என் மலர்

    நீங்கள் தேடியது "School"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மானாமதுரை அருகே அரசுப் பள்ளிக்கு வர்ணம் பூச தலைமை ஆசிரியர் ரூ.1லட்சம் வழங்கினார். இதனால் கட்டிடங்கள் புதுப்பொலிவு பெற்றன.
    • சுவர் முழுவதும் கீறல்கள், கிறுக்கல்களால் அலங்கோலமாக காட்சியளித்தன.

    மானாமதுரை,

    சிவகங்கை மாவட்டம் மானாமதுரை மற்றும் திருப்புவனம் தாலுகாக்களில் 136 தொடக்கப்பள்ளிகளும், 19 உயர்நிலைப்பள்ளிகளும், 16 மேல்நிலைப்பள்ளிகளும் செயல்பட்டு வருகின்றன.

    அரசு பள்ளி கட்டிடங்கள் பலவும் பொதுப்பணித்துறை கட்டுப்பாட்டில் உள்ளன. பள்ளி கட்டிடங்களை பராமரிக்க போதிய நிதி ஒதுக்கப்படுவதில்லை. கட்டிடங்களை மராமத்து செய்ய ஆசிரியர்களும் எந்த வித நடவடிக்கையும் எடுப்பதில்லை.

    மானாமதுரை அருகே வெள்ளிக்குறிச்சி அரசு உயர்நிலைப்பள்ளியில் 150 மாணவ-மாணவிகளும், 10 ஆசிரியர், ஆசிரியைகளும் பணிபுரிந்து வருகின்றனர். 1996-ல் தொடங்கப்பட்ட இந்த பள்ளியில் தற்போது ஆய்வு கூடம் உள்ளிட்ட 6 கட்டிடங்கள் பயன்பாட்டில் உள்ளன. கட்டிடங்கள் பலவும் சேதமடைந்து வர்ணம் இழந்து காட்சியளித்தன. சுவர் முழுவதும் கீறல்கள், கிறுக்கல்களால் அலங்கோலமாக காட்சிய ளித்தன.

    கடந்த மார்ச் மாதம் அருண்மொழி (வயது47) என்பவர் தலைமையாசிரியராக பொறுப்பேற்றார். அவர் பள்ளி கட்டிடங்களை பராமரிக்க முடிவு செய்து தனது சொந்த நிதியில் இருந்து ரூ.1 லட்சம் அளித்தார். பின்னர் பெற்றோர், ஆசிரியர் கழகம் மூலம் ரூ.1 லட்சம் நிதி திரட்டி பள்ளி கட்டிடங்களை அனைத்தையும் புதுப்பித்து வர்ணம் பூசி புதுப்பொலிவு பெற செய்தார்.

    30 வருடங்களுக்கு மேலாக பாழ்பட்டு கிடந்த கட்டிடங்கள் புதுப்பொ லிவுடன் காட்சியளிப்பது மாணவ-மாணவியர்களை மகிழ்ச்சியடைய வைத்துள்ளது.

    மேலும் பள்ளி மாணவ- மாணவியர்களின் தனித்திறனையும் ஊக்குவித்து பல போட்டிகளில் வெற்றி பெற செய்துள்ளார். பள்ளியில் மாணவர்களுக்கு என தனியாக அமைப்பு உருவாக்கி அதன் மூலம் பள்ளி வளாகங்களில் 50-க்கும் மேற்ப்பட்ட மரங்களை நட்டு ஒவ்வொரு மரத்திற்கும் மாணவ, மாணவியர்கள் பெயர் சூட்டி தினசரி அவர்கள் மரத்திற்கு தண்ணீர் ஊற்றி வளர்க்க செய்து வருகிறார்.

    பள்ளி கட்டிடங்களுக்கு வர்ணம் பூசியதுடன் சுவர்களில் பொன்மொழி களையும் எழுதி வைத்துள்ளார். இதில் குறிப்பிடத்தக்கது 'அறம் செய்ய விரும்புவதை விட மரம் செய விரும்பு' என எழுதி இருப்பதுதான்.

    தலைமை ஆசிரியரின் இந்த முயற்சிக்கு அந்த பகுதி மக்கள் பாராட்டு தெரிவித்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தமிழக அரசு பள்ளியைச் சுற்றி சுற்றுச்சுவர் கட்டுவதற்கு ரூ.9 லட்சத்திற்கு மேல் நிதி ஒதுக்கி உள்ளது.
    • 10 மாதங்களுக்கு மேலாகியும் இதுவரை சுற்றுச்சுவர் கட்டப்படாத நிலை உள்ளது.

    சங்கரன்கோவில்:

    தென்காசி மாவட்டம் திருவேங்கடம் வட்டம் குருவிகுளம் ஊராட்சி ஒன்றியம் முக்கூட்டு மலை பஞ்சாயத்துக்குட்பட்டது நடுவப்பட்டி கிராமம். இங்கு ஊராட்சி ஒன்றிய துவக்கப்பள்ளி உள்ளது. ஒன்று முதல் 5 வரை குழந்தைகள் பயின்று வருகின்றனர். தமிழக அரசு பள்ளியைச் சுற்றி சுற்றுச்சுவர் கட்டுவதற்கு ரூ.9 லட்சத்திற்கு மேல் நிதி ஒதுக்கி உள்ளது. ஆனால் தமிழக அரசு நிதி ஒதுக்கீடு செய்து கிட்டத்தட்ட 10 மாதங்களுக்கு மேலாகியும் இதுவரை கட்டப்படாத நிலை உள்ளது. ஆகவே அப்பகுதியைச் சேர்ந்த சமூக ஆர்வலர்கள், பொதுமக்களும் விரைந்து பள்ளிக்கு சுற்றுச்சுவர் கட்டி குழந்தைகளின் பாதுகாப்பை உறுதி செய்ய வேண்டும் என்று தமிழக அரசுக்கு கோரிக்கை விடுத்துள்ளனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஊராட்சி மன்ற துணைத் தலைவர் எஸ்.பரமசிவம்,பள்ளியின் தலைமை ஆசிரியர் காளீஸ்வரி சுப்ரமணியன் கலந்துகொண்டு பள்ளிக்கு சேர்கள் வழங்கிய சின்ராஜ்க்கு சால்வை அணிவித்து வாழ்த்து தெரிவித்தனர்.
    • திருப்பூர் இடுவாய் ஊராட்சி பாரதிபுரம்- திருவள்ளுவர் நகர் பகுதியைச் சேர்ந்த சின்ராஜ் தனது சொந்த செலவில் பாரதிபுரம் பள்ளிக்கு 25 சேர்களை வழங்கினார்.

    மங்கலம்:

    திருப்பூர் இடுவாய் ஊராட்சி பாரதிபுரம்- திருவள்ளுவர் நகர் பகுதியைச் சேர்ந்த சின்ராஜ் தனது சொந்த செலவில் பாரதிபுரம் பள்ளிக்கு 25 சேர்களை வழங்கினார்.இந்த நிகழ்ச்சியில் இடுவாய் ஊராட்சி மன்ற தலைவர் கே.கணேசன், மங்கலம் ஊராட்சி மன்ற தலைவர் எஸ்.எம்.பி.மூர்த்தி, இடுவாய் ஊராட்சி மன்ற துணைத் தலைவர் எஸ்.பரமசிவம்,பள்ளியின் தலைமை ஆசிரியர் காளீஸ்வரி சுப்ரமணியன் கலந்துகொண்டு பள்ளிக்கு சேர்கள் வழங்கிய சின்ராஜ்க்கு சால்வை அணிவித்து வாழ்த்து தெரிவித்தனர்.

    நிகழ்ச்சியில் வி.ஐ.பி.நகர் சுரேஷ், இடுவாய் ஊராட்சி மன்றத்தின் முன்னாள் துணைத் தலைவர் மௌனசாமி,முத்துவேல், ரவி, குமார், பிரபாகரன் , பள்ளி ஆசிரியர்,ஆசிரியைகள் கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • காய்ச்சல் பாதிப்பு உறுதி செய்யப்பட்டால் முழுமையாக குணமடைந்து பள்ளிக்கு வர அறிவுறுத்தப்படுகிறது.
    • காய்ச்சல் பாதிப்பு இருந்து காலாண்டு தேர்வை எழுதவில்லையெனில், மருத்துவ சான்று பெறப்பட்டு, தேர்ச்சிக்கான நடவடிக்கை மேற்கொள்ளப்படும்.

    உடுமலை:

    தற்போது நிலவும் சீதோஷ்ண நிலையால் காற்றின் வாயிலாக பரவும் வைரஸ்களால் காய்ச்சல் பாதிப்பு அதிகரிக்கிறது.இதில் குழந்தைகள் முதல் பெரியவர்கள் வரை பாதிப்படைகின்றனர். அந்த வரிசையில், மாணவ, மாணவிகள் எவரேனும் காய்ச்சல் பாதிப்புக்கு உள்ளானால், டாக்டரிடம் சிகிச்சை பெற்று, முழுமையாக குணமடைந்து பள்ளிக்கு திரும்ப அறிவுறுத்தப்படுகிறது.

    இது குறித்து திருப்பூர் மாவட்ட பள்ளித்தலைமையாசிரியர்கள் கூறியதாவது:-

    காய்ச்சல் அறிகுறி தென்பட்டால், டாக்டரின் பரிந்துரைக்கு சிபாரிசு செய்யப்படுகிறது. அதேபோல, மாணவர் யாரேனும் பள்ளிக்கு வரவில்லை என்றால் அதற்கான காரணம் கேட்டறியப்படுகிறது. தற்போது, ஒவ்வொரு பள்ளியிலும் மொத்த வருகையில் 5 சதவீதம் அளவில் மாணவர்கள் ஆப்சென்ட் ஆகி வருகின்றனர்.இதனால் காய்ச்சல் பாதிப்பு உறுதி செய்யப்பட்டால் முழுமையாக குணமடைந்து பள்ளிக்கு வர அறிவுறுத்தப்படுகிறது.

    காய்ச்சலால் பாதிக்கப்பட்ட ஒருவர் தும்மினாலோ, இருமினாலோ அவரது சளித்துகள்கள் காற்றில் கலந்துவிடும். இதனை அருகில் உள்ளவர்கள் சுவாசிக்கும் போது எளிதாக பாதிக்கப்படுகின்றனர். இதனை தடுக்கவே, இதுபோன்ற நடவடிக்கை மேற்கொள்ளப்படுகிறது.காய்ச்சல் பாதிப்பு இருந்து காலாண்டு தேர்வை எழுதவில்லையெனில், மருத்துவ சான்று பெறப்பட்டு, தேர்ச்சிக்கான நடவடிக்கை மேற்கொள்ளப்படும். இவ்வாறு அவர்கள் கூறினர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • பொறியியல் கல்லூரி வளாகத்தில் உண்டு உறைவிடப்பள்ளி செயல்படத் தொடங்கும் கல்வித்துறை அதிகாரிகள் தகவல் தெரிவித்தார்.
    • வரும் கல்வியாண்டு முதல் 6 -ம் வகுப்பிலிருந்து பிளஸ் 2 வரையில் வகுப்புகள் தொடங்கப்பட உள்ளதாகவும் கல்வித்துறை அதிகாரிகள் தெரிவித்தனா்.

    ராமநாதபுரம்

    ராமநாதபுரம் மாவட்ட த்தில் உண்டு உறைவிட பள்ளிக்கு தற்காலிக மாக செய்யது அம்மாள் பொறி யியல் கல்லுாரியில் இடம் தேர்வு செய்யப்பட்டுள்ளது.

    அங்கு ஓரிரு வாரத்தில் பிளஸ்-2 மாணவர்களுக்கு வகுப்புகள் தொடங்க உள்ளது. தமிழகத்தில் 15 மாவட்டங்களில் உண்டு உறைவிடப் பள்ளிகளை (மாதிரிபள்ளிகள்) தொடங்க அரசு உத்தரவிட்டுள்ளது.

    ராமநாதபுரத்தில் உண்டு உறைவிட பள்ளிக்கு அரசு கட்டடங்கள் இல்லாததால் தனியார் இடத்தில் வாடகை அடிப்படையில் பள்ளியை நடத்த ஏற்பாடு செய்துள்ளனர். இதன்படி ராமநாதபுரம் செய்யது அம்மாள் பொறியியல் கல்லூரி வளாகத்தில் விடுதி அறைகள், உண்டு உறைவிட பள்ளிக்குரிய வகுப்பறைகள் அமைக்கும் பணி நடக்கிறது.

    முதல் கட்டமாக பிளஸ் -2 வகுப்புகளில் ஆங்கில வழி வகுப்புக்கு 40 பேரும், தமிழ் வழி வகுப்புக்கு 40 பேரும் என 80 போ் சோ்க்கப்பட்டுள்ளனா். ஓரிரு வாரங்களில் பிளஸ்-1 வகுப்புகளும் தொடங்கப்பட உள்ளதாக வும், வரும் கல்வியாண்டு முதல் 6 -ம் வகுப்பிலிருந்து பிளஸ் 2 வரையில் வகுப்புகள் தொடங்கப்பட உள்ளதாகவும் கல்வித்துறை அதிகாரிகள் தெரிவித்தனா்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மாவட்ட அளவிலான போட்டிக்கு பரமக்குடி கீழமுஸ்லிம் மேல்நிலைப்பள்ளி தேர்வு செய்யப்பட்டுள்ளது.
    • எறிபந்து, இறகுபந்து, டெனிகாய்ட், பூப்பந்து ஆகிய போட்டிகளில் வெற்றி பெற்று முதலிடம் பிடித்தனர்.

    பரமக்குடி


    பரமக்குடி வட்டார அளவிலான குழு மற்றும் தனித்திறன் விளையாட்டு போட்டிகள் நடந்தன. இதில் 38 பள்ளிகளைச் சேர்ந்த 1,200 மாணவ-மாணவிகள் கலந்து கொண்டனர். பரமக்குடி கீழமுஸ்லிம் மேல்நிலைப்பள்ளியை சேர்ந்த மாணவர்கள் தனித்திறன் போட்டிகளில் தட்டெறிதல், குண்டு எறிதல், 200 மீட்டர் ஓட்டம், கம்பு ஊண்றி தாண்டுதல், நீளம் தாண்டுதல் ஆகிய தனித்திறன் போட்டிகளிலும் 14, 17, 19 வயதுக்குட்பட்ட மாணவ மாணவிகளுக்கான எறிபந்து, இறகுபந்து, டெனிகாய்ட், பூப்பந்து ஆகிய போட்டிகளில் வெற்றி பெற்று முதலிடம் பிடித்தனர்.

    இந்த மாணவ-மாணவிகள் அடுத்த மாதம் நடைபெறும் மாவட்ட அளவிலான போட்டிகளுக்கு தேர்வு செய்யப்பட்டுள்ளனர். வெற்றி பெற்ற மாணவ-மாணவிகளையும், உடற்கல்வி ஆசிரியர்களையும் கீழமுஸ்லிம் ஜமாத் தலைவர் சாகுல்ஹமீது, செயலாளர் சாதிக்அலி, பொருளாளர் லியாகத்அலி, தாளாளர் ஜாஜஹான், தலைமை ஆசிரியர் அஜ்மல்கான் மற்றும் ஆசிரியர்கள் பாராட்டினர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ராஜபாளையம் காமராஜர் மெட்ரிக் மேல்நிலைப்பள்ளியில் ரத்ததான முகாம் நடந்தது.
    • தளவாய்புரம் ரோட்டரி சங்கம் மற்றும் மதுரை தேராபந்த் யுவக் பரிசத் இணைந்து இந்த முகாமை நடத்தியது.

    ராஜபாளையம்

    ராஜபாளையம் தொகுதி பெருந்தலைவர் காமராஜர் மெட்ரிக் மேல்நிலைப்பள்ளியில் தளவாய்புரம் ரோட்டரி சங்கம் மற்றும் மதுரை தேராபந்த் யுவக் பரிசத் இணைந்து ரத்த தான முகாமை நடத்தியது. இதை தனுஷ்குமார் எம்.பி., தங்கபாண்டியன் எம்.எல்.ஏ., யூனியன் சேர்மன் சிங்கராஜ் ஆகியோர் தொடங்கி வைத்தனர்.

    அதனைத்தொடர்ந்து மாரிமுத்து நாடார் மேல்நிலைப்பள்ளி மற்றும் அம்மையப்பநாடார் பெண்கள் மேல்நிலை பள்ளிகளில் நடந்த நிகழ்ச்சியில் மாணவ-மாணவிகளுக்கு தமிழக அரசின் விலையில்லா சைக்கிள்களை வழங்கினர்.

    இந்த நிகழ்வில் தங்கபாண்டியன் எம்.எல்.ஏ. பேசுகையில், மாணவ- மாணவிகள் அனைவரும் கல்விக்கு மட்டும் முக்கியத்துவம் அளிக்காமல் விளையாட்டிலும் முக்கியத்துவம் வழங்கி உடலை ஆரோக்கியத்துடன் வைத்துக்கொள்ள வேண்டும்.

    அனைவருக்கும் வாழ்க்கையில் முன்னேற வாய்ப்புக்கள் கிடைக்கும். அதனை சிறப்பாக பயன்படுத்தி வாழ்வில் வெற்றி பெறவேண்டும் என்றார்.

    இதில் ஊர்த்தலைவர் உதயசூரியன், பள்ளி தாளாளர்கள் ரவிசந்திரன், பாலாஜி, ராஜ்பாபு தலைமை ஆசிரியர்கள் தனபால், செலினாபாய் மற்றும் ஆசிரியர்கள், மாணவ-மாணவிகள், தி.மு.க. கிளை செயலாளர் தங்கமணி உள்பட பலர் கலந்து கொண்டனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 1 முதல் 5-ம் வகுப்பு வரை பயிலும் அரசுப்பள்ளி மாணவர்களுக்கு காலை உணவுத்திட்டம் வழங்கப்படுகிறது.
    • செய்தித்துறை அமைச்சர் மு.பெ.சாமிநாதன், ஆதி திராவிட நலத்துறை அமைச்சர் கயல்விழி ஆகியோர் தொடங்கிவைத்தனர்.

    குண்டடம் :

    தமிழ்நாட்டில் 1 முதல் 5-ம் வகுப்பு வரை படிக்கும் அரசு பள்ளி மாணவர்களுக்கு காலை உணவு திட்டத்தை முதல்-அமைச்சர் மு.க.ஸ்டாலின் மதுரையில் நேற்று முன்தினம் தொடங்கி வைத்தார். அதன்படி திருப்பூர் மாவட்டத்தில் குண்டடம் ஊராட்சி ஒன்றியம் என்.காஞ்சிபுரம் மற்றும் ஜோதியம்பட்டி ஊராட்சி ஒன்றிய அரசு தொடக்கப்பள்ளிகளில் சமூக நலன் மற்றும் மகளிர் உரிமைத்துறையின் சார்பில் முதல்-அமைச்சரின் காலை உணவு திட்டத்தை செய்தித்துறை அமைச்சர் மு.பெ.சாமிநாதன், ஆதி திராவிட நலத்துறை அமைச்சர் கயல்விழி ஆகியோர் தொடங்கிவைத்தனர்.

    திட்டத்தை தொடங்கி வைத்து அமைச்சர் மு.பெ.சாமிநாதன் பேசியதாவது:-

    1 முதல் 5-ம் வகுப்பு வரை பயிலும் அரசுப்பள்ளி மாணவர்களுக்கு நகர்புறம் மற்றும் கிராமப் பகுதிகளில் பள்ளிக்கு செல்லக்கூடிய குழந்தைகளுக்கு முதல்-அமைச்சரின் காலை உணவுத்திட்டம் வழங்கப்படுகிறது. இந்த திட்டத்தில் பள்ளி மாணவ-மாணவிகளுக்கு திங்கட்கிழமையன்று சேமியா உப்புமா - காய்கறி சாம்பாரும், செவ்வாய்க்கிழமை ரவா-காய்கறி கிச்சடியும், புதன்கிழமை வெண்பொங்கல்- காய்கறி சாம்பாரும், வியாழக்கிழமை சேமியா உப்புமா -காய்கறி சாம்பாரும், வெள்ளிக்கிழமை கோதுமை ரவா - காய்கறி சாம்பாரும் வழங்கப்படும்.இவ்வாறு அவர் பேசினார்.

    விழாவுக்கு மாவட்ட கலெக்டர் வினீத் தலைமை தாங்கினார். மேயர் தினேஷ்குமார் முன்னிலை வகித்தார். 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • காரைக்குடி நகராட்சி பள்ளிகளில் காலை உணவு திட்டம் தொடங்கி வைக்கப்பட்டது.
    • முன்னாள் நகர இளைஞரணி அமைப்பாளர் காரை சுரேசு உள்பட பலர் கலந்து கொண்டனர்.

    காரைக்குடி

    காரைக்குடி நகராட்சி பகுதியில் உள்ள நல்லையன் ஆசாரி பள்ளியில் காலை உணவு திட்டம் தொடக்க விழா நடந்தது. நகர் மன்றதலைவர் முத்துதுரை தலைமை தாங்கி காரைக்குடி நகராட்சி ஆரம்பப் பள்ளியில் படிக்கும் மாணவ, மாணவிகளுக்கு காலை உணவு திட்டத்தை தொடங்கி வைத்தார். சட்டமன்ற உறுப்பினர் மாங்குடி முன்னிலை வகித்தார்.

    நகராட்சி ஆணையாளர் லட்சுமணன், பொறியாளர் கோவிந்தராஜ், நகர்மன்ற துணை தலைவர் குணசேகரன், கவுன்சிலர்கள் கார்த்திகேயன், கண்ணன், நாகராஜன், மைக்கேல், தெய்வானை, கலா, ஹேமலதா, மங்கையர்கரசி, சாந்தி, சித்திக், மனோகரன், மெய்யர், நாச்சம்மை, தனம், ராணி, ராதா, அஞ்சலிதேவி, ரத்தினம், நகர அவை தலைவர் சுப்பையா, முன்னாள் நகர இளைஞரணி அமைப்பாளர் காரை சுரேசு உள்பட பலர் கலந்து கொண்டனர். கவுன்சிலர் கனகவள்ளி நன்றி கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • தடகளப்போட்டிகளிலும் மூன்றாம் இடத்தை பெற்று ஏ.வி.பி., பள்ளி வெற்றி பெற்றனர்.
    • வெற்றி பெற்ற மாணவ, மாணவிகளையும், உடற்கல்வி ஆசிரியர்களையும் பள்ளி நிர்வாகம் பாராட்டி வாழ்த்து தெரிவித்தனர்.

    திருப்பூர் :

    குறுமைய அளவில் நடைபெற்ற கைப்பந்து போட்டியில் திருப்பூர் திருமுருகன்பூண்டி ஏ.வி.பி. பள்ளி மாணவர்கள் ஒட்டு மொத்த சாம்பியன் பட்டம் பெற்று சாதனை படைத்துள்ளனர். கையுந்துபந்து போட்டியில் இளையோர் ஆண்கள் பிரிவில் முதல் இடத்தையும், மிக மூத்தோர் ஆண்கள் பிரிவில் இரண்டாம் இடத்தையும், பீச் கையுந்து பந்து போட்டியில் மிக மூத்தோர் ஆண்கள் பிரிவில் முதல் இடத்தையும், இளையோர் மற்றும் மூத்தோர் ஆண்கள் பிரிவில் இரண்டாம் இடத்தையும் பெற்றுள்ளனர்.

    மேலும் ஆக்கி போட்டியில் மிக மூத்தோர் ஆண்கள் பிரிவில் இரண்டாம் இடத்தையும், வளையப்பந்து போட்டியில் இளையோர் மற்றும் மூத்தோர் ஆண்கள் பிரிவில் முதல் இடத்தையும், மிக மூத்தோர் ஆண்கள் பிரிவில் இரண்டாம் இடத்தையும் பெற்று வெற்றி பெற்றனர். கையுந்துபந்து போட்டியில் இளையோர் மற்றும் மூத்தோர் பெண்கள் பிரிவில் முதல் இடத்தையும், மிக மூத்தோர் பெண்கள் பிரிவில் இரண்டாம் இடத்தையும், பீச் கையுந்துபந்து போட்டியில் மிக மூத்தோர் பெண்கள் பிரிவில் முதல் இடத்தையும், மூத்தோர் பெண்கள் பிரிவில் இரண்டாம் இடத்தையும், கைப்பந்து போட்டியில் மூத்தோர் பெண்கள் பிரிவில் முதல் இடத்தையும், வளையப்பந்து போட்டியில் மூத்தோர் பெண்கள் பிரிவில் முதல் இடத்தையும் பெற்று வெற்றி பெற்றனர். உள்ளரங்க விளையாட்டுகளான டேபிள் டென்னிஸ் இளையோர் மற்றும் மூத்தோர் ஆண்கள் பிரிவில் முதல் இடத்தையும், பூப்பந்து இளையோர் ஆண்கள் பிரிவில் இரண்டாம் இடத்தையும் பெற்றனர். டேபிள் டென்னிஸ் இளையோர், மூத்தோர் மற்றும் மிக மூத்தோர் பெண்கள் பிரிவில் முதல் இடத்தையும், கேரம் மிக மூத்தோர் பெண்கள் பிரிவில் இரண்டாம் இடத்தையும் பெற்றனர்.

    குறுமைய அளவில் நடைபெற்ற தடகளப்போட்டிகளிலும் மூன்றாம் இடத்தை பெற்று வெற்றி பெற்றனர்.அனைத்து பிரிவு விளையாட்டுப் போட்டிகளிலும் வென்று அவிநாசி குறுமைய அளவில் ஒட்டுமொத்த சாம்பியன் பட்டம் பெற்று பள்ளிக்கு பெருமை சேர்த்துள்ளனர். வெற்றி பெற்ற மாணவ, மாணவிகளையும், உடற்கல்வி ஆசிரியர்களையும் பள்ளியின் தாளாளர் கார்த்திகேயன் பாராட்டி வாழ்த்து தெரிவித்தார். பள்ளியின் முதல்வர் பிரியாராஜா , பள்ளியின் ஒருங்கிணைப்பாளர் ஆபிதாபானு , ஆசிரியர்கள் வெற்றி பெற்ற மாணவர்களுக்கு வாழ்த்து தெரிவித்தனர்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • மேலூரில் பள்ளி, கல்லூரி நேரங்களில் கடும் போக்குவரத்து நெரிசல் ஏற்படுகிறது.
    • இதனை தடுக்க போலீசார் நடவடிக்கை எடுப்பார்களா? என்பதே பொது மக்களின் கோரிக்கையாக உள்ளது.

    மேலூர்

    மதுரை மாவட்டம் மேலூரில் தினமும் கடும் போக்குவரத்து நெரிசல் ஏற்பட்டு வருகிறது. அழகர் கோவில் ரோட்டில் உள்ள ஆற்றுக்கால் பிள்ளையார் கோவில்-4முனை சந்திப்பில் ஏற்படும் நெரிசல் நாளுக்கு நாள் அதிகரித்து வருகிறது.

    இந்த ரோட்டில் 10-க்கும் மேற்பட்ட பள்ளிகள், 5-க்கும் மேற்பட்ட கல்லூரிகள் உள்ளன. இதனால் காலை 8 மணியில் இருந்து 9 மணிக்குள் ஒரே நேரத்தில் 200-க்கும் மேற்பட்ட கல்லூரி, பள்ளி வேன்கள், பஸ்கள் செல்கிறது. பிள்ளையார் கோவில் அருகில் தான் அரசு மருத்துவமனை உள்ளது.

    அழகர்கோவில், நத்தம் செல்லும் பஸ்கள் இந்த வழியாக செல்ல வேண்டும். அதேபோல் அரசு ஆஸ்பத்திரிக்கு வரும் ஆம்புலன்ஸ்களும் போக்குவரத்து நெரிசலில் சிக்கி தவிக்கும் அவல நிலையும் ஏற்படுகிறது.

    பெரிய கடை வீதி சந்திப்பு, பஸ் நிலையம் அருகே உள்ள பெரியார் கால்வாய் பாலம் சந்திப்பு, சிவகங்கை மற்றும் திருவாதவூர்ரோடு சந்திப்பு ஆகிய இடங்களிலும் காலை 8 மணி முதல் 9 மணி வரையிலும், மாலை 4 மணி முதல் 5.30 மணி வரையிலும் கடுமையான போக்குவரத்து நெரிசல் ஏற்படுகிறது. சாலையின் இருபுறமும் பஸ்கள், வேன்கள் மற்றும் இருசக்கர வாகனங்கள் நெரிசலில் சிக்கி மேற்கொண்டு செல்ல முடியாமல் நின்று விடுகின்றன.

    இதனால் பள்ளி, கல்லூரி அலுவலகங்களுக்கு உரிய நேரத்தில் செல்ல முடியாத அவல நிலை ஏற்படுகிறது. இந்த இடங்களில் காலை, மாலை நேரங்களில் போக்குவரத்து காவலர்களை நியமித்து நெரிசலை சீரமைக்க நடவடிக்கை எடுப்பார்களா? என்பதே பொது மக்களின் கோரிக்கையாக உள்ளது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo