அரியலூர்

அரியலூர்:

அரியலூர் மாவட்ட கலெக்டர் ரமண சரஸ்வதி வெளியிட்டுள்ள செய்திக் குறிப்பில் கூறியிருப்பதாவது:-

இந்த ஆண்டும் ஜல்லிக்கட்டு நடத்த விரும்பும் குழுவினர், ஜல்லிக்கட்டு நடத்தப்பட உள்ள தேதிக்கு 20 நாட்களுக்கு முன்பே மாவட்ட நிர்வாகத்திடம் அனுமதி கேட்டு விண்ணப்பிக்க வேண்டும்.

விண்ணப்பிக்கும் போது, ஜல்லிக்கட்டு நடைபெற உள்ள இடம், ஜல்லிக்கட்டு தொடர்பாக கிராம கணக்கு புத்தகத்தில் பதியப்பட்டுள்ள விவரம் ஆகியவற்றை குறிப்பிட்டு கீழ்க்கண்ட ஆவணங்களுடன் விண்ணப்பிக்க வேண்டும்.

மேலும் கடந்த ஆண்டு முதல், கொரோனா தொற்று குறித்து கூடுதலாக சில கட்டுப்பாடுகள் விதிக்கப்பட்டுள்ளது. அதன்படி, ஒவ்வொரு ஜல்லிக்கட்டு, மஞ்சுவிரட்டு, வடமாடு நிகழ்ச்சிகளிலும் 300 மாடுபிடி வீரர்களுக்கு மிகாமலும் மற்றும் பார்வையாளர்கள் கட்டுப்பாடுகளுடன் கலந்து கொள்ள அனுமதிக்கப்படுவர்.

ஜல்லிக்கட்டு நிகழ்ச்சியில் மாடுபிடி வீரர்களாக பங்கேற்பவர்கள் அரசால் அங்கீகரிக்கப்பட்ட பரிசோதனை கூடத்தில் கொரோனா பெருந்தொற்று இல்லை என சான்று பெற்றிருப்பதுடன், கொரோனா தடுப்பூசி செலுத்தப்பட்டுள்ளதற்கான (இரண்டு தவணைகளும்) சான்று பெற்றிருக்க வேண்டும்.

நிகழ்ச்சியில் பங்கேற்கும் காளை உரிமையாளர், உதவியாளர் மற்றும் பார்வையாளர்கள் அனைவரும் கொரோனா தடுப்பூசி செலுத்தப்பட்டிருக்க வேண்டும். மேலும், அனைவரும் உடல் வெப்ப பரிசோதனைக்கு உட்படுத்தப்படுவதுடன், முகக்கவசம் அணிவதும் மற்றும் சமூக இடைவெளியை கடைபிடிப்பதும் கட்டாயமாக்கப்பட்டுள்ளது.

ஜல்லிக்கட்டு நடத்துவதற்காக அனுமதி கேட்கும் இடத்தில் ஏற்கனவே ஜல்லிக்கட்டு நடத்துவதற்கு அனுமதி பெற்றதற்கான ஆவணங்கள் உள்ளிட்டவற்றை விண்ணப்பத்துடன் இணைத்து சமர்ப்பிக்க வேண்டும். இந்த ஆவணங்கள் அனைத்தும் சரிபார்க்கப்பட்டு அரசுக்கு பரிந்துரை செய்து அரசாணை பெறப்பட்ட பின்னரே ஜல்லிக்கட்டு நடத்த தொடர்புடைய குழுவினருக்கு அனுமதி வழங்கப்படும். அதன் பின்னரே ஜல்லிக்கட்டு தொடர்பான ஏற்பாடுகளை தொடர்புடைய குழுவினர் மேற்கொள்ள வேண்டும்.

ஜல்லிக்கட்டு நிகழ்ச்சியில் பங்குபெறும் காளை உரிமையாளர், ஒரு உதவியாளர் மற்றும் காளை விவரங்களை நிகழ்ச்சிக்கு 7 நாட்களுக்கு முன்பே மாவட்ட நிர்வாகத்திடம் பதிவு செய்து, மாவட்ட நிர்வாகத்தால் வழங்கப்படும் அடையாள அட்டையை கண்டிப்பாக பெற்றிருக்க வேண்டும்.

அடையாள அட்டை இல்லாத நபர்கள் ஜல்லிக்கட்டு நிகழ்ச்சி நடைபெறும் வளாகத்திற்குள் அனுமதிக்கப்படமாட்டார்கள். ஜல்லிக்கட்டு நிகழ்ச்சியினை, அரசாணை மற்றும் மாவட்ட நிர்வாகத்தின் அனுமதி எதுவும் பெறாமல் நடத்துபவர்கள் மீது காவல் துறையின் மூலம் சட்ட ரீதியாக நடவடிக்கை மேற்கொள்ளப்படும்.

இவ்வாறு அதில் தெரிவிக்கப்பட்டுள்ளது.

தா.பழூர்:


இதில் அவருக்கு தலையில் பலத்த காயம் ஏற்பட்டு ரத்த வெள்ளத்தில் கிடந்தார். இதைக்கண்ட அப்பகுதியில் இருந்தவர்கள் உடனடியாக 108 ஆம்புலன்சுக்கு தகவல் தெரிவித்தனர். ஆனால் ஆம்புலன்ஸ் வருவதற்குள் மணிகண்டன் துடிதுடித்து பரிதாபமாக உயிரிழந்தார். இது பற்றி தகவல் அறிந்து சம்பவ இடத்திற்கு விரைந்து வந்த போலீசார் மணிகண்டனின் உடலை கைப்பற்றி பிரேத பரிசோதனைக்காக ஜெயங்கொண்டம் அரசு மருத்துவமனைக்கு அனுப்பி வைத்தனர்.

மேலும் இது குறித்து தா.பழூர் போலீசில் கவுரி புகார் அளித்தார். அதன்பேரில் விசாரணை நடத்திய போலீசார், சாலையில் எந்தவித பாதுகாப்பு எச்சரிக்கையும் இல்லாமல் நிலக்கடலை காய வைத்து விபத்தை ஏற்படுத்தியதாக கோடங்குடி கிராமத்தை சேர்ந்த ரவி(45) மீது பொதுப்பாதையில் ஆபத்தை ஏற்படுத்தும் வகையில் தடுப்பு ஏற்படுத்தியதற்காக இ.பி.கோ. 283 சட்டப்பிரிவின் கீழ் வழக்கு பதிவு செய்து, அவரை கைது செய்தனர்.

அரியலூர்:

அரியலூர் மாவட்டத்தில் கடந்த மாதம் தொடர்ந்து மழை பெய்து வந்தது. அதனால் அனைத்து ஏரி, குளங்கள் நிரம்பி வழிகின்றன. மருதையாறு, கொள்ளிடம் ஆறுகளில் உபரி நீர் ஓடுகிறது. கடந்த 17-ந் தேதி மார்கழி மாதம் பிறந்த பிறகு பனியின் தாக்கம் அதிகமாகி மாலை 5 மணிக்கு கடுங்குளிர் ஆரம்பித்து காலை 8 மணி வரை உள்ளது.

வாகனங்கள் பகலிலேயே முகப்பு விளக்குகளை போட்டு செல்லும் அளவுக்கு பனிப்பொழிவு அதிகமாக உள்ளது. பகலில் வெயில் அடிக்கும் அளவிற்கு இரவு பனி இருமடங்காக உள்ளதால் குழந்தைகள், வயதானவர்கள் குளிரால் பாதிக்கப்பட்டு உள்ளனர்.

ஜெயங்கொண்டம்:

அரியலூர் மாவட்டம் ஜெயங்கொண்டம் அருகே உள்ள உத்திரகுடிகிராமம் சிவன் கோவில் தெருவைச் சேர்ந்த விவசாயி செந்தாமரை கண்ணன். இவர் தனது மனைவியுடன் வீட்டில் இருந்த போது எதிர்பாரத விதமாக கூரை வீடு தீப்பிடித்து எரிந்தது.

இது குறித்து தகவல் அறிந்ததும் ஜெயங்கொண்டம் தீயணைப்பு துறை ஆய்வாளர் மோகன்ராஜ் தலைமையிலான தீயணைப்புதுறையினர் விரைந்துசென்று தீயை போராடி அணைத்தனர்.

அதற்குள் வீடு முற்றிலும் எரிந்தது. வீட்டில் மகனுக்கு பள்ளியில் கட்டுவதற்கு வைத்திருந்த ரூ.75 ஆயிரம் பணம் மற்றும் 9 பவுன் நகை, மேலும் பத்திரம், ஆதார், ரேசன் கார்டு உள்ளிட்ட ஆவணங்கள் எரிந்தது சேதம்  ஆனது குறிப்பிடத்தக்கது.

அரியலூர்:

அரியலூர் மாவட்ட விவசாயிகளுக்கு டிசம்பர் மாதத்திற்கான விவசாயிகள் குறைதீர்க்கும் நாள் கூட்டம் வருகிற 24-ந்தேதி வெள்ளிக்கிழமை காலை 10.30 மணியளவில் கலெக்டர் அலுவலகத்தில் உள்ள கூட்டரங்கிள் நடைபெற உள்ளது.

கூட்டத்தில் விவசாயிகள், முன்னோடி விவசாயிகள் மற்றும் விவசாய சங்க பிரதிநிதிகள் கலந்து கொண்டு விவசாயம் சார்ந்த குறைகளை தெரிவிக்கலாம். மேலும் கொரோனோ காலமாக இருப்பதால் விவசாயிகள் குறைதீர்க்கும் நாள் கூட்டத்திற்கு வரும்போது முகக்கவசம் கண்டிப்பாக அணிந்திருக்க வேண்டும் எனவும், சமூக இடைவெளியினை கடைப்பிடிக்கவேண்டும் என கலெக்டர் ரமண சரஸ்வதி தெரிவித்துள்ளார்.