இது புதுசு

ஹூரோ மோட்டோகார்ப் நிறுவனம் தனது புதிய மேக்சி ஸ்கூட்டர் மாடலை விரைவில் அறிமுகம் செய்ய இருக்கிறது. இந்த மாடல் 2023 EICMA நிகழ்வில் அறிமுகமாகும் என்று தெரிகிறது. இதற்கான டீசரை ஹீரோ நிறுவனம் தனது சமூக வலைதளங்களில் வெளியிட்டு உள்ளது.

இந்திய சந்தையில் ஹீரோ நிறுவனம் தற்போது விற்பனை செய்து வரும் கரிஸ்மா XMR மாடலில் மட்டும் லிக்விட் கூல்டு என்ஜின் வழங்கி இருக்கிறது. புதிய மேக்சி ஸ்கூட்டரிலும் இதுபோன்ற என்ஜின் வழங்கப்படுமா அல்லது முற்றிலும் புதிய என்ஜின் வழங்கப்படுமா என்பது கேள்விக்குறியாகவே இருக்கிறது.

புதிய மேக்சி ஸ்கூட்டரின் டிசைன் ஏற்கனவே வெளியான டிசைன் பேடன்டில் இருப்பதை போன்றே காட்சியளிக்கிறது. ஹீரோவின் புதிய மேக்சி ஸ்கூட்டரில் உள்ள அன்டர்போன் இந்தியாவில் விற்பனை செய்யப்படும் வேறு ஸ்கூட்டர்களில் இதுவரை அதிகளவில் வழங்கப்படவில்லை என்பதும் குறிப்பிடத்தக்கது. இது போன்ற அம்சம் தென் கிழக்கு ஆசிய நாடுகளில் விற்பனை செய்யப்படும் மேக்சி மற்றும் ஸ்போர்ட் ஸ்கூட்டர்களில் வழங்கப்படுகிறது.

ஹீரோ மோட்டோகார்ப் நிறுவனத்தின் புதிய மேக்சி ஸ்கூட்டரில் கீலெஸ் இக்னிஷன், டூரிங் திறன் வழங்கப்படலாம். இந்த மாடலில் பெரிய விண்ட்-ஸ்கிரீன் மற்றும் டாப் பாக்ஸ் உள்ளிட்டவை வழங்கப்பட்டு இருக்கிறது. புதிய மேக்சி ஸ்கூட்டருடன் ஹீரோ நிறுவனம் தனது எலெக்ட்ரிக் வாகனங்களையும் அறிமுகம் செய்யும் என்று தெரிகிறது.

ஹோண்டா, ஜெனரல் மோட்டார்ஸ் மற்றும் குரூயிஸ் நிறுவனங்கள் இடையே புரிந்துணர்வு ஒப்பந்தம் கையெழுத்தாகி இருக்கிறது. இந்த ஒப்பந்தத்தின் படி மூன்று நிறுவனங்கள் ஒன்றிணைந்து புதிய நிறுவனம் ஒன்றை துவங்க உள்ளன. இந்த புதிய நிறுவனம் 2026 ஆண்டு துவக்கத்தில் ஜப்பான் நாட்டில் தானியங்கி வாகனங்கள் மூலம் கால் டாக்சி சேவையை வழங்க இருக்கிறது.

புதுவித கால் டாக்சி சேவையில் மூன்று நிறுவனங்கள் இணைந்து உருவாக்கிய குரூயிஸ் ஒரிஜின் எனும் தானியங்கி வாகனம் வாடிக்கையாளர்களை ஒரு இடத்தில் இருந்து மற்றொரு இடத்திற்கு கொண்டு சேர்க்க இருக்கிறது. இந்த தானியங்கி வாகனத்தில் குறிப்பிடத்தக்க சிறப்பம்சமாக, அதில் ஓட்டுனர் யாரும் இருக்க மாட்டார்கள் என்பது தான்.

இந்த கால் டாக்சி சேவையினை வாடிக்கையாளர்கள் ஆப் மூலம் புக் செய்து பயன்படுத்தலாம். இதற்கான பிரத்யேக செயலியில் வாகனத்தை புக் செய்வதில் இருந்து பயணித்த பிறகு செலுத்த வேண்டிய கட்டணம் என எல்லாவற்றையும் மேற்கொள்ள முடியும். குரூயிஸ் ஒரிஜின் மாடலில் ஸ்டீரிங் வீல் மற்றும் ஓட்டுனர் இருக்கை என எதுவும் இடம்பெற்று இருக்காது.

குரூயிஸ் ஒரிஜின் வாகனத்தில் அதிகபட்சம் ஆறு பேர் வரை பயணிக்க முடியும். முதற்கட்டமாக மத்திய டோக்கியோவில் இந்த சேவை பயன்பாட்டுக்கு வரவிருக்கிறது. அதன்பிறகு மேலும் பல்வேறு பகுதிகளில் படிப்படியாக இந்த சேவையை பொதுமக்கள் பயன்படுத்த முடியும் என்று எதிர்பார்க்கலாம்.

பி.எம்.டபிள்யூ. நிறுவனம் தனது X4 M40i மாடலை இந்திய சந்தையில் அறிமுகம் செய்தது. புதிய பி.எம்.டபிள்யூ. X4 M40i மாடலின் விலை ரூ. 96 லட்சத்து 20 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

இதன் மூலம் இந்திய சந்தையில் X4 மாடல் மீண்டும் களமிறங்கி இருக்கிறது. இதன் முந்தைய வெர்ஷன் விற்பனை கடந்த ஆண்டு நிறுத்தப்பட்டது குறிப்பிடத்தக்கது. இந்த காரில் இரட்டை L வடிவ எல்.இ.டி. டி.ஆர்.எல்.கள், எல்.இ.டி. ஹெட்லேம்ப்கள், கிளாஸி பிளாக் கிரில், ஸ்கிட் பிளேட், ORVM-கள், 20 இன்ச் அலாய் வீல், ராப்-அரவுண்ட் 2 பீஸ் எல்.இ.டி. டெயில் லைட்கள் வழங்கப்பட்டு உள்ளன.

புதிய X4 மாடலில் டூயல் டோன் தீம், 3-ஸ்போக் ஸ்டீரிங் வீல், 12.3 இன்ச் அளவில் டிஜிட்டல் இன்ஸ்ட்ரூமென்ட் கிளஸ்டர், ஆம்பியன்ட் லைட்டிங், 12.3 இன்ச் அளவில் டச் ஸ்கிரீன் இன்ஃபோடெயின்மென்ட் சிஸ்டம், 3-ஜோன் கிளைமேட் கண்ட்ரோல், ரிக்லைனிங் ரியர் சீட்கள், பானரோமிக் சன்ரூஃப் உள்ளிட்டவை வழங்கப்பட்டு இருக்கிறது.

2023 பி.எம்.டபிள்யூ. X4 M40i மாடலில் 3.0 லிட்டர், 6 சிலிண்டர்கள் கொண்ட டர்போ பெட்ரோல் என்ஜின் வழங்கப்பட்டு இருக்கிறது. இந்த என்ஜின் 382 ஹெச்.பி. பவர், 500 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 8 ஸ்பீடு ஆட்டோமேடிக் கியர்பாக்ஸ் வழங்கப்படுகிறது. இந்த கார் மணிக்கு 100 கிலோமீட்டர் வேகத்தை 4.9 நொடிகளில் எட்டிவிடும். இந்த கார் மணிக்கு அதிகபட்சம் 210 கிலோமீட்டர் வேகத்தில் செல்லும் வகையில் கட்டுப்படுத்தப்பட்டு இருக்கிறது.

பஜாஜ் நிறுவனம் CNG எரிபொருளில் இயங்கும் மோட்டார்சைக்கிளை உருவாக்கி வருவதாக தகவல் வெளியாகி உள்ளது. இந்த பைக் இன்னும் ஒரே வருடத்தில் இந்திய சந்தையில் அறிமுகம் செய்யப்பட்டு விடும் என்றும் கூறப்படுகிறது.

இது குறித்து வெளியாகி இருக்கும் தகவல்களின் படி, புதிய பைக் புருசர் என்ற குறியீட்டு பெயரில் உருவாக்கப்பட்டு வருவதாக கூறப்படுகிறது. இந்த மாடலின் உற்பத்தி இறுதிக்கட்டத்தில் இருப்பதாக தெரிகிறது. டெஸ்டிங் செய்வதற்காக இந்த பைக்கின் ப்ரோடோடைப்கள் உருவாக்கப்பட்டு இருக்கின்றன.

முதற்கட்டமாக இந்த பைக் ஔரங்காபாத் ஆலையிலும், அதன்பிறகு நாகர் ஆலையிலும் உற்பத்தி செய்யப்பட உள்ளது. இந்த பைக் பற்றிய தகவல்கள் மர்மமாகவே உள்ளன. எனினும், இது பிளாட்டினா பிராண்டிங்கில் வெளியிடப்படலாம் என்று கூறப்படுகிறது. பஜாஜ் நிறுவனத்தின் எண்ட்ரி லெவல் மாடலாக பிளாட்டினா இருக்கிறது. இது அந்நிறுவனத்தின் அதிகம் விற்பனையாகும் மோட்டார்சைக்கிளாகவும் உள்ளது.

CNG-யில் இயங்கும் பிளாட்டினா மாடல் நகர்ப்புற பகுதிகளில் அதிக கவனம் ஈர்க்கும் என்று தெரிகிறது. முதற்கட்டமாக இந்த மாடல் CNG, பரவலாக கிடைக்கும் டெல்லி மற்றும் மும்பை போன்ற நகரங்களில் விற்பனைக்கு வரும் என்று கூறப்படுகிறது. இதன் மூலம் பஜாஜ் நிறுவனம் வளர்ந்து வரும் பசுமை எரிபொருள் பிரிவில் கவனம் செலுத்த முடியும்.

ஹோண்டா நிறுவனம் மோட்டார்சைக்கிள்களில் பயன்படுத்துவதற்காக முற்றிலும் புதிய இ கிளட்ச் தொழில்நுட்பத்தை உருவாக்கி இருப்பதாக அறிவித்து உள்ளது. உலகில் இதுபோன்ற தொழில்நுட்பம் அறிமுகம் செய்யப்படுவது இதுவே முதல் முறை என்று ஹோண்டா நிறுவனம் மேலும் தெரிவித்தது.

புதிய இ கிளட்ச் தொழில்நுட்பம் எலெக்டிரானிக் கண்ட்ரோல் தொழில்நுட்பம் மூலம் டிரைவிங் ஃபோர்ஸ்-க்கு ஏற்ற வகையில் சிறப்பான கிளட்ச் கண்ட்ரோல் வசதியை சீராக வழங்குகிறது. மோட்டார்சைக்கிளை ஸ்டார்ட் செய்து, கியரை மாற்றுவது மற்றும் வாகனத்தை நிறுத்துவது என்று துவக்கம் முதல் இறுதிவரை இவை செயல்படும்.

மேலும் பைக் ஓட்டும் போதே இயக்கக்கூடிய வகையில், கிளட்ச் லீவர் ஒன்றும் வழங்கப்பட்டு இருக்கிறது. இந்த தொழில்நுட்பம் மூலம் மோட்டார்சைக்கிளை இயக்கும் முறையில் கவனம் செலுத்துவதை விட, வாகனம் ஓட்டுவதில் மகிழ்ச்சியை உணர முடியும்.

மிக குறைந்த எடை கொண்டிருக்கும் புதிய இ கிளட்ச் தொழில்நுட்பம் ஏற்கனவே உள்ள என்ஜின் லே-அவுட்களில் இன்ஸ்டால் செய்ய முடியும். காலப்போக்கில் தனது மோட்டார்சைக்கிள்கள் அனைத்திலும் இந்த தொழில்நுட்பத்தை இன்ஸ்டால் செய்ய ஹோண்டா நிறுவனம் திட்டமிட்டு வருகிறது.

நின்ஜா e-1 மற்றும் Z e-1 மாடல்களுடன் கவாசகி நிறுவனம் நின்ஜா 7 ஹைப்ரிட் மாடல் விவரங்களையும் தெரிவித்து இருக்கிறது. அதன்படி நின்ஜா 7 ஹைப்ரிட் மோட்டார்சைக்கிளில் 451சிசி, பேரலல் டுவின் என்ஜின் மற்றும் எலெக்ட்ரிக் மோட்டார் வழங்கப்படுகிறது.

இந்த என்ஜின் மற்றும் எலெக்ட்ரிக் மோட்டார் இணைந்து 60 ஹெச்.பி. வரையிலான திறன் வெளிப்படுத்துகிறது. இதில் பெட்ரோல் என்ஜின் மட்டும் 48 ஹெச்.பி. மற்றும் எலெக்ட்ரிக் மோட்டார் 12 ஹெச்.பி. வரையிலான திறன் வெளிப்படுத்துகிறது. இந்த மாடலில் வழக்கமான கிளட்ச் கியர் ஷிஃப்டருக்கு மாற்றாக ஷிஃப்ட் பேடில்கள் வழங்கப்பட்டுள்ளன.

புதிய நின்ஜா 7 ஹைப்ரிட் மாடலை ஓட்டும் போது, பைக் எந்த கியரில் இருந்தாலும், பயனர்கள் ஒற்றை பட்டனை க்ளிக் செய்து தானாக முதலாவது கியருக்கு மாற்றிக் கொள்ள முடியும். இதில் உள்ள ஆட்டோமேடிக் லான்ச் பொசிஷன் ஃபைண்டர் இதற்கான வசதியை வழங்குகிறது. பைக்கை முழுமையாக நிறுத்தினால், என்ஜின் தானாக ஆஃப் ஆகிவிடும். பிறகு, திராடில் க்ரிப்-ஐ மீண்டும் முறுக்கினால், என்ஜின் ஸ்டார்ட் ஆகிவிடும்.

கவாசகியின் நின்ஜா 7 ஹைப்ரிட் மாடலில்: ஸ்போர்ட், ஹைப்ரிட், இகோ ஹைப்ரிட் மற்றும் EV போன்ற டிரைவிங் மோட்கள் உள்ளன. நின்ஜா மற்றும் Z e-1 மாடலில் உள்ளதை போன்றே இதிலும் ப்ளூடூத் வசதி கொண்ட TFT ஸ்கிரீன் வழங்கப்பட்டு இருக்கிறது. இதில் நோட்டிஃபிகேஷன் மற்றும் நேவிகேஷன் அம்சங்களை இயக்கலாம்.

நின்ஜா 7 ஹைப்ரிட் மாடலின் திறன் 650 முதல் 700 சிசி மாடலுக்கு இணையாக இருக்கும் என்றும் இதன் மைலேஜ் வழக்கமான 250 சிசி பைக்கிற்கு இணையாக இருக்கும் என்றும் கவாசகி நிறுவனம் தெரிவித்து இருக்கிறது. ஐரோப்பாவில் இந்த மாடல் அடுத்த ஆண்டு துவக்கத்தில் விற்பனைக்கு வருகிறது. இதன் இந்திய வெளியீடு குறித்து இதுவரை எந்த தகவலும் இல்லை. 

பி.எம்.டபிள்யூ. இந்தியா நிறுவனம் தனது iX1 எலெக்ட்ரிக் எஸ்.யு.வி. மாடலை கடந்த செப்டம்பர் 28-ம் தேதி இந்திய சந்தையில் அறிமுகம் செய்தது. இந்த கார் ஒற்றை வேரியண்டில் கிடைக்கிறது. இதன் விலை ரூ. 66 லட்சத்து 90 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

அதிகாரப்பூர்வ அறிமுகத்தை தொடர்ந்து, இதன் விற்பனை துவங்கியது. பி.எம்.டபிள்யூ. நிறுவனத்தின் எண்ட்ரி லெவல் எலெக்ட்ரிக் மாடலான iX1 விற்பனை துவங்கிய சில மணி நேரங்களில் விற்றுத் தீர்ந்தது. முழுமையாக உற்பத்தி செய்யப்பட்ட நிலையில், இந்தியாவுக்கு இறக்குமதி செய்யப்படும் பி.எம்.டபிள்யூ. iX1 இந்த ஆண்டுக்கான யூனிட்கள் முழுமையாக விற்றுத் தீர்ந்துள்ளது.

இந்திய சந்தையில் புதிய பி.எம்.டபிள்யூ. iX1 மாடல்: ஆல்பைன் வைட், ஸ்பேஸ் சில்வர், பிளாக் சஃபையர் மற்றும் ஸ்டாம் பே என நான்கு நிறங்களில் கிடைக்கிறது. இத்துடன் 10.7 இன்ச் டச் ஸ்கிரீன் இன்ஃபோடெயின்மெண்ட் ஸ்கிரீன், 10.25 இன்ச் டிஜிட்டல் இன்ஸ்ட்ரூமெண்ட் கிளஸ்டர், M ஸ்போர்ட் லெதர் ஸ்டீரிங் வீல், புளூ ரிங் ஃபினிஷர் லோகோ வழங்கப்பட்டு இருக்கிறது.

பி.எம்.டபிள்யூ. iX1 மாடலில் ஹார்மன் கார்டன் சரவுண்ட் சவுண்ட் சிஸ்டம், ஆக்டிவ் முன்புற இருக்கைகள், மசாஜ் வசதி, ஆம்பியண்ட் லைட் வழங்கப்பட்டு உள்ளது. இத்துடன் டூயல் ஜோன் ஆட்டோமேடிக் கிளைமேட் கண்ட்ரோல், பானரோமிக் சன்ரூஃப், பவர் டெயில்கேட் வழங்கப்பட்டு இருக்கிறது. இந்த எலெக்ட்ரிக் காரில் 66.4 கிலோவாட் ஹவர் பேட்டரி பேக் வழங்கப்பட்டு உள்ளது. இத்துடன் டூயல் மோட்டார்கள் உள்ளன.

இவை 309 ஹெச்.பி. பவர், 494 நியூட்டன் மீட்டர் டார்க் இழுவிசையை வெளிப்படுத்துகின்றன. இந்த கார் முழு சார்ஜ் செய்தால் 440 கிலோமீட்டர்கள் வரையிலான ரேன்ஜ் வழங்கும் என்று சான்று பெற்று இருக்கிறது. இந்த கார் மணிக்கு 100 கிலோமீட்டர்கள் வேகத்தை 5.6 நொடிகளில் எட்டிவிடும். மேலும் மணிக்கு அதிகபட்சம் 180 கிலோமீட்டர்கள் வேகத்தில் செல்லும் திறன் கொண்டிருக்கிறது.

பி.எம்.டபிள்யூ. இந்தியா நிறுவனம் தனது X1 எஸ்.யு.வி. மாடலின் எலெக்ட்ரிக் வெர்ஷனை இந்திய சந்தையில் அறிமுகம் செய்தது. புதிய எலெக்ட்ரிக் கார் iX1 என்று அழைக்கப்படுகிறது. இதன் விலை ரூ. 66 லட்சத்து 90 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. புதிய iX1 மாடல் இந்திய சந்தையில் பி.எம்.டபிள்யூ. நிறுவனத்தின் நான்காவது எலெக்ட்ரிக் கார் ஆகும்.

இது முழுமையாக உற்பத்தி செய்யப்பட்ட நிலையில், இந்தியா கொண்டுவரப்படுகிறது. புதிய பி.எம்.டபிள்யூ. iX1 மாடலுக்கான முன்பதிவு பி.எம்.டபிள்யூ. ஆன்லைன் வலைதளத்தில் பிரத்யேகமாக நடைபெறுகிறது. வினியோகம் அக்டோபர் மாதம் துவங்குகிறது. டிசைனை பொருத்தவரை புதிய பி.எம்.டபிள்யூ. iX1 மாடலில் சதுரங்க வடிவம் கொண்ட கிட்னி கிரில், அடாப்டிவ் எல்.இ.டி. ஹெட்லேம்ப்கள், புளூ நிற அக்செண்ட்கள் உள்ளன.

புதிய பி.எம்.டபிள்யூ. iX1 மாடல்: ஆல்பைன் வைட், ஸ்பேஸ் சில்வர், பிளாக் சஃபையர் மற்றும் ஸ்டாம் பே என நான்கு நிறங்களில் கிடைக்கிறது. இத்துடன் iX1 மாடலில் 10.7 இன்ச் டச் ஸ்கிரீன் இன்ஃபோடெயின்மெண்ட் ஸ்கிரீன், 10.25 இன்ச் டிஜிட்டல் இன்ஸ்ட்ரூமெண்ட் கிளஸ்டர், M ஸ்போர்ட் லெதர் ஸ்டீரிங் வீல், புளூ ரிங் ஃபினிஷர் லோகோ வழங்கப்பட்டு இருக்கிறது.

பி.எம்.டபிள்யூ. iX1 மாடலில் ஹார்மன் கார்டன் சரவுண்ட் சவுண்ட் சிஸ்டம், ஆக்டிவ் முன்புற இருக்கைகள், மசாஜ் வசதி, ஆம்பியண்ட் லைட் வழங்கப்பட்டு உள்ளது. இத்துடன் டூயல் ஜோன் ஆட்டோமேடிக் கிளைமேட் கண்ட்ரோல், பானரோமிக் சன்ரூஃப், பவர் டெயில்கேட் வழங்கப்பட்டு இருக்கிறது. இந்த எலெக்ட்ரிக் காரில் 66.4 கிலோவாட் ஹவர் பேட்டரி பேக் வழங்கப்பட்டு உள்ளது. இத்துடன் டூயல் மோட்டார்கள் உள்ளன.

இவை 309 ஹெச்.பி. பவர், 494 நியூட்டன் மீட்டர் டார்க் இழுவிசையை வெளிப்படுத்துகின்றன. இந்த கார் முழு சார்ஜ் செய்தால் 440 கிலோமீட்டர்கள் வரையிலான ரேன்ஜ் வழங்கும் என்று சான்று பெற்று இருக்கிறது. இந்த கார் மணிக்கு 100 கிலோமீட்டர்கள் வேகத்தை 5.6 நொடிகளில் எட்டிவிடும். மேலும் மணிக்கு அதிகபட்சம் 180 கிலோமீட்டர்கள் வேகத்தில் செல்லும் திறன் கொண்டிருக்கிறது.

மெர்சிடிஸ் பென்ஸ் நிறுவனத்தின் முற்றிலும் புதிய EQE எலெக்ட்ரிக் எஸ்.யு.வி. மாடல் இந்திய சந்தையில் அறிமுகம் செய்யப்பட்டது. புதிய மெர்சிடிஸ் பென்ஸ் எலெக்ட்ரிக் காரின் விலை ரூ. 1 கோடியே 39 லட்சம், எக்ஸ்-ஷோரூம் என்று நிர்ணயம் செய்யப்பட்டு உள்ளது. இந்த கார் ஒற்றை வேரியண்டில் கிடைக்கிறது.

இந்திய சந்தையின் எலெக்ட்ரிக் வாகன பிரிவில் களமிறங்கிய நிலையில், இந்தியாவில் மெர்சிடிஸ் பென்ஸ் நிறுவனத்தின் நான்காவது எலெக்ட்ரிக் கார் மாடலாக புதிய EQE அறிமுகமாகி இருக்கிறது. 2020 ஆண்டு முதலே மெர்சிடிஸ் பென்ஸ் நிறுவனம் இந்தியாவில் எலெக்ட்ரிக் கார் மாடல்களை விற்பனை செய்து வருகிறது.

புதிய EQE மாடல் மெர்சிடிஸ் GLE எஸ்.யு.வி.-இன் எலெக்ட்ரிக் வெர்ஷன் ஆகும். இந்த மாடல் EQB மற்றும் EQS மாடல்களின் இடையில் நிலைநிறுத்தப்படுகிறது. தோற்றத்தில் இந்த மாடல் EQS போன்றே காட்சியளிக்கிறது. இதன் வெளிப்புறம் மூடப்பட்ட நிலையில் முன்புற கிரில், எல்.இ.டி. டி.ஆர்.எல்.-கள், டிஜிட்டல் எல்.இ.டி. ஹெட்லேம்ப்கள், ஃபிளஷ் டோர் ஹேண்டில்கள், 20 இன்ச் அளவில் ஏரோ அலாய் வீல்கள் வழங்கப்படுகின்றன.

இந்த எஸ்.யு.வி. மாடலின் உள்புறம் டூயல் ஸ்கிரீன்கள்- இன்ஸ்ட்ரூமென்ட் கிளஸ்டர் மற்றும் இன்ஃபோடெயின்மென்ட் மற்றும் MBUX சிஸ்டம் வழங்கப்பட்டு இருக்கிறது. மற்ற அம்சங்களை பொருத்தவரை வயர்லெல் சார்ஜர், மல்டி-ஜோன் கிளைமேட் கண்ட்ரோல், பானரோமிக் சன்ரூஃப் வழங்கப்பட்டு இருக்கிறது.

இந்திய சந்தையில் மெர்சிடிஸ் பென்ஸ் EQE மாடல் முழுமையாக லோட்-செய்யப்பட்ட ஒற்றை வேரியண்டில் கிடைக்கிறது. இது EQE 500 பிளஸ் 4 மேடிக் என்று அழைக்கப்படுகிறது. இந்த கார் முழு சார்ஜ் செய்தால் 550 கிலோமீட்டர்கள் வரையிலான ரேன்ஜ் வழங்குகிறது. இந்த எலெக்ட்ரிக் காரில் 90.5 கிலோவாட் ஹவர் பேட்டரி வழங்கப்பட்டு இருக்கிறது. இத்துடன் வழங்கப்பட்டு இருக்கும் எலெக்ட்ரிக் மோட்டார் 408 ஹெச்.பி. பவர், 858 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

டாடா மோட்டார்ஸ் நிறுவனம் தனது நெக்சான் EV ஃபேஸ்லிஃப்ட் மாடலுக்கான இந்திய விலை விவரங்களை அதிகாரப்பூர்வமாக அறிவித்து இருக்கிறது. அந்த வகையில் புதிய நெக்சான் EV ஃபேஸ்லிஃப்ட் மாடல் விலை ரூ. 14 லட்சத்து 74 ஆயிரம், எக்ஸ்-ஷோரூம் என்று துவங்குகிறது. இதன் டாப் எண்ட் மாடல் விலை ரூ. 19 லட்சத்து 94 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

கடந்த வாரம் நெக்சான் EV ஃபேஸ்லிஃப்ட் மாடலுக்கான முன்பதிவுகளை டாடா மோட்டார்ஸ் நிறுவனம் துவங்கியது. இந்த காருக்கான முன்பதிவு கட்டணம் ரூ. 21 ஆயிரம் என்று நிர்ணயம் செய்யப்பட்டு உள்ளது. முன்பதிவு அதிகாரப்பூர்வ ஷோரூம் மற்றும் ஆன்லைன் வலைத்தளங்களில் நடைபெறுகிறது.

இந்திய சந்தையில் புதிய டாடா நெக்சான் EV ஃபேஸ்லிஃப்ட் மாடல் கிரியேடிவ் பிளஸ், ஃபியர்லெஸ், ஃபியர்லெஸ் பிளஸ், ஃபியர்லெஸ் பிளஸ் எஸ், எம்பவர்டு மற்றும் எம்பவர்டு பிளஸ் என ஆறு வேரியண்ட்களில் கிடைக்கிறது. இந்த கார் மொத்தத்தில் ஏழுவித நிறங்களில் கிடைக்கிறது.

அம்சங்களை பொருத்தவரை நெக்சான் EV ஃபேஸ்லிஃப்ட் மாடலில் 12.3 இன்ச் அளவு கொண்ட டச்-ஸ்கிரீன் இன்ஃபோடெயின்மெண்ட் சிஸ்டம், வயர்லெஸ் மொபைல் கனெக்டிவிட்டி, டிஜிட்டல் இன்ஸ்ட்ரூமெண்ட் கிளஸ்டர், பேடில் ஷிஃப்டர்கள், 2-ஸ்போக் ஸ்டீரிங் வீல், எலெக்ட்ரிக் சன்ரூஃப் வழங்கப்பட்டு இருக்கிறது. இத்துடன் கூல்டு குளோவ் பாக்ஸ், 360 டிகிரி கேமரா, ஜெ.பி.எல். பிராண்டின் 9-ஸ்பீக்கர்கள் கொண்ட மியூசிக் சிஸ்டசம், வயர்லெஸ் சார்ஜர் வழங்கப்படுகிறது.

டாடா நெக்சான் EV ஃபேஸ்லிஃப்ட் மாடல் மீடியம் ரேன்ஜ் மற்றும் லாங் ரேன்ஜ் என இரண்டு வித பேட்டரி பேக் ஆப்ஷன்களில் கிடைக்கிறது. இவைகளில் முறையே 30 கிலோவாட் ஹவர் மற்றும் 40.5 கிலோவாட் ஹவர் என இருவித பேட்டரி பேக் ஆப்ஷன்களில் கிடைக்கிறது. இவை முறையே 325 கிலோமீட்டர்கள் மற்றும் 465 கிலோமீட்டர்கள் வரையிலான ரேன்ஜ் வழங்குகிறது.

புதிய டாடா நெக்சான் EV ஃபேஸ்லிஃப்ட் மாடல் மணிக்கு 100 கிலோமீட்டர் வேகத்தை 8.9 நொடிகளில் எட்டிவிடும். மேலும் மணிக்கு அதிகபட்சம் 150 கிலோமீட்டர் வேகத்தில் செல்லும் திறன் கொண்டிருக்கிறது.

ரெனால்ட் இந்தியா நிறுவனம் தனது குவிட், கைகர் மற்றும் டிரைபர் மாடல்களின் அர்பன் நைட் லிமிடெட் எடிஷன் மாடல்களை இந்திய சந்தையில் அறிமுகம் செய்து இருக்கிறது. புதிய ஸ்பெஷல் எடிஷன் மாடல்களின் விலை இவற்றின் ஸ்டான்டர்டு வேரியண்ட்களை விட அதிகம் ஆகும்.

லிமிடெட் எடிஷன் என்பதால், இந்த காரின் ஒவ்வொரு மாடலிலும் 300 யூனிட்கள் மட்டுமே விற்பனை செய்யப்படும். அர்பன் நைட் லிமிடெட் எடிஷன் கார்கள் ஸ்டெல்த் பிளாக் வெளிப்புற நிறமும், ஸ்டார்டஸ்ட் சில்வர் நிற அக்செண்ட்கள் செய்யப்பட்டு உள்ளன.

இத்துடன் ஸ்மார்ட் மிரர் மாணிட்டர், மேம்பட்ட ஆம்பியண்ட் லைட்டிங், இலுமினேட் செய்யப்பட்ட ஸ்கஃப் பிளேட், படில் லேம்ப்கள் வழங்கப்பட்டு உள்ளன. ரெனால்ட் குவிட் அர்பன் நைட் லிமிடெட் எடிஷன் மாடல் விலை ரூ. 6 ஆயிரத்து 999 வரையிலும், கைகர் மற்றும் டிரைபர் மாடல்களின் லிமிடெட் எடிஷன் மாடல் விலை ரூ. 14 ஆயிரத்து 999 வரையிலும் அதிகரித்து இருக்கிறது. 

கியா நிறுவனம் கடந்த ஆண்டு தனது EV5 எலெக்ட்ரிக் காரின் கான்செப்ட் வெர்ஷனை காட்சிக்கு வைத்தது. தற்போது இந்த மாடல் சீனாவில் நடைபெற்ற செங்டு மோட்டார் விழாவில் எலெக்ட்ரிக் எஸ்.யு.வி.-யாக அறிமுகம் செய்யப்பட்டு இருக்கிறது. கியா நிறுவனத்தின் மூன்றாவது எலெக்ட்ரிக் கார் மாடலாக புதிய EV5 மாடல் அறிமுகம் செய்யப்பட்டுள்ளது.

முன்னதாக கியா நிறுவனம் EV6 மற்றும் EV9 போன்ற மாடல்களை விற்பனை செய்து வருவது குறிப்பிடத்தக்கது. ஸ்டைலிங்கை பொருத்தவரை கியா EV5 தோற்றத்தில் EV9 போன்றே காட்சியளிக்கிறது. இதில் அப்ரைட் பொனெட், டைகர்-நோஸ் முன்புற தோற்றம், மெல்லிய எல்.இ.டி. ஹெட்லைட்கள், எல்.இ.டி. டி.ஆர்.எல்.-கள், ஃபிளஷ் டோர் ஹேன்டில்கள், பெரிய பானரோமிக் சன்ரூஃப் வழங்கப்பட்டு உள்ளது.

இத்துடன் ஆங்குலர் அலாய் வீல்கள், சற்றே பிரமாண்ட லேயர் பாடி கிளாடிங், ராப்-அரவுண்ட் எல்.இ.டி. டெயில் லேம்ப்கள் மற்றும் செட்-பேக் டி-பில்லர் வழங்கப்பட்டு இருக்கிறது. உள்புறத்தில் ராப்-அரவுண்ட் டிஜிட்டல் பேனல், டிஜிட்டல் டிரைவர் டிஸ்ப்ளே, இன்ஃபோடெயின்மெண்ட் ஸ்கிரீன், 64 நிற ஆப்ஷன்களில் ஆம்பியண்ட் லைட்டிங், பென்ச் ரக சீட்கள், மடிக்கக்கூடிய ரியர் சீட்கள் வழங்கப்பட்டுள்ளன.

புதிய EV5 மாடலுக்கான தொழில்நுட்ப அம்சங்கள் பற்றி இதுவரை எந்த தகவலும் இல்லை. எனினும், கியா EV6 மாடலில் இருப்பதை போன்ற அம்சங்கள் இந்த மாடலிலும் வழங்கப்படும் என்று எதிர்பார்க்கலாம். இந்த கார் RWD மற்றும் AWD என இருவித வேரியண்ட்களில் கிடைக்கும் என்று தெரிகிறது. இவற்றில் முறையே 77.4 கிலோவாட் ஹவர் பேட்டரி வழங்கப்படலாம்.

இதில் RWD வேரியண்ட் 224 ஹெச்.பி. பவர், 350 நியூட்டன் மீட்டர் டார்க் இழுவிசையை வெளிப்படுத்தும் திறன், AWD வேரியண்ட் 320 ஹெச்.பி. பவர், 605 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கும் என்று எதிர்பார்க்கப்படுகிறது.