என் மலர்

    நீங்கள் தேடியது "திட்டம்"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • குடியிருப்பு பகுதியில் அமைய உள்ள மின் மயானத்தை வேறு இடத்திற்கு மாற்ற வேண்டும் என பொதுமக்கள் கோரிக்கை வைத்துள்ளனர்.
    • அந்த மின்மயான சுடுகாட்டை தெம்மாபட்டு பகுதிக்கு மாற்ற திட்டமிட்டனர்.

    திருப்பத்தூர்

    சிவகங்கை மாவட்டம் திருப்பத்தூரில் அச்சுக்கட்டு பகுதியில் அமைந்துள்ள அரசு பொது மயானத்தில் ரூ.1.50 கோடி செலவில் மின் மயானம் அமைக்க ஏற்பாடுகள் செய்யப்பட்டன.

    மின்மயானம் அமைப்பதற்கு அந்த சுடுகாட்டை பயன்படுத்தி வரும் குறிப்பிட்ட சமூகத்தி னரிடம் இருந்து எதிர்ப்பு வந்த நிலையில் பேரூராட்சி செயல் அலுவலர், பேரூராட்சி தலைவர் கோகிலாராணி ஆகியோர் உடனடியாக அந்த மின்மயான சுடுகாட்டை தெம்மாபட்டு பகுதிக்கு மாற்ற திட்டமிட்டனர்.

    இதனையடுத்து அந்தப்பகுதியில் மின்மயானம் அமைக்கும் முயற்சியில் ஈடுபட்டனர். அங்கும் எதிர்ப்பு கிளம்பவே, அந்த திட்டத்தை அமல்படுத்துவதில் தொய்வு ஏற்பட்டது.

    2 நாட்களுக்கு முன்பு தென்மாபட்டில் உள்ள மற்றொரு பகுதியில், அரசு பள்ளி மற்றும் குடிநீர் குளம் அருகில் பேரூராட்சி நிர்வாகத்தின் சார்பில் மின்மயானம் அமைக்கும் பணியை ஆரம்பித்தது.

    இங்குள்ள மக்களும் இந்த திட்டத்திற்கு எதிர்ப்பு தெரிவித்ததோடு பேரூராட்சி செயல் அலுவலரிடம் மின் மயா னத்தை பள்ளி அருகே அமைக்கக்கூடாது, வேறு இடத்திற்கு மாற்றக்கோரி மனு அளித்தனர். அப்போது செயல் அலுவலர் ராதாகிருஷ்ணன், இது அரசு உத்தரவின் பேரில் கொண்டு வந்த திட்டம். நிச்சயமாக இந்த இடத்தில் மின்மயானம் அமைக்கப்படும் என்று தெரிவித்தாராம்.

    மின் மயான திட்டத்திற்கு முதன்முதலாக எந்த இடத்தை தேர்வு செய்தீர்களோ அந்த இடத்தில் அமையுங்கள் என பொதுமக்கள் கூறவே, அங்கு விவாதம் ஏற்பட்டது. பின்பு அங்கிருந்து புறப்பட்டு சிவகங்கை மாவட்ட கலெக்டரை சந்தித்து மனு கொடுத்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அக்னிபத் திட்டத்தை மத்திய அரசு உடனடியாக கைவிட வேண்டும் என்று அவர்கள் கண்டன கோஷங்கள் எழுப்பி பேசினர்.
    • ரெயில்வேயில் விரைவில் ஒப்பந்த அடிப்படையில் ஆள் எடுக்க உள்ளதாக பொய்யான பிரச்சாரம் செய்பவர்கள் மீது நடவடிக்கை வேண்டும் என கோஷங்களை எழுப்பினர்.

    நெல்லை:

    நெல்லை சந்திப்பு ரெயில் நிலையத்தில் அக்னிபத் திட்டத்திற்கு எதிர்ப்பு தெரிவித்து இன்று எஸ்.ஆர்.எம்.யூ. சார்பில் ஆர்ப்பாட்டம் நடைபெற்றது.

    பழைய கட்டிடம் முன்பு நடந்த இந்த ஆர்ப்பாட்டத்திற்கு கிளை தலைவர் கணேசன் தலைமை தாங்கினார். மண்டல தலைவர் சுப்பையா முன்னிலை வகித்தார். நிர்வாகிகள் தமிழரசன், சிவபெருமாள், இன்பரசன் மற்றும் பலர் கலந்து கொண்டனர்.

    அக்னிபத் திட்டத்தினால் இளைஞர்களின் கனவு தகர்ந்து போய்விட்டது. எனவே இந்த திட்டத்தை மத்திய அரசு உடனடியாக கைவிட வேண்டும் என்று அவர்கள் கண்டன கோஷங்கள் எழுப்பி பேசினர்.

    இதற்கிடையே அக்னி பத் திட்டத்திற்கு ஆதரவு தெரிவித்து சந்திப்பு ரெயில்வே புதிய கட்டிடம் அருகே பிட் லைனில் தட்சின ரெயில்வே கார்மிக் சங்கம் சார்பில் ஆர்ப்பாட்டம் நடந்தது. ரெயில்வே துறையின் விதிக்கு எதிராக இளைஞர்களை திரட்டி போராட்டம் நடத்துவதாக கூறி அக்னிபத் திட்ட எதிர்ப்பாளர்களை கண்டித்து அவர்கள் கோஷங்கள் எழுப்பினர்.

    மேலும் ராணுவத்தில் தற்போது ஆட்கள் எடுப்பதை போல ரெயில்வேயில் விரைவில் ஒப்பந்த அடிப்படையில் ஆள் எடுக்க உள்ளதாக பொய்யான பிரச்சாரங்களை சிலர் மேற்கொண்டு வருவதாகவும், அவர்கள் மீது நடவடிக்கை வேண்டும் எனவும் அவர்கள் கோஷங்களை எழுப்பினர்.

    இதில் தென் மண்டல துணை பொதுச்செயலாளர் மணி, கோட்ட கூடுதல் செயலாளர் அருண்குமார், கிளை பொறுப்பாளர் ரவி மற்றும் பலர் கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஓபிஎஸ், இபிஎஸ் இடையே சண்டையை கிளப்பி அ.தி.மு.க.வில் பிளவு ஏற்படுத்த பா.ஜ.க. திட்டம் என்று முத்தரசன் தெரிவித்துள்ளார்.
    • மாவட்ட மாநாடு நேற்று தொடங்கியது

    புதுக்கோட்டை :

    புதுக்கோட்டை மாவட்டம் அறந்தாங்கியில் இந்திய கம்யூனிஸ்ட் கட்சியின் 2 நாள் மாவட்ட மாநாடு நேற்று தொடங்கியது. அறந்தாங்கி பேருந்து நிலையம் அருகே கட்சியின் மாவட்ட செயலாளர் மாதவன் தலைமையில் நேற்றிரவு நடைபெற்ற பொதுக்கூட்டத்தில் கட்சியின் மாநில யெலாளர் முத்தரசன் பேசினார்.

    அப்போது அவர் கூறியதாவது:

    பிரதமர் மோடி தலைமையிலான மத்திய அரசு, ஒரே நாடு, ஒரே தேர்தல் உட்பட நாடு முழுவதும் எல்லாவற்றிலும் ஒரே முறையே இருக்க வேண்டும் என்று கூறி வருகிறது.

    நாட்டில் ஏழை, பணக்காரர், வீடின்றி நடைபாதையில் குடும்பம் நடத்துவோர், மாட மாளிகையில் வாழ்வோர் என்று பல்வேறு வாழ்க்கை முறை இந்தியாவில் உள்ளது. இதை மாற்றிவிட்டு ஒரே நாடு ஒரே வாழ்க்கை முறைைய கொண்டுவர மத்திய அரசு தயாராக உள்ளதா. மத்திய அரசு பொறுப்பேற்ற பிறகு 16 முறை பெட்ரோல், டீசல் விலை உயர்ந்துள்ளது. ஆனால், 2 முறை மட்டுமே விலை குறைக்கப்பட்டுள்ளது.

    பெட்ரோல், டீசல் விலை உயர்வால் அத்தியாவசிய பொருட்களின் விலை கடுமையாக உயர்கிறது. மத்திய பா.ஜ.க. ஆட்சி நாட்டில் வசிக்கும் கோடிக்கணக்கான மக்களுக்கான ஆட்சியாக இல்லை. குறிப்பிட்ட சில நபர்களுக்கான ஆட்சிதான் நடக்கிறது. இந்தியாவில் பா.ஜ.க. ஆட்சிக்காலத்தில் யாரும் அச்சமின்றி வாழ முடியவில்லை. அ.தி.மு.க.வில் ஓபிஎஸ், இபிஎஸ் இடையே சண்டையை கிளப்பி, கட்சிக்குள் பிளவு ஏற்படுத்த பா.ஜ.க. திட்டமிடுகிறது. இவ்வாறு அவர் தெரிவித்தார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பரமத்தி வட்டாரத்தில் கிராம பஞ்சாயத்துகளில் தரிசு நிலங்களை விளை நிலங்களாக மாற்றிட திட்டம் செயல்படுத்தப்படவுள்ளது.
    • குறைந்த பட்சம் ஒரு தொகுப்பிற்கு 8 விவசாயிகள் பயனாளிகளாக இருத்தல் வேண்டும்.

    பரமத்திவேலூர்:

    நாமக்கல் மாவட்டம் பரமத்தி வேலூர் தாலுகா பரமத்தி வட்டாரம் கலைஞரின் அனைத்து கிராம ஒருங்கிணைந்த வேளாண் வளர்ச்சித்திட்டத்தின் கீழ் வில்லிபாளையம், பிள்ளைகளத்தூர், நல்லூர் மற்றும் இருட்டணை ஆகிய கிராம பஞ்சாயத்துகளில் தரிசு நிலங்களை விளை நிலங்களாக மாற்றிட திட்டம் செயல்படுத்தப்படவுள்ளது.

    இத்திட்டத்தில் 15 ஏக்கர் நிலப்பரப்பு வரை ஒரு தொகுப்பாகவும் 15-35 ஏக்கர் நிலப்பரப்பு வரை 2-வது தொகுப்பாகவும் ஏற்படுத்தலாம். மேலும் இத்திட்டத்திற்கு தேவையான தகுதிகள் தரிசு நிலங்கள் தேர்வு செய்யப்பட்ட கலைஞரின் அனைத்து கிராம ஒருங்கிணைந்த வேளாண் வளர்ச்சித்திட்டத்தின் கீழ் தேர்வு செய்யப்பட்ட கிராம பஞ்சாயத்தாக இருக்க வேண்டும். தரிசு நில தொகுப்பின் பரப்பு தொடர்ச்சியாக இருக்க வேண்டும்.

    குறைந்த பட்சம் ஒரு தொகுப்பிற்கு 8 விவசாயிகள் பயனாளிகளாக இருத்தல் வேண்டும். பயனாளிகள் அக்கிராம பஞ்சாயத்துகளிளோ அல்லது அருகில் உள்ள கிராமத்திலோ குடியிருப்போராக இருத்தல் வேண்டும். இத்திட்டத்தை பற்றிய தகவல்களை தெரிந்துக்கொள்ள பரமத்தி வேளாண்மை உதவி இயக்குநர் அலுவலகத்தை தொடர்பு கொள்ளுமாறு பரமத்தி வேளாண்மை உதவி இயக்குனர் கோவிந்தசாமி கேட்டுக்கொண்டுள்ளார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    பிரதம மந்திரி வீடுகள் வழங்கும் திட்டத்தில் பயனாளிகளுக்கு விழிப்புணர்வு கையேடுகள் வழங்கும் நிகழ்ச்சி நடந்தது.

    நாமக்கல்:

    நாட்டில் உள்ள அனைத்து ஏழை மக்களும் கான்கிரீட் வீடுகள் கட்டுதல் என்ற உயரிய நோக்கத்தின் அடிப்படையில் பாரத பிரதமரின் வீடுகள் வழங்கும் திட்டம் 2016 -2017-ம் ஆண்டு முதல் செயல்படுத்தப்பட்டு வருகிறது. பிரதம மந்திரி வீடுகள் வழங்கும் திட்டம் 2021 - 2022 -ன் கீழ் வீடுகள் கட்டி வரும் பயனாளிகளிடம் அவர்கள் வீட்டிற்காக அரசினால் வழங்கப்படும். தொகை ரூ.2.277,290- குறித்தும் வீடுகள் அளவீடுகள் துறை மூலம் வழங்கப்படும் சிமெண்ட் மூட்டைகள். இரும்பு கம்பிகள் குறித்தும் பயனாளிகளிடம் விழிப்புணர்வு ஏற்படுத்தும் வகையில் அரசிடமிருந்து 2021 2022ஆம் ஆண்டு ஒதுக்கீடு செய்யப்பட்ட பயனாளிகளுக்கு வழங்கிட 3213 கையேடுகள் வரப்பெற்றுள்ளது.

    பயனாளிகளிடம் விழிப்புணர்வு ஏற்படுத்தும் வகையில் கையேடுகள் வழங்கும் பணியினை தொடங்கி வைக்கும் விதமாக நாமக்கல் ஊராட்சி ஒன்றியத்தை சேர்ந்த காதப்பள்ளி, எர்ணாபுரம், மாரப்பநாயக்கன்பட்டி ஊராட்சிகளை சேர்ந்த பயனாளிகளுக்கு கையேடுகளை நாமக்கல் மாவட்ட கலெக்டர் ஸ்ரேயா பி.சிங் வழங்கினார்.

    வரப்பெற்ற கையேடுகள் ஒன்றியங்களில் வட்டாரங்களுக்கு உள்ள பிரித்து ஊராட்சிகளுக்கே வழங்கப்பட்டுள்ளது. இக்கையேட்டின் மூலம் பயனாளிகள் தங்கள் வீடு கட்டுவது குறித்த அனைத்து விவரங்களையும் அறிந்து கொள்ள இயலும் பயனாளிகளுக்கும் இக்கையேடு இத்திட்டத்தின் செயல்பாடுகள் குறித்து அறிந்து கொள்வதில் மிகவும் பயனள்ளதாக இருக்கும்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 60 வயதை கடந்தவர்களுக்கு தடுப்பூசி செலுத்தியது குறைவாக உள்ளது.
    • ஒவ்வொரு மாநில அளவிலும், மாவட்ட அளவில் பிரத்யேக சுகாதார குழுக்கள் அமைக்கப்பட உள்ளது.

    திருப்பூர்:

    வரும் கல்வியாண்டில் 164 உயர்நிலை பள்ளிகளை, மேல்நிலை பள்ளிகளாக தரம் உயர்த்த, சமக்ர சிக் ஷா திட்டத்தில் முடிவு செய்யப்பட்டுள்ளது. தரம் உயர்த்தப்பட உள்ள164 அரசு உயர்நிலை பள்ளிகளின் விபரங்கள் மாவட்ட வாரியாக அனுப்பப்பட்டுள்ளன.திருப்பூர் மாவட்டத்தில் பிச்சம்பாளையம் புதூர், பாண்டியன் நகர், நெசவாளர் காலனி, முதலிபாளையம், கருவம்பாளையம், காரணம்பேட்டை, பூலுவப்பட்டி ஆகிய பகுதியிலுள்ள 7 உயர்நிலைப்பள்ளிகள் தேர்வாகியுள்ளன.

    இந்த பள்ளிகள் அனைத்தையும், மேல்நிலை பள்ளிகளாக மாற்றுவதற்குரிய கருத்துருவை இணைத்து அனுப்புமாறு உத்தரவிடப்பட்டுள்ளது.கடந்தாண்டு பிளஸ் -1 மாணவர் சேர்க்கை நடத்தப்பட்ட அரசு பள்ளிகளை விட இந்த ஆண்டில் கூடுதலாக, 7 பள்ளிகளில் மாணவர் சேர்க்கை நடத்தப்படும். இந்த பள்ளிகளில் பாடம் நடத்த கூடுதலாக முதுநிலை ஆசிரியர்களும் நியமிக்கப்படும். மற்ற பள்ளிகளில் உள்ள முதுநிலை ஆசிரியர்கள் நிர்வாக மாறுதல் அடிப்படையில் தரம் உயர்த்தப்படும் மேல்நிலை பள்ளிகளுக்கு இடமாற்றம் செய்யப்படுவர் என எதிர்பார்க்கப்படுகிறது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • அரசுதுறை உயர் அதிகாரிகள் இந்த ஆய்வு பணியை மேற்கொண்டனர்.
    • கடந்த காலங்களில் நடந்த தவறுகள் குறித்து சில நடவடிக்கைகள் எடுக்குமாறு மத்திய பொதுக்கணக்கு குழுவினர் கூறியுள்ளனர்.

    திருப்பூர்:

    திருப்பூரில் இன்று தமிழ்நாடு சட்டமன்ற பொதுக்கணக்கு குழுவினர் அரசு திட்டப்பணிகளை ஆய்வு செய்தனர். பொதுக்கணக்கு குழு தலைவர் செல்வபெருந்தகை எம்.எல்.ஏ.,தலைமையில் எம்.எல்.ஏ.க்கள் மாதவரம் தொகுதி சுதர்சனம் ,திருத்துறைப்பூண்டி மாரிமுத்து , வீரபாண்டி ராஜமுத்து ஆகியோருடன் திருப்பூர் தெற்கு தொகுதி எம்.எல்.ஏ., செல்வராஜ், மாநகராட்சி மேயர் தினேஷ்குமார், கலெக்டர் வினீத் மற்றும் அரசுதுறை உயர் அதிகாரிகள் இந்த ஆய்வு பணியை மேற்கொண்டனர்.

    திருப்பூர் மாநகராட்சியில் நடைபெற்று வரும் கழிவுநீர் வடிகால் , பேருந்து நிலைய கட்டிட பணிகள் , புதிய மருத்துவகல்லூரி பணிகள் உட்பட பல்வேறு பணிகளை ஆய்வு செய்தனர்.பின்னர் செல்வபெருந்தகை எம்.எல்.ஏ.,நிருபர்களிடம் கூறுகையில், மத்திய பொது கணக்கு குழு தணிக்கை செய்து கொடுத்த அறிக்கையின் அடிப்படையில் துறை வாரியாக ஆய்வு செய்கிறோம் .

    மேலும் கடந்த காலங்களில் நடந்த தவறுகள் குறித்து சில நடவடிக்கைகள் எடுக்குமாறு மத்திய பொதுக்கணக்கு குழுவினர் கூறியுள்ளதாகவும் , அதன் அடிப்படையில் ஆய்வு நடைபெறுவதாகவும் கூறினார். என்ன நடவடிக்கை எடுக்க வேண்டும் என்பதையும் , பொதுக்கணக்கு குழு என்ன பரிந்துரை செய்தார்கள் என்பதையும் மதியம் நடைபெறும் ஆலோசனை கூட்டத்திற்கு பிறகு முழுமையாக தெரி விக்கப்படும் என்றார்.

    ×