வேலூர்

வேலூர்:

தமிழகத்தில் நாளுக்கு நாள் அதிகரித்து வரும் கொரோனாவால் பாதிக்கப்பட்டவர்களின் எண்ணிக்கையும் உயர்ந்த வண்ணம் உள்ளது. இருப்பினும் குணமடைவோரின்  எண்ணிக்கையும் கணிசமாக உயர்ந்துள்ளது. மற்ற மாவட்டங்களை விட சென்னையில் தான் கொரோனாவால் பாதிக்கப்படுவர்களின் எண்ணிக்கை உயர்ந்து கொண்டே செல்கிறது.

இந்நிலையில் வேலூர் மாவட்டத்தில் ஏற்கனவே 12,234 பேருக்கு தொற்று கண்டறியப்பட்ட நிலையில் புதிதாக 148 பேருக்கு கொரோனா உறுதி செய்யப்பட்டுள்ளது. இதனால் பாதிக்கப்பட்டோர் எண்ணிக்கை 12,382 ஆக உயர்ந்துள்ளது.

இதுவரை 11,022 பேர் கொரோனாவில் இருந்து குணமடைந்து வீடு திரும்பியுள்ளனர். 186 பேர் உயிரிழந்துள்ளனர்.

குடியாத்தம்:

வேலூர் மாவட்டம் குடியாத்தத்தில் உள்ள அரசினர் திருமகள் ஆலைக்கல்லூரியில் கடந்த சில ஆண்டுகளாக ஆங்கிலத் துறையில் பேராசிரியராக திருவண்ணாமலை மாவட்டம் ஜமுனாமரத்தூர் கூட்டாந்தூர் கிராமத்தைச் சேர்ந்த ரமேஷ் (வயது 38) என்பவர் பணியாற்றி வருகிறார். இவர், குடியாத்தம் டவுனில் வசிக்கும் அதே கல்லூரியில் படிக்கும் 19 வயது மதிக்கத்தக்க ஒரு மாணவியை நேற்று முன்தினம் மாலை பாடம் சம்பந்தமாக அழைத்துள்ளார்.

அதை நம்பி அந்த மாணவி, பேராசிரியர் தங்கியிருக்கும் கல்லூரி அருகே காந்திநகர் பகுதியில் உள்ள வீட்டுக்குச் சென்றுள்ளார் அப்போது பேராசிரியர் ரமேஷ் அந்த மாணவியிடம் அத்துமீற முயன்றதாக கூறப்படுகிறது. அங்கிருந்து தப்பி வந்த மாணவி தனக்கு நேர்ந்த கொடுமை குறித்து பெற்றோரிடம் தெரிவித்தார்.

மாணவியின் பெற்றோர் குடியாத்தம் அனைத்து மகளிர் போலீஸ் நிலையத்தில் பேராசிரியர் மீது புகார் செய்தனர். அனைத்து மகளிர் போலீஸ் நிலைய இன்ஸ்பெக்டர் (பொறுப்பு) சுப்புலட்சுமி வழக்குப்பதிவு செய்து விசாரணை நடத்தினார். மாணவியிடம் அத்துமீற முயன்ற பேராசிரியர் ரமேசை கைது செய்து விசாரணை நடத்தி வருகிறார்.

வேலூர்:

தமிழகத்தில் நாளுக்கு நாள் அதிகரித்து வரும் கொரோனாவால் பாதிக்கப்பட்டவர்களின் எண்ணிக்கையும் உயர்ந்த வண்ணம் உள்ளது. இருப்பினும் குணமடைவோரின்  எண்ணிக்கையும் கணிசமாக உயர்ந்துள்ளது. மற்ற மாவட்டங்களை விட சென்னையில் தான் கொரோனாவால் பாதிக்கப்படுவர்களின் எண்ணிக்கை உயர்ந்து கொண்டே செல்கிறது.

இந்நிலையில் வேலூர் மாவட்டத்தில் ஏற்கனவே 11,815 பேருக்கு தொற்று கண்டறியப்பட்ட நிலையில் புதிதாக 98 பேருக்கு கொரோனா உறுதி செய்யப்பட்டுள்ளது. இதனால் பாதிக்கப்பட்டோர் எண்ணிக்கை 11,913 ஆக உயர்ந்துள்ளது.

இதுவரை 10,519 பேர் கொரோனாவில் இருந்து குணமடைந்து வீடு திரும்பியுள்ளனர். 177 பேர் உயிரிழந்துள்ளனர்.

வேலூர்:

வேலூர் மாநகரின் வியாபார மையமாக வேலூர் மண்டித்தெரு காணப்படுகிறது. இந்தத் தெருவின் இருபுறமும் அரிசி, பருப்பு, எண்ணெய், நவ தானியப்பொருட்கள் உள்ளிட்ட பல்வேறு வகையான மளிகைப் பொருட்களின் மொத்த விற்பனை கடைகள் உள்ளன. இங்குள்ள கடைக்கு பிற மாநிலங்கள், பல்வேறு மாவட்டங்களில் இருந்து லாரிகளில் பல வகையான பொருட்களை கொண்டு வந்து இறக்குவதும், இங்கிருந்து சிறு வணிக கடைகளுக்கு பல்வேறு மளிகைப் பொருட்களை ஏற்றி அனுப்பி வைப்பதும் என எந்த நேரமும் மண்டித்தெரு பரபரப்பாகக் காணப்படும். இந்தத் தெருவோரத்தில் 100 ஆண்டு கால பழமையான அரசமரம் பரந்து விரிந்து காணப்பட்டது.

இந்த மரத்தின் அடியில் சுமைத்தூக்கும் தொழிலாளர்கள், சைக்கிள் ரிக்‌ஷா ஓட்டுபவர்கள் ஓய்வெடுப்பது வழக்கம். இங்கு தள்ளுவண்டியில் கூழ், சிற்றுண்டியும் விற்பனை செய்யப்படும். நேற்று காலை 10 மணியளவில் அரசமரம் வேருடன் சாய்ந்து சாலையின் நடுவே விழுந்தது. இதில், மரத்தின் அருகே நின்று கொண்டிருந்த சுமைத்தூக்கும் தொழிலாளி உள்பட 2 பேர் மரக்கிளைகளுக்குள் சிக்கி படுகாயம் அடைந்தனர். அப்பகுதியில் நிறுத்தப்பட்டிருந்த கார், 4 மோட்டார்சைக்கிள்கள், தள்ளுவண்டி, மாடுடன் நிறுத்தப்பட்டு இருந்த மாட்டுவண்டி ஆகியவை சேதமடைந்தன.

இதைக்கண்ட பொதுமக்கள் மற்றும் கடை வியாபாரிகள், வாகன ஓட்டிகள் அதிர்ச்சி அடைந்தனர். பின்னர் அவர்கள் அங்குச் சென்று படுகாயம் அடைந்த 2 பேரையும் மீட்டு சிகிச்சைக்காக அடுக்கம்பாறை அரசு மருத்துவமனைக்கு அனுப்பி வைத்தனர். இதனால் அந்தப் பகுதியில் போக்குவரத்து நெரிசல் ஏற்பட்டது.

இதுகுறித்து மாநகராட்சி அதிகாரிகள், போக்குவரத்துப் போலீஸ் மற்றும் தீயணைப்புத்துறையினருக்கு தகவல் தெரிவிக்கப்பட்டது. அதன்பேரில் தீயணைப்புப்படை வீரர்கள், மாநகராட்சி ஊழியர்கள் அங்குச் சென்று மரத்தின் அடியில் சிக்கிய வாகனங்களை முதல் கட்டமாக அப்புறப்படுத்தினர். பின்னர் 5 மணி நேர போராட்டத்துக்கு பின்னர், விழுந்த அரசமரம் அங்கிருந்து அப்புறப்படுத்தப்பட்டது.

இதுகுறித்து பொதுமக்கள் கூறுகையில், 100 ஆண்டுகளுக்கு மேலாக காணப்பட்ட அரசமரத்தையொட்டி கழிவுநீர் கால்வாய் அமைப்பதற்காக கடந்த சில நாட்களுக்கு முன்பு பள்ளம் தோண்டப்பட்டது. அதனால் மரத்தின் ஒருபுறத்தின் வேர்கள் வலுவிழந்தன. கடந்த சிலநாட்களாக பெய்த மழையின் காரணமாக மேலும் வேர்கள் வலுவிழந்து சாலையில் விழுந்தது. அந்த சமயம் மரத்தடியில் மற்றும் சாலையில் பொதுமக்கள் கூட்டம் இல்லாததால் பெரும் அசம்பாவிதம் தவிர்க்கப்பட்டது. இந்தப் பகுதியில் உள்ள மின்கம்பங்கள், மற்ற மரங்களும் இதேபோல் எந்த நேரத்திலும் விழும் அபாயம் உள்ளது. அவற்றை சீரமைக்க அதிகாரிகள் நடவடிக்கை எடுக்க வேண்டும், எனக் கோரிக்கை விடுத்தனர்.