விளையாட்டு

இந்திய அணி அதிக பட்சமாக 180 ரன் குவித்து இருந்தது. வங்காளதேசம் 166 ரன்எடுத்து இருந்தது.

ரோகித்சர்மா 8 ஆட்டத்தில் 356 ரன் எடுத்து முதல் இடத்தில் உள்ளார். இதில் 4 அரை சதம் அடங்கும் தவான் 236 ரன் எடுத்து உள்ளார். வங்காளதேச வீரர்களில் சபீர் ரகுமான் 236 ரன்னும் (6 ஆட்டம்), முஷ்பிகுர் ரகீம் 165 ரன்னும் எடுத்து உள்ளனர்.

வங்காளதேச வீரர்கள் ரூபல் உசேன், அல்அமின் தலா 7 விக்கெட்டும், அஸ்வின் 6 விக்கெட்டும் கைப்பற்றி உள்ளனர்.

புதுடெல்லி:

வங்காளதேச கிரிக்கெட் அணி மூன்று 20 ஓவர் போட்டி மற்றும் இரண்டு டெஸ்டில் விளையாடுவதற்காக இந்தியா வந்துள்ளது.

இந்தியா- வங்காளதேசம் அணிகள் மோதும் முதல் 20 ஓவர் ஆட்டம் டெல்லி பெரோசா கோட்லா மைதானத்தில் நாளை (ஞாயிற்றுக்கிழமை) நடக்கிறது.

கேப்டன் விராட்கோலிக்கு 20 ஓவர் தொடரில் ஓய்வு கொடுக்கப்பட்டுள்ளது. இதனால் ரோகித்சர்மா கேப்டனாக நியமிக்கப்பட்டு உள்ளார். பயிற்சியின் போது அவருக்கு காயம் ஏற்பட்டது. காயம் குணமடைந்ததால் ரோகித்சர்மா விளையாடுவதில் எந்த பிரச்சினையும் இல்லை.

இந்திய அணி வெற்றியுடன் கணக்கை தொடங்கும் ஆர்வத்தில் உள்ளது. தற்காலிக கேப்டன் ரோகித்சர்மா, தவான், மனிஷ் பாண்டே, ஷிரேயாஸ் அய்யர், குர்ணல் பாண்டியா, ரி‌ஷப்பந்த், தீபக் சாஹர், வாஷிங்டன் சுந்தர் போன்ற சிறந்த வீரர்கள் உள்ளனர்.

புதுமுக ஆல்ரவுண்டர் ஷிலும் துபே அணிக்கு தேர்வாகி உள்ளார். அவருக்கு 11 பேர் கொண்ட அணியில் வாய்ப்பு வழங்கப்படுமா? என்று எதிர்பார்க்கப்படுகிறது.

இந்திய அணி சமீபத்தில் தென்ஆப்பிரிக்காவுடன் 20 ஓவர் தொடரை சமன் செய்து இருந்தது. சொந்த மண்ணில் விளையாடுவது அந்த அணிக்கு கூடுதல் பலமாகும்.

வங்காளதேச அணியின் முன்னணி வீரரும், கேப்டனுமான ஷகீப்-அல்-ஹசன் இல்லாதது அந்த அணிக்கு பாதிப்பே. சூதாட்ட தரகர் அணுகியதை ஐ.சி.சி.யிடம் தெரிவிக்காததால் அவருக்கு 2 ஆண்டு தடை விதிக்கப்பட்டுள்ளது.

மகமதுல்லா தலைமையிலான அணியில் முஷ்பிகுர் ரகீம், முஷ்டாபிகர் ரகுமான், மொஸ்டக் உசேன் போன்ற சிறந்த வீரர்கள் உள்ளனர்.

வங்காளதேச அணி சமீபத்தில் சொந்த நாட்டில் நடந்த 3 நாடுகள் 20 ஓவர் போட்டியில் ஆப்கானிஸ்தானுடன் இணைந்து சாம்பியன் பட்டம் பெற்றது.

டெல்லியில் கடுமையான காற்று மாசு இருப்பதால் அவசர நிலை பிறக்கப்பட்டு உள்ளது. போட்டி நடைபெறும் என்று கிரிக்கெட் வாரிய தலைவர் கங்குலி தெரிவித்தார்.

காற்று மாசால் வீரர்களின் உடல் நிலைக்கு பாதிப்பு. காற்று மாசு காரணமாக டெல்லி போட்டியை வேறு இடத்துக்கு மாற்றுமாறு கோரிக்கை வைக்கப்பட்டது. ஆனால் திட்டமிட்டப்படி அங்கு தான் நடக்குமா? என்ற அச்சம் நிலவுகிறது.

வங்காளதேச அணியின் பயிற்சியாளர் காற்று மாசு பெரிய பிரச்சினை இல்லை என்று தெரிவித்துள்ளார். வங்காளதேச வீரர்கள் முகமூடி அணிந்து தான் பயிற்சியில் ஈடுபட்டு வருகிறார்கள்.

நாளைய ஆட்டம் இரவு 7 மணிக்கு தொடங்குகிறது. ஸ்டார் ஸ்போர்ட்ஸ் டெலிவிசனில் இந்த போட்டி நேரடியாக ஒளிபரப்பு செய்யப்படுகிறது.

இந்தியா: ரோகித்சர்மா (கேப்டன்), தவான், கே.எல்.ராகுல், ஷிரேயாஸ் அய்யர், ரி‌ஷப்பந்த், மனீஷ் பாண்டே, குர்ணால் பாண்டியா, சஞ்சு சாம்சன், கலீல் அகமது, யசுவேந்திர சாஹல், தீபக் சாஹர், ராகுல் சாகர், ‌ஷர்துல் தாகூர், வாஷிங்டன் சுந்தர்.

வங்காளதேசம்: மகமதுல்லா (கேப்டன்), லிட்டன் தாஸ், சவுமியா சர்க்கார், முகமது நயீம், முஷ்பிகுர் ரகீம், அதீப் உசேன், மொஸ்டக் உசேன், அமினுல் இஸ்லாம், அரபாத் சன்னி, அல்-அமின் உசேன், முஷ்டாபிசுர் ரகுமான், ஷீசைபுல் இஸ்லாம், முகமது மிதுன், தஜில இஸ்லாம், அபு ஹைதா.

சென்னை:

35-வது தேசிய ஜூனியர் தடகள சாம்பியன்ஷிப் போட்டி ஆந்திர மாநிலம் குண்டூரில் இன்று முதல் 6-ந் தேதி வரை நடக்கிறது.

இந்த போட்டிக்கான தமிழக அணியை, தமிழ்நாடு தடகள சங்க செயலாளர் சி.லதா அறிவித்துள்ளார். அணியில் மொத்தம் 148 பேர் இடம் பிடித்துள்ளனர்.

ஆண்கள் அணியில் அருண்குமார் (100 மீட்டர் ஓட்டம்), அவினாஷ் (400 மீட்டர் ஓட்டம்), கவுரவ் யாதவ் (800 மீட்டர் ஓட்டம்), சதீஷ்குமார் (5 ஆயிரம், 10 ஆயிரம் மீட்டர் ஓட்டம்), ஹரேஷ் ராம் (200 மீட்டர் ஓட்டம், 110 மீட்டர் தடை ஓட்டம்), எபிநேசர் (குண்டு எறிதல், வட்டு எறிதல்) உள்பட 72 வீரர்களும், பெண்கள் அணியில் ஷெரின் (100 மீட்டர் ஓட்டம், நீளம் தாண்டுதல்), ரோஷினி (200, 400 மீட்டர் ஓட்டம்), ஐஸ்வர்யா (100 மீட்டர் தடை ஓட்டம், டிரிபிள்ஜம்ப்), தபிதா (100 மீட்டர் தடை ஓட்டம், நீளம் தாண்டுதல்) உள்பட 76 வீராங்கனைகளும் இடம் பெற்றுள்ளனர்.

புதுடெல்லி:

இந்தியாவுக்கு வந்துள்ள வங்காளதேச கிரிக்கெட் அணி 3 போட்டிகள் கொண்ட 20 ஓவர் தொடரில் பங்கேற்கிறது. முதலாவது 20 ஓவர் போட்டி டெல்லியில் நாளை (ஞாயிற்றுக்கிழமை) இரவு 7 மணிக்கு நடக்கிறது. இதையொட்டி வங்காளதேச அணி வீரர்கள் நேற்று தீவிர பயிற்சியில் ஈடுபட்டனர். அங்கு காற்றில் மாசு அதிகரித்து ஒரே புகைமண்டலமாக காட்சி அளிப்பதால் சில வீரர்களும், தலைமை பயிற்சியாளர் ரஸ்செல் டொமிங்கோ, சுழற்பந்து வீச்சு ஆலோசகர் டேனியல் வெட்டோரி ஆகியோரும் பயிற்சியின்போது சுவாச கவசம் அணிந்து இருந்தனர்.

பின்னர் பயிற்சியாளர் ரஸ்செல் டொமிங்கோ நிருபர்களுக்கு அளித்த பேட்டியில் கூறியதாவது:-

வங்காளதேச அணியின் மிக முக்கியமான வீரராக ஆல்-ரவுண்டர் ஷகிப் அல்-ஹசன் விளங்கினார். அணியில் அவருக்கு நெருக்கமான நண்பர்கள் நிறைய பேர் உள்ளனர். இப்போது ஷகிப் அல்-ஹசனுக்கு தடை விதிக்கப்பட்டிருப்பதால் (சூதாட்ட தரகர் தொடர்பு கொண்டதை மறைத்த குற்றத்துக்காக 2 ஆண்டு தடை) அது சில வீரர்களை வெகுவாக பாதித்துள்ளது. அவர் தவறு செய்து விட்டார். அதற்குரிய பலனை அனுபவிக்கிறார். இருப்பினும் ஷகிப் அல்-ஹசன் விவகாரம் அணியின் செயல்பாட்டை நிச்சயம் பாதிக்கும். அவர் இல்லாதது எங்களுக்கு மிகப்பெரிய இழப்பாகும். ஆனால் அதை மறந்து விட்டு நாங்கள் இந்தியாவுக்கு எதிரான தொடர் மீதும் அடுத்து வரும் 20 ஓவர் உலக கோப்பை கிரிக்கெட் போட்டி மீதும் கவனம் செலுத்த வேண்டியது அவசியமாகும்.

தனிப்பட்ட முறையில் ஷகிப் அல்-ஹசன் குறித்து அதிகமாக தெரிந்து கொள்ள எனக்கு வாய்ப்பு கிடைக்கவில்லை. ஆனால் அவர் மீது வீரர்கள் இடையே மிகுந்த மரியாதை இருக்கிறது. பெரும்பாலும் அவர் பேட்டிங்கில் 3-வது வரிசையில் களம் இறங்குவார். தொடக்கத்திலேயே பவுலிங் செய்வார். அல்லது தொடக்க கட்ட பந்து வீச்சை மாற்றும் போது அவர் அழைக்கப்படுவார். ஒவ்வொரு 20 ஓவர் ஆட்டத்திலும் 4 ஓவர்களை கச்சிதமாக வீசக்கூடிய திறமைசாலி. எங்கள் அணியின் முன்னணி பேட்ஸ்மேன்களில் ஒருவர். எனவே அவருக்கு பதிலாக பேட்ஸ்மேனை சேர்ப்பதா அல்லது பந்து வீச்சாளரை சேர்ப்பதா? என்பது குறித்து முடிவு செய்ய வேண்டும். ஏனெனில் அவரை போன்று பேட்டிங் மற்றும் பந்து வீச்சு இரண்டிலும் அசத்தக்கூடிய வீரர் கிடைப்பது மிகவும் கடினம். சீதோஷ்ண நிலையை பொறுத்து ஆடும் லெவன் அணியை முடிவு செய்வோம்.

டெல்லியில் நிலவும் காற்று மாசு விவகாரம் குறித்து கேட்கிறீர்கள். கடந்த முறை இங்கு இலங்கை அணி வீரர்கள் டெஸ்ட் கிரிக்கெட்டில் விளையாடியபோது காற்று மாசுபாட்டினால் தடுமாறியதை அறிவோம். வங்காளதேசத்திலும் கொஞ்சம் காற்று மாசு பிரச்சினை உள்ளது. அதனால் எங்களுக்கு இது மிகப்பெரிய அதிர்ச்சியாக இல்லை. வெறும் 3 மணி நேரம் மட்டுமே களத்தில் நாங்கள் விளையாடப்போகிறோம். அதனால் எளிதாகத் தான் இருக்கும். கண்ணில் எரிச்சலோ அல்லது தொண்டையில் வலியோ ஏற்படலாம். அதனால் சமாளித்துக் கொள்ளலாம். யாரும் செத்து விடப்போவதில்லை.

என்றாலும் போட்டிக்கு உகந்த சீதோஷ்ண நிலை இங்கு இல்லை. இரு அணிகளும் ஒரே மாதிரியான சூழலில் தான் விளையாடப்போகின்றன. ஆட்டம் தொடங்கியதும் அது பற்றி புகார் சொல்வதற்கு எதுவும் இருக்காது.

இவ்வாறு டொமிங்கோ கூறினார்.

சீனாவில் உள்ள ஷென்சென்னில் டபிள்யூடிஏ பைனல்ஸ் டென்னிஸ் தொடர் நடைபெற்று வருகிறது. இன்று நடைபெற்ற ஒரு ஆட்டத்தில் பிளிஸ்கோவை சிமோனா ஹாலெப்பை எதிர்கொண்டார். இதில் பிளிஸ்கோவா 6-0, 2-6, 6-4 என ஹாலெப்பை வீழ்த்தினார். இதன் மூலம் அரையிறுதிக்கு முன்னேறினார்.

மற்றொரு ஆட்டத்தில் ஸ்விட்டோலினா கெனின்-ஐ எதிர்கொண்டார். இதில் ஸ்விடோலினா 7-5, 7(12)-6(10) என வெற்றி பெற்று அரையிறுதிக்கு முன்னேறினார்.

அரையிறுதியில் போட்டிகளில் ஸ்விடோலினா - பென்சிக், ஆஷ்லே பார்ட்டி - பிளிஸ்கோவா பலப்பரீட்சை நடத்துகின்றனர்.

பெண்கள் ஹாக்கி ஒலிம்பிக் குவாலிபையரில் இந்தியா - அமெரிக்கா அணிகள் முதல் லெக்கில் இன்று பலப்பரீட்சை நடத்தின. ஒடிசா மாநிலம் புவனேஷ்வரில் நடைபெற்ற இந்த ஆட்டத்தில் இந்திய வீராங்கனைகள் அபாரமான ஆட்டத்தை வெளிப்படுத்தினர்.

ஆட்டத்தின் முதல் கால் பகுதி நேரத்தில் இரு அணி வீராங்கனைகளும் கோல் அடிக்கவில்லை. 2-வது காலிறுதி நேர ஆட்டத்தில் இந்தியாவின் கை ஓங்கியது. 28-வது நிமிடத்தில் லிலிமா முதல் கோலை பதிவு செய்தார்.

அதன்பின் 3-வது காலிறுதி நேரத்தில் ஷர்மிளா ஒரு கோலும், குர்ஜித் இரண்டு கோல்களும் அடித்தனர். இதனால் இந்தியா 4-0 என முன்னிலைப் பெற்றிருந்தது. 4-வது மற்றும் கடைசி காலிறுதி ஆட்டம் தொடங்கியதும் 46-வது நிமிடத்தில் நவ்நீத் கோல் அடிக்க இந்தியா 5-0 என வலுவான நிலையில் முன்னிலைப் பெற்றது.

ஆறுதலாக அமெரிக்காவின் மேட்சன் 54-வது நிமிடத்தில் கோல் அடிக்க இந்தியா 5-1 என வெற்றி பெற்றது. 2-வது லெக் நாளை நடக்கிறது. இரண்டு லெக்கிலும் யார் அதிக கோல் அடிக்கிறார்களோ அந்த அணி வெற்றி பெறும்.

காலே மைதானத்தில் இலங்கை - நியூசிலாந்து அணிகளுக்கு இடையிலான டெஸ்ட் கிரிக்கெட் போட்டி கடந்த ஆகஸ்ட் மாதம் நடைபெற்றது. இந்த போட்டியில் நியூசிலாந்து அணி கேப்டன் கேன் வில்லியம்சன் மூன்று ஓவர்கள் வீசி விக்கெட் ஏதும் எடுக்காமல் 9 ரன்கள் விட்டுக்கொடுத்தார்.

கேன் வில்லியம்சனின் பந்து வீச்சு ஆக்சன் குறித்து புகார் அளிக்கப்பட்டது. இதனால் அவரது பந்து வீச்சு பரிசோதனைக்கு உட்படுத்தப்பட்டது.

அப்போது ஐசிசி அனுமதித்துள்ள 15 டிகிரிக்கு மேல் அவரது கை வளையவில்லை என்பது தெரியவந்தது. இதனால் கேன் வில்லியம்சனை தொடர்ந்து பந்து வீச ஐசிசி அனுமதித்துள்ளது.

ஏற்கனவே 2014-ல் இதுபோன்று புகார் எழுப்பப்பட்டது. அப்போது அவரது பந்து வீச்சில் சில மாற்றங்களை செய்தார் என்பது குறிப்பிடத்தக்கது.