நீங்கள் தேடியது "Hasan Ali"

உலகளவில் நடைபெறும் டி20 லீக்கில் இந்தியாவில் நடைபெறும் ஐ.பி.எல். தொடர் மிகவும் பிரபலமானது. சுமார் இரண்டு மாதங்கள் நடைபெறும் இந்தத் தொடரில் சர்வதேச கிரிக்கெட்டில் விளையாடும் பெரும்பாலான வீரர்கள் இடம் பிடித்து விளையாடுவார்கள்.

கோடிக்கணக்கில் பணம் கொட்டிக்கொடுப்பதாலும், மைதானம் நிறைந்து காணப்படும் ரசிகர்கள் முன்னிலையில் விளையாடுவதாலும், ஐபிஎல் தொடரில் விளையாடுவதில் ஆர்வம் காட்டுவார்கள்.

2008-ம் ஆண்டு முதன்முதலாக ஐபிஎல் கிரிக்கெட் லீக் தொடங்கப்பட்டது. தொடக்க சீசனில் பாகிஸ்தான் வீரர்கள் இடம் பிடித்திருந்தனர். தன்வீர் சோஹைல், உமர் குல், கம்ரான் அக்மல் போன்ற வீரர்கள் விளையாடினார்கள்.

அதன்பின் எல்லையில் தீவிரவாத செயல்களை நிறுத்தும் வரை பாகிஸ்தானுடன் நேரடி கிரிக்கெட் கிடையாது என்று இந்திய அரசு முடிவு செய்தது. அரசியல் பதற்றம்காரணமாக அது தொடர்கிறது. இதன் காரணமாக பாகிஸ்தான் வீரர்கள் ஐபிஎல் போட்டியில் பங்கேற்க தடைவிதிக்கப்பட்டுள்ள.

 அதன்பின் பாகிஸ்தான் கிரிக்கெட் வாரியம் பாகிஸ்தான் சூப்பர் லீக்கை தொடங்கியது. இருந்தபோதிலும், பாகிஸ்தான் வீரர்கள் ஐபிஎல் கிரிக்கெட்டில் பங்கேற்பது குறித்து தங்களது விருப்பதை தெரிவித்து வருவது வழக்கம்தான்.

அந்த வகையில் பாகிஸ்தான் அணியின் முன்னணி வேகப்பந்து வீச்சாளரான ஹசன் அலியும், ஐ.பி.எல். கிரிக்கெட்டில் விளையாட விருப்பம் இருப்பதாக தெரிவித்துள்ளார்.

இதுகுறித்து ஹசன் அலி கூறுகையில் "ஒவ்வொரு வீரரும் ஐபிஎல் போட்டியில் விளையாட விரும்புகிறார்கள். நானும் அங்கே சென்று விளையாட விரும்புகிறேன். உலகத்தில் உள்ள மிகப்பெரிய லீக்கில் ஐபிஎல் லீக்கும் ஒன்று. எதிர்காலத்தில் வாய்ப்பு கிடைத்தால் நிச்சயம் விளையாடுவேன்" என்று தெரிவித்துள்ளார்.

பாகிஸ்தான் அணியின் முன்னாள் ஜாம்பவானும், முன்னாள் பிரதமருமான இம்ரான் கான், "ஐபிஎல் போட்டியில் விளையாட முடியவில்லை என்பதை குறித்து பாகிஸ்தான் வீரர்கள் கவலையடையக் கூடாது" எனத் தெரிவித்திருந்தார் என்பது குறிப்பிடத்தக்கது.

ஐபிஎல் 2024 சீசனுக்கான வீரர்கள் ஏலம் துபாயில் அடுத்த மாதம் 19-ந்தேதி நடைபெற இருக்கிறது.

துபாய்:

20 ஓவர் உலக கோப்பை கிரிக்கெட் போட்டியில் பாகிஸ்தானை வீழ்த்தி ஆஸ்திரேலியா 2-வது முறையாக இறுதி போட்டிக்கு முன்னேறியது.

துபாயில் நடந்த 2-வது அரைஇறுதியில் முதலில் விளையாடிய பாகிஸ்தான் நிர்ணயிக்கப்பட்ட 20 ஓவரில் 4 விக்கெட் இழப்புக்கு 176 ரன் எடுத்தது. இதனால் ஆஸ்திரேலியாவுக்கு 177 ரன் இலக்காக இருந்தது.

தொடக்க வீரர் முகமது ரிஸ்வான் 52 பந்தில் 67 ரன்னும் (3 பவுண்டரி, 4 சிக்சர்), பகர்ஜமான் 32 பந்தில் 55 ரன்னும் (3 பவுண்டரி, 4 சிக்சர்), கேப்டன் பாபர் ஆசம் 34 பந்தில் 39 ரன்னும் (5 பவுண்டரி) எடுத்தனர். ஸ்டார்க் 2 விக்கெட்டும், கம்மின்ஸ், ஆடம் ஜம்பா தலா ஒரு விக்கெட்டும் எடுத்தனர்.

பின்னர் ஆடிய ஆஸ்திரேலியா ஒரு ஓவர் எஞ்சியிருந்த நிலையில் இலக்கை எடுத்தது. அந்த அணி 19 ஓவர்களில் 5 விக்கெட் இழப்புக்கு 177 ரன் எடுத்து 5 விக்கெட் வித்தியாசத்தில் வெற்றிபெற்றது.

டேவிட் வார்னர் 30 பந்தில் 49 ரன்னும் (3 பவுண்டரி, 3 சிக்சர்), மேத்யூ வாடே 17 பந்தில் 41 ரன்னும் (2 பவுண்டரி, 4 சிக்சர்), ஸ்டோனிஸ் 31 பந்தில் 40 ரன்னும் (2 பவுண்டரி, 2 சிக்சர்) எடுத்தனர். சதாப் கான் 26 ரன் கொடுத்து 4 விக்கெட் கைப்பற்றினார்.

‌ஷகின்ஷா அப்ரிடி வீசிய 19-வது ஓவரின் 3-வது பந்தில் மேத்யூ வாடேயின் கேட்சை ஹசன் அலி தவற விட்டார். இது பாகிஸ்தானுக்கு பாதிப்பை ஏற்படுத்தியது. அடுத்து மேத்யூ வாடே தொடர்ந்து 3 சிக்சர்கள் விளாசி ஆஸ்திரேலியாவை வெற்றிபெற வைத்தார்.

தோல்வி குறித்து பாகிஸ்தான் கேப்டன் பாபர் ஆசம் கூறும்போது, ஹசன் அலி கேட்சை தவறவிட்டது. ஆட்டத்தின் திருப்புமுனை என்று தெரிவித்துள்ளார். இது தொடர்பாக அவர் கூறியதாவது:-

மேத்யூ வாடேயின் கேட்சை தவறவிட்டது ஆட்டத்தின் திருப்புமுனை. அந்த கேட்சை ஹசன் அலி பிடித்திருந்தால் ஆட்டத்தின் முடிவு வேறு மாதிரியாக இருந்து இருக்கும். புதிதாக வரக்கூடிய பேட்ஸ்மேனுக்கு நெருக்கடி ஏற்படும். ஆனால் விளையாட்டில் இப்படி நடக்கத்தான் செய்யும்.

ஹசன் அலி எங்கள் அணியின் முக்கிய பந்து வீச்சாளர்களில் ஒருவர். பாகிஸ்தானுக்காக பல போட்டிகளில் வெற்றிகளை பெற்று கொடுத்துள்ளார். நான் அவருக்கு ஆதரவாக இருப்பேன்.

எல்லோரும் ஒவ்வொரு நாளும் சிறப்பாக செயல்பட முடியாது. ஒருவர் அபாரமான திறமையை வெளிப்படுத்துவார். இந்த நாள் அவருடைய நாளாக அமையவில்லை. நாங்கள் அவரது மனநிலையை மாற்றுவோம்.

நாங்கள் திட்டமிட்டபடி விளையாடி ரன்களை குவித்தோம். ஆஸ்திரேலியா போன்ற அணிகளுக்கு எதிராக வாய்ப்பு கொடுத்தால் அவர்கள் அதை சரியாக பயன்படுத்தி கொள்வார்கள். நாங்கள் இதில் இருந்து பாடம் கற்றுள்ளோம். அடுத்த போட்டிகளில் அதை நிவர்த்தி செய்வோம். சிறிய தவறுகளால் இறுதிப் போட்டிக்கு தகுதிபெறும் வாய்ப்பை இழந்துவிட்டோம்.

இவ்வாறு பாபர் ஆசம் கூறியுள்ளார்.

20 ஓவர் உலக கோப்பையின் இறுதி ஆட்டம் துபாயில் நாளை மறுநாள் (ஞாயிற்றுக்கிழமை) நடக்கிறது. இதில் ஆஸ்திரேலியா - நியூசிலாந்து அணிகள் மோதுகின்றன.

நியூசிலாந்து அணி அரை இறுதியில் இங்கிலாந்தை 5 விக்கெட் வித்தியாசத்தில் வீழ்த்தி இருந்தது என்பது குறிப்பிடத்தக்கது.