ஆன்மிகம் தலைப்புச்செய்திகள்

சோழவந்தான் அருகே இரும்பாடி கிராமத்தில் பிரசித்தி பெற்ற முத்தாலம்மன்கோவில் உள்ளது. கொரோனா ஊரடங்கு காரணமாக கடந்த 2 ஆண்டுகளாக கோவிலில் வைகாசி திருவிழா நடத்த முடியவில்ைல. இதனால் கிராம மக்கள் தெய்வ குற்றம் இருப்பதாக கருதினார்கள். விழா கமிட்டியினரும் திருவிழா இல்லாமல் எளிமையாக பூஜை நடத்த முடிவு செய்தனர்.

அதன்படி கொரோனா தொற்று நோயிலிருந்து இருந்து மக்களை காப்பாற்ற வேண்டி சிறப்பு பூஜை நடந்தது. இதில் முத்தாலம்மன் மற்றும் பரிவார தெய்வங்களுக்கு பால், தயிர் உள்பட 12 வகையான திரவியங்களால் சிறப்பு அபிஷேகம் நடைபெற்றது. பின்னர் பொங்கல் வைத்து சிறப்பு அர்ச்சனை நடந்தது. பூசாரி ராமசாமி பூஜைகள் செய்தார். சக்திவேல், நாகமணி, வரதராஜன், குமார் பாபு, அர்ஜுனன் உள்ளிட்ட விழா கமிட்டியினர் முக கவசம் அணிந்து சமூக இடைவெளியுடன் கலந்துகொண்டனர்.

சோழவந்தான் ஜெனகை மாரியம்மன் கோவில் பிரசித்தி பெற்ற கோவில்களில் ஒன்றாகும். இந்த கோவிலில் வருடந்தோறும் வைகாசி அமாவாசைக்குப் பின்னர் வரும் திங்கட்கிழமை திருவிழா கொடியேற்றத்துடன் தொடங்கி 17 நாட்கள் நடைபெறும். இதற்கு முன்னதாக பங்குனி மாதம் அமாவாசை பின்னர் வரும் திங்கட்கிழமை மூன்று மாத கொடியேற்றம் நடைபெறும்.

வைகாசி அமாவாசைக்குப் பின்னர் திங்கட்கிழமையான 14-ம் தேதி இரவு கொடியேற்றத்துடன் வைகாசி பெருந்திருவிழா தொடங்கியது. 17 நாட்கள் திருவிழா தொடர்ந்து நடைபெறுகிறது. கொரோனா தொற்று நோய் காரணமாக கட்டுப்பாடுகளுடன் ஊரடங்கு உத்தரவு அமலில் இருப்பதால் அரசு உத்தரவுப்படி கோவில் வளாகத்தில் திருவிழா நடைபெறுகிறது.

இதையொட்டி 2-ம் நாள் 17-ம் தேதி திருவிழா மேட்டுத்தெரு கிராமமக்களால் கொண்டாடப்பட்டது. இவ்விழாவை முன்னிட்டு ஜெனகை மாரியம்மன் சிங்க வாகனத்தில் எழுந்தருளி பக்தர்களுக்கு காட்சி அளித்தார். சண்முகம் அர்ச்சகர் பூஜைகள் செய்தார்.

சோழவந்தானில் புகழ்பெற்ற ஜெனகை மாரியம்மன் கோவிலில் வைகாசி பெருந்திருவிழாவின் 6-ம் நாள் திருவிழாவான நேற்று ரிஷப வாகனத்தில் சிறப்பு அலங்காரத்தில் ஜெனகை மாரியம்மன் எழுந்தருளினார். இந்த திருவிழா பக்தர்கள் இன்றி எளிமையாக நடைபெற்று வருகிறது.

மங்கலை செங்கலை ,சம்முலையாள், மலையாள் வருணச்
சங்கலை செங்கைச் சகலகலாமயில் தாவுகங்கை
பொங்கலை தங்கும் புரிசடையோன் புடையாள், உடையாள்
பிங்கலை நீலி செய்யாள், வெளியாள் பசும்பெண் கொடியே!

பொருள்

அன்னை அபிராமி என்றுமே மங்கலத்தை தருபவளாக இருக்கிறாள். செம்மையான கலசம் போன்ற தனங்களை உடையவளே. இவளே மலைமகளாய் பிறந்தவள். வெண் சங்கு போன்ற வளையல்களை அணியப்பெற்றவள். சிவந்த திருக்கரங்களை உடையவள். சகல கலைகளையும் தந்தருளுபவள் . இவள் மயில் போன்ற அழகுடையவள். நுரை பொங்கப் பாய்ந்தோடும் கங்கை உதிக்கும் இடமான சடாமுடியை கொண்ட பரமனின் இடப்பாகத்தை தனதாக்கி கொண்டவள். பொன் நிறம் படைத்த பிங்கலை. நீல நிறத்தினை உடைய காளி. செந்நிறம் உடைய லலிதாம்பிகை. வெண்ணிறம் படைத்த வித்யா தேவி இவள். பச்சை நிறம் உடைய உமா தேவி.

கடந்த 12-ந் தேதி பாசனத்திற்காக மேட்டூர் அணை திறக்கப்பட்டது. இதனை தொடர்ந்து 16-ந் தேதி கல்லணையில் திறக்கப்பட்ட காவிரி நீர் நேற்று முன்தினம் இரவு கடைமடை பகுதியான மயிலாடுதுறை மாவட்ட எல்லையான திருவாலங்காடு காவிரி ஆற்றின் கதவணைக்கு வந்து சேர்ந்தது.

இதனைத் தொடர்ந்து அங்கிருந்து வினாடிக்கு 682 கனஅடி நீர் பொதுப்பணித்துறையினரால் திறந்து விடப்பட்டது. இந்த நீரானது நேற்று (ஞாயிற்றுக்கிழமை) மதியம் மயிலாடுதுறை காவிரி துலாக் கட்டத்தை வந்தடைந்தது.

காவிரி துலாக்கட்டத்தில் கங்கை முதலான புண்ணிய நதிகள் ஐப்பசி மாதம் முழுவதும் புனித நீராடி தங்கள் பாவங்களை போக்கிக் கொண்டதாக புராணங்களில் கூறப்படுவதால், மயிலாடுதுறை சிவாலயங்களில் இருந்து சுவாமி மற்றும் அம்பாள் எழுந்தருளி ஐப்பசி மாதம் முழுவதும் தீர்த்தவாரி நடைபெறும். அப்போது இங்கு வந்து லட்சக்கணக்கான பக்தர்கள் நீராடி செல்வது வழக்கம். இத்தகைய சிறப்பு வாய்ந்த காவிரி துலா கட்டத்திற்கு வந்த காவிரி நீரை துலாக்கட்ட பாதுகாப்பு கமிட்டியினர் சார்பில் வரவேற்பு அளிக்கப்பட்டது.

துலாக்கட்டத்திற்கு பொங்கி வந்த காவிரி அன்னைக்கு மலர்தூவி வரவேற்று, சிறப்பு பூஜைகள் செய்தனர். இதில் பொதுமக்களுடன் பொதுப்பணித்துறை அதிகாரிகளும் கலந்து கொண்டு மலர்தூவி வரவேற்றனர்.

கிராமிய நாடக கலைஞர்கள் விநாயகர், சிவன், அகத்தியர் போன்ற வேடங்கள் அணிந்து வரவேற்றனர். தொடர்ந்து பஞ்சமுக தீபாராதனை செய்து காவிரி நீரை வணங்கி வழிபாடு நடத்தினர்.

ராமேசுவரம்ராமநாதசாமி கோவில் ராமலிங்க பிரதிஷ்டை திருவிழாவில் விபீஷணர் பட்டாபிஷேகம் நிகழ்ச்சி நடைபெற்றது. தங்க கேடயத்தில் 3-ம் பிரகாரத்தின் மையப் பகுதிக்கு ராமர், சீதாதேவி லட்சுமணருடன் எழுந்த ருளினார்.

தொடர்ந்து அங்கு வைக்கப்பட்டு இருந்த இலங்கை மன்னர் ராவணன் தம்பி விபீஷணருக்கு ராமபிரான் பரிவட்டம் கட்டி இலங்கை மன்னராக பட்டாபிஷேகம் செய்யும் நிகழ்ச்சி நடந்து. சிறப்பு மகா தீபாராதனை பூஜைகள் நடைபெற்றன. பட்டாபிஷேக நிகழ்ச்சியில் கோவில் இணை ஆணையர் பழனிக்குமார், நேர்முக உதவியாளர் கமலநாதன் மற்றும் கோவில் பணியாளர்கள் கலந்து கொண்டனர்.

கொரோனா பரவல் தடுப்பு முழு ஊரடங்கு காரணமாக இரண்டாவது ஆண்டாக இந்த முறையும் ராமேசுவரம் கோவிலில் ராமலிங்க பிரதிஷ்டை திருவிழாவை காண பக்தர்கள் யாரும் அனுமதிக்கப்பட வில்லை.

பொள்ளாச்சி அருகே உள்ள ஆனைமலை ஸ்ரீ தேவி, பூதேவி சமேத ரங்கநாத பெருமாள் கோவிலில் ஆனி மாத வளர்பிறை ஏகாதாசியை முன்னிட்டு சிறப்பு பூஜை விமரிசையாக நடந்தது. இதையொட்டி சுவாமிகளுக்கு மஞ்சள், சந்தனம், பன்னீர், இளநீர், திருமஞ்சனம், கரும்புச்சாறு, பச்சரிசிமாவு, பால், தயிர், துளசி பொடி, நெல்லி பொடி, மாதுளை பொடி கொண்டு சிறப்பு அபிஷேகம் செய்யப்பட்டது.

மேலும், துளசி மாலை, குண்டுமல்லி பூ, செம்பருத்தி பூ, அரளிப்பூ, செண்பகப்பூ அணிவிக்கப்பட்டது. பின், மாம்பழம், ஆப்பிள், வாழை, ஆரஞ்சு, எலுமிச்சை ஆகிய பழங்கள் சுவாமிக்கு படைக்கப்பட்டு வழிபாடு செய்யப்பட்டது.

கொரோனா ஊரடங்கு காரணமாக கோவில் நிர்வாகிகள், அர்ச்சகர்கள் மட்டுமே பூஜையில் முகக்கவசம், சமூக இடைவெளிவிட்டு கலந்து கொண்டனர். பக்தர்களுக்கு அனுமதி அளிக்கப்படவில்லை என்பது குறிப்பிடத்தக்கது.

மாதந்தோறும் வருகின்ற வளர்பிறை மற்றும் தேய்பிறை ஏகாதசி  பெருமாள் வழிபாட்டிற்கான சிறப்புமிக்க தினங்களாக கருதப்படுகின்றன. ஒரு வருட காலத்தில் வருகின்ற மற்ற ஏகாதசி தினங்களில் விரதம் இருக்க முடியாதவர்கள் இந்த ஆனி மாத ஏகாதசி  விரதம் அனுஷ்டிப்பதால் வாழ்வில் உயரிய நிலையை அடையலாம். இந்த ஏகாதசி திதியில் நீர் கூட அருந்தாமல் உபவாசம் மேற்கொண்டு பெருமாளை வழிபடுபவர்கள், அவர்கள் மறைந்த பிறகு மோட்ச நிலை உறுதியாகக் கிடைக்கும் என்பது நம்பிக்கை. நீர் அருந்தாமல் இந்த ஆனி வளர்பிறை ஏகாதசி  விரதம் மேற்கொள்வதால் இந்த ஆனி வளர்பிறை ஏகாதசி நிர்ஜல ஏகாதசி எனவும் அழைக்கின்றனர்.

இன்று அதிகாலையில் எழுந்து குளித்து விட்டு, வீட்டில் உள்ள பெருமாள் படத்திற்கு பூக்கள் சாற்றி, தீபமேற்றி வழிபாடு செய்ய வேண்டும். உடல் நிலை நன்கு உள்ளவர்கள் இத்தினத்தில் காலை முதல் மாலை வரை எதுவும் உண்ணாமல் விரதம் இருக்க வேண்டும். நல்ல திடகாத்திரமான உடல்நிலை கொண்டவர்கள் நீர் கூட அருந்தாமல் நிர்ஜல ஏகாதசி விரதம் அனுஷ்டிப்பது விரும்பிய பலனை தரவல்லதாகும்.

நிர்ஜல ஏகாதசி தினத்தன்று தண்ணீர் தானம் செய்பவர்கள் ஒரு கோடி தங்க நாணயங்களை தானம் செய்த புண்ணியப் பலன்களை பெறுகின்றனர் எனவும் கூறப்பட்டுள்ளன. நிர்ஜல ஏகாதசியின் பெருமையை கேட்பவர்கள் கூட இறப்பிற்குப் பின் பெருமாள் அருளும் வைகுண்ட பதவியை அடைவார்கள் என்று கூறப்படுகிறது.