அறிந்து கொள்ளுங்கள்

புதுடெல்லி:

அரசு அமைப்புகள், அரசாங்க துறை மற்றும் அரசியல் கட்சிகளின் ஃபேஸ்புக் பிரபல தன்மையை அறிந்து கொள்ள ஃபேஸ்புக் முடிவு செய்திருந்தது. இதற்கென இந்திய ஃபேஸ்புக் வாடிக்கையாளர்களிடம் கணக்கெடுப்பு ஒன்றை நடத்தியது.

ஃபேஸ்புக் நடத்திய கணக்கெடுப்பில் 2017-ம் ஆண்டு முழுவதும் இந்தியாவில் அதிக வரவேற்பை பெற்றிருக்கும் ஃபேஸ்புக் பக்கங்கள் சார்ந்த கேள்விகள் இடம்பெற்றிருந்தது. மத்திய அரசு அமைப்புகள், அரசு துறைகள் மற்றும் அரசியல் கட்சிகளுக்கு ஃபேஸ்புக் வாடிக்கையாளர்கள் அளித்திருக்கும் வரவேற்பு பிரத்யேக பட்டியலாக வெளியிடப்பட்டுள்ளது.

ஜனவரி 1, 2017 முதல் டிசம்பர் 31, 2017 வரையிலான காலகட்டத்தில் அதிக ரியாக்ஷன், ஷேர் மற்றும் கமெண்ட்களை பொருத்து பிரபலங்கள் பட்டியல் தயாரிக்கப்பட்டுள்ளது.


ஃபேஸ்புக் கணக்கெடுப்பில் இந்திய பிரதமர் நரேந்திர மோடி அதிகம் விவாதிக்கப்பட்ட மக்களவை உறுப்பினராக தேர்வு ஃபேஸ்புக் வாடிக்கையாளர்கள் தேர்வு செய்திருக்கின்றனர். இவரை தொடர்ந்து மாநிலங்களவையின் பிரபல உறுப்பினராக முன்னாள் கிரிக்கெட் வீரர் சச்சின் டெண்டுல்கர் தேர்வு செய்யப்பட்டிருக்கிறார்.

ஃபேஸ்புக்கில் பிரபல அலுவலகங்களாக இந்திய பிரதமர் அலுவலகம் (PMO India) மற்றும் இந்திய குடியரசு தலைவர் ராம்நாத் கோவிந்த் (President of India, Ram Nath Kovind) அலுவலகம் ஆகியவை இடம்பெற்றிருக்கிறது. பிரபலமான அரசு துறைகளில் மத்திய வெளியுறவு துறை முதலிடம் பிடித்திருக்கிறது.

அரசு திட்டங்களில் MyGov இந்தியா, டிஜிட்டல் இந்தியா, மேக் இன் இந்தியா உள்ளிட்டவை பிரபலமாக இருந்துள்ளன. பிரபல ஆயுத படைகளில் இந்திய ராணுவம் ஃபேஸ்புக்கில் பிரபலமாக இருந்துள்ளது. மாநில அரசு மற்றும் யூனியன் பிரதேசங்களில் உத்தர பிரதேச மாநில முதல்வர் யோகி ஆதித்யநாத் மற்றும் ராஜஸ்தான் மாநில முதல்வர் வசுந்தரா ராஜே ஆகியோர் பிரபலமாக இருந்துள்ளனர்.


அரசியல் கட்சிகளை பொருத்த வரை பா.ஜ.க முதலிடத்தில் உள்ளது.  ஆம். ஆத்மி மற்றும் இந்திய தேசிய காங்கிரஸ் உள்ளிட்ட கட்சிகள் ஃபேஸ்புக்கில் பிரபலமாக இருந்துள்ளன. பிரபலமான அரசு சுற்றுலா கழகமாக கேரளா மாநில சுற்றுலா துறை தேர்வு செய்யப்பட்டிருக்கிறது. இதை தொடர்ந்து ஜம்மு காஷ்மீர் மற்றும் குஜராத் மாநில சுற்றுலா கழகங்கள் அடுத்தடுத்த இடங்களை பிடித்துள்ளன.

பிரபலமான போக்குவரத்து காவல் துறை பக்கங்களில் பெங்களூரு நகர போக்குவரத்து காவல் துறை கடந்த ஆண்டு ஃபேஸ்புக்கின் பிரபல பக்கமாக இருந்துள்ளது. பெங்களூரை தொடர்ந்து கொல்கத்தா மற்றும் ஐதராபாத் நகர போக்குவரத்து காவல் துறைகள் உள்ளன.

ரோம்:

தொழில்நுட்ப உலகில் கண்டறியப்படும் புதுப்புது சாதனங்களும், மக்களுக்கு பயன்படுவது மட்டுமின்றி, வாழ்க்கையை எளிமையாக்கும் ஒற்றை நோக்கத்தில் பொதுமக்களுக்கு வெளியிடப்படுகின்றன.

அதிநவீன தொழில்நுட்ப யுகத்தில் நம் வாழ்க்கை முறையில் பல்வேறு சாதனங்களும் நம்முடன் ஐக்கியமாகி, நம்முள் உறவாடுகின்றன. இவ்வாறு நம்முடன் உரையாடும் செயற்கை நுண்ணறிவு சார்ந்து இயங்கும் வாய்ஸ் அசிஸ்டண்ட் தொழில்நுட்பம் துவக்கத்தில் வியப்பை ஏற்படுத்தி, தற்சமயம் நாம் அறியாத விவரங்களை மெல்லிய குரலில் அசத்தலாக தெரிவிக்கிறது.

செயற்கை நுண்ணறிவு தொழில்நுட்ப உதவியுடன் இயங்கும் ஹோம் ஸ்பீக்கர்களை பல்வேறு நிறுவனங்களும் தயாரித்து வெளியிட்டு வரும் நிலையில், இந்த சாதனங்கள் நம்முள் பிரபலமாகவும், பழகிப்போன உறவுமுறை போன்று முழுமையாக மாறிவிட்டது.


தொழில்நுட்ப பிரியர்களுக்கு இதுபோன்ற சாதனங்கள் பழகிப்போயிருந்தாலும் நம் வீடுகளில் உள்ள முதியோருக்கு இவை புதிர் போடும், ஆச்சரிய பொருளாகவே இருக்கிறது. இவ்வாறு இத்தாலியை சேர்ந்த மூதாட்டி கூகுள் ஹோம் மினி ஸ்பீக்கருடன் உரையாடும் வீடியோ யூடியூபில் டிரென்ட் ஆகியுள்ளது.

85 வயதான மூதாட்டி சிறிய கிண்ணம் போன்று காட்சியளிக்கும் கூகுள் ஹோம் மினி ஸ்பீக்கரிடம் கேள்விகள் கேட்கிறார். அதற்கு ஸ்பீக்கர் வழங்கும் பதில்களை கேட்டு மூதாட்டி பயம் கலந்த மகிழ்ச்சியை வெளிப்படுத்துகிறார். கூகுள் ஹோம் மினி ஸ்பீக்கருடன் மூதாட்டி உரையாடும் வீடியோவினை பென் ஆக்டிக்ஸ் என்பவர் யூடியூபில் பதிவேற்றம் செய்திருக்கிறார்.

ஹே கூகுள், ஓ.கே. கூகுள் போன்ற வார்த்தைகளை மூதாட்டி உச்சரிக்கும் விதம் மற்றும் மூதாட்டியின் கேள்விக்கு கூகுள் வழங்கும் பதில்களை கேட்டு அவர் வெளிப்படுத்திய உணர்ச்சி இணையவாசிகளை அதிகம் கவர்ந்துள்ளது. யூடியூபில் பதிவேற்றம் செய்யப்பட்ட குறைந்த காலக்கட்டத்திலே இந்த வீடியோவினை அதிகம் பேர் பார்த்து ரசித்துள்ளனர்.

கூகுள் ஹோம் மினி ஸ்பீக்கருடன் மூதாட்டியின் அழகிய உரையாடல் வீடியோவை கீழே காணலாம்..,