கார்

மெர்சிடிஸ் பென்ஸ் நிறுவனத்தின் டாப் எண்ட் மாடல்களுக்கு இந்திய சந்தையில் அமோக வரவேற்பு கிடைத்து வருகிறது. இந்த ஆண்டின் முதல் அரையாண்டு காலக்கட்டத்தில் மட்டும் GLS, S கிளாஸ், S கிளாஸ் மேபேக், GLS மேபேக் மற்றும் G கிளாஸ் போன்ற மாடல்கள் விற்பனையில் 54 சதவீத வளர்ச்சியை பதிவு செய்துள்ளன.

மேலும், சமீபத்தில் அறிமுகம் செய்யப்பட்ட மெர்சிடிஸ் AMG G 63 கிராண்ட் எடிஷன் மாடல் விற்பனை துவங்கிய சில நிமிடங்களில் விற்றுத் தீர்ந்ததாக மெர்சிடிஸ் பென்ஸ் இந்தியா நிர்வாக இயக்குனர் மற்றம் தலைமை செயல் அதிகாரி சந்தோஷ் அய்யர் தெரிவித்து இருக்கிறார். ரூ. 4 கோடி மதிப்பிலான AMG G 63 கிராண்ட் எடிஷன் மாடலின் 25 யூனிட்களும் வெறும் ஆறே நிமிடங்களில் விற்று தீர்ந்தது என அவர் தெரிவித்தார்.

மெர்சிடிஸ் AMG G 63 கிராண்ட் எடிஷனின் கூடுதல் யூனிட்களை இந்தியா கொண்டுவர கிட்டத்தட்ட 90 வாடிக்கையாளர்கள் கோரிக்கை விடுத்துள்ளதாக சந்தோஷ் அய்யர் மேலும் தெரிவித்து உள்ளார். இந்த ஆண்டு செப்டம்பர் வரையிலான காலக்கட்டத்தில் மட்டும் மெர்சிடிஸ் நிறுவனம் 12 ஆயிரத்து 768 யூனிட்களை விற்பனை செய்து இருக்கிறது.

இது 2022 ஆண்டுடன் ஒப்பிடும் போது 11 சதவீதம் அதிகம் ஆகும். கடந்த ஆண்டு மெர்சிடிஸ் பென்ஸ் நிறுவனம் 15 ஆயிரத்து 822 யூனிட்களை விற்பனை செய்து இருந்தது. இந்த ஆண்டு விற்பனை செய்யப்பட்ட 12 ஆயிரத்து 768 யூனிட்களில் 25 சதவீத யூனிட்கள் டாப் எண்ட் மாடல்கள் என்பது குறிப்பிடத்தக்கது.

நிசான் இந்தியா நிறுவனம் தனது அதிகம் எதிர்பார்க்கப்பட்ட மேக்னைட் AMT மாடல் விலையை அதிகாரப்பூர்வமாக அறிவித்து இருக்கிறது. இந்திய சந்தையில் நிசான் மேக்னைட் AMT விலை ரூ. 6 லட்சத்து 49 ஆயிரத்து 900, எக்ஸ்-ஷோரூம் என்று துவங்குகிறது. இது அறிமுக விலை என்றும் நவம்பர் 10-ம் தேதிக்கு பிறகு, இந்த விலை மாற்றப்படும் என்றும் நிசான் தெரிவித்து உள்ளது.

இந்திய சந்தையில் நிசான் மேக்னைட் மாடல் XE, XL, XV மற்றும் XV பிரீமியம் என நான்கு வேரியண்ட்களில் கிடைக்கிறது. இத்துடன் கியூரோ ஸ்பெஷல் எடிஷன் மாடலும் விற்பனை செய்யப்படுகிறது. இந்த டிரான்ஸ்மிஷனுடன் 1.0 லிட்டர் NA பெட்ரோல் என்ஜின் வழங்கப்பட்டு இருக்கிறது.

இந்த என்ஜின் 71 ஹெச்.பி. பவர், 96 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. நிசான் மேக்னைட்-இல் இந்த என்ஜின் லிட்டருக்கு 19.70 கிலோமீட்டர்கள் வரையிலான மைலேஜ் வழங்கும் என்று ARAI சான்று பெற்று இருக்கிறது.

சமீபத்தில் தான் நிசான் நிறுவனம் மேக்னைட் கியூரோ ஸ்பெஷல் எடிஷன் மாடலை இந்திய சந்தையில் அறிமுகம் செய்தது. இதன் விலை ரூ. 8 லட்சத்து 27 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. இது மேக்னைட் XV வேரியண்டை தழுவி உருவாக்கப்பட்டு இருக்கிறது.

எம்.ஜி. மோட்டார்ஸ் நிறுவனம் தனது ZS EV எலெக்ட்ரிக் எஸ்.யு.வி. மாடலின் விலையை மாற்றியமைத்து இருக்கிறது. புதிய விலை மாற்றத்தின் படி எம்.ஜி. ZS EV மாடலின் விலை தற்போது குறைந்துள்ளது. இதனால் எம்.ஜி. ZS EV மாடல் விலை ரூ. 22 லட்சத்து 88 ஆயிரம், எக்ஸ்-ஷோரூம் என்று துவங்குகிறது.

எம்.ஜி. ZS EV மாடல்: எக்சைட், எக்ஸ்க்லுசிவ் மற்றும் எக்ஸ்க்லுசிவ் ப்ரோ மூன்று வேரியண்ட்களில் கிடைக்கிறது. இவற்றில் எக்சைட் வேரியண்ட் விலை ரூ. 50 ஆயிரமும், எக்ஸ்க்லுசிவ் மற்றும் எக்ஸ்க்லுசிவ் ப்ரோ வேரியண்ட்களின் விலை முறையே ரூ. 2 லட்சத்து 30 ஆயிரம் மற்றும் ரூ. 2 லட்சம் வரை குறைக்கப்பட்டு இருக்கிறது.

முழுமையான எலெக்ட்ரிக் எஸ்.யு.வி. என்ற அடிப்படையில், எம்.ஜி. ZS EV மாடலில் 50.3 கிலோவாட் ஹவர் பேட்டரி பேக், சிங்கில் மோட்டார் செட்டப் வழங்கப்பட்டு இருக்கிறது. இந்த மோட்டார் 174 ஹெச்.பி. பவர், 280 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த கார் முழு சார்ஜ் செய்தால் 419 கிலோமீட்டர்கள் வரையிலான ரேன்ஜ் வழங்குகிறது.

புதிய விலை விவரங்கள்:

எக்சைட் ரூ. 22 லட்சத்து 88 ஆயிரம்

எக்ஸ்க்லுசிவ் ரூ. 24 லட்சத்து 99 ஆயிரத்து 800

எக்ஸ்க்லுசிவ் ஐகானிக் ஐவரி ரூ. 25 லட்சத்து 09 ஆயிரத்து 800

எக்ஸ்க்லுசிவ் ப்ரோ ரூ. 25 லட்சத்து 89 ஆயிரத்து 800

எக்ஸ்க்லூசிவ் ப்ரோ ஐகானிக் ஐவரி ரூ. 25 லட்சத்து 99 ஆயிரத்து 800

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

கியா இந்தியா நிறுவனம் தனது கரென்ஸ் எம்.பி.வி. மாடலின் வேரியண்ட்களை அப்டேட் செய்து இருக்கிறது. இந்திய சந்தையில் புதிதாக கரென்ஸ் X லைன் வேரியண்ட் பெட்ரோல் மற்றும் டீசல் ஆப்ஷன்களில் அறிமுகம் செய்யப்பட்டு இருக்கிறது. இவற்றின் விலை முறையே ரூ. 18 லட்சத்து 94 ஆயிரம் மற்றும் ரூ. 19 லட்சத்து 45 ஆயிரம் என்று நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

புதிய வேரியண்டில் டாப் எண்ட் மாடல் ஆறு பேர் அமரும் இருக்கை அமைப்பில் மட்டுமே கிடைக்கிறது. கியா கரென்ஸ் X லைன் வேரியண்ட் பெட்ரோல் மற்றும் டீசல் என்ஜின் ஆப்ஷன்களிலும், 7 ஸ்பீடு DCT மற்றும் 6 ஸ்பீடூ ஆட்டோமேடிக் டிரான்ஸ்மிஷன் ஆப்ஷன்களிலும் கிடைக்கிறது. இந்த காரின் வெளிப்புறம் மேட் கிராஃபைட், கிளாஸ் பிளாக் ஃபினிஷ் செய்யப்பட்டு உள்ளது.

கியா கரென்ஸ் X லைன் மாடல் டூயல் டோன் 16 இன்ச் க்ரிஸ்டல் கட் அலாய் வீல்களுடன் கிடைக்கிறது. காரின் உள்புறம் ஸ்பிலென்டிட் சேஜ் கிரீன் மற்றும் டூ-டோன் பிளாக் என இருவித இன்டீரியர் தீம் ஆப்ஷன்களை கொண்டிருக்கிறது. இதில் உள்ள இன்ஃபோடெயின்மெண்ட் யூனிட்-ஐ ஸ்மார்ட்போன் ஆப் மூலம் இயக்க முடியும்.

புதிய கியா கரென்ஸ் X லைன் மாடல் 1.5 லிட்டர் டர்போ பெட்ரோல், 1.5 லிட்டர் டீசல் என்ஜின் ஆப்ஷன்களில் கிடைக்கிறது. இதன் டர்போ பெட்ரோல் வெர்ஷனில் 7 ஸ்பீடு டி.சி.டி. கியர்பாக்ஸ் வழங்கப்படுகிறது. இந்த என்ஜின் 158 ஹெச்.பி. பவர், 253 நியூட்டன் மீட்டர் டார்க் இழுவிசையை வெளிப்படுத்துகிறது.

1.5 லிட்டர் டீசல் என்ஜின் 113 ஹெச்.பி. பவர், 250 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு ஆட்டோமேடிக் டிரான்ஸ்மிஷன் யூனிட் வழங்கப்படுகிறது.

மஹிந்திரா நிறுவனம் தனது அதிகம் விற்பனையாகி வரும் பொலிரோ நியோ மாடல் விலையை மாற்றுகிறது. நான்கு வேரியண்ட்களில் கிடைக்கும் மஹிந்திரா பொலிரோ நியோ மாடலின் விலை தற்போது ரூ. 1,505 வரை அதிகரித்து இருக்கிறது.

புதிய விலை விவரம்:

மஹிந்திரா பொலிரோ நியோ N4 ரூ. 9 லட்சத்து 63 ஆயிரத்து 300

மஹிந்திரா பொலிரோ நியோ N8 ரூ. 10 லட்சத்து 16 ஆயிரத்து 500

மஹிந்திரா பொலிரோ நியோ N10 ரூ. 11 லட்சத்து 37 ஆயிரத்து 499

மஹிந்திரா பொலிரோ நியோ N10 (O) ரூ. 12 லட்சத்து 15 ஆயிரத்து 499

அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு உள்ளது.

மஹிந்திரா பொலிரோ நியோ மாடலில் பி.எஸ். 6-2 விதிகளுக்கு பொருந்தும் வகையிலான டீசல் என்ஜின் வழங்கப்பட்டு இருக்கிறது. இந்த என்ஜின் 100 ஹெச்.பி. பவர், 260 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 5 ஸ்பீடு மேனுவல் டிரான்ஸ்மிஷன் வழங்கப்படுகிறது.

டொயோட்டா கிர்லோஸ்கர் மோட்டார் நிறுவனம் தனது ருமியன் எம்.பி.வி. மாடலின் CNG வேரியண்ட் முன்பதிவை தற்காலிகமாக நிறுத்தி இருக்கிறது. இந்த எம்.பி.வி. மாடலுக்கான வரவேற்பு தொடர்ந்து அதிகரித்து வருவதால், வினியோகத்திற்கான காத்திருப்பு காலம் அதிகரித்துவிட்டது. இதன் காரணமாகவே இந்த காருக்கான முன்பதிவு நிறுத்தப்பட்டு இருக்கிறது.

தற்போது CNG வேரியண்ட் முன்பதிவு மட்டுமே தற்காலிகமாக நிறுத்தப்பட்டு இருக்கிறது. இதன் காரணமாக ருமியன் பெட்ரோல் வேரியண்ட் வாங்க விரும்புவோர், முன்பதிவு செய்ய முடியும். டொயோட்டா ருமியன் எம்.பி.வி. மாடல் மாருதி சுசுகி எர்டிகா காரின் ரிபேட்ஜ் செய்யப்பட்ட வேரியண்ட் என்பது குறிப்பிடத்தக்கது.

இந்திய சந்தையில் டொயோட்டா ருமியன் மாடல் S, G மற்றும் V என மூன்று வேரியண்ட்களில் கிடைக்கிறது. இத்துடன் ஸ்பன்கி புளூ, கஃபே வைட், என்டைசிங் சில்வர், ஐகானிக் கிரே மற்றும் ரஸ்டிக் பிரவுன் என ஐந்து விதமான நிறங்களில் கிடைக்கிறது.

டொயோட்டா ருமியன் எம்.பி.வி. மாடலில் 1.5 லிட்டர் NA பெட்ரோல் என்ஜின் உள்ளது. இந்த என்ஜின் 102 ஹெச்.பி. பவர், 136.8 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 5 ஸ்பீடு மேனுவல் கியர்பாக்ஸ் மற்றும் 6 ஸ்பீடு டார்க் கன்வெர்ட்டர் யூனிட் வழங்கப்படுகிறது.

ஹூண்டாய் மோட்டார் இந்தியா நிறுவனம் சமீபத்தில் தான் i20 ஃபேஸ்லிஃப்ட் மாடலை இந்திய சந்தையில் அறிமுகம் செய்தது. தற்போது இந்த வரிசையில், புதிய i20 காரின் N லைன் வேரியண்ட் இந்தியாவில் அறிமுகம் செய்யப்பட்டு உள்ளது. புதிய ஹூண்டாய் i20 N லைன் வேரியண்ட் விலை ரூ. 9 லட்சத்து 99 ஆயிரம், எக்ஸ்-ஷோரூம் என்று துவங்குகிறது.

2023 ஹூண்டாய் i20 N லைன் மாடல் N6 மற்றும் N8 என இரண்டு வேரியண்ட்களில் கிடைக்கிறது. இவை இரண்டிலும் மேனுவல் மற்றும் ஆட்டோமேடிக் கியர்பாக்ஸ் ஆப்ஷன்கள் வழங்கப்படுகின்றன. இத்துடன் காரில் போஸ் பிரீமியம் 7 ஸ்பீக்கர் சிஸ்டம், 127 எம்பெட் செய்யப்பட்ட வி.ஆர். கமாண்ட்கள், ஓ.டி.ஏ. அப்டேட்கள், வாய்ஸ் கமாண்ட், 60-க்கும் அதிக கனெக்டெட் கார் அம்சங்கள் வழங்கப்படுகின்றன.

ஃபேஸ்லிஃப்ட் செய்யப்பட்ட i20 N லைன் வேரியண்ட் ஐந்து மோனோடோன் மற்றும் இரண்டு டூயல்-டோன் நிற ஆப்ஷன்களில் கிடைக்கிறது. இதில் அபைஸ் பிளாக், அட்லஸ் வைட், டைட்டன் கிரே, தண்டர் புளூ மற்றும் ஸ்டேரி நைட் உள்ளிட்டவை மோனோ-டோன் ஆப்ஷனிலும், அட்லஸ் வைட் மற்றும் தண்டர் புளூ இரண்டு நிறங்களுடன் அபைஸ் பிளாக் ரூஃப் டூயல்-டோன் ஆப்ஷனில் கிடைக்கின்றன.

ஹூண்டாய் i20 N லைன் மாடலில் 1.0 லிட்டர் டர்போ பெட்ரோல் என்ஜின் வழங்கப்பட்டு இருக்கிறது. இந்த என்ஜின் 118 ஹெச்.பி. பவர், 172 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு மேனுவல் கியர்பாக்ஸ், 7 ஸ்பீடு டூயல்-கிளட்ச் டிரான்ஸ்மிஷன் வழங்கப்படுகிறது.

இந்திய சந்தையில் 2023 ஹூண்டாய் i20 N லைன் மாடலின் விலை ரூ. 9 லட்சத்து 99 ஆயிரம் என்று துவங்கும் நிலையில், இதன் டாப் எண்ட் மாடல் விலை ரூ. 12 லட்சத்து 31 ஆயிரம் என்று நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு உள்ளது.

ஜீப் நிறுவனத்தின் காம்பஸ் 2WD ஆட்டோமேடிக் மாடல் இந்திய சந்தையில் அறிமுகம் செய்யப்பட்டு இருக்கிறது. புதிய காம்பஸ் ஃபேஸ்லிஃப்ட் மாடலின் விலை ரூ. 23 லட்சத்து 99 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

புதிய ஜீப் காம்பஸ் ஃபேஸ்லிஃப்ட் மாடலின் 2WD வெர்ஷனில் 2.0 லிட்டர் மல்டிஜெட் டீசல் என்ஜின் வழங்கப்பட்டு இருக்கிறது. இந்த என்ஜின் 168 ஹெச்.பி. பவர், 350 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இதில் ஆட்டோமேடிக் 9 ஸ்பீடு யூனிட் உள்ளது. இதே யூனிட் தான் 4WD AT மாடல்களிலும் வழங்கப்பட்டு இருக்கிறது.

ஜீப் காம்பஸ் 2WD ஆட்டோமேடிக் மாடல் மணிக்கு 100 கிலோமீட்டர் வேகத்தை 9.8 நொடிகளில் எட்டிவிடும். அந்த வகையில், இந்த பிரிவில் அதிவேக மாடல் என்ற பெருமையை பெற்று இருக்கிறது. இத்துடன் பிளாக் ஷார்க் பேக்கேஜ் காரின் வெளிப்புறம் 18-இன்ச் பிளாக்டு-அவுட் வீல்கள், கிளாஸ் பிளாக் கிரில் மற்றும் பிளாக் இன்சர்ட்கள் வழங்கப்பட்டு உள்ளன.

காரின் உள்புறம் ஆல் பிளாக் ஃபினிஷ் மற்றும் ரெட் இன்சர்ட்கள் வழங்கப்பட்டு உள்ளன. இத்துடன் பானரோமிக் சன்ரூஃப், வயர்லெஸ் சார்ஜிங், கனெக்டெட் கார் தொழில்நுட்பம் வழங்கப்பட்டு இருக்கிறது. இந்த வேரியண்ட் லிட்டருக்கு 16.2 கிலோமீட்டர்கள் வரையிலான மேலைஜ் வழங்கும் என்று ARAI சான்று பெற்று இருக்கிறது.

டாடா மோட்டார்ஸ் நிறுவனத்தின் நெக்சான் ஃபேஸ்லிஃப்ட் மாடல் இந்திய சந்தையில் அறிமுகம் செய்யப்பட்டு இருக்கிறது. இந்த காருக்கான முன்பதிவு செப்டம்பர் 4-ம் தேதி துவங்கியது. முன்பதிவு கட்டணம் ரூ. 21 ஆயிரம் ஆகும். நெக்சான் ஃபேஸ்லிப்ட் மாடலுக்கான முன்பதிவு ஏற்கனவே துவங்கிவிட்ட நிலையில், தற்போது இதன் விலை அறிவிக்கப்பட்டு இருக்கிறது.

அதன்படி டாடா நெக்சான் ஃபேஸ்லிஃப்ட் மாடலின் விலை ரூ. 8 லட்சத்து 10 ஆயிரம் என்று துவங்குகிறது. இந்த காரின் டாப் எண்ட் மாடல் விலை ரூ. 13 லட்சம் என்று நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது. புதிய நெக்சான் ஃபேஸ்லிஃப்ட் மாடல் 11 வேரியண்ட்கள் மற்றும் ஆறு வித்தியாசமான நிறங்களிலும் கிடைக்கிறது.

புதிய ஃபேஸ்லிஃப்ட் மாடலில் ஸ்ப்லிட் ரக எல்.இ.டி. ஹெட்லேம்ப், சீக்வன்ஷூவல் இண்டிகேட்டர்கள் பொனெட்டின் இருபுறமும் வைக்கப்பட்டு இருக்கிறது. பக்கவாட்டில் புதிய அலாய் வீல்கள், முற்றிலும் புதிய நிறத்தில் கிடைக்கிறது.

நெக்சான் ஃபேஸ்லிஃப்ட் மாடலுக்கான கிரவுண்ட் கிளியரன்ஸ் 208mm ஆக இருக்கிறது. காரின் பின்புறத்தில் எல்.இ.டி. டெயில் லேம்ப்கள் உள்ளது. இத்துடன் இலுமினேட் செய்யப்பட்ட ஸ்ட்ரிப் வழங்கப்பட்டு உள்ளது. இதில் உள்ள பம்ப்பர் ரி-ப்ரோஃபைல் செய்யப்பட்டு செங்குத்தாக பொருத்தப்பட்டு இருக்கிறது.

இதில் உள்ள டிஜிட்டல் இன்ஸ்ட்ரூமென்ட் கிளஸ்டரை முழுமையாக கஸ்டமைஸ் செய்து கொள்ள முடியும். இத்துடன் வென்டிலேட் செய்யப்பட்ட இருக்கைகள், உயரத்தை அட்ஜஸ்ட் செய்து கொள்ளும் இருக்கைகள் (ஓட்டுனர் மற்றும் அவரின் அருகில் இருப்பவைக்கு மட்டும்) வழங்கப்பட்டு இருக்கிறது.

2023 டாடா நெக்சான் ஃபேஸ்லிஃப்ட் மாடலில் 1.2 லிட்டர் பெட்ரோல் மற்றும் 1.5 லிட்டர் டீசல் என்ஜின் ஆப்ஷன்கள் வழங்கப்பட்டு இருக்கிறது. இதன் பெட்ரோல் என்ஜின் 118 ஹெச்.பி. பவர், 170 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு மேனுவல், AMT கியர்பாக்ஸ் மற்றும் 7 ஸ்பீடு DCT யூனிட் மற்றும் ஷிஃப்ட் பை வயர் தொழில்நுட்பம் வழங்கப்பட்டு இருக்கிறது.

இதில் உள்ள 1.5 லிட்டர் டீசல் என்ஜின் 113 ஹெச்.பி. பவர், 260 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு மேனுவல் அல்லது AMT யூனிட் வழங்கப்பட்டு உள்ளது. 

மஹிந்திரா நிறுவனம் தனது கார் மாடல்களுக்கு அசத்தல் தள்ளுபடி மற்றும் சலுகைகளை அறிவித்து இருக்கிறது. சலுகை மற்றும் தள்ளுபடிகள் XUV400, மராசோ, XUV300, பொலிரோ மற்றும் பொலிரோ நியோ மாடல்களுக்கு வழங்கப்படுகிறது. தார், ஸ்கார்பியோ N, XUV700 போன்ற மாடல்களுக்கு எந்த பலன்களும் வழங்கப்படவில்லை.

சலுகைகளின் படி XUV400 மாடலுக்கு ரூ. 1 லட்சத்து 25 ஆயிரம் வரையிலான தள்ளுபடி வழங்கப்படுகிறது. இந்திய சந்தையில் மஹிந்திரா XUV400 மாடல் EC மற்றும் EL என இரண்டு வேரியண்ட்களில் கிடைக்கிறது. இவை முறையே 375 மற்றும் 456 கிலோமீட்டர்கள் வரையிலான ரேன்ஜ் வழங்குகின்றன. இவற்றின் முன்புறம் உள்ள எலெக்ட்ரிக் மோட்டார் 150 ஹெச்.பி. பவர், 310 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

மஹிந்திரா மராசோ மாடலுக்கு ரூ. 73 ஆயிரம் வரையிலான தள்ளுபடி வழங்கப்படுகிறது. இந்த மாடல் 1.5 லிட்டர், நான்கு சிலிண்டர்கள் கொண்ட டீசல் என்ஜின் கொண்டிருக்கிறது. இது 123 ஹெச்.பி. பவர், 300 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு மேனுவல் கியர்பாக்ஸ் வழங்கப்படுகிறது.

மஹிந்திரா XUV300 மாடலுக்கு வேரியண்ட்களை பொருத்து ரூ. 46 ஆயிரத்தில் துவங்கி அதிகபட்சம் ரூ. 71 ஆயிரம் வரையிலான பலன்கள் வழங்கப்படுகின்றன. பொலிரோ நியோ மாடலுக்கு ரூ. 35 ஆயிரம் வரையிலான தள்ளுபடி, ரூ. 15 ஆயிரம் மதிப்புள்ள அக்சஸரீக்கள் வழங்கப்படுகின்றன. மஹிந்திரா பொலிரோ மாடலுக்கு ரூ. 60 ஆயிரம் வரையிலான பலன்கள் வழங்கப்படுகிறது. 

மஹிந்திரா நிறுவனம் அடுத்த மூன்று ஆண்டுகளுக்குள் ஐந்து புதிய எலெக்ட்ரிக் எஸ்.யு.வி. மாடல்களை அறிமுகம் செய்ய திட்டமிட்டுள்ளது. இவை XUV.e8, XUV.e9, BE.05, BE Rall-E மற்றும் BE.07 பெயர்களில் விற்பனை செய்யப்படும் என்று தெரிகிறது.

இதில் முதல் மாடல் அடுத்த ஆண்டு டிசம்பர் மாத வாக்கில் அறிமுகம் செய்யப்படலாம். இந்த நிலையில், மஹிந்திரா நிறுவனம் புதிய எலெக்ட்ரிக் மாடல்களுக்கான டீசரை வெளியிட்டு உள்ளது. இந்த டீசரில், XUV.e9, BE.05 மற்றும் XUV.e8 மாடல்கள் இடம்பெற்றுள்ளன.

இதில் புதிய எலெக்ட்ரிக் கார்களில் ஃபிலஷ்-ஃபிட் டோர் ஹேண்டில்கள், எல் வடிவம் கொண்ட எல்.இ.டி. டி.ஆர்.எல்.-கள், முழுமையான டிஜிட்டல் இன்ஸ்ட்ரூமெண்ட் கன்சோல் வழங்கப்படுகிறது. இத்துடன் BE.05 மற்றும் XUV.e9 கார்களில் எல்.இ.டி. லைட் பார் மற்றும் பானரோமிக் சன்ரூஃப் வழங்கப்படும் என்று தெரியவந்துள்ளது.

முன்னதாக மஹிந்திரா நிறுவனம் தனது தார் மற்றும் ஸ்கார்பியோ சார்ந்த பிக்-அப் டிரக் மாடல்களின் எலெக்ட்ரிக் வெர்ஷனை காட்சிக்கு வைத்து இருந்தது. இவை தார்.இ மற்றும் குளோபல் பிக்-அப் என்று அழைக்கப்படுகின்றன. இதுதவிர மஹிந்திரா நிறுவனம் தனது தார் (5 கதவுகள் கொண்ட மாடல்) மற்றும் XUV300 ஃபேஸ்லிஃப்ட் மாடல்களை டெஸ்டிங் செய்து வருகிறது.

டாடா நெக்சான் EV ஃபேஸ்லிஃப்ட் மாடல் விவரங்கள் கடந்த சில நாட்களுக்கு முன்பு அறிவிக்கப்பட்டது. தற்போது இந்த காருக்கான முன்பதிவுகளை டாடா மோட்டார்ஸ் நிறுவனம் துவங்கி இருக்கிறது. அந்த வகையில் டாடா நெக்சான் EV ஃபேஸ்லிஃப்ட் மாடலுக்கான முன்பதிவு கட்டணம் ரூ. 21 ஆயிரம் என்று நிர்ணயம் செய்யப்பட்டு உள்ளது. முன்பதிவு அதிகாரப்பூர்வ ஷோரூம் மற்றும் ஆன்லைன் வலைத்தளங்களில் நடைபெறுகிறது.

இந்திய சந்தையில் புதிய டாடா நெக்சான் EV ஃபேஸ்லிஃப்ட் மாடல் கிரியேடிவ் பிளஸ், ஃபியர்லெஸ், ஃபியர்லெஸ் பிளஸ், ஃபியர்லெஸ் பிளஸ் எஸ், எம்பவர்டு மற்றும் எம்பவர்டு பிளஸ் என ஆறு வேரியண்ட்களில் கிடைக்கிறது. இந்த கார் மொத்தத்தில் ஏழுவித நிறங்களில் கிடைக்கிறது.

அம்சங்களை பொருத்தவரை நெக்சான் EV ஃபேஸ்லிஃப்ட் மாடலில் 12.3 இன்ச் அளவு கொண்ட டச்-ஸ்கிரீன் இன்ஃபோடெயின்மெண்ட் சிஸ்டம், வயர்லெஸ் மொபைல் கனெக்டிவிட்டி, டிஜிட்டல் இன்ஸ்ட்ரூமெண்ட் கிளஸ்டர், பேடில் ஷிஃப்டர்கள், 2-ஸ்போக் ஸ்டீரிங் வீல், எலெக்ட்ரிக் சன்ரூஃப் வழங்கப்பட்டு இருக்கிறது. இத்துடன் கூல்டு குளோவ் பாக்ஸ், 360 டிகிரி கேமரா, ஜெ.பி.எல். பிராண்டின் 9-ஸ்பீக்கர்கள் கொண்ட மியூசிக் சிஸ்டம், வயர்லெஸ் சார்ஜர் வழங்கப்படுகிறது.

டாடா நெக்சான் EV ஃபேஸ்லிஃப்ட் மாடல் மீடியம் ரேன்ஜ் மற்றும் லாங் ரேன்ஜ் என இரண்டு வித பேட்டரி பேக் ஆப்ஷன்களில் கிடைக்கிறது. இவைகளில் முறையே 30 கிலோவாட் ஹவர் மற்றும் 40.5 கிலோவாட் ஹவர் என இருவித பேட்டரி பேக் வழங்கப்படுகிறது. இவை முறையே 325 கிலோமீட்டர்கள் மற்றும் 465 கிலோமீட்டர்கள் வரையிலான ரேன்ஜ் வழங்குகிறது.

புதிய டாடா நெக்சான் EV ஃபேஸ்லிஃப்ட் மாடல் மணிக்கு 100 கிலோமீட்டர் வேகத்தை 8.9 நொடிகளில் எட்டிவிடும். மேலும் மணிக்கு அதிகபட்சம் 150 கிலோமீட்டர் வேகத்தில் செல்லும் திறன் கொண்டிருக்கிறது.