அறிந்து கொள்ளுங்கள்

இந்தியாவில் விற்பனை செய்யப்பட்ட விவோ எஸ்1 ப்ரோ, விவோ இசட்1 ப்ரோ மற்றும் விவோ இசட்1எக்ஸ் ஸ்மார்ட்போன் யூனிட்களுக்கு பன்டச் ஒஎஸ் 11 சார்ந்த ஆண்ட்ராய்டு 11 அப்டேட் வழங்கப்படுவதாக தகவல் வெளியாகி உள்ளது. தற்போது இந்த அப்டேட் கிரேஸ்கேல் டெஸ்ட் செய்யப்படுவதாக கூறப்படுகிறது.

கிரேஸ்கேல் டெஸ்டிங்கின் போது தேர்வு செய்யப்பட்ட சிலருக்கு மட்டும் அப்டேட் வழங்கப்படும். விவோ எஸ்1 ப்ரோ, விவோ இசட்1 ப்ரோ மற்றும் விவோ இசட்1எக்ஸ் மாடல்கள் ஆண்ட்ராய்டு 9 பை சார்ந்த பன்டச் ஒஸ்9 உடன் அறிமுகம் செய்யப்பட்டது. பின் பன்டச் ஒஎஸ் 10 சார்ந்த ஆண்ட்ராய்டு 10 அப்டேட் வெளியிடப்பட்டது.

புது அப்டேட் கிடைத்து இருப்பதாக விவோ எஸ்1 ப்ரோ, விவோ இசட்1 ப்ரோ மற்றும் விவோ இசட்1எக்ஸ் மாடல்களை பயன்படுத்துவோர் ட்விட்டரில் தகவல் தெரிவித்துள்ளனர். தற்போது கிரேஸ்கேல் டெஸ்ட் துவங்கி இருக்கும் நிலையில், அனைவருக்குமான அப்டேட் விரைவில் வெளியிடப்படலாம் என கூறப்படுகிறது.

விவோ எஸ்1 ப்ரோ மாடலுக்கான அப்டேட் 3.79 ஜிபியாகவும், விவோ இசட்1எக்ஸ் மாடலுக்கான அப்டேட் 3.29 ஜிபியாகவும், விவோ இசட்1 ப்ரோ மாடலுக்கான அப்டேட் பற்றி எந்த தகவலும் இல்லை. இந்த ஸ்மார்ட்போன்களை அப்டேட் செய்யப்படும் போது யூனிட்களை சார்ஜ் செய்திருப்பதையும், சீரான வைபை நெட்வொர்க்கில் இணைக்கப்பட்டுள்ளதா என உறுதிப்படுத்திக் கொள்ளவும்.

பேஸ்புக் நிறுவனம் தனது இன்ஸ்டாகிராம் செயலியின் ரீல்ஸ் அம்சத்தில் விளம்பரங்களை வழங்க சோதனை செய்ய துவங்கி இருப்பதாக அறிவித்து இருக்கிறது. முதற்கட்டமாக இந்த சோதனை இந்தியா, பிரேசில், ஜெர்மனி மற்றும் ஆஸ்திரேலியா போன்ற நாடுகளில் துவங்கி உள்ளது.

இன்ஸ்டா ரீல்ஸ் அம்சத்தில் இருந்து வருவாய் ஈட்டும் நோக்கில் இந்த நடவடிக்கை துவங்கப்பட்டு இருக்கிறது. டிக்டாக் செயலிக்கு இந்தியாவில் தடை விதிக்கப்பட்டது முதல் ரீல்ஸ் சேவையை பயன்படுத்துவோர் எண்ணிக்கை கணிசமான அளவு அதிகரித்து இருக்கிறது. 

ரீல்ஸ் அம்சத்தில் வரும் மற்ற வீடியோக்களுடன் விளம்பர வீடியோக்கள் அதிகபட்சம் 30 நொடிகள் வரை இருக்கும். பயனர்களுக்கு இடையூறு ஏற்படும் பட்சத்தில் விளம்பரங்களை முடக்கும் வசதியும் வழங்கப்படும் என பேஸ்புக் தெரிவித்து உள்ளது.

சியோமி நிறுவனத்தின் முதல் மடிக்கக்கூடிய ஸ்மார்ட்போனாக எம்ஐ மிக்ஸ் போல்டு அறிமுகமானது. எனினும், இது சீன சந்தையில் மட்டுமே விற்பனை செய்யப்பட்டு வருகிறது. தற்போது இந்த ஸ்மார்ட்போன் இந்தியா மற்றும் சர்வதேச IMEI தளங்களில் இடம்பெற்று இருப்பதாக தகவல் வெளியாகி உள்ளது. 

அதன்படி இந்த ஸ்மார்ட்போன் விரைவில் இந்தியா மற்றும் சர்வதேச சந்தையில் அறிமுகம் செய்யப்படலாம் என எதிர்பார்க்கப்படுகிறது. சர்வதேச IMEI தளத்தில் இந்த ஸ்மார்ட்போன் M2011J18G எனும் மாடல் நம்பர் கொண்டிருக்கிறது. இதில் G எனும் வார்த்தை குளோபல் அதாவது சர்வதேச சந்தையை குறிக்கிறது.

எம்ஐ மிக்ஸ் சர்வதேச மற்றும் இந்திய வெளியீடு குறித்து சியோமி  சார்பில் இதுவரை எந்த தகவலும் வழங்கப்படவில்லை. மேலும் சியோமி நிறுவனம் எம்ஐ 11எக்ஸ் மற்றும் எம்ஐ 11 சீரிஸ் மாடல்களை அறிமுகம் செய்யும் பணிகளில் தீவிரம் காட்டி வருகிறது.

ஒன்பிளஸ் நிறுவனம் தனது முதல் ஸ்மார்ட்வாட்ச் மாடலை ஒன்பிளஸ் வாட்ச் பெயரில் அறிமுகம் செய்தது. முதல் ஸ்மார்ட்வாட்ச் மாடலில் பல்வேறு அம்சங்கள் வழங்கப்படவில்லை என உலகம் முழுக்க வாடிக்கையாளர்கள் குற்றஞ்சாட்டி வருகின்றனர்.

இந்த நிலையில், ஒன்பிளஸ் வாட்ச் மாடலில் வழங்கப்பட இருக்கும் அம்சங்கள் பற்றி அந்நிறுவனம் அதிகாரப்பூர்வ அறிவிப்பை வெளியிட்டுள்ளது. இந்த அறிவிப்புக்கு முன் ஒன்பிளஸ் புது அப்டேட் ஒன்றை அமெரிக்கா மற்றும் கனடாவில் வெளியிட்டு இருக்கிறது. வரும் நாட்களில் இந்த அப்டேட் இந்தியா உள்பட மற்ற நாடுகளுக்கும் வெளியிடப்பட இருக்கிறது. 

எதிர்காலத்தில் வெளியாகும் அப்டேட்கள் ஒன்பிளஸ் வாட்ச் மாடலில் ஆல்வேஸ் ஆன் டிஸ்ப்ளே, கேமராவை இயக்கும் வசதி, 12 மணி நேர கடிகார அமைப்பை வைத்துக் கொள்ளும் வசதி, புது ஏஐ வாட்ச் பேஸ் உள்ளிட்ட அம்சங்களை வழங்கும் என ஒன்பிளஸ் தெரிவித்துள்ளது.

ஒப்போ இந்தியா நிறுவனம் மே 7 ஆம் தேதி புது இ-ஸ்டோர் துவங்க இருக்கிறது. இந்த ஸ்டோரில் வாடிக்கையாளர்கள் தங்களுக்கு பிடித்த சாதனங்களை க்ளிக் செய்து வாங்கிக் கொள்ள முடியும்.

இந்த இ-ஸ்டோர் அனைத்து ஒப்போ சாதனங்களையும் அசத்தலான சலுகை விலையில் வழங்க இருக்கிறது. தற்போது நாடு முழுக்க 60 ஆயிரம் விற்பனை முனையங்கள் மற்றும் 180 சில்லறை விற்பனை மையங்கள் மூலம் ஒப்போ தனது சாதனங்களை விற்பனை செய்து வருகிறது.

ஜனவரி 2021 வாக்கில் வெளியான தகவல்களின்படி ஒப்போ நிறுவனம் சீன சந்தையின் முன்னணி ஸ்மார்ட்போன் நிறுவனமாக உருவெடுத்து இருக்கிறது. முன்னதாக ஒப்போ ஏ54, ஏ74 ஸ்மார்ட்போன்கள் இந்திய சந்தையில் முறையே ரூ. 13,490 மற்றும் ரூ. 17,990 விலையில் அறிமுகம் செய்யப்பட்டன.

அபெக்ஸ் லெஜண்ட்ஸ் மொபைல் நீண்ட காலமாக உருவாக்கப்பட்டு வருகிறது. தற்போது இந்த செயலிக்கான முன்பதிவு கூகுள் பிளே ஸ்டோரில் துவங்கி இருக்கிறது. எதிர்காலத்தில் இந்த கேம் ஐஒஎஸ் தளத்திலும் வெளியாக இருக்கிறது.

முதற்கட்டமாக இந்தியா மற்றும் பிலிப்பைன்ஸ் நாடுகளை சேர்ந்தவர்களுக்கு மட்டுமே முன்பதிவு துவங்கப்பட்டு இருக்கிறது. இரு சந்தைகளில் கிடைக்கும் வரவேற்பை பொருத்து மற்ற பகுதிகளில் வெளியிடுவது பற்றி முடிவெடுக்க இருப்பதாக தகவல் வெளியாகி உள்ளது.

கணினி மற்றும் கன்சோல்களை தொடர்ந்து அபெக்ஸ் லெஜண்ட்ஸ் மொபைல் பதிப்பும் நல்ல வரவேற்பை பெறும் என எதிர்பார்க்கப்படுகிறது. இந்த கேம் இலவசமாக வழங்கப்படுகிறது. எனினும், கேமினுள் அப்டேட்களை பெற சில அம்சங்கள் விற்பனை செய்யப்படுகிறது.

அபெக்ஸ் லெஜண்ட்ஸ் மொபைல் தொடுதிரை வசதி கொண்ட சாதனங்களுக்காக பிரத்யேகமாக உருவாக்கப்பட்டு இருக்கிறது. மூன்றாம் தரப்பு கண்ட்ரோலர்களுக்கான வெளியீடு பற்றி இதுவரை எந்த தகவலும் வெளியாகவில்லை.

ஆப்பிள் நிறுவனத்தின் ஸ்ப்ரிங் லோடெட் நிகழ்வு விர்ச்சுவல் முறையில் நேற்று (ஏப்ரல் 20) நடைபெற்றது. இந்த நிகழ்வில் ஆப்பிள் நிறுவனம் புதிய பாட்காஸ்ட் செயலி, பாட்காஸ்ட் சந்தா முறை உள்ளிட்டவைகளை அறிவித்தது. 

மேலும் ஆப்பிள் டிவி 4கே, யு1 சிப்செட் கொண்ட  ஏர்டேக் டிவைஸ் டிராக்கர், புதிய ஐமேக், ஐபேட் ப்ரோ உள்ளிட்ட சாதனங்களை அறிமுகம் செய்தது. இத்துடன் ஐபோன் 12 மற்றும் ஐபோன் 12 மினி மாடல்களை புதிதாக பர்பில் நிறத்தில் அறிமுகம் செய்து இருக்கிறது.

2017 ஆம் ஆண்டு அறிமுகம் செய்யப்பட்ட ஆப்பிள் டிவியின் மேம்பட்ட மாடல் ஸ்ப்ரிங் லோடெட் நிகழ்வில் அறிமுகம் செய்யப்பட்டது. புதிய ஆப்பிள் டிவி HDR, டால்பி விஷன், ஏ12 பயோனிக் சிப், மேம்பட்ட கிராபிக்ஸ், வீடியோ டிகோடிங், நேவிகேஷன் கண்ட்ரோல் கொண்ட புதிய சிரி ரிமோட் வழங்கப்படுகிறது. இந்தியாவில் இதன் விலை ரூ. 18,990 என துவங்குகிறது.

புது யுஐ கொண்டிருக்கும் பாட்காஸ்ட் செயலியுடன் பாட்காஸ்ட் சந்தா எனும் புது சேவையும் அறிமுகம் செய்யப்பட்டு இருக்கிறது. இது பாட்காஸ்ட் அனுபவத்தை மேம்படுத்துகிறது. இத்துடன் ஆப்பிள் உருவாக்கிய யு1 சிப் கொண்ட ஏர்டேக் டிராக்கர் சாதனம் அறிமுகம் செய்யப்பட்டது. 

இந்த டிராக்கர் அல்ட்ரா வைடுபேண்ட் தொழில்நுட்பம், பில்ட்-இன் ப்ளூடூத் போன்ற தொழில்நுட்பங்களை பயன்படுத்தி ஆப்பிள் நிறுவனத்தின் பைண்ட் மை நெட்வொர்க் சேவையை கொண்டு பொருட்களை கண்டறிந்து கொடுக்கும் வகையில் உருவாக்கப்பட்டு இருக்கிறது. இந்தியாவில் ஏர்டேக் விலை ரூ. 3,190 என்றும் நான்கு ஏர்டேக் வாங்கும் போது ரூ. 10,900 என்றும் நிர்ணயம் செய்யப்பட்டு உள்ளது.

புதிய ஐமேக் மாடல் 24 இன்ச் 4.5கே ரெட்டினா டிஸ்ப்ளே, 8 கோர் ஆப்பிள் எம்1 சிப்செட், அதிகபட்சம் 16 ஜிபி மெமரி, 2 டிபி வரையிலான ஸ்டோரேஜ், டச் ஐடி வசதி கொண்ட கீபோர்டு, 1080 பிக்சல் பேஸ் டைம் ஹெச்டி கேமரா போன்ற அம்சங்கள் வழங்கப்பட்டு இருக்கின்றன.

புது ஐமேக் மாடல் புளூ, கிரீன், பின்க், சில்வர், எல்லோ, ஆரஞ்சு மற்றும் பர்பில் போன்ற நிறங்களில் கிடைக்கிறது. இந்தியாவில் இதன் விலை ரூ. 1,19,990 என துவங்கி டாப் எண்ட் மாடல் விலை ரூ. 1,59,990 என நிர்ணயம் செய்யப்பட்டுள்ளது.

இதே நிகழ்வில் ஐபேட் ப்ரோ 11 இன்ச் மற்றும் 12.9 இன்ச் மாடல்கள் அறிமுகம் செய்யப்பட்டன. இரு மாடல்களும் ஆப்பிள் எம்1 பிராசஸர் கொண்டிருக்கின்றன. இதன் 11 இன்ச் மாடலில் பேக்லிட் லிக்விட் ரெட்டினா LED டிஸ்ப்ளேவும், 12.9 இன்ச் மாடலில் மினி LED லிக்விட் ரெட்டினா XDR டிஸ்ப்ளேவும் வழங்கப்பட்டு இருக்கிறது.

இத்துடன் இரு மாடல்களும் 5ஜி கனெக்டிவிட்டி, தண்டர்போல்ட், யுஎஸ்பி டைப் சி போர்ட், 12 எம்பி அல்ட்ரா வைடு ட்ரூடெப்த் செல்பி கேமரா, 12 எம்பி வைடு கேமரா, 10 எம்பி அல்ட்ரா வைடு கேமரா, அதிகபட்சம் 16 ஜிபி ரேம், 2 டிபி வரையிலான மெமரி வழங்கப்பட்டு இருக்கிறது.

இந்தியாவில் புதிய ஐபேட் ப்ரோ பேஸ் வேரியண்ட் விலை ரூ. 71,900 என துவங்கி டாப் எண்ட் மாடல் விலை ரூ. 2,12,900 என நிர்ணயம் செய்யப்பட்டு உள்ளது. இந்த மாடல்கள் ஸ்பேஸ் கிரே மற்றும் சில்வர் நிறங்களில் கிடைக்கிறது. 

ஆப்பிள் தனது ஸ்ப்ரிங் லோடெட் நிகழ்வில் ஐபோன் 12 மற்றும் ஐபோன் 12 மினி மாடல்களின் பர்பில் நிற வேரியண்டை அறிமுகம் செய்தது. முன்னதாக இரு ஐபோன்களும் புளூ, கிரீன், பிளாக், வைட் மற்றும் பிராடக்ட் ரெட் போன்ற நிறங்களில் விற்பனை செய்யப்பட்டு வந்தது.

புதிய நிறம் கொண்ட ஐபோன்கள் ஐஒஎஸ் 14.5 வெர்ஷன் கொண்டிருக்கும். இந்த ஒஎஸ் பயனர் முகக்கவசம் அணிந்து இருந்தால் ஆப்பிள் வாட்ச் கொண்டு  ஐபோனினை அன்லாக் செய்யும் வசதி கொண்டுள்ளது. 

ஐபோன் 12 மற்றும் ஐபோன் மினி மாடல்களில் முறையே 6.1 இன்ச் மற்றும் 5.4 இன்ச் OLED சூப்பர் ரெட்டினா XDR டிஸ்ப்ளே, HDR மற்றும் டால்பி விஷன் வசதி கொண்டிருக்கின்றன. இத்துடன் செராமிக் ஷீல்டு பாதுகாப்பு வழங்கப்பட்டு இருக்கின்றன. 

இரு மாடல்களிலும் ஏ14 பயோனிக் பிராசஸர், 12 எம்பி பிரைமரி கேமரா, 12 எம்பி அல்ட்ரா வைடு கேமரா மற்றும் 12 எம்பி செல்பி கேமரா வழங்கப்பட்டு இருக்கின்றன. அனைத்து கேமராக்களிலும் நைட் மோட் மற்றும் நைட் மோட் டைம்-லேப்ஸ் வசதி வழங்கப்பட்டுள்ளன.

சாம்சங் நிறுவனத்தின் கேலக்ஸி ஏ22 விவரங்கள் பிஐஎஸ் வலைதளத்தில் இடம்பெற்று இருப்பதாக தகவல் வெளியாகி உள்ளது. இந்த ஸ்மார்ட்போன் SM-A225F/DS எனும் மாடல் நம்பர் கொண்டுள்ளது. இந்த ஸ்மார்ட்போன் டூயல் சிம் வசதி, 4ஜி கனெக்டிவிட்டி அம்சங்களை கொண்டிருக்கும் என தெரிகிறது. 

முன்னதாக இதே மாடல் நம்பர் கொண்ட ஸ்மார்ட்போன் HTML5 டெஸ்ட் பட்டியலில் இடம்பெற்று இருந்தது. அதில் இந்த ஸ்மார்ட்போன் ஆண்ட்ராய்டு 11 ஒஎஸ் கொண்டிருக்கும் என கூறப்பட்டது. சமீபத்தில் சாம்சங் தனது கேலக்ஸி ஏ52, கேலக்ஸி ஏ52 5ஜி மற்றும் கேலக்ஸி ஏ72 மாடல்களை அறிமுகம் செய்தது. 

புதிய கேக்ஸி ஏ சீரிஸ் மாடல் சூப்பர் AMOLED டிஸ்ப்ளே கொண்டிருக்கிறது. சர்வதேச சந்தையில் இந்த ஸ்மார்ட்போன்கள் ஆசம் வைலட், ஆசம் புளூ, ஆசம் பிளாக் மற்றும் ஆசம் வைட் போன்ற நிறங்களில் கிடைக்கிறது. விரைவில் கேலக்ஸி ஏ52 மற்றும் ஏ72 ஸ்மார்ட்போன்கள் இந்தியாவில் வெளியாகும் என கறப்படுகிறது.

இந்த மாடல்களில் 64 எம்பி பிரைமரி கேமரா வழங்கப்பட்டு இருக்கிறது. கேலக்ஸி ஏ52 மாடலில் 4500 எம்ஏஹெச் பேட்டரியும், கேலக்ஸி ஏ72 மாடலில் 5000 எம்ஏஹெச் பேட்டரியும் வழங்கப்பட்டு உள்ளது.

பிஎஸ்என்எல் நிறுவனம் ரூ. 249 மற்றும் ரூ. 298 விலையில் புதிய பிரீபெயிட் சலுகைகளை இந்திய சந்தையில் அறிமுகம் செய்தது. இரு சலுகைகளிலும் அன்லிமிடெட் வாய்ஸ் கால், குறுந்தகவல் பலன்கள் வழங்கப்படுகிறது. 

புதிய பிஎஸ்என்எல் ரூ. 249 சலுகையில் அன்லிமிடெட் வாய்ஸ் கால், தினமும் 100 எஸ்எம்எஸ், தினமும் 2 ஜிபி  டேட்டா உள்ளிட்டவை 60 நாட்களுக்கு வழங்கப்படுகிறது. இதில் பயனர்களுக்கு அனைத்து பலன்களும் இரண்டு மாதங்களுக்கு கிடைக்கும். இது முதல் முறை வாடிக்கையாளர்களுக்கான சலுகை ஆகும்.

ரூ. 298 பிஎஸ்என்எல் சலுகையில் தினமும் 1 ஜிபி டேட்டா வழங்கப்படுகிறது. இத்துடன் அன்லிமிடெட் வாய்ஸ் கால், தினமும் 100 எஸ்எம்எஸ் மறஅறும் இரோஸ் நௌ சந்தா 56 நாட்களுக்கு வழங்கப்படுகிறது. தினசரி டேட்டா தீர்ந்ததும் டேட்டா வேகம் 40 Kbps ஆக குறைக்கப்படும். இந்த சலுகையை அனைவரும் ஆன்லைன், ஆப்லைன் தளங்களில் ரீசார்ஜ் செய்யலாம்.

சியோமி நிறுவனம் தனது எம்ஐ மிக்ஸ் போல்டு மடிக்கக்கூடிய ஸ்மார்ட்போனினை பிளாஷ் முறையில் விற்பனை செய்தது. விற்பனை துவங்கிய ஒரே நிமிடத்தில் 30 ஆயிரம் பேர் இதனை வாங்கியுள்ளனர். அதன்படி நொடிக்கு 500 யூனிட்கள் வரை விற்பனையாகி இருக்கிறது.

முதல் பிளாஷ் விற்பனையில் மட்டும் 6.13 கோடி டாலர்களை சியோமி ஈட்டியுள்ளது. சியோமி எம்ஐ மிக்ஸ் போல்டு 12/256 ஜிபி, 12/512 ஜிபி மற்றும் 16/512 ஜிபி மெமரி என மூன்று வித மாடல்களில் கிடைக்கிறது. 

சீன சந்தையில் எம்ஐ மிக்ஸ் போல்டு 12/256ஜிபி விலை 1530 டாலர்கள், 12/512 ஜிபி விலை 1680 டாலர்கள், டாப் எண்ட் மாடலான 16/512 ஜிபி மாடல் விலை 2 ஆயிரம் டாலர்கள் என நிர்ணயிக்கப்பட்டு உள்ளது.

அனைத்து வெர்ஷன்களிலும் HDR10 AMOLED டிஸ்ப்ளே, ஸ்னாப்டிராகன் 888 பிராசஸர், 108 எம்பி பிரைமரி கேமரா, 13 எம்பி அல்ட்ரா வைடு கேமரா, 8 எம்பி டெலிபோட்டோ கேமரா வழங்கப்பட்டு இருக்கிறது. மேலும் லிக்விட் லென்ஸ் கொண்ட முதல் ஸ்மார்ட்போன் இது ஆகும்.

கொரோனாவைரஸ் பரவல் உலகம் முழுக்க பெரும் பாதிப்புகளை ஏற்படுத்தி இருக்கிறது. இந்த காலக்கட்டத்தில் ஆப்பிள் மற்றும் கூகுள் நிறுவனங்கள் கொரோனாவைரஸ் பாதிப்பு பற்றிய சரியான தகவல்களை மக்களிடம் கொண்டு சேர்க்கும் பணிகளை மேற்கொண்டு வருகின்றன.

அந்த வகையில் தடுப்பூசி முகாம்களுக்கு வழிகாட்ட கூகுள் தனது சர்ச் மற்றும் மேப்ஸ் சேவையில் புது அப்டேட் வழங்கப்படுகிறது. உலகின் பல்வேறு நாடுகளில் கொரோனாவைரஸ் பரவலின் இரண்டாம் அலை மிக தீவிரம் அடைந்துள்ளது. இந்தியாவில் கொரோனா பாதித்தவர்கள் எண்ணிக்கை நாள் ஒன்றுக்கு 2 லட்சத்தை கடந்துள்ளது.

அப்படியாக பாதிப்பை பெருமளவு குறைக்க தடுப்பூசியை பயன்படுத்த மத்திய அரசு திட்டமிட்டு இருக்கிறது. கடந்த மாதம் கூகுள் நிறுவனம் பல்வேறு தடுப்பூசி பற்றிய தகவல்களை மிக எளிமையாக கொண்டு செல்லும் முயற்சியை துவங்கியது. 

தற்போது கூகுள் மேப்ஸ் மற்றும் கூகுள் சர்ச் தளங்களில் மக்களுக்கு அருகாமையில் கிடைக்கும் தடுப்பூசி மையங்கள் பற்றிய தகவல்களை வழங்குகிறது. முதற்கட்டமாக இதுபற்றிய தகவல்கள் அமெரிக்கா, கனடா, பிரான்ஸ், சிலி மற்றும் சிங்கப்பூர் போன்ற நாடுகளில் வழங்கப்படுகிறது.