search icon
என் மலர்tooltip icon

    ஆட்டோமொபைல்

    2022 கவாசகி வெர்சிஸ் 1000
    X
    2022 கவாசகி வெர்சிஸ் 1000

    ரூ. 11.55 லட்சம் விலையில் 2022 வெர்சிஸ் 1000 அறிமுகம் செய்த கவாசகி

    கவாசகி நிறுவனத்தின் 2022 வெர்சிஸ் 1000 மோட்டார்சைக்கிள் இந்திய சந்தையில் அடுத்த மாதம் வினியோகம் செய்யப்படுகிறது.


    கவாசகி மோட்டார்ஸ் நிறுவனம் 2022 வெர்சிஸ் 1000 மோட்டார்சைக்கிளை இந்திய சந்தையில் அறிமுகம் செய்தது. புதிய மோட்டார்சைக்கிள் கேண்டி லைம் கிரீன் நிறத்தில் கிடைக்கிறது. இதன் விலை ரூ. 11.55 லட்சம், எக்ஸ்-ஷோரூம் ஆகும். புதிய மோட்டார்சைக்கிள் மாடலுக்கான வினியோகம் நவம்பர் மாத மத்தியில் துவங்குகிறது.

    புதிய 2022 வெர்சிஸ் 1000 மோட்டார்சைக்கிளில் 1043சிசி, இன்-லைன், 4 சிலிண்டர், லிக்விட் கூல்டு என்ஜின் வழங்கப்பட்டு இருக்கிறது. இந்த என்ஜின் 118 பி.ஹெச்.பி. திறன், 102 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு கியர்பாக்ஸ் வழங்கப்பட்டு உள்ளது.

     2022 கவாசகி வெர்சிஸ் 1000

    அம்சங்களை பொருத்தவரை கவாசகியின் 2022 வெர்சிஸ் 1000 மாடலில் குரூயிஸ் கண்ட்ரோல், கவாசகி கார்னெரிங் மேனேஜ்மண்ட், டிராக்‌ஷன் கண்ட்ரோல் சிஸ்டம் மற்றும் ஏ.பி.எஸ். உள்ளிட்டவை வழங்கப்பட்டு இருக்கிறது. புதிய மாடல் கவாசகியின் கே-கேர் பேக்கேஜ் பலன்களை பெறுகிறது.

    Next Story
    ×