என் மலர்

    நீங்கள் தேடியது "ஊட்டி"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கடந்த 2-ந் தேதி கோகிலத்திற்கு பிரசவ வலி ஏற்பட்டது. இதைத்தொடர்ந்து அவர் ஊட்டி சேட் அரசு ஆஸ்பத்திரியில் அனுமதிக்கப்பட்டார்
    • இந்த சம்பவம் குறித்து ஊட்டி மத்திய போலீசார் விசாரணை நடத்தி வருகின்றனர்.

    ஊட்டி:

    நீலகிரி மாவட்டம் கூடலூர் பகுதியை சேர்ந்தவர் பழனிச்செல்வம். இவர் கேரளாவில் கூலித்தொழியாக வேலை பார்த்து வருகிறார். இவருடைய மனைவி கோகிலம் (வயது 25). இவர் நிறைமாத கர்ப்பிணியாக இருந்தார்.

    இந்த நிலையில் கடந்த 2-ந் தேதி கோகிலத்திற்கு பிரசவ வலி ஏற்பட்டது. இதைத்தொடர்ந்து அவர் ஊட்டி சேட் அரசு ஆஸ்பத்திரியில் அனுமதிக்கப்பட்டார். பின்னர் நேற்று அவருக்கு அறுவை சிகிச்சை செய்ய முடிவு செய்யப்பட்டது.

    இதனால் கோகிலத்தின் உறவினர்கள், அவரது கழுத்தில் இருந்த 4 கிராம் தங்க நகை, ரூ.4 ஆயிரம் ஆகியவற்றை கழற்றி சிறிய பையில் வைத்து, அங்குள்ள ஓரிடத்தில் வைத்துவிட்டு சென்றனர்.

    இதையடுத்து சிறிது நேரம் கழித்து வந்து பார்த்த போது அந்த பையை காணவில்லை. இதனால் அதிர்ச்சி அடைந்த உறவினர்கள் அங்கும், இங்கும் தேடினர். ஆனால் எங்கு தேடியும் கிடைக்கவில்லை.

    மர்மநபர் யாரோ அந்த பையை திருடி சென்றது தெரியவந்தது. இதுகுறித்து பிரசவத்திற்கு அனுமதிக்கப்பட்ட கோகிலத்தின் உறவினர்கள் ஊட்டி மத்திய போலீஸ் நிலையத்தில் புகார் அளித்தனர். அதன்பேரில் போலீசார் விசாரணை நடத்தி வருகின்றனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சுற்றுலா வேன் கல்லட்டி மலைப்பாதையில் சென்றபோது, கட்டுப்பாட்டை இழந்து சாலையோரம் இருந்த 30 அடி பள்ளத்தில் கவிழ்ந்து விபத்துக்குள்ளானது.
    • கல்லட்டி மலைப் பாதையில் விபத்து நிகழ்ந்த இடத்தை கலெக்டர் அம்ரித் நேரில் பார்வையிட்டு ஆய்வு செய்தார்

    ஊட்டி:

    சென்னையில் உள்ள ஐ.டி. நிறுவனத்தில் வேலை பார்க்கும் 20க்கும் ஐ.டி. மேற்பட்டவர்கள் சுற்றுலா வேனில் ஊட்டிக்கு வந்தனர்.

    நேற்றுமுன்தினம் இரவு சுற்றுலா வேன் கல்லட்டி மலைப்பாதையில் சென்றபோது, கட்டுப்பாட்டை இழந்து சாலையோரம் இருந்த 30 அடி பள்ளத்தில் கவிழ்ந்து விபத்துக்குள்ளானது.

    இந்த விபத்தில் நெல்லையை சேர்ந்த முத்துமாரி(24) என்ற பெண் உயிரிழந்தார். பாண்டிச்சேரியை சேர்ந்த பிரதீப் உள்பட 18 பேர் படுகாயம் அடைந்தனர். தகவல் அறிந்த புதுமந்து போலீசார் விரைந்து வந்து காயம் அடைந்தவர்களை மீட்டு சிகிச்சைக்காக அரசு ஆஸ்பத்திரிக்கு அனுப்பினர்.

    கல்லட்டி மலைப்பாதையில் வெளிமாநில, வெளி மாவட்ட வாகனங்கள் செல்ல தடை விதிக்கப்பட்டுள்ளது. ஆனால் அதனையும் மீறி தடை செய்யப்பட்ட வழியாக சுற்றுலா வேன் சென்றதாலேயே விபத்து ஏற்பட்டதாக கூறப்பட்டது.

    இதுகுறித்து புதுமந்து போலீசார் விசாரணை நடத்தினர். இதில் கல்லட்டி மலைப்பாதையில் தங்கும் விடுதி நடத்தி வரும் வினோத்குமார் என்பவர் தனது உதவியாளர் ஜோசப்புடன் சேர்ந்து தடைசெய்யப்பட்ட வழியாக அவர்களை அழைத்து சென்றது தெரியவந்தது.

    இதையடுத்து போலீசார் அவர்கள் மீது வழக்குப்பதிவு செய்து கைது செய்தனர். தொடர்ந்து கல்லட்டி சோதனை சாவடி பகுதியில் உள்ள அந்த விடுதியையும் அதிகாரிகள் நேரில் பார்வையிட்டு ஆய்வு செய்தனர்.

    அப்போது அந்த விடுதி உரிய அனுமதியின்றி செயல்பட்டு வந்தது கண்டுபிடிக்கப்பட்டது. இதையடுத்து அதிகாரிகள் அந்த விடுதிக்கு சீல் வைத்தனர். இதற்கிடையே கல்லட்டி மலைப் பாதையில் விபத்து நிகழ்ந்த இடத்தை கலெக்டர் அம்ரித் நேரில் பார்வையிட்டு ஆய்வு செய்தார்.

    அப்போது வெளிமாநில மற்றும் வெளிமாவட்டங்களில் இருந்து வரும் வாகனங்களை ஊட்டியில் இருந்து கல்லட்டி மலைப் பாதையில் செல்லாமல் தலைக்குந்தா பகுதியில் வாகனங்களைத் தடுத்து கூடலூா் வழியாக திருப்பிவிடுமாறு காவல் துறையினருக்கு அறிவுறுத்தினாா்.

    தொடர்ந்து ஆஸ்பத்திரிக்கு சென்ற அவர் அங்கு படுகாயங்களுடன் சிகிச்சை பெற்று வரும் நபர்களை சந்தித்து ஆறுதல் கூறி, அவர்களுக்கு அளிக்கப்படும் சிகிச்சை குறித்தும் டாக்டர்களிடம் கேட்டறிந்தார்.

    இந்த ஆய்வின்போது, அரசு மருத்துவக் கல்லூரி மருத்துவமனை முதல்வா் மனோகரி, ஊட்டி வருவாய் கோட்டாட்சியா் துரைசாமி, துணைக் காவல் கண்காணிப்பாளா் மகேஸ்வரன், ஊட்டி தாசில்தார் ராஜசேகா் உள்ளிட்டோா் உடனிருந்தனா்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தமிழகத்தின் பிற மாவட்டங்கள், வெளி மாநிலங்களில் இருந்தும் சுற்றுலா பயணிகள் ஊட்டிக்கு வந்த வண்ணம் உள்ளனர்.
    • பைக்காரா படகு இல்லத்தில் சுற்றுலா பயணிகள் தங்கள் குடும்பத்தினருடன், படகில் சவாரி செய்து மகிழ்ச்சி அடைந்தனர்.

    ஊட்டி:

    நீலகிரி மாவட்டத்தில் தற்போது குளு, குளு சீசன் நிலவி வருகிறது. இந்த கால நிலையை அனுபவிக்க தமிழகத்தின் பிற மாவட்டங்கள், வெளி மாநிலங்களில் இருந்தும் சுற்றுலா பயணிகள் வந்த வண்ணம் உள்ளனர்.

    நேற்று மாவட்டத்தில் உள்ள தாவரவியல் பூங்கா, தொட்டபெட்டா மலைசிகரம், குன்னூர் சிம்ஸ் பூங்கா, கோத்தகிரி நேரு பூங்கா, படகு இல்லம், பைன்பாரஸ்ட், சூட்டிங்மட்டம் உள்பட பல்வேறு சுற்றுலா தலங்களிலும் சுற்றுலா பயணிகள் கூட்டம் அலை மோதியது. அவர்கள் சுற்றுலா தலங்களை குடும்பத்துடன் கண்டு ரசித்தனர்.

    ஊட்டி பைக்காரா அணை படகு இல்லத்தில் நேற்று சுற்றுலா பயணிகள் அதிகளவில் குவிந்திருந்தனர். படகு சவாரி செய்து மகிழ்வதற்காக ஏராளமான பயணிகள் நீண்ட வரிசையில் காத்திருந்து டிக்கெட்டு பெற்றனர். பின்னர் தங்கள் குடும்பத்தினருடன், படகில் சவாரி செய்து மகிழ்ச்சி அடைந்தனர்.

    படகு சவாரி செய்து முடித்ததும் சுற்றுலா பயணிகள், பைக்காரா அணையின் இயற்கை அழகை காட்சி மாடத்தில் நின்றபடி கண்டு ரசித்தனர்.

    அணையில் இருந்து மின் உற்பத்திக்காக தண்ணீர் திறந்து விடப்படாததால் பைக்காரா நீர்வீழ்ச்சியில் தண்ணீர் வரத்து இல்லை. இதனால் அங்கு வந்த சுற்றுலா பயணிகள் நீர்வீழ்ச்சியில் தண்ணீர் இல்லாததை கண்டு ஏமாற்றம் அடைந்தனர்.

    ஊட்டி-கூடலூர் சாலையில் பைன்பாரஸ்ட், சூட்டிங்மட்டம், பைக்காரா போன்ற இடங்களில் சாலையோரத்தில் அதிகளவில் வாகனங்கள் நிறுத்தப்பட்டதால் போக்குவரத்து பாதிப்பு ஏற்பட்டது

    கோத்தகிரி மற்றும் அதன் சுற்றுவட்டார பகுதிகளில் கடந்த வாரம் முதலே தென்பருவமழை பெய்ய தொடங்கியுள்ளது. பகல் நேரங்களில் லேசானது முதல் மிதமானது வரையும், இரவு நேரங்களில் பலத்த மழையும் பெய்கிறது.

    அதிகாலையில் கடும மேகமூட்டம் மற்றும் கடும் குளிர் நிலவி வருகிறது. தொடர்ந்து கால நிலையில் மாற்றம் ஏற்பட்டுள்ளதால் கோத்தகிரியில் உள்ள காட்சி முனை முழுவதும் மேகம் சூழ்ந்து காணப்படுகிறது. அங்கு வந்த சுற்றுலா பயணிகள் இதனை பார்த்து உற்சாகத்துடன் புகைப்படம் எடுத்து மகிழ்ந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஊட்டி தாலுகாவில் 22 கிராமங்களும், பந்தலூா் தாலுகாவில் 7 கிராமங்களும் பாதிக்கப்படும். மசினகுடி ஊராட்சி முழுமையாக பாதிப்புக்குள்ளாகிறது.
    • 50 கிராமங்களை சரணாலய பகுதியின் வெளிவட்ட மண்டலத்தில் இருந்து நீக்க சுப்ரீம் கோர்ட்டை தமிழக அரசு அணுக வேண்டும் என்று வலியுறுத்தப்பட்டது.

    ஊட்டி:

    நீலகிரி மாவட்டம், முதுமலை புலிகள் காப்பகத்தின் வெளிவட்டப் பகுதியின் எல்லையை ஒரு கிலோ மீட்டா் தூரம் விரிவாக்கம் செய்து சுப்ரீம் கோர்ட்டு கடந்த 3.6.2022 அன்று உத்தரவு பிறப்பித்தது. புலிகள் காப்பக விரிவாக்கம் தொடா்பாக கூடலூரில் பல்வேறு கட்சி நிா்வாகிகள் பங்கேற்ற ஆலோசனைக் கூட்டம் நடைபெற்றது.

    கூட்டத்தில் நிைறவேற்றப்பட்ட தீர்மானங்கள் வருமாறு:-

    இந்த பகுதிகளில் உள்ள 50 கிராமங்களில் சுமாா் ஒரு லட்சம் மக்கள் வசிக்கின்றனா். ஏற்னவே வன விலங்குகளால் பாதிப்புக்குள்ளான மக்களுக்கு இது மேலும் மனச்சுமையை தருகிறது. இதனால் ஊட்டி தாலுகாவில் 22 கிராமங்களும், பந்தலூா் தாலுகாவில் 7 கிராமங்களும் பாதிக்கப்படும். மசினகுடி ஊராட்சி முழுமையாக பாதிப்புக்குள்ளாகிறது.

    பாட்டவயல், பிதா்க்காடு, முதிரக்கொல்லி, விலங்கூா், மேபீல்டு ஆகிய கிராமங்கள் முழுமையாக பாதிக்கப்படும் அபாயத்தில் உள்ளன. கூடலூா் தாலுகாவில் உள்ள ஸ்ரீமதுரை ஊராட்சியில் 1860 வீடுகளும், ஐந்தாயிரத்துக்கும் மேற்பட்ட பொதுமக்களும் பாதிக்கப்படுவா்.

    மேற்கூறிய 50 கிராமங்களை சரணாலய பகுதியின் வெளிவட்ட மண்டலத்தில் இருந்து நீக்க சுப்ரீம் கோர்ட்டை தமிழக அரசு அணுக வேண்டும் என்று வலியுறுத்தப்பட்டது.

    தமிழக அரசுதான் சுப்ரீம் கோர்ட்டை அணுக வேண்டும் என்று தீா்ப்பில் கூறப்பட்டுள்ளதால், சுற்றுச்சூழல் மண்டலத்தினால் ஏற்படும் பாதிப்புகளையும், புலிகள் காப்பக வெளிமண்டல விரிவாக்கத்தினால் ஏற்படும் பாதிப்புகள் குறித்தும் தமிழக அரசு சுப்ரீம் கோர்ட்டில் முறை யிட்டு விலக்கு பெற முயற்சிக்க வேண்டும் என்று வலியுறுத்தப்பட்டது.

    ஒருங்கிணைப்பாளா் என்.வாசு தலைமையில் நடைபெற்ற இந்த கூட்டத்தில் தி.மு.க. நகர செயலாளர் இளஞ்செழியன், செயற்குழு உறுப்பினா் பாண்டியராஜ், காங்கிரஸ் நகரத் தலைவா் சபீக், மார்க்சிஸ்ட் கட்சி செயலாளா் மணி, இந்திய கம்யூனிஸ்ட் செயலாளா் முகமது கனி, விடுதலை சிறுத்தைகள் கட்சி மாவட்டச் செயலாளா் சகாதேவன், நகரச் செயலாளா் துயில்மேகம், மசினகுடி வாழ்வுரிமை இயக்க நிா்வாகி வா்கீஸ், அனைத்து வியாபாரிகள் சங்கத் தலைவா் ரசாக் உள்ளிட்டோா் கலந்து கொண்டனா். 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பிளஸ்-2 பயின்ற மாணவா்களுக்கான உயா் கல்விக்கு வழிகாட்டும் ‘கல்லூரிக் கனவு’ நிகழ்ச்சி நடைபெற்றது.
    • ஒரு பள்ளிக்கு 10 மாணவர்கள் வீதம் 530 மாணவர்கள், 2 ஆசிரியர்கள் வீதம் 106 ஆசிரியர்கள், 2 பெற்றோர்கள் வீதம் 100 பெற்றோர்கள் பங்கேற்றனர்.

    ஊட்டி:

    தமிழக முதல்வரின் நான் முதல்வன் திட்டத்தின் கீழ் பிளஸ்-2 பயின்ற மாணவா்களுக்கான உயா் கல்விக்கு வழிகாட்டும் 'கல்லூரிக் கனவு' நிகழ்ச்சி ஊட்டி பழங்குடியினர் பண்பாட்டு மையத்தில் நடைபெற்றது.

    விழாவில் வனத்துறை அமைச்சர் ராமச்சந்திரன் கலந்து கொண்டு திட்டத்தை தொடங்கி வைத்தார். கலெக்டர் அம்ரித் முன்னிலை வகித்தார். விழாவில் அமைச்சர் ராமச்சந்திரன் பேசியதாவது:-

    நீலகிரி மாவட்டத்தில் 36 அரசு மேல்நிலைப் பள்ளிகள், 17 அரசு உதவிபெறும் மேல்நிலைப் பள்ளிகள் உள்ளன. இந்த நிகழ்ச்சியில் ஒரு பள்ளிக்கு 10 மாணவர்கள் வீதம் 530 மாணவர்கள், 2 ஆசிரியர்கள் வீதம் 106 ஆசிரியர்கள், 2 பெற்றோர்கள் வீதம் 100 பெற்றோர்கள் பங்கேற்றனர்.

    நீலகிரி மாவட்டத்தில் உயர்கல்விக்காக ஊட்டி, கூடலூர் பகுதிகளில் அரசு கல்லூரிகள் உள்ளன. இங்கு 8 ஆயிரம் மாணவர்கள் படிக்கின்றனர். குன்னூர், கோத்தகிரி மாணவர்களின் நலன் கருதி குன்னூரில் அரசு கல்லூரி விரைவில் தொடங்கப்படும்.

    மேலும் படித்த இளைஞர்களுக்கு வேலை வாய்ப்பை ஏற்படுத்தும் வகையில் டைடல்பார்க் அமைக்கப்படும். இந்நிகழ்ச்சியில் கலை மற்றும் அறிவியல் கல்லூரி, பொறியியல், ஊக்குவிப்பு, வங்கிகளின் கல்விக் கடன் குறித்தும், போட்டித் தோ்வுகளுக்கு எவ்வாறு தயாா் செய்வது என்பது குறித்தும், மருத்துவம் மற்றும் மருத்துவம் சாா்ந்த கல்வி, வணிகம் மற்றும் கணக்கு பதிவியல், சட்டம் ஆகியவை குறித்தும் சம்பந்தப்பட்ட துறை வல்லுநா்கள் மூலம் மாணவ, மாணவியா்களுக்கு விழிப்புணா்வு ஏற்படுத்தப்படுகிறது.

    எனவே பிளஸ்-2 முடித்த மாணவா்கள் 'கல்லூரிக் கனவு' நிகழ்ச்சியில் கல்வி வல்லுநா்களால் தெரிவிக்கப்படும் பல்வேறு ஆலோசனைகள் மற்றும் கருத்துகளை முழுமையாக கவனித்து, தங்களது கனவினை நனவாக்கும் வகையில் உறுதியாக இருக்க வேண்டும். இவ்வாறு அவர் பேசினார்.

    இதில் மாவட்ட ஊராட்சித் தலைவா் பொன்தோஸ், குன்னூா் சப்-கலெக்டர் தீபனா விஸ்வேஷ்வரி, ஊராட்சி ஒன்றிய தலைவா்கள் மாயன், ராம்குமாா், சுனிதா நேரு, கீா்த்தனா, ஊட்டி வருவாய் கோட்டாட்சியா் துரைசாமி, மாவட்ட முதன்மை கல்வி அலுவலா் தாமோதரன், மாவட்ட கல்வி அலுவலா்கள் புனிதா அந்தோணியம்மாள், சுடலை மற்றும் கல்லூரிகளின் முதல்வா்கள், துணை முதல்வா்கள், துறைத் தலைவா்கள், மாணவ, மாணவிகள் பலா் கலந்து கொண்டனா்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • சுற்றுலா தளங்களில் கொரோனா பரவலை தடுக்க சுற்றுலாப் பயணிகள் மற்றும் பொதுமக்களுக்கு முக கவசம் மற்றும் சானிடைசர் வழங்கப்பட்டது.

    ஊட்டி:

    ஊட்டி நகர தி.மு.க. சார்பில் தி.மு.க. தலைவரும் தமிழக முதல்-அமைச்சர் மு.க.ஸ்டாலின் ஆணைக்கு இணங்க ஊட்டி நகர செயலாளர் எஸ்.ஜார்ஜ் தலைமையில் ஊட்டியில் உள்ள அரசு தாவரவியல் பூங்கா, தொட்டபெட்டா, படகு இல்லம் உள்ளிட்ட சுற்றுலா தளங்களில் கொரோனா பரவலை தடுக்க சுற்றுலாப் பயணிகள் மற்றும் பொதுமக்களுக்கு முக கவசம் மற்றும் சானிடைசர் வழங்கப்பட்டது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நீலகிரியில் பாலின உணர்வு மற்றும் பாலியல் துன்புறுத்தல் தடுப்பு குறித்த விழிப்புணர்வு நிகழ்ச்சிநடைபெற்றது.
    • நிகழ்ச்சிக்கான ஏற்பாடுகளை ஜே.எஸ்.எஸ் பார்மசி கல்லூரி மருந்து வேதியியல் துறையினர் செய்திருந்தனர்.

    ஊட்டி:

    புது டெல்லி அறிவியல் மற்றும் தொழில்துறை ஆராய்ச்சி கவுன்சில், மைசூரு ஜே எஸ் எஸ் உயர்க்கல்வி மற்றும் ஆராய்ச்சி நிறுவனம் மற்றும் நீலகிரி இந்திய மருந்து சங்கம் மற்றும் கல்லூரியின் நாட்டு நலப்பணி திட்டம் சார்பில் நீலகிரி மாவட்டத்தில் உள்ள கிராமப்புற மற்றும் பழங்குடியின மக்களுக்கான பாலின உணர்வு மற்றும் பாலியல் துன்புறுத்தல் தடுப்பு குறித்த விழிப்புணர்வு நிகழ்ச்சி மஞ்சக்கோம்பையில் கிராமத்தில் நடைபெற்றது.

    கல்லூரி விரிவுரையாளர் முனைவர் கோமதி சுவாமிநாதன் வரவேற்புரை மற்றும் நிகழ்ச்சி விளக்வுரை வழங்கினார்.

    இதில் சிறப்பு விருந்தினராக மதுசூதனன் புரோகித் கலந்து கொண்டு சிறப்புரையாற்றனார். நிகழ்ச்சியில் கல்லூரி முதல்வர் தனபால், வேதியியல் துறை தலைவரும் இணை பேராசிரியருமான முனைவர் ஆர் காளிராஜன், டாக்டர்.பி.கனகாம்பாள், டாக்டர் எம்.தருணா, ஜெயக்குமார், டாக்டர் கீர்த்தனா. சி, டாக்டர் ஜி.என்.கே.கணேஷ், விரிவுரையாளர் முனைவர் ஸ்ரீகாந்த் ஜூபுடி, ஒருங்கிணைப்பாளர் முனைவர் கோமதி சுவாமிநாதன் உள்பட பலர் கலந்து கொண்டனர்.

    2 நாட்கள் ந டந்த நிகழ்ச்சிக்கான ஏற்பாடுகளை ஜே.எஸ்.எஸ் பார்மசி கல்லூரி மருந்து வேதியியல் துறையினர் செய்திருந்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • குடியிருப்பு பகுதிகள் மற்றும் விளைநிலங்களில் புகுந்து சேதத்தை ஏற்படுத்தி வருகின்றன.
    • காட்டெருமை ஒன்று இறந்து கிடப்பதாக அப்பகுதி மக்கள் வனத்துறையினருக்கு தகவல் தெரிவித்தனர்.

    குன்னூர்

    குன்னூர் மற்றும் அதன் சுற்று வட்டார பகுதிகளில் சமீப காலமாக காட்டெருமைகள் நடமாட்டம் அதிகரித்து உள்ளது. அடிக்கடி குடியிருப்பு பகுதிகள் மற்றும் விளைநிலங்களில் புகுந்து சேதத்தை ஏற்படுத்தி வருகின்றன.

    இந்தநிலையில் குன்னூர் அருகே நான்சச் பகுதியில் உள்ள தேயிலை தோட்டத்தில் காட்டெருமை ஒன்று இறந்து கிடப்பதாக அப்பகுதி மக்கள் வனத்துறையினருக்கு தகவல் தெரிவித்தனர். அதன் பேரில் வனத்துறையினர் சம்பவ இடத்துக்கு சென்று ஆய்வு செய்தனர்.

    இதில் உணவு தேடி வந்த போது தவறி விழுந்து காட்டெருமை இறந்ததும், 8 வயது ஆண் காட்டெருமை என்பதும் தெரியவந்தது. இறந்த காட்டெருமை நீண்ட போராட்டத்திற்கு பின்னர் பொக்லைன் எந்திரம் மூலம் தோட்டத்தில் இருந்து அப்புறப்படுத்தப்பட்டது. தொடர்ந்து பிரேத பரிசோதனை செய்து குழி தோண்டி புதைக்கப்பட்டது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஊட்டியை ஒட்டி தொட்டபெட்டா, கவர்னர்சோலை, கேர்ன்ஹில் உள்ளிட்ட அடர்ந்த வனப்பகுதிகள் உள்ளன.
    • இதனை அந்த வழியாக சென்றவர்கள் செல்போனில் வீடியோ எடுத்து சமூக வலைத்தளத்தில் பரப்பினர். சிறுத்தை நடமாட்டத்தால் பொதுமக்கள் அச்சம் அடைந்து உள்ளனர்.

    ஊட்டி:

    தமிழகம் சாலையில் சிறுத்தை ஒன்று நடமாடியது. இதனால் பொதுமக்கள் அச்சம் அடைந்து உள்ளனர்.

    சிறுத்தை புகுந்தது நீலகிரி மாவட்டம் ஊட்டியை ஒட்டி தொட்டபெட்டா, கவர்னர்சோலை, கேர்ன்ஹில் உள்ளிட்ட அடர்ந்த வனப்பகுதிகள் உள்ளன. இங்கு கரடி, காட்டெருமை, சிறுத்தை, கடாமான் போன்ற வனவிலங்குகள் வாழ்ந்து வருகின்றன.

    வனப்பகுதியில் இருந்து உணவு மற்றும் தண்ணீரை தேடி வனவிலங்குகள் குடியிருப்புகளுக்கு புகுந்து வருகின்றது. குறிப்பாக காட்டெருமை, கரடி நடமாட்டம் அதிகரித்து உள்ளது.

    இந்தநிலையில் நேற்று முன்தினம் இரவு ஊட்டி தமிழகம் சாலையில் சிறுத்தை ஒன்று நடமாடியது. சாலையில் வாகனங்களின் முகப்பு வெளிச்சத்தை பார்த்த சிறுத்தை, சாலையோரத்தில் பதுங்கி நின்றது.

    இதனை அந்த வழியாக சென்றவர்கள் செல்போனில் வீடியோ எடுத்து சமூக வலைத்தளத்தில் பரப்பினர். சிறுத்தை நடமாட்டத்தால் பொதுமக்கள் அச்சம் அடைந்து உள்ளனர். பிடிக்க வேண்டும் இதற்கிடையே கடந்த சில வாரங்களுக்கு முன்பு தமிழகம் சாலையில் உள்ள மாவட்ட கலெக்டர் அலுவலக முகாம் அலுவலக வளாகத்தில் சிறுத்தை நடமாடியது.

    அந்த சிறுத்தை நேற்று முன்தினமும் சாலையில் நடமாடி இருக்கலாம் என்று தெரிகிறது. மேலும் சிறுத்தை எந்த வழியாக அங்கிருந்து சென்றது என்பது தெரியவில்லை. இதுகுறித்து பொதுமக்கள் கூறும்போது, ஊட்டியில் உலா வரும் சிறுத்தையால் வாகன ஓட்டிகள் அச்சத்துடன் வாகனங்களை இயக்கி வருகின்றனர்.

    மேலும் குடியிருப்பு பகுதியில் நடமாடுவதால், பொதுமக்கள் பீதி அடைந்து உள்ளனர். எனவே, சிறுத்தையை கூண்டு வைத்து பிடிக்க வனத்துறையினர் நடவடிக்கை எடுக்க வேண்டும் என்றனர். தொடர்ந்து வனத்துறையினர் சிறுத்தை நடமாட்டத்தை கண்காணித்து வருகின்றனர். ஊட்டியில் கரடி, காட்டெருமைகளை தொடர்ந்து சிறுத்தை நடமாட்டமும் அதிகரித்து உள்ளது

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கடந்த காலங்களில் இறைச்சி மற்றும் முக்கிய உறுப்புகளை கடத்துவதற்காக வனவிலங்குகளை வேட்டையாடும் சம்பவங்கள் அதிகமாக நடைபெற்றது.
    • பல மாதங்களாக சேகரித்து பாதுகாத்து வைத்திருந்த காட்டெருமைகள், மான்களின் எலும்புகள் மற்றும் இறைச்சிகளை விறகுகள் மீது வன ஊழியர்கள் அடுக்கி வைத்தனர்.

    ஊட்டி:

    நீலகிரி மாவட்டத்தில் 60 சதவீதம் வனப்பகுதிகள் உள்ளன. இங்கு காட்டு யானை, காட்டெருமை, மான், புலி, கரடி உள்ளிட்ட வனவிலங்குகள் வசித்து வருகின்றன.

    இதைத்தொடர்ந்து கடந்த காலங்களில் இறைச்சி மற்றும் முக்கிய உறுப்புகளை கடத்துவதற்காக வனவிலங்குகளை வேட்டையாடும் சம்பவங்கள் அதிகமாக நடைபெற்றது. இதுதொடர்பாக வனத்துறையினர் வழக்குப்பதிவு செய்து சம்பந்தப்பட்ட குற்றவாளிகள் மீது நடவடிக்கை எடுத்தனர்.

    மேலும் வேட்டையாடப்பட்ட வனவிலங்குகளின் உடற்பாகங்களை பறிமுதல் செய்தனர். தொடர்ந்து வழக்கு விசாரணை நீதிமன்றத்தில் நிறைவு பெறும் வரை, அதன் உடற்பாகங்களை பாதுகாத்து வருகின்றனர். இதேபோல் இயற்கையான முறையில் வனவிலங்குகள் உயிரிழக்கும் நிலையில், உடற்கூறு ஆய்வுக்கு பின் அதன் உறுப்புகளை வனத்துறையினர் சேகரித்து வைத்திருந்தனர்.

    இந்தநிலையில் நீதிமன்ற உத்தரவின் பேரில் கூடலூர் வன கோட்ட அலுவலர் கொம்மு ஓம்காரம், உதவி வன பாதுகாவலர் (பயிற்சி) சரவணன், வனச்சரகர்கள் முன்னிலையில் ஓவேலி வனச்சரக பகுதியில் வேட்டையாடப்பட்ட வனவிலங்குகளின் எலும்புகள், இறைச்சிகள் உள்ளிட்ட பாகங்களை எரிக்கும் பணி கூடலூர் மாக்கமூலாவில் உள்ள வன அலுவலர் அலுவலக வளாகத்தில் நடைபெற்றது.

    அதில் பல மாதங்களாக சேகரித்து பாதுகாத்து வைத்திருந்த காட்டெருமைகள், மான்களின் எலும்புகள் மற்றும் இறைச்சிகளை விறகுகள் மீது வன ஊழியர்கள் அடுக்கி வைத்தனர். பின்னர் ஆவணங்களின் அடிப்படையில் உடற்பாகங்கள் ஆய்வு செய்யப்பட்டது. தொடர்ந்து தீ வைத்து எரிக்கப்பட்டது. இதுகுறித்து உதவி வனப்பாதுகாவலர் சீனிவாசன் கூறும்போது, வழக்குகளின் அடிப்படையில் நீதிமன்ற அனுமதி பெற்று 500 கிராம் வனவிலங்கு இறைச்சி, 30 கிலோ காட்டெருமை எலும்புகள் தீ வைத்து எரிக்கப்பட்டு உள்ளது என்றார்.க

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • கூடலூர் நகராட்சியில் டெங்கு கொசுக்கள் பரவாமல் தடுக்க 15 தூய்மை பணியாளர்கள் கூடுதலாக நியமிக்கப்பட்டு உள்ளனர் என்ப உள்பட பல்வேறு தீர்மனங்கள் வாசிக்கப்பட்டது.
    • குடிநீர் வினியோக ஊழியர்களிடம் தெரிவித்தும் ரப்பர் துண்டுகள் கொண்டு இழுத்துக் கட்டி விட்டு செல்கின்றனர்.

    ஊட்டி:

    கூடலூர் நகராட்சி கூட்டம் நகராட்சி அலுவலகத்தில் உள்ள மன்ற அரங்கில் நடைபெற்றது. கூட்டத்துக்கு நகராட்சி தலைவர் பரிமளா தலைமை தாங்கினார். ஆணையாளர் (பொறுப்பு) காந்திராஜ், துணைத் தலைவர் சிவராஜ் ஆகியோர் முன்னிலை வகித்தனர். கூடலூர் நகராட்சியில் டெங்கு கொசுக்கள் பரவாமல் தடுக்க 15 தூய்மை பணியாளர்கள் கூடுதலாக நியமிக்கப்பட்டு உள்ளனர் என்ப உள்பட பல்வேறு தீர்மனங்கள் வாசிக்கப்பட்டது.

    தொடர்ந்து கவுன்சிலர் உஸ்மான் பேசுகையில், நகராட்சியில் 15 தூய்மை பணியாளர்கள் பணியில் உள்ளார்களா என ஆய்வு செய்ய வேண்டும் என்றார். அதற்கு கமிஷனர் காந்திராஜ், மாவட்ட நிர்வாகத்தின் அறிவுறுத்தலின் பேரில் ஒவ்வொரு நகராட்சிகளிலும் டெங்கு கொசுக்கள் பரவாமல் தடுக்க தூய்மை பணி மேற்கொள்ள 15 பணியாளர்கள் நியமிக்கப்பட்டு உள்ளனர்.

    கவுன்சிலர் வெண்ணிலா பேசும்போது, குடிநீர் குழாய்கள் பெரும்பாலான இடங்களில் உடைந்து தண்ணீர் வீணாகிறது. சம்பந்தப்பட்ட குடிநீர் வினியோக ஊழியர்களிடம் தெரிவித்தும் ரப்பர் துண்டுகள் கொண்டு இழுத்துக் கட்டி விட்டு செல்கின்றனர். மேலும் இலவச பட்டா பெற்று குடியிருக்கும் மக்கள் வசிக்கும் இடங்களில் குடிநீர் முறையாக கிடைப்பது இல்லை.

    மேலும் வாய்க்கால் இல்லாததால் மழைக்காலத்தில் சாலையில் வழிந்தோடும் தண்ணீர் வீடுகளுக்குள் செல்கிறது. இதனால் பெரும் அவதிக்கு ஆளாகி வருகின்றனர். இதற்கும் தீர்வு காண வேண்டும். இவ்வாறு அவர் பேசினார்.

    கவுன்சிலர் அனூப் பேசுகையில், நகருக்குள் தெரு நாய்கள், ஆடு மாடு உள்ளிட்ட கால்நடைகள் போக்குவரத்துக்கு இடையூறாக சுற்றி வருகிறது. எனவே, உரிய நடவடிக்கை எடுக்க வேண்டும். வீடுகள், கட்டிடங்கள் கட்டுவதற்கு அனுமதி பெற்று உரிய நேரத்தில் கட்ட முடியாமல் காலாவதியானதால் பலர் பாதிக்கப்பட்டுள்ளனர்.

    அதற்கு பதில் அளித்து பேசிய கமிஷனர் காந்திராஜ், மாவட்ட கமிட்டியிடம் அனுமதி பெற்று காலாவதியாகி இருந்தால் மீண்டும் அனுமதி வழங்கப்படும். இதேபோல் கால்நடை உரிமையாளர்களை அழைத்து பேச்சுவார்த்தை நடத்தப்படும். மீறினால் கடும் நடவடிக்கை எடுக்கப்படும். நகராட்சி பகுதியில் 730 புதிய விளக்குகள் பொருத்த டெண்டர் விடப்பட உள்ளது.

    தொடர்ந்து துணைத் தலைவர் சிவராஜ் பேசுகையில், கவுன்சிலர்கள் தங்கள் வார்டுகளில் வளர்ச்சி பணிகளை மேற்கொள்ள அனைத்து கவுன்சிலர்களுக்கும் தலா ரூ.15 லட்சம் நிதி ஒதுக்க வேண்டும் என கோரிக்கை விடுத்தார்.

    இதேபோல் கூடலூர் நகர் பகுதியில் சிறுவர்களிடமும் கஞ்சா பழக்கம் அதிகரித்து வருகிறது. எனவே அதனை தடுக்கவும் உரிய நடவடிக்கை எடுக்க வேண்டும் என கவுன்சிலர் ஆபிதா பேகம் கோரிக்கை விடுத்தார்.அதற்கு பதில் அளித்த ஆணையாளர், இதுகுறித்து உரிய நடவடிக்கை எடுக்கப்படும் என்றார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo