தொழில்நுட்பச் செய்திகள்

மோட்டோரோலா நிறுவனம் மோட்டோ ஜி60 மற்றும் மோட்டோ ஜி40 பியூஷன் ஸ்மார்ட்போன்களை இந்திய சந்தையில் அறிமுகம் செய்தது. இரு ஸ்மார்ட்போன்களில் 6.8 இன்ச் மேக்ஸ் விஷன் FHD+LCD ஸ்கிரீன், ஸ்னாப்டிராகன் 732ஜி பிராசஸர், அதிகபட்சம் 6 ஜிபி ரேம், ஆண்ட்ராய்டு 11 ஒஎஸ் வழங்கப்பட்டு இருக்கிறது.

இத்துடன் 6000 எம்ஏஹெச் பேட்டரி, 20 வாட் டர்போபவர்  சார்ஜிங் வசதி வழங்கப்படுகிறது. ஜி60 மாடலில் 108 எம்பி பிரைமரி கேமரா, 32 எம்பி செல்பி கேமரா கொண்டிருக்கிறது. மோட்டோ ஜி40 பியூஷன் 64 எம்பி பிரைமரி கேமரா, 16 எம்பி செல்பி கேமரா வழங்கப்பட்டு உள்ளது.

- 6.8 இன்ச் 1080×2460 பிக்சல் FHD+ 120Hz ஸ்கிரீன்

- ஆக்டாகோர் ஸ்னாப்டிராகன் 732ஜி பிராசஸர்

- அட்ரினோ 618 GPU

- 4 ஜிபி LPDDR4X ரேம், 64 ஜிபி (UFS 2.1) மெமரி (ஜி40 பியூஷன்)

- 6 ஜிபி LPDDR4X ரேம், 128 ஜிபி (UFS 2.1) மெமரி

- மெமரியை கூடுதலாக நீட்டிக்கும் வசதி

- ஆண்ட்ராய்டு 11

- ஹைப்ரிட் டூயல் சிம்

- ஜி60 – 108 எம்பி பிரைமரி கேமரா, 0.7μm, f/1.7, LED பிளாஷ்

- 8 எம்பி அல்ட்ரா வைடு சென்சார், f/2.2

- 2 எம்பி டெப்த் சென்சார், f/2.4

- ஜி40 பியூஷன் – 64 எம்பி பிரைமரி கேமரா, LED பிளாஷ்

- 8 எம்பி அல்ட்ரா வைடு சென்சார்

- 2 எம்பி டெப்த் சென்சார்

- 32 எம்பி செல்பி கேமரா

- 16 எம்பி செல்பி கேமரா - ஜி40 பியூஷன்

- பின்புறம் கைரேகை சென்சார்

- 3.5 எம்எம் ஆடியோ ஜாக், எப்எம் ரேடியோ 

- வாட்டர் ரெசிஸ்டண்ட் (P2i கோட்டிங்)

- டூயல் 4ஜி வோல்ட்இ, வைபை, ப்ளூடூத் 5

- யுஎஸ்பி டைப் சி

- 6000 எம்ஏஹெச் பேட்டரி

- 20 வாட் டர்போபவர் பாஸ்ட் சார்ஜிங் 

மோட்டோ ஜி60 மற்றும் ஜி40 பியூஷன் ஸ்மார்ட்போன்கள் டைனமிக் கிரே மற்றும் பிராஸ்டெட் ஷேம்பெயின் நிறங்களில் கிடைக்கிறது. மோட்டோ ஜி60 6 ஜிபி + 128 ஜிபி மாடல் விலை ரூ. 17,999 என நிர்ணயம் செய்யப்பட்டு உள்ளது. இதன் விற்பனை ப்ளிப்கார்ட் தளத்தில் ஏப்ரல் 27 ஆம் தேதி துவங்குகிறது.

மோட்டோ ஜி40 பியூஷன் 4 ஜிபி + 64 ஜிபி மாடல் விலை ரூ. 13,999 என்றும் 6 ஜிபி + 128 ஜிபி மாடல் விலை ரூ. 15,999 என நிர்ணயம் செய்யப்பட்டு உள்ளது. இதன் விற்பனை ப்ளிப்கார்ட் தளத்தில் மே 1 ஆம் தேதி துவங்குகிறது.

சாம்சங் நிறுவனத்தின் கேலக்ஸி ஏ22 விவரங்கள் பிஐஎஸ் வலைதளத்தில் இடம்பெற்று இருப்பதாக தகவல் வெளியாகி உள்ளது. இந்த ஸ்மார்ட்போன் SM-A225F/DS எனும் மாடல் நம்பர் கொண்டுள்ளது. இந்த ஸ்மார்ட்போன் டூயல் சிம் வசதி, 4ஜி கனெக்டிவிட்டி அம்சங்களை கொண்டிருக்கும் என தெரிகிறது. 

முன்னதாக இதே மாடல் நம்பர் கொண்ட ஸ்மார்ட்போன் HTML5 டெஸ்ட் பட்டியலில் இடம்பெற்று இருந்தது. அதில் இந்த ஸ்மார்ட்போன் ஆண்ட்ராய்டு 11 ஒஎஸ் கொண்டிருக்கும் என கூறப்பட்டது. சமீபத்தில் சாம்சங் தனது கேலக்ஸி ஏ52, கேலக்ஸி ஏ52 5ஜி மற்றும் கேலக்ஸி ஏ72 மாடல்களை அறிமுகம் செய்தது. 

புதிய கேக்ஸி ஏ சீரிஸ் மாடல் சூப்பர் AMOLED டிஸ்ப்ளே கொண்டிருக்கிறது. சர்வதேச சந்தையில் இந்த ஸ்மார்ட்போன்கள் ஆசம் வைலட், ஆசம் புளூ, ஆசம் பிளாக் மற்றும் ஆசம் வைட் போன்ற நிறங்களில் கிடைக்கிறது. விரைவில் கேலக்ஸி ஏ52 மற்றும் ஏ72 ஸ்மார்ட்போன்கள் இந்தியாவில் வெளியாகும் என கறப்படுகிறது.

இந்த மாடல்களில் 64 எம்பி பிரைமரி கேமரா வழங்கப்பட்டு இருக்கிறது. கேலக்ஸி ஏ52 மாடலில் 4500 எம்ஏஹெச் பேட்டரியும், கேலக்ஸி ஏ72 மாடலில் 5000 எம்ஏஹெச் பேட்டரியும் வழங்கப்பட்டு உள்ளது.

இன்பினிக்ஸ் நிறுவனம் ஹாட் சீரிசில் ஹாட் 10 பிளே ஸ்மார்ட்போனினை இந்திய சந்தையில் அறிமுகம் செய்தது. இதில் 6.82 இன்ச் ஹெச்டி பிளஸ் எல்சிடி ஐபிஎஸ் இன்-செல் டிஸ்ப்ளே, மீடியாடெக் ஹீலியோ ஜி35 பிராசஸர், 4 ஜிபி ரேம், ஆண்ட்ராய்டு 10 மற்றும் எக்ஸ் ஒஎஸ் 7.0 வழங்கப்பட்டு இருக்கிறது.

இத்துடன் 13 எம்பி பிரைமரி கேமரா, டெப்த் சென்சார், 8 எம்பி செல்பி கேமரா, பின்புறம் கிளாஸ் பினிஷ் மற்றும் டெக்ஸ்ச்சர் டிசைன் கொண்டுள்ளது. மேலும் இதன் பின்புறம் கைரேகை சென்சார் மற்றும் 6000 எம்ஏஹெச் பேட்டரி வழங்கப்பட்டு உள்ளது. 

- 6.82 இன்ச் 1640x720 பிக்சல் ஹெச்டி பிளஸ் 20.5:9 மினி டிராப் டிஸ்ப்ளே

- 2.3GHz ஆக்டாகோர் மீடியாடெக் ஹீலியோ ஜி35 பிராசஸர்

- IMG பவர்விஆர் GE8320 GPU

- 4 ஜிபி LPDDR4x ரேம்

- 64 ஜிபி (eMMC 5.1) மெமரி

- மெமரியை கூடுதலாக நீட்டிக்கும் வசதி

- டூயல் சிம் ஸ்லாட்

- எக்ஸ் ஒஎஸ் 7.0 சார்ந்த ஆண்ட்ராய்டு 10

- 13 எம்பி பிரைமரி கேமரா, f/1.8, குவாட் எல்இடி பிளாஷ்

- டெப்த் சென்சார்

- 8 எம்பி செல்பி கேமரா, f/2.0, எல்இடி பிளாஷ்

- பின்புறம் கைரேகை சென்சார்

- 3.5 எம்எம் ஆடியோ ஜாக், எப்எம் ரேடியோ

- டூயல் 4ஜி வோல்ட்இ, வைபை, ப்ளூடூத் 5

- 6000 எம்ஏஹெச் பேட்டரி 

இன்பினிக்ஸ் ஹாட் 10 பிளே ஸ்மார்ட்போன் ஏகன் புளூ, மொரான்டி கிரீன், அப்சிடியன் பிளாக் மற்றும் பர்பில் போன்ற நிறங்களில் கிடைக்கிறது. இந்த ஸ்மார்ட்போன் ஏப்ரல் 26 ஆம் தேதி முதல் ப்ளிப்கார்ட் தளத்தில் விற்பனை செய்யப்படுகிறது. இதன் அறிமுக விலை ரூ. 8499 ஆகும்.

ஒப்போ நிறுவனம் தனது ஏ54 ஸ்மார்ட்போனினை இந்திய சந்தையில் அறிமுகம் செய்தது. இதல் 6.51 இன்ச் ஹெச்டி பிளஸ் பன்ச் ஹோல் ஸ்கிரீன், 16 எம்பி செல்பி கேமரா, 13 எம்பி பிரைமரி கேமரா, 2 எம்பி மேக்ரோ கேமரா, 2 எம்பி டெப்த் கேமரா, மீடியாடெக் ஹீலியோ பி35 பிராசஸர், அதிகபட்சம் 6 ஜிபி ரேம், 128 ஜிபி மெமரி வழங்கப்பட்டு இருக்கிறது.

ஆண்ட்ராய்டு 10 ஒஎஸ் கொண்டிருக்கும் ஏ54 ஸ்மார்ட்போன் பக்கவாட்டில் கைரேகை சென்சார், ஸ்பிலாஷ் ரெசிஸ்டண்ட், டூயல் சிம் ஸ்லாட், டூயல் 4ஜி வோல்ட்இ, வைபை, ப்ளூடூத் 5, யுஎஸ்பி டைப் சி மற்றும் 5000 எம்ஏஹெச் பேட்டரி, 18 வாட் பாஸ்ட் சார்ஜிங் வசதி உள்ளது.

ஒப்போ ஏ54 ஸ்மார்ட்போன் க்ரிஸ்டல் பிளாக், ஸ்டேரி புளூ மற்றும் மூன்லைட் கோல்டு ஆகிய நிறங்களில் கிடைக்கிறது. இதன் 4 ஜிபி + 64 ஜிபி மெமரி மாடல் விலை ரூ. 13,490 என்றும் 4 ஜிபி + 128 ஜிபி மெமரி மாடல் விலை ரூ. 14,490 என்றும் 6 ஜிபி + 128 ஜிபி மாடல் விலை ரூ. 15,990 என நிர்ணயம் செய்யப்பட்டு உள்ளது. இதன் விற்பனை ப்ளிப்கார்ட் மற்றும் ஆப்லைன் தளங்களில் ஏப்ரல் 20 ஆம் தேதி முதல் துவங்குகிறது.

வாட்ஸ்அப் செயலியை பின்க் நிறத்தில் பயன்படுத்தலாம் என கூறும் தகவல் வேகமாக பரவி வருகிறது. இந்த தகவலுடன் வாட்ஸ்அப் பின்க் செயலியை டவுன்லோட் செய்யக் கூறி அதற்கான இணைய முகவரியும் வழங்கப்படுகிறது. இதனை க்ளிக் செய்ததும், ஸ்மார்ட்போனின் தீங்கு விளைவிக்கும் செயலி இன்ஸ்டால் ஆகிவிடும்.

பின் செயலியை இன்ஸ்டால் செய்தவரின் விவரங்களை ஹேக்கர்கள் இயக்க முடியும். இந்த செயலிக்கும் வாட்ஸ்அப் அல்லது பேஸ்புக் நிறுவனத்திற்கும் எந்த தொடர்பும் இல்லை என தெரியவந்துள்ளது. இதுபற்றிய விவரங்களை சைபர் செக்யூரிட்டி ஆராய்ச்சியாளர் ராஜசேகர் ராஜாரியா வெளியிட்டு இருக்கிறார். 

இத்துடன் செயலி வாட்ஸ்அப் இன்டர்பேஸ் கொண்டிருப்பதை உறுதிப்படுத்தும் ஸ்கிரீன்ஷாட்களையும் அவர் தனது ட்விட்டரில் பதிவிட்டுள்ளார். போலி செயலி மூலம் முடிந்தவரை பயனர்களின் விவரங்களை சேகரிக்க ஹேக்கர்கள் திட்டமிட்டு இருப்பதாக தகவல் வெளியாகி உள்ளது.  

ரியல்மி கியூ3 ப்ரோ ஸ்மார்ட்போனின் அம்சங்கள் சீன வலைதளத்தில் லீக் ஆகி இருக்கிறது. தற்போதைய தகவல்களின் படி இந்த ஸ்மார்ட்போன் ஏப்ரல் 22 ஆம் தேதி சீன சந்தையில் அறிமுகம் செய்யப்பட இருப்பது தெரியவந்துள்ளது. ரியல்மி கியூ3 மாடலும் இதே நிகழ்வில் அறிமுகமாகும் என தெரிகிறது.

அம்சங்களை பொருத்தவரை ரியல்மி கியூ3 ப்ரோ மாடல் திரையின் ஓரத்தில் பன்ச் ஹோல் செல்பி கேமரா வழங்கப்படுகிறது. பின்புற பேனல் மேட் பினிஷ் மற்றும்  ‘Dare to Leap’ பிராண்டிங் வழங்கப்படுகிறது. செவ்வக வடிவம் கொண்ட கேமரா மாட்யூலில் மூன்று சென்சார்கள் மற்றும் எல்இடி பிளாஷ் வழங்கப்படுகிறது.

இத்துடன் 6.43 இன்ச் AMOLED ஸ்கிரீன், ஆண்ட்ராய்டு 11 ஒஎஸ், டூயல் சிம் ஸ்லாட், மீடியாடெக் டிமென்சிட்டி 1100 பிராசஸர், கைரேகை சென்சார், 4400 எம்ஏஹெச் பேட்டரி உள்ளிட்டவை வழங்கப்படுகிறது.

பிஎஸ்என்எல் நிறுவனம் ரூ. 249 மற்றும் ரூ. 298 விலையில் புதிய பிரீபெயிட் சலுகைகளை இந்திய சந்தையில் அறிமுகம் செய்தது. இரு சலுகைகளிலும் அன்லிமிடெட் வாய்ஸ் கால், குறுந்தகவல் பலன்கள் வழங்கப்படுகிறது. 

புதிய பிஎஸ்என்எல் ரூ. 249 சலுகையில் அன்லிமிடெட் வாய்ஸ் கால், தினமும் 100 எஸ்எம்எஸ், தினமும் 2 ஜிபி  டேட்டா உள்ளிட்டவை 60 நாட்களுக்கு வழங்கப்படுகிறது. இதில் பயனர்களுக்கு அனைத்து பலன்களும் இரண்டு மாதங்களுக்கு கிடைக்கும். இது முதல் முறை வாடிக்கையாளர்களுக்கான சலுகை ஆகும்.

ரூ. 298 பிஎஸ்என்எல் சலுகையில் தினமும் 1 ஜிபி டேட்டா வழங்கப்படுகிறது. இத்துடன் அன்லிமிடெட் வாய்ஸ் கால், தினமும் 100 எஸ்எம்எஸ் மறஅறும் இரோஸ் நௌ சந்தா 56 நாட்களுக்கு வழங்கப்படுகிறது. தினசரி டேட்டா தீர்ந்ததும் டேட்டா வேகம் 40 Kbps ஆக குறைக்கப்படும். இந்த சலுகையை அனைவரும் ஆன்லைன், ஆப்லைன் தளங்களில் ரீசார்ஜ் செய்யலாம்.

சாம்சங் நிறுவனம் மடிக்கக்கூடிய ஸ்மார்ட்போன்கள் பிரிவிலும் முன்னணி நிறுவனமாக இருக்கிறது. தொடர்ந்து புதிய மடிக்கக்கூடிய மாடல்களை சந்தையில் அறிமுகம் செய்வதை சாம்சங் வாடிக்கையாக கொண்டுள்ளது. சந்தையில் மடிக்கக்கூடிய சாதனங்கள் பிரிவில் புது டிரெண்ட் ஆக மாற்றும் முயற்சியில் சாம்சங் ஈடுபட்டு வருகிறது.

அவ்வாறு சாம்சங் உருவாக்கி வரும் புது மடிக்கக்கூடிய ஸ்மார்ட்போனின் விவரங்கள் வெளியாகி உள்ளது. புது மாடலுக்கான காப்புரிமை பெற சாம்சங் சமர்பித்த ஆவணங்கள் இணையத்தில் லீக் ஆகி இருக்கிறது. காப்புரிமை ஆவணங்களின் படி சாம்சங் கேலக்ஸி இசட் ப்ளிப் தோற்றத்தில் புது மாடலை உருவாக்கி வருவது தெரியவந்துள்ளது.

இந்த மாடல் உள்புறம் மற்றும் வெளிப்புறம் மடிக்கும் வகையிலான டிசைன் கொண்டுள்ளது. இதனால் பெரிய கவர் டிஸ்ப்ளே வழங்குவதற்கான அவசியம் ஏற்படாது. கிளாம்ஷெல் டிசைன் கொண்டிருக்கும் புது மாடல் இரு திசைகளில் மடிக்க முடியும். மேலும் இது டூயல் பன்ச் ஹோல் கேமரா கொண்டிருக்கும் என தெரியவந்துள்ளது.

மற்ற அம்சங்களை பொருத்தவரை இன்-டிஸ்ப்ளே கைரேகை சென்சார், முழு டிஸ்ப்ளேவை பிளாஷ் போன்று பயன்படுத்தும் வசதி உள்ளிட்டவை வழங்கப்படுகிறது. மேலும் இன் டிஸ்ப்ளே கைரேகை சென்சார் கொண்ட முதல் மடிக்கக்கூடிய ஸ்மார்ட்போனாக இது இருக்கும்.

சியோமி நிறுவனம் தனது எம்ஐ மிக்ஸ் போல்டு மடிக்கக்கூடிய ஸ்மார்ட்போனினை பிளாஷ் முறையில் விற்பனை செய்தது. விற்பனை துவங்கிய ஒரே நிமிடத்தில் 30 ஆயிரம் பேர் இதனை வாங்கியுள்ளனர். அதன்படி நொடிக்கு 500 யூனிட்கள் வரை விற்பனையாகி இருக்கிறது.

முதல் பிளாஷ் விற்பனையில் மட்டும் 6.13 கோடி டாலர்களை சியோமி ஈட்டியுள்ளது. சியோமி எம்ஐ மிக்ஸ் போல்டு 12/256 ஜிபி, 12/512 ஜிபி மற்றும் 16/512 ஜிபி மெமரி என மூன்று வித மாடல்களில் கிடைக்கிறது. 

சீன சந்தையில் எம்ஐ மிக்ஸ் போல்டு 12/256ஜிபி விலை 1530 டாலர்கள், 12/512 ஜிபி விலை 1680 டாலர்கள், டாப் எண்ட் மாடலான 16/512 ஜிபி மாடல் விலை 2 ஆயிரம் டாலர்கள் என நிர்ணயிக்கப்பட்டு உள்ளது.

அனைத்து வெர்ஷன்களிலும் HDR10 AMOLED டிஸ்ப்ளே, ஸ்னாப்டிராகன் 888 பிராசஸர், 108 எம்பி பிரைமரி கேமரா, 13 எம்பி அல்ட்ரா வைடு கேமரா, 8 எம்பி டெலிபோட்டோ கேமரா வழங்கப்பட்டு இருக்கிறது. மேலும் லிக்விட் லென்ஸ் கொண்ட முதல் ஸ்மார்ட்போன் இது ஆகும்.

சோனி நிறுவனம் இந்திய சந்தையில் புது ஸ்மார்ட் ஆண்ட்ராய்டு டிவியை அறிமுகம் செய்தது. சோனி 32W830 என அழைக்கப்படும் புது 32 இன்ச் டிவி ஆண்ட்ராய்டு டிவி ஒஎஸ், கூகுள் அசிஸ்டண்ட் வசதி, ஹெச்டிஆர் 10 மற்றும் ஹெச்எல்ஜி பார்மேட்களை இயக்கும் வசதி கொண்டுள்ளது.

இந்தியாவில் 32 இன்ச் அளவில் கிடைக்கும் டிவி மாடல்களில் விலை உயர்ந்த மாடல் இது ஆகும். மேலும் தற்போது கிடைக்கும் மாடல்களில் அதிக சிறப்பம்சங்களை கொண்ட மாடலாகவும் இது இருக்கிறது. இதில் ஹெச்டி ரெடி எல்இடி டிஸ்ப்ளே, 60 ஹெர்ட்ஸ் ரிப்ரெஷ் ரேட் வழங்கப்பட்டு இருக்கிறது.

இந்த டிவி கூகுளின் ஆண்ட்ராய்டு டிவி ஒஎஸ் கொண்டுள்ளது. மேலும் இதில் கூகுள் அசிஸ்டண்ட் வசதியும், குரோம்காஸ்ட் வசதியும் வழங்கப்பட்டு உள்ளது. 16 ஜிபி மெமரி கொண்டிருக்கும் சோனி டிவியில் 20 வாட் ஸ்டீரியோ ஸ்பீக்கர் சிஸ்டம், 3 ஹெச்டிஎம்ஐ போர்ட், 2 யுஎஸ்பி போர்ட், 3.5 எம்எம் ஆடியோ அவுட்புட், ப்ளூடூத் 4.2 உள்ளிட்டவை வழங்கப்பட்டு இருக்கிறது.

புதிய சோனி 32W830 மாடல் விலை ரூ. 31,990 ஆகும். இது ஆன்லைன் மற்றும் ஆப்லைன் விற்பனை மையங்களில் கிடைக்கிறது. 

ஜெப்ரானிக்ஸ் ஜெப் பிட்2220சிஹெச் பிட்னஸ் பேண்ட் இந்தியாவில் அறிமுகம் செய்யப்பட்டது. இந்த பிட்னஸ் பேண்ட் மாடலில் இரத்த அழுத்தத்தை டிராக் செய்யும் சென்சார், இதய துடிப்பு சென்சார், எஸ்பிஒ2 சென்சார் உள்ளிட்டவை வழங்கப்பட்டு இருக்கிறது. 

இத்துடன் 3.3செ.மீ டிஎப்டி டச் கலர் டிஸ்ப்ளே, 2.5டி வளைந்த கிளாஸ், 100-க்கும் அதிக வாட்ச் பேஸ்களை கஸ்டமைஸ் செய்யும் வசதி உள்ளிட்டவை வழழங்கப்படுகிறது. இத்துடன் ஐபி68 தர வாட்டர் மற்றும் டஸ்ட் ரெசிஸ்டண்ட் வசதி வழங்கப்படுகிறது. இதனை ப்ளூடூத் 5.0 மூலம் ஆண்ட்ராய்டு மற்றும் ஐஒஎஸ் சாதனங்களுடன் இணைந்து கொள்கிறது.

இது உடலில் உறக்கம், நடந்தே கடந்த தூரம், உடலில் எரிக்கப்பட்ட கலோரிகள் எண்ணிக்கை போன்ற விவரங்களை வழங்குகிறது. 200 எம்ஏஹெச் பேட்டரி கொண்ட ஜெப் பிட்2220சிஹெச் ஒருமுறை சார்ஜ் செய்தால் 30 நாட்கள் ஸ்டான்ட்-பை வழங்கும். ஸ்மார்ட் பேண்ட் ஜெப் பிட் 20 சீரிஸ் செயலி கொண்டு இயக்க முடியும்.

ஜெப்ரானிக்ஸ் டெப் பிட் 2220சிஹெச் மாடல் பிளாக் கேஸ், பிளாக் ஸ்ட்ரிப், கோல்டு கேஸ் மற்றும் ரோஸ் கோல்டு ஸ்டிராப் மற்றும் சில்வர் கேஸ் மற்றும் கேடெட் கிரே ஸ்டிராப் நிறங்களில் கிடைக்கிறது. இந்த பிட்னஸ் பேண்ட் அமேசான் தளத்தில் ரூ. 2999 விலையில் விற்பனை செய்யப்படுகிறது.

சாம்சங் நிறுவனம் தனது கேலக்ஸி எம்42 5ஜி ஸ்மார்ட்போனை ஏப்ரல் 28 ஆம் தேதி அறிமுகம் செய்கிறது. இந்தியாவில் சாம்சங் நிறுவனத்தின் முதல் பட்ஜெட் ரக 5ஜி ஸ்மார்ட்போன் இது ஆகும். முன்னதாக இந்த ஸ்மார்ட்போன் ஸ்னாப்டிராகன் 750ஜி பிராசஸர் கொண்டிருக்கும் என சாம்சங் அறிவித்து இருந்தது.

தற்போதைய தகவல்களின்படி கேலக்ஸி எம்42 5ஜி மாடலில் குவாட் கேமரா சென்சார்கள், இன்பினிட்டி யு ஸ்கிரீன், நாக்ஸ் செக்யூரிட்டி, குவிக் ஸ்விட்ச், சாம்சங் பே போன்ற அம்சங்கள் வழங்கப்பட இருப்பது உறுதியாகி இருக்கிறது. இது கடந்த ஆண்டு அறிமுகமான கேலக்ஸி ஏ42 மாடலின் மேம்பட்ட வெர்ஷன் ஆகும்.

இந்த ஸ்மார்ட்போன் 64 எம்பி பிரைமரி கேமரா, 6000 எம்ஏஹெச் பேட்டரி, 6 ஜிபி மற்றும் 8 ஜிபி ரேம் என இரு வேரியண்ட்களில் கிடைக்கும் என கூறப்படுகிறது. முந்தைய தகவல்களில் இந்த ஸ்மார்ட்போனின் விலை ரூ. 20 ஆயிரத்தில் துவங்கி அதிகபட்சம் ரூ. 25 ஆயிரம் வரை நிர்ணயம் செய்யப்படலாம் என கூறப்பட்டது.