ஆட்டோமொபைல் செய்திகள்

கவாசகி மோட்டார்ஸ் நிறுவனம் 2022 வெர்சிஸ் 1000 மோட்டார்சைக்கிளை இந்திய சந்தையில் அறிமுகம் செய்தது. புதிய மோட்டார்சைக்கிள் கேண்டி லைம் கிரீன் நிறத்தில் கிடைக்கிறது. இதன் விலை ரூ. 11.55 லட்சம், எக்ஸ்-ஷோரூம் ஆகும். புதிய மோட்டார்சைக்கிள் மாடலுக்கான வினியோகம் நவம்பர் மாத மத்தியில் துவங்குகிறது.

புதிய 2022 வெர்சிஸ் 1000 மோட்டார்சைக்கிளில் 1043சிசி, இன்-லைன், 4 சிலிண்டர், லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 118 பி.ஹெச்.பி. திறன், 102 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்பட்டு உள்ளது.

அம்சங்களை பொருத்தவரை கவாசகியின் 2022 வெர்சிஸ் 1000 மாடலில் குரூயிஸ் கண்ட்ரோல், கவாசகி கார்னெரிங் மேனேஜ்மண்ட், டிராக்‌ஷன் கண்ட்ரோல் சிஸ்டம் மற்றும் ஏ.பி.எஸ். உள்ளிட்டவை வழங்கப்பட்டு இருக்கிறது. புதிய மாடல் கவாசகியின் கே-கேர் பேக்கேஜ் பலன்களை பெறுகிறது.

வோக்ஸ்வேகன் இந்தியா நிறுவனம் தனது டைகுன் எஸ்.யு.வி. மாடல் முன்பதிவு ஒரே மாதத்தில் 18 ஆயிரத்திற்கும் அதிக யூனிட்களை கடந்துள்ளதாக அறிவித்து இருக்கிறது. இந்தியாவில் வோக்ஸ்வேகன் டைகுன் மாடல் ரூ. 10.50 லட்சம், எக்ஸ்-ஷோரூம் விலையில் அறிமுகம் செய்யப்பட்டது.

அறிமுகம் செய்யப்படுவதற்கு முன்பே டைகுன் மாடலை வாங்க சுமார் 12 ஆயிரம் பேர் முன்பதிவு செய்து இருந்தனர். அதன்பின் ஒவ்வொரு நாளும் சுமார் 250-க்கும் அதிக முன்பதிவுகளை டைகுன் கார் பெற்று வருகிறது. முன்பதிவில் நல்ல வரவேற்பு கிடைத்ததை தொடர்ந்து முன்பதிவு தற்காலிகமாக நிறுத்தப்பட்டுள்ளது.

வோக்ஸ்வேகன் டைகுன் மாடலில் 1 லிட்டர், 3 சிலிண்டர், டி.எஸ்.ஐ. பெட்ரோல் என்ஜின், 1.5 லிட்டர், 4 சிலிண்டர், டி.எஸ்.ஐ. பெட்ரோல் என்ஜின் வழங்கப்பட்டு இருக்கிறது. இவை முறையே 115 பி.ஹெச்.பி. திறன், 175 நியூட்டன் மீட்டர் டார்க், 148 பி.ஹெச்.பி. திறன், 250 நியூட்டன் மீட்டர் டார்க் இழுவிசையை வெளிப்படுத்துகின்றன.

ஹூண்டாய் மோட்டார்ஸ் நிறுவனம் 2022 கிரெட்டா பேஸ்லிப்ட் மாடலுக்கான டீசரை வெளியிட்டு இருக்கிறது. டீசரினில் புதிய கிரெட்டா மாடலின் முன்புறம் மற்றும் பக்கவாட்டு பகுதிகள் காணப்படுகிறது. இந்த கார் அடுத்த மாதம் அறிமுகம் செய்யப்படலாம் என எதிர்பார்க்கப்படுகிறது. 

தற்போதைய தகவல்களின்படி புதிய கிரெட்டா பேஸ்லிப்ட் கார் கைகிண்டோ இந்தோனேசியா சர்வதேச ஆட்டோ விழாவில் அறிமுகம் செய்யப்படலாம் என கூறப்படுகிறது. டீசரின் படி புதிய கிரெட்டா பேஸ்லிப்ட் மாடல் எல்.இ.டி. ஹெட்லைட், எல்.இ.டி. டி.ஆர்.எல்.களை கொண்டிருக்கும் என தெரிகிறது. 

புதிய ஹூண்டாய் கிரெட்டா மாடலில் பானரோமிக் சன்ரூப், போஸ் பிரீமியம் சவுண்ட் சிஸ்டம், புதிய 10.25 இன்ச் டி.எப்.டி. எல்.சி.டி. கிளஸ்டர், மேம்பட்ட அம்சங்கள் வழங்கப்படும் என தெரிகிறது. இத்துடன் புளூலின்க் கனெக்டிவிட்டி வழங்கப்படலாம் என்றும் கூறப்படுகிறது.

மஹிந்திரா நிறுவனத்தின் புதிய எக்ஸ்.யு.வி.700 விரைவில் இந்திய சாலைகளில் வலம்வர இருக்கிறது. புதிய பிளாக்‌ஷிப் எஸ்.யு.வி.700 மாடலின் வினியோகம் இந்தியாவில் அக்டோபர் 30 ஆம் தேதி துவங்க இருக்கிறது. கடந்த மாதம் அறிமுகம் செய்யப்பட்டது முதல் புதிய எக்ஸ்.யு.வி.700 வாங்க இதுவரை சுமார் 65 ஆயிரத்திற்கும் அதிகமானோர் முன்பதிவு செய்துள்ளனர்.

முதற்கட்டமாக பெட்ரோல் யூனிட்களை வினியோகம் செய்யப் போவதாக மஹிந்திரா அறிவித்து இருக்கிறது. அடுத்த ஆண்டு ஜனவரி 14 ஆம் தேதிக்குள் குறைந்தபட்சம் 14 ஆயிரம் எக்ஸ்.யு.வி.700 யூனிட்களை வினியோகம் செய்ய மஹிந்திரா திட்டமிட்டு இருக்கிறது. சர்வதேச சந்தையில் ஏற்பட்டுள்ள பெருந்தொற்று காரணமாக வினியோக திட்டத்தில் மாற்றம் செய்யப்படலாம் என்றும் அந்நிறுவனம் அறிவித்து இருக்கிறது.

இந்தியாவில் புதிய மஹிந்திரா எக்ஸ்.யு.வி.700 மாடல் ரூ. 11.99 லட்சம் விலையில் அறிமுகம் செய்யப்பட்டது. இந்த விலை எக்ஸ்.யு.வி.700 மாடலின் முதல் 25 ஆயிரம் யூனிட்களுக்கு மட்டுமே பொருந்தும். தற்போது புதிய எக்ஸ்.யு.வி.700 விலை ரூ. 12.49 லட்சம் என துவங்குகிறது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

 

பஜாஜ் ஆட்டோ நிறுவனம் தனது பல்சர் சீரிசை இந்தியாவில் அப்டேட் செய்தது. இந்திய சந்தையில் பல்சர் என்250 மற்றும் எப்250 என இரண்டு புதிய மோட்டார்சைக்கிள் மாடல்கள் அறிமுகம் செய்யப்பட்டு இருக்கின்றன. இவற்றின் விலை முறையே ரூ. 1.38 லட்சம் மற்றும் ரூ. 1.40 லட்சம் என நிர்ணயம் செய்யப்பட்டுள்ளது. அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

இரு மாடல்களிலும் ஒரே மாதிரியான அம்சங்களே வழங்கப்பட்டு இருக்கின்றன. இவற்றில் 249.07சிசி, சிங்கில் சிலிண்டர், ஏர்/ஆயில் கூல்டு என்ஜின் வழங்கப்பட்டு இருக்கிறது. இந்த என்ஜின் 24 பி.ஹெச்.பி. திறன், 21.5 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 5 ஸ்பீடு கியர்பாக்ஸ் வழங்கப்பட்டுள்ளது.

அம்சங்களை பொருத்தவரை இரு மாடல்களிலும் புல் எல்.இ.டி. லைட்டிங், செமி டிஜிட்டல் இன்ஸ்ட்ரூமெண்ட் கிளஸ்டர், ஸ்ப்லிட்-ஸ்டைல் சீட், சைடு-ஸ்லிங் டூயல் பாரெல் எக்சாஸ்ட், டூயல் சேனல் ஏ.பி.எஸ். உள்ளிட்டவை வழங்கப்பட்டு இருக்கின்றன. 

இந்திய சந்தையில் பஜாஜ் பல்சர் என்250 சுசுகி ஜிக்சர் 250 மற்றும் யமஹா எப்.இசட்.250 போன்ற மாடல்களுக்கு போட்டியாக அமைகிறது. புதிய பஜாஜ் பல்சர் எப்250 மாடல் சுசுகி ஜிக்சர் 250 எஸ்.எப். மற்றும் யமஹா பேசர் 250 போன்ற மாடல்களுக்கு போட்டியாக அமைகிறது.

டாடா பவர் நிறுவனம் நாடு முழுக்க ஆயிரம் எலெக்ட்ரிக் வாகன சார்ஜிங் மையங்களை நிறுவி இருக்கிறது. இத்துடன் நாடு முழுக்க சுமார் 10 ஆயிரம் எலெக்ட்ரிக் வாகன சார்ஜிங் பாயிண்ட்களை நிறுவி இருக்கிறது. இதன் மூலம் எலெக்ட்ரிக் வாகன பயன்பாடு கணிசமான அளவு அதிகரிக்கும்.

நாடு முழுக்க 180 நகரங்களில் டாடா பவர் சார்ஜிங் மையங்கள் செயல்பட்டு வருகின்றன. அலுவலகங்கள், மால்கள், ஓட்டல்கள், ரீடெயில் அவுட்லெட்கள், பொது இடங்கள், மாநில மற்றும் தேசிய நெடுஞ்சாலை உள்ளிட்ட இடங்களில் டாடா பவர் சார்ஜிங் மையங்கள் அமைக்கப்பட்டுள்ளன. 

இந்தியாவில் டாடா மோட்டார்ஸ் நிறுவனம் நெக்சான் இ.வி. மற்றும் டிகோர் இ.வி. மாடல்களை விற்பனை செய்து வருகிறது. மேலும் அடுத்த 18 மாதங்களில் எலெக்ட்ரிக் வாகன பிரிவில் டாடா மோட்டார்ஸ் ரூ. 7,500 கோடி முதலீடு செய்ய இருக்கிறது.

பறக்கும் கார்கள் உருவாக்கப்படுவதை அனைவரும் அறிவோம். பல்வேறு நிறுவனங்கள் பறக்கும் கார்களின் ப்ரோடோடைப் மாடல் வெளியிட்டுள்ளன. தற்போது ஜப்பானில் உலகின் முதல் பறக்கும் பைக் உருவாக்கப்பட்டு இருக்கிறது. இந்த பைக் வானில் பறப்பது மட்டுமின்றி, காற்றில் மிதக்கவும் செய்யும்.

ஜப்பானை சேர்ந்த அலி டெக்னாலஜிஸ் நிறுவனம் பறக்கும் பைக் மாடல்களை உருவாக்கும் பணிகளில் ஈடுபட்டு வருகிறது. தற்போது இந்த பைக் எவ்வாறு இயங்கும் என்பதை விளக்கி வீடியோ ஒன்று வெளியிடப்பட்டு இருக்கிறது. 

இந்த பறக்கும் பைக் எக்ஸ்-டுரிஸ்மோ லிமிடெட் எடிஷன் என அழைக்கப்படுகிறது. இந்த பறக்கும் பைக் புஜியில் உள்ள பந்தய களத்தில் இயக்கி காண்பிக்கப்பட்டது. எக்ஸ்-டுரிஸ்மோ மாடலுக்கான முன்பதிவுகள் ஏற்கனவே துவங்கி நடைபெற்று வருகிறது. இந்த மாடல் மொத்தத்தில் 200 யூனிட்கள் மட்டுமே உற்பத்தி செய்யப்பட இருக்கிறது.

புதிய எக்ஸ்-டுரிஸ்மோ லிமிடெட் எடிஷன் விலை இந்திய மதிப்பில் ரூ. 5.10 கோடி என நிர்ணயம் செய்யப்பட்டு உள்ளது. 300 கிலோ எடை கொண்ட எக்ஸ்-டுரிஸ்மோ தொடர்ச்சியாக 30 முதல் 40 நிமிடங்கள் வரை பறக்கும். இதன் அதிகபட்ச வேகம் குறித்து அலி டெக்னாலஜிஸ் நிறுவனம் எந்த தகவலையும் வழங்கவில்லை.

ஜெர்மன் நாட்டை சேர்ந்த ஆடி நிறுவனம் தனது எலெக்ட்ரிக் கார் மாடல்களை இந்தியாவிலேயே அசெம்பில் செய்யலாமா என ஆலோசனை செய்து வருகிறது. இந்தியாவில் முதலீடு செய்ய மத்திய அரசின் அதிக வரி மற்றும் நிலையற்ற திட்டங்கள் இடையூறாக இருப்பதாக ஆடி இந்தியா தெரிவித்து இருக்கிறது.

'இந்திய கார் சந்தை மற்றும் எலெக்ட்ரிக் வாகனங்கள் மீது அதீத நம்பிக்கை கொண்டிருக்கிறோம். எனினும், எங்களுக்கு நிலையான திட்டம் தேவை. திட்டம் நிலையாக இல்லையெனில், சரியாக திட்டம் தீட்ட முடியாது. இதன் காரணமாக ஜெர்மனியில் உள்ள எங்களின் தலைமையகத்திடம் முதலீட்டு திட்டத்தை நியாயப்படுத்த முடியாது,' என ஆடி இந்தியா தலைவர் பல்பிர் சிங் திலான் தனியார் செய்தி நிறுவனத்திற்கு அளித்த பேட்டியில் தெரிவித்தார். 

2020 ஏப்ரல் மாதம் முதல் இந்திய சந்தையில் ஆடி நிறுவனம் டீசல் மாடல்களுக்கு மாற்றாக பெட்ரோல் மற்றும் எலெக்ட்ரிக் வாகனங்களை அறிமுகம் செய்து வருகிறது. இதுவரை இந்திய சந்தையில் மூன்று எலெக்ட்ரிக் மாடல்களை ஆடி அறிமுகம் செய்துள்ளது. 

ஹீரோ எலெக்ட்ரிக் நிறுவனம் 2022 நிதியாண்டின் இறுதிக்குள் நாடு முழுக்க ஆயிரம் விற்பனை டச் பாயிண்ட்களை கட்டமைக்க திட்டமிட்டுள்ளது. நாடு முழுக்க 300 புதிய விற்பனை டச் பாயிண்ட்களை திறக்க ஹீரோ எலெக்ட்ரிக் திட்டமிட்டுள்ளது.

விற்பனை மையங்கள் மட்டுமின்றி உற்பத்தி திறனை அதிகப்படுத்தவும் ஹீரோ எலெக்ட்ரிக் திட்டமிட்டு வருகிறது. கடந்த நிதியாண்டுடன் ஒப்பிடும் போது தற்போதைய நிதியாண்டில் விற்பனை இருமடங்கு அதிகரிக்கும் என தெரிகிறது. 

தற்போது ஹீரோ எலெக்ட்ரிக் நிறுவனம் அடிரா, பிளாஷ், ஆப்டிமா ஹெச்.எக்ஸ். மற்றும் என்.வை.எக்ஸ். ஹெச்.எக்ஸ். போன்ற மாடல்களை இந்திய சந்தையில் விற்பனை செய்து வருகிறது. 

கோமகி எலெக்ட்ரிக் வெஹிகில்ஸ் நிறுவனம் இந்தியாவின் முதல் எலெக்ட்ரிக் குரூயிசர் மோட்டார்சைக்கிள் மாடலை அறிமுகம் செய்ய இருக்கிறது. இந்த எலெக்ட்ரிக் பைக் ஜனவரி 2022 வாக்கில் அறிமுகமாகிறது. 

இந்தியாவில் பேட்டரி திறன் கொண்ட வாகனங்களை அதிக வாடிக்கையாளர்களிடம் கொண்டு சேர்க்கும் வகையில் கோமகி நிறுவனம் தனது ஐந்தாவது எலெக்ட்ரிக் வாகனத்தை இந்திய சந்தையில் அறிமுகம் செய்வதற்கான பணிகளில் ஈடுபட்டு வருகிறது. 

ஏற்கனவே நான்கு எலெக்ட்ரிக் வாகனங்களை விற்பனை செய்து வரும் கோமகி நிறுவனம் புதிதாக எலெக்ட்ரிக் குரூயிசர் மாடலை அறிமுகம் செய்ய இருக்கிறது. எலெக்ட்ரிக் பைக் மட்டும் எலெக்ட்ரிக் திறன் கொண்ட ஸ்கூட்டர் மாடல்களையும் கோமகி இந்திய சந்தையில் விற்பனை செய்து வருகிறது. 

ஜாகுவார் லேண்ட் ரோவர் நிறுவனம் 2021 எக்ஸ்.எப். ஆடம்பர செடான் மாடலை இந்தியாவில் விற்பனைக்கு அறிமுகம் தெய்தது. புதிய செடான் மாடல் பெட்ரோல் மற்றும் டீசல் என்ஜின் ஆப்ஷன்களில் கிடைக்கிறது. 2021 ஜாகுவார் எக்ஸ்.எப். துவக்க விலை ரூ. 71.60 லட்சம், எக்ஸ்-ஷோரூம் ஆகும்.

பேஸ்லிப்ட் மாடல் என்பதால், எக்ஸ்.எப். மாடலின் வெளிப்புறம் சிறு மாற்றங்கள் மட்டும் செய்யப்பட்டு இருக்கிறது. முன்புற கிரில் சற்றே பெரிதாகவும், ஸ்டட்-ரக டிசைன் கொண்டிருக்கிறது. இதன் எல்.இ.டி. ஹெட்லேம்ப் வடிவமைப்பும் மாற்றப்பட்டு இருக்கிறது. பின்புறம் மெல்லிய எல்.இ.டி. டெயில் லைட்கள், புதிய கிராபிக் டிசைன் கொண்டிருக்கிறது. 

உள்புறம் 11.4 இன்ச் பி.வி.-ப்ரோ தொடுதிரை வசதி கொண்ட இன்போடெயின்மென்ட் சிஸ்டம், ஆப்பிள் கார்பிளே, ஆண்ட்ராய்டு ஆட்டோ கனெக்டிவிட்டி வழங்கப்படுகிறது. இத்துடன் புதிய ஸ்டீரிங் வீல், டிஜிட்டல் இன்ஸ்ட்ரூமென்ட் கிளஸ்டர், வயர்லெஸ் சார்ஜிங் பேட், ஹெட்-அப் டிஸ்ப்ளே வழங்கப்பட்டு இருக்கிறது.

புதிய ஜாகுவார் எக்ஸ்.எப். மாடலில் 2.0 லிட்டர் என்ஜின் வழங்கப்பட்டு இருக்கிறது. இந்த என்ஜின் 201 பி.ஹெச்.பி. திறன், 430 நியூட்டன் மீட்டர் டார்க் இழுவிசையை வெளிப்படுத்துகிறது. இதன் 2 லிட்டர் பெட்ரோல் என்ஜின் 247 பி.ஹெச்.பி. திறன், 365 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 8 ஸ்பீடு ஆட்டோமேடிக் டிரான்ஸ்மிஷன் வழங்கப்படுகிறது.

போர்ஸ் மோட்டார்ஸ் நிறுவனம் 2021 குர்கா எஸ்.யு.வி. மாடலை கடந்த மாதம் அறிமுகம் செய்தது. இந்தியாவில் புதிய குர்கா மாடல் விலை ரூ. 13.59 லட்சம், எக்ஸ்-ஷோரூம் என நிர்ணயம் செய்யப்பட்டது. 

இந்த நிலையில், புதிய குர்கா மாடல் நாடு முழுக்க வினியோகம் செய்யும் பணிகள் துவங்கி உள்ளன. வரும் மாதங்களில் வினியோக பணிகள் பல்வேறு நிகரங்களுக்கு நீட்டிக்கப்பட இருக்கின்றன.

இந்திய சந்தையில் புதிய போர்ஸ் குர்கா மாடல் மஹிந்திரா தார் மாடலுக்கு போட்டியாக அமைகிறது. இரண்டாம் தலைமுறை மாடலான குர்கா பி.எஸ்.6 பல்வேறு மாற்றங்களை கொண்டிருக்கிறது. இந்த மாடலில் பி.எஸ்.6 புகை விதிகளுக்கு பொருந்தும் 2.6 லிட்டர் டீசல் என்ஜின் வழங்கப்பட்டு இருக்கிறது. இத்துடன் 5 ஸ்பீடு மேனுவல் கியர்பாக்ஸ் வழங்கப்படுகிறது.

புதிய 2.6 லிட்டர் டீசல் என்ஜின் 89 பி.ஹெச்.பி. திறன், 250 நியூட்டன் மீட்டர் டார்க் இழுவிசையை வெளிப்படுத்துகிறது. குர்கா பி.எஸ்.6 மாடலின் சஸ்பென்ஷன் டபுள் விஷ்போன் மற்றும் காயில் ஸ்ப்ரிங்களை கொண்டு மேம்படுத்தப்பட்டு இருக்கிறது.