நீங்கள் தேடியது "மஹிந்திரா"

மஹிந்திரா நிறுவனம் இந்திய சந்தையில் அதிகம் எதிர்பார்க்கப்பட்ட பொலிரோ நியோ பிளஸ் மாடலை அறிமுகம் செய்தது. மூன்றடுக்கு இருக்கைகள் கொண்ட பொலிரோ நியோ பிளஸ் எஸ்.யு.வி. தற்போது இரண்டு வேரியண்ட்களில் கிடைக்கிறது. இதன் விலை ரூ. 11 லட்சத்து 39 ஆயிரம், எக்ஸ்-ஷோரூம் என துவங்குகிறது.

இந்த கார் 2-3-4 இருக்கை அமைப்புடன் மொத்தம் ஒன்பது பேர் பயணம் செய்யக்கூடிய வகையில் கிடைக்கிறது. பொலிரோ நியோ பிளஸ் மாடல் P4 மற்றும் P10 என இரண்டு வேரியண்ட்களில் கிடைக்கிறது. இவற்றின் விலை முறையே ரூ. 11 லட்சத்து 39 ஆயிரம் மற்றும் ரூ. 12 லட்சத்து 49 ஆயிரம் என நிர்ணயம் செய்யப்பட்டு உள்ளது. அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு உள்ளது.

பொலிரோ நியோ பிளஸ் 7 சீட்டர் வேரியண்ட் உடன் ஒப்பிடும் போது புதிய நியோ பிளஸ் மாடலின் விலை ரூ. 1 லட்சத்து 49 ஆயிரம் வரை அதிகம் ஆகும்.

புதிய எஸ்.யு.வி. மாடல்- நபோலி பிளாக், மஜெஸ்டிக் சில்வர் மற்றும் டைமண்ட் வைட் என மூன்று நிறங்களில் கிடைக்கிறது. இந்த காரின் கேபினில் பிரீமியம் இத்தாலிய இண்டீரியர்கள், 9 இன்ச் அளவில் இன்ஃபோடெயின்மென்ட் சிஸ்டம், ப்ளூடூத், யு.எஸ்.பி. கனெக்டிவிட்டி வழங்கப்படுகிறது.

மஹிந்திரா பொலிரோ நியோ பிளஸ் மாடலில் புதிய 2.2 லிட்டர் எம்ஹாக் டீசல் என்ஜின் வழங்கப்படுகிறது. இத்துடன் 6 ஸ்பீடு கியர்பாக்ஸ் வழங்கப்படுகிறது. இந்த என்ஜின் 118 ஹெச்.பி. பவர் மற்றும் 280 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது.

மஹிந்திரா நிறுவனம் இம்மாத இறுதியில் (ஏப்ரல் 29) தனது அதிகம் எதிர்பார்க்கப்படும் XUV 3XO அறிமுகம் செய்ய இருக்கிறது. கடந்த சில நாட்களாக இந்த காருக்கான டீசர்கள் தொடர்ச்சியாக வெளியிடப்பட்டு வருகின்றன. இதன் காரணமாக, மஹிந்திரா XUV 3XO மாடலுக்கான எதிர்பார்ப்பு அதிகரித்து வருகிறது.

இந்த நிலையில், தேர்வு செய்யப்பட்ட விற்பனை மையங்களில் மஹிந்திரா XUV 3XO மாடலுக்கான முன்பதிவுகள் துவங்கியுள்ளதாக தகவல் வெளியாகி உள்ளது. மேலும் முன்பதிவு கட்டணம் ரூ. 21 ஆயிரம் என்றும் இவை அதிகாரப்பூர்வமாக நடைபெறவில்லை என்றும் கூறப்படுகிறது.

புதிய XUV 3XO மாடல் மஹிந்திரா நிறுவனத்தின் XUV 300 காரின் பேஸ்லிப்ட் செய்யப்பட்ட வெர்ஷன் ஆகும். இந்த மாடல் பெயர் மட்டுமின்றி டிசைன் அடிப்படையிலும் முழுமையாக மாற்றப்பட்டு இருக்கிறது. இதன் முன்புறம் மெல்லிய கிரில், இன்வெர்ட் செய்யப்பட்ட சி வடிவ எல்.இ.டி. டி.ஆர்.எல்.கள், டூயல் பாரெல் எல்.இ.டி. ப்ரோஜெக்டர் ஹெட்லேம்ப்கள், டுவீக் செய்யப்பட்ட பம்ப்பர் வழங்கப்படுகிறது.

இதன் பின்புறம் ரிடிசைன் செய்யப்பட்ட பம்ப்பர், எல்.இ.டி. டெயில் லைட், மஹிந்திராவின் டுவின் பீக் லோகோ மற்றும் XUV 3XO பிராண்டிங் வழங்கப்படுகிறது. இந்த காரில் முற்றிலும் புதிய டிசைன் கொண்ட அலாய் வீல்கள் வழங்கப்படுகின்றன.

மற்ற அம்சங்களை பொருத்தவரை அளவில் பெரிய இன்ஃபோடெயின்மென்ட் சிஸ்டம், டிஜிட்டல் இன்ஸ்ட்ரூமென்ட் கிளஸ்டர், பானரோமிக் சன்ரூஃப், 360 டிகிரி சரவுண்ட் கேமரா, ஏழு ஏர்பேக், லெவல் 2 ADAS சூட் வழங்கப்படுகிறது. இத்துடன் வென்டிலேட் செய்யப்பட்ட முன்புற இருக்கைகள், பவர்டு டிரைவர் சீட், டூயல் ஜோன் கிளைமேட் கண்ட்ரோல், வயர்லெஸ் சார்ஜர், ஆம்பியன்ட் லைட்டிங் வழங்கப்படுகிறது. 

மஹிந்திரா நிறுவனம் ஸ்கார்பியோ N மாடலை இந்திய சந்தையில் அறிமுகம் செய்து இரண்டு ஆண்டுகள் கழிந்துவிட்ட நிலையிலும் இந்த காருக்கான தட்டுப்பாடு இன்றும் குறையாத நிலையே தொடர்கிறது. மஹிந்திரா நிறுவனம் ஸ்கார்பியோ N மாடலின் 2023 வெர்ஷனுக்கு அசத்தல் சலுகை மற்றும் பலன்களை அறிவித்து இருக்கிறது.

அதன்படி ஸ்கார்பியோ N மாடலின் டாப் எண்ட் Z8 மற்றும் Z8L டீசல் 4x4 வேரியண்ட்களுக்கு ரூ. 1 லட்சம் வரை தள்ளுபடி வழங்கப்படுகிறது. இந்த சலுகை மேனுவல் மற்றும் ஆட்டோமேடிக் கியர்பாக்ஸ் கொண்ட 7 சீட்டர் வேரியண்ட்களுக்கு மட்டுமே வழங்கப்படுகிறது. Z8 மற்றும் Z8L டீசல் 4x2 AT வேரியண்ட்களுக்கு (6 மற்றும் 7 சீட்டர்) ரூ. 60 ஆயிரம் தள்ளுபடி வழங்கப்படுகிறது.

ஸ்கார்பியோ N Z8 மற்றும் Z8L பெட்ரோல் AT வேரியண்ட்களுக்கும் (6 மற்றும் 7 சீட்டர்) ரூ. 60 ஆயிரம் தள்ளுபடி வழங்கப்படுகிறது. தள்ளுபடி தவிர எக்சேன்ஜ் போனஸ் அல்லது கார்ப்பரேட் சலுகை உள்ளிட்டவை வழங்கப்படவில்லை.

இந்திய சந்தையில் மஹிந்திரா ஸ்கார்பியோ N மாடல் 203 ஹெச்.பி. பவர் வெளிப்படுத்தும் 2.0 லிட்டர் டர்போ பெட்ரோல் மற்றும் 175 ஹெச்.பி. பவர் வெளிப்படுத்தும் 2.2 லிட்டர் டீசல் என்ஜின் ஆப்ஷன்களில் கிடைக்கிறது. இந்த என்ஜினுடன் 6 ஸ்பீடு மேனுவல் மற்றும் 6 ஸ்பீடு ஆட்டோமேடிக் கியர்பாக்ஸ் வழங்கப்படுகிறது.

விலையை பொருத்தவரை ஸ்கார்பியோ N மாடல் ரூ. 13 லட்சத்து 60 ஆயிரம் என துவங்கி அதிகபட்சம் ரூ. 24 லட்சத்து 54 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. 

மஹிந்திரா நிறுவனம் தனது XUV300 பேஸ்லிப்ட் மாடலுக்கான டீசரை முதல் முறையாக வெளியிட்டு உள்ளது. இந்த எலெக்ட்ரிக் கார் சர்வதேச சந்தையில் ஏப்ரல் 29 ஆம் தேதி அறிமுகம் செய்யப்பட இருக்கிறது.

மேம்பட்ட புதிய சப்-4 மீட்டர் எஸ்.யு.வி. மாடலுக்கு மஹிந்திரா XUV 3XO என அந்நிறுவனம் பெயரிட்டுள்ளது. இதைத் தொடர்ந்து அறிமுகம் செய்யப்படும் ஒட்டுமொத்த XUV மாடல்களும் இதே போன்ற பெயர்கள் மாற்றப்படும் என எதிர்பார்க்கலாம்.

டீசரில் புதிய மஹிந்திரா XUV 3XO மாடலின் முன்புறம் புதிய தோற்றம் கொண்டிருக்கிறது. இந்த மாடலில் ஸ்ப்லிட் ஹெட்லேம்ப் செட்டப், எல்.இ.டி. ப்ரோஜெக்டர் ஹெட்லைட்கள், வட்ட வடிவம் கொண்ட ஃபாக் லேம்ப்கள், எல் வடிவம் கொண்ட எல்.இ.டி. டி.ஆர்.எல்.கள், புதிய பேட்டன் கொண்ட கிரில், டூயல் டோன் அலாய் வீல்கள் உள்ளன.

இத்துடன் புதிதாக சி வடிவம் கொண்ட எல்.இ.டி. டெயில் லைட்கள், கனெக்டெட் எல்.இ.டி. லைட் பார், ரியர் வைப்பர் மற்றும் வாஷர், பின்புறத்தில் XUV 3XO லெட்டரிங் உள்ளது. இவைதவிர டச் ஸ்கிரீன் இன்ஃபோடெயின்மென்ட் சிஸ்டம், டிஜிட்டல் இன்ஸ்ட்ரூமென்ட் கன்சோல், புதிய ஏ.சி. வெண்ட்கள் வழங்கப்படுகின்றன.

புதிய மஹிந்திரா XUV 3XO மாடலிலும் 1.2 லிட்டர் டர்போ பெட்ரோல் மற்றும் 1.5 லிட்டர் டீசல் என்ஜின்கள் வழங்கப்படும் என்று தெரிகிறது. இத்துடன் 6 ஸ்பீடு மேனுவல் மற்றும் ஏ.எம்.டி. யூனிட்கள் வழங்கப்படுகின்றன.

இந்திய சந்தையில் அறிமுகமானதும் மஹிந்திரா XUV 3XO கார், மாருதி பிரெஸ்ஸா, டாடா நெக்சான், கியா சொனெட், ஹூண்டாய் வென்யூ, ரெனால்ட் கைகர் மற்றும் நிசான் மேக்னைட் போன்ற கார்களுக்கு போட்டியாக அமையும் என்று தெரிகிறது.

இந்திய ராணுவத்திற்காக பிரத்யேகமாக உருவாக்கப்பட்ட இந்தியாவின் முதல் ஆயுதம் தாங்கிய இலகுரக வாகனம்- அர்மாடோ (Armoured Light Specialist Vehicle-ASLV) 2024 குடியரசு தின விழா அணிவகுப்பில் கலந்து கொண்டது. மஹிந்திரா நிறுவனம் இந்த வாகனத்தை இந்திய ராணுவத்திற்காக மிகவும் விசேஷமாக உருவாக்கி இருக்கிறது.

முழுக்க முழுக்க இந்தியாவிலேயே டிசைன் செய்யப்பட்ட மஹிந்திரா அர்மாடோ ராணுவ பயன்பாட்டுக்கு தேவையான அதிநவீன தொழில்நுட்பங்கள், அதிகளவு பாதுகாப்பு வசதிகளை கொண்டிருக்கிறது. பலவிதங்களில் பயன்படுத்தக்கூடிய மிக முக்கிய வாகனங்களில் ஒன்றாக ஆயுதம் தாங்கிய இலகுரக வாகனம் விளங்குகிறது.

அந்த வகையில், மஹிந்திரா உருவாக்கும் அர்மாடோ மாடலில் பி7 மற்றும் ஸ்டனாக் லெவல் II பாதுகாப்பு வழங்கப்பட்டு இருக்கிறது. அதிநவீன வாகனம் என்ற வகையில், இது சிறப்பு படையினர், தீவிரவாத தடுப்பு படை, எல்லை பாதுகாப்பு மற்றும் பல்வேறு இதர பணிகளில் இதனை பயன்படுத்த முடியும். அர்மாடோ மாடலில் 3.2 லிட்டர் டர்போ சார்ஜ் செய்யப்பட்ட டைரக்ட் இன்ஜெக்ஷன் டீசல் என்ஜின் வழங்கப்பட்டு இருக்கிறது.

இந்த என்ஜின் பலவித எரிபொருள்களில் இயங்கும் திறன் கொண்டிருக்கிறது. செயல்திறனை பொருத்தவரை இந்த யூனிட் 215 ஹெச்.பி. பவர், 500 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் ஆல்-வீல் டிரைவ் வசதி மற்றும் 4 ஸ்பீடு ஆட்டோமேடிக் கியர்பாக்ஸ் வழங்கப்பட்டுள்ளது.

வாகனத்தில் 1000 கிலோ எடை ஏற்றப்பட்ட நிலையிலும் அர்மாடோ மாடல் மணிக்கு அதிகபட்சம் 120 கிலோமீட்டர் வேகத்தில் செல்லும் திறன் கொண்டிருக்கிறது. இந்த வாகனத்தின் டயர்களில் காற்று இல்லாமலோ அல்லது பன்ச்சர் ஆன நிலையில்கூட 50 கிலோமீட்டர்கள் வரை பயணிக்க முடியும். கடினமான சூழலிலும் பயன்படுத்த ஏதுவாக இதில் செல்ஃப்-கிளீனிங் எக்சாஸ்ட் மற்றும் ஃபில்ட்ரேஷன் சிஸ்டம் உள்ளது.

இவைதவிர அர்மாடோ மாடலில் ஆயுதங்களை பொருத்திக் கொள்ளும் வசதியும் வழங்கப்பட்டு இருக்கிறது. தோற்றத்தில் ஹம்மர் போன்ற டிசைன் கொண்டிருக்கும் அர்மாடோ அசாத்திய செயல்திறன், அதிநவீன தொழில்நுட்பத்துடன் ராணுவ பயன்பாட்டிற்கு ஏற்ற வகையில் உருவாக்கப்பட்டு இருக்கிறது.

மஹிந்திரா குழும தலைவர் ஆனந்த் மஹிந்திரா அர்மாடோ குறித்த பதிவை தனது எக்ஸ் அக்கவுண்டில் பகிர்ந்து இருக்கிறார்.

மஹிந்திரா நிறுவனம் தனது இரண்டு பிரபல எஸ்.யு.வி.- தார் மற்றும் ஸ்கார்பியோ கிளாசிக் மாடல்களை சத்தமின்றி அப்டேட் செய்துள்ளது. இரண்டு எஸ்.யு.வி.-க்களும் தற்போது புதிய பிளாக் நிறத்தில் கிடைக்கின்றன. இந்த நிறம் ஏற்கனவே விற்பனை செய்யப்பட்டு வந்த நபோலி பிளாக் நிறத்திற்கு மாற்றாக அறிமுகம் செய்யப்பட்டது.

தற்போது தார் மற்றும் ஸ்கார்பியோ கிளாசிக் மாடல்கள் முறையே ஐந்து மற்றும் நான்கு வித நிறங்களில் விற்பனைக்கு கிடைக்கின்றன. அதன்படி இரு எஸ்.யு.வி.-க்களும் ஸ்டெல்த் பிளாக் நிறத்திலும் கிடைக்கின்றன. மஹிந்திராவின் இதர எஸ்.யு.வி.-க்கள்- ஸ்கார்பியோ N, XUV700, XUV300 மற்றும் பொலிரோ நியோ உள்ளிட்டவை நபோலி பிளாக் நிறத்தில் கிடைக்கிறது.

முன்னதாக மஹிந்திரா நிறுவனம் தனது XUV300 மாடலுக்கான முன்பதிவுகளை நிறுத்துவதாக அறிவித்தது. அந்த வகையில், இந்த காரின் ஃபேஸ்லிஃப்ட் செய்யப்பட்ட வெர்ஷன் விரைவில் அறிமுகம் செய்யப்படும் என்று எதிர்பார்க்கலாம்.

மஹிந்திரா நிறுவனம் தனது தார் சீரிசில் புதிய எடிஷனை அறிமுகம் செய்தது. தார் எர்த் எடிஷன் என அழைக்கப்படும் புதிய வெர்ஷன் தார் டெசர்ட்-ஐ தழுவி உருவாக்கப்பட்டு இருப்பதாக மஹிந்திரா தெரிவித்துள்ளது.

புதிய மஹிந்திரா தார் எர்த் எடிஷன் மாடல் LX ஹார்டு டாப் 4x4 வடிவில் நான்கு வேரியண்ட்களில் கிடைக்கிறது. இதன் விலை ரூ. 15 லட்சத்து 40 ஆயிரம், எக்ஸ்-ஷோரூம் என துவங்குகிறது. இந்த காரின் வெளிப்புறம் டெசர்ட் ஃபியூரி சாடின் பெயின்ட் வழங்கப்பட்டு இருக்கிறது. இந்த காரில் எர்த் எடிஷன் பேட்ஜ்கள், மேட் பிளாக் பேட்ஜ்கள் மற்றும் சில்வர் நிற அலாய் வீல்கள் உள்ளன.

இந்த காரின் உள்புறம் டூயல் டோன் பிளாக் மற்றும் லைட் பெய்க் நிற தீம் வழங்கப்பட்டுள்ளது. இதன் ஹெட்ரெஸ்ட்களில் டியூன் டிசைன்கள் உள்ளன. கதவுகளில் தார் பிரான்டிங் மற்றும் க்ரோம் சரவுன்ட்கள் வழங்கப்படுகின்றன. ஸ்பெஷல் எடிஷன் என்ற வகையில், இந்த மாடலில் அலங்கரிக்கப்பட்ட VIN பிளேட் வழங்கப்படுகிறது.

மஹிந்திரா தார் எர்த் எடிஷன் மாடலில் 2.0 லிட்டர் பெட்ரோல் மற்றும் 2.2 லிட்டர் டீசல் என்ஜின்கள் வழங்கப்படுகின்றன. இவற்றுடன் 6 ஸ்பீடு மேனுவல் மற்றும் டார்க் கன்வெர்ட்டர் ஆட்டோமேடிக் டிரான்ஸ்மிஷன்கள் வழங்கப்படுகின்றன. இத்துடன் விசேஷ அக்சஸரீக்கள் வழங்கப்படுகின்றன.

புதிய மஹிந்திரா தார் எர்த் எடிஷன் விலை விவரங்கள்:

தார் எர்த் எடிஷன் பெட்ரோல் மேனுவல் ரூ. 15 லட்சத்து 40 ஆயிரம்

தார் எர்த் எடிஷன் பெட்ரோல் ஆட்டோமேடிக் ரூ. 16 லட்சத்து 99 ஆயிரம்

தார் எர்த் எடிஷன் டீசல் மேனுவல் ரூ. 16 லட்சத்து 15 ஆயிரம்

தார் எர்த் எடிஷன் டீசல் ஆட்டோமேடிக் ரூ. 17 லட்சத்து 60 ஆயிரம்

அனைத்து விலைகளும் எக்ஸ்-ஷோரூம் அடிப்படையில் குறிப்பிடப்பட்டு இருக்கிறது.

மஹிந்திரா நிறுவனம் இந்திய சந்தையில் ஸ்கார்பியோ N Z8 செலக்ட் வேரியண்டை அறிமுகம் செய்தது. புதிய வேரியண்ட் விலை ரூ. 16 லட்சத்து 99 ஆயிரம், எக்ஸ்-ஷோரூம் என நிர்ணயம் செய்யப்பட்டு உள்ளது. மூன்றடுக்கு இருக்கை கொண்ட இந்த எஸ்யு.வி. மாடல் பெட்ரோல் மற்றும் டீசல் என இருவித பவர்டிரெயின் மற்றும் மேனுவல், ஆட்டோமேடிக் கியர்பாக்ஸ் ஆப்ஷன்களில் கிடைக்கிறது.

இந்த கார் பிரத்யேகமாக மிட்நைட் பிளாக் நிறத்தில் கிடைக்கிறது. Z8 செலக்ட் வேரியண்டில் டபுல் பேரல் எல்.இ.டி. ஹெட்லேம்ப், எல்.இ.டி. டி.ஆர்.எல்.கள், எல்.இ.டி. ஃபாக் லேம்ப்கள், 17 இன்ச் டைமண்ட் கட் அலாய் வீல்கள், எல்.இ.டி. இன்டிகேட்டர்கள் வழங்கப்பட்டுள்ளன.

புதிய காரின் கேபின் பகுதியில் காஃபி பிளாக் லெதர் தீம் கொண்டிருக்கிறது. இத்துடன் 8 இன்ச் அளவில் டச் ஸ்கிரீன் மற்றும் வயர்லெஸ் மொபைல் கனெக்டிவிட்டி, 7 இன்ச் அளவில் கலர் டி.எஃப்.டி. டிஸ்ப்ளே, பில்ட்-இன் அலெக்சா, சன்ரூஃப், அட்ரினாக்ஸ் கனெக்ட், 60-க்கும் அதிக கனெக்டெட் கார் அம்சங்கள் உள்ளன.

மஹிந்திரா ஸ்கார்பியோ N Z8 செலக்ட் மாடலில்- 2.0 லிட்டர் டர்போ பெட்ரோல் என்ஜின் மற்றும் 2.2 லிட்டர் டீசல் என்ஜின் ஆப்ஷன்கள் வழங்கப்படுகின்றன. இவை முறையே 200 ஹெச்.பி. பவர், 380 நியூட்டன் மீட்டர் டார்க் மற்றும் 172 ஹெச்.பி. பவர், 400 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கின்றன. இவற்றுடன் 6 ஸ்பீடு மேனுவல் கியர்பாக்ஸ் மற்றும் 6 ஸ்பீடு டார்க் கன்வெர்ட்டர் யூனிட் வழங்கப்படுகிறது.

இந்திய சந்தையில் ஸ்கார்பியோ N Z8 செலக்ட் மாடலின் பெட்ரோல் மேனுவல் வெர்ஷன் விலை ரூ. 16 லட்சத்து 99 ஆயிரம் என்றும் Z8 செலக்ட் பெட்ரோல் ஆட்டோமேடிக் விலை ரூ. 18 லட்சத்து 49 ஆயிரம் என்றும் Z8 செலக்ட் டீசல் மேனுவல் வேரியண்ட் விலை ரூ. 17 லட்சத்து 99 ஆயிரம் என்றும் Z8 டீசல் ஆட்டோமேடிக் விலை ரூ. 18 லட்சத்து 99 ஆயிரம் என்றும் நிர்ணயம் செய்யப்பட்டு உள்ளது.

மஹிந்திரா நிறுவனம் ஸ்கார்பியோ எக்ஸ் (Scorpio X) என்ற பெயரை தனது புதிய மாடலில் பயன்படுத்துவதற்காக டிரேட்மார்க் பெற்றுள்ளது. எதிர்காலத்தில் ஸ்கார்பியோ பிரான்டு விரிவுப்படுத்தப்படும் என மஹிந்திரா நிறுவனம் ஏற்கனவே அறிவித்து இருந்தது.

மேலும் கடந்த ஆண்டு நடைபெற்ற ஆட்டோ நிகழ்வில் குளோபல் பிக்-அப் கான்செப்ட் மாடலையும் காட்சிப்படுத்தியது. அந்த வரிசையில், பிக்-அப் கான்செப்ட் மாடலுக்கு ஸ்கார்பியோ எக்ஸ் பெயர் சூட்டப்படலாம் என கூறப்படுகிறது. தென் ஆப்பிரிக்காவில் ஸ்கார்பியோ பிக்-அப் கான்செப்ட் காட்சிப்படுத்தப்பட்டது.

இந்த மாடல் தென் ஆப்பிரிக்கா, மத்திய கிழக்கு போன்ற சந்தைகளில் அறிமுகம் செய்யப்படும் என கூறப்பட்டது. இந்த நிலையில், தற்போது வெளியாகி இருக்கும் தகவல்களில் புதிய பிக்-அப் ஸ்கார்பியோ எக்ஸ் பெயரில் அறிமுகம் செய்யப்படும் என்றும் இந்த மாடல் அடுத்த தலைமுறை லேடர் ஃபிரேமில் உருவாக்கப்படுவதும் உறுதியாகி இருக்கிறது.

புதிய ஸ்கார்பியோ எக்ஸ் மாடலில் ஜென் 2 ஆல்-அலுமினியம் எம்ஹாக் டீசல் என்ஜின் வழங்கப்படும் என தெரிகிறது. இத்துடன் 6 ஸ்பீடு மேனுவல் அல்லது 6 ஸ்பீடு ஆட்டோமேடிக் கியர்பாக்ஸ் வழங்கப்படலாம். இத்துடன் 4-வீல் டிரைவ், நான்கு டிரைவ் மோட்கள் வழங்கப்படும் என தெரிகிறது. சந்தையை பொருத்து இந்த மாடல் பெட்ரோல் என்ஜின் ஆப்ஷனிலும் கிடைக்கும் என கூறப்படுகிறது.

மஹிந்திரா நிறுவன விற்பனையாளர்கள் பொலிரோ சீரிஸ் வாங்குவோருக்கு சிறப்பு சலுகைகள் மற்றும் பலன்களை அறிவித்துள்ளன. இதில் பொலிரோ 2023 மற்றும் 2024 மாடல்கள் பயன்பெறுகின்றன. இந்த சலுகைகள் பொலிரோ, பொலிரோ நியோ மற்றும் மராசோ மாடல்களுக்கு வழங்கப்படுகின்றன.

கார்களுக்கான சலுகைகள் தள்ளுபடி, எக்சேன்ஜ் பலன்கள், கார்ப்பரேட் தள்ளுபடி, அக்சஸரீக்கள் மற்றும் நீட்டிக்கப்பட்ட வாரண்டி வடிவில் வழங்கப்படுகின்றன.

அதன்படி 2023 பொலிரோ நியோ மாடலின் டாப் என்ட் N10 மற்றும் N10 (O) வேரியன்ட்களை வாங்குவோருக்கு முறையே ரூ. 69 ஆயிரம் மற்றும் ரூ. 84 ஆயிரம் வரையிலான பலன்கள் வழங்கப்படுகின்றன. 2024 பொலிரோ நியோ N4 மற்றும் N8 வேரியன்ட்களுக்கு முறையே ரூ. 46 ஆயிரம் மற்றும் ரூ. 54 ஆயிரம் வரையிலான பலன்கள் வழங்கப்படுகின்றன. 2024 N10 மற்றும் N10 (O) வேரியன்ட்களுக்கு ரூ. 73 ஆயிரம் வரையிலான பலன்கள் வழங்கப்படுகின்றன.

2023 பொலிரோ மாடல்களுக்கு அதிகபட்சம் ரூ. 98 ஆயிரம் வரையிலான பலன்கள் வழங்கப்படுகின்றன. இதன் B4 மற்றும் B6 வேரியன்ட்களுக்கு முறையே ரூ. 75 ஆயிரம் மற்றும் ரூ. 73 ஆயிரம் வரை தள்ளுபடி வழங்கப்படுகின்றன. 2024 B4, B6 மற்றும் B6 (O) வேரியன்ட்களுக்கு முறையே ரூ. 61 ஆயிரம், ரூ. 48 ஆயிரம் மற்றும் ரூ. 82 ஆயிரம் தள்ளுபடி வழங்கப்படுகின்றன. என்ட்ரி லெவல் மாடலுக்கு எந்த சலுகையும் வழங்கப்படவில்லை.

மஹிந்திரா மராசோ மாடலை வாங்குவோருக்கு ரூ. 93 ஆயிரத்து 200 வரையிலான பலன்கள் வழங்கப்படுகின்றன. இந்த கார் 1.5 லிட்டர் டீசல் என்ஜின் மற்றும் மேனுவல் டிரான்ஸ்மிஷன் வசதியுடன் கிடைக்கிறது.

மஹிந்திரா நிறுவனம் XUV.e9 கான்செப்ட் மாடல்களை கடந்த ஆண்டு இறுதியில் அறிமுகம் செய்யப்பட்டது. 2025 வாக்கில் அறிமுகமாக இருக்கும் நிலையில், மஹிந்திரா XUV.e9 மாடல் டெஸ்டிங் செய்யப்படுகிறது. இது தொடர்பான புகைப்படங்கள் இணையத்தில் வெளியாகி உள்ளது.

அதன்படி புதிய மஹிந்திரா எலெக்ட்ரிக் கார் முழுமையாக மறைக்கப்பட்ட நிலையில் காட்சியளிக்கிறது. இத்துடன் மெல்லிய எல்.இ.டி. டெயில் லைட்கள், கனெக்டெட் லுக், ஷார்க்-ஃபின் ஆன்டெனா, எக்ஸ்டென்டட் ரூஃப் ஸ்பாயிலர், இன்டகிரேட் செய்யப்பட்ட ஸ்டாப் லேம்ப் வழங்கப்படுகிறது.

அளவீடுகளை பொருத்தவரை XUV.e9 மாடல் 4790mm நீளம், 1905mm அகலம், 1690mm உயரம் மற்றும் 2755mm வீல்பேஸ் கொண்டிருக்கிறது. இந்த கூப் எஸ்.யு.வி. மாடல் INGLO பிளாட்ஃபார்மில் உருவாக்கப்படுகிறது. இந்த பிளாட்ஃபார்மை மஹிந்திரா மற்றும் ஃவோக்ஸ்வேகன் பகிர்ந்து கொள்கின்றன.

முன்னதாக வெளியான ஸ்பை படங்களில் XUV.e9 மாடலின் இன்டீரியர் விவரங்கள் தெரியவந்தது. இதில் 3 ஸ்கிரீன் செட்டப், 2-ஸ்போக் ஸ்டீரிங் வீல், புதிய சென்டர் கன்சோல், டிரைவ் மோட் செலக்டர் லீவர் வழங்கப்படுகிறது.

மஹிந்திரா XUV.e9 மாடலில் 80 கிலோவாட் ஹவர் பேட்டரி வழங்கப்படும் என தெரிகிறது. இதனை முழுமையாக சார்ஜ் செய்தால் 450 கிலோமீட்டர்கள் வரையிலான ரேன்ஜ் கிடைக்கும் என எதிர்பார்க்கலாம்.

இந்திய சந்தையில் முன்னணி ஆட்டோமொபைல் நிறுவனங்களும் தங்களின் புதிய கார் மாடல்களை அறிமுகம் செய்வதற்கான பணிகளில் ஈடுபட்டு வருகின்றன. அந்த வகையில் இந்திய சந்தையில் விரைவில் அறிமுகம் செய்யப்பட இருக்கும் நான்கு புதிய கார் மாடல்கள் பற்றி தொடர்ந்து பார்ப்போம்.

மஹிந்திரா XUV300 ஃபேஸ்லிஃப்ட்:

ஃபேஸ்லிஃப்ட் செய்யப்பட்ட மஹிந்திரா XUV300 மாடல் இன்னும் ஒன்றிரண்டு மாதங்களுக்குள் இந்திய சந்தையில் அறிமுகம் செய்யப்படும் என தெரிகிறது. இந்த மாடலில் காஸ்மடிக் அப்டேட்கள் மற்றும் கேபின் பகுதிகளில் மாற்றங்கள் செய்யப்படும் என எதிர்பார்க்கலாம். இந்த காரில் 1.2 லிட்டர் டர்போ பெட்ரோல் மற்றும் 1.5 லிட்டர் டீசல் என்ஜின், இவற்றுடன் மேனுவல் மற்றும் ஆட்டோமேடிக் டிரான்ஸ்மிஷன் ஆப்ஷன்கள் வழங்கப்படும் என தெரிகிறது.

டாடா கர்வ்:

டாடா நிறுவனம் தனது கர்வ் ப்ரோடக்ஷன் வெர்ஷனை வரும் மாதங்களில் அறிமுகம் செய்யும் என எதிர்பார்க்கப்படுகிறது. முதற்கட்டமாக இந்த காரின் எலெக்ட்ரிக் வெர்ஷன் அறிமுகமாகும் என தெரிகிறது. இந்த கார் சிங்கில் மற்றும் டூயல் எலெக்ட்ரிக் மோட்டார் செட்டப் உடன் கிடைக்கும் என கூறப்படுகிறது. இந்த கார் முழு சார்ஜ் செய்தால் 500 கிலோமீட்டர்கள் வரையிலான ரேன்ஜ் வழங்கும் என தெரிகிறது.

புதிய தலைமுறை மாருதி சுசுகி ஸ்விஃப்ட்:

மாருதி சுசுகி நிறுவனத்தின் புதிய தலைமுறை ஸ்விஃப்ட் மாடல் நீண்ட காலமாக டெஸ்டிங் செய்யப்படும் நிலையில், வரும் மாதங்களில் இந்த கார் அறிமுகமாகும் என எதிர்பார்க்கலாம். முன்னதாக டோக்கியோவில் நடைபெற்ற ஜப்பான் மொபிலிட்டி நிகழ்வில் கான்செப்ட் வடிவில் இந்த கார் அறிமுகம் செய்யப்பட்டது. இந்த கார் இன்டீரியர் அப்டேட் செய்யப்பட்டு, மைல்டு ஹைப்ரிட் பெட்ரோல் என்ஜினுடன் விற்பனைக்கு வரும் என கூறப்படுகிறது.

டொயோட்டா அர்பன் குரூயிசர் டைசர்:

மாருதி சுசுகி நிறுவனத்தின் ஃபிரான்க்ஸ் மாடல் தான் டொயோட்டா பிரான்டிங்கில் அர்பன் குரூயிசர் டைசர் எனும் பெயரில் அறிமுகம் செய்யப்பட இருக்கிறது. இந்த எஸ்.யு.வி. கூப் மாடல் சிறு மாற்றங்கள் செய்யப்பட்டு இருக்கும் என்றும் இதில் 1.2 லிட்டர் NA பெட்ரோல் மற்றும் 1.0 லிட்டர் டர்போ பெட்ரோல் என்ஜின் ஆப்ஷன்களாக வழங்கப்படும் என தெரிகிறது.