என் மலர்

    நீங்கள் தேடியது "green road"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    ராமேசுவரம்– ஏர்வாடி வரை பசுமை வழித்தடம் அமைக்கப்படும் என சாயல்குடியில் தேர்தல் பிரசாரம் மேற்கொண்ட பிரேமலதா கூறினார். #premalatha #admk #dmdk
    சாயல்குடி:

    ராமநாதபுரம் நாடாளுமன்ற தொகுதியில் போட்டியிடும் அ.தி.மு.க–பா.ஜ.க. கூட்டணி கட்சி வேட்பாளர் நயினார் நாகேந்திரனை ஆதரித்து சாயல்குடி மும்முனை சந்திப்பில் தே.மு.தி.க. பொருளாளர் பிரேமலதா விஜயகாந்த் பிரசாரம் மேற்கொண்டார். அப்போது அவர் கூறியதாவது:–

    நமது கூட்டணி கட்சி வேட்பாளர் நயினார் நாகேந்திரனின் வெற்றி உறுதியாகிவிட்டது. வெற்றியினை தொடர்ந்து ராமநாதபுரத்தில் அரசு மருத்துவ கல்லூரி அமைக்கப்படும். ராமேசுவரம்–ஏர்வாடி வரை பசுமை வழித்தடம் அமைக்கப்படும். கடற்கரை சாலை வழியாக ரெயில் போக்குவரத்து தொடங்கப்படும். தி.மு.க. எங்களை அ.தி.மு.க. கூட்டணியில் சேர விடாமல் செய்தவற்கு பல வழிகளை கையாண்டது.

    முதல்–அமைச்சர் எடப்பாடி பழனிசாமி தலைமையிலான ஆட்சியில் விலைவாசி கட்டுப்பாட்டில் உள்ளது. 5 ஆண்டு கால மோடி ஆட்சியில் தான் இந்தியா உலக அரங்கில் சிறப்பான இடத்தை பெற்றுள்ளது. 18 தொகுதி இடைத்தேர்தலிலும் அ.தி.மு.க. வெற்றி பெறுவதற்கு தே.மு.தி.க. உறுதுணையாக நிற்கும். வர இருக்கின்ற உள்ளாட்சி தேர்தலிலும் இதே கூட்டணி போட்டியிட்டு வெற்றி பெற்று உள்ளாட்சிகளில் பிரதிநிதித்துவம் பெறப்போவது உறுதி.

    தி.மு.க. ஆட்சியில் நாள் ஒன்றுக்கு 12 மணி நேரம் மின் வெட்டு இருந்தது. அடுத்து வந்த ஜெயலலிதா தலைமையிலான அ.தி.மு.க. அரசு தான் தமிழகத்தினை மின் மிகை மாநிலமாக மாற்றியது. இலங்கை படுகொலைக்கு முழு முதல் காரணமாக இருந்த தி.மு.க. வை அனைத்து தொகுதிகளிலும் பொது மக்கள் புறக்கணித்து அ.தி.மு.க.விற்கு வாக்களித்து வெற்றி பெறச் செய்ய வேண்டும். 

    இவ்வாறு அவர் பேசினார். #premalatha #admk #dmdk
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    பசுமை வழிச்சாலை அமைக்கும் திட்டம் கவுத்தி மலை பகுதியில் கிடைக்கும் கனிம வளங்களை எடுத்து செல்வதற்காக என்ற கருத்து முற்றிலும் தவறானது என்று திருவண்ணாமலை கலெக்டர் கந்தசாமி கூறினார்.
    திருவண்ணாமலை:

    திருவண்ணாமலை கலெக்டர் கந்தசாமி வெளியிட்டுள்ள அறிக்கையில் கூறியிருப்பதாவது:-

    சென்னையில் இருந்து சேலத்திற்கு பசுமை வழிச்சாலை அமைய உள்ளது. தொழில் நகரங்களான சென்னை, சேலம், ஈரோடு, திருப்பூர், கோவை மற்றும் சுற்றுலா தலங்களான திருவண்ணாமலை, ஊட்டி, ஏற்காடு ஆகியவற்றை இந்த சாலை மார்க்கமாக இணைக்க பெரிதும் உதவுகிறது.

    மேலும் விவசாய விளை பொருட்கள் மற்றும் அத்தியாவசிய பொருட்கள் பிற நகரங்களுக்கு துரிதமாக கொண்டு செல்ல இந்த சாலை மிகவும் பயனுள்ளதாக அமையும். இந்த சாலையின் வடிவமைப்பில் மலைப்பகுதி மற்றும் வனப்பகுதி கூடுமான வரை தவிர்க்கப்பட்டு இந்த திட்டத்தின் கீழ் தோராயமாக 4 கிலோ மீட்டர் தூரத்திற்கு சுமார் 18 ஹெக்டேர் பரப்பு வன நிலத்தில் மட்டுமே சாலை அமைக்கப்படுகிறது. இந்த திட்டத்திற்கு குறைந்த அளவிலான மரங்களே அகற்றப்படுவதுடன், இந்த சாலை சுமார் 277 கிலோ மீட்டர் தூரத்திற்கு இருபுறமும் சுமார் 3 லட்சம் மரங்கள் நடவு செய்து பராமரிக்கப்பட உள்ளது.

    திருவண்ணாமலை மாவட்டத்தில் உள்ள கவுத்தி மலை பகுதிக்கும், பசுமை வழிச்சாலை அமைக்கப்பட உள்ள இடத்திற்கும் இடையில் சுமார் 10 கிலோ மீட்டர் தூரம் உள்ளது. கவுத்திமலை கனிமம் குறித்த மனுவும் ஏற்கனவே தள்ளுபடி செய்து முடிக்கப்பட்டு விட்டது.

    பசுமையுடன் ரம்மியமாக காட்சியளிக்கும் கவுத்திமலை.


    எனவே, இந்த சாலை அமைக்கும் திட்டம் கவுத்தி மலை பகுதியில் கிடைக்கும் கனிம வளங்களை எடுத்து செல்வதற்காக என்ற கருத்து முற்றிலும் தவறானது. இந்த திட்டத்தின் கீழ் திருவண்ணாமலை மாவட்டத்தில் கையகப்படுத்தப்பட உள்ள மொத்தம் 860 ஹெக்டேர் நிலத்தில் அரசு புறம்போக்கு நிலங்கள் 155 ஹெக்டேர், தனியார் நிலங்களில் நன்செய் நிலங்கள் 100 ஹெக்டேர், புன்செய் நிலங்கள் 605 ஹெக்டேர் மட்டுமே கையகப்படுத்தப்பட உள்ளது.

    இந்த திட்டம் பொதுமக்களின் குறிப்பாக விவசாயிகள் வாழ்வாதாரத்தை பெரிதும் மேம்படுத்தக் கூடியதாகும். இந்த திட்டம் பொதுமக்களின் எதிர்கால பொருளாதார வளர்ச்சியை கருத்தில் கொண்டு நிறைவேற்றப்படும் சீரிய திட்டமாகும்.

    இந்த திட்டத்திற்கு அனைத்து தரப்பு மக்களும், விவசாயிகளும் பூரண ஒத்துழைப்பு வழங்க வேண்டும். மேலும் பொதுமக்களுக்கு ஏற்படும் சந்தேகங்கள் குறித்து சம்பந்தப்பட்ட துறை அதிகாரிகளை எந்த நேரத்திலும் சந்தித்து, தங்களின் சந்தேகங்களை நிவர்த்தி செய்து கொள்ளலாம். 3-ம் நபர்களால் பரப்பப்படும் வீண் வதந்திகளை எக்காரணம் கொண்டும் நம்ப வேண்டாம். சமூக வலைதளங்களான வாட்ஸ் அப் மற்றும் முகநூல் மூலம் வரும் தகவல்கள் உண்மையல்ல.

    இவ்வாறு அதில் கூறப்பட்டுள்ளது.



    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    சேலம்- சென்னை இடையே 8 வழி சாலை அமைக்கும் மத்திய அரசின் நடவடிக்கைக்கு எதிர்ப்பு தெரிவித்து விவசாயிகளை கைது செய்த சம்பவம் கிராம மக்களிடம் பெரும் பரபரப்பை ஏற்படுத்தியுள்ளது. #Farmersarrest

    சேலம்:

    சென்னையில் இருந்து சேலத்திற்கு 8 வழி பசுமை வழிச் சாலை அமைக்க மத்திய அரசு திட்டமிட்டிருந்தது.

    சேலம், கிருஷ்ணகிரி, தர்மபுரி, திருவண்ணாமலை, காஞ்சீபுரம் ஆகிய 5 மாவட்டங்களில் வழியாக இந்த பசுமை வழிச்சாலை சென்னைக்கு அமைக்கப்பட உள்ளது. இந்த திட்டத்திற்கு மத்திய அரசு ரூ.10 ஆயிரம் கோடி ஒதுக்கீடு செய்ய உள்ளது.

    சென்னை-சேலம் பசுமை வழி விரைவு சாலை திட்டத்திற்கு மொத்தம் 277 கிலோ மீட்டர் தூரத்திற்கு சாலை அமைக்கப்படும். இதற்காக 7,500 ஏக்கர் விளை நிலம், 500 ஏக்கர் வனப்பகுதி, 7 ஆறுகள், 8 மலைகள் உடைக்கப்படும் என்று தெரிய வந்துள்ளது. 7,500 ஏக்கர் விளை நிலம் கையகப்படுத்தப்பட உள்ளதால் விவசாயிகளுக்கு கடும் பாதிப்பு ஏற்படும் சூழ்நிலை உருவாகி உள்ளது.

    இந்த திட்டத்தை செயல் படுத்தினால் 5 மாவட்டங்களில் உள்ள விவசாயிகளின் வாழ்வாதாரம் முற்றிலும் அழியும் அபாய நிலை உருவாகி இருப்பதாக பரபரப்பு ஏற்பட்டுள்ளது. சுமார் 150 கிராமங்களில் இந்த விளை நிலங்கள் பாதிக்கப்படும் என்று கணக்கிடப்பட்டுள்ளது.

    இதையடுத்து 150 கிராம மக்கள் பசுமை வழிச்சாலைக்கு எதிர்ப்பு தெரிவித்து போராட்டத்தை தொடங்கியுள்ளனர். கடந்த சில தினங்களாக இந்த போராட்டம் தீவிரம் அடைய தொடங்கியுள்ளது.

    இந்த நிலையில் சேலம், தர்மபுரி, திருவண்ணாமலை, கிருஷ்ணகிரி, காஞ்சீபுரம் மாவட்டங்களில் சிலர் விவசாயிகளை சந்தித்து பேசி பசுமைவழிச்சாலை திட்டத்திற்கு எதிராக போராட்டத்திற்கு தூண்டி விடுவதாக உளவுத்துறை எச்சரித்துள்ளது. இதையடுத்து 5 மாவட்டங்களிலும் போலீசார் உஷார் படுத்தப்பட்டுள்ளனர்.

    கடந்த திங்கட்கிழமை தர்மபுரி மாவட்டத்தை சேர்ந்த சுமார் ஆயிரம் விவசாயிகள் கலெக்டர் அலுவலகம் முன்பு முற்றுகை போராட்டம் நடத்த திரண்டு வந்தனர். அவர்களை போலீசார் ஆங்காங்கே மடக்கி விரட்டிவிட்டனர்.

    இதனால் அந்த போராட்டம் பெரிய அளவில் நடக்கவில்லை.

    9 பேர் மட்டுமே அன்று கலெக்டரை சந்தித்து மனுக் கொடுக்க அனுமதிக்கப்பட்டனர். இந்த நிலையில் தற்போது சேலத்திலும், திருவண்ணாமலையிலும் பசுமை வழிச்சாலை திட்டத்திற்கு எதிரான போராட்டங்கள் அதிகரிக்க தொடங்கியுள்ளன.

    கடந்த 6-ந் தேதி ஆச்சாங்குட்டபட்டியில் 8 வழி சாலை அமைக்க அதிகாரிகள் நிலத்தை அளவீடு செய்தனர். உடனே அப்பகுதி மக்கள் ஒன்று திரண்டு எதிர்ப்பு தெரிவித்தனர். இதனால் அளவீடு செய்யும் பணி பாதியில் நிறுத்தப்பட்டது.

    இந்தநிலையில் நேற்று ஆச்சாங்குட்டபட்டி ஊராட்சிக்குட்பட்ட செங்காட்டூர், அடிமலைப் புதூர், கத்திரிபட்டி ஆதிதிராவிடர் காலனியை சேர்ந்த பொது மக்கள் 8 வழி பசுமை சாலை அமைக்க எதிர்ப்பு தெரிவித்து அங்குள்ள திரவுபதி அம்மன் கோவில் அருகில் திரண்டனர்.

     

    அம்மாபேட்டை போலீஸ் நிலையத்தில் திரண்ட விவசாயிகளின் உறவினர்கள்.

    கூட்டத்தில் 300-க்கும் ஆண்கள், பெண்கள் கலந்து கொண்டனர். இதில் 8 வழி பசுமை விரைவு சாலை திட்டத்திற்காக விவசாய நிலங்கள், கோவில் நிலங்கள், பள்ளி, மயானம் ஆகியவற்றுடன் பல ஆயிரம் ஏக்கர் தென்னை, பாக்கு மரங்கள், நெல் வயல்கள் அழிக்கப்பட உள்ளது. இதனால் விவசாயிகளை பாதிக்கும் இந்த திட்டத்தை கைவிட வேண்டும் என தீர்மானம் நிறை வேற்றப்பட்டது.

    இதற்கிடையே தூத்துக்குடியில் நடைபெற்றது போல 5 மாவட்டங்களிலும் மிகப் பெரிய போராட்டம் வெடிக்கும் அபாயம் இருப்பதாக உளவுத்துறை போலீசார் ஏற்கனவே எச்சரித்திருந்தனர். இதன் அடிப்படையில் உளவுத்துறையினர் முகாமிட்டு கண்காணிப்பு பணியை தீவிரப்படுத்தி உள்ளனர்.

    போராட்டத்தை முன் எடுத்து செல்வது யார், யார்? என்பதை முன் கூட்டியே கண்டறிந்து அவர்களை முன் கூட்டியே கைது செய்யவும் உயர் போலீஸ் அதிகாரிகள் அந்தந்த மாவட்ட அதிகாரிகளுக்கு உத்தரவிட்டுள்ளனர். இதற்கிடையே ஆச்சாங்குட்டபட்டியில் நேற்று நடந்த கூட்டத்தை போலீசார் தீவிரமாக கண்காணித்தனர்.

    அதன் அடிப்படையில் கூட்டத்தை முன் நின்று நடத்தியதாக கூறி குப்பனூரை சேர்ந்த முத்துக்குமார், நாராயணன், ராஜாகவுண்டர், கந்தசாமி, ரவிச்சந்திரன், பழனியப்பன் ஆகிய 6 பேரை இன்று அதிகாலை வீடு புகுந்து அம்மாபேட்டை போலீசார் இழுத்து சென்றனர்.

    பூலாவாரி சித்தேரியை சேர்ந்த ரவி என்பவரை கொண்டாலம் பட்டி போலீசார் வீடு புகுந்து இழுத்து சென்றனர். இதை பார்த்த உறவினர்கள் எதிர்ப்பு தெரிவித்ததுடன் போலீசாருடன் வாக்குவாதத்திலும் ஈடுபட்டனர். இதனால் அங்கு பரபரப்பு நிலவியது.

    விசாரணைக்காக அழைத்து செல்லப்பட்டவர்களின் உறவினர்கள் 100-க்கும் மேற்பேட்டோர் அம்மாபேட்டை போலீஸ் நிலையம் முன்பு திரண்டனர். இதனால் அங்கு பதட்டமான சூழல் நிலவியதால் கூடுதல் போலீசார் வரவழைக்கப்பட்டனர்.

    பல மணி நேர விசாரணைக்கு பிறகு ராஜா கவுண்டர், கந்தசாமி, ரவிச் சந்திரன், பழனியப்பன் ஆகிய 4 பேரை போலீசார் விடுவித்தனர். முத்துக்குமார், நாராயணன், பூலா வாரியை சேர்ந்த ரவி ஆகிய 3 பேரிடமும் விசாரணை நடந்தது. பிறகு நாராயணன் விடுக்கப்பட்டார்.

    முத்துக்குமார் போராட்டத்தை தூண்டிவிட்டதாக போலீசாருக்கு சந்தேகம் எழுந்தது. இதையடுத்து அவரை உடனடியாக கைது செய்தனர். சைக்கிள் கடை நடத்தி வரும் முத்துக்குமார் பசுமை வழிச்சாலை திட்டத்தை எதிர்த்து முன் நின்று போராட்டம் நடத்தியது குறிப்பிடத்தக்கது.

    ரவியிடம் தொடர்ந்து விசாரணை நடந்து வருகிறது. அவர் கைது செய்யப்படு வாரா? என்று தெரிய வில்லை. இது குறித்து துணை கமி‌ஷனர் சுப்புலெட்சுமி கூறியதாவது:-

    8 வழி பசுமை விரைவுச் சாலை திட்டத்திற்கு எதிராக சிலர் போராட்டத்தை தூண்டுவதாக கிடைத்த தகவலின் பேரில் விசாரணைக்காக அழைத்து வந்துள்ளோம். விசாரணையில் அவர்களுக்கு தொடர்பு இருப்பது தெரிய வந்தால் அவர்களை கைது செய்வோம். மற்றவர்கள் விடுவிக்கப்படுவார்கள் என்றார். #Farmersarrest

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    சேலம்- சென்னை இடையே 8 வழி சாலை அமைக்கும் மத்திய அரசின் நடவடிக்கைக்கு எதிர்ப்பு தெரிவித்து 150 கிராமங்களை சேர்ந்த பொதுமக்கள், சமூக ஆர்வலர்கள் போராட்டத்தில் ஈடுபட தயராகி வருகின்றனர்.
    சேலம்:

    சேலம்-சென்னை இடையே 277 கி.மீ.தூரத்திற்கு 8 வழி பசுமை விரைவு சாலை அமைக்க மத்திய அரசு திட்டமிட்டுள்ளது. சேலம், தர்மபுரி, கிருஷ்ணகிரி, திருவண்ணாமலை, காஞ்சிபுரம் ஆகிய 5 மாவட்டங்கள் வழியாக சென்னைக்கு இந்த சாலை அமைக்கப்படுகிறது.

    இதற்காக 7 ஆயிரம் ஏக்கர் விவசாய நிலம், 500 ஏக்கர் வனப்பகுதி, 7 ஆறுகள், 8 மலைகள் உடைக்கப்பட உள்ளதால் கான்கிரீட் வீடுகள், விவசாய கிணறுகள், தென்னை, பாக்கு தோப்புகளை அழிக்கும் சூழல் நிலவுகிறது.

    இதனால் பாதிக்கப்படும் 150 கிராமங்களை சேர்ந்த விவசாயிகள், சமூக ஆர்வலர்கள், பொது மக்கள் மற்றும் பல்வேறு அமைப்புகளை சேர்ந்தவர்கள் இந்த திட்டத்தை செயல்படுத்த கூடாது என கடும் எதிர்ப்பு தெரிவித்து வருகிறார்கள்.

    மேலும் அந்தந்த மாவட்ட கலெக்டர் அலுவலகத்தில் பல ஆயிரக்கணக்கானோர் திரண்டு தங்களது எதிர்ப்புகளை தெரிவித்து வருகின்றனர். இதனால் அசம்பாவிதங்கள் நடக்க வாய்ப்புள்ளதாக உளவுத்துறை எச்சரிக்கை விடுத்துள்ளது. கலெக்டர் அலுவலகத்திற்கு வரும் விவசாயிகள் மற்றும் பொது மக்களையும் வழியிலேயே போலீசார் தடுத்து வருகின்றனர்.

    தர்மபுரி மாவட்டம் அரூரில் இருந்து மாவட்ட கலெக்டர் அலுவலகத்திற்கு கடந்த 4-ந் தேதி ஊர்வலமாக புறப்பட்ட 10 ஆயிரத்திற்கும் மேற்பட்ட விவசாயிகள் மற்றும் பொது மக்களை போலீசார் 10-க்கும் மேற்பட்ட இடங்களில் சோதனை சாவடி அமைத்து தடுத்தனர். அதையும் மீறி ஆயிரக்கணக்கான விவசாயிகள் தர்மபுரி மாவட்ட கலெக்டர் அலுவலகத்திற்கு சென்று தங்களது எதிர்ப்பை தெரிவித்தனர்.

    நேற்றும் அந்த பகுதியில் போலீசாரின் தீவிர கண்காணிப்பு தொடர்ந்ததால் இ.மெயில் மற்றும் கடிதங்களை கலெக்டர் அலுவலகங்களுக்கு அனுப்பி விவசாயிகள் தங்களது எதிர்ப்பை வெளிப்படுத்தினர். தர்மபுரி மாவட்ட கலெக்டர் அலுவலகத்திற்கு 500-க்கும் மேற்பட்ட கடிதங்கள் நேற்று ஒரே நாளில் அனுப்பப்பட்டதால் அதிகாரிகள் அதிர்ச்சி அடைந்துள்ளனர்.

    மேலும் 8 வழிசாலையால் பாதிக்கப்படும் 5 மாவட்டங்களிலும் தொடர் போராட்டம் நடத்த பொது மக்கள் தயாராகி வருகிறார்கள். இதனால் அந்த பகுதியில் உள்ள அனைத்து கிராமங்களிலும் உளவுத்துறை போலீசார் முகாமிட்டுள்ளனர் . அவர்கள் போராட்ட வியூகங்களை அறிந்து உயர் அதிகாரிகள் மற்றும் போலீசாரிடம் உடனுக்குடன் தகவல்களை தெரிவித்து வருகிறார்கள்.

    இது குறித்து பாதிக்கப்படும் விவசாயிகள் கூறுகையில், சேலம்-சென்னை 8 வழி பசுமைச்சாலை திட்டத்தால் பல ஆயிரம் ஏக்கர் விவசாய நிலங்கள் அழிக்கப்பட உள்ளது. ஏற்கனவே சேலம்- சென்னைக்கு 4 சாலைகள் உள்ள நிலையில் இந்த சாலை தேவையில்லை.

    கார்ப்பரேட் நிறுவனங்களுக்கு ஆதரவாக அரசு எங்களின் வாழ்வாதாரத்தை பறிக்க பார்க்கிறது. எத்தனை எதிர்ப்பு வந்தாலும் அதையும் மீறி போராட்டம் நடத்துவோம், எங்கள் நிலத்தை விட்டு கொடுக்க மாட்டோம் என்று கூறி வருகிறார்கள். இதனால் 5 மாவட்டங்களிலும் பதட்டமான சூழல் நிலவி வருவதால் கூடுதல் போலீசார் கண்காணிப்பில் ஈடுபட்டுள்ளனர். 
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    சென்னை - சேலம் இடையே 8 வழி பசுமை விரைவு சாலை அமைத்தால் 30 ஆயிரம் விவசாயிகள் பாதிக்கப்படுவார்கள் என்று மார்க்சிஸ்டு கம்யூனிஸ்டு மாநில கமிட்டி உறுப்பினர் நிருபர்களிடம் கூறியுள்ளார்.
    கிருஷ்ணகிரி:

    சென்னை-சேலம் இடையே ரூ. 10 ஆயிரம் கோடி மதிப்பில் 8 வழி பசுமை விரைவு சாலை அமைக்கப்பட உள்ளது.

    பசுமை விரைவு சாலை அமைத்தால் 66 கிலோ மீட்டர் தூரம் மிச்சமாகும். தற்போது சென்னை-சேலம் இடையே உள்ள 340 கிலோ மீட்டர் தூரத்தை 5 மணி நேரம் முதல் 6 மணி நேரம் வாகனங்கள் கடக்கின்றன.

    பசுமை வழி சாலை அமைத்தால் இந்த தூரம் 274 கிலோ மீட்டராக குறையும். 3 மணி நேரம் முதல் 4 மணி நேரத்தில் இந்த பயண தூரத்தை கடந்து விடலாம். இந்த விரைவு சாலை தாம்பரத்தில் தொடங்கி காஞ்சிபுரம் மாவட்டம் வழியாக திருவண்ணாமலை மாவட்டத்தில் செய்யாறு வந்தவாசி, போளுர், ஆரணி, செங்கம் வழியாக தருமபுரி மாவட்டத்தில் அரூர், தீர்த்தமலை, பாப்பிரெட்டிப்பட்டி வழியாக மஞ்சவாடி கணவாயை அடைகிறது.

    பின்னர் சேலம் மாவட்டத்தில் அயோத்தியாப்பட்டிணம், வரகம்பாடி, எருமா பாளையம், நிலவாரப்பட்டி, கெஜ்ஜல் நாயக்கன்பட்டி வழியாக சேலம்-மதுரை தேசிய நெடுஞ்சாலையை கடந்து சேலம் -கோவை தேசிய நெடுஞ்சாலையில் அரியானூர் பகுதியில் முடிவடைகிறது.

    இந்த பசுமை வழிச்சாலை அமைக்க தருமபுரி மாவட்டத்தில் 1846 விவசாயிகளிடம் 439 ஹெக்டேர் நிலங்கள் கையப்படுத்தப்பட உள்ளன. இந்த சாலை அமைத்தால் 30 ஆயிரம் விவசாயிகள் பாதிக்கப்படுவார்கள் என்று மார்க்சிஸ்டு கம்யூனிஸ்டு (லெனினிஸ்டு) மாநில கமிட்டி உறுப்பினர் சந்திரமோகன் கிருஷ்ணகிரயில் நிருபர்களிடம் கூறினார்.

    இது குறித்து அவர் கூறியதாவது:-

    சென்னை - சேலம் 8 வழி பசுமைசாலை அமைத்தால் விவசாய நிலங்கள் அழிந்து விடும். பண்ணை நிலங்கள், மாந்தோப்புகள், மரங்கள் அழிக்கப்படும். நெல் மற்றும் காய்கறி பயிரிடும் விவசாய நிலங்களும் அழிக்கப்பட்டு விடும். இதனால் 30 ஆயிரம் விவசாய குடும்பத்தினர் பாதிக்கப்படுவார்கள். எனவே இந்த பசுமை வழிச்சாலை திட்டத்தை கைவிட வேண்டும்.

    ஏற்கனவே சென்னை - சேலம் இடையே பல்வேறு சாலைகள் உள்ளன. சென்னையில் இருந்து விழுப்புரம், ஆத்தூர் வழியாக ஒரு சாலை உள்ளது. சென்னையில் இருந்து பூந்தமல்லி, வேலூர், வாலாஜா, திருப்பத்தூர், அரூர் வழியாக ஒரு சாலை உள்ளது.

    சென்னையில் இருந்து வேலூர், வாலஜா, கிருஷ்ணகிரி, தருமபுரி வழியாக சேலம் செல்ல ஒரு சாலை உள்ளது. எனவே சென்னை - சேலம் இடையே 3 சாலைகள் இருப்பதால் 8 வழி பசுமைச்சாலை தேவையில்லை. இந்த திட்டத்தை கைவிட வேண்டும்.

    இவ்வாறு அவர் கூறினார்.
    ×