நீங்கள் தேடியது "PSL"

பாகிஸ்தான் சூப்பர் லீக்கின் 2019 சீசன் அடுத்த ஆண்டு தொடக்கத்தில் நடக்கிறது. இதற்கான ஏலம் இன்று நடைபெற்றது. தென்ஆப்பிரிக்கா அணியின் அதிரடி பேட்ஸ்மேன் ஆன டி வில்லியர்ஸ் பாகிஸ்தான் சூப்பர் லீக்கில் விளையாடுவதாக தெரிவித்திருந்தார். அதேபோல் ஆஸ்திரேலியாவின் ஸ்மித்தும் தெரிவித்திருந்தார்.

இன்றைய ஏலத்தில் இருவரும் பிளாட்டினம் பிரிவில் இடம்பிடித்திருந்தனர். டி வில்லியர்ஸை லாகூர் குவாலண்டர்ஸ் அணி ஏலம் எடுத்துள்ளது. அவருக்கு ஒரு லட்சத்து 40 ஆயிரத்தில் இருந்து இரண்டு லட்சம் அமெரிக்க டாலர் வரை சம்பளம் கொடுக்கப்படும் என்று எதிர்பார்க்கப்படுகிறது. 6-வது அணி ஸ்மித்தை ஏலத்தில் எடுத்துள்ளது. ஷாகித் அப்ரிடியையும் 6-வது அணி ஏலம் எடுத்துள்ளது.

பாகிஸ்தான் கிரிக்கெட் வாரியம் கடந்த 2016-ல் இருந்து பாகிஸ்தான் சூப்பர் லீக் என்ற பெயரில் டி20 கிரிக்கெட் தொடரை நடத்தி வருகிறது. 2009-ம் ஆண்டிற்குப் பிறகு வெளிநாட்டு அணிகள் பாகிஸ்தான் சென்று விளையாட மறுத்து வருவதால் தொடர் ஐக்கிய அரபு எமிரேட்ஸில் நடக்கிறது.

பாகிஸ்தான் மண்ணில் மீண்டும் சர்வதேச போட்டிகளை நடத்த பாகிஸ்தான் கிரிக்கெட் வாரியம் பெரும் முயற்சி எடுத்து வருகிறது. 2017 சீசனில் இறுதிப் போட்டியை மட்டும் லாகூரில் நடத்தியது.



கடந்த சீசனில் இரண்டு பிளேஆஃப்ஸ் போட்டியை லாகூரிலும், இறுதிப் போட்டியை கராச்சியிலும் நடத்தியது. இந்த முறை 8 போட்டிகளை பாகிஸ்தான் மண்ணில் நடத்துகிறது. இதுதொடர்பாக அணி உரிமையாளர்களிடம் பாகிஸதான் கிரிக்கெட் வாரியம் பேசியுள்ளது.

பாகிஸ்தான் சூப்பர் லீக் 2019 சீசன் பிப்ரவரி 14-ந்தேதி துபாயில் தொடங்கு மார்ச் 17-ந்தேதி வரை நடக்கிறது. வீரர்களை தக்கவைப்பதற்கான காலக்கெடு அக்டோபர் இரண்டாவது வாரத்தில் முடிவடைந்து அதன்பின் வீரர்கள் ஏலம் நடைபெறும் என எதிர்பார்க்கப்படுகிறது.

இலங்கை கிரிக்கெட் அணி பாகிஸ்தான் சென்று விளையாடும்போது பயங்கரவாதிகள் இலங்கை வீரர்கள் வந்த வாகனம் மீது துப்பாக்கி சூடு நடத்தினார்கள். இதில் இலங்கை வீரர்கள் சிலர் காயம் அடைந்தார்கள். இதனால் தொடரை பாதிலேயே ரத்து செய்துவிட்டு இலங்கை அணி வெளியேறியது.

அதன்பின் முன்னணி அணிகள் பாகிஸ்தான் சென்று விளையாட மறுத்து வந்தது. பாகிஸ்தான் கிரிக்கெட் வாரியம் சொந்த மண்ணில் போட்டியை நடத்த முயற்சி செய்து வருகிறது.

தற்போது ஐக்கிய அரபு எமிரேட்ஸை தங்களது சொந்த மைதானமாக கொண்டு பாகிஸ்தான் அணி விளையாடி வருகிறது. இந்த வருடம் இறுதியில் ஆஸ்திரேலியா மற்றும் நியூசிலாந்து அணிகள் பாகிஸ்தானுக்கு எதிராக விளையாட இருக்கிறது. அதேவேளையில் ஐக்கிய அரபு எமிடேஸில் பல்வேறு டி20 லீக் தொடர்கள் நடைபெற இருக்கின்றன.

இதனால் பாகிஸ்தான் சூப்பர் லீக் டி20 தொடருக்கு மைதானம் கிடைப்பதில் சிக்கல் ஏற்பட்டுள்ளது. ஆகவே, 8 போட்டிகளை பாகிஸ்தானில் நடத்த அநாட்டு கிரிக்கெட் வாரியம் முடிவு செய்துள்ளது. ஏற்கனவே, பாகிஸ்தான் மண்ணில் பாகிஸ்தான் சூப்பர் லீக்கின் இறுதிப் போட்டிகள் மற்றும் பிளேஃஆப் சுற்று ஆட்டங்கள் நடைபெற்றன.



இந்நிலையில் அடுத்த சீசனில் 8 போட்டிகளை பாகிஸ்தானில் உள்ள மூன்ற மைதானங்களில் நடத்த முடிவு செய்யப்பட்டுள்ளது. லாகூர் மற்றும் கராச்சி மைதானங்கள் உறுதி செய்யப்பட்டு விட்டனர். மூன்றாவது மைதானம் இதுவரை உறுதி செய்யப்படவில்லை என்று பாகிஸ்தான் கிரிக்கெட் வாரிய தலைவர் நஜம் சேதி தெரிவித்துள்ளார்.

டெஸ்ட் கிரிக்கெட் ஒருநாள் கிரிக்கெட்டாக மாற்றமைடைந்து, தற்போது டி20 கிரிக்கெட்டாக விளையாடப்பட்டு வருகிறது. டி20 கிரிக்கெட்டிற்கு ரசிகர்கள் மத்தியில் அதிக வரவேற்பு ஏற்பட்டதால், இந்திய கிரிக்கெட் வாரியம் இந்திய பிரீமியர் லீக் (ஐபிஎல்) டி20 தொடரை தொடங்கியது. இதற்கு சர்வதேச அளவில் மிகப்பெரிய வரவேற்பு கிடைத்தது. அத்துடன் வீரர்களுக்கு கோடிக்கணக்கில் பணம் சம்பளமாக வழங்கப்பட்டது.

இதனால் சர்வதேச அணி வீரர்கள் ஐபிஎல் தொடரில் விளையாட ஆர்வம் காட்டினார். ஐபிஎல்-ஐ தொடர்ந்து முன்னணி கிரிக்கெட் வாரியங்கள் டி20 லீக் தொடர்களை நடத்தின.

ஐபிஎல் தொடரில் பாகிஸ்தான் வீரர்கள் விளையாடுவதில்லை. அதேபோல் இந்திய வீரர்கள் மற்ற தொடர்களில் பங்கேற்பதில்லை. பாகிஸ்தான், ஆஸ்திரேலியா, வெஸ்ட் இண்டீஸ், தென்ஆப்பிரிக்கா, ஆஸ்திரேலியா வீரர்கள் பல்வேறு டி20 லீக்கில் ஆடுகிறார்கள்.

பாகிஸ்தான் வீரர்கள் பாகிஸ்தான் சூப்பர் லீக், கரீபியன் பிரீமியர் லீக், வங்காள தேச பிரீமியர் லீக் போன்றவற்றில் விளையாடுகிறார்கள். மற்ற கிரிக்கெட் வாரியம் நடத்தும் டி20 லீக்கில் விளையாட பாகிஸ்தான் வீரர்கள் அந்நாட்டு கிரிக்கெட் வாரியத்தின் தடையில்லா சான்றிதழ் (NOC) வாங்க வேண்டும். தற்போது தடையில்லா சான்றிதழ் கொள்கையில் மாற்றம் கொண்டு வந்துள்ளது.



புதிய மாற்றத்தின்படி பாகிஸ்தான் கிரிக்கெட் வாரியத்தில் ஒப்பந்தம் செய்யப்பட்டுள்ள வீரர்கள் வருடத்திற்கு இரண்டு டி20 லீக்கில்தான் விளையாட முடியும். அதற்கு மேல் விளையாட முடியாது.

பாகிஸ்தான் வீரர்கள் பெரும்பாலும் பாகிஸ்தான் சூப்பர் லீக்கில் விளையாடுவார்கள். இதை தவிர்த்து மேலும் என்றில்தான விளையாடும் நிலை ஏற்பட்டுள்ளது. ஏற்கனவே பாகிஸ்தான் வீரர்கள் தொழில்முறையாக சம்பளம் குறைவு. இந்நிலையில் இந்த கட்டுப்பட்டால் மேலும் அவர்களது வருமானம் தடைபெற வாய்ப்புள்ளது.

வேலைப்பளு அதிகம், காயம் போன்றவற்றை கருத்தில் கொண்டு இந்த முடிவு எடுக்கப்பட்டுள்ளதாக பாகிஸ்தான் கிரிக்கெட் வாரியம் கூறியுள்ளது.