என் மலர்

    நீங்கள் தேடியது "Android TV"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஏசர் நிறுவனம் இந்திய சந்தையில் புதிய ஆண்ட்ராய்டு டிவி மாடல்களை அறிமுகம் செய்து இருக்கிறது.
    • புதிய ஆண்ட்ராய்டு டிவிக்களில் 60 வாட் ஹை-பை ப்ரோ ஆடியோ சிஸ்டம் வழங்கப்பட்டு உள்ளது.

    இந்திய சந்தையில் ஏசர் ஹோம் எண்டர்டெயின்மெண்ட் பொருட்களை விற்பனை செய்யும் உரிமம் பெற்ற இண்ட்கல் டெக்னாலஜிஸ் நிறுவனம் H மற்றும் S சீரிஸ் ஆண்ட்ராய்டு டிவி மாடல்களை அறிமுகம் செய்து இருக்கிறது. இரு டிவிக்களும் ஆண்ட்ராய்டு டிவி 11 ஒஎஸ் கொண்டிருக்கின்றன. இத்துடன் டால்பி அட்மோஸ் மற்றும் டால்பி விஷன், MEMC தொழில்நுட்பம் கொண்டிருக்கின்றன.

    புதிய டிவி மாடல்களில் H சீரிஸ் 60 வாட் ஹை-பை ப்ரோ ஆடியோ சிஸ்டம், 65 இன்ச் மாடலில் 50 வாட் ஸ்பீக்கர் வழங்கப்பட்டு இருக்கிறது. இந்த டிவிக்களில் பிரீமியம் மெட்டல் பினிஷ், ஷெல் பாடி மற்றும் ஃபிரேம்லெஸ் டிசைன் வழங்கப்பட்டு உள்ளது. இவை மூன்று ஆண்டுகள் வாரண்டியுடன் வருகின்றன.


    இந்த டிவி-க்கள் நாட்டின் முன்னணி ஆன்லைன் வலைதளங்கள், நாடு முழுக்க சுமார் 4 ஆயிரத்திற்கும் அதிக விற்பனை மையங்களில் விற்பனைக்கு கிடைக்கின்றன. இவை 32 இன்ச் HD, 43 இன்ச் UHD, 50 இன்ச் UHD, 55 இன்ச் UHD மற்றும் 65 இன்ச் UHD டிஸ்ப்ளேக்களை கொண்டுள்ளன. இத்துடன் ஸ்மார்ட் புளூ லைட் ரிடக்‌ஷன், HDR 10+, HLG சப்போர்ட், சூப்பர் பிரைட்னஸ், பிளாக் லெவல் ஆக்மெண்டேஷன் என ஏராள அம்சங்களை கொண்டிருக்கிறது.

    விலை மற்றும் விற்பனை விவரங்கள்:

    ஏசர் அறிமுகம் செய்து இருக்கும் புதிய டிவி மாடல்கள் அறிமுக சலுகையாக சற்றே குறைந்த விலையில் விற்பனைக்கு வருகின்றன. அதன் பின் இவற்றின் விலை மாற்றப்பட்டு விடும். இவற்றின் விற்பனை முன்னணி ஆன்லைன் வலைதளங்கள் மற்றும் 4 ஆயிரத்திற்கும் அதிக சில்லறை விற்பனை மையங்களில் கிடைக்கின்றன.

    32 இன்ச் HD டிவி ரூ. 14 ஆயிரத்து 999

    43 இன்ச் UHD டிவி ரூ. 29 ஆயிரத்து 999

    50 இன்ச் UHD டிவி ரூ. 34 ஆயிரத்து 999

    55 இன்ச் UHD டிவி ரூ. 39 ஆயிரத்து 999

    65 இன்ச் UHD டிவி ரூ. 64 ஆயிரத்து 999

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    இந்தியாவின் விலை குறைந்த ஆண்ட்ராய்டு ஸ்மார்ட் எல்.இ.டி. டி.வி இந்தியாவில் அறிமுகம் செய்யப்பட்டுள்ளது. #SmartTV
     


    இந்தியாவின் விலை குறைந்த ஆண்ட்ராய்டு ஸ்மார்ட் டி.வி.யை டெல்லியை சேர்ந்த சமி இன்ஃபர்மேடிக்ஸ் நிறுவனம் அறிமுகம் செய்துள்ளது. சமி SM32-K5500 ஹெச்.டி. எல்.இ.டி. டி.வி. விலை இந்தியாவில் ரூ.4,999 என நிர்ணயம் செய்யப்பட்டுள்ளது. இதில் டெலிவரி மற்றும் ஜி.எஸ்.டி. கட்டணங்கள் சேர்க்கப்படவில்லை.

    32-இன்ச் ஸ்மார்ட் டி.வி. ஆண்ட்ராய்டு இயங்குதளம் கொண்டு இயங்குகிறது. இதனால் இதில் அனைத்து ஸ்மார்ட் செயலிகளும் சீராக இயங்கும். இந்த எல்.இ.டி. டி.வி.யில் 32-இன்ச் 1366x786 பிக்சல் ஹெச்.டி. டிஸ்ப்ளே வழங்கப்படுகிறது. இத்துடன் 10 வாட் ஸ்பீக்கர்கள், எஸ்.ஆர்.எஸ். டால்பி டிஜிட்டல் மற்றும் 5 பேண்ட் சவுண்ட் தரம் வழங்குகிறது.

    இந்த டி.வி.யில் வழங்கப்பட்டிருக்கும் அனைத்து பாகங்களும் இந்தியாவில் உற்பத்தி செய்யப்பட்டதால் சுமார் 200 பேருக்கு வேலை கிடைத்திருப்பதாக சமி இன்ஃபர்மேடிக்ஸ் தெரிவித்திருக்கிறது. மற்ற சிறப்பம்சங்களை பொருத்தவரை சமி 32 இன்ச் ஆண்ட்ராய்டு டி.வி.யில் 512 எம்.பி. ரேம், 4 ஜி.பி. மெமரி வழங்கப்பட்டிருக்கிறது.

    சமி 32 இன்ச் ஆண்ட்ராய்டு ஸ்மார்ட் எல்.இ.டி. டி.வி.யில் ஃபேஸ்புக் மற்றும் யூடியூப் போன்ற செயலிகள் பிரீ-இன்ஸ்டால் செய்யப்பட்டிருக்கிறது. இத்துடன் வாடிக்கையாளர்கள் அவரவர் விரும்பும் செயலிகளை கூகுள் பிளேயில் இருந்து டவுன்லோடு செய்து கொள்ளலாம்.



    கனெக்டிவிட்டியை பொருத்தவரை ஆண்ட்ராய்டு டி.வி.யில் இரு ஹெச்.டி.எம்.ஐ. மற்றும் யு.எஸ்.பி. போர்ட்கள், ஒரு ஏ.வி. அவுட் போர்ட் மற்ரும் வீடியோ இன்புட் போர்ட் வழங்கப்பட்டுள்ளது.

    ஏற்கனவே குறிப்பிடப்பட்டிருப்பதை போன்று சமி SM32-K5500 ஹெச்.டி. எல்.இ.டி. டி.வி. மாடலின் விலை ரூ.4,999 தான். எனினும் இந்த டி.வி.யை சமி ஆப் கொண்டு தான் வாங்க வேண்டும். சமி செயலியில் டி.வி.யை முன்பதிவு செய்யும் போது டி.வி.யை டெலிவரி செய்ய உங்களது இருப்பிட விவரங்களை கேட்கும். 

    இந்தியா முழுக்க சமி ஸ்மார்ட் டி.வி.யை டெலிவரி செய்வதற்கான கட்டணம் ரூ.1,800 என்றும் இதனுடன் 18 சதவிகிதம் ஜி.எஸ்.டி. வரி கூடுதலாக செலுத்த வேண்டும். அந்த வகையில் டி.வி.யை வாங்கும் போது மொத்த கட்டணம் ரூ.8,000 ஆகும்.

    “இந்தியாவின் ஊரக பகுதிகளில் வசிக்கும் நடுத்தர மற்றும் ஏழ்மை குடும்பங்களை சேர்ந்தவர்களும் ஸ்மார்ட் டி.வி. அனுபவத்தை பெறச் செய்யும் நோக்கில் ரூ.4,999 விலையில் வழங்க முடிவு செய்தோம்,” என சமி இன்ஃபர்மேடிக்ஸ் நிறுவன தலைவர் அவினாஷ் மேத்தா தெரிவித்தார். #SmartTV
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    மைக்ரோமேக்ஸ் நிறுவனம் கூகுள் சான்று பெற்ற முதல் ஆன்ட்ராய்டு டி.வி. மாடல்களை இந்தியாவில் இரண்டு வேரியன்ட்களில் அறிமுகம் செய்துள்ளது. #androidtv



    மைக்ரோமேக்ஸ் நிறுவனம் கூகுள் சான்று பெற்ற ஆன்ட்ராய்டு டி.வி. மாடலை இரண்டு வேரியன்ட்களில் அறிமுகம் செய்திருக்கிறது. பெயரிடப்படாத இரண்டு டி.வி. மாடல்கள் 49 இன்ச் மற்றும் 55 இன்ச் டிஸ்ப்ளே கொண்டிருக்கிறது. 

    கூகுள் சான்று பெற்றிருப்பதோடு, புதிய டி.வி.யில் ஹை-டைனமிக் ரேன்ஜ் (ஹெச்.டி.ஆர்.) இருப்பதால் காட்சி தரம் தெளிவாக இருக்கும் என மைக்ரோமேக்ஸ் தெரிவித்துள்ளது. இந்த தொலைகாட்சிகளில் அதிகாரப்பூர்வ கூகுள் பிளே வசதி கொண்டிருப்பதால், செயலிகள், கேம்கள், திரைப்படம் மற்றும் இசை உள்ளிட்டவற்றுக்கான வசதிகள் கொண்டிருக்கின்றன.

    புதிய டி.வி. மாடல்கள் ஆன்ட்ராய்டு ஓரியோ இயங்குதளம் கொண்டிருக்கிறது. இத்துடன் டால்பி, டி.டி.எஸ். சவுன்ட் சான்று, குவாட்-கோர் கார்டெக்ஸ் ஏ53 பிராசஸர், 2.5 ஜி.பி. ரேம், 16 ஜி.பி. EMMC ஸ்டோரேஜ், பில்ட்-இன் க்ரோம்காஸ்ட், MHL கனெக்டிவிட்டி வழங்கப்பட்டுள்ளது.



    மேலும் கூகுள் அசிஸ்டன்ட் இருப்பதால் குரல் மூலம் தேடலாம், வயர்லெஸ் ஸ்மார்ட்போன் கன்ட்ரோல் போன்ற அம்சங்களும் புதிய டி.வி.யில் சேர்க்கப்பட்டுள்ளது. இத்துடன் மைக்ரோமேக்ஸ் நிறுவனத்தின் சொந்த பியூர் சவுன்ட் தொழில்நுட்பம் வழங்கப்பட்டுள்ளது. இது டால்பி மற்றும் டி.டி.எஸ். ஹெச்.டி. ஆடியோ சான்று பெற்றிருக்கிறது. 

    இந்த டி.வி. மாடல்களில் 2x12 வாட் ஸ்பீக்கர்களும், மின்சக்தியை குறைவாக பயன்படுத்தும் இகோ எனர்ஜி தொழில்நுட்பம் வழங்கப்பட்டுள்ளது. புதிய டி.வி. மாடல்களின் விற்பனை இம்மாதம் துவங்கும் என்றும் ஆஃப்லைன் விற்பனை மையங்களில் இந்த டி.வி. கிடைக்கும் என மைக்ரோமேக்ஸ் தெரிவித்துள்ளது.

    மைக்ரோமேக்ஸ் 49 இன்ச் மற்றும் 55 இன்ச் 4K UHD HDR10 டி.வி. மாடல்களின் விலை முறையே ரூ.51,990 மற்றும் ரூ.61,990 என நிர்ணயம் செய்யப்பட்டுள்ளது.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    சியோமி நிறுவனத்தின் Mi எல்.இ.டி. டி.வி. மாடல்கள் இந்தியாவில் அறிமுகமான ஒன்பது மாதங்களில் சுமார் பத்து லட்சத்திற்கும் அதிக யூனிட்கள் விற்பனையாகியிருக்கிறது. #Xiaomi #MiTV



    இந்தியாவில் சியோமி நிறுவனம் ஒன்பது மாதத்தில் சுமார் பத்து லட்சத்திற்கும் அதிக Mi எல்.இ.டி. டி.வி. மாடல்கள் விற்பனை செய்திருப்பதாக தெரிவித்துள்ளது. பத்து லட்சம் விற்பனையில் நான்கு Mi டி.வி. வேரியன்ட்களும் அடங்கும். இத்தகைய மைல்கல் விற்பனை சந்தையில் முதல்முறை என்பதோடு, சியோமி இந்தியாவிற்கு முக்கிய மைல்கல் ஆக இருக்கிறது.

    2018 இரண்டாவது காலாண்டில் சியோமி நிறுவனம் இந்தியாவின் முதல் ஸ்மார்ட் டி.வி. பிரான்டாக உருவெடுத்து இருப்பதாக தெரிவித்துள்ளது. சர்வதேச அளவில் ஐ.டி.சி. வெளியிட்டிருக்கும் அறிக்கையில் இந்த தகவல் கிடைத்திருக்கிறது. ஆன்லைன் மற்றும் Mi ஹோம் ஸ்டோர்களின் மூலம் சியோமி நிறுவனம் கடந்த ஆறு மாதங்களில் சுமார் ஐந்து லட்சத்திற்கும் அதிகமான Mi டி.வி. மாடல்களை விற்பனை செய்திருக்கிறது.

    இதைத் தொடர்ந்து அக்டோபர் 9ம் தேதி முதல் அக்டோபர் 11ம் தேதி வரை நடைபெற்ற தீபாவளி விற்பனையில் மட்டும் சுமார் ஒரு லட்சத்திற்கும் அதிகமான Mi எல்.இ.டி. டி.வி. மாடல்களை விற்பனை செய்திருக்கிறது. அந்த வகையில் ஒரே மாதத்திற்குள் சியோமி நிறுவனம் நான்கு லட்சத்திற்கும் அதிகமான டி.வி.க்களை விற்பனை செய்துள்ளது.

    இந்தியாவில் சுமார் இரண்டு லட்சத்திற்கும் அதிகமானோர் விருப்பம் தெரிவித்துள்ளதைத் தொடர்ந்து இந்திய சந்தையில் ஆன்லைனில் அதிகம் விரும்பப்பப்பட்ட டி.வி. மாடலாக இருக்கிறது. Mi எல்.இ.டி. டி.வி. 4ஏ 32 இன்ச்  மாடல் மட்டும் சுமார் ஒரு லட்சத்திற்கும் அதிக விருப்பங்களை பெற்ற ஆன்லைனில் பிரபல டி.வி. மாடலாக இருக்கிறது.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    2019ம் ஆண்டு நடைபெற இருக்கும் சர்வதேச நுகர்வோர் மின்சாதன விழாவில் எல்.ஜி. நிறுவனம் சுருட்டி வைத்துக் கொள்ளும் வசதி கொண்ட புதிய டி.வி.யை அறிமுகம் செய்ய இருப்பதாக தகவல் வெளியாகியுள்ளது. #CES2019



    2019ம் ஆண்டிற்கான சர்வதேச நுகர்வோர் மின்சாதன விழா துவங்க இன்னும் சில மாதங்கள் இருக்கும் நிலையில், இவ்விழாவில் எதிர்பார்க்கப்படும் சாதஎனங்கள் குறித்த விவரங்கள் வெளியாகி வருகிறது.

    அந்த வகையில் எல்.ஜி. நிறுவனம் சுருட்டக்கூடிய வசதி கொண்ட OLED டி.வி. மாடலை அறிமுகம் செய்ய இருப்பதாக தகவல் வெளியாகியுள்ளது. மேலும் புதிய டி.வி. பார்க்க இதுவரை வெளியான எல்.ஜி. டிஸ்ப்ளே ப்ரோடோடைப்களை போன்றே காட்சியளிக்கிறது.

    மேலும் புதிய தொழில்நுட்பம் உண்மையான சாதனம் போன்றே அறிமுகம் செய்யப்படலாம் என எதிர்பார்க்கப்படுகிறது. இத்துடன் மடிக்கக்கூடிய மொபைல் போன் ஒன்றையும் எல்.ஜி. அறிமுகம் செய்யலாம் என பிரபல டிப்ஸ்டரான எவான் பிளாஸ் தெரிவித்து இருந்தார்.

    சாம்சங் மற்றும் ஹூவாய் போன்ற நிறுவனங்கள் மடிக்கக்கூடிய ஸ்மார்ட்போன்களை உருவாக்கி வரும் நிலையில், முதலில் மடிக்கக்கூடிய ஸ்மார்ட்போன் வெளியிடும் நிறுவனம் எது என்ற எதிர்பார்ப்பு அதிகரித்து இருக்கிறது. கடந்த ஆண்டுகளை போன்றே எல்.ஜி. நிறுவனம் பல்வேறு சாதனங்களை அறிமுகம் செய்யலாம் என எதிர்பார்க்கப்படுகிறது.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    ஐஃபால்கன் நிறுவனம் இந்தியாவில் இரண்டு புதிய ஆன்ட்ராய்டு டி.வி. மாடல்களை அறிமுகம் செய்துள்ளது. #androidtv



    ஐஃபால்கன் நிறுவனம் கூகுள் சான்று பெற்ற இரண்டு புதிய ஆன்ட்ராய்டு டி.வி. மாடல்கள்- ஐஃபால்கன் 40F2A மற்றும் ஐஃபால்கன் 49F2A இந்தியாவில் அறிமுகம் செய்துள்ளது.

    சமீபத்தில் நிறைவுற்ற பிளிப்கார்ட் வலைதளத்தில் பிரபலமான ஆன்ச்ராய்டு டி.வி. மாடல்களில் ஒன்றாக இருந்தது என ஐஃபால்கன் தெரிவித்துள்ளது. ஐஃபால்கன் F2A சீரிஸ் கூகுள் சான்று பெற்ற ஆன்ட்ராய்டு டி.வி. மாடல்கள் ஆகும். இவற்றில் ஏ.ஐ. அசிஸ்டன்ட், ஆன்ட்ராய்டு ஓரியோ 8.0 இயங்குதளம் கொண்டிருக்கிறது.

    இவற்றில் IPQ என்ஜின், மைக்ரோ டிம்மிங், டால்பி சரவுன்ட் சவுன்ட், கூகுள் குரோம்காஸ்ட், வெள்ளை நிற எல்.இ.டி. ஹெச்.டி. பேக்லிட் கொண்டிருக்கிறது. இத்துடன் பில்ட்-இன் கூகுள் அசிஸ்டன்ட், ஏ.ஐ. மூலம் இயங்கும் விர்ச்சுவல் சூப்பர் அசிஸ்டன்ட் வழங்கப்பட்டுள்ளது.



    இதனால் புதிய F2A சீரிஸ் மாடல்களில் பொழுதுபோக்கு, தகவல் தேடல் மற்றும் வீட்டில் உள்ள இணைக்கப்பட்ட சாதனங்கள் உள்ளிட்டவற்றை பயனர்கள் தங்களது குரல் மூலம் இயக்க முடியும்.

    ஐஃபால்கன் 40F2A மாடலில் 40-இன்ச் ஃபுல் ஹெச்.டி. 1920x1080 பிக்சல் டிஸ்ப்ளே, 60 ஹெர்ட்ஸ் ரிஃப்ரெஷ் ரேட், 2 ஹெச்.டி.எம்.ஐ. மற்றும் ஒரு யு.எஸ்.பி. போர்ட் வழங்கப்பட்டுள்ளது. இதில் 2.4 ஜிகாஹெர்ட்ஸ் வைபை மற்றும் 320 நிட்ஸ் பிரைட்னஸ் வழங்கப்பட்டுள்ளது.

    புதிய ஐஃபால்கன் 40F2A மற்றும் 49F2A மாடல்கள் முறையே ரூ.19,999 மற்றும் ரூ.27,999 எனும் சிறப்பு விலையில் கிடைக்கிறது. இரண்டு வேரியன்ட்களும் பிளிப்கார்ட் தளத்தில் மட்டும் பிரத்யேகமாக விற்பனை செய்யப்படுகிறது.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    டி.சி.எல். நிறுவனம் இந்தியாவில் கூகுள் சான்று பெற்ற முதல் ஆன்ட்ராய்டு QLED டி.வி. மாடலை அறிமுகம் செய்துள்ளது. #smarttv



    டி.சி.எல். எலெக்ட்ரானிக்ஸ் நிறுவனம் இந்தியாவில் கூகுள் சான்று பெற்ற முதல் ஆன்ட்ராய்டு QLED டி.வி. மாடலை அறிமுகம் செய்துள்ளது. டி.சி.எல். 65X என அழைக்கப்படும் முதல் டி.வி. மாடலில் ஹார்மன் கார்டன் ஸ்பீக்கர்கள் மற்றும் 4K UHD டிஸ்ப்ளே, ஹெச்.டி.ஆர். அம்சம் வழங்கப்பட்டுள்ளது.

    புதிய ஆன்ட்ராய்டு டி.வி.யில் 4K UHD 3840x2160 பிக்சல் மைக்ரோ டிம்மிங் தொழில்நுட்பம் கொண்ட டிஸ்ப்ளே வழங்கப்பட்டுள்ளது. இந்த டிஸ்ப்ளே காட்சிகளை மிக தெளிவாகவும், இயற்கை நிறங்களை பிரதிபலிக்கும் வசதி கொண்டுள்ளது. குவான்டம் டாட் QLED தொழில்நுட்பம் நிறங்களை இயற்கையாக பிரதிபலிக்கச் செய்கிறது. 

    டி.சி.எல். புதிய டி.வி. ஆன்ட்ராய்டு 8.0 ஓரியோ இயங்குதளத்தில் இயங்குகிறது. டி.சி.எல். 65X4 மாடலில் ஹார்மன் கார்டன் ஸ்பீக்கர்கள், டால்பியின் மேம்படுத்தப்பட்ட டி.டி.எஸ். (DTS) போஸ்ட் பிராசஸிங் தொழில்நுட்பம் வழங்கப்பட்டுள்ளது. இந்த டி.வி. 64-பிட் குவாட்-கோர் சி.பி.யு. மற்றும் டூயல்-கோர் ஜி.பி.யு., 2.5 ஜி.பி. ரேம், 16 ஜி.பி. மெமரி கொண்டுள்ளது.



    இத்துடன் வாய்ஸ் சர்ச் அம்சம் வழங்கப்பட்டு இருப்பதால், டி.வி.யை குரல் மூலம் எளிமையாக இயக்க முடியும். இத்துடன் பில்ட்-இன் குரோம்கேஸ்ட் அம்சம் வழங்கப்பட்டு இருப்பதால், விரும்பிய கேம்கள், வீடியோ மற்றும் மொபைல் போனில் உள்ள செயலிகளை காஸ்ட் செய்து கொள்ள முடியும்.

    டி.சி.எல். நிறுவனம் புதிய டி.வி.யுடன் டி.சி.எல். எஸ்6500 அறிமுகம் செய்துள்ளது. இதில் பில்ட்-இன் கூகுள் அசிஸ்டண்ட் வசதி மற்றும் ஆன்ட்ராய்டு 8.0 ஓரியோ இயங்குதளம் கொண்டு இயங்குகிறது. இத்துடன் IPQ இன்ஜின், ஹெச்.டி.ஆர். 10 சப்போர்ட், மைக்ரோ டிம்மிங், டால்பி சரவுன்ட் சவுன்ட், கூகுள் குரோம்கேஸ்ட் மற்றும் வெள்ளை நிற எல்.இ.டி. ஹெச்.டி. பேக்லைட், 1.5 ஜி.பி. ரேம் மற்றும் 8 ஜி.பி. மெமரி வழங்கப்பட்டுள்ளது. 

    டி.சி.எல். 65X4 அக்டோபர் 25-ம் தேதி முதல் அமேசான் வலைதளத்தில் கிடைக்கும், பின் இந்தியா முழுக்க அனைத்து விற்பனை மையங்களிலும் கிடைக்கும். இந்தியாவில் இதன் விலை ரூ.1,49,990 என நிர்ணயம் செய்யப்பட்டு இருக்கிறது, எனினும் அமேசானில் பண்டிகை கால சிறப்பு சலுகையின் கீழ் இந்த டி.வி. ரூ.1,09,990 விலைக்கு விற்பனை செய்யப்பட இருக்கிறது.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    ஐஃபால்கான் பிரான்டு 32 இன்ச் டி.வி. மாடலில் ஏ.ஐ. அசிஸ்டண்ட் வசதியை உலகில் முதல் முறையாக வழங்கியுள்ளது. #smarttv



    டி.சி.எல் நிறுவனத்தின் ஸ்மார்ட் டி.வி. பிரான்டு ஆன ஐஃபால்கான் உலகில் முதல் முறையாக 32-இன்ச் (32F2A) ஹெச்.டி. ரெடி, கூகுள் சான்று பெற்ற ஆன்ட்ராய்டு டி.வி.யை ஏ.ஐ. அசிஸ்டண்ட் வசதியுடன் அறிமுகம் செய்துள்ளது.

    ஐஃபால்கான் 32F2A டி.வி.-யில் மைக்ரோ டிம்மிங் மற்றும் வைட் எல்.இ.டி. ஹெச்.டி. பேக்லிட் அம்சங்கள் வழங்கப்பட்டுள்ளது. இதனால் திரையில் நிறங்கள் பிரகாசமாகவும், இயற்கை நிறங்களை மிகத்துல்லியமாக பிரதிபலிக்கும். ஆன்ட்ராய்டு 8.0 ஓரியோ இயங்குதளம் மற்றும் இன்-பில்ட் கூகுள் அசிஸ்டண்ட் வசதி வழங்கப்பட்டுள்ளது.

    இதனால் பொழுதுபோக்கு மற்றும் இதர விவரங்களை தேடுவது எளிமையாவதோடு வீட்டில் உள்ள மற்ற கனெக்ட்டெட் சாதனங்களை குரல் மூலம் இயக்க முடியும். புதிய ஸ்மார்ட் டி.வி.யில் 32-இன்ச் 32F2 மாடலை போன்றே டால்பி ஆடியோ வசதி வழங்கப்பட்டுள்ளது.



    ஐஃபால்கான் 40F2A மற்றும் ஐஃபால்கான் 49F2A ஸ்மார்ட் டி.வி. மாடல்களை அக்டோபர் 2018-இல் அறிமுகம் செய்ய இருக்கிறது. இதுமட்டுமின்றி 32, 40 மற்றும் 49 இன்ச் தவிர, ஐஃபால்கான் நிறுவனம் 65 மற்றும் 75 இன்ச் டி.வி. மாடல்களை பண்டிகை காலத்தில் அறிமுகம் செய்ய இருக்கிறது.

    75 இன்ச் டி.வி. மாடலில் ஹார்மன் கார்டன் ஸ்பீக்கர்கள் சேர்க்கப்பட்டு இருப்பதால், ஆடியோ அனுபம் சிறப்பாக இருக்கும் என ஐஃபால்கான் தெரிவித்துள்ளது. புதிய ஃபால்கன் 32F2A ஸ்மார்ட் டி.வி. விரைவில் பிளிப்கார்ட் தளத்தில் விற்பனைக்கு வரயிருக்கும் நிலையில், இதன் விலை இதுவரை அறிவிக்கப்படவில்லை.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    இந்தியாவில் வு டெக்னாலஜிஸ் நிறுவனத்தின் 100-இன்ச் 4K UHD எல்.இ.டி. டிவி அறிமுகம் செய்யப்பட்டுள்ளது. #smarttv #androidoreo

     

    அமெரிக்காவின் கலிஃபோர்னியாவை சேர்ந்த ஆடம்பர தொலைகாட்சி மாடல்களை விற்பனை செய்து வரும் வு டெக்னாலஜிஸ் நிறுவனம் இந்தியாவில் புதிய டிவி மாடலை அறிமுகம் செய்துள்ளது.

    100-இன்ச் அளவு கொண்ட புதிய டிவி ஆன்ட்ராய்டு 4K UHD தரத்தில் உருவாக்கப்பட்டுள்ளது. புதியு வு100 டிவி மாடல் ஆன்ட்ராய்டு 8.0 ஒரியோ இயங்குதளம் மற்றும் முழுமையான மெட்டல் வடிவமைப்பு கொண்டுள்ளது. 4K HDR10 பேனல் கொண்டிருக்கும் புதிய டிவியில் 2.5 பில்லியன் கலர் மற்றும் வைடு கலர் கமுட், பில்ட்-இன் ஊஃபர் மற்றும் 2000 வாட் ஜெ.பி.எல். ஸ்பீக்கர்களை கொண்டுள்ளது. 

    இத்துடன் வு ஆக்டிவாய்ஸ் ரிமோட் மற்றும் வாய்ஸ் அசிஸ்டண்ட் வசதி, யூடியூப் மற்றும் கூகுள் பிளே போன்றவற்றுக்கு ஹாட்கீ உள்ளிட்டவை வழங்கப்பட்டுள்ளது. மேலும் கூகுள் பிளே ஸ்டோர், ஹாட்ஸ்டார், ஆல்ட் பாலாஜி, சோனி லிவ் மற்றும் பல்வேறு இதர செயலிகளை கொண்டுள்ளது.



    வு 100 100-இன்ச் ஆன்ட்ராய்டு 4K UHD எல்இடி டிவி சிறப்பம்சங்கள்:

    - 100 இன்ச் 3480x2160 4K UHD A+ கிரேடு ஐ.பி.எஸ். பேனல்
    - குவாட்-கோர் பிராசஸர்
    - 2.5 ஜிபி ரேம்
    - 16 ஜிபி இன்டெர்னல் மெமரி
    - ஆன்ட்ராய்டு டிவி சார்ந்த ஆன்ட்ராய்டு 8.0
    - டூயல் பேன்ட் வைபை, ப்ளூடூத், 3 x HDMI, 2 x USB, ஈத்தர்நெட் போர்ட்
    - MPEG/H.264/H.265 டீகோடர்
    - 12 + 12 + 12 வாட் பில்ட்-இன் ஜெ.பி.எல். சவுன்ட்பார், ஊஃபர், DTS ட்ரு சரவுன்டு, டால்பி டிஜிட்டல்
    - வாய்ஸ் கன்ட்ரோல் ரிமோட், ஹாட்கீ

    வு 100 டிவி விலை இந்தியாவில் ரூ.20,00,000 என நிர்ணயம் செய்யப்பட்டுள்ளது. முதற்கட்டமாக வு அதிகாரப்பூர்வ விற்பனை மையங்களில் கிடைக்கும் வு 100 டிவி விரைவில் மற்ற விற்பனையகங்களிலும் கிடைக்கச் செய்ய திட்டமிடப்பட்டு வருவதாக தகவல் வெளியாகியுள்ளது.
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    சோனி நிறுவனம் ஏற்கனவே அறிமுகம் செய்திருந்த X9000F 4K HDR ஆன்ட்ராய்டு டிவி சீரிஸ் 65 இன்ச் மற்றும் 85 இன்ச் மாடல்களின் இந்திய விற்பனை துவங்கியது.
    புதுடெல்லி:

    சோனி நிறுவனம் X9000F சீரிஸ் 4K ஹெச்டிஆர் டிவிக்கள் இம்மாத துவக்கத்தில் இந்தியாவில் அறிமுகம் செய்தது. முன்னதாக இந்த டிவி இந்த ஆண்டு ஜனவரியில் நடைபெற்ற சர்வதேச நுகர்வோர் மின்சாதன விழாவில் அறிமுகம் செய்யப்பட்டது குறிப்பிடத்தக்கது.

    புதிய சோனி டிவி மாடல்களில் X1 எக்ஸ்ட்ரீம் பிராசஸர் வழங்கப்பட்டுள்ளது. இவற்றில் ஸ்டிரைக்கிங் ஹைலைட்கள், டீப்பர் டார்க் மற்றும் வைப்ரன்ட் கலர்களை பிரதிபலிக்கிறது. இத்துடன் ஆப்ஜக்ட் சார்ந்த ஹெச்டிஆர் ரீமாஸ்டர், சூப்பர்பிட் மேப்பிங் 4K ஹெச்டிஆர் மற்றும் டூயல் டேட்டாபேஸ் பிராசஸிங் வழங்கப்பட்டுள்ளது.

    ஆன்ட்ராய்டு டிவி வெர்ஷன் 7.0 மற்றும் சோனியின் பிரத்யேக யூசர் இன்டர்ஃபேஸ் (UI) மற்றும் க்ரோம்காஸ்ட் பில்ட்-இன் வசதியை வழங்குகிறது. இதன் டிரைலூமினஸ் டிஸ்ப்ளே சிவப்பு, பச்சை மற்றும் நீல நிறங்களை மிகவும் கச்சிதமாக பிரதிபலிக்கிறது. X டென்ட் செய்யப்பட்ட டைனமிக் ரேஞ்ச் PRO ஹெச்டிஆர் மற்றும் ஹெச்டிஆர் அல்லாத தரவுகளை தனியே வித்தியாசப்படுத்தி, பின்னணி நிறங்களை தானாக மாற்றியமைத்து XDR கான்ட்ராஸ்ட் தரத்தில் வீடியோக்களை வழங்குகிறது.

    சோனியின் டைரக்ட் எல்இடி லோக்கல் டிம்மிங் மற்றும் பேக்லைட் பூஸ்டிங் அல்காரிதம் கொண்டு X-மோஷன் கிளேரிட்டி அம்சம் வேகமான ஆக்ஷன் படங்களை மிகவும் நேர்த்தியாகவும், தெளிவாகவும் காட்சிப்படுத்துகிறது. இதனால் புகைப்படங்கள் அதிக தரம் பெறுவதோடு பிரைட்னஸ் அளவில் எவ்வித இழப்பும் ஏற்படாது.



    சோனி பிரேவியா X9000F சிறப்பம்சங்கள்:

    - 55/65/85-இன்ச் 3840x2160 பிக்சல் 4K HDR டிரைலூமினஸ் டிஸ்ப்ளே
    - X-மோஷன் கிளேரிட்டி
    - 4K ஹெச்டிஆர் பிராசஸர் X1 எக்ஸ்ட்ரீம்
    - டைனமிக் கான்ட்ராஸ்ட் என்ஹான்சர்
    - ஆப்ஜக்ட் சார்ந்த ஹெச்டிஆர் ரீமாஸ்டர்
    - X-டென்ட் செய்யப்பட்ட டைனமிக் ரேஞ்ச் ப்ரோ
    - 4K X-ரியாலிட்டி ப்ரோ
    - 16 ஜிபி இன்டெர்னல் மெமரி
    - ஆன்ட்ராய்டு டிவி 7.0
    - க்ரோகாஸ்ட் மற்றும் கூகுள் அசிஸ்டண்ட் பில்ட் இன் வசதி
    - வாய்ஸ் சர்ச் வசதி
    - வைபை, ப்ளூடூத், யுஎஸ்பிx3, 1xஈத்தர்நெட்
    - 10 W+10 W ஸ்பீக்கர், டால்பி டிஜிட்டல்
    - டால்பி டிஜிட்டல் பிளஸ், டால்பி பல்ஸ்
    - டிடிஎஸ் டிஜிட்டல் சரவுன்ட்

    சோனி KD-85X9000F மற்றும் KD-65X9000F மாடல்கள் இந்தியாவில் முறையே ரூ.1,29,900 மற்றும் ரூ.3,39,900 என நிர்ணயம் செய்யப்பட்டுள்ளது. இவை இந்தியா முழுக்க இயங்கி வரும் அனைத்து சோனி விற்பனை மையங்களிலும், மற்ற மின்சாதன விற்பனை மையங்களிலும் விற்பனை செய்யப்படுகிறது. 55 இன்ச் சோனி பிரேவியா X9000F விலை ரூ.2,39,900 என நிர்ணயம் செய்யப்பட்டது. இதன் விற்பனை ஏற்கனவே துவங்கி தற்சமயம் நடைபெற்று வருகிறது.
    ×