பெரம்பலூர்

பெரம்பலூர்:

திருவள்ளூர் மாவட்டம் திருத்தணி கே.கே.நகர் பகுதியை சேர்ந்தவர் ராஜேஷ் (வயது 37). இவர் கிருஷ்ணகிரி அரசு பள்ளியில் ஆசிரியராக பணிபுரிந்து வந்தார்.

இவரது மனைவி மகேஸ்வரி, அரக்கோணத்தில் ஆசிரியராக பணியாற்றுகிறார். இவர்களது மகள் காவிய சாதனா ஐந்தாம் வகுப்பு படித்து வருகிறார்.

தற்போது பள்ளிகளுக்கு விடுமுறை அளிக்கப்பட்டுள்ளதால் ராஜேஷின் மாமியார் ஊரான செங்கோட்டைக்கு குடும்பத்துடன் சென்றிருந்தனர். நாளை புத்தாண்டை திருத்தணியில் கொண்டாட விரும்பிய திருத்தணி ராஜேஷ் செங்கோட்டையில் இருந்து மீண்டும் காரில் புறப்பட்டார்.

காரை ராஜேஷ் ஓட்டினார். திருச்சி-சென்னை நெடுஞ்சாலையில் அவர்கள் சென்று கொண்டிருந்தனர். இன்று அதிகாலை 5 மணியளவில் பெரம்பலூர் அருகே உள்ள தண்ணீர் பந்தல் பகுதியில் கொண்டிருந்தபோது இடது பக்க ஓரத்தில் நெல் மூட்டைகளை ஏற்றிக்கொண்டு வாலாஜாபாத்திற்கு செல்வதற்காக நின்று கொண்டிருந்த லாரியின் பின்புறத்தில் கார் மோதியது.

இதில் ராஜேஷ் சம்பவ இடத்திலேயே காருக்குள் உடல் நசுங்கி பலியானார். அவரது மனைவி மகேஸ்வரி மற்றும் மகள் காவிய சாதனா ஆகிய இருவரும் படுகாயம் அடைந்தனர். உடனடியாக அவர்கள் 108 ஆம்புலன்ஸ் மூலம் பெரம்பலூர் அரசு மருத்துவமனையில் சிகிச்சைக்காக அனுப்பி வைக்கப்பட்டனர்.

விபத்துக்கு காரணமாக லாரியை சாலையோரம் நிறுத்தி வைத்திருந்த டிரைவர் ஒட்டன்சத்திரம் அருகேயுள்ள பெருமாள்கோவில் வலசு பகுதியைச் சேர்ந்த வெள்ளைச்சாமி (60) என்பவரை போலீசார் கைது செய்தனர். விபத்தில் பலியான ராஜேஷின் தம்பி வெங்கடேஷ் சென்னையில் டாக்டராக பணிபுரிந்து வருகிறார்.

பெரம்பலூர்:

பெரம்பலூர் மாவட்ட விவசாயிகள் குறைதீர்க்கும் நாள் கூட்டம் வருகிற31-ந் தேதி காலை 10.00 மணியளவில் பெரம்பலூர் மாவட்ட ஆட்சியரக கூட்டமன்றத்தில் நடைபெற உள்ளது.

கூட்டத்தில் வேளாண்மை சம்பந்தமான நீர்ப்பாசனம், வேளாண்மை கடன் உதவிகள், வேளாண்மை இடு பொருட்கள், வேளாண்மை இயந்திரங்கள் மற்றும் விவசாயிகள் மேம்பாட்டிற்கான நலத்திட்டங்கள் பற்றிய முறையீடுகள் பற்றி விவாதிக்கப்படும். எனவே விவசாயிகள் அன்றைய தினம் தங்களது குறைகளை தெரிவித்து பயன்பெறலாம்.

இத்தகவலை பெரம்பலூர் மாவட்ட கலெக்டர் ஸ்ரீவெங்கட பிரியாதெரிவித்துள்ளார்.

பெரம்பலூர்:

பெரம்பலூர் அருகே எசனை கிராமம், அஞ்சுகம் காலணி தெருவைச் சேர்ந்தவர் கிருஷ்ணன் மகன் துரைசாமி (61). இவர் நேற்று காலை 5 வயது சிறுமிக்கு பாலியல் தொல்லை கொடுக்க முயன்றதாக கூறப்படுகிறது. இதுகுறித்து தகவலறிந்த சிறுமியின் தாயார் கொடுத்த புகாரின்பேரில் பெரம்பலூர் அனைத்து மகளிர் போலீஸ் சப்-இன்ஸ்பெக்டர் விஜயலெட்சுமி, முதியவர் துரைசாமியை கைது செய்தார்.

இது குறித்து இன்ஸ்பெக்டர் ஜெய்சித்ரா போக்சோ சட்டத்தின் கீழ் வழக்கு பதிவு செய்து முதியவர் துரைசாமியை பெரம்பலூர் மாவட்ட மகிளா கோர்ட்டில் ஆஜர்படுத்தினார். வழக்கை விசாரித்த நீதிபதி கிரி, முதியவர் துரைசாமியை 15 நாள் சிறையில் அடைக்க உத்தரவிட்டதன்பேரில் போலீசார் அவரை சிறையில் அடைத்தனர்.

பெரம்பலூர்:

பெரம்பலூர் அருகே உள்ள எசனை கிராமத்தை சேர்ந்தவர் வீராசாமி சோபனா தம்பதி. இவர்களுக்கு காயத்ரி (வயது 20) என்ற மகள் உள்ளார்.

வீராசாமி கடந்த 19 ஆண்டுகளுக்கு முன்பு தனியாக பிரிந்து சென்று விட்டார். சோபனா தனது மகள் காயத்ரியை வளர்த்து வந்தார்.

பிழைப்புக்காக மகள் காயத்ரியை அழைத்துக் கொண்டு கடந்த 5 வருடங்களாக ஊட்டி அருகிலுள்ள தனியார் டீ எஸ்டேட்டில் வேலை பார்த்து வந்தார். காயத்ரி அங்குள்ள கல்லூரியில் பி.ஏ. இறுதி ஆண்டு படித்து வந்தார்.

காயத்ரி வசிக்கும் பகுதியில் பெரம்பலூர் மாவட்டம் எசனை கிராமத்தை சேர்ந்த பாண்டியன் வசித்து வந்துள்ளார். இவரது மகன் ராஜதுரை (22). காயத்ரிக்கும் ராஜதுரைக்கும் பழக்கம் ஏற்பட்டு பின்னர் காதலாக மாறியது. இதில் நெருங்கி பழகியதில் காயத்ரி கர்ப்பம் அடைந்தார். மேலும் தான் கர்ப்பமானதை யாருக்கும் தெரியாமல் மறைத்துள்ளார்.

நாளடைவில் வயிறு பெரிதாகியதால் காயத்ரியின் தாயார் ஷோபனா காரணம் கேட்டார். அப்போது தனக்கு வயிற்று வலி இருப்பதாகவும் வயிறு சரியில்லை என்றும் காரணம் கூறியுள்ளார். கடந்த இரண்டு நாட்களுக்கு முன்பு காயத்ரியின் சொந்த ஊரான எசனை கிராமத்திற்கு கல்வி உதவித்தொகை பெறவும், போஸ்ட் ஆபீசில் பணம் எடுக்கவும் ஷோபனாவும் காயத்ரியும் வந்தனர்.

நேற்று இரவு 11 மணி அளவில் இயற்கை உபாதை கழிக்க செல்வதாக தாயிடம் கூறிவிட்டு, அருகிலுள்ள காட்டிற்கு காயத்ரி சென்றார். மலைக்குன்றின் பகுதியில் காயத்ரிக்கு பெண் குழந்தை பிறந்தது.

வெளியில் சென்ற மகள் நீண்ட நேரம் ஆகியும் வராததால் சந்தேகம் அடைந்த தாய் ஷோபனா அங்கு சென்று பார்த்த போது காயத்ரிக்கு குழந்தை பிறந்து இருப்பது தெரியவந்தது. குழந்தை இறந்து விட்டதாக கருதி அங்கேயே போட்டு விட்டு வீட்டுக்கு வந்து விட்டனர்.

இதற்கிடையே காயத்ரிக்கு ரத்தப்போக்கு அதிகமானதால் பெரம்பலூர் அரசு ஆஸ்பத்திரியில் சிகிச்சைக்காக சேர்க்கப்பட்டார். அங்கு அவரை பரிசோதித்த டாக்டர்கள் குழந்தை பிறந்து 3 மணி நேரம் தான் ஆகியிருக்கும் என சந்தேகப்பட்டு பெரம்பலூர் போலீசாருக்கு தகவல் தெரிவித்தனர். அதன் பேரில் பெரம்பலூர் போலீஸ் சிறப்பு சப்-இன்ஸ்பெக்டர் பெரியசாமி மருத்துவமனைக்கு சென்று விசாரணை நடத்தினார்.

பின்னர் சோபாவை அழைத்துக் கொண்டு குழந்தை பிறந்த இடத்திற்கு செல்லும் பொழுது அங்கு குழந்தை அழுதவாறு கிடந்துள்ளது. உடனே குழந்தையை மீட்டு பெரம்பலூர் அரசு பொது மருத்துவமனையில் ஒப்படைத்து குழந்தைக்கு சிகிச்சை அளிக்கப்பட்டு வருகிறது.

காயத்ரியும், அவரது குழந்தையும் பெரம்பலூர் அரசு மருத்துவமனையில் சிகிச்சை பெற்று வருகின்றனர். இதுகுறித்து பெரம்பலூர் போலீசார் விசாரணை நடத்தி வருகின்றனர். இச்சம்பவம் பெரம்பலூர் பகுதியில் பரபரப்பை ஏற்படுத்தி உள்ளது.

குன்னம்:

பெரம்பலூர் மாவட்டம் குன்னம் அருகே உள்ள துங்கபுரம் கிராமத்தை சேர்ந்தவர் திருமேனி. இவரது மனைவி ராணி. இவர்களது மகன் அகத்தியன்(வயது 23). என்ஜினீயர். திருமேனி திருப்பூரில் உள்ள ஒரு பனியன் நிறுவனத்தில் வேலை பார்த்து வருகிறார். ஆந்திராவில் உள்ள தனியார் நிறுவனத்தில் வேலை பார்த்து வந்த அகத்தியன் தீபாவளி விடுமுறைக்காக சொந்த ஊருக்கு வந்தார்.

தற்போது அவர் மீண்டும் ஆந்திரா செல்வதற்காக ராணியிடம் பணம் கேட்டுள்ளார். இதையடுத்து ராணி பணம் எடுப்பதற்காக ஏ.டி.எம். மையத்திற்கு சென்றுவிட்டு மீண்டும் வீட்டிற்கு வந்து பார்த்தபோது வீட்டின் மாடியில் அகத்தியன் தூக்குப்போட்டு பிணமாக தொங்கியதாக கூறப்படுகிறது.

இது குறித்து ராணி கொடுத்த புகாரின்பேரில் குன்னம் போலீசார் வழக்குப்பதிவு செய்து விசாரணை நடத்தினர். விசாரணையில், அகத்தியனுக்கு தீராத வயிற்று வலி இருந்து வந்ததாகவும், இதனால் அவர் தூக்குப்போட்டு தற்கொலை செய்திருக்கலாம் என்றும் தெரியவந்ததாக போலீசார் தெரிவித்தனர். தொடர்ந்து விசாரணை நடத்தி வருகின்றனர்.