search icon
என் மலர்tooltip icon

    ஆட்டோமொபைல்

    பிஎம்டபிள்யூ எம்340ஐ
    X
    பிஎம்டபிள்யூ எம்340ஐ

    அறிமுகமானதும் விற்று தீர்ந்த பிஎம்டபிள்யூ கார்

    பிஎம்டபிள்யூ நிறுவனத்தின் புதிய 3 சீரிஸ் மாடலை வெளியிட்டுள்ளது. இதன் முன்பதிவு மற்றும் விற்பனை விவரங்களை பார்ப்போம்.

    ஆடம்பர கார் உற்பத்தியாளரான பிஎம்டபிள்யூ இந்திய சந்தையில் புதிய எம்340ஐ மாடலை அறிமுகம் செய்தது. புதிய மாடல் விலை ரூ. 62.90 லட்சம், எக்ஸ்-ஷோரூம் ஆகும். இந்த கார் மிக குறைந்த எண்ணிக்கையிலேயே கிடைக்கும் என தெரிவிக்கப்பட்டு இருந்தது. 

    அந்த வகையில் புதிய 3 சீரிஸ் மாடலுக்கான முன்பதிவு ஏற்கனவே துவங்கி நடைபெற்றது. முன்பதிவு கட்டணம் ரூ. 1 லட்சம் ஆகும். தற்போது இந்த மாடல் விற்று தீர்ந்ததாக பிஎம்டபிள்யூ இந்தியா வலைதளத்தில் அறிவிக்கப்பட்டு இருக்கிறது.

     பிஎம்டபிள்யூ எம்340ஐ

    முதலில் முன்பதிவு செய்த 40 வாடிக்கையாளர்களுக்கு இந்தியாவில் உள்ள பிரபல பந்தய களத்தில் சிறப்பு பயிற்சி வழங்குவதாக பிஎம்டபிள்யூ ஏற்கனவே அறிவித்து இருக்கிறது. புதிய பிஎம்டபிள்யூ கார் 3.0 லிட்டர், 6 சிலிண்டர் என்ஜின் கொண்டுள்ளது.

    இந்த என்ஜின் 387 பிஹெச்பி பவர், 500 என்எம் டார்க் செயல்திறன் வழங்குகிறது. மேலும் மணிக்கு 100 கிலோமீட்டர் வேகத்தை வெறும் 4.4 நொடிகளில் எட்டிவிடும். இத்துடன் 8 ஸ்பீடு ஆட்டோமேடிக் டிரான்ஸ்மிஷன் மற்றும் பேடில் ஷிப்டர்கள் வழங்கப்படுகிறது.

    புதிய பிஎம்டபிள்யூ எம்340ஐ மாடலில் எல்இடி ஹெட்லேம்ப்கள், டெயில் லைட்கள், மேம்பட்ட பம்ப்பர்கள், 19 இன்ச் அலாய் வீல்கள், 10.25 இன்ச் தொடுதிரை வசதி கொண்ட இன்போடெயின்மென்ட் சிஸ்டம், ஹெச்யுடி, டிஜிட்டல் இன்ஸ்ட்ரூமென்ட் கிளஸ்டர், கிளைமேட் கண்ட்ரோல் மற்றும் ஆம்பியன்ட் லைட்டிங் கொண்டுள்ளது.
    Next Story
    ×