. 

போர்டு இந்தியா இகோஸ்போர்ட் எஸ்இ மாடலை இந்தியாவில் அறிமுகம் செய்தது. புதிய மாடல் பெட்ரோல் மற்றும் டீசல் வேரியண்ட் விலை முறையே ரூ. 10.49 லட்சம் மற்றும் ரூ. 10.99 லட்சம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

புதிய மாடலின் வெளிப்புறம் டெயில் கேட் பகுதியில் மவுன்ட் செய்யப்பட்டு இருந்த ஸ்பேர் வீல் நீக்கப்பட்டு, பூட் பகுதியில் நம்பர் பிளேட் உள்ளது. இதன் அம்சங்கள் டைட்டானியம் வேரியண்டில் உள்ளதை போன்றே வழங்கப்பட்டு இருக்கிறது. அதன்படி பன்ச்சர் சரி செய்வதற்கான கிட், சன்ரூப், சின்க் 3 இன்போடெயின்மென்ட் சிஸ்டம், ஆப்பிள் கார்பிளே மற்றும் ஆண்ட்ராய்டு ஆட்டோ உள்ளிட்டவை வழங்கப்பட்டு இருக்கிறது.

போர்டு இகோஸ்போர்ட் எஸ்இ வேரியண்டில் 1.5 லிட்டர் பெட்ரோல் மற்றும் 1.5 லிட்டர் டீசல் என்ஜின் வழங்கப்பட்டு இருக்கிறது. இவை முறையே 121 பிஹெச்பி பவர், 149 என்எம் டார்க் செயல்திறன் மற்றும் 99 பிஹெச்பி பவர், 215 என்எம் டார்க் செயல்திறன் வழங்குகின்றன. இவற்றுடன் 5 ஸ்பீடு மேனுவல் டிரான்ஸ்மிஷன் வழங்கப்படுகிறது.

வால்வோ நிறுவனம் இந்திய சந்தையில் எக்ஸ்சி40 ரீசார்ஜ் எஸ்யுவி மாடலை அறிமுகம் செய்தது. புதிய வால்வோ எக்ஸ்சி40 ரீசார்ஜ் இந்த ஆண்டின் இரண்டாவது அரையாண்டு வாக்கில் வெளியிடப்படுகிறது. அறிமுகம் செய்ததோடு, புதிய வால்வோ காருக்கான முன்பதிவு ஜூன் மாதத்தில் துவங்கும் என வால்வோ தெரிவித்து உள்ளது.

புதிய கார் வினியோகம் அக்டோபர் மாத வாக்கில் துவங்க திட்டமிடப்பட்டு இருக்கிறது. இந்தியாவின் பிரீமியம் எலெக்ட்ரிக் எஸ்யுவி மாடல்கள் பிரிவில்  புதுவரவு மாடலாக வால்வோ எக்ஸ்சி40 ரீசார்ஜ் இருக்கும். தற்போது இந்த பிரிவில் மெர்சிடிஸ் பென்ஸ் நிறுவனத்தின் இகியூசி மாடல் மட்டுமே கிடைக்கிறது.

எனினும், வால்வோ கார் வெளியீட்டின் போது ஜாகுவார் ஐபேஸ், ஆடி இ டிரான் போன்ற மாடல்களும் இந்தியாவில் அறிமுகமாகி இருக்கும். அந்த வகையில் புது வால்வோ கார் மூன்று மாடல்களுக்கு போட்டியாக அமையலாம். வால்வோ எக்ஸ்சி40 ரீசார்ஜ் இந்தியாவில் சிபியு முறையில் கொண்டுவரப்படுகிறது.

ரெனால்ட் நிறுவனம் இந்திய சந்தையில் புதிய 2021 டிரைபர் மாடல் காரினை அறிமுகம் செய்தது. புதிய 2021 ரெனால்ட் டிரைபர் மாடல் விலை ரூ. 5.30 லட்சத்தில் துவங்கி, டாப் எண்ட் மாடல் விலை ரூ. 7.65 லட்சம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

இந்திய சந்தையில் 2019 வாக்கில் டிரைபர் எம்பிவி மாடல் அறிமுகம் செய்யப்பட்டது. புதிய 2021 டிரைபர் மாடலுக்கான முன்பதிவு துவங்கிவிட்டது. 2021 ரெனால்ட் டிரைபர் மாடலுக்கான முன்பதிவு கட்டணம் ரூ. 11 ஆயிரம் என நிர்ணயம் செய்யப்பட்டு உள்ளது.

புதிய டிரைபர் மாடலில் ஸ்டீரிங் மவுண்ட் செய்யப்பட்ட ஆடியோ மற்றும் போன் கண்ட்ரோல்கள், எல்இடி இன்டிகேட்டர் மற்றும் சில புது அம்சங்கள் வழங்கப்பட்டு இருக்கிறது. இவைதவிர 2021 டிரைபர் மாடல் செடார் பிரவுன் எனும் புதிய நிறத்திலும் கிடைக்கிறது. இந்த மாடல் RXE, RXL, RXT மற்றும் RXZ என நான்கு வேரியண்ட்களில் கிடைக்கிறது.

ரெனால்ட் 2021 டிரைபர் மாடலில் 1.0 லிட்டர் பெட்ரோல் என்ஜின் வழங்கப்பட்டு உள்ளது. இந்த என்ஜின் 71 பிஹெச்பி பவர், 96 என்எம் டார்க் செயல்திறன் வழங்குகிறது. இத்துடன் 5 ஸ்பீடு மேனுவல் கியர்பாக்ஸ் மற்றும் ஏஎம்டி டிரான்ஸ்மிஷன் ஆப்ஷனாக வழங்கப்படுகிறது.