இது புதுசு

ஹோண்டா நிறுவனத்தின் புதிய சிட்டி மாடல் உருவாக்கப்பட்டு வருவதாக தகவல் வெளியாகி வருகிறது. புதிய சிட்டி மாடல் சோதனையின் போது எடுக்கப்பட்ட ஸ்பை படங்கள் வெளியாகி உள்ளன. இது 5th Gen சிட்டி மாடலின் பேஸ்லிபிட் வெர்ஷன் ஆகும். புதிய ஹோண்டா சிட்டி பேஸ்லிப்ட் மாடல் தாய்லாந்தில் சோதனை செய்யப்பட்டு வருகிறது. அந்த வகையில் இந்த மாடல் முதற்கட்டமாக தாய்லாந்திலேயே அறிமுகம் செய்யப்படலாம்.

புதிய பேஸ்லிப்ட் மாடலின் வெளிப்புறம் மற்றும் உள்புற டிசைனில் மாற்றங்கள் செய்யப்பட்டு இருக்கும் என தெரிகிறது. எனினும், பவர்டிரெயின் ஆப்ஷன்கள் தற்போது விற்பனை செய்யப்படும் மாடலில் உள்ளதை போன்றே வழங்கப்படலாம். ஸ்பை படங்களின் படி ஹோண்டா சிட்டி பேஸ்லிப்ட் மாடலில் ரி-ஸ்டைல் செய்யப்பட்ட முன்புற பம்ப்பர், புதிய பாக் லேம்ப் ஹவுசிங், ஏர் டேம் உள்ளிட்டவை வழங்கப்பட்டு இருக்கிறது.

ஸ்பை படங்களில் காரின் பின்புறம் எப்படி காட்சியளிக்கும் என்ற விவரங்கள் எதுவும் இடம்பெறவில்லை. எனினும், இதில் ரி-ஸ்டைல் செய்யப்பட்ட பம்ப்பர்கள் வழங்கப்படும் என எதிர்பார்க்கலாம். காரின் உள்புறம் இன்போடெயின்மெண்ட் சிஸ்டம் மாற்றப்பட்டு அதிக உபகரணங்கள் வழங்கப்படும் என தெரிகிறது.

ஹோண்டா சிட்டி பேஸ்லிப்ட் மாடலிலும் 1.5 லிட்டர் பெட்ரோல் மற்றும் பெட்ரோல் ஹைப்ரிட் என்ஜின் ஆப்ஷன்களில் கிடைக்கும் என கூறப்படுகிறது. அடுத்த ஆண்டு முதல் ஹோண்டா சிட்டி மாடலில் டீசல் என்ஜின் நீக்கப்படும் என கூறப்படுகிறது. அந்த வகையில் தற்போது விற்பனை செய்யப்படும் டீசல் என்ஜின் கார்களும் அடுத்த ஆண்டு ஏப்ரல் முதல் விற்பனைக்கு கிடைக்காது என்றே தெரிகிறது.

இவைதவிர ஹோண்டா ஜாஸ், WR-V மற்றும் 4th Gen சிட்டி மாடல்களின் விற்பனை விரைவில் நிறுத்தப்படும் என ஹோண்டா ஏற்கனவே அறிவித்து விட்டது. அமேஸ் மற்றும் சிட்டி மாடல்கள் தொடர்ந்து விற்பனை செய்யப்படும் நிலையில், புதிய எஸ்யுவி மாடலை ஹோண்டா அறிமுகம் செய்ய இருக்கிறது.

பிஎம்டபிள்யூ இந்தியா நிறுவனம் X6 ஜாரெ M எடிஷன் மாடலை அறிமுகம் செய்து இருக்கிறது. புதிய பிஎம்டபிள்யூ X6 ஜாரெ M எடிஷன் விலை ரூ. 1 கோடியே 11 லட்சம், எக்ஸ்-ஷோரூம் ஆகும். இது பிஎம்டபிள்யூ X6 ஸ்டாண்டர்டு எடிஷனை விட ரூ. 6 லட்சத்து 50 ஆயிரம் விலை அதிகம் ஆகும்.

ஜாரெ M எடிஷன் சீரிசில் ஒன்பதாவது மாடலாக புதிய X6 அறிமுகமாகி இருக்கிறது. X6 ஜாரெ M எடிஷன் மாடல் பிளாக் சபையர், M கார்பன் பிளாக் நிறத்தில் கிடைக்கிறது. இந்த எஸ்யுவி மாடலில் கிளாஸ் பிளாக் நிற முன்புற கிரில், 20-இனஅச் பிளாக் M அலாய் வீல்கள், ரெட் நிற பிரேக் கேலிப்பர்கள் வழங்கப்பட்டுள்ளன. பொனெட்டில் உள்ள பிஎம்டபிள்யூ லோகோ M டிரீட்மெண்ட் பெற்றுள்ளது.

காரின் உள்புறம் ஹார்மன் கார்டன் சவுண்ட் சிஸ்டம், வயர்லெஸ் சார்ஜர், டெம்பரேச்சர் கண்ட்ரோல் வசதியுடன் கப் ஹோல்டர்கள், பவர்டு ஸ்போர்ட்ஸ் சீட்கள், சென்சாஃபின் இருக்கை மேற்கவர்கள், டகோரா ரெட் ஸ்டிச்சிங் போன்ற அம்சங்கள் உள்ளன. M ஸ்போர்ட் வெர்ஷனை தழுவி உருவாக்கப்பட்டு இருப்பதால், இந்த காரில் M சார்ந்த அம்சங்களான M லெதர் ஸ்டீரிங் வீல், M ஸ்போர்ட் பிரேக்குகள், M ஸ்போர்ட் எக்சாஸ்ட் சிஸ்டம், அடாப்டிவ் M சஸ்பென்ஷன் உள்ளிட்டவை வழங்கப்பட்டு இருக்கிறது.

என்ஜினை பொருத்தவரை எவ்வித மாற்றமும் இன்றி 3.0 லிட்டர், ஆறு சிலிண்டர்கள் கொண்ட பெட்ரோல் என்ஜின் வழங்கப்பட்டு இருக்கிறது. இந்த என்ஜின் 335 ஹெச்பி பவர், 450 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 8 ஸ்பீடு ஆட்டோமேடிக் டிரான்ஸ்மிஷன் வழங்கப்பட்டு இருக்கிறது. இந்த கார் மணிக்கு 100 கிலோமீட்டர் வேகத்தை 5.5 நொடிகளில் எட்டிவிடும். மேலும் மணிக்கு அதிகபட்சம் 250 கிலோமீட்டர் வேகத்தில் செல்லும்.

டிரையம்ப் மோட்டார்சைக்கிள்ஸ் நிறுவனம் லிமிடெட் எடிஷன் மோட்டார்சைக்கிள் மாடல்களை இந்திய சந்தையில் அறிமுகம் செய்து இருக்கிறது. மொத்தத்தில் எட்டு லிமிடெட் எடிஷன் மோட்டார்சைக்கிள்கள் விற்பனைக்கு வந்துள்ளன. இவை அனைத்திலும் க்ரோம் பினிஷ் செய்யப்பட்டு உள்ளது.

க்ரோம் எடிஷன்கள் ராக்கெட் மற்றும் போன்வில் ரக மாடல்களில் மட்டும் வழங்கப்பட்டு இருக்கிறது. இந்த லிமிடெட் எடிஷன் மாடல்கள் ஒரு வருடத்திற்கு மட்டுமே விற்பனைக்கு கிடைக்கும். எனினும், லிமிடெட் எடிஷன் மாடல்கள் மொத்தத்தில் எத்தனை யூனிட்கள் உற்பத்தி செய்யப்படும் என்பது குறித்து டிரையம்ப் நிறுவனம் சார்பில் எந்த தகவலும் வழங்கப்படவில்லை.

புதிய லிமிடெட் எடிஷன் க்ரோம் மாடல்கள் இந்தியா மட்டுமின்றி வெளிநாட்டு சந்தையிலும் விற்பனை செய்யப்பட உள்ளன. க்ரோம் எடிஷன் மோட்டார்சைக்கிள்களை உருவாக்க புது வொர்க்‌ஷாப் அமைக்கப்பட்டு இருப்பதாக டிரையம்ப் மோட்டார்சைக்கிள்ஸ் நிறுவனம் அறிவித்து இருக்கிறது. லிமிடெட் எடிஷன் மாடலில் கூடுதல் அக்சஸரிக்கள் மற்றும் பைக்கை சுற்றி க்ரோம் பினிஷ் செய்யப்படுகிறது.

க்ரோம் பினிஷ் செய்யப்பட்ட லிமிடெட் எடிஷன் சீரிசில் விலை உயர்ந்த ராக்கெட் 3 ஜிடி மாடலில் பியூவல் டேன்க் க்ரோம் பினிஷ் மற்றும் ரெட் அக்செண்ட் செய்யப்பட்டு உள்ளது. இத்துடன் ஜெட்-பிளாக் ஹெட்லைட், ஃபிளை ஸ்கிரீன், முன்புற மட்கார்ட், ரேடியேட்டர் கௌல்கள், சைடு பேனல்கள், ரியர் பாடிவொர்க் செய்யப்பட்டு உள்ளது. இதன் விலை ரூ. 21 லட்சத்து 40 ஆயிரம் என நிர்ணயம் செய்யப்பட்டு உள்ளது.

ராக்கெட் 3 மாடலிலும் க்ரோம் பியூவல் டேன்க், பிளாக் அக்செண்ட் செய்யப்பட்டு உள்ளது. இந்த மாடலில் பிளாக் ஃபிளை ஸ்கிரீன், ஹெட்லைட் கௌல்கள், முன்புற மட்கார்ட், ரேடியேட்டர் கௌல்கள், சைடு பேனல்கள் மற்றும் ரியர் பாடிவொர்க் செய்யப்பட்டு உள்ளது. இதன் விலை ரூ. 20 லட்சத்து 80 ஆயிரம் ஆகும்.

போன்வில் டி120 க்ரோம் எடிஷனில் க்ரோம் டேன்க், புளூ அக்செண்ட்கள், பிளாக் மட்கார்ட், சைடு பேனல்கள் வழங்கப்பட்டுள்ளன. இதன் விலை ரூ. 11 லட்சத்து 89 ஆயிரம் ஆகும். இதன் பாபர் மாடலிலும் க்ரோம் பியூவல் டேன்க், பிளாக் அக்செண்ட்கள், 3டி டிரையம்ப் பேட்ஜிங் செய்யப்பட்டுள்ளது. இதன் விலை ரூ. 12 லட்சத்து 85 ஆயிரம் என நிர்ணயம் செய்யப்பட்டு உள்ளது.

பேன்வில் ஸ்பீடுமாஸ்டர் க்ரோம் எடிஷன் விலை ரூ. 12 லட்சத்து 85 ஆயிரம் ஆகும். இதில் க்ரோம் பியூவல் டேன்க் மற்றும் ரெட் சரவுண்ட்கள் செய்யப்பட்டுள்ளது. போன்வில் டி100 மாடலில் புளூ பியூவல் டேன்க், க்ரோம் மெட்டல் ஸ்ட்ரிப்கள் வழங்கப்பட்டுள்ளன. இதில் க்ரோம் பேட்ஜ் வழங்கப்பட்டுள்ளன.

ஸ்பீடு ட்வின் 900 மற்றும் ஸ்கிராம்ப்ளர் 900 மாடல்களின் விலை முறையே ரூ. 8 லட்சத்து 84 ஆயிரம், ரூ. 9 லட்சத்து 94 ஆயிரம் என நிர்ணயம் செய்யப்பட்டு உள்ளது. இந்த மோட்டார்சைக்கிள் மாடல்களுக்கான முன்பதிவு ஏற்கனேவே துவங்கி நடைபெற்று வருகிறது. வினியோகம் விரைவில் துவங்குகிறது.

ப்ரிட்டனை சேர்ந்த கார் உற்பத்தியாளரான லோடஸ் தனது முதல் எஸ்யுவி- எலெட்ரி மாடல் விவரங்களை அறிவித்து இருக்கிறது. புதிய லோடஸ் எலெட்ரி மாடல் அதிகபட்சம் 905 ஹெச்பி பவர், 600 கிலோமீட்டர் வரையிலான ரேன்ஜ் வழங்கும் திறன் கொண்டிருக்கிறது. இந்த எலெக்ட்ரிக் கார் மூன்று வேரியண்ட்களில் விற்பனைக்கு கிடைக்கும் என லோடஸ் அறிவித்துள்ளது.

அடுத்த ஆண்டின் முதல் அரையாண்டு வாக்கில் லோடஸ் எலெட்ரி மாடலின் வினியோகம் துவங்குகிறது. புதிய லோடஸ் எலெட்ரி- எலெட்ரி, எலெட்ரி எஸ் மற்றும் எலெட்ரி ஆர் என மூன்று வேரியண்ட்களில் விற்பனைக்கு கிடைக்கிறது. முற்றிலும் புதிய 800வி எலெட்ரி பிளாட்பார்மில் லோடஸ் எலெட்ரி உருவாக்கப்பட்டு இருக்கிறது. இந்த காரின் மூன்று வேரியண்ட்களிலும் 112 கிலோவாட் ஹவர் பேட்டரி மற்றும் டூயல் மோட்டார் செட்டப் வழங்கப்பட்டு உள்ளது.

எலெட்ரி மற்றும் எலெட்ரி எஸ் மாடல்களில் 6.3 ஹெச்பி பவர், 710 நியூட்டன் மீட்டர் டார்க் வழங்கும் டூயல் மோட்டார் செட்டப் வழங்கப்பட்டு இருக்கிறது. இத்துடன் சிங்கில்-ஸ்பீடு ஆட்டோமேடிக் கியர்பாக்ஸ் வழங்கப்பட்டு இருக்கிறது. இந்த கார் மணிக்கு 0 முதல் 100 கிலோமீட்டர் வேகத்தை 4.5 நொடிகளில் எட்டிவிடும். மேலும் மணிக்கு அதிகபட்சம் 258 கிலோமீட்டர் வேகத்தில் செல்லும். இந்த கார் முழு சார்ஜ் செய்தால் 600 கிலோமீட்டர் ரேன்ஜ் வழங்குகிறது.

லோடஸ் எலெட்ரி ஆர் மாடலில் 2 ஸ்பீடு கியர்பாக்ஸ் வழங்கப்பட்டு இருக்கிறது. இதில் உள்ள டூயல் மோட்டார் செட்டப் 905 ஹெச்பி பவர், 985 நியூட்டன் மீட்டர் டார்க் இழுவிசையை வெளிப்படுத்துகின்றன. இந்த கார் மணிக்கு 0 முதல் 100 கிலோமீட்டர் வேகத்தை 2.95 நொடிகளில் எட்டிவிடும். இந்த கார் மணிக்கு அதிகபட்சம் 265 கிலோமீட்டர் வேகத்தில் செல்லும். முழு சார்ஜ் செய்தால் 490 கிலோமீட்டர் ரேன்ஜ் வழங்குகிறது.

மாருதி சுசுகி நிறுவனம் இந்திய சந்தையில் CNG கிட் கொண்ட கார்களை அறிமுகம் செய்து வருகிறது. இந்த வரிசையில் பிரெஸ்ஸா எஸ்யுவி மாடலின் CNG வேரியண்டை மாருதி சுசுகி அறிமுகம் செய்ய இருப்பதாக தகவல் வெளியாகி உள்ளது. மேலும் இந்த கார் மேனுவல் மற்றும் ஆட்டோமேடிக் கியர்பாக்ஸ் ஆப்ஷன்களில் கிடைக்கும் என்றும் கூறப்படுகிறது.

விரைவில் அறிமுகம் செய்யப்படுவதாக கூறப்படும் நிலையில், மாருதி சுசுகி பிரெஸ்ஸா எஸ்யுவி-யின் CNG வெர்ஷனின் ஆட்டோமேடிக் கியர்பாக்ஸ் வேரியண்ட் பற்றிய தகவல்கள் அந்நிறுவன வலைதளத்தில் இருந்தே லீக் ஆகி இருக்கிறது. அதன்படி புதிய மாருதி சுசுகி பிரெஸ்ஸா CNG மாடலில் 6 ஸ்பீடு ஆட்டோமேடிக் டிரான்ஸ்மிஷன் வழங்கப்பட இருக்கிறது.

இந்த தகவல் உண்மையாகும் பட்சத்தில் இந்தியாவில் ஆட்டோமேடிக் கியர்பாக்ஸ் கொண்ட முதல் CNG எஸ்யுவி என்ற பெருமையை மாருதி சுசுகி பிரெஸ்ஸா பெறும். இத்துடன் நாட்டின் முதல் ஆட்டோமேடிக் CNG பயணிகள் கார் என்ற பெருமையையும் பெறும். முதல் மற்றும் இரண்டாம் கட்ட நகரங்களில் CNG வாகனங்களுக்கு வரவேற்பு அதிகரிப்பதை அடுத்து ஆட்டோமேடிக் கியர்பாக்ஸ் வழங்கப்படுகிறது.

இதன் மூலம் வாகன விற்பனையும் அதிகரிக்கும் என எதிர்பார்க்கலாம். புதிய பிரெஸ்ஸா மாடலிலும் 1.5 லிட்டர் NA என்ஜின் வழங்கப்பட இருக்கிறது. இதே என்ஜின் மாருதி சுசுகி எர்டிகா எம்பிவி மாடலிலும் வழங்கப்பட்டு இருக்கிறது. இந்த என்ஜின் 90 ஹெச்பி பவர், 122 நியூட்டன் மீட்டர் டார்க் இழுவிசையை வெளிப்படுத்தும் என தெரிகிறது.

ஜப்பான் நாட்டை சேர்ந்த மோட்டார்சைக்கிள் உற்பத்தியாளரான ஹோண்டா 2023 NT1100 மோட்டார்சைக்கிளை அறிமுகம் செய்தது. ஆப்ரிக்கா ட்வின் சார்ந்து உருவாக்கப்பட்ட ஹோண்டா NT1100 ஸ்போர்ட் டூரர் மாடல் புதிய நிற ஆப்ஷன்கள் மற்றும் மேனுவல், டிசிடி டிரான்ஸ்மிஷன் ஆப்ஷன்களில் கிடைக்கிறது.

ஆப்ரிக்கா ட்வின் அட்வென்ச்சர் மோட்டார்சைக்கிள் போன்றே புதிய 2023 NT1100 லிக்விட் கூல்டு, 8 வால்வுகள், 1084சிசி பேரலல் ட்வின் என்ஜின் வழங்கப்பட்டு இருக்கிறது. இந்த என்ஜின் 100.57 ஹெச்பி பவர், 104 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 6 ஸ்பீடு மேனுவல் கியர்பாக்ஸ் அல்லது 6 ஸ்பீடு டூயல் கிளட்ச் டிரான்ஸ்மிஷன் என இருவித கியர்பாக்ஸ் ஆப்ஷன்களில் கிடைக்கிறது.

இந்த டிசிடி யூனிட் மோட்டார்சைக்கிளை நான்கு வித மோட்களில் கண்ட்ரோல் செய்ய உதவுகிறது. இத்துடன் விரும்புவோர் தேர்வு செய்யும் வகையில் ஆப்ஷனல் முறையில் குயிக்‌ஷிப்டர் வழங்கப்பட்டு இருக்கிறது. இந்த மோட்டார்சைக்கிள்- அர்பன், ரெயின், டூர், யூசர் 1 மற்றும் யூசர் 2 என ஐந்து வித ரைடிங் மோட்களை கொண்டிருக்கிறது. இத்துடன் குரூயிஸ் கண்ட்ரோல், வீலி கண்ட்ரோல், 3 ஸ்டெப் டிராக்‌ஷன் கண்ட்ரோல் சிஸ்டம் வழங்கப்பட்டு உள்ளது.

புதிய ஹோண்டா NT1100 மாடலில் டிஎப்டி டச் ஸ்கிரீன் டிஸ்ப்ளே, இரண்டாவதாக பெரிய எல்சிடி யூனிட் வழங்கப்பட்டு இருக்கிறது. இதன் பெரிய டிஸ்ப்ளே ஆண்ட்ராய்டு ஆட்டோ மற்றும் ஆப்பிள் கார்பிளே மற்றும் ப்ளூடூத் உள்ளிட்டவைகளுக்கான சப்போர்ட் கொண்டிருக்கிறது.

மெர்சிடிஸ் பென்ஸ் நிறுவனம் ஆல்-எலெக்ட்ரிக் EQB காரை இந்தியாவில் அறிமுகம் செய்வதாக ஏற்கனவே அறிவித்து விட்டது. இந்த நிலையில், டிசம்பர் மாத துவக்கத்தில் 7 சீட்டர் GLB மாடல் இந்திய சந்தையில் அறிமுகம் செய்யப்பட இருப்பதாக தகவல் வெளியாகி உள்ளது. மேலும் இந்த கார் மெக்சிகோவில் இருந்து இறக்குமதி செய்யப்படலாம் என்றும் கூறப்படுகிறது.

முன்புற டிரைவ் வீல் வசதி கொண்ட ஏ செடான் மற்றும் GLA மாடல்கள் இந்தியாவில் அசெம்பில் செய்யப்படும் நிலையில், புதிய GLB மாடல் இறக்குமதி செய்யப்பட இருக்கிறது. சர்வதேச சந்தையில் GLB மாடல் 2019 வாக்கில் அறிமுகம் செய்யப்பட்டது. முழுமையாக இறக்குமதி செய்யப்படுவதால் புதிய மெர்சிடிஸ் பென்ஸ் GLB மாடலின் விலை அதிகமாகவே நிர்ணயம் செய்யப்படும் என எதிர்பார்க்கலாம்.

இந்திய சந்தையில் மெர்சிடிஸ் பென்ஸ் GLB விலை ரூ. 65 லட்சத்தில் துவங்கி அதிகபட்சமாக ரூ. 70 லட்சம் வரை நிர்ணயம் செய்யப்படலாம். இது GLA மற்றும் ஏ செடான் மாடல்களை விட அதிகம் ஆகும். இவற்றின் விலை முறையே ரூ. 45 லட்சம் மற்றும் ரூ. 42 லட்சம் என துவங்குகிறது. 7 சீட்டர் மாடல் என்பதால் புதிய GLB இந்தியா கொண்டுவரப்பட இருக்கிறது. மெர்சிடிஸ் நிறுவன மாடல்களில் GLS தவிர 7 சீட்டர் ஆப்ஷன் கொண்ட கார் என்ற பெருமையை GLB பெற இருக்கிறது.

ஜெர்மன் நாட்டை சேர்ந்த ஸ்போர்ட்ஸ் கார் உற்பத்தியாளரான போர்ஷே புதிய 911 கரெரா டி மாடலை அறிமுகம் செய்து இருக்கிறது. புதிய போர்ஷே 911 கரெரா டி மாடலில் 3.0 லிட்டர் ட்வின் டர்போசார்ஜ் செய்யப்பட்ட ஃபிளாட் சிக்ஸ் என்ஜின் வழங்கப்பட்டு இருக்கிறது. இந்த என்ஜின் 380 ஹெச்பி பவர், 450 நியூட்டன் மீட்டர் டார்க் இழுவிசையை வெளிப்படுத்துகிறது. இத்துடன் 7 ஸ்பீடு மேனுவல் கியர்பாக்ஸ் வழங்கப்பட்டு இருக்கிறது.

ரியர் வீல் டிரைவ் கொண்ட போர்ஷே 911 கரெரா டி மாடலில் போர்ஷேவின் டார்க் வெக்டாரிங் சிஸ்டம் மற்றும் மெக்கானிக்கல் லாக்கிங் ரியர் டிப்ரென்ஷியல் வழங்கப்பட்டு இருக்கிறது. இதன் மூலம் காரின் கார்னெரிங் திறன் சிறப்பானதாக இருக்கும். புதிய கரெரா டி மாடல் முந்தைய கரெரா ஸ்டாண்டு எடிஷனை விட 35 கிலோ வரை எடை குறைவு ஆகும். இத்துடன் கரெரா டி மாடலுக்கென 20 மற்றும் 21 இன்ச் வீல்கள் வழங்கப்பட்டுள்ளன.

புதிய போர்ஷே கரெரா டி மாடல் மணிக்கு 0 முதல் 100 கிலோமீட்டர் வேகத்தை 4.5 நொடிகளில் எட்டிவிடும். மேலும் இது மணிக்கு அதிகபட்சம் 291 கிலோமீட்டர் வேகத்தில் சீறிப்பாயும் திறன் கொண்டிருக்கிறது. இத்துடன் புதிய கரெரா டி மாடலில் போர்ஷேவின் ஸ்போர்ட்ஸ் எக்சாஸ்ட் சிஸ்டம் பொருத்தப்பட்டு இருக்கிறது. இதுதவிர இந்த காருடன் ஸ்போர்ட் க்ரோனோ பேக்கேஜ் ஸ்டாண்டர்டு அம்சமாக வழங்கப்படுகிறது.

இண்டீரியரை பொருத்தவரை புதிய கரெரா டி மாடலில் ஜிடி ஸ்போர்ட்ஸ் ஸ்டீரிங் வீல், ஆப்ஷனல் காண்டிராஸ்ட் நிற சீட் பெல்ட்கள், ஸ்டிட்ச், ஹெட்ரெஸ்ட் லோகோ மற்றும் ஃபுளோர் மேட் உள்ளிட்டவை வழங்கப்படுகிறது. இத்துடன் இருக்கைகளை எலெக்ட்ரிக் முறையில் 18 வழிகளில் அட்ஜஸ்ட் செய்யும் வசதி வழங்கப்பட்டு இருக்கிறது. புதிய போர்ஷே கரெரா டி மாடல்- பிளாக், வைட், கார்ட்ஸ் ரெட் மற்றும் ரேசிங் எல்லோ என நான்கு நிறங்களில் கிடைக்கிறது.

இத்துடன் டீப் பிளாக், ஜெண்டியன் புளூ, ஐஸ் கிரே மற்றும் ஜிடி சில்வர் என நான்கு வித மெட்டாலிக் பெயிண்ட் பினிஷ்களில் கிடைக்கிறது. மேலும் சால்க், ரூபி ஸ்டார் நியோ, கார்மைன் ரெட், ஷார்க் புளூ மற்றும் பைத்தான் கிரீன் போன்ற சிறப்பு நிறங்களிலும் கிடைக்கிறது.

ஹூண்டாய் வெர்னா மாடல் இந்தியாவின் அதிகம் விற்பனையாகும் கார் மாடல்களில் ஒன்றாக இருக்கிறது. இது மட்டுமின்றி ஹூண்டாய் நிறுவனத்தின் அதிகம் விற்பனையான கார் மாடலாகவும் வெர்னா விளங்கியது. எனினும், கடந்த சில ஆண்டுகளாக ஹூண்டாய் வெர்னா மாடல் விற்பனை தொடர்ந்து சரிவடைந்து வருகிறது.

இந்திய சந்தையில் ஹூண்டாய் கிரெட்டா மற்றும் வென்யூ எஸ்யுவி மாடல்களுக்கான வரவேற்பு அதிகரித்து வருவதை அடுத்து ஹூண்டாய் வெர்னா விற்பனை சரிவடைந்து இருக்கும் என கூறப்படுகிறது. இத்துடன் செடான் பிரிவில் புது மாற்றங்களுக்கு ஏற்ப ஹூண்டாய் வெர்னா அப்டேட் செய்யப்படவில்லை. இது செடான் கார்களை வாங்குவோரை கவர மறுத்துவிட்டது.

தற்போது வெளியாகி இருக்கும் தகவல்களில் ஹூண்டாய் நிறுவனம் அடுத்த தலைமுறை ஹூண்டாய் வெர்னா செடான் மாடலை அறிமுகம் செய்வதற்கான பணிகளில் ஈடுபட்டு வருவதாக கூறப்படுகிறது. முன்னதாக இந்த மாடல் சோதனை நடத்தப்படும் படங்கள் பலமுறை இணையத்தில் வெளியாகி உள்ளன. அந்த வகையில் புதிய ஹூண்டாய் வெர்னா செடான் மாடல் முற்றிலும் புதிய டிசைன் கொண்டிருக்கும் என கூறப்படுகிறது.

வெளிப்புறம் மட்டுமின்றி காரின் உள்புறத்திலும் அதிக மற்றங்கள் செய்யப்பட்டு இருக்கும் என கூறப்படுகிறது. இதில் பெரிய இன்போடெயின்மெண்ட் யூனிட் மற்றும் டிஜிட்டல் இன்ஸ்ட்ரூமெண்ட் கிளஸ்டர் வழங்கப்படும் என தெரிகிறது.

புதிய ஹூண்டாய் வெர்னா மாடலில் எல்இடி ஹெட்லைட்கள், கனெக்டெட் கார் தொழில்நுட்பம், வயர்லெஸ் ஸ்மார்ட்போன் சார்ஜர், எலெக்ட்ரிக் சன்ரூப், ஆர்கமிஸ் பிரீமியம் சவுண்ட் சிஸ்டம், 8 இன்ச் டச் ஸ்கிரீன் வசதி கொண்ட இன்போடெயின்மெண்ட் சிஸ்டம், ஆண்ட்ராய்டு ஆட்டோ, ஆப்பிள் கார்பிளே கனெக்டிவிட்டி, பின்புறம் ஏசி வெண்ட்கள், வெண்டிலேடெட் சீட்கள், எலெக்ட்ரிக் அட்ஜஸ்ட் வசதி கொண்ட ORVM-கள் மற்றும் பல்வேறு வசதிகள் வழங்கப்படும் என தெரிகிறது.

வால்வோ கார் இந்தியா நிறுவனம் உள்நாட்டில் உற்பத்தி செய்யப்ட்ட வால்வோ XC40 ரிசார்ஜ் மாடலை கர்நாடக மாநிலத்தின் ஹோஸ்கோட் ஆலையில் இருந்து வெளியிட்டுள்ளது. முதல் XC40 ரிசார்ஜ் மாடல் அந்த ஆலையின் தலைவர் பஸ்கல் கஸ்டர் முன்னிலையில் வெளியிடப்பட்டது. இவருடன் ஆலையில் பணியாற்றும் குழுவினரும் கலந்து கொண்டனர்.

இந்திய சந்தையில் ஜூலை 26 ஆம் தேதி அறிமுகம் செய்யப்பட்ட வால்வோ XC40 ரிசார்ஜ் மாடல், இந்த மாதத்தில் வினியோகம் செய்யப்பட உள்ளது. டிசம்பர் 2022 இறுதிக்குள் 150 யூனிட்களையும் வினியோகம் செய்ய வால்வோ நிறுவனம் திட்டமிட்டுள்ளது. வால்வோ XC40 ரிசார்ஜ் முதல் யூனிட் அக்டோபர் மாத வாக்கில் துவங்க இருக்கிறது.

இந்தியாவில் அசெம்பில் செய்யப்பட்ட முதல் ஆடம்பர எஸ்யுவி மாடலாக வால்வோ XC40 ரிசார்ஜ் இருக்கிறது. இந்த மாடல் கர்நாடக மாநிலத்தின் பெங்களூரு அருகே உள்ள ஆலையில் உற்பத்தி செய்யப்பட இருக்கிறது. வால்வோ XC40 ரிசார்ஜ் மாடல் 78 கிலோவாட் ஹவர் பேட்டரி பேக் கொண்டிருக்கிறது.

இந்த கார் 408 ஹெச்.பி. பவர், 660 நியூட்டன் மீட்டர் டார்க் இழுவிசையை வெளிப்படுத்துகிறது. இந்த கார் முழு சார்ஜ் செய்தால் 418 கிமீ ரேன்ஜ் வழங்குகிறது. இந்த காரை 150 கிலோவாட் பாஸ்ட் சார்ஜர் மூலம் 10 முதல் 80 சதவீதம் வரை சார்ஜ் செய்ய 28 நிமிடங்களே ஆகும்.

ஜீப் நிறுவனம் கடந்த மாத துவக்கத்தில் புதிய அவெஞ்சர் எலெக்ட்ரிக் காரை அறிமுகம் செய்தது. இது ஜீப் நிறுவனத்தின் மிகவும் சிறிய எலெக்ட்ரிக் கார் ஆகும். முன்னதாக கார் காட்சிப்படுத்தப்பட்ட நிலையில், தற்போது இதன் பவர்டிரெயின் மற்றும் ரேன்ஜ் பற்றிய தகவல்கள் வெளியிடப்பட்டு உள்ளன. மேலும் புதிய ஜீப் அவெஞ்சர் மாடல் ஐரோப்பாவில் அறிமுகம் செய்யப்படும் என அறிவிக்கப்பட்டு இருக்கிறது.

ஸ்டெலாண்டிஸ் நிறுவனத்தின் STLA சிறிய பிளாட்பார்ம் பயன்படுத்திய முதல் கார் என்ற பெருமையை அவெஞ்சர் பெற்று இருக்கிறது. இந்த எலெக்ட்ரிக் கார் அடுத்த ஆண்டின் முதல் அரையாண்டு வாக்கில் விற்பனைக்கு வர இருக்கிறது. புதிய அவெஞ்சர் மாடலில் 54 கிலோவாட் ஹவர் பேட்டரி வழங்கப்பட்டு இருக்கிறது. இது முழு சார்ஜ் செய்தால் 400 கிலோமீட்டர் வரை செல்லும். எனினும், பயணிக்கும் நிலைகளுக்கு ஏற்ப இந்த கார் அதிகபட்சம் 550 கிலோமீட்டர் வரையிலான ரேன்ஜ் வழங்கும் என ஜீப் தெரிவித்து இருக்கிறது.

புதிய ஜீப் அவெஞ்சர் எலெக்ட்ரிக் காரில் வழங்கப்பட்டு இருக்கும் பேட்டரியை 100 கிலோவாட் கேபிள் கொண்டு 20-இல் இருந்து 80 சதவீதம் வரை சார்ஜ் செய்ய 24 நிநிடங்களே ஆகும். இதில் உள்ள எலெக்ட்ரிக் மோட்டார்கள் 154 ஹெச்பி பவர், 260 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளன. இந்த கார் 2 வீல் டிரைவ் மற்றும் 4 வீல் டிரைவ் என இருவித வேரியண்ட்களில் கிடைக்கும்.

இத்துடன் ஜீப் நிறுவனத்தின் செலக்-டிரெயின் ஆப்-ரோடு மோட்கள் (நார்மல், இகோ, ஸ்போர்ட், ஸ்னோ, மட் மற்றும் ஸ்னோ) உள்ளிட்டவை அவெஞ்சர் மாடலில் வழங்கப்பட்டு இருக்கிறது. இந்த கார் ஐரோப்பா, ஜப்பான் மற்றும் தென் கொரியா போன்ற நாடுகளில் விற்பனை செய்யப்பட உள்ளது. அதன் பின் எதிர்காலத்தில் இந்திய சந்தையிலும இந்த மாடல் அறிமுகம் செய்யப்படும் என தெரிகிறது.

ஜெர்மன் நாட்டு ஆடம்பர கார் உற்பத்தியாளர் மெர்சிடிஸ் முற்றிலும் புதிய EQE எஸ்யுவி-யை அறிமுகம் செய்து இருக்கிறது. புதிய மெர்சிடிஸ் EQE எஸ்யுவி பிளாக்‌ஷிப் எஸ்யுவி-யான EQS மாடலின் மினி வெர்ஷன் ஆகும். புதிய மெர்சிடிஸ் பென்ஸ் EQE எலெக்ட்ரிக் கார் மூன்று ரெகுலர் வெர்ஷன்கள், இரண்டு AMG பேட்ஜ் கொண்ட மாடல்கள் என ஐந்து வித வெர்ஷன்களில் கிடைக்கிறது.

புதிய மெர்சிடிஸ் EQE எலெக்ட்ரிக் எஸ்யுவி-யின் எண்ட்ரி-லெவல் வெர்ஷனாக 350+ இருக்கிறது. இது ரியர் வீல் டிரைவ் கொண்ட மாடல் ஆகும். இந்த வேரியண்ட் முழு சார்ஜ் செய்தால் 590 கிலோமீட்டர் வரை செல்லும் என சான்று பெற்று இருக்கிறது. இதன் சிங்கில் எலெக்ட்ரிக் மோட்டார் 288 ஹெச்பி பவர், 565 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

EQE 350 4மேடிக் வெர்ஷன் முழு சார்ஜ் செய்தால் 558 கிலோமீட்டர் வரை செல்கிறது. இந்த காரின் செயல்திறன் 765 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. EQE 500 4மேடிக் மாடல் முழு சார்ஜ் செய்தால் 547 கிலோமீட்டர் வரை செல்லும். இதன் டூயல் மோட்டார் செட்டப் 402 ஹெச்பி பவர், 858 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது.

AMG மாடலின் பேஸ் வேரியண்ட் EQE 43 4மேடிக் மாடல் டூயல் மோட்டார் செட்டப் 469 ஹெச்பி பவர், 858 நியூட்டன் மீட்டர் டார்க் இழுவிசையை வெளிப்படுத்துகிறது. EQE 43 4மேடிக் எஸ்யுவி முழு சார்ஜ் செய்தால் 488 கிலோமீட்டர் வரை செல்லும். இந்த கார் மணிக்கு 0 முதல் 100 கிலோமீட்டர் வேகத்தை 4.3 நொடிகளில் எட்டிவிடும். மேலும் மணிக்கு அதிகபட்சம் 210 கிலோமீட்டர் வேகத்தில் செல்கிறது.