கிச்சன் கில்லாடிகள்

தேவையான பொருட்கள்  :

மாம்பழம் - 1
பேரீச்சம் பழம் - 10
தேன் - 1 ஸ்பூன்
பால் - 1 கப்
பட்டை தூள் - அரை ஸ்பூன்
ஐஸ்கட்டிகள் - தேவைக்கு



செய்முறை :

* மாம்பழத்தை தோல் நீக்கி துண்டுகளாக வெட்டி கொள்ளவும்.

* மிக்சியில் பேரீச்சம் பழம் சிறிது பால் சேர்த்து நன்றாக அரைக்கவும்.

* அடுத்து அதில் மாம்பழ துண்டுகள், பால், தேன், ஐஸ்கட்டிகள் சேர்த்து நன்றாக அரைக்கவும்.

* அரைத்த ஜூஸை கண்ணாடி கப்பில் ஊற்றி அதன் மேல் பட்டை தூள் தூவி பருகவும்..

* சத்தான சுவையான மாம்பழ - பேரீச்சம்பழம் ஸ்மூத்தி ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.

தேவையான பொருட்கள் :

காளான் -  200 கிராம்
வெங்காயம் - 1
இஞ்சி, பூண்டு விழுது - 1 டீஸ்பூன்
பச்சை மிளகாய் - 2
கொத்தமல்லி தழை - சிறிதளவு
மஞ்சள்தூள் - 1 டீஸ்பூன்
பெருங்காய்தூள் - சிறிதளவு
மிளகாய்த்தூள் - 1 டீஸ்பூன்
சீரகத் தூள் - 1 டீஸ்பூன்
உப்பு - சுவைக்கேற்ப
அரிசி மாவு - 2 டீஸ்பூன்
கடலை மாவு - 5 டீஸ்பூன்
தண்ணீர் - தேவையான அளவு



செய்முறை :

* காளானை நன்றாக கழுவி நீளமான துண்டுகளாக வெட்டி கொள்ளவும்.

* வெங்காயம், பூண்டு, இஞ்சி, ப.மிளகாய், கொத்தமல்லியை பொடியாக நறுக்கி கொள்ளவும்.

* ஒரு பாத்திரத்தில் நீளமாக காளான், நறுக்கிய வெங்காயம், பொடியாக நறுக்கிய பூண்டு, இஞ்சி, கொத்தமல்லி தழை, பச்சை மிளகாய், மஞ்சள்தூள், மிளகாய்த்தூள், சீரகத்தூள், உப்பு சேர்த்து நன்றாக கலக்கவும்.

* அடுத்து அதனுடன், அரிசி மாவு, கடலை மாவு, சிறிதளவு தண்ணீர் சேர்த்து நன்றாக கெட்டியாக பிசைந்து கொள்ளவும்.

* அடுப்பில் கடாயை வைத்து எண்ணெய் ஊற்றி சூடானதும் பிசைந்து வைத்த காளான் மாவை உதிரி உதிரியாக போட்டு பொன்னிறமாக பொரித்தெடுக்கவும்.

* சூப்பரான காளான் பக்கோடா ரெடி!

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.

தேவையான பொருட்கள் :

உதிரியாக வடித்த சாதம் - 1 1/2 கப்
வெண்டைக்காய் - 100 கிராம்
சின்ன வெங்காயம் - 50 கிராம்
கெட்டியான புளிக்கரைசல் - 1 டீஸ்பூன்
மஞ்சள்தூள் - 1/2 டீஸ்பூன்
மிளகுத்தூள் - 1 டீஸ்பூன்
கடலை பருப்பு - 1 டீஸ்பூன்
முந்திரி பருப்பு - 10
கடுகு - 1 டீஸ்பூன்
கறிவேப்பிலை - சிறிதளவு
எண்ணெய் - 1 டீஸ்பூன்
உப்பு - சுவைக்கேற்ப



செய்முறை :

* வெங்காயம், வெண்டைக்காயை பொடியாக நறுக்கிக் கொள்ளவும்.

* அடுப்பில் கடாயை வைத்து எண்ணெய் விட்டு காய்ந்ததும் வெங்காயத்தை இட்டு பொன்னிறமாக வதக்கவும்.

* வெங்காயம் நன்றாக வதங்கியதும் வெண்டைக்காய், உப்பு சேர்த்து மிதமான தீயில் 10 நிமிடங்கள் வதக்கவும்.

* வெண்டைக்காய வெந்ததும் மஞ்சள்தூள், கறிவேப்பிலை, பட்டை பொடி, மிளகுத்தூள், உப்பு, கெட்டியான புளிக்கரைசல் சேர்த்து வெண்டைக்காயை நன்றாக கிளறி விட்டு வேக வைக்கவும்.

* மற்றொரு கடாயை எடுத்து 1 டீஸ்பூன் எண்ணெய் விட்டு காய்ந்ததும் கடுகு, கடலை பருப்பு, முந்திரி இட்டு பொரிந்ததும் அதில் வெண்டைக்காயை கலவையைச் சேர்க்கவும்.

* அதனுடன், வேக வைத்த சாதத்தை சேர்த்து நன்றாக கலக்கவும்.

* குறைவான தீயில் 5 நிமிடங்கள் கிளறி விட்டு உப்பு சரிபார்த்து அடுப்பில் இருந்து இறக்கி பரிமாறவும்.

* சூப்பரான செட்டிநாடு வெண்டைக்காய் சாதம் ரெடி!

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.

தேவையான பொருட்கள் :

டோஃபு - 1 பாக்கெட்,
குட மிளகாய் - 1,
வெங்காயம் - 1,
வெங்காயத்தாள் - ஒரு கைப்பிடி,
மைதா - 4 டீஸ்பூன்,
இஞ்சி - பூண்டு விழுது - 1/2 டீஸ்பூன்,
உப்பு - தேவைக்கேற்ப,
தக்காளி சாஸ் - 1/2 டீஸ்பூன்,
சோயா சாஸ் - 1/2 டீஸ்பூன்,
எண்ணெய் - தேவைக்கு.



செய்முறை :

* மைதாவில் இஞ்சி - பூண்டு விழுது சேர்த்து தண்ணீருடன் பஜ்ஜி மாவு பதத்துக்குக் கரைக்கவும்.

* வெங்காயம், குடமிளகாய், வெங்காயத்தாளை பொடியாக நறுக்கி கொள்ளவும்.

* டோஃபுவை சதுர துண்டங்களாக வெட்டிக் கொள்ளவும்.

* டோஃபு துண்டங்களை கரைத்து வைத்துள்ள மைதா மாவில் தோய்த்து சூடான எண்ணெயில் போட்டு பொரித்தெடுக்கவும்.

* ஒரு கடாயில் எண்ணெய் ஊற்றி பொடியாக அரிந்த வெங்காயம், குட மிளகாய் மற்றும் உப்பு சேர்த்து வதக்கவும்.

* அடுத்து அதில் சோயா சாஸ், தக்காளி சாஸ் சேர்த்து நன்கு கலந்துவிடவும்.

* அடுத்து அதில் பொரித்த டோஃபு துண்டங்களை போட்டுக் கிளறி வெங்காயத்தாள் கொண்டு அலங்கரித்து உடனே பரிமாறவும்.

* சூப்பரான சைடிஷ் டோஃபு மஞ்சூரியன் ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.

தேவையான பொருட்கள் :

பாஸ்மதி அரிசி - ஒரு கப்,
டபுள் பீன்ஸ் - அரை கப்,  
எண்ணெய், நெய், உப்பு - தேவையான அளவு,
வெஜிடபிள் ஸ்டாக் - 2 கப்
அன்னாசிப்பூ, உலர்வெந்தயக்கீரை - சிறிதளவு.
கொத்தமல்லி தழை - சிறிதளவு

அரைக்க :

பட்டை - அரை அங்குலத் துண்டு,
இஞ்சி - அரை அங்குலத் துண்டு,
சின்ன வெங்காயம் - 10 (உரிக்கவும்),
பச்சை மிளகாய் - 4,
பூண்டுப் பல் - 2,
க்ரீன் சில்லி சாஸ் - ஒரு டேபிள்ஸ்பூன்,



செய்முறை :

* அரைக்க கொடுத்துள்ளவற்றை மிக்சியில் போட்டு சிறிதளவு நீர் விட்டு மையாக அரைத்துக்கொள்ளவும்.

* அரிசியை 10 நிமிடங்கள் நீரில் ஊறவைத்து, நீரை வடிக்கவும்.

* வாணலியில் நெய்விட்டு சூடாக்கி, அரிசியைச் சில நிமிடங்கள் வறுத்துக் கொள்ளவும்.

* குக்கரில் எண்ணெய்விட்டு, காய்ந்ததும் அரைத்த விழுதைச் சேர்த்து வதக்கி, டபுள் பீன்ஸ், உப்பு சேர்த்துக் கிளறவும்.

* அடுத்து அதில் க்ரீன் சில்லி சாஸ், அன்னாசிப்பூ, உலர் வெந்தயக் கீரைச் சேர்த்துக் கிளறவும்.

* பிறகு, வெஜிடபிள் ஸ்டாக் ஊற்றி, ஒரு கொதி வந்ததும் அரிசி சேர்த்து, குக்கரை மூடி வெயிட் போட்டு, 2 விசில் வந்ததும் இறக்கவும். ஆவி விட்டதும் குக்கரைத் திறந்து, கொத்தமல்லி தழை தூவிப் பரிமாறவும்.

* சூப்பரான டபுள் பீன்ஸ் பிரியாணி ரெடி.

குறிப்பு: வீட்டில் இருக்கும் காய்கறிகளை அலசி, நறுக்கி நீர்விட்டு குக்கரில் வேகவிட்டு மசித்து நீரை வடிகட்டி, பயன்படுத்தவும். இதுவே வெஜிடபிள் ஸ்டாக் ஆகும்.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.

தேவையான பொருட்கள் :

வறுத்த வேர்க்கடலை - 200 கிராம்
வெல்லம் - 200 கிராம்,
ஏலக்காய்த்தூள் - சிறிதளவு

செய்முறை :

* வேர்க்கடலையைத் தோல் நீக்கிக்கொள்ளவும்.



* வெல்லத்தை சிறிது தண்ணீர் சேர்த்து கரைத்து வடிகட்டி, உருட்டும் பதத்தில் பாகு காய்ச்சவும்.

* ஒரு பாத்திரத்தில் வேர்க்கடலையை போட்டு அதனுடன் வெல்ல பாகு, ஏலக்காய்த்தூள் சேர்த்துக் கெட்டியாகக் கிளறி சிறிய உருண்டைகளாக பிடிக்கவும்.

* சத்தான ஸ்நாக்ஸ் வேர்க்கடலை உருண்டை ரெடி.

* இந்த வேர்க்கடலை உருண்டையை காற்று புகாத டப்பாவில் போட்டு வைத்து ஒரு வாரம் வரை சாப்பிடலாம்.

குறிப்பு: புரதமும், இரும்புச்சத்தும் இதில் மிக அதிகம். ரத்த சோகை வராது.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.

தேவையான பொருட்கள் :

சிக்கன் - 1/2 கிலோ
தயிர்  -  3/4 கப்
இஞ்சி விழுது - 1 டீஸ்பூன்
பூண்டு விழுது - 1 டீஸ்பூன்
மிளகாய் தூள் - 1 டீஸ்பூன்
கொத்தமல்லி - சிறிதளவு.

அரைப்பதற்கு :

பெரிய வெங்காயம் -  3
தக்காளி - 3
கிராம்பு - 2
மிளகு - 5
ஏலக்காய் - 3
மல்லித்தூள்  - 1 டீஸ்பூன்



செய்முறை :

* அரைக்க கொடுத்துள்ள பொருட்களை மிக்சியில் போட்டு நன்றாக அரைத்துக் கொள்ளவும்.

* கொத்தமல்லியை பொடியாக நறுக்கி கொள்ளவும்.

* சிக்கனை நன்றாக கழுவி துண்டுகளாக வெட்டி வைக்கவும்.

* ஒரு பாத்திரத்தில் சிக்கனை போட்டு அதனுடன் தயிர், இஞ்சி, பூண்டு விழுது, மிளகாய் தூள், தேவையான அளவு உப்பு போட்டு பிரட்டி 1 மணிநேரம் ஊற வைக்கவும்.

* கடாயை அடுப்பில் வைத்து 5 டீஸ்பூன் எண்ணெய் விட்டு சூடானதும் அரைத்து வைத்துள்ள விழுதை போட்டு பச்சை வாசனை போகும் வரை நன்றாக வதக்கவும்.

* மசாலா நன்றாக வதங்கியதும் அதில் சிக்கனை சேர்த்து நன்றாக வதக்கவும். தேவையான அளவு தண்ணீர் விட்டு அடுப்பை மிதான தீயில் வைத்து சிக்கனை வேக விடவும்.

* சிக்கன் நன்றாக வெந்ததும் கொத்தமல்லி தழை தூவி இறக்கி பரிமாறவும்.

* சூப்பரான பஞ்சாபி சிக்கன் ரெடி.

* இந்த பஞ்சாபி சிக்கன் சப்பாத்தி, பரோட்டாவிற்கு ஏற்ற பக்கா உணவாகும்.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.

தேவையான பொருட்கள் :

மொச்சைப்பயறு - 100 கிராம்
நெத்திலி கருவாடு - 1/2 கிலோ
எண்ணெய் - 1 குழிக்கரண்டி
சிறிய வெங்காயம் - 1/4 கிலோ
தக்காளி - 1/4 கிலோ
பூண்டு - 20 பல்
மஞ்சள் தூள் - 1/4 டீஸ்பூன்
மிளகாய்த்தூள் - 1 டீஸ்பூன்
தனியாத்தூள் - 3 டீஸ்பூன்
உப்பு - தேவைக்கேற்ப
புளி - எலுமிச்சம்பழ அளவு

தாளிக்க :

கடுகு, கறிவேப்பிலை - சிறிதளவு
காய்ந்த மிளகாய் - 5 (கிள்ளியது)



செய்முறை :

* மொச்சைப் பயறை வறுத்து ஊற வைத்து வேக வைத்துக் கொள்ளவும்.

* நெத்திலி கருவாட்டை மண் போக சுத்தம் செய்து நன்றாக கழுவி கொள்ளவும்.

* புளியை கரைத்து கொள்ளவும்.

* வெங்காயம், தக்காளியை பொடியாக நறுக்கி கொள்ளவும்.

* கடாயை அடுப்பில் வைத்து எண்ணெய் ஊற்றி காய்ந்ததும் கடுகு, கறிவேப்பிலை, காய்ந்த மிளகாய் சேர்த்து தாளித்த பின் நறுக்கிய வெங்காயம், பூண்டை சேர்த்து வதக்கவும்.

* வெங்காயம் நன்றாக வதங்கியதும் அதில் தக்காளி சேர்த்து வதக்கவும்.

* அடுத்து அதில் மஞ்சள் தூள், மிளகாய் தூள், தனியா தூள் சேர்த்து வதக்கவும்.

* அடுத்து அதில் புளிக்கரைசலை ஊற்றவும்.

* குழம்பு கொதிக்க ஆரம்பித்தவுடன் மொச்சைப்பயிறு, நெத்திலி கருவாட்டை சேர்த்து 10 நிமிடங்கள் மிதமான தீயில் கொதிக்க விட்டு இறக்கவும்.

* இப்போது மொச்சை நெத்திலி கருவாட்டு குழம்பு ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.

தேவையான பொருட்கள் :

கோதுமை மாவு -1/2 கப்
வெண்ணெய் - தேவையான அளவு
மிளகு - ஒரு சிட்டிகை
உப்பு - சுவைக்கேற்ப
தண்ணீர் - தேவையான அளவு
முட்டை - 2
பச்சைமிளகாய் - 1
மஞ்சள்தூள் - தேவையான அளவு
கொத்தமல்லி இலை - சிறிதளவு



செய்முறை :

* ஒரு பாத்திரத்தில் கோதுமை மாவு, சிறிதளவு தண்ணீர், எண்ணெய் விட்டு நன்கு மாவை பிசைந்து 30 நிமிடங்கள் ஊற வைக்க வேண்டும்.

* ப.மிளகாயை பொடியாக நறுக்கி கொள்ளவும்.

* ஒரு கிண்ணத்தில் முட்டையை உடைத்து ஊற்றி அதனுடன் உப்பு, ப,மிளகாய், மிளகுத்தூள், மஞ்சள்தூள் சேர்த்து நன்கு கலந்து கொள்ளவும்.

* மாவை பூரிக்கட்டையால் சப்பாத்தி போல் அகலமாக தேய்த்துக் கொள்ள வேண்டும்.

* தோசைக்கல்லை அடுப்பில் வைத்து கல் சூடானதும் தேய்த்து வைத்த மாவை இட்டு அதன் மேலாக முட்டை கலவையை மாவு முழுவதும் படும்படி பரப்பி ஊற்றி சுற்றி வெண்ணெய் தடவி வெந்ததும் திருப்பி போட்டு பொன்னிறமாக இருபுறமும் வேக வைத்து எடுக்கவும்.

* சூப்பரான மாலை நேர டிபன் முட்டை பரோட்டா ரெடி!

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.

தேவையான பொருட்கள் :

பெரிய உருளைக்கிழங்கு - 3
உப்பு - தேவைக்கு
மிளகு - கால் தேக்கரண்டி (பொடித்தது)

ஸ்டஃப்பிங் செய்வதற்கு :

பச்சை பட்டாணி - 2/3 கப்
இஞ்சி - சிறிய துண்டு,
கரம் மசாலா - கால் தேக்கரண்டி
உப்பு - கால் தேக்கரண்டி
மிளகாய் தூள் - கால் தேக்கரண்டி (தேவையெனில்)
சீரகம் - ஒரு தேக்கரண்டி
எண்ணெய் - அரை கப்



செய்முறை :

* உருளைக்கிழங்கை முக்கால் பதத்திற்கு வேக வைத்து எடுக்கவும். ரொம்பவும் வேக வைத்துவிட கூடாது.

* மிளகை பொடித்து கொள்ளவும்.

* இஞ்சியை துருவிக்கொள்ளவும்.

* ஒரு பாத்திரத்தில் வேகவைத்த உருளைக்கிழங்கு உப்பு மற்றும் மிளகு சேர்த்து சப்பாத்தி மாவு போல் பிசைந்து வைக்க வேண்டும். 10 உருண்டைகளாக உருட்டிக் கொள்ளவும்.

* பச்சை பட்டாணியை வேக வைத்து மசித்து எடுத்துக் கொள்ளவும்.

* சீரகத்தை எண்ணெய் இல்லாமல் வறுத்து கொரகொரப்பாக பொடித்து வைக்கவும்.



* பட்டாணியுடன் இஞ்சி, கரம் மசாலா, உப்பு, மிளகாய் தூள், சீராக பொடி சேர்க்கவும்.

* எல்லாவற்றையும் சேர்த்து நன்கு மசித்து விட்டு பிசைந்து வைக்கவும். 10 பகுதியாக பிரித்து வைக்கவும்.

* கையில் சிறிதளவு எண்ணெய் தேய்த்துக் கொண்டு உருளை உருண்டையை தட்டி நடுவில் பட்டாணி கலவையை வைத்து மூடி (கொழுக்கட்டை போல் மூடி) வேண்டிய வடிவத்தில் தட்டி வைக்கவும். இதைப் போல் எல்லா உருளைக்கிழங்கு உருண்டையிலும் கலவையை வைத்து வட்டமாக தட்டி வைக்கவும்.

* தோசை கல்லை அடுப்பில் வைத்து எண்ணெய் ஊற்றி சூடானதும் உருளைக்கிழங்கு டிக்கியை அடுக்கவும்.

* ஒரு பக்கம் பொன்னிறமாக வெந்ததும் மறுபக்கம் திருப்பி போட்டு ஒரு தேக்கரண்டி எண்ணெய் ஊற்றி பொன்னிறமானதும் எடுக்கவும்.

* கிரீன் சட்னியுடன் பரிமாறவும்.

* சூப்பரான ஸ்நாக்ஸ் ஆலு டிக்கி ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.

தேவையான பொருட்கள் :

சேமியா - 1 கப்,
பாசிப்பருப்பு - அரை கப்,
வெல்லம் - ஒன்றரை கப்,
நெய் - அரை கப்,
முந்திரிப்பருப்பு - 20,
திராட்சை - 20,
ஏலக்காய்தூள் - 1 டீஸ்பூன்.



செய்முறை :

* பாசிப்பருப்பை மலர வேக வைத்து எடுத்துக்கொள்ளுங்கள்.

* வெல்லத்தை பொடித்து கொள்ளவும்.

* ஒரு கடாயில் 1 ஸ்பூன் நெய் ஊற்றி சேமியாவை போட்டு நன்றாக வாசனை வரும் வரை வறுக்கவும்.

* ஒரு கடாயில் பாதியளவு நெய் ஊற்றி அதில் முந்திரி, திராட்சை சேர்த்து ஒரு நிமிடம் வறுத்த பின் அதில் 2 கப் தண்ணீர் சேருங்கள். தண்ணீர் கொதித்ததும் வறுத்த சேமியாவை சேர்த்து அடுப்பை மிதமான தீயில் வைத்து நன்கு வேகவிடுங்கள்.

* ஒரு பாத்திரத்தில் பொடித்த வெல்லத்தை போட்டு அதில் அரை கப் தண்ணீர் சேர்த்து கரையவிட்டு வடிகட்டி வெந்த சேமியாவில் சேருங்கள்.

* அத்துடன் வேக வைத்த பாசிப்பருப்பையும் போட்டு, நன்கு சேர்ந்து வரும் வரை கிளறுங்கள்.

* கடைசியில் ஏலக்காய்தூள், மீதமுள்ள நெய் சேர்த்து நன்கு கிளறி இறக்குங்கள்.

* தித்திப்பான சேமியா சர்க்கரை பொங்கல் ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.

தேவையான பொருட்கள் :

உளுந்து - கால் கப்
வெந்தயம் - சிறிதளவு
பச்சரிசி - அரை கப்
புழுங்கல் அரிசி - கால் கப்
பன்னீர் - 200 கிராம்
வெங்காயம் - ஒன்று
தக்காளி - ஒன்று
ப.மிளகாய் - இரண்டு
உப்பு, எண்ணெய் - தேவைக்கு



செய்முறை :

* தக்காளி, வெங்காயம், ப.மிளகாயை பொடியாக நறுக்கி கொள்ளவும்.

* பன்னீரை துருவிக்கொள்ளவும்.

* உளுந்து, வெந்தயம், பச்சரிசி, புழுங்கலரிசி ஆகியவைகளை நன்றாக கழுவி நான்கு மணிநேரம் ஊறவையுங்கள். உளுந்தையும், அரிசியையும் தனித்தனியாக அரைத்து, தேவைக்கு உப்பும் சேர்த்து ஒன்றாக கலக்கி ஐந்து மணிநேரம் புளிக்க விடவும்.

* ஒரு பாத்திரத்தில் நறுக்கிய தக்காளி, வெங்காயம், ப.மிளகாய், துருவிய பன்னீர், உப்பு சேர்த்து நன்றாக கலந்து கொள்ளுங்கள்.

* தோசைக்கல்லை அடுப்பில் வைத்து சூடானதும் அதில் மாவை கெட்டியாக ஊற்றி அதன் மாவின் மேல் பிசறி வைத்த பன்னீர் கலவையை தூவ வேண்டும். சுற்றி எண்ணெய் ஊற்றி வெந்ததும் திருப்பி போட்டு வேக வைத்து எடுக்கவும்.

* சூப்பரான பன்னீர் ஊத்தப்பம் ரெடி.

- இதை படித்து உங்களுடைய சந்தேகங்களை எங்களுடன் பகிர்ந்து கொள்ளுங்கள். உங்கள் கருத்துக்களை samayalmalar@gmail.com என்ற இணையதள முகவரிக்கு அனுப்பி வையுங்கள்.