சிவகங்கை

சிவகங்கை மாவட்டம், மானாமதுரையை சேர்ந்த 82 வயது முதியவர் முத்து. இவர் 'டாம்' என்கிற நாய் ஒன்றை வளர்த்து வந்துள்ளார். இது கடந்த 2021-ம் ஆண்டில் உயிரிழந்துள்ளது.

இதனால் வேதனையில் இருந்த முதியவர், டாமின் நினைவாக மானாமதுரையில் சிலை ஒன்றை கட்டியுள்ளார். அதற்கு, மாலை, ஆடை அணிவித்து வழிபாடு செய்த நிகழ்வு பார்ப்பவர்களை நெகிழச் செய்துள்ளது.

இதுகுறித்து முதியவர் முத்து கூறுகையில், " என் பசங்களைவிட என் நாய் மீது அதிகம் பாசம் கொண்டேன். 2010-ம் ஆண்டு முதல் என்னுடன் இருந்தது. 2021-ல் இறந்துவிட்டது. என் தாத்தா, பாட்டி, தந்தை என அனைவரும் நாய் பிரியர்கள்" என்றார்.

மேலும் முத்துவின் மகன் மனோஜ் குமார் கூறியதாவது:-

இறந்த டாம் நாய்க்கு ரூ.80 ஆயிரம் செலவில் இந்த பளிங்கு சிலை செய்யப்பட்டுள்ளது. எதிர்காலத்தில் நாய்க்கு கோவில் கட்ட திட்டமிட்டுள்ளோம். புனித நாட்களிலும் ஒவ்வொரு வெள்ளிக்கிழமையிலும் அன்னதானம் செய்து சிலைக்கு மாலை அணிவிப்போம்.

இவ்வாறு அவர் கூறினார்.

இதையும் படியுங்கள்.. போட்டோ ஷூட் நடத்திய போது ஆற்றில் மூழ்கி புதுமாப்பிள்ளை பலி- திருமணமான 20 நாளில் பரிதாபம்

தேவகோட்டை:

சிவகங்கை மாவட்டம் தேவகோட்டை புது தெருவை சேர்ந்தவர் பிரான்மலை. இவரது மகன் உமர்பாரூக் (வயது 38). இவருக்கு திருமணமாகி மனைவி ரிஸ்வானா பர்வீன் மற்றும் 2 பெண் குழந்தைகள் உள்ளனர்.

உமர்பாரூக் பெயிண்டிங் மற்றும் கூலி வேலை செய்து வந்தார். கடந்த சில மாதங்களுக்கு முன்பு இவர் மணல் கடத்தல் வழக்கில் கைதாகி சிறை சென்றுள்ளார். அதன் பிறகு வழக்கம்போல் பெயிண்டர் வேலை செய்து வந்தார்.

நேற்று உமர்பாரூக் வீட்டில் இருந்து மாலை 3 மணிக்கு வெளியே புறப்பட்டு சென்றார். இரவு 10 மணி ஆகியும் அவர் வீடு திரும்பவில்லை. இதனால் குடும்பத்தினர் மற்றும் உறவினர்கள் உமர்பாரூக்கை தேடினர்.

இந்த நிலையில் சாத்திக்கோட்டை அருகே தனியார் மருத்துவமனை பின்புறம் அவர் ரத்த காயங்களுடன் கிடப்பதாக அக்கம் பக்கத்தினர் தெரிவித்தனர்.

இதுகுறித்து போலீசாருக்கும் தகவல் கொடுக்கப்பட்டது. அவர்கள் சம்பவ இடம் விரைந்து வந்தனர். ரத்த காயங்களுடன் உயிருக்கு போராடி கொண்டிருந்த உமர்பாரூக்கை மீட்டு தேவகோட்டை அரசு ஆஸ்பத் திரிக்கு கொண்டு சென்றனர். அங்கு தீவிர சிகிச்சை அளித்தும் பலனின்றி அவர் பரிதாபமாக இறந்தார்.

இதுகுறித்து தேவகோட்டை போலீஸ் துணை சூப்பிரண்டு (பொறுப்பு) சிவக்குமார், தாலுகா போலீஸ் இன்ஸ்பெக்டர் சுப்பிரமணியன் விசாரணை நடத்தினர்.

உமர்பாரூக்கை ஒன்றுக்கும் மேற்பட்டவர்கள் அரிவாள் உள்ளிட்ட ஆயுதங்களால் தாக்கி இருப்பது விசாரணையில் தெரிய வந்தது. இதுதொடர்பாக கொலை வழக்கு பதிவு செய்து போலீசார் விசாரணை நடத்தி வருகின்றனர்.

சிறையில் இருந்தபோது உமர்பாரூக்குக்கு அங்கு ஏற்கனவே வழிப்பறி உள்ளிட்ட வழக்குகளில் இருந்தவர்களுடன் பழக்கம் ஏற்பட்டுள்ளது. சிறையில் இருந்து வெளியே வந்த பிறகும் இந்த பழக்கம் நீடித்துள்ளது. எனவே அவர்களுக்கு இடையே ஏற்பட்ட தகராறில் கொலை நடந்து இருக்கலாமா? அல்லது வேறு ஏதேனும் காரணமா? என போலீசார் விசாரணை நடத்தி வருகின்றனர்.

சிவகங்கை மாவட்டத்தில் தேவகோட்டை சரகத்தில் கடந்த சில நாட்களாக குற்றச்செயல்கள் அதிகரித்து வருகின்றன. இதற்கு போலீஸ் நிலையங்களில் போதுமான போலீசார் இல்லாததே காரணம் என சமூக ஆர்வலர்கள் குறை கூறுகின்றனர். பல இடங்களுக்கும் ரோந்து செல்ல போலீசார் இல்லாததால் குற்றச்செயல்கள் தொடர்வதாக அவர்கள் வேதனை தெரிவித்துள்ளனர். இந்த நிலையை தடுக்க போலீசார் பற்றாக்குறையை நிவர்த்தி செய்ய வேண்டும் என அவர்கள் வலியுறுத்தி உள்ளனர்.